Category: SHËNDETËSI

Farat e kungullit janë një meze e lehtë e njohur, veçanërisht në periudhën e vjeshtës. Edhe pse janë më të njohura në muajt e vjeshtës, këto fara mund të konsumohen gjatë gjithë vitit, gjë që është veçanërisht e mirë sepse duke i ngrënë i bëni mirë të gjithë trupit.

Një grup dietologësh për mediumin Eating Well kanë veçuar disa nga përfitimet më të njohura të këtyre farave të shijshme dhe të shëndetshme.

Ndikon në mbrojtje kundër inflamacionit

Farat e kungullit përmbajnë linjan, përbërës që promovojnë shëndetin, raporton Eating Well. Linjanet në farat e kungujve “ulin inflamacionin dhe veprojnë si antioksidantë të fuqishëm”, thotë dietologia Pam Hartnett. Sipas Hartnett, linjanet në farat e kungullit mund të ndihmojnë gjithashtu në uljen e rrezikut të kancerit, sepse “këto përbërës bllokojnë enët e gjakut që ushqejnë tumoret, duke ndihmuar në ngadalësimin e rritjes së kancerit”.

Ndikon në mbështetjen e shëndetit të zemrës

Dietologia Jessi Holden thekson se farat e kungullit “mund të përmirësojnë shëndetin e zemrës dhe të nxisin nivele të balancuara të sheqerit në gjak”.

Ato janë të ulëta në yndyrna të ngopura, por të larta në proteina bimore miqësore për zemrën. Nëse kjo nuk mjafton, magnezi i tyre mund të ndihmojë në rregullimin e presionit të gjakut, sipas Shoqatës Amerikane të Zemrës, raporton Eating Well.

Forcon sistemin imunitar

“Farat e kungullit janë një burim i mirë zinku, i cili mund të shkurtojë kohëzgjatjen e një ftohjeje. Plus, proteinat dhe magnezi i tyre mbështesin nivelet e energjisë dhe forcojnë sistemin tuaj imunitar, duke siguruar një burim të shëndetshëm energjie për të gjithë familjen”, shpjegon dietologia Holden.

Ngrënia e këtyre farave mund t’ju ndihmojë të flini më mirë

Nëse jeni duke kërkuar për një mënyrë natyrale për të përmirësuar cilësinë e gjumit, një grusht i vogël fara kungulli para gjumit mund t’ju ndihmojë të flini më mirë dhe të reduktoni shqetësimin.

“Farat e kungullit janë të pasura me triptofan, një aminoacid që ndihmon në prodhimin e serotoninës, një hormon për ndjenjën e mirë dhe melatoninës, e cila mund të ndihmojë në trajtimin e pagjumësisë”, thotë dietologia Amy Beney.

Ato mund të parandalojnë problemet e kapsllëkut

Farat e kungullit janë një burim i mirë i fibrave dietike që kontribuojnë në një sistem të shëndetshëm të tretjes duke inkurajuar lëvizjet e rregullta të zorrëve dhe duke parandaluar kapsllëkun. Këto fara përmbajnë gjithashtu magnez, i cili vepron si një laksativ natyral duke tërhequr ujin në traktin tretës për ta mbajtur jashtëqitjen e butë. Gjithashtu relakson muskujt e zorrëve, duke ndihmuar që përmbajtja e tretjes të lëvizë më mirë, raporton Eating Well.

A janë farat e kungullit të sigurta për të gjithë?

Kur bëhet fjalë për konsumimin e kungujve, ka disa masa paraprake në varësi të gjendjes shëndetësore. Ata që duhet të kenë kujdes të mos e teprojnë janë personat me sindromën e zorrës së irrituar (IBS). Për më tepër, njerëzit me divertikulit gjatë një periudhe inflamatore mund të kenë nevojë të shmangin farat, pasi ato mund të irritojnë zorrët.

Koha me shi mbase ju duket depresonuese dhe shumica e njerëzve e lidhin me ndjenjat melankolike dhe pikëllimin, mirëpo ekspertët konstatojnë që kjo është vetëm iluzion

Në të vërtetë, personat të cilët vuajnë nga depresioni dhe ankthi dëshmojnë që u përshtatet koha me shi, sepse atëherë nuk arrijnë në pikën kur përjetojnë sulme depresioni dhe ankthi.

Njësoj është edhe me personat të cilët janë impulsivë dhe nevrikë. Personat e tillë shpesh thonë që e duan shiun dhe shkaku është që kisha i qetëson dhe i relakson. Nëse mendoni pak më mirë, kjo është vërtet plotësisht e logjikshme.

