Category: TOP ATV

A e dini që në Pejë ndodhet një pjesë metalike e Kullave Binjake të Nju – Jorkut?

Madje, konsiderohet edhe si memoriali i vetme në Ballkan që përmban pjesë origjinale nga këto kulla.

Transportimi i saj, u bë me protokoll të veçantë, me eskortë nga policia, ushtria, zjarrfikësit dhe motoristë, sipas praktikave amerikane

Kjo copë u vendos më 11 shtator të vitit 2022, e që ka për qëllim përkujtimin e viktimave, si shenjë e simbolit të miqësisë së Kosovës me Shtetet e Bashkuara të Amerikës.

Edhe brenda oborrit të Qeverisë së Kosovës, është e gdhendur logoja me fjalët “Kosova Kujton”, që lidhet pikërisht me 11 shtatorin e vitit 2001, që mbetet një nga ngjarjet më të rënda dhe shkatërruese të shekullit XXI.

Edhe Drenica, në 13 vjetorin e sulmeve, e përuroi “Parkun Amerikan të Lirisë”, që ndodhet në qendër të Skenderajt.

Kjo dëshmon lidhjen e fortë dhe emocionale që ka Kosova me Amerikën.

Por, në 24 vjetorin e tragjedisë që tronditi botën, le ta bëjmë një përmbledhje të shkurtër.
11 shtatori të vitit 2001 konsiderohet ngjarja më e rëndë e historisë moderne.

Në ketë ditë nga organizata terroriste Al – Kaida, u rrëmbyen katër avionë pasagjerësh për qëllime të ndryshme.

246 ishin pasagjerë dhe ekuipazh në katër avionët e rrëmbyer, ndërsa 2,606 ishin brenda Kullave Binjake dhe në Pentagon.

Më shumë se 400 policë, zjarrfikës dhe punonjës të emergjencës humbën jetën duke u përpjekur të shpëtonin të tjerët kjo ishte humbja më e madhe e shërbimeve emergjente në historinë e SHBA-së.

Rreth 6,000 persona mbetën të plagosur rëndë, me djegie, lëndime të trurit dhe trauma emocionale.

Ndërsa, vdiqën 3000 persona.

Viktimat vinin nga më shumë se 90 shtete të ndryshme, ndërsa qiejt e SHBA-së u mbyllën për herë të parë në histori, për 3 ditë me radhë.

Mendohet që pesha e mbeturinave nga kullat ishte mbi 1.8 milion ton ndërsa identifikimi i viktimave zgjati 20 vjet, viktima e fundit u identifikua në vitin 2021.

Ekonomia amerikane pësoi humbje mbi 40 miliardë dollarë vetëm në ditët e para.
Pas këtyre sulmeve, shumë shtete në SHBA ndryshuan ligjet për siguri dhe mbrojtjen e vendit.

Edhe Kosova, çdo vit, kujton me nderime të larta shtetërore, 11 shtatorin e vitit 2001, ndërsa Kuvendi ndriçohet me flamurin Amerikan.

“A e dini se çdo ditë në botë bëhen mbi 94 milionë selfie?

Po, po e dëgjuat mirë .. 94 milionë në vetëm 24 orë! Tash llogariteni vet. Që do të thotë mbi 1 miliard selfie në 12 ditë.

Përherë e më shumë, jemi të ekspozuar ndaj botës dhe privatësia thuajse ka humbur.

Kjo për shkak se secila prej nesh e ka një telefon në dorë, e që selfiet, nuk mungojnë….madje çdo gjë e ndajmë me të tjerët, çdo detaj të jets sonë:
kur dalim diku me shoqëri, kur jemi në punë, kur udhëtojmë, apo edhe kur thjesht rrimë për qejf në shtëpi.

Sipas një studimi, thuhet se mesatarisht, një person bën 1 deri në 4 selfie çdo ditë.
Por, ka edhe më ekstremë, disa persona thuhet se bëjnë mbi 500 selfie në javë.

Arsyet janë nga më të ndryshmet, disa bëjmë selfie për kujtime të veçanta…Por shumicën e rasteve, nga zakoni, sepse është bërë “adet”, marrë parasysh që shumica prej tyre nuk postohen kurrë mbeten, diku në galeri e pas disa muajsh edhe në shportë.

