Nuk është më sekret se konsumimi i tepërt i kripës rrit qarkullimin e gjakut dhe shkakton hipertension. Megjithatë sipas shkencës kjo lidhje qëndron edhe kur konsumojmë ushqime të shëndetshme.
Në një studim prej 4.000 të rriturish studiuesit zbuluan se një dietë e pasur me fruta dhe perime që lidhen me presionin e ulët të gjakut, nuk kompensojnë efektet e rritjes së presionit të gjakut nga konsumimi i kripës.
Sipas një udhëzimeve të dietës amerikane thuhet se një i rritur duhet të konsumojë vetëm 2.300 miligram kripë në ditë ose vetëm një lugë çaji.
Por pavarësisht rekomandimeve kjo gjë nuk zbatohet. Organizata e shëndetit deklarojnë se një dietë e pasur në fruta dhe perime ndihmon për të ulur presionin e gjakut, por a mund të kundërveprojë një dietë e tillë në efektet e konsumimit të tepërt të kripës?
Studiuesit thonë se nuk mund të reduktohen efektet negative të kripës duke konsumuar vetëm fruta, perime dhe drithëra.
Gjithashtu është zbuluar se 75% e kripës merret nga restorantet dhe ushqimet e paketuara. Prandaj duhet që restorantet dhe kompanitë që prodhojnë ushqime të paketuara duhet të jenë pjesë e zgjidhjes së problemit.
Termi emocion në praktikën mjekësore përdoret në rrethana aq të ndryshme, saqë e ka humbur kuptimin e vet. Ai u referohet si individëve nervozë, neurotikë, të trishtuar e të përshtatur keq në shoqëri, ashtu edhe atyre që vuajnë nga sëmundje trupore të paqarta.
Neurologët e përcaktojnë atë më qartë dhe e quajnë si një gjendje të ndërlikuar të organizmit, me përbërësin mendor të frikës, të zemërimit, të dashurisë ose të urrejtjes, të cilat ndërthuren me disa ndryshime të organeve që në shumicën e tyre janë nën kontrollin e sistemit nervor autonom dhe që shkaktojnë një kundërveprim lëvizor, transmeton Telegrafi.
Një emocion i fortë mund ta çrregullojë mendimin e arsyeshëm dhe ta ndryshojë sjelljen aq sa ajo të duket e degraduar e stereotipike dhe të humbë funksionin e mbrojtjes për organizmin.
Një emocion jo i fortë mund të marrë formën e ankthit, të depresionit apo të humorit të lartë, duke u shprehur vetëm me shenja jo shumë të theksuara të organeve ose trupore.
Emocioni i njeriut, sipas një analize të përpiktë, qëndron në nxitjen, perceptimi i së cilës sjell në kujtesë lidhje specifike të nxjerra nga: përvojat e mëparshme. Gjendja psikike e krijuar nga ky perceptim përfshin një ndjenjë ose afekt, të njohur vetëm sipas një përvoje vetjake, të shprehur me thënie gojore dhe me anën e sjelljes.
Dihet se sferat afektive dhe emocionale mund të çrregullohen në mënyra të ndryshme nga sëmundjet e trurit. Nganjëherë krijohet një gjendje jo e zakonshme apatie dhe qetësie, kur nxitësit e zakonshëm të frikës, të zemërimit, të dashurisë dhe të ankthit, nuk ndikojnë fare mbi të sëmurët ose shkaktojnë në ta kundërveprime të dobëta.
Të tilla tablo klinike mund të shkaktojnë dëmtime që shoqërohen me çrregullim të njohjes pamore (vizuale), me synimin për të ekzaminuar çdo objekt me anën e të prekurit ose me gojë, me hiper- ose hiposeksualitet. Kjo tablo e ndërlikuar njihet si sindroma Kluver-Bucy. Ndërsa një dëmtim i përqendruar, nganjëherë mund ta çojë të sëmurin në një gjendje eksitimi të tërbuar, zemërimi dhe frike; çdo nxitës, qoftë edhe i padëmshëm, do ta eksitonte të sëmurin që mund të godasë qorrazi këdo që t’i afrohet. Në këtë rast del jashtë kontrollit aparati për shprehjen emocionale dhe jo gjendja mendore.
