Këngëtari kosovar Kidda ka ardhur dje me një projekt jo fortë të zakonshëm.
Artisti ka publikuar këngën e tij më të re të quajtur Zhegrova, kënga është dedikim si duket për futbollistin e Kombëtare së Kosovës, Edon Zhegrova.
Pos tekstit, interesant dhe goxha vëmendje mori edhe realizimi i videoklipi i këngës, pasi në të është edhe Edon Zhegrova.
Zhegrova, së fundi, ka arritur një kontratë me Juventus dhe do të mbajë numrin 11-të.
Rihanna tërhoqi vëmendjen të mërkurën, teksa shfaqej me barkun e saj të rrumbullakosur në një veshje të thjeshtë me xhinse dhe T-shirt gjatë një shëtitjeje në Los Angeles.
Këngëtarja e hitit “Umbrella”, 37 vjeçe, që pret fëmijën e saj të tretë me reperin A$AP Rocky, dukej fantastike me një palë xhinse të gjera të pabotuara, të kombinuara me një bluzë të shkurtër me vija në ngjyrë të verdhë dhe lejla.
Ajo mbante gjithashtu një çantë “Louis Vuitton”, syze të mëdha dielli dhe një gjerdan me perla të mëdha, shkruan DailyMail.
Çifti Rihanna dhe Rocky tashmë kanë dy djem: RZA Athelston Mayers, i lindur në maj 2022, dhe Riot Rose Mayers, i lindur në gusht 2023.
Këngëtarja e Rude Boy bëri të ditur lajmin për shtatzëninë e tretë gjatë Met Gala-s në maj, ku shfaqi barkun e saj të rritur përpara se të parakalonte në tapetin e kuq.
“Jam duke u ndjerë befas mirë dhe jo shumë e lodhur për momentin,” tha ajo për Entertainment Tonight.
Ajo gjithashtu premtoi se do të vazhdojë të punojë për albumin e saj të nëntë dhe ndoshta edhe për disa klipe muzikore.
Rocky nuk e fshehu entuziazmin për ardhjen e një tjetër anëtari në familje. “Është ndjesi e mrekullueshme. Është koha të tregojmë se çfarë kemi përgatitur. Jam i lumtur që të gjithë gëzohen për ne, sepse edhe ne jemi shumë të lumtur”, tha reperi.
Në korrik, Rihanna bëri debutimin e saj në tapetin e kuq me dy djemtë e saj gjatë premierës së filmit Smurfs në Los Angeles, vetëm pak ditë pasi kishte marrë pjesë në funeralin e të atit në Barbados, i cili u nda nga jeta në moshën 70-vjeçare pas një beteje me kancerin e pankreasit.
“Jam e emocionuar për sonte. Do të jetë kënaqësi të shohim filmin të gjithë bashkë për herë të parë”, u shpreh ajo në një intervistë.
Kur u pyet si e kanë pritur RZA dhe Riot ardhjen e një motre ose vëllai të ri, këngëtarja tha me të qeshura se ata janë “të lumtur”. Megjithatë, ajo nuk pranoi të zbulonte nëse pret një vajzë, edhe pse shtoi se gjithmonë ka dashur një.
Nëse emri i fëmijës së tretë do të fillojë sërish me shkronjën “R,” si dy të parët, Rihanna u përgjigj: “Sigurisht. Është traditë tashmë”.
Ndërkohë, më herët këtë javë, Rihanna u komentua gjerësisht për një veshje të pazakontë që veshi në Los Angeles.
Ajo kishte zgjedhur një fustan vintage Issey Miyake pranverë/verë 2001 me ngjyra të forta dhe dekolte dramatike, të cilin e kombinoi me atlete gri dhe jeshile neon. Veshja e saj u bë temë humori në rrjetet sociale, ku disa përdorues shkruanin se ngjante me “kapkejk” ose me “ëmbëlsira pambuk nga Fenty”.
Rihanna ka folur më parë për stilin e saj të veçantë gjatë shtatzënisë. Në një intervistë për Vogue në vitin 2022, kur ishte shtatzënë me djalin e saj të parë, ajo theksoi se dëshironte të thyente tabutë e modës për gratë shtatzëna, duke e parë trupin e saj si pjesë të bukurisë dhe jo diçka që duhet mbuluar. /Telegrafi/
Ylli i muzikës amerikane Lady Gaga (39 vjeçe) i habiti fansat e saj kur anuloi koncertin e turneut “Miami Mayhem Ball” në minutën e fundit, i cili duhej të mbahej në Miami mbrëmë.