Një fakt tjetër interesant, rreth 82% e personave nën 35 vjeç bëjnë selfie rregullisht, dhe gati 70% e fotove të postuara në Instagram kanë të paktën një selfie.

Por, a e keni ditur që në disa vende të botës, selfie është i ndaluar!

Për shembull: Në Mecca, gjatë Haxhit.

Në Pamplona, Spanjë, gjatë “Running of the Bulls”.

Në disa muze të famshme;, si Sistine Chapel në Vatikan, madje edhe në disa parqe natyrore në Indi, për shkak të aksidenteve fatale gjatë bërjes së selfie-ve.

Pra, një selfie nuk është vetëm një foto, është kujtim është zakon, është një shprehje e vetvetes…

Dhe ndonjëherë, është edhe tabu.

Pyetja e fundit, cila do të jetë ajo selfie që do ta ruash gjithmonë?”

Shqiptarët mund të rrinë pa bukë, por jo pa iPhone-in më të ri.

Është e pamundur me pi kafen e mëngjesit e mos me i ni qytetarët tu u anku për cmimet e shtrenjta, rrogat e vogla, e buka shtrenjtë… e krejt qito llafe i bëjnë me telefonin më t’ri në dorë.

Apple ka lansuar telefonin e ri Iphone 17, së bashku me modelet Pro, orët inteligjente dhe kufjet.

Ky lansim i iPhone 17 është një prej atyre më inovativëve të Apple në vitet e fundit – me dizajn me shumë risi, përmirësime teknike të dukshme dhe një model radikalisht të hollë si Apple Air.

Apple ka prezantuar 4 lloje të Iphone 17
Iphone 17-modeli baze i cili kushton $799
Iphone 17 pro $1,099

Iphone 17 pro max $1,199 dhe Iphone 17 Air $999, ky I fundit është një nga risitë më të mëdha për këtë vit, ky model prezanton një telefon tejet të hollë me trashësi vetëm 5.5 mm, rreth dy milimetra më pak se iPhone 16, duke e bërë pajisjen më të hollë që Apple ka prodhuar ndonjëherë.

Ky model do të ketë ekran 6.6 inç, kornizë titan-alumin, peshë 145 gramë dhe vetëm eSim, pa hapësirë për kartela fizike. Kamera mbrapa pra ajo kryesore do të ketë lente 48 megapikselë, ndërsa ajo e përparmja 24 megapikselë.

Për herë të parë të gjitha modelet do të kenë ekran 120 herz, modelet pro kanë cipin e ri A19 Pro.

iPhone 17 është i disponueshëm në një gamë ngjyrash të ndryshme, të përshtatura për çdo shije dhe stil, secili model ofron një paletë ngjyrash të veçanta si: lavandër, e kaltër e lehtë, e zezë, e bardhë, e gjelbër, dhe e hirtë e metaltë, po ashtu modeli Pro ofron edhe ngjyrën portokalli, kurse të veçantë version Air e ka ngjyren e artë të lehtë.

iPhone 17 bazë prezanton përmirësime të shumëpritura në modelin standard, duke përfshirë një ekran më të madh, pra 16 centimetra me 120Hz ProMotion.

Shpejtësitë e karikimit mund të dyfishohen pothuajse me mbështetjen e MagSafe deri në 45W.

iPhone 17 ka një sistem kamere të avancuar që ofron cilësi të shkëlqyer fotografish dhe videosh.

A kishit pasur dëshirë me jetu në një vend ku gjithmonë është verë?
Derisa ne po bëhemi gati për dimër, ani pse kanë mbet edhe disa ditë deri në përfundimin e stinës, turshitë e drutë që po shohim në tregje paralajmërojnë ditët e ftohta.

Megjithatë, në botë janë disa vende, ku gjithmonë temperaturat janë të larta e ku stinët duken thuajse të padallueshme.

Por, cilat janë ato vende?

Me një temperaturë konstante që sillet nga 25 deri në 30°C gjatë gjithë vitit, Kosta Rika, në Amerikën Qendrore është një parajsë për ata që duan diell, natyrë të gjallë dhe aventura pa fund.

Madje, edhe gjatë muajve me shi, temperaturat mbeten të ngrohta dhe të këndshme, dhe shiu zakonisht bie pasdite ose në orët e natës, duke lënë ditën të lirë për eksplorime.
Temperaturat deri në 31 gradë celcius në 12 muajt e vitit mbretërojnë edhe në Havai të ShBA-ve.