Çrregullimet emocionale, që janë më të holla dhe më të vështira për t’u kuptuar janë ankthet e mprehta dhe të motuara, depresionet dhe manitë. Ato nuk kanë një lidhje të qartë me rrethanat në të cilat ka jetuar i sëmuri. Në disa raste, gjendja zotëruese emocionale, në një ekzaminim të ngushtë, është nxitur nga halucinacionet ose nga deluzionet. Për shembull, në një gjendje deliri ose sindrome skizofrenie, zërat që kërcënojnë jetën e të sëmurit natyrisht nxisin frikën.
Në sëmundje të tjera mendore i sëmuri vuan nga një ankth i përgjithshëm ose nga depresioni. Ndryshe nga një person normal, tek i cili depresioni dhe ngazëllimi janë reagimet natyrore ndaj situatave të jetës si, p.sh., humbja e burimit të jetesës, dëshpërimi për një njeri të dashur që ka vdekur, ose një sukses në jetë a në punë, këta të sëmurë nuk reagojnë në mënyrë të përshtatshme.
Psikoza maniakodepresive
Psikoza maniakodepresive është një sëmundje që karakterizohet me çrregullime ciklike të humorit. Krizat depresive ose të manisë mund të shfaqen vetëm një herë gjatë jetës së të sëmurit ose të përsëriten kohë pas kohe. Depresioni është më i shpeshtë sesa mania (gjendja prej maniaku). Disa të sëmurë shfaqin vetëm kriza depresive.
Në dallim nga skizofrenia, që zakonisht të sëmurin e bën përgjithnjë të paaftë për punë, në periudhat e qetësisë së psikozës maniakodepresive, ai zakonisht është krejtësisht normal.
Shpeshtia e sëmundjes është vështirë të përcaktohet për shkak të pasaktësisë diagnostike. Në fakt kjo psikozë është shkaku më i shpeshtë i shtrimeve në spitalet psikiatrike i adoleshentëve dhe i të rriturve të rinj. Çdo krizë mund të zgjatë me muaj ose me vite, po qe se të sëmurët nuk mjekohen.
Gjendja e depresionit mund të zhvillohet në formë të plotë brenda disa ditëve ose të shfaqet më ngadalë. Duhet vetëm të theksojmë se i sëmuri, pa shkaqe të dukshme, humbet besimin në forcat e veta bëhet i paaftë për t’i shërbyer vetvetes dhe dëshpërohet. Jeta i duket pa interes dhe pa qëllim; për këtë gjendje ai quan fajtor veten. Forca për t’u përqendruar dhe aftësia për të ruajtur interesin për veprimtarinë e zakonshme të përditshme bien; sforcimi më i vogël shkakton kapitje.
Andrallat dhe shqetësimet e jetës së zakonshme nuk mund të përballohen. Pavendosmëria, trishtimi ose dhimbja shpirtërore dhe çrregullimet trupore të shkaktuara nga ankthi janë simptoma të tjera të rëndësishme të depresionit, lindin gjithashtu mendime për vetëvrasje.
psychiatrist examining a male patient
Krahas rëndimit të depresionit, të sëmurët flasin gjithnjë e më pak, derisa më në fund humbasin aftësinë për të lëvizur dhe për të folur. Shpesh lindin deluzionet që e shtojnë pikëllimin. Shenja të tjera të rëndësishme janë: indiferentizmi ndaj ushqimit, rënia në peshë, kapsllëku, pagjumësia, humbja e libidos, që vazhdojnë aq kohë derisa të sëmurët të dalin nga depresioni.
Në fazën e manisë simptomat janë të kundërta me ato të depresionit. Të sëmurët bëhen më energjikë dhe janë të mbushur me entuziazëm, me gëzim dhe me dashuri për jetën. Me vullnet e besim të madh në vetvete ata propozojnë plane të reja, që rrallë çohen deri në fund. Ide të reja u lindin në mendje dhe të sëmurët kanë shumë dëshirë për të folur. Të arsyetuarit është sipërfaqësor dhe ngacmueshmëria mund të theksohet aq sa t’i çojë të sëmurët në qëndrime armiqësore, sidomos kur kritikohen ose kundërshtohen.
Euforia dhe humbja e aftësisë për të përmbajtur veten mund të rriten deri në atë shkallë saqë t’u hapin rrugë deluzioneve të madhështisë, të fuqisë së mbinatyrshme dhe të rëndësisë së vetvetes. Në këtë fazë, ashtu si edhe gjatë psikozës depresive, mund të shfaqen deluvione të shoqëruara me halucinacione.
Në një fazë më të përparuar të sëmundjes, të sëmurët mund të kenë ide interpretimi, ta lëshojnë veten dhe të mos interesohen për higjienën vetjake. Gjatë manisë delirante, sjellja është tërësisht e çorganizuar.
Në psikozën maniakodepresive, programi i mjekimit mund të vihet mirë në jetë kur mjeku e ndjek me kujdes të sëmurin për një kohë të gjatë dhe kur ai njihet edhe nga familja. Megjithëse prognoza, për çdo krizë të veçantë është e mirë, ka rëndësi të përcaktohet një mënyrë mjekimi që të veprojë sapo të shfaqen simptomat e para të krizës që po përsëritet.
Bashkëpunimi dhe këshillimi i mjekut me familjen dhe me psikiatrin do të ishte i dobishëm për mjekimin e menjëhershëm të çdo përsëritjeje të krizave.
Faza e manisë në psikozë maniakodepresive zakonisht kërkon shtrimin në spital, që t’i parandalojë të sëmurët nga sjellja impulsive dhe shpesh agresive.
Është një njohuri e zakonshme, që frutat dhe perimet janë pjesë vitale e një dietë ushqyese. Studimet e fundit ofrojnë prova të forta se ngrënia e frutave dhe perimeve, siguron përfitime më të mëdha pozitive se sa vetëm për shëndetin tuaj fizik.
Hulumtuesit në Universitetin e Uoruikut zbuluan pak javë më pare, se konsumi i frutave dhe perimeve është i lidhur me një rritje të konsiderueshme të nivelit të lumturisë.
Në studim, lumturia rritet për secilën shtesë të përditshme të frutave dhe perimeve deri në 8 pjesë në ditë. Kjo ishte një nga përpjekjet e para të mëdha shkencore, për të gjetur një lidhje ndërmjet ngrënies se frutave dhe perimeve dhe efekteve psikologjike pozitive.
Disa studiues besojnë se ekziston një lidhje ndërmjet optimizmit dhe nivelit të karotenoidit në gjak, i cili është i pranishëm në shumë fruta dhe perime, edhe pse nevojiten më shumë studime në këtë drejtim.
Një truk i thjeshtë që sjell shpejt lehtësim në pak minuta! Ju mbase jeni përballur me dhimbje koke të paktën një herë në jetë, dhe kur presioni në kokë është i madh, ndieni dhimbje në tëmth që ju rëndon dhe sjell tension shtesë, ndoshta keni nevojë të mbylleni në një dhomë të errët, të pini ilaç dhe vetëm flini gjumë, duke pritur që t’ju kalojë dhimbja.
Nëse shëndeti juaj i përgjithshëm është i mirë, por ndonjëherë ju dhemb koka, ne ju sjellim një trajtim të thjeshtë dhe krejtësisht natyral që mund të sjellë lehtësim të shpejtë dhe të menjëhershëm. Keni nevojë për vajra esencialë dhe pak ujë.
Vajrat e mentës dhe livandës janë treguar të jenë më të dobishmet për lehtësimin e dhimbjeve të kokës – ato kanë veti relaksuese që mund të ndihmojnë në lehtësimin e dhimbjes. Aplikimi i një sasie të vogël të vajit të mentës në tëmtha është treguar se lehtëson dhimbjet e kokës. Vetëm kini kujdes që të mos e aplikoni vajin pranë syve.
Praktikimi i aromaterapisë duke përdorur vaj livande mund të jetë gjithashtu një mënyrë efektive dhe e sigurt për të lehtësuar dhimbjet e kokës. Duhet ta derdhni në një shpërndarës dhe ta spërkatni nëpër dhomën ku po qëndroni, ose aplikoni një sasi të vogël në pëllëmbët e duarve, fërkoni duart së bashku dhe më pas thithni aromën.
Përveç vajrave esencialë, nëse jeni duke u përballur me dhimbje koke, mund të përdorni një kompresë të ftohtë, nëse dëshironi, t’u bëni vetë masazh pikave të presionit, por gjithashtu është e rëndësishme të pini një sasi të mjaftueshme uji çdo ditë, sepse dehidratimi është një nga shkaqet më të shpeshta të dhimbjes së kokës. /Telegrafi/
Shumica e njerëzve nuk pinë ujë të mjaftueshëm. Edhe pse nuk është mirë, është gjithashtu një gabim i madh ta teproni me ujin.
