Category: Showbiz

Presidentja e Republikës së Kosovës, Vjosa Osmani, ka ndarë së fundmi një video të veçantë nga takimi që u zhvillua të enjten në Presidencë me yllin botëror të muzikës, Dua Lipa.

Në një atmosferë solemne dhe plot emocion, Lipa u prit nga Presidentja Osmani në një ceremoni zyrtare, ku iu dorëzua shtetësia e Kosovës si një akt mirënjohjeje për rolin e saj të jashtëzakonshëm në promovimin e vendit në skenën ndërkombëtare të muzikës dhe kulturës.

Pamjet e publikuara tregojnë momente prekëse nga pritja, përfshirë edhe një interpretim të veçantë nga kori i vajzave që e mirëpritën artisten me këngën e saj të famshme “Levitating”, ndërsa ajo po hynte në ambientet e Presidencës. Emocionet ishin të dukshme në fytyrën e Lipës, e cila u shpreh më herët se ky ishte një nga momentet më të veçanta në jetën e saj.

Presidentja Osmani, në postimin e saj, theksoi se Dua Lipa është simbol i suksesit, krenarisë dhe identitetit të rinisë kosovare: “Me zërin, talentin dhe përkushtimin e saj, ajo i ka dhënë jehonë Kosovës në gjithë botën. Kjo shtetësi është vetëm një gjest i vogël në krahasim me atë që ajo ka bërë për ne”.

Vizita e Dua Lipës në Presidencë vjen në prag të edicionit të sivjetmë të festivalit “Sunny Hill”, ku ajo do të performojë për herë të tretë në Prishtinë, të premten mbrëma, duke rikthyer emocionin dhe energjinë në njërën nga ngjarjet më të rëndësishme kulturore të vitit në Kosovë.

Jennifer Lopez tregoi edhe një herë pse është një yll i vërtetë, edhe kur gjithçka nuk shkon sipas planit. Gjatë koncertit të saj në Varshavë, si pjesë e turneut “Up All Night: Live in 2025”, këngëtarja 56-vjeçare përjetoi një incident të papritur me veshjen, por reagimi i saj plot humor e ktheu momentin në një nga kulminantët e natës.

Ndërsa performonte përballë mijëra fansave, fundi me thekë që mbante mbi reçipetat dhe getat transparente i rrëshqiti nga ijet, duke e lënë në skenë vetëm me të brendshme. Në vend që të ndalonte apo të shqetësohej, Lopez vazhdoi performancën me buzëqeshje dhe vetëbesim, duke bërë një rrotullim dhe duke ngritur duart lart, si për të thënë: “Asgjë nuk më ndal!”

“Jam këtu me të brendshme!” u shpreh ajo teksa një nga balerinat nxitoi t’i kthente fundin në vend.

“Kjo do të bëhet virale kudo!”, shtoi ajo mes të qeshurave.

“Për fat të mirë e përforcuan atë veshje. Dhe për fat të mirë, unë kisha veshur të brendshme, sepse zakonisht nuk i vesh!” ttha Jennifer, një deklaratë që shkaktoi brohoritje dhe të qeshura nga audienca.

Momenti është kapur në video nga kanali zyrtar i Lopez në YouTube, si dhe nga shumë fansa që e ndanë në Instagram, ku videoja po bëhet virale në të gjithë botën.

Parashqevi Simaku ka ndarë një kujtim të rrallë me ndjekësit e saj në rrjetet sociale.

Ajo ka postuar një foto të sajën me djalin e saj menjëherë pasi erdhi në jetë. Foton, Simaku e ka shoqëruar me një dedikim prekës.

“Ah, biri im… kur të mbajta për herë të parë, bota u bë e imja. Me ty në duar, edhe sikur bota të shembej, s’mund të më rrëzonte. Por tani… disi, jemi larg. Dhe kjo më thyen më shumë se çdo fund. Luke, zemra ime, të dua sa botën”, ka shkruar ajo.

Në një ceremoni madhështore të mbajtur sot në Katedralen “Nënë Tereza” në Prishtinë, Teuta Rugova, vajza e ish-presidentit historik të Kosovës, Ibrahim Rugova, ka kurorëzuar dashurinë e saj me Agron Gjeloshi, djalin e aktivistit të njohur Nikë Gjeloshi.

Të ftuarit janë mbledhur për të ndarë këtë moment të veçantë me çiftin, në një atmosferë solemniteti dhe elegance. Ceremonia martesore është zhvilluar sipas riteve fetare katolike, përpara altarit të një prej objekteve më të rëndësishme fetare në kryeqytet.

