Category: Showbiz

Dua Lipa do të rikthehet në skenën e Sunny Hill Festival 2025, duke sjellë entuziazëm të madh te fansat në Kosovë dhe më gjerë. Ky rikthim konfirmon edhe një herë lidhjen e saj të veçantë me festivalin që u themelua nga vetë ajo dhe familja e saj, e që tashmë është shndërruar në një prej eventeve më të rëndësishme muzikore në rajon.

Performanca e saj e shumëpritur vjen në kuadër të turneut të ri muzikor dhe albumit më të fundit, i cili ka dominuar listat ndërkombëtare.

Edicioni i sivjetëm do të sjellë një line-up të jashtëzakonshëm artistësh ndërkombëtarë dhe vendas, ndërsa rikthimi i Dua Lipës konsiderohet si momenti kulmor i eventit.

Sunny Hill Festival 2025 mbahet në muajin gusht në Prishtinë./ NO FILT/

Shqipëria siguron një vend në finalen e madhe të Eurovision 2025 që do të mbahet më 17 maj, pas një paraqitjeje të fuqishme në natën e parë gjysmëfinale.

Kënga “Zjerm”, e interpretuar nga grupi Shkodra Elektronike, arriti të fitojë zemrat e publikut, duke e çuar  në mesin e dhjetë finalistëve që kaluan nga kjo fazë.

Përveç Shqipërisë, në finalen e madhe do të garojnë edhe Norvegjia, Suedia, Islanda, Holanda, Polonia, San Marino, Estonia, Portugalia dhe Ukraina. Performanca energjike dhe unike e përfaqësuesve shqiptarë ka ngritur pritshmëritë për një paraqitje po aq të suksesshme në natën finale./ NO FILT/

Kanye West ka ngritur një padi kundër ish-bashkëshortes së tij, Kim Kardashian, duke e akuzuar për neglizhencë ndaj vajzës së tyre, North West. Sipas Kanye-t, Kim e ka lënë North të vetme gjatë eventit të madh Met Gala 2025, një veprim që ai e konsideron i papranueshëm për një nënë. Përveç kësaj, ai ka kërkuar që Kim të ndalojë menjëherë postimin e fotos apo videove të North në rrjetet sociale pa miratimin e tij, duke thënë se kjo bie ndesh me marrëveshjen e kujdestarisë që kanë mes tyre.

Përfaqësues të Kim-it janë shprehur se Kanye nuk është penguar asnjëherë të ketë qasje ndaj vajzës, por ai vetë rrallë tregon angazhim si prind. Sipas tyre, Kim është ajo që mban përgjegjësinë kryesore për rritjen dhe përkujdesjen ndaj North.

Marrëdhënia mes Kanye dhe Kim wshtw e prishur prej vitesh, që pas ndarjes së tyre publike në vitin 2021. Ndërkohë North, vajza e tyre 11-vjeçare, është rritur mes vëmendjes mediatike dhe ka treguar interesim për botën e modës dhe artit, duke ndjekur hapat e prindërve të saj./ NO FILT/

Amber Heard ka befasuar ndjekësit me një njoftim të papritur dhe të gëzueshëm: ajo është bërë nënë e binjakëve! Aktorja 39-vjeçare ka mirëpritur një vajzë të quajtur Agnes dhe një djalë me emrin Ocean, duke e zgjeruar familjen e saj me dy anëtarë të rinj që i bashkohen vajzës së saj të madhe, Oonagh, e cila është tashmë 3 vjeç.

Në një postim në Instagram, Amber shkroi: “Jam e mbushur me lumturi… trefish!” Ajo e përshkroi këtë moment si përmbushjen e një ëndrre të kahershme për të ndërtuar një familje me forcat e saj, duke e cilësuar amësinë si përvojën më të thellë të jetës së saj.

Pas një periudhe larg vëmendjes së publikut, Heard jeton tani në Madrid dhe është përkushtuar plotësisht rolit të saj si nënë. “Tani jam vetëm nënë, me kohë të plotë,” tha ajo me krenari, duke treguar se po e shijon maksimalisht këtë kapitull të ri në jetën e saj./ NO FILT/

Miley Cyrus ka sqaruar njëherë e mirë thashethemet për përçarje në familje dhe po bën të qartë se ku qëndron zemra e saj.

Pasi fansat spekuluan për tensione me nënën e saj, Tish, dhe babain, Billy Ray, Miley iu drejtua audiencës së Instagramit për të folur për këtë situatë, duke thënë: “Unë dhe mami im jemi shumë të lidhura që ndonjë gjë të na ndajë… ajo është shoqja ime më e mirë.”

Tish sqaroi një “unfollow” të paqëllimshëm, duke e quajtur një problem teknik të thjeshtë: “Kurrë nuk do ta bëja unfollow Miley-n.”

Sa i përket marrëdhënies me babain, Billy Ray, Miley pranoi: “Kemi pasur sfidat tona,” por shton se koha dhe shërimi kanë ndihmuar në rindërtimin e urave mes tyre./ NO FILT/

Demi Lovato ka tërhequr vëmendjen e rrjeteve sociale pas publikimit të disa fotografive të reja në Instagram, ku duket dukshëm më e hollë.

Ndjekësit e saj kanë shpërndarë komente të shumta, duke spekuluar se ylli i muzikës pop mund të ketë përdorur Ozempic , një medikament i njohur së fundmi për efektet e tij në humbjen e peshës.

Megjithëse Lovato nuk ka komentuar publikisht për transformimin e saj trupor apo për përdorimin e ndonjë ilaçi, komentet në rrjet nuk kanë munguar. “Kjo s’mund të jetë vetëm dietë dhe stërvitje,” shkruan një ndjekës. “Kjo duket si puna e Ozempic,” shton një tjetër.

Ozempic, fillimisht i miratuar për trajtimin e diabetit të tipit 2, është bërë i njohur në mesin e të famshmëve për efektet anësore të tij që lidhen me humbjen e peshës.

Deri më tani, përfaqësuesit e Lovatos nuk kanë dhënë asnjë reagim zyrtar mbi këto spekulime. Ajo vetë ka folur më parë hapur për betejat e saj me imazhin trupor dhe shëndetin mendor, duke theksuar rëndësinë e pranimit dhe vetëdashurisë.

Këngëtarja Ella ka publikuar projektin e saj më të ri muzikor me titull “Luje Luje”, një projekt dinamik që sjell ritme moderne dhe një performancë plot stil. Kënga është realizuar nga Next Wave Records,të cilët kanë kontribuar edhe në tekstin e këngës.

Beat-i/Instrumentali është punuar nga Ruz Beatz, duke sjellë një atmosferë ritmike për publikun, ndërsa masterizimi është bërë nga Johan Bejerholm.

Videoklipi i “Luje Luje” është xhiruar dhe realizuar nga Valon Aziri, duke sjellë imazhe dinamike që përputhen në mënyrë perfekte me energjinë e këngës. / NO FILT/

Lady Gaga pati koncert në plazhin legjendar të Copacabanës në Rio de Janeiro me një koncert falas madhështor, që sipas autoriteteve braziliane mblodhi rreth dy milionë fansa.

“Brazil, më keni munguar kaq shumë!”, tha Gaga, në performancën e saj të parë në Brazil që nga viti 2012, përpara se të niste këngën “Poker Face”.

Gjatë gjithë javës, fansat e Gagas udhëtuan për në Rio, një qytet i famshëm për Karnavalin e tij vjetor, që tërheq qindra mijëra turistë nga e gjithë bota. Autoritetet prisnin rreth 1.6 milionë pjesëmarrës, që llogaritej se do t’i sillnin ekonomisë lokale rreth 100 milionë dollarë, por Bashkia e Rios njoftoi më vonë se 2.1 milionë njerëz kishin qenë të pranishëm.

Kjo shifër është rreth gjysmë milioni më shumë se koncerti i Madonnës në të njëjtin vend vitin e kaluar. Zyrtarët e qytetit të Rios synojnë të vazhdojnë me organizimin e koncerteve gjigante falas në muajin maj, si një mënyrë për të nxitur turizmin gjatë sezonit.

Kryetari i bashkisë Eduardo Paes ka lënë të kuptohet se ka në plan të ftojë grupin legjendar irlandez U2, ndonëse ende nuk është përcaktuar një datë.

Për këtë koncert të jashtëzakonshëm, autoritetet vendase angazhuan një forcë sigurie të përmasave të mëdha, duke përfshirë 5,000 polici, dronë, si dhe kamera.

Lady Gaga vazhdon të mbetet një prej emrave më të dashur dhe më të njohur në muzikë dhe kulturë pop, duke përzierë gjithmonë artin, muzikën dhe mesazhet sociale në çdo hap të saj.

Lady Gaga ka arritur një karrierë të jashtëzakonshme dhe mbresëlënëse në industrinë e muzikës dhe aktrimit. Ajo ka fituar çmime të shumta, duke përfshirë 6 çmime Grammy, 2 çmime Oscar, dhe 13 çmime MTV Video Music. Hitet e saj, si “Poker Face”, “Bad Romance”, dhe “Shalloë” (me Bradley Cooper), kanë shitur miliona kopje në mbarë botën. Gaga është e njohur gjithashtu për angazhimin e saj në çështje sociale dhe përkrahjen për të drejtat e njeriut, duke e përdorur platformën e saj për të përhapur mesazhe pozitive dhe fuqizuese. Po ashtu, ajo ka arritur suksese të mëdha në aktrim, me performancën e saj të lavdëruar në filmin “A Star Is Born”, i cili i siguroi asaj nomimime për çmime Oscar dhe një fitore për këngën më të mirë origjinale./ NO FILT/

Mbrëmja më e famshme e modës në botë, Met Gala 2025, u zhvillua më 5 maj në Muzeun Metropolitan të Artit në Nju Jork. Fustanet luksoze, veshjet glamuroze mbushën tapetin me yje të pafundmë, por një emër i vetëm rrëmbeu gjithë vëmendjen: Rihanna.

Edhe pse ende pa hyrë, këngëtarja ikonë dhe sipërmarrësja e famshme u shfaq në rrugët e Nju Jorkut me një veshje elegante, që theksonte me krenari barkun e rrumbullakosur – duke bërë të ditur se është në pritje të fëmijës së saj të tretë me A$AP Rocky. Lajmi u bë publik nga fotografi Miles Diggs në rrjetet sociale, me përshkrimin simbolik “Chance of Shoëers”, duke iu referuar hitit të saj “Umbrella” dhe lajmit të ëmbël.

Rihanna dhe Rocky janë tashmë prindër të dy djemve.

Pavarësisht nga prania e dhjetëra emrave të njohur nga muzika, moda, filmi dhe sporti, ishte pikërisht Rihanna ajo që u bë kryefjalë e mbrëmjes. Me paraqitjen e saj ajo solli një moment të paharrueshëm në historinë e Met Gala.

Rihanna dhe A$AP Rocky kanë një histori të veçantë kur vjen puna për të ndarë lajme të mëdha me publikun  dhe shtatzënia nuk bën përjashtim. Edhe shtatzëninë e dytë çifti e kishte shpallur në një mënyrë po aq madhështore, kur Rihanna u shfaq në skenën e Super Boël 2023 për performancën e saj në mes të lojës, me barkun e rrumbullakosur të zbuluar për miliona shikues anembanë botës. Djali i tyre i dytë, Riot Rose, lindi më vonë gjatë atij viti.

Rihanna dhe A$AP Rocky njihen prej më shumë se një dekade, por marrëdhënia e tyre romantike mori hov pas vitit 2020. Dyshja u njohën fillimisht në skenën muzikore rreth vitit 2012, kur Rocky mori pjesë në turneun Diamonds Ëorld Tour të Rihannës si artist hapës. Miqësia e tyre u thellua ndër vite, dhe thashethemet për një lidhje nisën të qarkullojnë pas ndarjes së Rihannës nga biznesmeni Hassan Jameel. Në vitin 2021, Rocky konfirmoi publikisht lidhjen e tyre në një intervistë, duke e quajtur Rihannën “dashuria e jetës” së tij. Përndryshe, dy yjet nuk janë zyrtarisht të martuar .

Që atëherë, ata janë bërë një nga ciftet më të dashura të industrisë së shoëbizit.

Pasuria e Rihannës vlerësohet të jetë rreth 1.4 miliardë dollarë, falë karrierës së saj të suksesshme në muzikë, linjave të kozmetikës dhe modës, si dhe investimeve të zgjuara në biznes. Nga ana tjetër, partneri i saj, A$AP Rocky, ka një pasuri të vlerësuar rreth 20 milionë dollarë, të ardhura që burojnë kryesisht nga muzika, koncertet dhe bashkëpunimet e tij në modë./ NO FILT/

Pas më shumë se një viti lidhjeje të qetë larg syrit të publikut, Gigi Hadid ka zyrtarizuar romancën e saj me Bradley Cooper.

Supermodelja ndau një foto të ëmbël duke u puthur me Bradley-n në postimin e saj për ditëlindjen e 30-të.

“Ndihem me fat për çdo ulje dhe ngritje… që jam nënë, mike, partnere, motër, bijë…” shkroi ajo – duke konfirmuar në mënyrë delikate atë që fansat tashmë e kishin dyshuar.

Gigi, e cila ka një vajzë, Khai, me ish-partnerin Zayn Malik, kohët e fundit është shprehur se është në një pikë të jetës ku e di çfarë “dëshiron dhe meriton” në dashuri.

Bradley, 50 vjeç, ishte pjesë e festës së saj madhështore në Nju Jork, së bashku me emra të njohur si Bella Hadid, Anne Hathaway, Tan France e të tjerë./ NO FILT/