Shiu ka mostër të parashikueshme, prandaj tingulli i shiut jashtë çon deri aty ku truri ynë e kupton si zhurmë qetësuese dhe të këndshme. Pikërisht për këtë shkak ekzistojnë aq shumë video dhe shënime tingullore për qetësim dhe meditim të cilat përmbajnë tingullin e shiut.

Derisa bie shi, njerëzit nuk kanë dëshirë të dalin jashtë, prandaj në hapësirë të mbyllur bëjnë atë që duan në së shumti, transmeton Telegrafi.

Tingulli i shiut qetëson andaj me të është më lehtë të lexohet libri, të mësohet apo të relaksohet në dush të ngrohtë. Veç kësaj, edhe vetë aroma e shiut shumicën e njerëzve e lidh me meditime pozitive dhe ndjenja për të kaluarën.

Aroma e tillë intensive dhe këndshme të cilën ajri e merr ju kthen në kohën kur keni qenë në ambient të ngrohtë dhe të sigurt.

Shkencëtarët theksojnë që bashkë me ndryshimet hormonale është i rëndësishëm edhe tingulli i shiut. Kur tingulli është i qetë apo paksa i fortë dhe i harmonizuar siç është rënia e shiut, truri e kupton si sinjal qetësues.

Veç kësaj, kjo shushurimë do të “mbulojë” disa tinguj më pak të këndshëm të cilët do të na kishin shqetësuar dhe zgjuar, si për shembull zhurma e automobilit apo thërritja e njerëzve të cilët ecin rrugës. /Telegrafi/

Gjumi dhe dëshira për të! Ndjeshmëria, vështirësia në përqendrim, lodhja, por edhe një rënie e dëshirës seksuale, sepse të fjeturit pak është ritual i keq që mund të dëmtojë çiftin. Dhe gratë, janë më shpesh viktima të çrregullimeve të gjumit: 87% flenë keq krahasuar me 67% të meshkujve. Këto të dhëna dolën nga një sondazh ku morën pjesë 300 burra dhe gra, ndërmjet moshës 45-56 vjeç. Dhe rezultatet u paraqitën në Kongresin Kombëtar të Valës, Observatori Kombëtar prë gratë dhe shëndetin gjinor.

“Pjesa femërore e mostrës e vlerëson rëndësinë e gjumit gjithnjë e më shumë. Ndërsa, burrat mendojnë se është baza e mirëqenies së personit”, thotë Luigi Ferini Strambi, kreu i Qendrës Neurologjike, Irccs San Raffaele Turro të Milanos.

“Gratë janë gjithashtu më të vetëdijshme dhe të gatshme për të reaguar, duke përdorur terapitë e synuara për të përmirësuar gjumin. Meshkujt përqendrohen më shumë në stilin e tyre të jetesës”, thekson Francesca Merzagora, presidente e Onda-s.

Përbërësit thelbësor për cilësinë e gjumit të natës janë: ushqimi i duhur, aktiviteti fizik i rregullt dhe zakonet e mira të gjumit. Ju gjithashtu mund të mbështeteni në mjetet bimore si lulet e ndryshme ose ilaçe që përmirësojnë cilësinë e gjumit.

Në të gjitha rastet, duhet të fillojmë me një diagnozë të saktë, pasi ka më shumë se 60 çrregullime të gjumit. “Një bisedë me mjekun e familjes është e mjaftueshme, ndërsa në rastet më të komplikuara është më mirë t’i referoheni një qendre të dedikuar”, sugjeron Ferini Strambi. Çrregullimi më i përhapur i gjumit është pagjumësia, e ndjekur nga sindroma e apneas gjatë natës dhe pastaj këmbët e shqetësuara (më të zakonshme në çrregullimet e gjumit).

Aronia është një frut ngjyrë vjollcë, i vogël, por shumë i fuqishëm. Kjo kokërr e vogël ka një shije të veçantë që të rrudh qiellzën dhe që të kujton thartësinë e rrushit të verës.

Në ndryshim me frutat e tjerë, kokrrat e Aronias mund të blihen dhe të hahen të freskëta, por edhe në formën e lëngut dhe të ekstraktit.

Ato mund t’i përdorni si në rastin e boronicës, si lëng, me krepa, me tërshërë, në formën e salcës, me kos ose të gjalla.

Bimët e Aronias kanë filluar të mbillen edhe në Shqipëri, pasi kërkesa është në rritje dhe vetë Aronia mbetet një lloj fruti, i cili nuk është kultivuar më parë dhe as nuk gjendet gjerësisht në formë të egër.

Kokrrat e freskëta të Aronias përdoren për në përgatitjen e lëngjeve të ndryshmeve, shurupit, reçelit dhe verës.

Kokrrat e thata të Aronias gjenden në shumë dyqane organike dhe mund t’i kombinoni me ëmbëlsira, musli apo biskota.

Në shumë vende të ndryshme të botës, kokrrat e thata të Aronias përdoren për përgatitjen e çajrave bimorë të pasur me antioksidantë.

Vetitë e Aronias:

Burim antioksidantësh
Kokrrat e Aronias kanë burimin më të lartë të antioksidantëve të pranishëm në një frut. Antioksidantët mbrojnë qelizat nga dëmet e radikaleve të lira.

Duke qenë se Aronia është e pasur me antioksidantë kjo kokërr ka një aftësi marramendëse (më të madhen mes frutave) për përthithjen e oksigjenit dhe për të neutralizuar radikalet e lira.

Përmirëson qarkullimin e gjakut dhe forcon enët e gjakut
Kokrrat e Aronias përmirësojnë qarkullimin e gjakut, duke i bërë enët e gjakut më të forta dhe duke zvogëluar rreziqet që vijnë nga sëmundjet e zemrës.

Radikalet e lira janë shkaktari kryesor i shumë sëmundjeve në organizëm, dhe kokrrat e Aronias parandalojnë formimin e këtyre radikaleve, rrjedhimisht duke shmangur sëmundje si diabeti apo simptoma të tjera kardiovaskulare.

Kokrrat e pjekura të Aronias përmbajnë një sasi të lartë fenolës që disinfektojnë gjakun, ndihmojnë në përshpejtimin e shërimit të plagëve, largojnë toksinat, ulin inflamacionit dhe i bëjnë enët e gjakut më elastike.

Balancon nivelet e tensionit të gjakut
Kokrrat e Aronias mbajnë tensionin e gjakut në nivele normale.

Këto kokrra me pigment të errët, parandalojnë spazmat tek enët e gjakut dhe mbajnë tensionin e gjakut larg zonës së rrezikut.

Lëngu ose çaji i Anorias rekomandohet për njerëzit që kanë problem me tensionin e gjakut dhe qarkullimin e tij.

Parandalon dhe ndihmon në trajtimin e diabetit
Kokrrat e Aronias janë studiuar në lidhje me rolin e tyre në parandalimin e sëmundjes së diabetit.

Një prej studimeve arriti në konkluzionin që konsumimi i këtij fruti nuk rrit nivelin e sheqerit në gjak, madje e ul atë.

Aronia është plot përfitime për njerëzit që duan të parandalojnë diabetin dhe duan ta mbajnë atë nën kontroll.

Ndikon në sistemin tretës
Kokrrat e Aronias ndihmojnë stomakun të përballet me ulçerën gastrike dhe diarenë. Studiuesit tregojnë që Aronia është një kurë natyrale për problemet me stomakun tek njerëzit.

Kokrra e thatë e Aronias përbën një kurë fantastike jo vetëm për problemet me stomakun, por edhe ato të veshkave.

Luan rol kundër inflamacionit dhe viruseve
Nëse ju konsumoni kokrrat e Aronias në mënyrë të rregullt, atëherë duhet të jeni të bindur që do të mbani larg të ftohtin dhe gripin.

Përbërësit e saj luftojnë bakteret dhe viruset dhe forcojnë sistemin imunitar.

Mbron sytë
Kokrrat e Aronias luajnë një rol mbrojtës për sytë. Ato përmbajnë sasi të mëdha karoteni që mbron qelizat nga dëmet dhe sytë nga katarakti. Ato janë gijthashtu të pasura me flavonoidë si luteina dhe zeaksanthina.

Mbron shëndetin e traktit urinar
Nëse konsumoni Aronia, atëherë trakti urinar do të jetë i shëndetshëm. Infeksionet urinare janë të zakonta mes njerëzve si rrjedhojë e bakterit Escherichia coli.

Kokrrat e Aronias janë pesë deri në 10 herë më efektive për shkak të dozës së lartë të acidit kuinik që parandalon këto baktere.

Mban peshën nën kontroll
Së fundmi, por jo nga rëndësia, këto kokrra ndihmojnë në mbajtjen nën kontroll të peshës.

Aroniat parandalojnë akumulimin e shëndetit të tepërt në pjesën e barkut.

Për më tepër, Aroniat ndihmojnë në përmirësimin e niveleve të kolesterolit dhe lipideve.

Ato e shtyjnë trupin të prodhojë më shumë kolesterol të mirë./AgroWeb.org

Humbja e kujtesës është një gjendje që trupi mund ta zhvillojë për shkak të shumë sëmundjeve.

Duke filluar që nga skleroza, alzheimeri e deri tek dementia që po përhapet me shpejtësi vitet e fundit.

Sipas Organizatës Botërore të Shëndetit, sot në botë ka rreth 50 milion persona që vuajnë nga kjo sëmundje.

Teksa shumë studime kanë treguar se është më e përhapur tek gratë, kjo sëmundje mund të jetë e lidhur ngushtë dhe me disa procese të tjera të trupit.

Në këtë artikull AgroWeb.org ju tregon se si ndikon presioni i gjakut në zhvillimin e dementias apo “sëmundjes së harresës” ndër vite.

Lidhja mes dy sëmundjeve

Presioni i gjakut dhe ndryshimi i tij përgjatë viteve mund të sjellë një sërë pasojash.

Kështu ndodh edhe me zhvillimin ose jo të sëmundjes së dementias.

Ekspertët thonë se ka një lidhje domethënëse mes hipertensionit apo presionit të lartë të gjakut dhe shfaqjes në dementias.

Më të rrezikuarit sipas mjekëve janë ata që vuajnë nga hipertensioni në moshën e mesme.

Pra plakja e trurit apo humbja e kujtesës nga dementia e ka zanafillën e saj që nga problemet me presionin e lartë të gjakut.

Si Ndryshon Presioni i Gjakut Përgjatë Viteve

Shumë funksione të trupit ndryshojnë përgjatë viteve dhe po kështu edhe presioni i lartë i gjakut.

Sipas mjekëve presioni i gjakut ndryshon disa herë gjatë jetës dhe veçanërisht gjatë moshës së mesme dhe të moshuar.

Për të gjithë personat që kanë përjetuar gjatë këtyre dy periudhave të paktën një herë hipertensionin, prekja nga dementia është më konkrete.

Gjithsesi më të rrezikuarit janë personat që vuajnë nga hipertensioni pas të 50-tave.

Ndërsa rreziku ulet për personat që vuajnë nga hipertensioni në moshën e tretë

Në zhvillimin e sëmundjes dhe hipertensionit përveç moshës dhe gjinisë ndikon edhe stili i jetesës.

Ndër armiqtë më të mëdhenj të trurit janë alkooli, duhani, mungesa e gjumit apo kequshqyerja.

Me shumë mundësi, jeni të njohur me diabetin, atë sëmundje aspak të ëmbël, edhe pse ka lidhje me sheqerin.

Në fakt, është një nga sëmundjet më të zakonshme në botë, dhe numrat po rriten vazhdimisht.

Por, çfarë saktësisht është diabeti?

Para se të hyjmë në kauzë, duhet të përcaktojmë se çfarë është diabeti. Diabeti ndodh kur glukoza në gjak – ose sheqeri në gjak – është shumë i lartë. Glukoza në gjak është burimi kryesor i energjisë së trupit dhe rrjedh nga ushqimi që hani.

Shtoni insulinë: një hormon i prodhuar nga pankreasi juaj. Endokrin Web thotë se “insulina shpesh përshkruhet si një çelës, i cili zhbllokon qelizën për të lejuar që sheqeri të hyjë në qelizë dhe të përdoret për energji”. Por ndonjëherë trupi juaj nuk prodhon insulinë të mjaftueshme – ose aspak – apo thjesht nuk e përdor insulinën siç duhet.

Ajo që ndodh atëherë është se glukoza qëndron në gjak dhe nuk arrin në qelizat tuaja – duke shkaktuar grumbullimin e glukozës në gjak, e cila rrit nivelet e sheqerit në gjak.

Ekzistojnë disa lloje të diabetit: tipi 1, tipi 2, gestacional, dhe për ata që janë në prag, pre-diabeti. Ndërsa secili është i veçantë, ata të gjithë ndajnë të njëjtat probleme themelore me sheqerin në gjak. Diabeti i tipit 1 dhe tipi 2 janë sëmudnje kronike. Pre-diabeti është një pararendës i diabetit kronik dhe diabeti gestacional shpesh zgjidhet vetvetiu pas lindjes së foshnjës.