Pamjet e shpërndara në rrjetet sociale tregojnë një event të organizuar me shumë kujdes, ku familja Rugova është paraqitur me një stil të përkryer, duke i dhënë ngjarjes një atmosferë që ngjason me një dasmë mbretërore.

View this post on Instagram

A post shared by BUKUR (@bukurworld)

Dasma e Teutës, e cila është gjithashtu e njohur për angazhimin e saj në jetën publike dhe politike, ka zgjuar vëmendjen e opinionit, jo vetëm për shkak të trashëgimisë që përfaqëson, por edhe për natyrën e veçantë të ceremonisë dhe elegancën e saj.

Ngjarja pritet të vazhdojë me një pritje më të gjerë familjare, ku të pranishëm janë personalitete nga fusha të ndryshme të jetës publike në Kosovë dhe rajon.

View this post on Instagram

A post shared by Norik Uka (@norikuka)

Drejtoresha e burimeve njerëzore e kompanisë amerikane të teknologjisë, Kristin Cabot, dha dorëheqjen pasi u filmua duke përqafuar drejtorin ekzekutiv të kompanisë, Andy Byron, gjatë një koncerti të grupit Coldplay.

Konkretisht, largimi i saj erdhi vetëm pak ditë pasi ish-drejtori ekzekutiv i kompanisë, Andy Byron, dha dorëheqjen gjithashtu.
Pasi kuptuan se ishin filmuar nga kamera, vokalisti i Coldplay, Chris Martin, i tha audiencës: “Ose po kanë një aferë, ose janë thjesht shumë të turpshëm”.

Videoja, e cila tregon çiftin duke u lëkundur në ritmin e muzikës në një koncert përpara se të përpiqen t’i shpëtojnë kameras, ka marrë miliona shikime në mediat sociale. Që atëherë është shpërndarë në platforma të ndryshme, është shndërruar në meme dhe është tallur në emisione televizive.

Rastësisht, Astronomer lëshoi një deklaratë duke njoftuar një hetim, pa e përmendur në mënyrë të qartë videon, dhe njoftoi se drejtori ekzekutiv do të lirohej nga puna.

Meme of the day: Coldplay concert camera catches cheating CEO on big screen

During a Coldplay concert in Boston, the livestream camera accidentally caught a tender moment between Andy Byron, CEO of U.S. tech company Astronomer, and the company’s head of HR, Kristin Cabot.

All… pic.twitter.com/TlcodY9CCv

— NEXTA (@nexta_tv) July 17, 2025

Të nesërmen, kompania njoftoi se z. Byron kishte dhënë dorëheqjen.

Kompania e përpunimit të të dhënave, analizave dhe inteligjencës artificiale njoftoi se bashkëthemeluesi dhe drejtori kryesor i zhvillimit të produkteve, Pete DeJoy, është emëruar CEO në detyrë.

“Ngjarjet e ditëve të fundit kanë tërhequr vëmendjen e medias që pak kompani – e lëre më startup-et në cepin tonë të vogël të botës së të dhënave dhe inteligjencës artificiale – e përjetojnë ndonjëherë”, tha DeJoy në fjalimin e tij të parë.

Ai theksoi se pothuajse brenda natës kompania u bë “një emër që të gjithë e njohin” dhe se do të vazhdojë në rrugën e përparimit dhe “angazhimit për të ndërtuar diçka të madhe”.

Rina Balajn nuk po e ndalin as temperaturat e larta! Ajo sapo ka publikuar këngën “Obsessed”, një projekt të cilin ia ka besuar labelit të njohur 2000 Music, ku producenti Rzon tashmë e ka dëshmuar që po sjell hite që po thyejnë rekorde të klikimeve në platforma online.

Rina edhe kësaj radhe ka ndjekur trendin botëror por në të njëjtën kohë ka sjell risi në diskografinë shqiptare. “Obsessed” është projekt që veç një këngëtare si Rina do mund ta lansonte.

Që në debutimin e parë, kënga nisi të shpërndahej në kohë rekord. Madje kënga arriti që të bëhet virale edhe në Tiktok ku njerëzit po e përdorin për videot e tyre virale.

Producenti Rzon, i njohur tashmë për realizimin e hiteve, e ka ngritur këtë projekt në një tjetër nivel. Tingulli modern, melodia e kapshme dhe tekstet që flasin gjuhën e brezit të ri është si duket sekreti i suksesit të Rzon

Ky sukses i ri e konfirmon edhe njëherë se Rina Balaj është një këngëtare e suksesshme në tregun muzikor shqiptar. Ajo nuk ndjek trende — ajo i krijon. Dhe çdo projekt i saj e dëshmon këtë më shumë se fjalët.

