Author: ATVLive

Gjeneralmajori italian Roberto Vergori ka marrë të mërkurën komandën e misionit të KFOR-it në Kosovë nga gjeneralmajori turk Özkan Ulutaş, në ceremoninë e mbajtur në shtabin e misionit të KFOR-it, në kampin “Film City” në Prishtinë.

Në ceremoninë e ndërrimit të komandës, u theksua rëndësia e vazhdimit të misionit të KFOR-it për ruajtjen e një mjedisi të sigurt, stabilitetit rajonal dhe mbështetjes së dialogut ndërmjet Kosovës dhe Serbisë.

Komandanti i ri i KFOR-it, gjeneralmajor Roberto Vergori, tha se marrja e këtij posti përbën një privilegj dhe përgjegjësi të madhe, duke u zotuar që do ti bashkohet përkushtimit të misionit për Kosovën.

Ai siguroi se KFOR-i do të vazhdojë angazhimin për përmbushjen e mandatit të tij dhe krijimin e kushteve për një të ardhme të qëndrueshme për të gjitha komunitetet në Kosovë.

“Edhe në vitin 1999, kur fillova dislokimin tim të parë operacional, nuk do ta kisha menduar se një ditë do të shërbeja në operacionin më të gjatë dhe, ndoshta, më të madh të NATO-s. Sot, të jem pjesë e këtij misioni nuk është vetëm detyrë, por një privilegj i jashtëzakonshëm dhe një përgjegjësi e madhe. Ashtu siç u tha, edhe unë i bashkohem këtij përkushtimi ndaj Kosovës. Ne mbetemi thellësisht të përkushtuar për përmbushjen e mandatit tonë afatgjatë, me angazhim të vazhdueshëm operacional. Synimi ynë është të sigurojmë që misioni të vazhdojë të luajë rolin e tij në krijimin e kushteve të duhura për një të ardhme në të cilën gjeneratat e reja mund të gëzojnë plotësisht përfitimet e paqes së qëndrueshme, demokracisë dhe prosperitetit. Ky është edhe motoja ime: liri për njerëzit, shërbim për njerëzit. Ne jemi krenarë për misionin tonë, që është të mundësojmë përparim për të gjithë njerëzit që jetojnë në Kosovë”, tha ai.

Komandanti në largim, gjeneralmajor Özkan Ulutaş, tha se prania e këtij misioni mbetet dëshmi konkrete e përkushtimit të bashkësisë ndërkombëtare ndaj stabilitetit rajonal, duke theksuar se KFOR – i do të vazhdojë të jetë i angazhuar edhe në zonat në veri të Kosovës.

“Përmes pranisë sonë, ne mbetemi të angazhuar në mënyrë të vazhdueshme, të rregullt dhe fleksibil, me vëmendje të veçantë ndaj zonave në veri të Kosovës dhe zhvillimeve afatgjata në vend. Pavarësisht dallimeve, të gjithë njerëzit në Kosovë ndajnë një qëllim të përbashkët: një të ardhme paqësore dhe të begatë. Prandaj, detyra jonë është të dëgjojmë të gjitha palët dhe të vazhdojmë të ofrojmë hapësirë për dialogun e ndërmjetësuar nga Bashkimi Evropian, duke bashkëpunuar me misionin për të çuar përpara këtë proces.”, ka deklaruar Ulutas.

Më tej ai ka theksuar që enda ka sfida në procesin e negociatave me Serbinë, porse është optimist që të njëjtat do të kapërcehen.

“KFOR-i është i përkushtuar të kontribuojë në sigurinë dhe stabilitetin, si dhe të mbështesë përparimin e dialogut ndërmjet Beogradit dhe Prishtinës, të lehtësuar nga Bashkimi Evropian. Ky dialog përbën një kornizë për trajtimin e çështjeve të pazgjidhura dhe arritjen e zgjidhjeve të qëndrueshme që respektojnë të drejtat e të gjithë njerëzve në Kosovë. Pa dyshim, ende ka sfida gjatë këtij procesi, por mbetem optimist se, me durim, këmbëngulje, udhëheqje dhe një qasje konstruktive nga të gjithë, këto pengesa mund të tejkalohen në të mirë të të gjithëve”, tha ai.

E Presidentja e Kosovës, Justina Shiroka Pula, në fjalën e saj theksoi se anëtarësimi në NATO mbetet synim i Kosovës, duke shprehur gatishmërinë që vendi të kontribuojë drejtpërdrejt në përpjekjet e përbashkëta për paqe dhe siguri.

“Dua të shpreh mirënjohjen më të thellë për të gjithë ushtarët e shteteve kontribuuese që kanë shërbyer në kuadër te KFOR-it qe nga viti 1999. Shumë prej tyre kane kaluar periudha të gjata larg familjeve të tyte, kontributi i tyre është pjesë e historisë sonë dhe do të nderohet gjithmonë nga qytetarët e Kosovës. Anëtarësimi në NATO mbetet e qarte, që Kosova të jetë edhe kontribuuese e drejtpërdrejtë në te. Do marrim pjesë në përpjekjet e përbashkëta për paqe e siguri, si anëtare e NATO-s”, tha ajo.

Ndërkaq, admirali George M. Wikoff, komandant i Komandës së Forcave të Përbashkëta Aleate të NATO-s në Napoli (JFC Naples), vlerësoi misionin e KFOR-it dhe përkushtimin e pjesëtarëve të tij gjatë më shumë se 27 vjetëve të shërbimit në Kosovë.

“Mandati është i qartë: të vendosë, të ofrojë dhe të ruajë një mjedis të sigurt në territorin e Kosovës, në mënyrë që të gjithë të mund të jetojnë në paqe. Për më shumë se 27 vjet, burrat dhe gratë nga mbi 31 shtete kanë shërbyer me krenari në kuadër të këtij mandati fisnik, me profesionalizëm dhe guxim. Për 27 vjet, ata janë përkushtuar në krijimin e një mjedisi të sigurt për të gjitha komunitetet në Kosovë. Për 27 vjet, pjesëtarët e KFOR-it kanë shërbyer larg shtëpive të tyre dhe të ndarë nga familjet, për”, tha ai.

Në Kosovë, në kuadër të Aleancës më të madhe ushtarake shërbejnë rreth 4 mijë e 657 trupa nga 31 vende të botës./kp

Protesta e studentëve para Ministrisë së Arsimit në Shqipëri ka nisur me tensione të mërkurën. Një grup protestuesish kanë shkulur rrethojat metalike dhe sinjalistikën rrugore pranë ndërtesës, ndërsa kanë hedhur sende të forta në drejtim të forcave të policisë.

Më herët, studentët iu drejtuan Forcave Speciale me thirrjen: “Mos na provokoni!”. Ndryshe nga një ditë më parë, policët ende s’janë kundërpërgjigjur dhe po qëndrojnë brenda perimetrit të ndërtesës.

Ndonëse protesta ishte njoftuar të niste në orën 14:00, demonstrata nisi shumë më herët. Studentë të Fakultetit të Mjekësisë, Fakultetit të Shkencave dhe fakulteteve të tjera bojkotuan mësimin duke u grumbulluar në rrugë për të marshuar në drejtim të MAS, raportoi A2News.

Bojkoti ishte paralajmëruar nga disa universitete dhe fakultete pas përplasjeve të dhunshme të një dite më parë.

Protestës i janë bashkuar edhe nxënësit e gjimnazit “Partizani”, të cilët kanë bojkotuar mësimin dhe kanë bllokuar rrugën para shkollës së tyre.

Gjithsej 27 persona kanë marrë trajtim mjekësor si pasojë e lëndimeve gjatë protestës të së martës në Tiranë, përfshirë punonjës të policisë, protestues, gazetarë, kalimtarë të rastit dhe një diplomat i huaj.

AKADEMIK. PROF. DR. ANASTAS ANGJELI

Çmimi Nobel në Ekonomi përbën një ngjarje të rëndësishme jo vetëm për botën akademike, por edhe për politikëbërësit, institucionet financiare dhe opinionin publik. Përtej vlerësimit të arritjeve individuale, ky çmim evidenton ato ide dhe teori që kanë ndryshuar mënyrën se si kuptojmë funksionimin e ekonomisë dhe se si mund të ndërhyjmë për të përmirësuar zhvillimin dhe stabilitetin e saj. Çmimi Nobel në Ekonomi për vitin 2026 iu dha dy ekonomistëve amerikanë, Robert E. Hall dhe Michael Woodford, për kontributet e tyre në ndërtimin e themeleve mikroekonomike të stabilizimit makroekonomik.

ROBERT E. HALL MICHAEL WOODFORD

Ky koncept nënkupton shpjegimin e proceseve dhe të ekuilibrave makroekonomikë, si inflacioni, papunësia dhe rritja ekonomike, duke u mbështetur në sjelljen dhe vendimmarrjen e individëve, familjeve dhesipërmarrjeve. Në thelb, ai synon të kuptojë se si vendimet individuale për konsumin, kursimin, investimet dhe punësimin ndikojnë në funksionimin e ekonomisë në tërësi. Rëndësia e kësaj qasjeje qëndron në krijimin e modeleve më të argumentuara për hartimin e politikave monetare dhe fiskale, duke marrë parasysh pritshmëritë, reagimet dhe përshtatjen e aktorëve ekonomikë ndaj ndërhyrjeve shtetërore, me synim ruajtjen e stabilitetit makroekonomik. Ne thelb ata i pergjigjen kesaj pyetjeje: Si mund të ndikojnë politikat e qeverive dhe bankave qendrore mbi inflacionin, punësimin dhe rritjen ekonomike, kur vendimet përfundimtare merren nga miliona individë dhe biznese? Përgjigjja e kësaj pyetjeje është veçanërisht e rëndësishme në një periudhë kur ekonomia botërore përballet me pasiguri gjeopolitike, ndryshime teknologjike, tensione tregtare dhe sfida të vazhdueshme për ruajtjen e stabilitetit të çmimeve.

NGA EKONOMIA E TREGUESVE TE EKONOMIA E SJELLJES SË INDIVIDËVE.

Për një kohë të gjatë, analiza makroekonomike u përqendrua kryesisht në marrëdhëniet ndërmjet treguesve të përgjithshëm, si prodhimi kombëtar, konsumi, investimet, papunësia dhe inflacioni. Modelet tradicionale synonin të shpjegonin se si ndryshimi i njërit tregues ndikonte mbi të tjerët dhe çfarë masash mund të merrnin autoritetet publike për të korrigjuar çekuilibrat ekonomikë. Por zhvillimet ekonomike, veçanërisht krizat dhe periudhat e inflacionit të lartë, treguan se këto marrëdhënie nuk janë gjithmonë të qëndrueshme. Individët dhe bizneset nuk reagojnë mekanikisht ndaj vendimeve të qeverive apo bankave qendrore. Ata ndryshojnë sjelljen në varësi të pritshmërive, informacionit, pasigurisë dhe vlerësimit që u bëjnë zhvillimeve të ardhshme. Pikërisht këtu qëndron një nga arritjet kryesore të makroekonomisë modern, shpjegimi i fenomeneve të përgjithshme ekonomike duke u nisur nga vendimet konkrete të familjeve, konsumatorëve, punonjësve dhe ndërmarrjeve. Kjo qasje, e njohur si ndërtimi i themeleve mikroekonomike të makroekonomisë, krijon mundësinë që politikat ekonomike të analizohen jo vetëm për efektet e tyre të menjëhershme, por edhe për mënyrën se si ato ndryshojnë sjelljen dhe pritshmëritë e aktorëve ekonomikë. Kontributet e dy laureatëve të vitit 2026 janë të rëndësishme pikërisht për zhvillimin dhe zbatimin e kësaj mënyre të të menduarit ekonomik.

Filli lidhës i Robert E. Hall dhe Michael Woodford është përpjekja për të shpjeguar stabilitetin makroekonomik përmes sjelljes së aktorëve individualë. Hall analizoi se si vendimet për konsumin, kursimin dhe punësimin ndikojnë në luhatjet ekonomike, ndërsa Woodford shpjegoi se si pritshmëritë dhe reagimet e individëve e bizneseve përcaktojnë efektivitetin e politikës monetare. Kontributet e tyre janë plotësuese, jo domosdoshmërisht rezultat i një bashkëpunimi të drejtpërdrejtë. Nuk ka të dhëna të konfirmuara për një bashkëpunim të ngushtë personal. Ata ndoqën rrugë të ndryshme kërkimore, por arritën në një përfundim të përbashkët: stabilizimi makroekonomik kërkon kuptimin e vendimmarrjes mikroekonomike.

Hall dhe Woodford përfaqësojnë dy tradita të afërta metodologjikisht, por jo identike teorikisht. Të parin e lidhim më shumë me trashëgiminë neoklasike, ndërsa të dytin me sintezën e re kejnesiane. Kontributet e tyre dëshmojnë se dallimet ndërmjet shkollave ekonomike nuk përjashtojnë përdorimin e një metodologjie të përbashkët për shpjegimin e stabilitetit makroekonomik.Le të shofim pak më nga afër kontributet e tyre.

ROBERT HOLL DHE FAMILJET QË JETOJNË NGA PAGA NË PAGË…

Robert E. Hall ka analizuar punësimi, konsumi dhe mekanizmat e ciklit ekonomik. Ai është një nga studiuesit që ka ndikuar në mënyrë të rëndësishme në zhvillimin e makroekonomisë moderne, veçanërisht përmes analizës së konsumit, tregut të punës dhe luhatjeve të aktivi t e t i t ekonomik. Një nga çështjet qendrore të kërkimeve të tij lidhet me mënyrën se si familjet vendosin të konsumojnë ose të kursejnë.Kontributi i Robert Hall lidhet veçanërisht me mënyrën se si familjet vendosin sa të konsumojnë. Në studimin e tij të vitit 1978, ai argumentoi se një familje që mendon për të ardhmen nuk e përcakton konsumin vetëm nga paga e sotme, por nga të ardhurat që pret gjatë një periudhe më të gjatë. Për këtë arsye, ndryshimet në konsum duhet të varen kryesisht nga informacioni i ri dhe, rrjedhimisht, i paparashikueshëm; vetë të ardhurat e kaluara nuk mjaftojnë për të parashikuar shpenzimet e nesërme. Kjo ndryshoi mënyrën se si ekonomistët studiojnë konsumin dhe shpjegon pse një ulje e përkohshme taksash mund të ketë efekt më të vogël sesa një ndryshim që familjet e perceptojnë si të qëndrueshëm.

Megjithatë, jo të gjitha familjet kanë luksin të planifikojnë për një kohë të gjatë. Disa nuk kanë kursime ose akses të lehtë në kredi dhe detyrohen të shpenzojnë pothuajse të gjithë të ardhurën e muajit. Studimet e Hall dhe Frederic Mishkin gjetën se sjellja e rreth 80 % e familjeve në kampion studimit pajtohej me modelin e të ardhurave të përhershme, ndërsa konsumi i pjesës tjetër reagonte shumë më drejtpërdrejt ndaj të ardhurave të çastit. Ky dallim ka pasoja të rëndësishme: një transferim i menjëhershëm mund të ketë efekt të kufizuar te familjet me kursime, por ndikim të fortë te familjet që jetojnë nga paga në pagë.

Një tjetër fushë e rëndësishme e kërkimeve të Hall lidhet me tregun e punës dhe shpjegimin e papunësisë gjatë cikleve ekonomike. Në realitet, tregu i punës nuk funksionon si një treg ku oferta dhe kërkesa përshtaten menjëherë. Procesi i kërkimit të punës, përputhja e aftësive me vendet e lira, kostot e rekrutimit dhe marrëdhëniet ndërmjet punëdhënësve e punëmarrësve krijojnë mekanizma që mund të zgjasin periudhat e papunësisë. Për këtë arsye, rikthimi i rritjes ekonomike nuk shoqërohet gjithmonë me një rikuperim po aq të shpejtë të punësimit. Këto analiza ndihmojnë për të kuptuar pse politikat e stabilizimit duhet të marrin parasysh jo vetëm ritmin e rritjes së prodhimit, por edhe strukturën e tregut të punës, cilësinë e vendeve të punës dhe sjelljen e konsumatorëve.

MICHAEL WOODFORD: FJALËT E BANKIERIT QENDROR NUK JANË DEKOR POLITIK.

Michael Woodford
Michael Woodford e vendosi këtë logjikë brenda një arkitekture më të plotë të politikës monetare. Çmimi Nobel o sivjetshëm vjen në një çast aspak neutral. Ekonomia botërore po përballet me goditje të përsëritura në ofertë, çmime energjie të ndjeshme ndaj konflikteve, tensione tregtare, inflacion ende shqetësues në shumë vende dhe borxh publik pranë niveleve rekord. OECD vlerësonte në shtator një rritje globale prej 2.9 % për vitin 2026 dhe paralajmëronte se ndërprerjet më të zgjatura të energjisë mund të sillnin njëkohësisht inflacion më të lartë dhe rritje më të dobët.

Michael Woodford eshte marre kryesisht me politika monetare dhe “fuqinë e pritshmërive.Vepra e tij Interest and Prices e vitit 2003 ndërtoi bazat teorike të një politike ku banka qendrore nuk përpiqet thjesht të kontrollojë sasinë e parasë, por përdor normën e interesit, objektivin e inflacionit dhe komunikimin publik për të ndikuar pritshmëritë. Në këtë këndvështrim, fjalët e bankierit qendror nuk janë dekor diplomatik. Ato janë pjesë e politikës ekonomike, nëse publiku i beson zotimit se inflacioni do të frenohet, familjet, bizneset dhe tregjet i përshtatin vendimet që sot.

Këtu qëndron një prej ideve më të fuqishme të Nobelit të sivjetshëm. Politika monetare vepron jo vetëm përmes normës së interesit të sotëm, por edhe përmes asaj që qytetarët dhe tregjet presin për nesër. Një familje që mendon të marrë kredi për shtëpi, apo një sipërmarrje që shqyrton një investim pesëvjeçar, nuk pyet vetëm sa kushton paraja këtë muaj. Ajo pyet se ku do të jenë normat, çmimet dhe kërkesa pas një ose dy vjetësh. Woodford e shndërroi menaxhimin e këtyre pritshmërive në pjesë qendrore të teorisë dhe praktikës së bankave qendrore.

Çmimi Nobel o sivjetshëm vjen në një çast aspak neutral. Ekonomia botërore po përballet me goditje të përsëritura në ofertë, çmime energjie të ndjeshme ndaj konflikteve, tensione tregtare, inflacion ende shqetësues në shumë vende dhe borxh publik pranë niveleve rekord. OECD vlerësonte në shtator një rritje globale prej 2.9 % për vitin 2026 dhe paralajmëronte se ndërprerjet më të zgjatura të energjisë mund të sillnin njëkohësisht inflacion më të lartë dhe rritje më të dobët.

Michael Woodford eshte marre kryesisht me politika monetare dhe “fuqinë e pritshmërive”. Nëse kontributet e Hall ndihmojnë në kuptimin e mekanizmave të konsumit dhe punësimit, kërkimet e Michael Woodford kanë pasur ndikim të veçantë në teorinë dhe praktikën e politikës monetare. Ai është një nga figurat kryesore të zhvillimit të makroekonomisë së re kejnesiane, e cila ndërthur vendimmarrjen racionale të individëve dhe bizneseve me ekzistencën e ngurtësive të çmimeve dhe pagave. Një nga përfundimet më të rëndësishme të kësaj qasjeje është se politika monetare nuk vepron vetëm përmes ndryshimit të normave aktuale të interesit. Efektiviteti i saj varet edhe nga mënyra se si individët dhe bizneset i interpretojnë vendimet e Bankës Qendrore dhe çfarë presin prej saj në të ardhmen. Nëse një bankë qendrore arrin të krijojë besueshmëri se inflacioni do të rikthehet pranë objektivit të përcaktuar, kjo mund të ndikojë në vendimet e konsumit, kursimit, investimit dhe përcaktimit të çmimeve. Në të kundërt, kur besueshmëria dobësohet dhe pritshmëritë inflacioniste rriten, kontrolli i inflacionit mund të kërkojë masa më të forta monetare dhe të shoqërohet me kosto më të larta ekonomike. Woodford ndihmoi në konsolidimin e një koncepti që sot është thelbësor për bankat qendrore. Ai mbron tezen se: “komunikimi i politikës monetare është vetë një instrument i saj”. Njoftimet për perspektivën e normave të interesit, publikimi i parashikimeve ekonomike, shpjegimi i vendimeve dhe transparenca institucionale mund të ndikojnë në pritshmëritë e tregjeve financiare dhe të publikut. Kjo qasje ka kontribuar në zhvillimin e praktikave moderne të orientimit të pritshmërive, të njohura ndërkombëtarisht si forward guidance. Megjithatë, komunikimi nuk mund të zëvendësojë masat konkrete të politikës monetare. Ai bëhet efektiv kur mbështetet në veprime të qëndrueshme, objektiva të qarta dhe besueshmëri institucionale.

PSE KY NOBEL ËSHTË I VECANTË NË MENDIMIN EKONOMIK?

Rëndësia e Nobelit të vitit 2026 nuk qëndron në shpalljen e një teorie krejtësisht të re, por në vlerësimin e një transformimi të rëndësishëm që ka ndodhur në analizën dhe politikëbërjen makroekonomike gjatë dekadave të fundit. Ky transformim mund të përmblidhet në tri ide themelore.

Së pari, ekonomia nuk mund të kuptohet vetëm përmes treguesve agregatë. Pas çdo ndryshimi të konsumit, investimeve, punësimit apo inflacionit qëndrojnë vendimet e individëve dhe ndsipërmarrjeve.

Së dyti, pritshmëritë për të ardhmen ndikojnë mbi ekonominë e sotme. Për këtë arsye, politikat ekonomike duhet të vlerësohen jo vetëm nga masat që ndërmerren, por edhe nga mënyra se si ato perceptohen nga aktorët ekonomikë.

Së treti, stabiliteti makroekonomik kërkon institucione të besueshme, politika të koordinuara dhe njohje të thelluar të mekanizmave përmes të cilëve vendimet publike transmetohen në ekonomi.

Këto ide janë veçanërisht të rëndësishme pas përvojave të krizës financiare globale të vitit 2008, pandemisë dhe valëve të mëvonshme inflacioniste. Ato kanë treguar se modelet ekonomike janë instrumente të domosdoshme për politikëbërjen, por nuk mund të parashikojnë në mënyrë të përsosur çdo goditje ekonomike. Prandaj, krahas modeleve teorike, nevojiten analiza empirike, vlerësim i vazhdueshëm i rreziqeve dhe fleksibilitet institucional.

ÇFARË MËSIMESH MUND TË NXJERRË SHQIPËRIA?

Për një ekonomi të vogël dhe të hapur si Shqipëria, kontributet e dy laureatëve marrin një rëndësi të veçantë. Ekonomia shqiptare karakterizohet nga lidhje të forta me tregjet europiane, përdorim i konsiderueshëm i euros në transaksione dhe kontrata, ndikim i kursit të këmbimit dhe ekspozim ndaj goditjeve të jashtme. Në këto kushte, transmetimi i politikës monetare është më kompleks sesa në ekonomitë ku monedha kombëtare përdoret pothuajse në të gjitha marrëdhëniet ekonomike.