Këngëtarja iu drejtua fansave nëpërmjet Instagram Story, duke kërkuar falje për anulimin e papritur të performancës. “Përshëndetje të gjithëve, më vjen shumë, shumë keq, por duhet ta shtyj koncertin e sonte në Miami”, shkroi ajo.
Ajo shpjegoi se gjatë provave zëri i saj ishte “jashtëzakonisht i tendosur” dhe se si mjekët ashtu edhe një trajner vokal e këshilluan të mos performonte për shkak të rreziqeve të mundshme shëndetësore.
“Doja të isha e vendosur dhe të vazhdoja performancën për ty, por nuk dua të rrezikoj dëmtimin e përhershëm të kordave të mia vokale”, tha Gaga. Ajo theksoi se vendimi ishte i vështirë dhe i dhimbshëm, por u mor në përputhje me marrëveshjen e të gjithë ekipit.
Ajo shtoi se kishte bërë gjithçka që mundi për të shmangur këtë rezultat: “Kujdesem shumë për veten time që të jem në gjendje të jap një shfaqje kaq të impenjuar. I dua fansat e mi dhe ju respektoj. Shpresoj se mund ta pranoni faljen time të sinqertë dhe thellësisht të penduar”.
Në fund të mesazhit, Lady Gaga theksoi se tashmë po punon për një datë të re dhe se po përpiqet të caktojë një datë të re koncerti sa më shpejt të jetë e mundur.
Më herët këtë vit, Lady Gaga tërhoqi vëmendjen me një sërë sfidash në turne. Në korrik, ajo ra në skenë gjatë një performance në Las Vegas, por u rikuperua shpejt dhe vazhdoi me këngën sikur të mos kishte ndodhur asgjë. Gjithashtu, në maj, koncerti i saj në Rio de Janeiro ishte cak i një sulmi të planifikuar me bombë, i cili, falë ndërhyrjes në kohë të policisë, u parandalua.
Pavarësisht gjithçkaje, Lady Gaga planifikon të vazhdojë turneun, dhe performanca e radhës është planifikuar për 6 shtator në Madison Square Garden në New York.
Këngëtarja ka folur më parë hapur se sa shumë ndikojnë problemet e saj mendore në muzikën që krijon. Në një intervistë për Teen Vogue në mars, ajo tha: “Shëndeti im mendor ka pasur gjithmonë një ndikim të fortë në muzikën time. Doja të këndoja më shumë kur isha në gjendjen time më të keqe. Dhe kjo do të thotë se ndihesha shumë kështu, sepse këndoja gjatë gjithë kohës”.
Ajo shtoi se shkrimi i muzikës e ndihmoi të stabilizohej dhe të gjente zërin e saj: “Shkruja dhe këndoja nga një ndjenjë humbjeje, dhe kjo më ndihmonte të mblidhja veten dhe të tregoja historinë time”.
Dua Lipa duket e mahnitshme në turneun e saj “Radical Optimism” në Toronto, ku performoi në Scotiabank Arena.
Ylli 30-vjeçare shfaqej fillimisht me një kostum të brendshëm me xixa dhe detaje të arta, të kombinuara me këpucë të larta dhe doreza rrjetë.
Më pas, ajo ndryshoi dukjen me një kostum maceje me rrjetë dhe reçipeta, ndërsa veshja e tretë ishte një fustan gjysmë i tejdukshëm me të brendshme të bardha.
Koncerti në Toronto shënoi një nga netët e fundit të turneut gjigant 80-ditor që do të vazhdojë deri në dhjetor 2025 në vende të ndryshme të botës.
Ndërkohë, Dua dhe aktori Callum Turner kanë çuar marrëdhënien e tyre në një nivel tjetër duke themeluar së bashku kompaninë e prodhimit TwentyTwo Films Limited.
Çifti, i cili pritet të martohet, do të ketë aksione të barabarta dhe synon të zhvillojë projekte filmike, duke ndjekur gjurmët e Margot Robbie dhe Tom Ackerley.
Mesfushori i Barcelonës, Pedri, ka postuar një fotografi në “Insta story” ku ndodhet në fushën e blertë. Krahas fotos ai i ka bashkuar edhe këngën “Si ai” të këgëtares kosovare Tayna.
E gjatë ditës së sotme nuk ka munguar edhe përgjigja e vajzës nga Prizreni, e cila e ka shpërndarë storyn e përfaqësuesit spanjoll, ndërsa nuk e fshehu kënaqësinë që e ndjeu kur e pa këtë postim.
