Category: SHËNDETËSI

Kristofer Lin ka udhëtuar në Samoa për të studiuar kulturën e tatuazheve, dhe ndikimin që kanë në sistemin imunitar.

Më shumë se 30% e amerikanëve janë me tatuazhe sot, megjithatë pak studime janë përqendruar te ndikimi biologjik që kanë ato, përveç rrezikut për kancer dhe për infeksione.

Trupi reagon ndaj tatuazhit siç do të reagonte ndaj një plage, duke e bërë sistemin imunitar të dërgojë qeliza të bardha gjaku, makrofage, që të hanë pushtuesit duke sakrifikuar veten, duke mbrojtur kështu trupin gna infeksionet.

Proteinat në gjak do të përpiqen të luftojnë lëndët pushtuese që i shohin si probleme. Antitrupat, ose imunoglobulinat, do të vazhdojnë të qarkullojnë nëpër gjak për të qenë në gatishmëri në rast se futen qeliza të tjera pushtuese.

Aftësia përshtatëse e sistemit imunitar do të thotë që imunoglobulinat në pështymë mund të shihen si vlera të shkaktuar nga tatuazhet.

Lin bëri matje të shumta të pështymës së personave që bënin tatuazhe, dhe duke krahasuar nivelet e shënjuesve biologjikë arriti në përfundimin se imuniglobulina A mbtet e lartë në gjak edhe pasi plagët e tatuazheve janë shëruar.

Njerëzit që kalonin më shumë kohë nën shiringën e tatuazhit, prodhoni më shumë imuniglobulinë A në pështymë, që tregon se sistemi i tyre imunitar ishte më i përmirësuar se i atyre pa tatuazhe. Këto përmirësime mund të ndihmojmë njerëz me dëmtime në lëkurë por dhe për shëndetin në përgjithësi.

Jemi zyrtarisht në sezonin e verës dhe i nxehti do të jetë shoqërues i ditëve tona. Me siguri që edhe juve ju duket sikur po djersini më shumë në palestër apo gjatë stërvitjes në natyrë, por a ka realisht ndikim i nxehti i verës me djegien e kalorive gjatë këtij sezoni?

Trupi ynë punon shumë për të mbajtur një temperaturë të brendshme të qëndrueshme prej rreth 37 gradë celsius. Ky është një proces fiziologjik i quajtur termorregullim. Nëse trupi ndjen se temperatura e tij e brendshme po rritet, gjëndrat e djersës aktivizohen për të djersitur dhe për ta mbajtur trupin të freskët. Pavarësisht se sa i nxehtë apo i/e djersitur ndiheni, trupi bën një punë të mirë për të qëndruar freskët.

Nuk kërkon më shumë kalori për të prodhuar djersë dhe për këtë arsye, ju nuk digjni më shumë kalori në nxehtësi. Disa njerëz prodhojnë më shumë djersë se të tjerët, por nuk ka ndonjë studim që tregon se më shumë djersë do të thotë djegie më e lartë e kalorive. “Kur jashtë është shumë nxehtë, njerëzit mund të djersiten më shumë, gjë që çon edhe në dehidratim,”-thotë mjeku kardiolog Marc Eisenberg.

Kur jeni të dehidratuar, presioni i gjakut mund të bjerë dhe si përgjigje ndaj kësaj, rrahjet e zemrës mund të rriten për të kompensuar presionin e ulët të gjakut. Një rritje e rrahjeve të zemrës nuk përkthehet as në një djegie të madhe të kalorive. Ju nuk do të digjni më shumë kalori në vapë, por historia ndryshon kur moti është i ftohtë.

Sipas “National Institutes of Health”, trupi punon shumë për të ruajtur temperaturën e brendshme të trupit si në mjedise të nxehta ashtu edhe në të ftohta. Por, kur është ftohtë, ndodh humbja e nxehtësisë dhe temperatura e brendshme e trupit bie, hipotalamusi (një rajon i vogël në tru) rrit metabolizmin e trupit për të gjeneruar nxehtësi.

Përveç kësaj, muskujt kontraktohen në mënyrë të pavullnetshme për të shkaktuar dridhje që çojnë në nxehtësi. Të dridhurat djegin njëherësh edhe kalori, që mund të çojë edhe në humbje peshe. A ndihmon stërvitja në vapë që të humbisni peshë? Ju mund të keni parë më pak kilogramë në verë pas ushtrimeve apo stërvitjes, por kjo me shumë mundësi ndodh për shkak të humbjes së ujit. Rritja e nxehtësisë bën që trupi të djersitet më shumë për të mbajtur veten të freskët. Nëse nuk pini ujë për të zëvendësuar djersën që po humbisni, mund të humbni disa kilogramë nga pesha ujore dhe të dehidratoheni.

“American health association” pohon se për të mbrojtur fëmijët nga sëmundjet kardiovaskulare duhet evituar përdorimi i sheqerit deri në moshën 2 vjeçare, si edhe duhet përdorur në mënyrë të moderuar deri në moshën 18 vjeçare, konkretisht rreth 25 gr në ditë.

Sheqeri konsiderohet prej kohësh si një faktor rreziku për shfaqjen e sëmundjeve kardiovaskulare, hipertensionit dhe diabetit shkruan përnënat.al. Ju duhet të keni parasysh se kur flasim për sheqerin, nuk e kemi fjalën për atë që përmbajnë disa ushqime si për shembull frutat dhe qumështi, por për sheqerin që shtohen gjatë përgatitjes së tyre në shtëpi apo në proceset industriale (sakaroza, glukoza, fruktoza, mjalti dhe shurupët).

Sigurisht që mendja të shkon tek tortat, biskotat, akulloret dhe karamelet, por duhet të theksojmë se sheqeri është i pranishëm edhe në disa ushqime për të cilat ndoshta nuk kemi dyshuar ndonjëherë më parë. Të tille janë hamburgerat, paninet si edhe disa salca si ketchup-i, për të mos përmendur pijet me gaz, çajin e ftohtë, pijet energjike (një kanaçe përmban rreth 40 gr sheqer).

Sipas ekspertëve amerikanë sa më shumë sheqer të ketë në dietën e fëmijëve dhe adoleshentëve, aq më i madh do të jetë rreziku për tu shfaqur obeziteti tek fëmija, hipertensioni, të rritet niveli i yndyrës në gjak, të shfaqet diabeti etj. Mendohet gjithashtu se fëmijët të cilët konsumojnë shumë ushqime të pasura me sheqer të shtuar, konsumojnë më pak ushqime të shëndetshme si fruta, perime dhe drithëra integrale.

Dy rekomandimet kryesore të specialistëve amerikanë:

Fëmijët deri në moshën 2 vjeçare nuk kanë nevojë për sheqer, dhe aq më tepër të mësohen me shije të ëmbla. Pra përdorimi i sheqerit dhe mjaltit duhet të evitohet.

Midis moshës 2 dhe 18 vjeçare, fëmija nuk duhet të marrë më shumë se 25 gr sheqer në ditë. Ata mund të konsumojë rrallëherë ndonjë ëmbëlsirë dhe pije, sasia e të cilave nuk duhet të jetë më shumë se 1 në javë. Dieta e tyre duhet të jetë e pasur me fruta, perime, mish, peshk, drithëra integrale dhe prodhime qumështi me pak yndyrë.

Problemet e rënda me shëndetin mund të ndodhin në çdo kohë. A e dini se çfarë duhet të bëni kur jeni vetëm dhe keni një atak në zemër?

Së pari, ato që nuk duhet të bëni.

Mund të keni lexuar këshilla që qarkullojnë në internet, se nëse kolliteni fort gjatë ataku në zemër, mund t’ju ndihmojë që të mbijetoni deri kur të vijë ambulanca.

Eshtë një praktikë reale mjekësore që quhet CPR e kollës, por është e dobishme vetëm gjatë arrestit të plotë kardiak, dhe jo domosdoshmërisht një ataku në zemër. Në fakt, përdorimi i kësaj teknike gjatë një ataku në zemër mund t’i përkeqësojë gjërat në mënyrë të konsiderueshme, dhe mund të shkaktojë vdekjen, përpara se të vijë ndihma.

CPR me kollë funksionon duke rritur trysninë mbi gjoks, aq sa duhet për të ruajtur qarkullimin e gjakut që përmban oksigjen. Ndihmon trurin që të ruajë vetëdijen në periudha rreziku. Në disa raste mund të jetë gjëja e duhur, por nuk duhet të jeni ju që ta vendosni nëse është apo jo gjëja që duhet të bëhet. Gjëja më e mirë që mund të bëni nëse keni një atak në zemër, kur jeni vetëm, është të ruani qetësinë dhe thërrisni ambulancën MENJEHERE.

Nëse keni atak në zemër, mund të merrni edhe Aspirinë, si një zgjidhje emergjente. Do t’ju hollojë gjakun dhe ndihmojë qarkullimin. Por përtypeni aspirinën përpara se ta gëlltisni. Kjo ndihmon që ajo të hyjë më shpejt në sistemin tuaj. Pra duhet të dini vetëm që aspirina dhe ruajtja e qetësisë do jua shpëtojë jetën, të kolliturit me siguri do i japë fund asaj.

Në të kaluarën ishin të njohura si “buka e shkretëtirës”. Tani është vërtetuar se hurmat njëjtë sikur bajamet dhe rrushi i thatë bëjnë pjesë në grupin e ushqimeve me vlera të shumta ushqyese.

Për shkak të vetive të tyre shumë të dobishme, vendet arabe çdo ditë i përdorin hurmat. Ato lehtë mblidhen, ruhen dhe transportohen, andaj edhe janë të disponueshme shumë lehtë në mbarë botën, ashtu edhe te ne.

Sheqerërat natyrale që përmbajnë në vete janë në formë të glukozës dhe fruktozës. Hurmat e thata të grira, të vendosura në ujë, i cili ka qëndruar gjatë tërë natës, paraqesin një ilaç shumë të mirë nëse dëshironi ta forconi zemrën dhe funksionet e saj vitale.

Hurmat gjithashtu janë një ilaç efektiv dhe shumë efikas kundër dhimbjes së kokës dhe kundër plakjes, shkruan femina.al. Ato i qetësojnë nervat dhe është e vërtetuar shkencërisht se për shkak të përmbajtjes së madhe të kalciumit, magnezit dhe fosforit mund të ndikojnë në mënyrë preventive kundër kancerit.

Hurmat e forcojnë trupin, zvogëlojnë kolesterolin në gjak, rregullojnë procesin e tretjes dhe e mbrojnë stomakun nga parazitët dhe bakteriet.

Megjithatë duhet të kemi kujdes në sasinë që konsumojmë, e veçanërisht nëse keni problem me peshën e shtuar, pasi që vetëm një hurmë përmban 20 kalori.

Koha më e mirë për të ngrënë fiq është në mëngjes në mënyrë që ata të mund të pastrojnë sistemin tuaj të tretjes gjatë gjithë ditës.

Pastrimi i sistemit tretës është një nga veçoritë më unike të këtyre frutave të ëmbël të verës.

Fiqtë janë nga frutat më të shkëlqyera për shëndetin e mëlçisë. Ata kanë një nivel të lartë të alkaneve dhe prandaj ndihmojnë në rregullimin e pehashit të tretjes.

Fiqtë janë të pasur me antioksidantë që parandalojnë dëmtimet e shkaktuara nga radikalët e lirë.

Kur konsumohen në mëngjes, fiqtë qetësojnë organizmin, japin energji dhe ofrojnë vetëm ëmbëlsi natyrale, lehtësisht të përthithshme nga trupi i njeriut.

Konsumimi i fiqve në mëngjes shërben edhe si rregullues dhe stabilizues i presionit të gjakut për aktivitetin e ditës në vijim.

Falë përmbajtjes së lartë të kalçiumit dhe magnezit, fiqtë janë në gjendje të relaksojnë enët e gjakut duke siguruar mineralet e duhura për balancimin e elektroliteve.

Sipas studimeve të cilave i referohet AgroËeb.org, fiqtë rekomandohen për t’u konsumuar herët në mëngjes edhe për të pasur fuqi dhe shëndet të mirë gjatë gjithë ditës, kjo falë fibrave, mineraleve dhe vitaminave që ata kanë.

Fiqtë janë burim natyral i proteinës, fosforit, glukozës dhe kalçiumit.

Ato janë të pasur edhe me vitaminat A, C, D dhe B të cilat janë thelbësore për lëkurën, kockat dhe shëndetin.

Për shkak të këtij profili, fiqtë duhen vlerësuar si një ilaç fantastik.

Në këtë artikull do të mësoni më shumë për vlerat dhe përfitimet që mund të merrni nga fiqtë e freskët dhe të thatë.

Sëmundjet e zemrës dhe gurët në veshka

Fiqtë janë të pasur me antioksidantë, vitaminë E, A dhe C.

Antioksidantët eliminojnë radikalet e lira dhe parandalojnë sëmundjet e zemrës dhe gurët në veshka.

Kocka të forta

Fosfori, vitamina D dhe kalçiumi që gjenden tek fiqtë i bëjnë kockat më të forta.

Një fik plotëson 3 përqind të nevojës ditore për kalçium.

Duke e konsumuar atë çdo ditë mund të pakësoni rrezikun e shfaqjes së osteoporozës.

Shëndeti i syve

Vitamina A tek fiqtë përmirëson shëndetin e syve. Konsumoni 3-4 fiq në ditë për të ulur rrezikun e humbjes së shikimit si pasojë e moshës.

Djersitja gjatë natës është diçka me të cilën mund të përballemi të gjithë kur temperaturat janë të larta.

Por, kur temperaturat janë të freskëta, mund të jetë konfuze të zgjohesh në një pellg djerse, shkruan The Sun.

Djersitjet gjatë natës ndodhin për një sërë shkaqesh, disa prej të cilave këtyre shkaqeve mund të jenë më serioze.

Pse djersini në gjumë?

Sipas Shërbimit Shëndetësor Kombëtar (NHS) të Mbretërisë së Bashkuar, arsyet më të zakonshme të djersitjes gjatë natës janë:

Simptomat e menopauzës: Ndryshimet e hormoneve gjatë menopauzës mund t’u shkaktojnë grave djersitje gjatë natës. Por është e trajtueshme – vizitoni mjekun nëse ka ndikim të madh tek ju.

Ankthi: Ky mund të jetë një shkak i zakonshëm i djersitjes së tepërt.

Ilaçet: Ilaçet kanë të gjitha llojet e efekteve anësore. Ilaqet kundër depresionit, steroidet dhe qetësuesit janë më të zakonshmet që shkaktojnë djersitje. Nëse keni filluar të djersiteni që nga marrja e ilaçeve, mund të flisni me mjekun tuaj të përgjithshëm për të parë nëse mund ta ndërroni.

Sheqer i ulët në gjak: Njerëzit me sheqer të ulët në gjak (hipoglikemia) mund të përjetojnë djersitje gjatë natës. Kjo përfshin njerëzit që marrin ilaçe për diabetin, si insulina.

Hiperhidroza: Kjo gjendje e padëmshme ju bën të djersitni shumë më tepër se një person mesatar, gjatë gjithë kohës.

Sëmundja: Djersitja gjatë natës mund të jetë një shenjë se sistemi imunitar po lufton kundër infeksionit. Disa njerëz e kanë raportuar këtë ndërsa po përballeshin me coronavirus. Për të njëjtën arsye, mund të shfaqet edhe si një efekt anësor i vaksinimit.

Kanceri: Djersitja gjatë natës mund të jetë gjithashtu një shenjë paralajmëruese shumë e hershme e disa llojeve të kancerit, veçanërisht limfoma, një lloj kanceri i gjakut. Por kjo do të ishte e rrallë. /Telegrafi/

Rrënjët e luleradhiqes janë përdorur prej shumë kohësh në shumë trajtime terapeutike dhe në veçanti për problemet me mëlçinë.

Sipas të dhënave ku bazohet AgroWeb.org, rrënjët e kësaj bime janë të mirënjohura për pastrimin e mëlçisë dhe parandalimin e formimit të qelizave tumoriale.

Mjekësia tradicionale e vendeve Arabe e përdor rrënjën e luleradhiqes për të trajtuar hepatitin, për të forcuar kundërpërgjigjet e sistemit imunitar dhe kuruar infeksionet e traktit të sipërm të frymëmarrjes.

Luleradhiqja është një bimë plot vlera që stimulon funksionet e stomakut dhe mëlçisë por edhe luan edhe rol diuretik duke ndihmuar në pastrimin e organizmit nga toksinat.

Rrënja e luleradhiqes përdoret për trajtimin e problemeve të mëposhtme:

Çrregullimet me tretjen: Tretja problematike, gastriti dhe refluksi acidik.
Fshikëza e tëmthit: Parandalon formimin e gurëve dhe i shpërbën ato më shpejt.
Mushkëritë: Azma, bronshiti, infeksionet, kanceri dhe problemet me frymëmarrjen.
Mëlçia: Mosfunksionimi i mëlçisë, cirroza hepatike, kanceri.
Lëkura: Aknet, ekzema, psoriaza.
Inflamacioni: Kontraktimet muskulare, artriti, reumatizma.
Gjaku: Përmirëson dhe rregullon tensionin e gjakut, stimulon qarkullimin e tij.
Sytë: Përmirëson shikimin.
Përbërësit e hidhur të rrënjës së lulerradhiqes luajnë funksion të jashtëzakonshëm natyral kundër problemeve me tretjen përfshirë sindromën e zorrës së irrituar.

Ky artikull i AgroWeb.org ofron informacione të dobishme për përdorimin e rrënjës së luleradhiqes për pastrimin e mëlçisë dhe luftën kundër kancerit.

Si Funksionon Luleradhiqja në Pastrimin e Organizmit
Rrënja e luleradhiqes përmban një substancë të hidhur që quhet taraksacerinë e cila nxit rrjedhjet e tëmthit, që rrjedhimisht përshpejton pastrimin e mëlçisë nga toksinat.

Studimet e kryera tek brejtësit treguan se ekstraktet e rrënjës së luleradhiqes kontribuojnë në shërimin e sëmundjeve të mëlçisë të shkaktuara nga konsumi i alkoolit.

Për më tepër, ku ekstrakt ndihmon edhe në eliminimin e toksinave nga gjaku.

Si ta konsumoni lëngun e rrënjës së luleradhiqes:

Përdorni plot 20 rrënjë luleradhiqesh. Sigurohuni që ato të jenë të padëmtuara.

Lajini dhe pastrojini mirë me ujë të bollshëm. Pritini në copa dhe hidhini në një shtrydhëse.

Si fillim konsumoni një lugë çaji në ditë dhe më pas rriteni dozën në 3 lugë gjelle në ditë.

Dozat janë në varësi të tolerancës së organizmit tuaj.

Lëngu në fjalë mund të jetë shumë i hidhur, por është pikërisht ky aspekt që e bën luleradhiqen me të vërtetë magjike.

Mos u përpiqni të përdorni shtesa të tjera për të prishur shijen e hidhur./AgroWeb.org

Sipas udhërrëfyesve të Departamentit të Ushqimit në Shtetet e Bashkuara, një grua ka nevojë për 1,600-2,400 kalori në ditë.

Burrat nga ana tjetër kanë nevojë për 2000-3000 kalori në ditë.

Sidoqoftë, sasia e saktë e kalorive për një njeriu është në varësi të këtyre faktorëve:

Mosha,
Pesha,
Gjatësia,
Stili i jetesës,
Shëndeti
Aktiviteti fizik
Me kalimin e moshës, ritmi i metabolizmit të njeriut ngadalësohet shumë.

Kjo pakëson edhe nevojën e njeriut për energji.

Për shembull, vajzat nga 19-25 vjeç kanë nevojë për deri në 2000 kalori në ditë.

Pas moshës 51 vjeçare, sasia e nevojshme e kalorive zbret në 1600.

Djegia e Kalorive Në Mënyrë Të Shëndetshme
Trupi i njeriut ka nevojë për energji që të funksionojë.

20 për qind e energjisë që marrim nga ushqimet (pra kaloritë) janë të nevojshme për trurin.

Pjesa tjetër është për funksionet bazë siç është qarkullimi i gjakut, tretja dhe frymëmarrja.

Ekspertët, të cilëve u referohet AgroWeb.org thonë se njeriu mund të djegë kalori edhe duke ngrënë shëndetshëm, pa qenë domosdoshmërish në dietë.

Mëngjesi duhet ngrënë rregullisht. Sigurohuni që të konsumoni proteina për një ngopje më të gjatë.

Vaktet e tjera të ditës duhet të jenë të rregullta. Kësisoj do të humbisni më shumë kalori.

Mos harroni rregullin e artë të pesë frutave dhe perimeve në ditë. Ato janë të pasura me fibër.

Hani më shumë kalori që digjen ngadalë. Thjerrëzat dhe yndyrat e shëndetshme siç është avokadoja, kërkojnë më shumë kohë që të çlirojnë energji. Kësisoj nuk do t’ju marrë uria shumë shpejt.

Aktiviteti fizik është shumë i rëndësishëm për djegien e kalorive të tepërta ndaj nuk duhet ta anashkaloni.

Uji është gjithashtu i dobishëm për të ruajtur peshën ideale. Shmangni lëngje dhe pije të tjera jo të shëndetshme.

Racionet, janë një aspekt i nevojshëm që duhet marrë në konsideratë. Zvogëlimi i racioneve do ju ndihmojë të humbisni peshë në mënyrë të shëndetshme./AgroWeb.org/