Category: SHËNDETËSI

Hudhra mund të mos jetë erëza e preferuar e shumicës prej nesh, kjo për shkak të aromës së saj. Megjithatë, vlerat e saj ushqyese janë të jashtëzakonshme.  Hudhra ka  veti antibakteriale dhe antiinflamatore që përmirësojnë qarkullimin e gjakut, luftojnë plakjen e parakohshme dhe ulin rrezikun e prekjes nga tumore të caktuara.

Hudhra përbëhet nga substanca azotike, sodium, kalium, selen, kalcium, magnez, acid sulfurik dhe fosforik, vitamina C, D, B që shkatërrojnë një numër të madh bakteresh. Për këtë arsye përdoret shumë në mjekësinë popullore për shërimin e disa sëmundjeve, por ekizstojnë edhe disa kategori njerëzish ose situata ku është e ndaluar të përdorni hudhra:

-Gratë shtatzëna dhe ato që ushqejnë fëmijën me gji: Hudhra është e sigurt për t’u përdorur gjatë shtatzënisë kur merret në sasitë që normalisht gjenden në ushqim. Hudhra është e paqëndrueshme kur përdoret në sasi medicinale gjatë shtatzënisë dhe gjatë ushqyerjes së foshnjës me gji. Nuk ka mjaftueshëm informacione të besueshme për sigurinë e aplikimit të hudhrës në lëkurë nëse jeni shtatzënë ose gjatë ushqyerjes me gji. Prandaj, për të qenë më të sigurtë, mos e përdorni.

-Fëmijët: Hudhra është disi e sigurt kur merret me anë të gojës dhe në mënyrë të përshtatshme për një afat të shkurtër tek fëmijët. Sidoqoftë, hudhra mund të jetë e dëmshme kur merret në doza të larta. Disa të dhëna sugjerojnë se doza të larta të hudhrave mund të jenë të rrezikshme apo edhe fatale për fëmijët. Arsyeja për këtë paralajmërim nuk dihet. Të paktën deri tani nuk është raportuar ndonjë rast fatal tek fëmijët nga konsumimi i hudhrës. Kur aplikohet në lëkurë, hudhra mund të shkaktojë plagë të ngjashme me djegien.

-Çrregullime të gjakderdhjes: Hudhra, veçanërisht ajo e freskët, mund të rrisë rrezikun e gjakderdhjes. Probleme të stomakut ose tretjes: Hudhra mund të irritojë traktin gastrointestinal .  Përdoreni me kujdes nëse keni probleme me stomakun ose tretjen.

-Tensioni i ulët i gjakut: Hudhra mund të ulë tensionin e gjakut. Në teori, konsumimi i hudhrave mund të bëjë që tensioni i gjakut të bëhet shumë i ulët tek njerëzit me tension të ulët të gjakut.

-Përpara një operacioni: Hudhra mund të zgjasë gjakderdhjen dhe të ndërhyjë në presionin e gjakut. Ndaloni marrjen e hudhrave të paktën dy javë para një operacioni të planifikuar.

Shpesh ndodh që, edhe pasi ke kaluar një ditë të qetë, ndihesh i/e lodhur pa e kuptuar arsyen

Edhe kur nuk ke bërë asnjë aktivitet të rëndë, ndjesia e rraskapitjes mund të jetë e pranishme. Por, çfarë fshihet pas kësaj lodhjeje?

Ja disa arsye pse mund të ndihesh i/e lodhur edhe kur duket sikur nuk ke bërë asgjë:

1. Mbingarkesa e informacionit

Në përditshmërinë e sotme jemi të rrethuar nga një mori informacioni të vazhdueshëm. Edhe kur nuk je fizikisht aktiv/e, truri është i ngarkuar duke përpunuar çdo gjë që sheh dhe lexon – nga rrjetet sociale e deri te lajmet. Kjo mbingarkesë mendore mund të të shkaktojë lodhje që e ndjen edhe fizikisht.

2. Ankthi dhe stresi i fshehur

Edhe nëse duket sikur nuk po shqetësohesh për asgjë, në prapaskenë mund të jesh i/e shqetësuar për detyra të pazgjidhura apo ngjarje të ardhshme. Ankthi i fshehur e mban trupin në tension, duke të lënë të ndihesh i/e rraskapitur edhe kur s’ke bërë asgjë.