“Po njerëz, e kam parë që ai e ka postuar storyn me këngën time dhe më pëlqeu kjo. Mund të ndaloni së ma dërguari më mua”, – shkruan Tayna
Një ngjarje e frikshme ka ndodhur në Texas, ku një çift influencerësh u përplasën nga një makinë që hyri me shpejtësi brenda një restoranti, teksa ata po filmonin një video.
Nina Santiago, e njohur online si NinaUnrated, dhe partneri i saj Patrick Blackwood po shijonin një vakt në lokalin Piada Diner, kur një makinë përplasi xhamin e restorantit dhe u fut brenda, duke i hedhur të dy nga vendi ku ishin ulur.
Pamjet e publikuara tregojnë momentin dramatik kur makina shpërthen dritaren, copa xhami fluturojnë në të gjitha drejtimet dhe çifti përfundon i rrëzuar në tokë. I tronditur, Patrick ngrihet menjëherë për të ndihmuar Ninën, ndërsa të dy mbetën të plagosur me prerje dhe gjakosje si pasojë e përplasjes.
Nina Unrated (real name Nina Santiago) and Patrick Blackwood are food reviewers and social media influencers known for their content creation.
On August 17, 2025, an SUV crashed through the glass wall of Cuvee Culinary Creations in Houston, Texas, while a food review video was… pic.twitter.com/ADHvP6OWH2— T_CAS videos (@tecas2000) August 19, 2025
Më pas, ata ndanë videon në YouTube, duke e cilësuar ngjarjen një përvojë që u ndryshoi jetën: “Kjo eksperiencë na bëri të kuptojmë sa e çmuar është jeta. Nesër nuk është e garantuar. Bëni atë që doni sot, jetoni të lumtur, lini pas gjithçka që ju mban peng dhe falni. Ndihemi sikur na është dhënë një shans i dytë,” shkruan çifti.
Ata shtuan se tashmë duan të përqendrohen te vetja, të përmirësohen çdo ditë dhe të arrijnë synimet e tyre.
Dua Lipa ka nisur festimet e hershme të ditëlindjes së saj të 30-të, me disa ditë në Ibiza, Spanjë, e rrethuar nga miqtë dhe të afërmit më të ngushtë.
Artistja shqiptare me famë botërore ka publikuar pamje nga atmosfera festive, ku shihet duke kërcyer dhe shijuar muzikën spanjolle në një festë plot ngjyra dhe energji.
E veshur me stil dhe e rrethuar nga njerëzit e saj të dashur, Dua nuk iu rezistoi ritmeve, teksa vallëzimi i vinte krejt natyrshëm. Ajo rrezatonte sharm dhe vetëbesim, duke u kthyer në qendër të vëmendjes në çdo lëvizje.
Një nga momentet më të veçanta që ajo ndau me ndjekësit ishte vallëzimi me gotë mbi kokë – një zakon i njohur në dasmat shqiptare.
Në njërën nga videot, ajo shihet duke kërcyer me hijeshi, me një gotë të mbushur mbi kokë që nuk lëviz asnjë centimetër, edhe pse lëvizjet e saj janë plot dinamizëm.
View this post on Instagram
Ky detaj i ka emocionuar fansat, pasi risjell një moment tjetër të ngjashëm nga e kaluara, kur Dua ishte parë duke kërcyer me gotë mbi kokë, por atëherë nën ritmet e muzikës tradicionale shqiptare.
Përmes këtij vallëzimi simbolik dhe pranisë së miqve të ngushtë, Dua Lipa feston një kapitull të ri të jetës. /Telegrafi/
Gjykata Themelore në Gjilan ka lëshuar urdhër-arrest dhe letër-rreshtim ndërkombëtar ndaj Arbenita Ismajlit.
Lajmin për Telegrafin e ka konfirmuar Sabit Shkodra, udhëheqës i Zyrës për Informim dhe Komunikim me Media në Gjykatën e Shkallës së Parë në Gjilan.
“Po, është e vërtetë që kemi lëshuar urdhër-arrestin dhe letrën e rreshtimit ndërkombëtar. Në ditën që është bërë kërkesa nga ana e Prokurorisë Themelore në Gjilan, Gjykata ka ndërmarrë të gjitha veprimet e nevojshme, konform kompetencave ligjore dhe në përputhje me legjislacionin në fuqi”, tha Shkodra.