Sipas Marjan Moghaddam, mjeke e mjekësisë familjare, marrja e pamjaftueshme e ujit mund të shkaktojë dhimbje koke, kapsllëk, lodhje, lëkurë të thatë dhe gojë të thatë.
“Ndonjëherë njerëzit ngatërrojnë etjen me urinë dhe hanë më shumë, por në fakt ata thjesht duhet të pinë më shumë”, pohon ajo.
Nga ngjyra e urinës, mund të dallojmë nëse pimë mjaftueshëm ujë. Healthline thotë se urina e shëndetshme ka ngjyrë të verdhë të lehtë. Nëse është e verdhë e errët, nuk marrim mjaftueshëm lëngje.
Sa ujë duhet të pimë në ditë?
Udhëzimi i përgjithshëm është se ne kemi nevojë për gjashtë deri në tetë gota ujë në ditë, duke përfshirë çajin dhe kafen. Por dietologia Amy Goodson për New York Post pretendon të kundërtën.
“Është e vërtetë që shumë faktorë ndikojnë në sasinë e ujit që ju nevojitet, duke përfshirë moshën tuaj, gjininë, nivelin e aktivitetit dhe shëndetin e përgjithshëm. Për gratë, sasia totale e ujit është rreth 11.5 gota në ditë dhe për burrat rreth 15.5 gota. Megjithatë, këto përllogaritje përfshijnë lëngjet e konsumuara nga ushqimi dhe pijet. Marrë këtë parasysh, gratë kanë nevojë për rreth nëntë gota lëngje në ditë dhe burrat kanë nevojë për rreth 13 gota për të zëvendësuar sasinë e ujit të humbur”, tha Goodson.
Qentë me të vërtetë se janë miqtë tanë më të mirë, dhe sipas një studimi suedez, ata edhe mund të na zvogëlojnë rreziqet për sëmundje të zemrës.
Studimi me 3.4 milionë persona të moshave mes 40 dhe 80 vjet ka zbuluar se mbajtja e qenit ishte ndërlidhur me zvogëlim deri në 32 për qind të vdekjes nga sëmundjet kardiovaskulare, dhe me 20 për qind rrezik më të vogël të vdekjes nga çfarëdo shkaktari.
Studimet e mëhershme gjithashtu kanë sugjeruar se qentë e lirojnë izolimin social dhe depresionin – e që të dyja këto të ndërlidhura me rrezikun e sëmundjeve kardiovaskulare dhe vdekjes së parakohshme.
Sipas ekspertëve, pronarët e qenve reagojnë më mirë ndaj stresit (shtypja e tyre e gjakut dhe pulsi i zemrës nuk rritet menjëherë), kanë nivele më të mëdha të aktiviteteve fizike, dhe nivele më të vogla të kolesterolit.
Normalisht, blerja apo adoptimi i një qeni dhe ta shikoni atë nga kauçi përderisa hani ushqime të pa shëndetshme nuk do t’jua zvogëlojë rreziqet e sëmundjeve kardiovaskulare.
Por, studimi sugjeron që pronarët e qenve kanë aktivitete më të mëdha fizike sepse e shëtisin qenin, dhe njëkohësisht përpiqen të kujdesen më shumë për ushqimin.
30 maji i çdo viti shënon Ditën Botërore të Sklerozës Multiple.
Në vitin 2009 Federata Ndërkombëtare e Sklerozës Multiple e ka filluar shënimin e kësaj date.
Falë kampanjave dhe aktiviteteve për nder të kësaj dite janë vetëdijësuar mijëra njerëz anë e mbanë botës.
Më shumë se 2.3 milionë njerëz në mbarë botën jetojnë me këtë sëmundje.
Skleroza Multiple është sëmundje e sistemit nervor, e cila paraqitet me ankesa dhe dhimbje të ndryshme, të cilat vijnë kohë pas kohe. Ankesat tipike të kësaj sëmundje janë: ligështimi (dobësimi) në duar apo këmbë, ndjenja e të qenit të pirë (shtangur), dridhjet, artikulimi i paqartë dhe pengesa në shikim.
Në Shtetet e Bashkuara të Amerikës, shiriti ngjyrë portokalli shfaq mbështetjen për njerëzit që vuajnë nga kjo sëmundje. /KP/
Shumë prej nesh e kanë pasur atë ndjenjën rrëqethëse se një situatë e re duket aq e njohur, sa duket sikur tashmë ka ndodhur.
