Një aksident ndodhi mëngjesin e sotëm në Prishtinë.
Faqja “Vrojtuesit e lagjes” bëri të ditur se një kamion e ka goditur një muri, në rrugën “Azem Babiqi”, në lagjen Taslixhe.
Author: ATVLive
-
Nuk kalon raporti i Komisionit për verifikimin e mandateve, Kuvendi shkon në pauzë
Kryesuesi i seancës konstituive të Kuvendit të Kosovës, Avni Dehari, bëri të ditur se raporti i Komisionit të përkohshëm për verifikimin e mandateve nuk mori shumicën e votave në seancën e parë të legjislaturës së nëntë.
Ai njoftoi se shumica e deputetëve votuan kundër ose abstenuan, duke bërë që raporti të mos kalojë.
“Shërbimi i deputetëve vërteton se 52 deputetë kanë dhënë votën për, 46 kundër dhe 11 kanë abstenuar. Në bazë të kësaj konstatojmë se raporti i Komisionit të përkohshëm për verifikimin e kuorumit të mandateve të deputetëve të Legjislaturës nëntë, nuk kalon”, tha Dehari.
Ai ftoi përfaqësuesit e partive në konsultime para se votimi të përsëritet pas një pauze të shkurtër.
“I ftojmë përfaqësuesit e subjekteve për një konsultim dhe pas një pauze të shkurtër, përsëri votojmë”, u shpreh Dehari.
Më shumë detaje i gjeni në videon më poshtë:
-
Komisioni i përkohshëm konstaton vlefshmërinë e mandateve të deputetëve të rinj
Deputeti i Lëvizjes Vetëvendosje, Artan Abrashi, gjatë seancës konstituive të Kuvendit të Kosovës, njoftoi se Komisioni i përkohshëm ka shqyrtuar dokumentacionin zgjedhor dhe ka konstatuar vlefshmërinë e mandateve për 120 deputetët e rinj të legjislaturës së nëntë.
Ai tha se verifikimi u bë në mbështetje të Rregullores së Kuvendit dhe në bazë të dokumenteve të Komisionit Qendror të Zgjedhjeve.
“Në mbështetje të nenit nëntë pika pesë të Rregullores së Punës së Kuvendit, Komisioni i përkohshëm për verifikimin e kuorumeve dhe të mandateve, në mbledhjen e mbajtur më 15 prill 2025, e shqyrtoi dokumentacionin përkatës zgjedhor… dhe konstaton se në legjislaturën e nëntë janë certifikuar 120 deputetë”, tha Abrashi.
Ai gjithashtu bëri të ditur ndarjen e mandateve sipas subjekteve politike që dolën nga zgjedhjet e 9 shkurtit.
“Lëvizja Vetëvendosje – 48 deputetë, Partia Demokratike e Kosovës – 24 deputetë, Lidhja Demokratike e Kosovës – 20 deputetë, Lista Serbe – 9 deputetë, AAK, Nisma, Konservatorët dhe Intelektualët – 8 deputetë, KDTP – 2 deputetë, IRDK – 1 deputet, Nova Demokratska Stranka – 1 deputet, Sa Sllobodu, Pravdu i Ops, Tanak – 1 deputet”, u shpreh Abrashi.
Deklaratën e plotë të deputetit Artan Abrashi nga seanca konstituive të Kuvendit të Kosovës, e gjeni në videon më poshtë:
-
Jakaj: Shtyrja e konstituimit të Kuvendit nuk mund të shkojë në pafundësi
Përfaqësuesi i Institutit Kosovar për Drejtësi, Naim Jakaj, në STUDIO E HAPUR në ATV, tha se sipas Kushtetutës dhe vendimeve të Gjykatës Kushtetuese, Kuvendi duhet të konstituohet dhe nuk mund të zvarritet pafundësisht.
Ai tha se, ndonëse aktgjykimi i Kushtetueses nuk parasheh shkuarjen automatikisht në zgjedhje nëse nuk zgjidhet kryetari i Kuvendit, ai e detyron deputetët të marrin pjesë dhe të votojnë.
“Edhe në Kushtetutë, po edhe në aktgjykim të Gjykatës Kushtetuese, nuk tregohet që shkohet në zgjedhje në rast se nuk zgjedhet kryetari i Kuvendit. Dhe kjo shkon pa mbarim, por sipas aktgjykimit të Gjykatës thuhet që është detyrë e Kuvendit, është detyrë e deputetëve që me marrë pjesë në seancë, me votu për, kundër ose abstenim”, tha Jakaj.
Sipas tij, themelimi i institucioneve nuk është vetëm çështje politike, por detyrim kushtetues.
“Nuk është parim demokratik, po është e detyrueshme që institucionet me i themelu, në këtë rast Kuvendin dhe më pastaj edhe Qeverinë e Kosovës”, u shpreh Jakaj.
Deklaratën e plotë të Naim Jakajt në STUDIO E HAPUR, e gjeni në videon më poshtë:
-
PriBank thërret mbledhje të përgjithshme të aksionarëve
NJOFTIM
Njoftohen të gjithë Aksionarët e PriBank Sh.A. se sipas kërkesave të ligjit nr.04/L-093 për bankat institucionet mikrofinanciare dhe institucionet financiare jobankare, nenit 24, dhe statutit të PriBank, Mbledhja e Përgjithshme e Aksionarëve, do të mbahet më datë 25 Prill 2025, ditë e Premte, prej orës 16:00. Mbledhja do të mbahet në lokalet e Zyrës Qendrore të PriBank në lagjen Kalabria në Prishtinë.
Në këtë mbledhje propozohet ky:
REND DITE
- Shqyrtimi dhe miratimi i Raportit të punës së Bordit të Drejtorëve për vitin 2024
- Shqyrtimi dhe miratimi i Raportit vjetor të PriBank për vitin 2024
- Shqyrtimi dhe miratimi i Raportit të Auditorit të Pavarur për vitin 2024
- Zgjedhja e Auditorit të Pavarur për auditimin e pasqyrave financiare të PriBank për vitin 2025
- Të ndryshme
Bordi i Drejtorëve
PriBank -
Damka kapet duke diskutuar ndarjen e pozitave me Kurtin gjatë seancës konstituive
Gjatë seancës konstituive të Kuvendit të Kosovës, kamerat kanë kapur një bisedë të shkruar nga deputeti i Partisë Demokratike Turke të Kosovës (KDTP), Fikrim Damka, ku zbulohet një komunikim për ndarjen e posteve me kryeministrin Albin Kurti, raporton ATV.
Në mesazhin e shkruar nga Damka, përmendet propozimi i Kurtit që Emilja Rexhepi të emërohet nënkryetare e Kuvendit, ndërsa një përfaqësues tjetër të marrë një post zëvendësministror.
“Fidani le ta propozojë zv.ministrin në Ministri të Mbrojtjes ose Shëndetësisë. Nënkryetare me marrë Emilija”, thuhet në mesazhin që i referohet një marrëveshjeje të propozuar nga Kurti.
Në përgjigje, Damka shpreh se propozimi nuk është pranuar nga kryeministri dhe se negociatat nuk po japin rezultat.
“Jo kryeministër nuk e pranon, nuk po bi…”, shkruan Damka në mesazh gjatë seancës. /atvlive.tv
-
Kuvendi shkon në pauzë
Kryesuesi i seancës konstituive, Avni Dehari, gjatë mbledhjes së parë të Legjislaturës së nëntë të Kuvendit të Kosovës, ka dërguar kuvendin në një pauzë të shkurtër për t’i dhënë kohë komisionit të verifikimit të mandateve të mblidhet dhe të raportojë.
Dehari kërkoi që komisioni të mblidhet menjëherë dhe Kuvendit t’i paraqitet raporti brenda kohës së caktuar.
“Ftoj komisionin që të takohet menjëherë në sallën numër dhjetë dhe pastaj Kuvendit t’ia paraqesë raportin. Përafërsisht pesëmbëdhjetë minuta duhet të zgjasë pauza pushimi”, tha Dehari.
-
Avni Dehari hap seancën konstituive të Kuvendit të Kosovës
Deputeti Avni Dehari, si më i vjetri për nga mosha në Legjislaturën e nëntë, ka hapur sot seancën konstituive të Kuvendit të Republikës së Kosovës, të dalë nga zgjedhjet e 9 shkurtit 2025.
