Category: Showbiz

Supermodelja, Gigi Hadid, shndërroi rrugët me kalldrëm të New York-ut në pistë personale të hënën, teksa pozoi për një set fotografik të modës së lartë të Maybelline në SoHo.

Vetëm një ditë pasi shijoi një mbrëmje romantike me partnerin e saj Bradley Cooper, 30-vjeçarja shfaqi një nga paraqitjet më të guximshme deri tani.

Hadid u shfaq me një kostum të errët e të strukturuar, i zbukuruar me çarje të theksuara në kofshë dhe i kompletuar me një rrip korse lëkure dramatik që theksonte siluetën e saj, shkruan DailyMail.

Veshjen e kombinoi me çizme të zeza elegante, grim të sofistikuar dhe flokë të kapura në një topuz elegant.

Në një moment, ajo u fotografua me një shkop rimeli Maybelline në dorë, duke i kujtuar publikut se është fytyra e markës që prej vitit 2015.

Fotosesioni ndodhi menjëherë pas daljes publike të çiftit Hadid–Cooper, të cilët u panë dorë për dore gjatë Javës së Modës në NYC, në një festë të revistës Vogue.

Burime për Page Six kanë raportuar se aktori 50-vjeçar po shqyrton martesën dhe fëmijët me Gigin, duke shtuar se “ai mund të bëjë pyetjen brenda dy muajve të ardhshëm”.

Çifti, që ndezi thashethemet për romancë në tetor 2023, thuhet se po mendon një familje të përzier me vajzat e tyre: Lea De Seine, 7 vjeç, që Cooper ka me ish-partneren Irina Shayk, dhe Khai Malik, 4 vjeç, vajza e Gigit me ish-in Zayn Malik.

Një burim i afërt i përshkroi ata si “jashtëzakonisht të lumtur” dhe të përqendruar tek familja.

Në intervista të fundit, Hadid ka folur me entuziazëm për lidhjen, duke thënë se Bradley i ka dhënë “përvojën më normale të takimeve” dhe e ka ndihmuar të rikthejë pasionin për teatër. Ajo shtoi: “Ndihem me fat. Ai më jep inkurajim, besim dhe një respekt të madh si krijues”.

Aktori i ri Owen Cooper ka bërë histori në ndarjen e çmimeve Emmy të këtij viti. Vetëm 15 vjeç, ylli i serialit Adolescence u shpall fitues i kategorisë “Aktori më i mirë në rol dytësor” në një seri të kufizuar, duke u bërë mashkulli më i ri ndonjëherë që fiton këtë çmim prestigjioz.

Me këtë sukses, ai theu një rekord mbi 50-vjeçar, i cili mbahej nga Scott Jacoby, fitues në vitin 1973, në moshën 16-vjeçare. Megjithatë, rekordi absolut për fituesen më të re i mbetet Roxana Zal, e cila në vitin 1984 fitoi Emmy në moshën 14-vjeçare për rolin e saj në filmin Something About Amelia.

Cooper ishte gjithashtu më i riu mes të nominuarve në kategorinë e tij, ku konkurroi me emra të mëdhenj të Hollivudit si Javier Bardem, Rob Delaney, Peter Sarsgaard dhe kolegun e tij nga seriali, Ashley Walters.

Në fjalimin e tij emocionues, aktori i ri nuk e fshehu entuziazmin: “Qëndruar këtu është thjesht e pabesueshme. Për të qenë i sinqertë, kur fillova kurset e aktrimit disa vite më parë, as që e mendoja se do të isha ndonjëherë në Shtetet e Bashkuara, e lëre më këtu”, tha ai.

Ai gjithashtu dha një mesazh të fortë për bashkëmoshatarët e tij: “Mendoj se kjo mbrëmje dëshmon se nëse dëgjoni, përqendroheni dhe dilni pak nga zona juaj e rehatisë, mund të arrini gjithçka në jetë. Kushdo mund të gabojë ose të turpërohet, por kjo nuk ka rëndësi”.