Çfarë saktësisht po ndodh dhe pse e përjetojmë? Këtu është një hyrje e thellë në këtë fenomen intrigues, me të dhëna nga një psikolog klinik.
“Déjà vu” është një term francez që përkthehet “tashmë e parë”. Megjithëse shkaku i saktë mbetet pak mister, disa teori janë propozuar për ta shpjeguar atë.
Dr. Sanam Hafeez – një psikologe, neuropsikologe dhe drejtoreshë klinike Shërbimeve Psikologjike Konsultative Gjithëpërfshirëse në New York – thotë se disa mendojnë se arsyeja është mënyra se si kujtimet përpunohen në tru, duke përfshirë potencialisht vonesa ose gabime në rikthimin e kujtimeve.
“Disa sugjerojnë se mund të lidhet me mënyrën se si kujtimet përpunohen në tru, duke përfshirë potencialisht vonesa ose gabime në rikthimin e kujtesës”, është shprehur Dr. Hafeez, citon NY Post.
Sipas saj, teori të tjera sugjerojnë se mund të rezultojë nga përpunimi i informacionit nga truri përmes rrugëve të shumta në të njëjtën kohë. Një tjetër teori intriguese përfshin idenë e kujtimeve të ruajtura në një mënyrë komplekse dhe të ndërlidhura në tru.
“Pavarësisht nga mekanizmi i saktë, ‘deja vu’ është një përvojë kalimtare dhe e zakonshme që zgjat vetëm për një kohë të shkurtër, duke prekur njerëzit e të gjitha moshave dhe nuk konsiderohet si një gjendje patologjike. Përderisa mbetet një enigmë, ‘deja vu’ vazhdon të jetë një aspekt magjepsës i ndërgjegjes njerëzore”, ka sqaruar psikologia.
Sipas WebMD, 60 deri në 70 për qind e njerëzve përjetojnë një formë të ‘deja vu-së’ gjatë jetës së tyre dhe kjo mund të shkaktohet nga pamjet, tingujt dhe aromat e njohura. Megjithatë, është interesante se ndodh më shpesh te njerëzit e moshës ndërmjet 15 dhe 25 vjeç, ndërsa njerëzit me arsim të lartë, ata që udhëtojnë shumë dhe ata që mund të kujtojnë ëndrrat e tyre, gjithashtu kanë më shumë gjasa të përjetojnë ‘deja vu’.
Megjithatë, frekuenca e përvojave të tilla mund të ndryshojë midis individëve dhe disa njerëz mund të përjetojnë rrallë ‘deja vu’, ndërsa të tjerët mund ta përjetojnë atë më shpesh.
“Është gjithashtu e rëndësishme të theksohet se deja vu nuk lidhet me ndonjë gjendje specifike mjekësore ose psikologjike. Zakonisht është një përvojë e shkurtër dhe kalimtare që konsiderohet një aspekt normal i perceptimit dhe kujtesës njerëzore”, ka shtuar Dr. Hafeez.
Sidoqoftë, ekzistojnë disa gjendje shëndetësore dhe çrregullime neurologjike, në të cilat përvojat e ngjashme me ‘deja vu’ mund të ndodhin më shpesh ose në një formë të ndryshuar, dhe këto gjendje, sipas psikologes, përfshijnë: epilepsi, migrenë, ankth, skizofreni. /Telegrafi/
Limoni përmban vitamina C, një antioksidant, i cili mbron qelizat kundër efekteve të radiokaleve të lira. Radikalet janë molekula që prodhohen kur trupi shpërbën ushqimet, ose kur ka ekspozime ndaj ambientit si p.sh ndaj duhanit, tymrave dhe rrezatimit.
Vitamina C është e rëndësishme për lëkurën, kockat dhe indet lidhëse. Ajo përshpejton shërimin dhe ndihmon trupin të përthithë hekurin. Vitamina C gjendet në fruta dhe perime. Një burim i mirë janë specat e kuq jo djegës, specat jeshil, qitrot, agrumet, brokoli dhe perimet me gjethe jeshile.
Disa njerëz mund të kenë nevojë për vitaminë C ekstra, p.sh. gratë shtatzëna dhe ato që ushqejnë fëmijët me qumësht gjiri, njerëzit që pinë duhan, njerëzit që dalin nga një operacion etj.