Me plazhe, natyrë ekzotike dhe jetë të çmendur ky vend është edhe sinonim i pushimeve pa fund.

Edhe në Bali të Indonezisë në katër stinë të vitit, mund të bësh pushime verore, kjo për shkak të klimës tropikale, ani pse këtu ka shumë shira sezonalë. Megjithatë, është vend perfekt për ata që duan qetësi shpirtërore, kulturë dhe bukuri natyror.

Nëse dëshiron plazhe të bardha e ushqim të shijshëm, nën diell, Tajlanda këtë e ofron çdo ditë.

Tani do shkojmë në një vend koxha të njohur për kosovarët, në Dubai të Emirateve të Bashkuara, një destinacion luksoz, ku mund të bësh plazh kurdo që të merr malli për rreze dielli.

Edhe Maldivet, nuk është vend i panjohur për popullin tonë, sidomos për çiftet e reja, madje nuk konsiderohet muaj i mjaltit po nuk shkovë në këtë ishull.
Kuba më pak i pëlqyer për kosovarët, por pse jo për ata që duan të zbulojnë kulturën e larmishme e plot gojëdhëna, për të cilin ka shumë tituj e filma.

Pse jo edhe të marrësh ngjyrë e të largohesh nga përditshmëria e ta kthesh nostalgjinë e ditëve të verës.

 

Në Prishtinë u shfaq dokumentari “Nën hijet e luftës”, që sjell rrëfimet tronditëse të të mbijetuarve të Masakrës së Dubravës, një prej ngjarjeve më të rënda të luftës së fundit në Kosovë.

Me mesazhe të forta për drejtësinë dhe kujtesën kolektive, ky film dokumentar mban regjinë e Eki Rrahmanit, i cili në një intervistë për ATV foli përprocesin e krijimit të këtij projekti dhe ndikimi që pati përtej kufijve.

Kronikën mund ta klikoni në linkun më poshtë:

Është një fytyrë e dashur për fëmijët e SOS Fshat -it në Prishtinë.

Një grua që falë shumë dashuri e ngrohtësi tash e 15 vjet, duke e kthyer punën e saj në një mision që e përmbush shpirtërisht.

Zonja Bytyçi thotë se SOS Fshati në kryeqytet ka 30 fëmijë nën përkujdesje, 11 gjysmë të pavarur dhe 40 të tjerë të pavarur.

Ora Bytyçi, është shembulli i një heroine, e cila falë buzëqeshje, përqafime e dashuri, për ata fëmijë që rriten duke ditur se nuk janë kurrë vetëm.

 
Historinë e saj mund ta dëgjoni duke klikuar në kronikën e përgatitur nga ATV:

Këngëtarja e njohur Gresa Behluli ka qenë së fundmi e ftuar në emisionin “The Elite Way” në “ATV”, ku përveç muzikës ka prekur edhe disa detaje nga jeta e saj personale.

Gresa, e cila prej vitesh mban një profil të rezervuar sa i përket jetës private, ka vendosur të sqarojë zërat që kanë qarkulluar kohëve të fundit.

Prej disa javësh, kanë qarkulluar thashetheme për një ndarje të mundshme mes këngëtares dhe bashkëshortit të saj, i cili nuk është i ekspozuar në publik. Megjithatë, Gresa ka mohuar këto zëra gjatë intervistës.

E njohur për karrierën e saj në skenën muzikore shqiptare dhe për ruajtjen e privatësisë, Gresa Behluli vazhdon të mbetet një ndër emrat e dashur për publikun, duke i lënë jetës personale hapësirë larg vëmendjes mediatike.

 

Në epokën digjitale të sotme, aftësitë teknologjike janë bërë po aq të rëndësishme sa leximi dhe shkrimi. Një nga aftësitë më të rëndësishme që fëmijët mund të mësojnë që në moshë të hershme është kodimi ose programimi kompjuterik. Kjo nuk ka të bëjë vetëm me krijimin e aplikacioneve apo lojërave, por me zhvillimin e të menduarit logjik.

Kodimi i ndihmon fëmijët të mësojnë si të mendojnë në mënyrë strukturore, si të analizojnë situata dhe të krijojnë zgjidhje efektive.

Fëmijët kanë nevojë për nxitje, mjete të përshtatshme dhe një mjedis që i motivon të eksplorojnë.