Vendimet e Bankës së Shqipërisë për normën bazë të interesit ndikojnë në kushtet e financimit dhe kërkesën e brendshme, por efektiviteti i tyre ndërvepron me zhvillimet e kursit të këmbimit, normat e interesit në euro dhe pritshmëritë e familjeve e bizneseve. Këtu qëndron një nga mësimet kryesore të kërkimeve të Woodford se politika monetare duhet të mbështetet në një komunikim të qartë, transparent dhe të besueshëm. Për Shqipërinë, kjo nënkupton rëndësinë e shpjegimit të vendimeve monetare jo vetëm për tregjet financiare dhe ekspertët, por edhe për qytetarët dhe bizneset. Kuptimi i objektivit të inflacionit, i faktorëve që ndikojnë mbi çmimet dhe i perspektivës së politikës monetare mund të ndihmojë në formimin e pritshmërive më të qëndrueshme.

Ndërkohë, kontributet e Hall sugjerojnë rëndësinë e analizimit më të thelluar të sjelljes së konsumatorëve dhe funksionimit të tregut të punës. Ndryshimet demografike, emigracioni, mungesa e fuqisë punëtore në sektorë të caktuar dhe dallimet ndërmjet aftësive të kërkuara dhe atyre të disponueshme janë faktorë që ndikojnë mbi potencialin e rritjes ekonomike të vendit. Politikat e zhvillimit ekonomik nuk mund të mbështeten vetëm në nxitjen e kërkesës agregate. Ato duhet të shoqërohen me investime në kapitalin njerëzor, produktivitet, teknologji dhe përmirësimin e funksionimit të tregjeve.

Njëkohësisht, përvoja shqiptare evidenton nevojën për koordinim ndërmjet politikës monetare dhe asaj fiskale, duke respektuar pavarësinë institucionale të bankës qendrore. Politika monetare mund të kontribuojë në stabilitetin e çmimeve dhe të kushteve financiare, por rritja afatgjatë e produktivitetit, konkurrueshmëria dhe zhvillimi i qëndrueshëm kërkojnë reforma strukturore dhe politika publike plotësuese.

EKONOMIA SI SHKENCË NË SHËRBIM TË VENDIMMARRJES EKONOMIKE DHE POLITIKE.

Dhënia e Çmimit Nobel në Ekonomi për vitin 2026 merr një domethënie të veçantë në kontekstin e zhvillimeve aktuale të ekonomisë botërore. Borxhi i lartë publik, rreziku i rikthimit të presioneve inflacioniste, konfliktet gjeopolitike dhe pasiguria ekonomike kanë rikthyer në qendër të vëmendjes problemin e stabilizimit makroekonomik. Në këto kushte, kontributet e Hall dhe Woodford dëshmojnë se efektiviteti i politikave monetare dhe fiskale nuk përcaktohet vetëm nga instrumentet që përdorin institucionet, por edhe nga pritshmëritë dhe reagimet e familjeve e ndërmarrjeve. Vlerësimi i tyre mund të interpretohet si një riafirmim i rëndësisë së themeleve mikroekonomike për përballimin e goditjeve ekonomike. Megjithatë, këto modele nuk ofrojnë zgjidhje automatike për problemin e borxhit apo pasojat e luftërave; ato krijojnë një bazë më të qëndrueshme teorike për të kuptuar ndërveprimin ndërmjet politikave publike, sjelljes së aktorëve ekonomikë dhe stabilitetit makroekonomik.