Vera është e saj. Skena është e saj. Vëmendja është e gjitha tek Rina Balaj dhe “Obsessed”!

Ana de Armas më në fund ka reaguar ndaj spekulimeve për marrëdhënien e saj me Tom Cruise, duke sqaruar se, ndonëse kanë kaluar kohë së bashku, bashkëpunimet e tyre profesionale janë në qendër të vëmendjes.

“Është shumë argëtuese dhe po punojmë padyshim në shumë projekte,” tha Ana gjatë një interviste për Good Morning America. Ajo konfirmoi se është duke zhvilluar disa projekte të reja në bashkëpunim me Cruise.

Thashethemet për një lidhje romantike nisën pasi të dy u fotografuan duke darkuar së bashku në Londër gjatë fundjavës së Shën Valentinit, dhe dalje të tjera publike në muajin prill, rreth ditëlindjes së 37-të të Ana-s.

Megjithëse nuk e mohoi dhe as e pohoi një lidhje romantike, Ana theksoi dëshirën për ta mbajtur vëmendjen te karriera e saj. “Kur vëmendja nuk ka të bëjë me punën time, më duket e pavend, e papërshtatshme dhe e pasigurt,” kishte deklaruar ajo.

Tom Cruise, i njohur për marrëdhëniet e tij publike ndër vite, ka qenë i martuar më parë me Mimi Rogers, Nicole Kidman dhe Katie Holmes./ NO FILT/

Sean “Diddy” Combs u pa i përqendruar dhe aktiv gjatë seancës gjyqësore më 16 maj, teksa ish-partnerja e tij, Cassie Ventura, dëshmoi për të dytën ditë radhazi në gjyqin federal ku ai përballet me akuza për trafikim seksual.

Sipas raportimeve nga salla e gjyqit, Combs ishte vazhdimisht i angazhuar,lexonte me kujdes transkriptet, u shkruante shënime avokatëve dhe ndiqte çdo zhvillim me vëmendje të plotë. Avokatët e tij argumentuan se Cassie kishte marrë pjesë me dëshirë në marrëdhënien dhe situatat që ajo përshkroi në gjykatë.

Cassie, tashmë shtatzënë me fëmijën e saj të tretë, deklaroi se ishte ndjerë e bllokuar dhe e detyruar të merrte pjesë në ato akte. Ajo akuzoi Combs për përdorim të dhunës, shantazh me video të regjistruara pa pëlqimin e saj dhe një përdhunim në vitin 2018.

Combs i ka mohuar kategorikisht të gjitha akuzat dhe ka deklaruar pafajësi. Edhe pse ai kishte zgjidhur një padi civile me Ventura në vitin 2023, ai ka insistuar se marrëveshja nuk përbën asnjë pranim faji.

Procesi vazhdon, ndërsa publiku dhe media po ndjekin me vëmendje zhvillimet e një prej rasteve më të bujshme të vitit./ NO FILT/

Jennifer Lawrence dhe Robert Pattinson morën një ovacion që zgjati nëntë minuta gjatë premierës së filmit të tyre të ri Die, My Love në Festivalin e Filmit në Cannes. Ky thriller psikologjik, i drejtuar nga Lynne Ramsay, është një adaptim i romanit të Ariana Harwicz nga viti 2017 dhe trajton temat e ndjeshme të depresionit pas lindjes dhe psikozës.

Në film, Lawrence luan rolin e Grace, një nënë e re që përballet me vështirësi të mëdha emocionale pas lindjes së fëmijës, ndërsa Pattinson interpreton Jackson, bashkëshortin e saj. Performancat e tyre janë vlerësuar për thellësinë emocionale dhe fuqinë dramatike, duke e bërë filmin një nga më të përfolurit e këtij edicioni të festivalit.

Gjatë një konference për shtyp, të dy aktorët ndanë se përvoja e tyre personale si prindër të rinj ka ndikuar thellësisht në mënyrën se si i qasën roleve. Lawrence, që ka dy fëmijë me bashkëshortin Cooke Maroney, theksoi se ndjeshmëria e saj është shtuar që nga lindja e fëmijëve. Ndërsa Pattinson, i cili u bë baba për herë të parë në vitin 2024 me partneren Suki Waterhouse, u shpreh se përvoja e atësisë e ka transformuar qasjen e tij ndaj aktrimit.