Ai tha se e merr këtë përgjegjësi në përputhje me Rregulloren e Kuvendit dhe do të kryesojë seancën deri në zgjedhjen e kryetarit të ri të Kuvendit.
“Kam nderin dhe kënaqësinë që, mbështetur në nenin 9 pika 1 të Rregullores së Kuvendit të Republikës së Kosovës, unë, Avni Dehari, në cilësinë e deputetit më të vjetër për nga mosha, në Legjislaturën e nëntë, ta kryesoj seancën konstituive të Kuvendit… deri në zgjedhjen e Kryetarit të Kuvendit”, tha Dehari.
Ai falënderoi të gjithë të pranishmit, përfshirë ambasadorët dhe përfaqësuesit ndërkombëtarë, për pjesëmarrjen në këtë seancë.
“Kam kënaqësi të veçantë që t’ju përshëndes dhe t’u dëshiroj mirëseardhje mysafirëve të nderuar… ambasadorëve të vendeve mike të akredituar në Prishtinë dhe të gjithë të ftuarve të tjerë të pranishëm në këtë seancë konstituive, si dhe mediave që po e përcjellin”, u shpreh Dehari.
Deklaratën e plotë të Avni Deharit në seancën konstituive të Kuvendit të Kosovës, e gjeni në videon më poshtë:
-
Këto janë procedurat e konsitituimit të Kuvendit
Gazetari Leart Hoxha, në STUDIO E HAPUR në ATV, sqaroi në detaje procedurat që duhet ndjekur gjatë konstituimit të Kuvendit, duke theksuar pikat që mund të shkaktojnë komplikime ligjore.
Ai tha se seanca hapet nga deputeti më i vjetër dhe më pas formohet Komisioni për verifikimin e mandateve, ku mund të lindë edhe kontesti i parë.
“Pritet që seanca të drejtohet nga Avni Deharja si deputeti më i vjetër dhe Sala Jashari si deputetja më e re. Caktohet nga re anëtar për Komision të përkohshëm të verifikimit të kuorumit dhe mandateve… kishte spekulime që pikërisht këtu mund të jetë pengesa e parë dhe mund të shkojë krejt procedura në komplikime të reja ose mund të shkojë në Gjykatë Kushtetuese, në rast se konstatohet që ministrat ose anëtarët e Kabinetit qeveritar nuk kanë dhënë dorëheqje edhe e bëjnë betimin e deputetit”, tha Hoxha.
Më tej, ai shpjegoi se propozimi për kryetar Kuvendi i takon subjektit më të madh, e më pas tri partitë tjera nominojnë nënkryetarët.
“Subjekti më i madh parlamentar e propozon kandidatin për kryetar të Kuvendit. Këtë punë po e dimë, i takon Vetëvendosjes. Më pas votohet, dhe tri partitë tjera më të mëdha nominojnë kandidatët e tyre për nënkryetarë, ku duhet të jetë edhe përfaqësimi gjinor”, u shpreh Hoxha.
Më shumë detaje i gjeni në videon më poshtë:
-
Deputetët e LDK-së futen në sallën kryesore të Kuvendit,
Deputetët e zgjedhur të Lidhjes Demokratike të Kosovës sapo janë futur sallën kryesore në Kuvend në pritje të nisjes së seancës konstituive.
Aty më herët janë futur edhe deputetët e Partisë Demokratike të Kosovës.
Po ashtu, në Kuvend janë tashmë edhe disa deputetë të pakicave.
Por në sallën ku pritet të mbahet seanca konstituive, mungojnë ende deputetët e Lëvizjes Vetëvendosje dhe Nismës Socialdemokrate.
Kryetari i LVV-së, Albin Kurti ka bërë përpjekje intensive dje deri vonë dhe sot herët për ta marrë Nismën e Fatmir Limajt në një koalicion qeverisës.
Ata të dy me të mbërritur në objektin e Kuvendit pa iu përgjigjur interesimit të gazetarëve nëse kanë tashmë një marrëveshje.