Nëpërmjet kodimit, fëmijët jo vetëm mësojnë për teknologjinë, por zhvillojnë edhe aftësi të rëndësishme për jetën.

Mbi të gjitha, kodimi u mëson fëmijëve të mos dorëzohen lehtë por të provojnë sërish, të kërkojnë alternativa dhe të besojnë në fuqinë e tyre për të ndryshuar botën rreth tyre.

Çdo vit, më 26 qershor, shënohet Dita Botërore Kundër Abuzimit dhe Trafikimit të Drogës, e cila u themelua nga OKB-ja më 7 dhjetor 1987 për të rritur vetëdijen globale mbi pasojat e rënda të përdorimit të substancave narkotike dhe trafikut të tyre.

Kjo iniciativë ndërkombëtare synon të mobilizojë individët, institucionet dhe shoqërinë civile për një qasje të përbashkët kundër një fenomeni që cënon shëndetin, sigurinë dhe zhvillimin e qëndrueshëm.

Pasojat e abuzimit me drogë:

Shëndeti fizik dhe mendor:

Substancat si heroina, kokaina, kanabisi dhe drogat sintetike shkaktojnë varësi, dëmtime të organeve vitale, probleme psikike si depresioni dhe ankthi, dhe rritin rrezikun e infeksioneve si HIV/AIDS.

OBSH vlerëson se çdo vit humbin jetën mbi 500,000 njerëz si pasojë e abuzimit me substanca.

Pasojat sociale:

Familjet shpërbëhen, rritet kriminaliteti, dhe të rinjtë humbasin rrugën e edukimit.
Trafiku i drogës shpesh lidhet me korrupsionin, papunësinë dhe pabarazitë sociale, veçanërisht në vendet në zhvillim.

Përgjigja globale dhe rajonale:

OKB ka miratuar Konventat e viteve 1961, 1971 dhe 1988, si dhe ka themeluar institucione si Komisioni për Drogat dhe Krimin, që promovojnë trajtimin dhe rehabilitimin, përkrah ndjekjes penale.

OBSH, UNESCO dhe organizata të tjera ofrojnë programe edukative, trajtimi dhe ndërgjegjësimi në nivel global.

Bashkimi Evropian, përmes strategjisë 2021–2025, fokusohet te siguria, të dhënat digjitale dhe qasja shëndetësore ndaj varësisë.

Shembuj rajonalë dhe kombëtarë:

Në Shqipëri, fushata si “Faleminderit që nuk provove” nxisin ndërgjegjësimin te të rinjtë.

Në Kosovë, Qendra për Këshillim dhe Trajtim të Varësisë (QKTV) ndihmon individët përmes psikologëve dhe terapistëve të trajnuar.
Aktivitetet si “Fëmijët Kundër Drogës (FOD)” ofrojnë edukim në komunitet dhe shkolla.

Pse kjo ditë është më e rëndësishme se kurrë?

Drogat sintetike po shpërndahen me shpejtësi përmes internetit dhe rrjeteve sociale, duke rritur rreziqet e mbidozës.

Pandemia COVID-19 dhe krizat ekonomike kanë ndikuar negativisht në shëndetin mendor, varfëri dhe abuzim me substanca.

Ndërgjegjësimi është hapi i parë drejt ndryshimit. Le ta përdorim këtë ditë si thirrje për veprim, edukim dhe bashkëpunim në luftën kundër abuzimit dhe trafikimit të drogës.

Këngëtari i njohur Bardhi ka qenë i ftuar në emisionin “The Elite Way”, ku ka ndarë me publikun disa nga momentet më të ndjeshme të eksperiencës së tij në “Big Brother VIP Albania”.

Në një rrëfim emocional, ai është kthyer pas në kohë duke kujtuar momentin kur mori lajmin se nëna e tij ishte e sëmurë, teksa ai ndodhej ende brenda shtëpisë së famshme.

Bardhi tregoi se fillimisht kishte menduar se ajo kishte ardhur si surprizë për ta takuar, por situata mori një kthesë të papritur kur u njoftua për gjendjen e saj shëndetësore.

Ai gjithashtu zbuloi se nëna e tij e kishte përjetuar keq largimin e tij nga reality show, pasi ndjente se ai mund të vazhdonte më tej.

Për më shumë ndiqni videon e mëposhtme: