Category: SHËNDETËSI

Nëse ndiheni gjithnjë të lodhur dhe pa energji do të thotë se nuk i keni vënë ende re zakonet që ju shkaktojnë këtë gjendje! Edhe zakonet e thjeshta të përditshme mund t’ju lodhin shumë fizikisht, për të mos folur më pas për një sërë sjelljesh mendore.

Nëse energjitë psikofizike kanë tendencë të ulen, faji nuk mund të jetë vetëm i netëve “të bardha” që keni kaluar së fundi. Edhe zakonet e thjeshta të përditshme si për shembull mospirja e një gote uji, mosngrënia e mëngjesit ose konsumimi i alkoolit përpara gjumit, mund t’ju lodhin shumë fizikisht, për të mos folur më pas për një sërë sjelljesh mendore: të mos thënët asnjëherë “jo”, ose kërkimi i vazhdueshëm i përsosmërisë me çdo kusht.

Në këtë artikull të Ekonomia Online do të mësoni se cilat janë 14 zakone të këqija, të cilat ulin energjitë fizike dhe psikologjike.

Shmangia e ushtrimeve fizike kur jeni të lodhur

Paradoksalisht, përftohet efekti i kundërt: këtë e bën të ditur një studim i Universitetit të Xhorxhias, i cili ka evidentuar se si një aktivitet i rregullt fizik rrit rezistencën, ndihmon në funksionimin e mirë të sistemit kardiovaskular, ndërsa dërgon oksigjen në muskuj. Ndaj, mendohuni mirë herën tjetër kur të keni dëshirë të mos shkoni në palestër.

Mospirja mjaftueshëm e ujit

Dehidratimi (edhe i paktë) prek nivelet tuaja energjike, sepse redukton sasinë e gjakut, ndërsa e bën atë më të trashë, duke kompromentuar pompimin e zemrës. Ndërkohë, ul shpejtësinë me të cilën oksigjeni dhe substancat ushqyese arrijnë muskujt dhe organet e tjera.

Mungesa e hekurit

Mungesa e hekurit mund të shkaktojë dobësi, irritim dhe lodhje, si dhe mund të minojë aftësinë e përqendrimit dhe të rrisë rrezikun e anemisë. Ja përse është mirë të merrni sasinë e duhur të tij, duke konsumuar ushqime të cilat e përmbajnë atë, si p.sh. mish viçi pa yndyrë, vezë, fasule, perime me gjethe jeshile, arra.

Kërkimi i përsosmërisë

Sforcimi për të arritur përsosmërinë, që në të vërtetë nuk ekziston, çon në të punuarit në mënyrë edhe më kërkuese dhe më gjatë se zakonisht, por objektivat që i vendosni vetes, janë aq irreale, saqë bëhen të pamundura dhe kjo gjë shkakton parehati në jetë.

Të bëni një mal me një kokërr rërë!

Nëse mendoni skenarin më të keq, për çdo rast të jeni të sigurt se ai realizohet, ndërsa ky ankth do t’ju paralizojë aq shumë, saqë do t’ju lërë gjithmonë mendërisht të lodhur.

Mosngrënia e mëngjesit

Ushqimi jep energji dhe, kur flini, organizmi konsumon atë që keni ngrënë një natë më parë, për të stimuluar pompimin e gjakut dhe qarkulluar oksigjenin. Për këto arsye, kur zgjoheni në mëngjes, është e nevojshme të rimerrni energjitë me një mëngjes të mirë, i cili i bën shumë mirë organizmit.

Ngrënia e ushqimeve të këqija

Ushqimet e pasura me sheqer dhe karbohidrate të thjeshta, rrisin nivelin e glicemisë në gjak, e në këtë mënyrë, trupi juaj do të ndihet menjëherë i lodhur. Ndaj “ilaçi” i duhur është mbajtja konstante e nivelit të sheqerit në gjak me një dietë të ekuilibruar.

Të mos thënët “Jo”

Të qenët “të mirë”, shpeshherë do të thotë humbje energjish psikofizike. Por, të mësuarit e të thënët “Jo”, është tepër e thjeshtë. Provojeni!