Prokuroria Themelore në Gjilan kishte filluar hetimet ndaj Ismajlit në qershor të këtij viti, pas dyshimeve se ajo nuk kishte zbatuar një vendim gjykate për takimet e vajzës së saj me babanë biologjik, Feronit Shabani. Sipas aktvendimit, babai kishte të drejtë ta takonte vajzën dy herë në muaj përmes Qendrës për Punë Sociale në Gjilan, por prokuroria pretendon se Ismajli ka penguar zbatimin e kësaj marrëveshjeje.
Më 10 korrik 2025, Prokuroria ngriti aktakuzë ndaj saj për veprën penale “Marrja apo mbajtja e kundërligjshme e fëmijës” dhe për “Mospërfillje të gjykatës”. Sipas prokurores së rastit, Ismajli dyshohet se nga shtatori i vitit 2024 ka larguar vajzën nga Kosova dhe ka qëndruar me të në vende të ndryshme të Evropës dhe Lindjes së Afërt, duke ia pamundësuar babait ushtrimin e të drejtës prindërore.
Nga ana tjetër, po e njëjta prokurori ka ngritur aktakuzë edhe ndaj Feronit Shabanit për tri vepra penale: dhunë në familje, ngacmim seksual dhe kanosje, të cilat pretendohet se i ka kryer ndaj Arbenita Ismajlit në periudhën qershor–tetor 2024.
Cristiano Ronaldo dhe Georgina Rodriguez më 11 gusht shpallën publikisht fejesën e tyre, pas tetë vitesh lidhjeje, duke e ndarë lajmin me një postim në Instagram ku vëmendjen e mori unaza gjigante e fejesës që mbante në dorë modelja argjentinase.
Fotoja u bë menjëherë lajm ndërkombëtar jo vetëm për lajmin e fejesës, por edhe për përmasat dhe shkëlqimin e gurit të çmuar.
Edhe pse çifti nuk ka dhënë ende detaje mbi diamantet apo çmimin, ekspertët e bizhuterive në mbarë botën kanë filluar të bëjnë vlerësime.
Tobias Kormind, drejtor menaxhues i kompanisë londineze “77 Diamonds”, beson se guri qendror oval i unazës peshon rreth 35 karatë. Sipas tij, ai është i shoqëruar nga dy gurë anësorë ovalë prej rreth 1 karati secili, të vendosur në platin, duke e çuar totalin në 37 karatë.
Ai e krahason madhësinë e saj me diamantin legjendar Taylor-Burton prej 69.42 karatësh, të blerë dikur nga Elizabeth Taylor, dhe e vlerëson këtë unazë në rreth 5 milionë dollarë.
Një tjetër eksperte, Laura Taylor nga “Lorel Diamonds”, thotë se diamanti oval i Georginas mund të ketë midis 15 dhe 20 karatë. Ajo shpjegon se prerja ovale njihet për shkëlqimin e jashtëzakonshëm, duke reflektuar dritën nga çdo kënd.
Sipas saj, gurët anësorë e bëjnë gurin qendror të duket edhe më madhështor, ndërsa vendosja në platin jo vetëm që i shton siguri, por edhe e thekson ngjyrën e gurit. Nëse diamanti është natyral, me cilësi të përsosur (ngjyrë D-F dhe pastërti perfekte ose pothuajse perfekte), çmimi i tij mund të tejkalojë 2 milionë dollarë.
Edhe influencerja e njohur për analizat e bizhuterive luksoze, Julia Chafe, e komentoi unazën menjëherë për 859 mijë ndjekësit e saj. Ajo e vlerësoi deri në 3 milionë dollarë, duke supozuar se bëhet fjalë për një diamant oval D Flaëless 35 karatësh.
Me humor, Chafe shtoi: “Nëse ka diçka që dimë për Georginan, është se ajo nuk bën gjëra të vogla”.
Ky diamant madhështor tashmë është bërë një nga unazat më të komentuara të vitit, duke e vendosur fejesën e Ronaldos dhe Georginës në qendër të vëmendjes botërore.
Artistja e njohur, Dafina Zeqiri, ka emocionuar fansat me një postim të ëmbël tre javë pas ardhjes në jetë të djalit të saj, Daskan, fryt i dashurisë me partnerin Kreshnik.
Në një fotografi të ndarë në InstaStory, Dafina shihet duke i përkëdhelur dorën vogëlushit, teksa shkroi: “Nënë me orar të plotë, e me zemër të mbushur plot”.