Die, My Love po konkurron për çmimin prestigjioz Palme d’Or dhe është konsideruar si një nga pretendentët për sezonin e ardhshëm të çmimeve Oscar, me Jennifer Lawrence që përmendet për një nominim të mundshëm në kategorinë e aktores më të mirë./ NO FILT/

E lindur më 2 maj 2015, Princess Charlotte është vajza e dytë e Princit Ëilliam dhe Catherine, Princeshës së Uellsit. E treta në radhë për fronin britanik, Charlotte ka që në lindje një pozicion të privilegjuar brenda Familjes Mbretërore, dhe pasuria e saj vlerësohet në rreth 5 miliardë dollarë – duke e bërë atë fëmijën më të pasur në botë aktualisht.

Kjo pasuri vjen kryesisht nga kombinimi i ndikimit të saj publik dhe të drejtave të saj të trashëgimisë. Ajo është pjesë e një dinastie që zotëron prona të shumta tokësore, përfshirë tokat e Duchy of Lancaster dhe Croën Estate. Për më tepër, veshjet dhe paraqitjet e saj kanë ndikuar në rritjen e vlerës ekonomike të markave britanike të modës për fëmijë, një fenomen që mediat britanike e quajnë “Charlotte Effect”. Në të ardhmen, ajo pritet të ketë akses të drejtpërdrejtë në pasuri të trashëguara që shtrihen në miliarda.

I lindur më 22 korrik 2013, Prince George është djali i parë i Princit Ëilliam dhe i Princeshës Kate, dhe trashëgimtari i dytë në radhë për fronin britanik pas babait të tij. Vlera neto e George-it vlerësohet në 3.6 miliardë dollarë, falë statusit të tij si një figurë e rëndësishme e monarkisë britanike.

Pasuria e tij buron nga trashëgimia mbretërore, ku përfshihet mundësia për të menaxhuar Duchy of Cornëall në të ardhmen ,një portofol investimesh me të ardhura të qëndrueshme që kalojnë brez pas brezi te trashëgimtari i fronit. Ai gjithashtu ndikon në ekonominë britanike përmes ndikimit që ka tek produktet për fëmijë, modën dhe turizmin. Përveç të drejtave ekonomike, ai pritet të ketë edhe rol politik dhe ceremonial në Mbretërinë e Bashkuar dhe më gjerë.

Blue Ivy, e lindur më 7 janar 2012, është vajza e parë e dy prej yjeve më të mëdhenj të industrisë së muzikës: Beyoncé dhe Jay-Z. Ajo ka fituar famë që kur ishte foshnje, dhe me kalimin e viteve ka ndërtuar një profil publik të jashtëzakonshëm, duke u bërë pjesë e projekteve artistike të prindërve të saj.

Pasuria e saj prej 1 miliard dollarësh buron nga fondet e krijuara nga prindërit, por edhe nga të ardhurat që ka gjeneruar përmes përfshirjes në muzikë. Ajo është fituese e çmimeve, përfshirë një Grammy për vokalet në këngën “Broën Skin Girl”, dhe është përfshirë në dokumentarë dhe videoklipe. Blue Ivy është gjithashtu bashkë-autore e librave për fëmijë dhe ka pjesëmarrje në projekte komerciale, duke konsoliduar një pasuri të qëndrueshme që vetëm do të rritet në vitet në vijim.

Stormi, vajza e Kylie Jenner dhe reperit Travis Scott, është një nga fëmijët më me ndikim në botën e medias sociale dhe modës që nga lindja e saj më 1 shkurt 2018. Ajo ka qenë fytyrë e padiskutueshme e markës së nënës së saj, “Kylie Cosmetics,” dhe ka ndikuar në strategjitë e marketingut të kompanisë që vlen qindra miliona dollarë.

Me një vlerë prej 726 milionë dollarësh, Stormi është pjesë e shumë projekteve të planifikuara nga Kylie, duke përfshirë linja produktesh me emrin e saj, bashkëpunime në modë për fëmijë.

North West, e lindur më 15 qershor 2013, është fëmija më i madh i Kim Kardashian dhe Kanye West. Ajo është rritur nën dritën e kamerave që nga lindja dhe është bërë shpejt një ikonë  në botën e mediave sociale, modës dhe artit.

Pasuria e saj prej 375 milionë dollarësh përfshin investime në emër të saj, të ardhura nga paraqitjet publike, reklama, pjesëmarrje në shfaqje televizive si The Kardashians, si dhe bashkëpunime të veçanta në fushën e modës./ NO FILT/