3. Mungesa e gjumit cilësor

Ndonëse mund të kesh fjetur orë të mjaftueshme, nëse gjumi nuk është i thellë dhe cilësor, trupi nuk arrin të rigjenerohet plotësisht. Kjo sjell ndjesinë e lodhjes edhe kur duket se ke pushuar mirë.

4. Lodhja nga vendimet e vogla

Vendimet e përditshme, edhe pse të vogla, konsumojnë energji mendore. Zgjedhje të thjeshta si çfarë të hash apo çfarë të veshësh sjellin lodhje të brendshme, edhe kur duket se dita ka kaluar pa shumë aktivitet.

5. Mungesa e lëvizjes

Trupi ka nevojë për lëvizje. Kur nuk bën mjaftueshëm aktivitet fizik, ndjenja e lodhjes rritet. Lëvizja ndihmon në qarkullimin e gjakut dhe i jep trupit energji. Pa lëvizje, muskujt dhe mendja ngadalësohen dhe lodhja bëhet më e dukshme.

6. Mungesa e qëllimeve të qarta

Nëse nuk ke qëllime konkrete për ditën, kjo mund të të bëjë të ndihesh i/e demotivuar dhe i/e lodhur. Trupi dhe mendja kanë nevojë për një drejtim që të ndihen të motivuar. Mungesa e qëllimeve shkakton një ndjesi të kotësisë dhe rraskapitje të pashpjegueshme.

7. Ngarkesa emocionale

Edhe kur trupi nuk jep shenja të dukshme lodhjeje, emocionet e rënda mund të shkaktojnë një ndjesi të fortë rraskapitjeje. Ngarkesat emocionale nga marrëdhëniet, puna apo çështje personale e shpirtërore ndikojnë drejtpërdrejt në energjinë fizike dhe mendore.

Si të rigjesh energjinë

Lodhja që ndjen kur nuk bën asgjë është shpesh rezultat i një kombinimi faktorësh mendorë, emocionalë dhe fizikë. Pushimi i vërtetë është më shumë sesa mosbërja e asgjëje; ai kërkon balancë mes trupit dhe mendjes, citon Anabel.

Shkëputu nga burimet e stresit, bëj aktivitet fizik dhe sigurohu të bësh një gjumë cilësor. Vetëm atëherë do të ndihesh me të vërtetë i/e freskët dhe energjik/e. /Telegrafi/

Diarreja është një shoqërues i shpeshtë i pakëndshëm në shumë udhëtime

Përveç ilaçeve që mund t’ju ndihmojnë, si loperamidi ose në rastet më të rënda enterofurili, të cilat sigurisht i merrni me konsultim me mjekun, ka edhe disa ushqime që mund t’ju ndihmojnë.

Për të trajtuar diarrenë në mënyrë natyrale, ekzistojnë disa metoda dhe përbërës efektivë që mund të përdorni. Këtu janë disa ilaçe natyrale:

Xhenxhefili: Xhenxhefili mund të ndihmojë në reduktimin e acarimit të zorrëve. Mund ta përdorni në formën e çajit ose të shtoni xhenxhefil të freskët në ujë.

Uthulla e mollës: Ka veti antibakteriale që mund të ndihmojnë në luftimin e shkakut të diarresë. Përzieni një deri në dy lugë uthull molle në një gotë me ujë dhe e pini dy herë në ditë.

Banania: Bananet janë të pasura me pektinë, një fibër që ndihmon në absorbimin e lëngjeve në zorrët. Ngrënia e bananeve mund të zvogëlojë simptomat e diarresë, transmeton Telegrafi.

Orizi: Orizi i bardhë tretet lehtë dhe mund të ndihmojë në trashjen e jashtëqitjes. Gatuani orizin e bardhë dhe hajeni pa asnjë aditiv.

Kosi: Kosi përmban probiotikë, baktere të dobishme që ndihmojnë në rikthimin e florës së shëndetshme të zorrëve. Konsumoni kos të thjeshtë, pa sheqer.

Çaji i kamomilit: Kamomili ka veti qetësuese dhe mund të ndihmojë në zbutjen e acarimit në zorrët. Përgatitni çaj kamomil dhe pijeni disa herë në ditë.

Lëngu i shegës: Shega ka veti astringente që mund të ndihmojnë në reduktimin e diarresë. Pini lëng shege ose hani farat.

Është gjithmonë e rëndësishme të pini lëngje të mjaftueshme për të parandaluar dehidratimin. Nëse simptomat vazhdojnë për më shumë se disa ditë, është e domosdoshme të konsultoheni me një mjek për këshilla profesionale. /Telegrafi/

Nervozizmi apo zemërimi është një helm i mirëfilltë që shkatërron shpirtin dhe organizmin.

Ky emocion është i shëndetshëm deri në një farë pike sepse të ndihmon të identifikosh lëndimin ose nevojën për ndryshim.

Por nervozizmi është një emocion hileqar dhe shpesh del jashtë kontrollit.

Mbajtja nën kontroll e tij kërkon një vullnet dhe përqendrim të fortë.

Në këtë artikull të AgroWeb.org do të mësoni se si të mbani nën kontroll zemërimin dhe nervozizmin.

Meditoni
Gjatë një episodi zemërimi apo nervozizmi provoni të meditoni dhe të ndërgjegjësoheni për atë që po ndodh.

Meditimi është një teknikë qetësimi për trurin dhe trupin.

Uluni dhe përqendrohuni tek frymëmarrja. Mos e lini mendjen të ikë apo të fokusohet tek shqetësimet dhe e shkuara.

Frymëmarrja e thellë
Frymëmarrja duhet të jetë e kontrolluar për të qetësuar ndjenjën e nervozizmit.

Një frymëmarrje e thellë dhe e kontrolluar ngadalëson rrahjet e zemrës, stabilizon tensionin e gjakut dhe qetëson organizmin.

Vishni rroba të lehta dhe shtrihuni. Vendosini duart në zonën e barkut.

Merrni frymë ngadalë dhe përpiquni të mbani zonën abdominale të relaksuar.

Mbajeni frymën për disa sekonda dhe më pas lëshojeni atë nëpërmjet gojës.

Përpiquni ta përsërisni këtë proces deri sa të kuptoni që zemërimi juaj është nën kontroll.

Qetësimi Progresiv i Muskujve
Kjo teknikë ka të bëjë me tendosjen dhe qetësimin e disa muskujve duke u shpërqendruar kështu nga zemërimi.

Uluni në një karrige në një vend të qetë. Përqendrohuni tek një grup i veçantë muskujsh siç mund të jenë këmbët, pjesa e kofshës, gishtave e të tjerë.

Merrni frymë thellë dhe ngadalë dhe shtrëngoni muskujt e përzgjedhur. Mbajini të tendosur për 5 sekonda.

Nxirreni frymën dhe lëshojini muskujt e tendosur.

Qëndroni pa lëvizur për 15 sekonda dhe më pas provojeni sërish me një muskul tjetër.

Provojeni këtë teknikë deri sa të ndiheni të qetësuar.

Topthi Kundër Stresit
Një topth i tillë ju ndihmon të përballeni me një episod shpërthyes zemërimi.

Nëpërmjet shtrëngimit dhe lëshimit të topthit dhe frymëmarrjes së thellë ju vini në lëvizje disa muskuj dhe i qetësoni ato.

Për më tepër ju largoni stresin dhe zemërimin.

Numërimi deri në 10
10 sekonda! Kaq ju nevojitet që të qetësoheni, të keni një mendje të kthjellët dhe të shmangni impulset dashakeqe.

Numëroni deri në 10, përpara se të thoni fjalën e fundit.

Mbajtja nën kontroll e zemërimit është një proces që ka nevojë për dy element: kohë dhe shpërqendrim.

Ecja
Ecja është një aktivitet fizik që ndihmon në mbajtjen nën kontroll të ankthit.

Gjatë ecjes, trupi çliron endorfinë, një hormone që ju ndihmon të jeni të lumtur dhe pozitiv.

Ecja e shpërqendron trurin nga ekstremiteti i reagimeve të forta emocionale./AgroWeb.org

Mjeku britanik, Tim Spector nga King’s College në Londër. shpjegoi pse zëvendësimi i sheqerit me mjaltë nuk do të ndikojë ndjeshëm në shëndetin e dhëmbëve dhe në nivelin e glukozës në gjak.

Sipas tij, sheqeri nuk duhet të zëvendësohet me mjaltë.

Mjeku shpjegoi se ndryshimi i vetëm midis llojeve të ndryshme të sheqerit, mjaltit dhe shurupit të panjeve është çmimi.

Këto produkte përgjithësisht konsiderohen si një alternativë e sigurt për sheqerin e bardhë, por ato nuk ndihmojnë në mbrojtjen e dhëmbëve nga kavitetet apo parandalimin e diabetit.

Spector thekson se molekula e sheqerit është identike si në sheqerin e zakonshëm ashtu edhe në mjaltë. Secila prej tyre mund të shkaktojë rritje të niveleve të glukozës në gjak, shkruan Daily Mail.

Terapia me kupa është një lloj terapie alternative. Ajo përfshin vendosjen e kupave në lëkurë për të krijuar thithje, e cila besohet se përmirëson rrjedhën e energjisë në trup dhe lehtëson shërimin.

Kjo terapi mendohet të jetë kryer fillimisht duke përdorur brirë kafshësh, më vonë kupat u bënë nga bambuja dhe më pas nga qeramika.

Ndërsa sot terapia kryhet shpesh duke përdorur gota qelqi në formë sferike, por ato mund të jenë edhe prej plastike ose silikoni.

Thithja krijohet kryesisht përmes përdorimit të nxehtësisë. Fillimisht kupat nxehen me zjarr dhe më pas vendosen në lëkurë. Ndërsa ftohen, ato e tërheqin lëkurën brenda.

Një nga tekstet më të vjetra mjekësore që përmend terapinë e kupave është papirusi i Eberit (1550 p.e.s.) nga Egjipti i Lashtë.

Gjithashtu mjeku grek Hipokrati, i njohur edhe si “babai” i mjekësisë, përpiloi përshkrime të teknikave të kupave.

Në ditët e sotme, terapia me kupa zakonisht gjendet si një trajtim i ofruar nga praktikuesit e Mjekësisë Tradicionale Kineze.

Shumë besojnë se kupa ndihmon në rivendosjen e ekuilibrit në trup, duke rritur rezistencën e trupit ndaj patogjenëve, si dhe aftësinë e kësaj terapie për të rritur qarkullimin e gjakut dhe për të zvogëluar dhimbjen.

Në këtë shkrim AgroWeb.org ju njeh më tepër me përdormet e tyre për të mirën e shëndetit tuaj.

A është i vërtetuar shkencërisht efektiviteti tyre?
Ekziston një numër në rritje i kërkimeve që synojnë të zbulojnë se si, dhe pse mund të funksionojë terapia me kupa.

Sipas disa studimeve në të cilat AgroWeb.org bazohet, disa nga efektet e terapisë së kupave përfshijnë:

Nxitje e qarkullimit të gjakut.
Ulje të inflamacionit.
Rritje e imunitetit.
Eliminimin të toksinave në trup.
Rritje e qarkullimin e gjakut në zonat ku vendosen.
Lehtësim të tensionit të muskujve dhe nxitje e riparimit të qelizave.
Mund të ndihmojnë në formimin e indeve të reja lidhëse dhe krijimin e enëve të reja të gjakut në inde

Shqetësime të tjera që mund të trajtohen me kupa janë:

Mund të jetë shumë efektive në lehtësimin e problemeve që krijojnë dhimbje, si për shembull:

Për dhimbjen në pjesën e poshtme të shpinës, dhimbjen në qafë dhe shpatulla, dhimbjen e kokës dhe migrenën, dhimbjen e gjurit, paralizën e fytyrës, hernien diskale lumbare, artritin rheumatoid etj

Megjithatë ende nevojiten më shumë studime për të vlerësuar efektivitetin e vërtetë të kupave për këto probleme.

Llojet e teknikave me kupa
Ekzistojnë katër kategori kryesore të kupave që kryhen sot:

Kupa e thatë: një metodë vetëm me thithje.

Kupa e lagur ose me gjakderdhje: mund të përfshijë si thithje ashtu edhe gjakderdhje të kontrolluar.

Kupat e lëvizshme: përfshin lëvizjen e gotave rreth trupit pas aplikimit të vajit për të masazhuar zonën e dëshiruar.

Teknika e shpejtë: përfshin thithjen dhe lëshimin e shpejtë, të përsëritur të kupave në një zonë të trupit.

Ku mund të vendosen?
Kupat aplikohen më shpesh në kurriz, gjoks, bark, vithe dhe këmbë, por mund të vendosen edhe në fytyrë për qëllime estetike.

Çfarë duhet të prisni gjatë një trajtimi me kupa?
Për rezultate më të mira, mund t’ju kërkohet të jeni pa ngrënë ose të hani vakte të lehta 2 deri në 3 orë para seancës suaj.

Gjatë një trajtimi me kupa, mjeku juaj do t’ju pyesë se çfarë simptomash keni përjetuar, për të marrë një histori të detajuar shëndetësore nëse kjo është hera e parë për ju.

Mjeku do të vendosë gota në lëkurën tuaj dhe ju do të përjetoni një ndjesi thithjeje dhe presioni.

Ju do të qëndroni me kupat në lëkurë për disa minuta përpara se specialisti t’i heqë ato.

Lëkura juaj mund të skuqet dhe të shfaqë mavijosje të lehta pas seancës.

Në varësi të llojit të shërbimit që po merrni, seanca mund të zgjasë diku nga 10 minuta në një orë, ose më shumë.

Efektet anësore
Efektet anësore që mund të përjetoni zakonisht ndodhin gjatë trajtimit tuaj ose më pas. Ato janë të tilla si:

-Shenja rrethore ku kanë qenë kupat ose hematoma, që zakonisht largohen brenda 7 ditëve nga seanca.

-Marramendje

-Rrallëherë, mund të keni edhe djersitje ose vjellje.

Nëse keni ndonjë nga këto probleme, konsultohuni me mjekun.

Flokët bien më shumë në vjeshtë dhe kjo është shumë e vërtetë e deri diku normale.

Megjithatë kjo nuk do të thotë që kjo eksperiencë është e këndshme apo se nuk duhet të bëni asgjë për ta ndalur.

Vjeshta fillon që me 1 Shtatorin e zgjat deri në 30 Nëntor, e në të gjithë këtë kohë flokët bien me intensitet të lartë.

Në këta muaj bien 50-70 fije floku çdo ditë si një proces tërësisht fiziologjik.

Nëse edhe ju jeni në grupin e persona që vuani, sidomos në muajt Tetor dhe Nëntor, ka një zgjidhje.

Ekspertët të cilëve iu referohet AgroWeb.org në këtë artikull rendisin disa vitamina të cilat ndihmojnë në parandalimin e rënies së flokëve.

Ndiqni këshillat mëposhtme që të shpëtoni menjëherë nga ky problem.

Çfarë të bëni
Siç thamë edhe më lart, flokët në këtë periudhë bien si pasojë e një procesi fiziologjik i cili fillon në vjeshtë dhe rigjenerohet në pranverë.

Kjo ndodh për shkak të klimës që ndryshon menjëherë.

Kështu që mund të qetësoheni nëse vini re hollim të flokëve në këtë periudhë.

Gjithsesi disa masa mund t’i merrni për ta parandaluar këtë proces.

Nuk ka nevojë të drejtoheni menjëherë tek shampot që parandalojnë rënien e flokëve, kremrat apo maskat e posaçme.

Mjafton të merrni vitaminat e duhura dhe flokët tuaj do të qëndrojnë të shëndetshëm.

Për sa i përket ushqimit, gjatë vjeshtës kujdesuni të konsumoni shumë ushqime të pasura me omega 3, bulmet, vezë dhe bishtajorë.

Gjithashtu në këtë fazë të vitit flokët nuk duhen larë shumë shpesh, por mesatarisht tre herë në javë.

Edhe pse nuk ishte këshilla e parë, mund të përdorni shampo kundër rënies së flokëve me veprim të butë e delikat mbi flokun.

Përtej këtyre këshillave ekspertët vënë theksin tek disa vitamina të veçanta për këtë rast.

Vitaminat dhe mineralet që ju duhen
Këtë rënie masive të flokëve mund ta parandaloni fare lehtë edhe duke marrë vitaminat e duhura.

Ekspertët sugjerojnë të përdorni vitaminën B, E, C dhe zinkun.

Më konkretisht, vitaminat e grupit B janë shumë të rëndësishme për strukturën dhe mbrojtjen e plotë të flokëve.

Vitamina E është shumë ushqyese dhe plot vlera për flokët, ndërsa vitamina C funksionon si një antioksidant i shkëlqyer i cili forcon rrënjën e flokëve.

Zinku është një mineral që në bashkëpunim me vitaminën C vepron si një kurë e natyrale, si për lëkurën ashtu dhe për flokët, duke i forcuar ata nga majat tek rrënja.

Këshillohuni me mjekun tuaj që në këtë periudhë të vitit të konsumoni disa nga këto vitamina e minerale të rëndësishme.

Në këtë mënyrë do të evitoni shumë probleme me flokët tuaj.

Gjithashtu kini parasysh të kini një stil jetese të shëndtshëm pa duhan, pije alkolike apo ushqime të dëmshme./AgroWeb.org

Pothuajse të gjithë i bëjnë këto gabime, sidomos i dyti!

A e dini se ka truke të thjeshta që e bëjnë më efikas larjen e dhëmbëve, si dhe gabimet që bëjmë, sepse mendojmë se po i lajmë dhëmbët “si duhet”, por në fakt nuk është kështu?

Tre dentistë ndanë këshilla shumë të rëndësishme për larjen e dhëmbëve.

1. Rregulli dy minuta

Larja e duhur e dhëmbëve duhet të zgjasë të paktën dy minuta, këshillon dentisti Robert Krim.

“Larja e dhëmbëve për të paktën dy minuta është një mënyrë e mirë për të përmirësuar shëndetin oral të gavrës së gojës. Pasta do të arrijë në çdo sipërfaqe dhe fluori do të ketë një shans për të formuar një shtresë në smaltin e dhëmbëve”, tha ai.

Dentisti Greg Gelfland pohon gjithashtu se ekziston një mënyrë e duhur për të mbajtur furçën, në mënyrë që të shfrytëzohet plotësisht efekti i saj.

“Gjithmonë mbajeni furçën në një kënd prej 45 gradë në raport me sipërfaqen e dhëmbëve. Në këtë mënyrë, fijet e furçës arrijnë te mishrat dhe nxjerrin bakteret prej tyre”, tha ai, transmeton Telegrafi.

2. Mos e shpëlani gojën menjëherë

Kur i kemi larë dhëmbët siç duhet, ne e dimë se çfarë ndodh më pas – shumica e njerëzve e lëshojnë ujin nga rubineti, e pështyjnë pastën nga goja e tyre dhe më pas e “shpëlajnë” gojën me ujë për të hequr pastën. Por ky është një gabim!

“Për të maksimizuar përfitimet e fluorit, mos e shpëlani gojën menjëherë pas larjes. Mund ta pështyni shkumën e pastës së dhëmbëve, por përpiquni të mos e shpëlani gojën me ujë as për disa minuta. I këshilloj pacientët që të vonojnë shpëlarjen deri në 30 minuta”, tha Gelfland.

Është veçanërisht e rëndësishme ta bëni këtë pasi të keni larë dhëmbët në mbrëmje.

“Meqenëse gjatë natës, kur flemë, trupi prodhon më pak pështymë, dhëmbët tanë janë më pak të mbrojtur nga bakteret që prodhojnë acid. Fluori që arriti të qëndrojë në smaltin e dhëmbëve siguron mbrojtje shtesë për dhëmbët ndërsa ne flemë”, tha dentisti Gelfland.

3. Përdorni fill dentar – por para larjes!

Sipas dentistit Seth Horn, njerëzit ndahen në ata që përdorin fillin dentar përpara larjes dhe ata që e përdorin atë pas. Është e saktë të përdorni fill para se të lani dhëmbët, në mënyrë që të pastroni hapësirën midis dhëmbëve. /Telegrafi/

Kaliumi është një mineral thelbësor për organizmin. Ai është i domosdoshëm për shëndetin e zemrës, veshkave dhe organeve të tjera.

Kaliumi i lejon muskujt të lëvizin, nervat të transmetojnë mesazhet e trurit dhe veshkat të filtrojnë gjak.

Trupi duhet të ketë ekuilibrat e duhur të kaliumit që zemra të jetë e shëndetshme.

Mungesa e kaliumit dhe depresionit

Nivelet e ulëta të kaliumit rrisin rrezikun e depresionit dhe shqetësimeve nervore.

Sipas një studimi të fundit të cilit i referohet AgroWeb.org, një regjim ushqimor i pasur me kalium zbut simptomat e depresionit.

Gjetjet e studimit të publikuara në revistën britanike Për Ushqyerjen, konfirmuan se kaliumi është i nevojshëm për trajtimin e luhatjeve të humorit dhe se mungesa e tij lidhet fort me simptomat e depresionit.

Kaliumi kundër dhimbjeve

Mungesa e kaliumit shkakton nervozizëm, lodhje, plogështi të muskujve, kontraktime dhe dhimbje kronike.

Dhimbja me depresionin janë të ndërthurura ngushtë dhe intensifikojnë njëra tjetrën.

Sipas të dhënave të AgroWeb.org, njerëzit që vuajnë nga dhimbjet kronike janë tre herë më të rrezikuar nga problemet psikiatrike.

Kaliumi dhe serotonina

Studimet e publikuara në revistën Nature Neuroscience konfirmojnë se kaliumi luan një rol të rëndësishëm në rregullimin e nivelit të serotoninës.

Mjeku tregon se cilat efekte anësore ndodhin për shkak të marrjes së shpeshtë të paracetamolit

Shumë prej nesh kërkojnë paracetamol kur diçka dhemb, zakonisht një dhimbje koke, inflamacion muskulor, pa menduar as për vetë efektin.

Për shumë njerëz, paracetamoli është gjithashtu një “kurë e mahmurllëkut”. Problemi lind kur marrja e paracetamolit bëhet shprehi.

Çfarë ndodh nëse konsumojmë paracetamol çdo ditë?

Doktor Gerard Sinovich, një konsulent kryesor për dhimbjet, thekson se përdorimi i shpeshtë i paracetamolit pa këshillën e mjekut mund të krijojë një problem.

Ilaçet kundër dhimbjeve pa recetë, si paracetamoli, janë trajtimi “i parazgjedhur” i dhimbjes për shumë njerëz. Mirëpo, nuk duhet të përdoret për më shumë se tri ditë rresht pa u konsultuar me mjekun, theksojnë ekspertët, transmeton Telegrafi.

Pesë efektet e dëmshme të marrjes së qetësuesit çdo ditë

Dështimi i mëlçisë

Dëmtimi i mëlçisë mund të ndodhë me marrjen e rregullt të paracetamolit, me ose nën dozën e rekomanduar ditore.

Doza e rekomanduar ditore është një ose dy tableta 500 mg në të njëjtën kohë, deri në katër herë në 24 orë, me një maksimum prej tetë tabletash në 24 orë, sipas NHS.

Sulmi në zemër

Studimet kanë treguar se marrja e rregullt e paracetamolit që përmban natrium shoqërohet me një rrezik në rritje të sulmit në zemër, goditjes në tru, dështimit të zemrës dhe vdekjes. Natriumi, i cili është një nga përbërësit kryesorë të kripës, përdoret shpesh për të ndihmuar medikamentet si paracetamoli të treten në ujë. Megjithatë, nëse një person merr dozën maksimale ditore të paracetamolit, ai gjithashtu do të tejkalojë marrjen maksimale ditore të natriumit prej 2 g.

Hulumtimet tregojnë se marrja e paracetamolit me përmbajtje natriumi rregullisht për një periudhë të gjatë kohore mund të rrisë ndjeshëm rrezikun e sulmit në zemër, goditjes në tru ose dështimit të zemrës, pavarësisht nëse keni apo jo presion të lartë të gjakut.

Probleme të frymëmarrjes

Hulumtimet tregojnë se përdorimi i shpeshtë i paracetamolit mund të çojë në një rritje të ndjeshme të gjasave të frymëmarrjes. Ajo shoqërohet gjithashtu me një rritje të simptomave të astmës dhe efekti është më i madh sa më shumë të merret ilaçi, thotë doktori.

Lodhja

Një nga efektet anësore më të zakonshme të paracetamolit është rraskapitja dhe lodhja, për shkak të përmbajtjes së acetaminophenit në ilaç. Nëse e merrni shpesh, atëherë ka të ngjarë që personi të ndihet më shpesh i lodhur dhe i përgjumur. /Telegrafi/