Limoni është një nga frutat më të rëndësishme në planet pasi mbron nga shumë tipe sëmundjesh. Limonat përmbajnë bioflavonoid, pektinë, acid folik, vitamina C, A, B1, B6, kalium, magnez dhe fosfor. Ky frut i shkëlqyer ka efekte shumë të mëdha për zorrët, stomakun, sistemin imunitar dhe për shëndetin kardiovaskular.
Nëse konsumoni limona rregullisht, mund të parandaloni sëmundje si laringit, bronkit, grip, artrit, tension i lartë i gjakut, infeksione bakteriale dhe gurët në veshka. Sipas kërkimeve të fundit, limoni mund të parandalojë kancerin.
Shumë njerëz e përdorin ujin me limon edhe si një zëvendësues të kafesë, ndaj, nëse po përpiqesh t’i largohesh sadopak kafeinës, uji i ngrohtë me limon mund të të ndihmojë në këtë proces. Më poshtë do të lexoni 10 arsyet se pse duhet të pini rregullisht ujë me limon përgjatë ditës:
1. Reduktohet risku për infarkt në zemër.
2. Pastron lëkurën dhe redukton shenjat e plakjes, duke përfshirë edhe eliminimin e rrudhave.
3. Përmirëson humorin dhe ekuilibron emocionet.
4. Përmirëson shenjat e inflamacionit dhe vepron si një reduktues i dhimbjes së lehtë.
5. Lehtëson infeksionet e traktit urinar.
6. Parandalon dehidratimin dhe lodhjen e veshkave.
7. Parandalon lodhjen e trurit në punë, apo në shkollë.
8. Forcon sistemin tuaj imun.
9. Pastron organet e brendshme dhe i ndihmon ato të funksionojnë në mënyrë optimal.
Temperaturat e larta, sidomos ato që kemi përjetuar gjatë këtyre ditëve, mund t’ju shtyjnë që të konsumoni ujin e ftohtë, ndonjëherë edhe shumë të ftohtë, gjë e cila ka dobitë (padyshim të freskuarit është i pari), por edhe anët e veta negative
Në fakt, mendohet se pirja e ujit të ftohtë mund të ketë më shumë efekte negative sesa pozitive, ndërsa ekspertët sugjerojnë se uji i ftohtë mund të bëjë që stomaku juaj të kontraktohet, duke e bërë kështu procesin e tretjes më të vështirë.
Disa studiues të tjerë gjithashtu besojnë se trupi duhet të punoj më shumë nëse pini ujë në temperaturën nën 4 gradë, çka po ashtu konsiderohet si një efekt negativ, ndërsa po ashtu, një tjetër studim ka dalë në përfundimin se konsumimi i ujit të ftohtë ndikon në trashjen e mukozës së hundës, duke e bërë më të vështirë ajrin të kaloj nga hundët, rrjedhimisht edhe frymëmarrjen më të vështirë.
Meqë jemi tek dëmet që mund të shkaktojë, një tjetër studim thotë se pirja e ujit të ftohtë është e lidhur me migrenën apo dhimbjen e kokës, ndërsa mjekësia kineze sugjeron se konsumimi i tij gjatë vakteve krijon një çekuilibër brenda trupit, prandaj ushqimi sipas kinezëve, duhet të hahet me ujë të ngrohtë. Gjithsesi, nuk ka prova të mjaftueshme për këtë teori, të paktën shkencërisht.
Megjithatë, sigurisht që uji i ftohtë ka edhe benefite, të cilët mund të jenë:
Balancimi i temperaturave të trupit pas stërvitjeve. Pirja e ujit të ftohtë mund të parandalojë mbingrohjen e trupit tuaj pas një seance të vështirë stërvitje dhe konsumimi i saj ja bën trupit më të lehtë të rikthej temperaturën normale. Mund të sigurojë energji, teksa pirja e ujit në këto temperatura është dëshmuar se mund t’i sigurojë trupit më shumë energji gjatë ditës, edhe pse nuk ka ndonjë studim të mirëfilltë në këtë aspekt. Mund të promovojë humbjen e kalorive.
Sipas disa ekspertëve, uji i ftohtë ndihmon në mirëmbajtjen e peshës, duke e rritur shpenzimin e energjisë apo kalorive. /Telegrafi/