Një zyrë e pasistemuar

Sipas një studimi të Universitetit Princeton, një tryezë e çrregullt, e mbushur me dokumente të hedhura gjithandej, ndikon mendërisht, sepse limiton përqendrimin dhe aftësinë e trurit për të thithur informacione. Ndaj, në fund të ditës, është më mirë që të vini rregull në vendin tuaj të punës në mënyrë që, mëngjesin tjetër ta nisni sa më mirë.

Puna gjatë pushimeve

Kontrollimi i email-eve gjatë pushimeve, ose edhe gjatë një dite të vetme pushimi, do ta humbte totalisht vlerën e relaksit dhe të fitimit të energjive të reja.

Pirja e një ose dy gotave verë përpara gjumit

Gllënjkat e natës së mirë mund të duken një mënyrë e mirë për t’u relaksuar dhe për të fjetur, por në fakt është e kundërta. Në mëngjes do të zgjoheni më të lodhur se një ditë më parë!

Email-i në shtrat dhe navigimi në rrjetet sociale

Drita e ekranit të kompjuterit, lap-topit, tabletit apo e celularit, arrin t’ju dëmtojë sytë dhe të ulë nivelin e melatoninës.

Pirja e shumtë e kafeve për të rezistuar gjatë ditës

Deri në dy filxhanë kafe në ditë janë më se të mjaftueshëm për t’u bërë ballë të gjitha impenjimeve të ditës, por një përdorim më i madh i kafeinës, mund të shkaktojë pasoja të mëdha në ciklin e gjumë-zgjimit.

Qëndrimi zgjuar deri vonë gjatë fundjavës

Shumë mirë nëse nuk punoni, pra mund ta shijoni faktin e argëtimit deri vonë, por bërja e pak orëve gjumë të shtunën dhe qëndrimi vonë të dielën, do t’ju merrte të gjitha energjitë për të nisur mbarë një javë të re!

Mendimet e përsëritura negative mund të rrisin rrezikun e sklerozës. Këtë e thotë një studim i fundit mbi shëndetin mendor i kryer nga University College London, sipas të cilit, mendimet negative nxisin akumulimin e shumë depozitave të dëmshme të proteinave tau dhe amyloide në tru.

Këto proteina janë shumë të dëmshme sepse dobësojnë aftësitë e të nxënit, nxisin ankthin dhe depresionin dhe e dëmtojnë trurin shumë.

Në kryerjen e studimit, ekspertët rekrutuan mbi 300 persona mbi moshën 55 vjeçare.

Studimi u krye në harkun kohor të dy viteve. Gjatë skanimit të trurit të pjesëmarrësve u zbulua se ata të cilët mendonin negativisht në mënyrë të përsëritur, kishin aftësi më të pakta të të nxënit dhe përkeqësim të kujtesës.

Si Të Përballeni Me Mendimet Negative
Së pari është e rëndësishme të theksohet se mendimet negative janë pjesë e eksperiencës njerëzore dhe janë të paevitueshme sidomos kur janë sporadike.

Së dyti, të qenit pozitivë nuk është diçka që vjen natyrshëm, të paktën jo gjithmonë.

Optimizmi është si një muskul, i cili duhet ushqyer dhe stërvitur.

Problemi qëndron kur mendime të tilla nguliten në tru dhe mjegullojnë llogjikën por edhe nxijnë perspektivën e të ardhmes.

Ekspertët veçojnë vetëdijen, meditimin dhe terapitë e të folurës për të pakësuar sa më shumë mendimet negative.

Njerëzit që mendojnë negativisht gjithë kohës dhe që vuajnë nga ankthi apo depresioni, kanë nevojë për medikamente.

Një qasje optimiste ndaj një situate apo mendimi negativ është të pranosh gjërat që nuk i ndryshon dot.

Kjo qasje duhet ndjekur gjithmonë nga shqyrtimi dhe identifikimi i një mundësie të re që mund të dalë nga kjo situatë e pandryshueshme negative.

Aspekti më i rëndësishëm i përballjes me një mendim negativ është zhvendosja e vëmendjes tek diçka apo person tjetër.

Ecja, biseda me një mik, ose çdo aktivitet që është i preferuari juaj ju vjen shumë në ndihmë për të mos lënë mendimet negative që të zënë rrënjë.

Ah dhe e fundit, edhe nga rëndësia është që sipas studimeve, njerëzit optimistë kanë 30 për qind më pak rrezik nga vdekja e parakohshme prej sëmundjeve të ndryshme./AgroWeb.org

Gjatë verës shumë persona mund të përballen me kapsllëk.

Gjegjësisht, temperaturat e larta gjatë valës së të nxehtit ndikojnë edhe në trupin tonë. Një nga ndryshimet mund të vërehet në çrregullimet më të shpeshta të tretjes, për të cilat mjekja gastroenterologe Dr Rabia de Latour zbulon arsyet më të zakonshme.

Ajo tregoi se arsyeja kryesore e kapsllëkut gjatë gjithë vitit, e sidomos gjatë valës së të nxehtit, është se nuk jemi të hidratuar sa duhet.

“Sa herë që jeni të dehidratuar, mënyra e parë që trupi e trajton atë është të përqendrojë urinën dhe jashtëqitjen. Trupi do të tërheqë ujin nga jashtëqitja dhe do ta thithë atë. Kjo e bën jashtëqitjen më të fortë dhe urinën më të errët sepse është më e përqendruar”, thotë ekspertja.

Ajo shton se kur nuk pimë ujë të mjaftueshëm, jashtëqitja nuk është mjaft e butë dhe e ka më të vështirë ta kalojë atë, gjë që çon në kapsllëk.

Mjekja shpjegon se ekziston një zgjidhje e thjeshtë për këto çrregullime të tretjes. Gjithçka që duhet të bëni është të pini mjaftueshëm lëngje. /Telegrafi/

Shumica e njerëzve e kanë vështirë të flejnë për shkak të valës aktuale të të nxehtit.

Temperaturat e larta në këtë periudhë vere kanë bërë që të ndikojnë në mënyrën se si ne e bëjmë gjumin, shkruan Express.co.uk.

Martin Sealy, CEO i MattressNextDay, rekomandon të mos përdorni flladitëse gjatë natës, pasi ato mund të jenë më të dëmshme se sa të dobishme.

Ai gjithashtu ofron metoda alternative për gjumë më të mirë gjatë nxehtit që nuk çon në kosto më të larta të energjisë.

Kur ndizni një flladitëse elektrike, e lëviz ajrin në të gjithë dhomën. Megjithatë, shumë njerëz nuk e dinë se mund të përhapë edhe marimangat e pluhurit, polenit dhe alergjenë të tjerë.

Teshtitja e tepërt, lotimi i syve, rrjedhja e hundës, kruajtje e fytit ose vështirësitë në frymëmarrje mund të jenë shenja për të kontrolluar krahët e flladitëses grumbullim të pluhurit.

Nëse keni mundësi ta bëni këtë, provoni të investoni në një ventilator me cilësi të lartë me veçori të pastrimit të ajrit për të reduktuar polenin dhe marimangat e pluhurit. Përndryshe, pastrimi i rregullt i thellë i dhomës së gjumit mund të zvogëlojë simptomat e alergjisë. /Telegrafi/

Produktet e bulmetit duhen shmangur ose nuk duhet tepruar me konsumin e tyre sepse kanë tendencën të shkaktojnë probleme me tretjen, mbipeshën e të tjerë.

Pikëpyetjet janë të shumta, sidomos për ndikimin që pirja çdo ditë e qumështit tradicional ka në organizëm.

Qumështi ndihmon për rënien në peshë

Pirja çdo ditë e qumështit ndihmon në rënien në peshë, sidomos tek femrat. Ai përmban pak kalori dhe shumë ushqyes. Megjithatë, përpos rënies në peshë, femrat nuk mund të shmangin dot fryrjen në stomak që shkakton qumështi.

Qumështi është burim i mirë proteinash

Në çdo 30 ml të qumështit të lopës gjendet 1 gramë proteinë e cilësisë së lartë dhe e pasur me amino acide. Kjo proteinë frenon nepsin dhe ju mban të ngopur për shumë kohë. Alternativat bimore të qumështit përmbajnë më pak proteinë, ndaj janë më pak të shëndetshme, raporton AgroWeb.

Masa muskulore

Qumështi ndihmon në ruajtjen e masës muskulore për shkak të amino acideve që ai përmban. Për më tepër, proteina shtazore nga qumështi i lopës përthithet më lehtë nga trupi dhe forcon muskujt.

Burim kalciumi

Qumështi është i pasur me vitamina dhe minerale, veçanërisht kalcium dhe vitaminë D. Kalciumi gjendet lehtë edhe tek barishtet, por ju duhet të hani dhjetë racione me spinaq për të përfituar të njëjtën sasi kalciumi që gjendet në një gotë me qumësht lope.

Qumështi kundër plakjes

Pirja e qumështit çdo ditë ndihmon në parandalimin e osteoporozës tek gratë. Vitamina D që gjendet tek qumështi ndihmon në ruajtjen e shëndetit të kockave dhe masës muskulore me kalimin e moshës. Humbja e masës muskulore si pasojë e plakjes është më e madhe tek femrat se tek meshkujt.

Qumështi ju mbron nga sëmundjet

Përmbajtja e vitaminës A, K2 dhe acidet yndyrore tek qumështi dhe nënproduktet e tij ndihmojnë në parandalimin e sëmundjeve si diabeti dhe sëmundjet e zemrës.

Qumështi shkakton akne

Nga ana tjetër, qumështi shkakton inflamacion dhe pirja çdo ditë e tij nxit shfaqjen e akneve që eliminohen me shumë vështirësi.

Qumështi shkakton fryrje dhe probleme me tretjen

Stomaku e ka të vështirë të përpunojë këtë produkt bulmeti. Me kalimin e moshës, sistemi tretës dobësohet dhe qumështit shkakton fryrje të mëdha që zgjasin për gjithë ditën. Nga ana tjetër, qumështi i pasterizuar dhe i përpunuar përmban baktere (të mira e të këqija) që prishin ekuilibrat në mikrobiomën e stomakut. Kjo mund të shkaktojë probleme afatgjatë në sistemin tretës dhe në tru. Prandaj ekspertët rekomandojnë që krahas qumështit të konsumoni produkte të tjera më pak të përpunuara siç është kosi.

Shumica e çokollatave kanë kafeinë, por sasia ndryshon në bazë të përqindjes së kakaos

Pavarësisht nëse jeni striktë në mënyrën e të ushqyerit apo ndiqni një regjim të caktuar çdo ditë të jetës suaj, le ta pranojmë që çokollata është një nga kënaqësitë më të mëdha të jetës. Sidomos kur konsumohet në darkë, pas një dite të lodhshme mes punës dhe angazhimeve në familje.

Megjithatë, duke e ditur që çokollata ka kafeinë, a ndikon kjo në cilësinë e gjumit tuaj?

Nuk janë vetëm kafeja, çaji i zi apo pijet energjike që mund t’ju mbajnë zgjuar për shumë gjatë pasi keni vendosur kokën në jastëk. Ekzistojnë gjithashtu edhe ushqimet me kafeinë, mes tyre edhe çokollata.

“Shumica e çokollatave kanë kafeinë, por sasia ndryshon në bazë të përqindjes së kakaos, mënyrës se si është përpunuar dhe faktorëve të tjerë,” thotë dietologia Maddie Pasquariello.

“Në çokollatën me qumësht, ka rreth 20 mg kafeinë për 100 gramë çokollatë,” thotë Pasquariello, shkruan Well+ Good.

“Në çokollatën e zezë, niveli mund të rritet më shumë”.

Cila çokollatë ka më shumë kafeinë?

Në përgjithësi, sa më e hidhur të jetë shija e çokollatës, aq më shumë kafeinë ka. “Çokollata e zezë ka të paktën trefishin e sasisë së kafeinës krahasuar me çokollatën me qumësht,” shton ajo.

Çokollata e bardhë, nga ana tjetër, nuk ka kafeinë, pasi për prodhimin e saj përdoret gjalpë kakaoje në vend të lëndëve të ngurta të kakaos, të cilat kanë kafeinë si dhe përbërës të tjerë të dobishëm duke përfshirë magnezin, hekurin dhe anti-oksidantët, citon Anabel.

Pra, më shumë kafeinë ka çokollata e zezë, më pas ajo me qumësht dhe në fund, çokollata e bardhë. /Telegrafi/

Shumë prej nesh kemi të njëjtën rutinë të banjës që i përmbahemi çdo ditë. Praktikimi i higjienës së mirë është jetik për mirëqenien tonë fizike dhe mendore.

Megjithatë, disa zakone të banjës mund të përbëjnë një rrezik të konsiderueshëm për shëndetin tonë, ka paralajmëruar një ekspert, shkruan Express.co.uk.

“Shumë nga zakonet tona në dukje të padëmshme në banjë mund të paraqesin rreziqe të konsiderueshme për shëndetin”, tha doktori Donald Grant mjek i përgjithshëm dhe këshilltar i lartë klinik në Farmacinë e Pavarur.

“Nga pirja e ujit nga burime të dyshimta deri te kryerja e shumë detyrave në mjedise johigjienike, këto praktika mund të na ekspozojnë ndaj baktereve të dëmshme, infeksioneve dhe çështjeve të tjera shëndetësore”.

Ai ndau disa zakone të banjës që duhet t’i rikonsideroni për këtë arsye.

Ndarja e peshqirit me të tjerët dhe ripërdorimi i peshqirëve të ndotur

Nëse nuk i lani, peshqirët mund të bëhen shtëpi për lloje të ndryshme të baktereve dhe kërpudhave për shkak të mjedisit të lagësht dhe kontaktit me qelizat e lëkurës, tha Dr Grant.

“Ripërdorimi i këtyre peshqirëve mund të çojë në infeksione të lëkurës dhe kërpudhave, ndërsa lagështia mund të shkaktojë probleme të frymëmarrjes”.

“Në përgjithësi, këshillohet që të pastroni peshqirët pas tre deri në katër përdorime për të shmangur rreziqet shëndetësore dhe për të siguruar që peshqirët të jenë mjaftueshëm të pastër përpara përdorimit”.

Shpëlarja e tualetit me sediljen lart

Grant këshilloi se akti i thjeshtë i mbylljes së sediljes së tualetit përpara se të shpëlani mund të ndihmojë në frenimin e përhapjes së mikrobeve.

“Kur kapaku lihet i hapur, pikat e ujit mund të spërkaten mbi sipërfaqe të tilla si dyshemeja ose tasi i tualetit”.

“Këto pika mund të kontaminohen me lëndë fekale dhe të çojnë në përhapjen e baktereve”.

“Duke mbyllur kapakun e tualetit gjatë shpëlarjes, këto pika mbeten në tualet, duke shmangur rreziqet e mundshme shëndetësore si E.coli dhe norovirus”.

Larja e dhëmbëve vetëm një herë në ditë

Autoritetet shëndetësore rekomandojnë të pastroni dhëmbët dy herë në ditë.

“Pastrimi i dhëmbëve vetëm një herë në ditë mund të rezultojë në akumulimin e pllakave, duke çuar potencialisht në kavitete, sëmundje të mishrave të dhëmbëve dhe halitozë”, tha Dr Grant.

“Higjiena e dobët orale shoqërohet gjithashtu me shqetësime më të gjera shëndetësore, duke përfshirë sëmundjet kardiovaskulare dhe diabetin.

Pirja e ujit nga rubineti i banjës

Megjithëse pirja e ujit nga rubineti i banjës mund të duket i padëmshëm, çezmat e banjës janë shpesh më pak të pastra se çezmat e kuzhinës dhe mund të përmbajnë baktere si E. coli dhe ndotës të tjerë, sipas Dr Grant.

“Gjithashtu tubat që çojnë në rubinetat e banjës mund të përmbajnë ujë të ndenjur dhe sedimente, duke rritur rrezikun e gëlltitjes së patogjenëve si Legionella dhe Pseudomonas.

“Për të minimizuar rrezikun e sëmundjes, këshillohet të pini ujë vetëm nga rubineti i kuzhinës ose nga një burim i filtruar”.

Përdorimi i telefonit në tualet

Përdorimi i një pajisjeje elektronike në tualet ndikon që të qëndroni ulur më gjatë dhe duke çuar në një qëndrim jo të shëndetshëm, duke shkaktuar potencialisht hemorroide dhe probleme të tjera gastrointestinale.

“Këto pajisje në një hapësirë ​​me tualet mund të kontaminohen me baktere nga ambienti i banjës, duke rritur rrezikun e infeksioneve gastrointestinale, infeksioneve të traktit urinar, infeksioneve të frymëmarrjes dhe infeksioneve të lëkurës”.

“Për të reduktuar këto rreziqe, unë këshilloj fuqimisht të mos përdorni telefona, tabletë ose pajisje elektronike në banjë ose në çdo zonë me tualet. Për më tepër, është thelbësore që të pastroni rregullisht pajisjet tuaja me peceta dezinfektuese”. /Telegrafi/

Ditët e nxehta po sjellin edhe net të ngrohta, duke ndikuar kështu edhe në cilësinë e gjumit.

Si rrjedhojë, ne shpesh ndihemi të lodhur. Por metoda egjiptiane për të fjetur më mirë gjatë netëve të nxehta e zgjidh këtë problem.

Gjatë verës, gjumi mund të jetë problematik për shkak të të ashtuquajturave netë tropikale kur temperature shkon mbi 20 gradë Celsius, shkruan Dailywrap.uk.

Në kushte të tilla, vështirësia për të fjetur është e zakonshme dhe kur bie në gjumë, gjumi shpesh është i cekët dhe i ndërprerë.

Pra, si mund të sigurojmë një gjumë të mirë? Një zgjidhje e shkëlqyer mund të jetë metoda egjiptiane për përballimin e të nxehtit.

Çfarë është metoda egjiptiane për nxehtësinë?

Nuk ka ekspertë më të mirë në trajtimin e nxehtësisë se sa banorët e vendeve ku temperaturat e larta janë një dukuri e përditshme.

Egjiptianët, të mësuar të jetojnë në kushte të tilla pjesën më të madhe të vitit, kanë zhvilluar shumë mënyra praktike për t’ia dalë mbanë më mirë.

Një metodë e tillë mundëson gjumë të qetë dhe të relaksuar në netët e nxehta.

Zëvendësoni jorganin me një çarçaf të hollë dhe lagena butësisht me ujë.

Mund ta spërkatni me spray ose ta zhytni në një kovë me ujë dhe ta shtrydhni plotësisht ujin e tepërt.

Materiali i lagësht do të ftohë lëkurën në mënyrë efektive. /Telegrafi/

Pirja e duhanit është me të vërtetë e dëmshme për njeriun.

Konsumimi i duhanit shkakton një nga çdo katër vdekje nga sëmundjet kardiovaskulare në Shtetet e Bashkuara, transmeton Klan Kosova.

Hulumtuesit analizuan historinë e pirjes së duhanit të 8,700 pjesëmarrësve dhe zbuluan se 70 për qind e sëmundjes kardiovaskulare si goditja në tru, sulmi në zemër dhe tek duhanpirësit aktual ose të mëparshëm ndodhën midis atyre që kishin tymosur një pako në ditë për 20 vjet.

E krejt këtë dëmtim mund ta shmangni duke hequr dorë nga cigarja, por a e keni menduar ndonjëherë se sa kohë i duhet trupit që të pastrohet nga duhanpirja?

Duhet plot 16 vjet.

“Këto rezultate nënvizojnë përfitimet nga braktisja e pirjes së duhanit brenda pesë vjetësh, që është 38 për qind rrezik më të ulët për një atak në zemër, goditje ose forma të tjera të rrezikut të sëmundjeve kardiovaskulare në krahasim me njerëzit që vazhdojnë të pinë duhan. Ne gjithashtu gjetëm se rreziku i sëmundjeve kardiovaskulare mbetet i lartë deri në 16 vjet për ish duhanpirësit në krahasim me njerëzit që kurrë nuk kanë pirë duhan “, tha Dr. Meredith Duncan në Universitetit Vanderbilt në Nashville, Tennessee, dhe autori i studimit.

Ndërkohë që sulmet në zemër mund të ndodhin në çdo moshë, rreziku rritet ndjeshëm kur të plakeni dhe mosha mesatare për një sulm në zemër për herë të parë është 66 për burrat dhe 70 për gratë.

Një shumë e duhanpirësve që janë të moshës së mesme thonë se është “tepër vonë për të lënë”, por jo. Edhe nëse jeni në moshën 50 vjeçare, prapëseprapë ju mund të ndryshoni efektet e pirjes së duhanit në kohën kur bëheni më të pambrojtur ndaj sëmundjeve të zemrës.

Brenda dy javësh nga linja e duhanit, qarkullimi i gjakut në dhëmbët dhe mishrat e dhëmbëve është i ngjashëm me atë që nuk pi duhan, funksioni i mushkërive është përmirësuar dhe rreziku i infarktit fillon të bjerë.

Shalqiri është fruti i preferuar i verës dhe nuk janë të rralla rastet kur e teprojmë me të në përpjekje për t’u freskuar gjatë ditëve të nxehta.

Ky frut i shijshëm është rreth 92 për qind ujë dhe i përket familjes së kungujve, dhe jo vetëm që ka shije të mrekullueshme, por ka edhe përfitime të shumta shëndetësore për të ofruar.

Megjithatë, me të gjitha përfitimet që sjell, duhet t’i kushtoni vëmendje sasive që konsumoni.

Nëse e teproni me shalqirin, mund të shkaktojë disa efekte anësore si:

Mund të shkaktojë diarre dhe probleme të tjera të tretjes

Shalqiri është një burim i shkëlqyer uji dhe po aq i madh i fibrave dietike. Megjithatë, konsumimi në sasi të mëdha mund të shkaktojë probleme me tretjen si diarre, fryrje, dhe gazra etj.

Fruti përmban sorbitol që është një përbërës sheqeri, i cili dihet se nxit jashtëqitjen e lirshme dhe problemet e gazit. Një tjetër shkak i zakonshëm i problemeve të tilla është përmbajtja e likopenit, i cili është një antioksidant i pigmentuar që i jep shalqirit ngjyrën e tij të ndritshme.

Mund të rrisë nivelet e glukozës

Nëse jeni diabetik, ka shumë gjasa që sasia e madhe e shalqirit mund të rrisë nivelet e sheqerit në gjak. Mund të jetë një frut i shëndetshëm, por ka indeks të lartë glicemik (72). Gjithmonë sigurohuni që të konsultoheni me një mjek përpara se ta konsumoni atë në baza ditore.

Mund të rrisë rrezikun e zhvillimit të inflamacionit të mëlçisë

Njerëzit që pinë alkool rregullisht duhet të shmangin marrjen e sasive të mëdha të shalqirit pasi niveli i lartë i likopenit mund të reagojë me alkoolin, duke shkaktuar më tej inflamacion të mëlçisë. Stresi i tepërt oksidativ në mëlçi mund të jetë i dëmshëm.

Mund të shkaktojë hidratim të tepruar

Intoksikimi me ujë ose hidratimi i tepërt është një gjendje kur trupi juaj ka ujë të tepërt në të, gjë që çon në humbjen e përmbajtjes së natriumit. Konsumimi i sasive të mëdha të shalqirit mund të rrisë nivelin e ujit në trupin tonë. Nëse uji i tepërt nuk eliminohet, mund të çojë në një rritje të vëllimit të gjakut, duke shkaktuar më tej ënjtje në këmbë, lodhje, veshka të dobëta, etj. Mund të çojë gjithashtu në humbjen e niveleve të natriumit në trup.

Mund të shkaktojë probleme kardiovaskulare

Shalqiri njihet si një burim i shkëlqyer i kaliumit, i cili është një lëndë ushqyese jetike që luan role të shumta në mbajtjen e trupit të shëndetshëm. Ndihmon në ruajtjen e funksionit të elektrolitit, e mban zemrën tonë të shëndetshme dhe i bën kockat dhe muskujt tanë më të fortë. Megjithatë, një sasi e madhe e kaliumit mund të çojë në probleme kardiovaskulare si rrahje të parregullta të zemrës, rrahje të dobët të pulsit, etj./Telegrafi/