Nobeli 2026 nuk vlerëson thjesht dy kontribute historike në teorinë ekonomike, por rikthen vëmendjen te një pyetje thelbësore për ekonominë bashkëkohore: Si mund të ruhet stabiliteti makroekonomik kur hapësira fiskale ngushtohet, pritshmëritë inflacioniste mbeten të pasigurta dhe goditjet gjeopolitike janë gjithnjë e më të vështira për t’u parashikuar? Ai na mëson se zhvillimi i mendimit ekonomik nuk është thjesht një proces teorik. Ai ka pasoja të drejtpërdrejta në mënyrën se si qeveritë dhe bankat qendrore përballojnë inflacionin, papunësinë dhe krizat ekonomike. Robert E. Hall dhe Michael Woodford kanë kontribuar, nga këndvështrime të ndryshme, në ndërtimin e një kuptimi më të plotë të marrëdhënies ndërmjet sjelljes individuale dhe rezultateve makroekonomike. Mesazhi kryesor që mund të nxirret nga vlerësimi i tyre është se stabiliteti ekonomik nuk krijohet vetëm nga vendimet e institucioneve, por edhe nga besimi, pritshmëritë dhe reagimet e miliona aktorëve ekonomikë. Për Shqipërinë, ky është një argument shtesë për të forcuar cilësinë e analizës ekonomike, besueshmërinë institucionale dhe lidhjen ndërmjet kërkimit shkencor dhe politikëbërjes. Në fund të fundit, vlera më e madhe e teorisë ekonomike nuk qëndron vetëm në aftësinë për të shpjeguar të kaluarën, por në mundësinë që ajo krijon për të marrë vendime më të informuara dhe më të përgjegjshme për të ardhmen. Çmimi i vitit 2026 na thotë se, pas viteve të pandemisë, inflacionit, krizave energjetike dhe pasigurisë gjeopolitike, pyetja nuk është më nëse shteti duhet të ndërhyjë në ekonomi. Pyetja është si të ndërhyjë me saktësi, besueshmëri dhe sa më pak dëme anësore.

Shefi i Grupit Parlamentar të PDK-së, Arian Tahiri, dhe deputeti Altin Krasniqi kanë dalë në sheshet e Prishtinës për t’u përshëndetur me protestuesit që po kërkojnë miratimin e Ligjit për Dhomat e Specializuara.

Tahiri ka theksuar nevojën për miratimin e ligjit, duke kërkuar që kjo çështje të mos lidhet me zgjedhjen e presidentit.

“Kanë mbetur edhe disa orë. Ajo që po kërkojmë është që Vetëvendosja dhe Albin Kurti të kthehen në Kuvend dhe ta votojnë ligjin. Ligji është obligim kombëtar i të gjithëve ne dhe duhet të kthehemi në Kuvend. Ligjin me presidentin nuk duhet me lidh. Ligji është obligim kombëtar, presidenti është përgjegjësi politike. Ata tentojnë ta lidhin me çështjen e presidentit, por këto tema nuk lidhen”, tha ai.
Ndërkaq, deputeti Altin Krasniqi ka kërkuar nga Policia e Kosovës që të mos ndërhyjë në mënyrë brutale ndaj protestuesve.

“Kjo çështje nuk është e një partie, por e popullit. Kjo protestë nuk duhet të luftohet në këtë mënyrë brutale”, tha Krasniqi.

sh-kryetari i Aleancës, Ramush Haradina i është bashkuar protestuesve që po protestojnë pranë Kuvendit të Kosovës.

Haradinaj, duke iu drejtuar protestuesve, ka thënë se Ligji për Dhomat e Specializuara mund të ishte miratuar edhe në leximin e dytë, ashtu siç ishte votuar në leximin e parë.

Ai gjithashtu e ka konsideruar këtë si një situatë të dhimbshme.

“Ashtu siç u votua në lexim të parë, mundem ta kryenim edhe në lexim të dytë. Është e dhimbshme. Po na dhimbseni edhe ju, po na dhimbset vendi, po na dhimbsen ata që janë atje”, u shpreh Haradinaj.

Ka eskaluar protesta në Prishtinë, ku po kërkohet të kalohet ndryshim-ligji për Gjykatën Speciale.

Policia e Kosovës ka përdorur gaz lotsjellës, ndërkaq janë parë edhe kontejnerë të djegur.

Disa protestues kanë pasur nevojë për ndihmë mjekësore pas hedhjes së gazit lotsjellës.