Roli i Jamie Miller në Adolescence ishte paraqitja e tij e parë e madhe, ndërsa së shpejti Cooper do të shihet si Heathcliff i ri në adaptimin e ri të Orkanskih Visova nga regjisorja Emerald Fennell, ku luajnë edhe Margot Robbie dhe Jacob Elordi.

Seriali i Netflix-it Adolescence, i realizuar në stilin unik me një plan të vetëm filmimi, ishte nominues për plot 13 çmime Emmy dhe dominoi mbrëmjen. Përveç Cooper, çmimin për aktoren më të mirë në rol dytësor e fitoi Erin Doherty, ndërsa Stephen Graham – që interpreton babain e Jamie-t dhe është një nga autorët e serialit – u shpall “Aktori më i mirë në rol kryesor”. Seriali fitoi gjithashtu çmime për skenarin më të mirë, regjinë më të mirë dhe çmimin më të madh të mbrëmjes – “Seria më e mirë e kufizuar ose antologjike”.

Duke marrë çmimin kryesor, Graham theksoi: “Kjo ishte një bashkëpunim gjigant. Ajo që bëjmë ne nuk është një ndeshje futbolli. Nuk ka fitues e humbës – gjithçka është subjektive. Por ajo që arritëm të krijojmë ishte një familje e bukur. Pa marrë parasysh nëse ishe i pari në listën e aktorëve apo i 101-ti, të gjithë u trajtuam njësoj dhe me respekt. Kjo është mënyra se si nxjerr më të mirën nga njerëzit e tu”.

Pas Irlandës, edhe Spanja e Sllovenia rrezikojnë të tërhiqen nga Eurovision 2026, nëse Izraelit i lejohet pjesëmarrja.

Në një deklaratë, transmetuesi publik irlandez RTE tha: “Irlanda nuk do të marrë pjesë në Festivalin Evropian të Këngës 2026 nëse Izraeli merr pjesë dhe vendimi përfundimtar mbi pjesëmarrjen e Irlandës do të merret pasi të merret vendimi i EBU-së (Bashkimi Evropian i Transmetuesve)”.

RTE theksoi se pjesëmarrja e Irlandës do të ishte “e papranueshme duke pasur parasysh humbjen e vazhdueshme dhe të tmerrshme të jetëve në Gaza”.

Të hënën, ministri i Kulturës së Spanjës, Ernest Urtasun, publikisht hapi mundësinë e një tërheqjeje të vendit nëse Izraeli nuk përjashtohet.

Duke folur në La Hora de La 1, Urtasun tha se edhe pse vendimi i fundit i takon transmetuesit publik RTVE, mund të jenë të nevojshme hapa radikalë nëse Izraeli merr pjesë.

Ai shtoi se Spanja tashmë ka kërkuar zyrtarisht përjashtimin e Izraelit dhe paralajmëroi se qeveria do të konsiderojë “masa… nëse nuk përjashtohet”, duke argumentuar se lejimi i pranisë së Izraelit do të përbënte “normalizim” të rolit të tij në forumet ndërkombëtare, pavarësisht ofensivës së vazhdueshme në Gaza, ku që nga tetori 2023 janë vrarë të paktën 64,600 palestinezë.

Të premten, transmetuesi publik slloven RTV Slovenija njoftoi se vendi nuk do të marrë pjesë në Eurovizion 2026 nëse Izraelit i lejohet rikthimi vitin e ardhshëm.

Ky vendim, i paraqitur si akt solidariteti me Palestinën, reflekton një qëndrim të shprehur për herë të parë në Asamblenë e Përgjithshme të EBU-së në korrik.

Ndërkohë, EBU ka shtyrë afatin për transmetuesit që të konfirmojnë pjesëmarrjen deri në mesin e dhjetorit dhe pritet të votojë mbi pranueshmërinë e Izraelit gjatë asamblesë së ardhshme në Gjenevë më 4–5 dhjetor. /Telegrafi/

Duket se Justin Bieber ndjehet më i qetë se kurrë me veten. Këngëtari i njohur 31-vjeçar të mërkurën publikoi në Instagram një seri fotografish dhe videosh ku shihej duke vozitur një Segway, i veshur vetëm me të brendshme. Ai ndau imazhe nga rruga me zhavorr, në mes të ditës, ku shfaqej vetëm me të bardhat.