Çfarë mund të ndodhë nëse trupi juaj nuk është në gjendje të përdorë siç duhet glukozën për të prodhuar energji?

Dy llojet kryesore të diabetit-tipi 1 dhe lloji 2-kanë shenja paralajmëruese të ngjashme, megjithëse me tipin 1, shfaqja e simptomave mund të jetë më e shpejtë, duke u shfaqur brenda disa ditësh ose javësh dhe priret të jetë më e rëndë. Sipas Shoqatës Amerikane të Diabetit, mund të përjetoni urinim të shpeshtë – një shenjë se veshkat tuaja po përpiqen të nxjerrin sheqerin e tepërt në gjakun tuaj.

Etja ekstreme pothuajse gjithmonë shoqëron urinimin e shpeshtë sepse trupi juaj dehidratohet nga të gjitha urinimet. Në të njëjtën mënyrë, mungesa e lëngjeve në trupin tuaj mund t’ju japë gojë të thatë dhe kruajtje të lëkurës. Ju gjithashtu mund të ndjeni uri të shtuar ose të keni humbje peshe të papritur për shkak të pamundësisë së trupit për të marrë energji të mjaftueshme nga ushqimi që hani.

Nivelet e larta të sheqerit në gjak, me kalimin e kohës, mund të ndikojnë në rrjedhën e gjakut dhe të shkaktojnë dëme nervore, gjë që e bën shërimin e plagëve të vështirë.

Sado përpiqemi momentet stresuese janë të pashmangshme. Fatkeqësisht, një pjesë e mirë provojnë ta “mbysin” stresin duke ngrënë, gjë e cila çon në shtim të papritur peshe. Si të mos shkosh drejt frigoriferit kur je e stresuar? Ndiq hapat më poshtë!

Uluni dhe bëni 10 pompa

Lëvizja e muskujve e lehtëson menjëherë stresin; e bën bën trupin të mendojë se po i “arratiseni” burimit të stresit. Përmes ushtrimit, gjaku qarkullon më shpejt, duke e transportuar kortizolin në veshka dhe duke e nxjerrë nga sistemi.

Edhe nëse nuk i bëni dot pompat, edhe një ecje e thjeshtë e ndihmon kortizolin të lëvizë. Një studim tregon se 18 minuta ecje, 3 herë në javë, ul nivelet e hormonit të stresit me 15%.

Hani ngadalë

Hani me ngadalë dhe duke shijuar çdo kafshatë dhe nivelet e kortizolit do të bien. Njëkohësisht do të ulet edhe sasia e ushqimit që hani, duke ndikuar në mosdepozitimin e dhjamit në bel.

Mjaft me dietat strikte

Studimet tregojnë se dietat strikte i rrisin nivelet e kortizolit me 18%. Kur niveli i kortizolit rritet, sheqeri në gjak fillimisht rritet shumë dhe më pas bie. Kjo ju bën të ndiheni nevrik dhe i pangopur. Kur truri juaj privohet nga sheqeri, nuk e keni më veten nën kontroll dhe vullneti juaj thyhet lehtësisht.

Jepjuni dëshirave të vogla

Nëse ju hahet diçka e ëmbël ose e kripur, hajeni! Është më mirë të plotësoni dëshirat e vogla, para se kortizoli të dalë jashtë kontrollit tuaj. Hani një copë çokollatë, por vetëm një. Nëse jeni të kujdesshëm dhe e përmbani veten, nuk ka asgjë të keqe t’i dorëzoheni dëshirave.

Reduktoni kafeinën

Kombinimi i stresit me kafeinën rrit nivelet e kortizolit më shumë se stresi vetëm. Më tepër stres, do të thotë nivele më të larta të kortizolit. kjo bën që të hani edhe më tepër prej stresit.

Flini mirë

Flini 7 deri në 9 orë gjumë çdo natë ndikon në uljen e stresit. Gjitashtu, një studim i ri tregon se mungesa e gjumit rrit nivelet e grelinës, një hormon që rrit urinë.

Bakteret e modifikuara gjenetikisht bëhen vaksina antikancer për terapitë e së ardhmes. Ky është hapi i rradhës i një grupi kërkuesisht të Universitetit të Columbia të New York, dhe rezultatet e studimit janë publikuar në revistën Nature.

Rezultatet e arritura deri tani në ekperimentet mbi kaviet e laboratorit janë inkurajuese sipas autorëve. Në punën kërkimore, janë marrë bakteret probiotike, që kanë funksion mbrojtës për organizmin, janë modifikuar për të rritur tendencën e tyre natyrale për të stimuluar sistemin imunitar kundër tumoreve, duke i edukuar për të sulmuar vetëm qelizat e sëmura.

Në eksperiment, bakteret kanë shtyrë sistemin imunitar të bllokojë rritjen tumorale, edhe në rastin e atyre primare, edhe me metastaza, dhe disa në disa raste i kanë eleminuar pa kompromentuar asnjë qelizë të shëndetshme.

Bakteret e modifikuara kanë vepruar duke nxitur sistemin imunitar kundër mutacioneve. Në këtë mënyrë mund të shfrytëzohet kjo gjë për të projektuar terapi që të jenë në gjendje të dallojë dhe luftojë qelizat e sëmura, dhe të ketë sukses aty ku terapite e deritanishme kanë çaluar.

Me siguri prindërit që në fëmijëri jua kanë tërhequr vërejtjen që të mos pini ujë duke qëndruar në këmbë.

Nëse në këtë mënyrë pini ujë, mund t’ju shkaktojë shumë probleme: ngërçe, artrit, dëmtim të veshkave, mirëpo a keni pyetur ndonjëherë përse?

Prindërit kanë pasur të drejtë – pirja e ujit në këmbë është krejtësisht e gabuar.

Kur pini ujë, ideale është të jeni ulur, – transmeton Telegrafi.

Në të vërtetë në këtë mënyrë në të gjitha organet do të qëndrojë mjaft gjatë.

Në të kundërtën, nëse pini ujë derisa jeni në këmbë, ai shpejt do të kalojë nëpërmjet zorrës së trashë, andaj trupi nuk do të ketë kohë t’i absorbojë nutritienët.

Kjo mund të shkaktojë shumë probleme: ngërçe, artrit, dëmtim të veshkave.

Përveç kësaj, ujin duhet pirë ngadalë, gllënjkë pas gllënjke. /Telegrafi/

 

Sistemi imunitar ka nevojë për të gjithë mbështetjen e mundshme që të përballojë me sukses sfidat dimërore siç janë gripi dhe e ftohura.

Mbështetja për sistemin imunitar mund të tingëllojë si një mision i vështirë, por nuk ka përse të jetë i tillë.

Imuniteti i njeriut ka nevojë për vitamina, minerale e antioksidantë, të cilat për fat të mirë mund t’i gjeni krejt lehtë nëpër frutat dhe perimet e stinës.

Duke lexuar më poshtë në këtë artikull të AgroWeb.org do të mësoni formulën e një shurupi fantastik për imunitetin.

Bëhet fjalë për kombinimin fuqiplotë të shegës, mjaltit, xhenxhefilit dhe limonit në një shurup të vetëm.

Të jemi të qartë, ky shurup nuk bën dot magji nëse ju ushqeheni gjithë kohës me produkte të përpunuara dhe të shpejta.

Shurupi i mëposhtëm duhet të jetë një pjesë thelbësore e një regjimi të shëndetshëm ushqimor.

Përbërësit:
100 ml lëng shege
120 gramë mjaltë,
5 ml lëng xhenxhefili
55 ml lëng limoni.
Përgatitja:
Shtrydheni shegën dhe limonin.

Grini xhenxhefilin dhe grimcat e tij hidhini në një napë.

Shtrydheni lëngun dhe hidheni në kavanoz.

Shtoni mjaltin dhe përziejini të gjitha lëngjet mirë.

Shurupi është gati.

Ekspertët e AgroWeb.org këshillojnë që çdo mëngjes të merrni një lugë gjelle nga shurupi, ta tresni në ujë dhe ta pini me stomak bosh çdo mëngjes për 1 ose 2 javë.

Këtë kurë mund ta shfrytëzoni në çdo stinë, ose të paktën dy herë në vit.

Këshilla të Tjera Për Mbrojtjen e Imunitetit
Krahas këtij shurupi, ekspertët e AgroWeb.org këshillojnë që të merrni hapat e mëposhtëm:

Hani sa më pak ushqime të përpunuara, të shpejta e të skuqura
Hiqni dorë nga ëmbëlsuesit natyralë,
Kufizoni konsumin e produkteve shtazore
Rrisni konsumin e frutave, perimeve, drithërave, legumeve, farave,
Pini më shumë ujë dhe çajra./AgroWeb.org