Në çdo fotografi ku i shihej fytyra, Bieber buzëqeshte dhe dukej i lumtur. Krahas postimit nuk shkroi asgjë, por shtoi këngën e tij të re “Speed Demon” nga albumi “SWAG II”, i publikuar fundjavën e kaluar. Vetëm brenda tetë orësh, publikimi i tij arriti mbi një milion pëlqime.

Më vonë, ai vazhdoi të ndajë edhe aventura të tjera në natyrë – duke vozitur jet-ski, buggy dhe kajak – këtë herë i veshur. Në të gjitha postimet, Bieber shihet duke qeshur, gjë që u vu re edhe nga fansat. “E dua ta shoh të lumtur dhe gjithmonë të buzëqeshur”, kanë shkruar disa prej tyre.

Ky nuk është hera e parë që këngëtari shfaqet në rrjete sociale vetëm me të brendshme. Të hënën ai publikoi një fotografi ku qëndronte në tarracë me tre miq. Të gjithë qeshnin, ndërsa njëri prej tyre luante kitarë. Bieber kishte veshur vetëm të bardha, disa aksesorë dhe një çorape kompresuese. Në përshkrim, ai kishte etiketuar miqtë e tij, duke shtuar tre emoji zemrash.

Fotot më të fundit, të realizuara në kuadër të publikimit të albumit të ri, kanë ngjallur edhe kritika. Në disa prej tyre, Bieber shihet sërish vetëm me të brendshme Calvin Klein, duke mbajtur në krah djalin e tij. Edhe bashkëshortja e tij, modelja Hailey Bieber, ka reaguar ndaj këtyre imazheve.

Kujtojmë se çifti ka një djalë, Jack Blues, i cili më 22 gusht festoi ditëlindjen e parë. “Një vit me ty, djali im i bukur. Gëzuar ditëlindjen e parë Jack Blues, ti je gëzimi i mishëruar”, kishte shkruar Hailey në një postim emocionues në Instagram.

Justin dhe Hailey u martuan në shtator të vitit 2018. Në maj 2024 ata rinovuan betimet martesore në Havai, ku njoftuan se prisnin fëmijën e tyre të parë. Djali lindi në gusht 2024 dhe që nga ajo kohë, çifti shpesh ndan me publikun momente të ngrohta familjare.

Në një intervistë për Vogue Italia, të publikuar më 23 korrik, Hailey foli për thashethemet rreth martesës dhe për sfidat e periudhës pas lindjes. “Muajt pas ardhjes në jetë të djalit ishin periudha më delikate e jetës sime”, tha ajo, duke shtuar se të mësohej me versionin e ri të vetes ishte një proces i vështirë.

“Dhe pastaj ta përjetosh këtë ndërkohë që lexon vazhdimisht lajme të rreme si ‘Po divorcohen’ apo ‘Nuk janë më të lumtur bashkë’, është diçka që të çmend”, u shpreh Hailey. “As nuk di ta shpjegoj. Është një jetë e çmendur”. /Telegrafi/

https://www.instagram.com/p/DOUzeVxDIxO/?utm_source=ig_embed&ig_rid=0d2fa027-4709-4df3-9f91-3214fc09b6d8

Armando Broja po e shijon lidhjen e dashurisë me Sindin.

Ditën e djeshme ai festoi ditëlindjen, ku urimin më emocionues e mori nga partnerja.

Ajo ka ndarë disa fotografi duke zbuluar edhe tortën e ditëlindjes.

“Urime ditëlindja shoku im më i mirë, dashuria ime, partneri im në gjithçka”, shkroi ajo.

Broja, ka mbushur 24-vjet jetë.

Aktorja dhe ylli i muzikës pop, Hilary Duff, ka zbuluar se po planifikon një rikthim në botën e muzikës, 10 vjet pas publikimit të albumit të saj “Breathe In. Breathe Out”.

Konkretisht, u zbulua se Duff ka nënshkruar një kontratë me Atlantic Records si dhe se do të punojë në një seri dokumentarësh.

Projekti i drejtuar dhe prodhuar nga Sam Wrench do të tregojë rikthimin e shumëpritur muzikor të Duff, udhëtimin e saj personal në botën e muzikës.

Seriali i ri do të tregojë uljet dhe ngritjet e gjithçka që ndodh midis tyre, si dhe ekuilibrin midis familjes, regjistrimit të këngës së re, provave për shfaqje dhe përgatitjes për të performuar në skenë për herë të parë pas 10 vjetësh.

Seria dokumentare do të përfshijë gjithashtu intervista, performanca dhe pamje nga arkivi i saj.

Duff e konfirmoi lajmin në Instagramin e saj, duke shkruar: “Muzikë e re, ose diçka tjetër…”.

Ajo gjithashtu la të kuptohej së fundmi se do të vazhdonte karrierën e saj muzikore në një postim në Instagram. /Telegrafi/

Dua Lipa ka ndezur rrjetin me një fotografi të re ku shfaqet duke mbajtur në dorë modelin më të ri të Apple – iPhone 17 Pro në ngjyrën unike “cosmic orange”.

Këngëtarja shqiptare me famë botërore ishte ndër të parat që u pa me Iphone, duke lënë fansat të habitur: “Si e mori kaq shpejt?”.

Në një kohë kur prezantimi i serisë së re iPhone 17 sapo është bërë dhe para-porositë nisin vetëm këtë të premte, më 12 shtator, videoja e artistes shqiptare me edicionin e ri ka pushtuar rrjetet sociale.

Komentet nuk kanë munguar, ku shumë ndjekës shprehën habinë se si këngëtarja arriti të siguronte një nga modelet më të kërkuara para publikimit zyrtar.

Ajo në videon në Instagram xhiroi gjithçka me Iphone të ri, që nga koha kur zgjohet, angazhimet e tjera e deri te koncertet.

Apple prezantoi katër modele të reja – iPhone 17, 17 Pro, Pro Max dhe versionin ultra të hollë 17 Air.

Ndër to, iPhone 17 Pro Orange ka marrë vëmendjen kryesore për dizajnin prej alumini, kamerën që kompania e quan ‘më e mira ndonjëherë’ dhe baterinë më të fuqishme në një iPhone deri tani.

Megjithatë, ajo që po komentohet më shumë nuk janë specifikat, por fakti se Dua është e para që po e shijon këtë pajisje të shumëpritur. /Telegrafi/

Një sipërmarrës nga Massachusetts ka folur për fundin e martesës së tij me Kristin Cabot, e cila këtë verë u pa në krahët e shefit të saj, Andy Byron, gjatë një koncerti të “Coldplay”.

Pamjet nga “Kiss Cam”, ku Kristin dhe Byron u përpoqën të fshiheshin, bënë menjëherë xhiron e rrjetit dhe u shoqëruan me shakatë e këngëtarit Chris Martin, i cili tha: “Ose janë në një lidhje të fshehtë, ose kanë shumë turp”.

Vetëm pak javë më vonë, Kristin paraqiti kërkesë për divorc në New Hampshire.

Një zëdhënëse e bashkëshortit të saj, Andrew Cabot, theksoi se çifti ishte ndarë privatisht dhe në mënyrë miqësore përpara koncertit.

“Vendimi për divorc ishte marrë tashmë. Tani Andrew shpreson që kjo të mbyllë spekulimet dhe t’i japë familjes privatësinë që e ka vlerësuar gjithmonë”.

Andrew, 61 vjeç, është CEO i ‘Privateer Rum’ dhe ka dy fëmijë nga një martesë e mëparshme.

Me Kristin ai nuk ka fëmijë.

Skandali me Byron, i cili është gjithashtu i martuar, ndezi një valë memesh dhe diskutimesh online, duke ngritur edhe pyetje mbi kufijtë e privatësisë në epokën digjitale.

Si Kristin, ashtu edhe Byron, u larguan nga kompania Astronomer, ku punonin bashkë.

Në një reagim pas largimit të tyre, CEO i përkohshëm Pete DeJoy tha se kompania tregoi qëndresë përballë kësaj vëmendjeje të pazakontë mediatike.

“Edhe pse nuk do të doja të ndodhte në këtë mënyrë, Astronomer tani është bërë një emër i njohur”. /Telegrafi/

Vetëm pak ditë pasi shkaktoi habi dhe reagime të përziera duke u shfaqur si bionde, Kate Middleton (43) është parë sërish me ngjyrën e saj karakteristike të flokëve ngjyrë kafe

Në tribunat e Women’s Rugby World Cup, të shtunën, ajo shkëlqente me nuanca më të errëta me reflektime të arta, të kapura në një gjysmëbisht elegant. Veshur me një bluzë të bardhë, xhaketë të errët dhe vathë diskretë, ajo duartrokiste me energji gjatë ndeshjes mes Australisë dhe Anglisë.

Ky rikthim erdhi menjëherë pasi në fillim të javës, në shoqërinë e William, kishte debutuar me flokë të gjatë, kaçurrelë e biondë gjatë hapjes së kopshtit të rinovuar të Natural History Museum në Londër. Fotot bënë xhiron e internetit, duke nxitur debate mes admiruesve: disa e lavdëruan për guximin, ndërsa të tjerë u shprehën se kafeja natyrale i shkon më shumë.

Edhe stilistët mbetën të ndarë. Neville Tucker, parukieri mbretëror që ka punuar edhe me Queen Elizabeth II, deklaroi për Vanity Fair se Kate bëri një “ndryshim më drastik se kurrë më parë” dhe se ky hap mund të nxisë një trend të ri drejt nuancave bionde dhe të mjaltit. Megjithatë, ai pranoi se nuanca e saj klasike ngjyrë kafe deri më tani ka qenë një nga më me ndikim në botën e modës dhe frizurave.

Një fillim i ri për Kate dhe William

Ndryshimi i frizurës përkon me një fazë të re në jetën e çiftit. Pas betejës së vështirë me kancerin, për të cilën foli hapur në vitin 2024, Kate konfirmoi në janar se është në remision.

Së shpejti, ajo dhe William, bashkë me tre fëmijët e tyre – George (12), Charlotte (10) dhe Louis (7), do të shpërngulen nga Adelaide Cottage në Windsor në një rezidencë të re familjare, Forest Lodge në Windsor Park. /Telegrafi/

Moderatorja e njohur Luana Vjollca ka marrë vëmendjen e rrjeteve sociale pas një sërë surprizash luksoze që shënuan ditëlindjen e saj të 34-t. Por ajo që po ngjall më shumë kureshtje është misteri: kush po i organizon këto befasira përrallore?

Fillimisht, Luana e festoi ditëlindjen në jug të Shqipërisë, në një vilë luksoze pranë bregdetit. Ambienti ishte transformuar tërësisht – qindra, ndoshta mijëra trëndafila të kuq dhe rozë zbukuronin hapësirat, ndërsa pishina dhe zona përreth krijonin një atmosferë romantike dhe elegante.

Megjithatë, surprizat nuk përfunduan me kaq. Pak ditë më vonë, gazetarja Elona Duro ndau në rrjetet sociale një tjetër pamje që tërhoqi vëmendjen e ndjekësve: kati i banesës së Luanës në Tiranë ishte sërish i mbushur me trëndafila, duke krijuar një tjetër moment magjik.

Këto gjeste të bujshme kanë lënë ndjekësit me një pyetje të vetme: kush qëndron pas këtyre surprizave të kuruara deri në detaj?

https://www.tiktok.com/@lajmishqiptar_al/video/7546510380407835960?referer_url=www.kosovarja-ks.com%2F&refer=embed&embed_source=121374463%2C121468991%2C121439635%2C121749182%2C121433650%2C121404359%2C121497414%2C121477481%2C121351166%2C121811500%2C121860360%2C121487028%2C121331973%2C120811592%2C120810756%2C121819198%3Bnull%3Bembed_blank&referer_video_id=7546510380407835960