Category: SHËNDETËSI

Plakja dhe moti i ftohtë janë një kombinim jo dhe aq i mirë.

Temperaturat e ulëta lënë gjurmë në shëndet dhe zmadhojnë shenjat fillestare të plakjes.

Në këtë artikull të AgroWeb.org do të mësoni për 8 arsyet përse njeriu plaket më shpejt në dimër.

Mungesa e lagështisë në ajër
I ftohti dhe thatësia e ajrit nuk janë miqësore me lëkurën.

Dimri arrin të prishë ekuilibrat e lëkurës duke shkaktuar skuqje dhe ndjeshmëri të lartë të saj.

Kjo e fundit e bën lëkurën më të brishtë dhe rrit predispozitat për një plakje të parakohshme të saj.

Nga ana tjetër, përdorimi i tepërt i kondicionerit përthan lëkurën dhe flokët duke shkatërruar paraqitjen e tyre rinore.

Stresi
Për fat të keq, festat dhe pushimet e fundvitit rritin nivelet e stresit.

Nivelet e larta të hormonit të stresit, kortizolit, janë të ashpra me lëkurën dhe e plakin atë përpara kohe.

Dermatologët rekomandojnë më shumë kohë në kushtet e shtëpisë për t’i dhënë lëkurës mundësinë e rimëkëmbjes.

Kremi kundër diellit
Lëkura duhet mbrojtur me krem kundër diellit edhe gjatë dimrit kur qiejt janë plot me re.

Rrezet UVA nuk e humbasin intensitetin e tyre gjatë dimrit dhe janë përgjegjëse për shumë dëmtime të thella në nivel qelizor.

Dermatologët thonë se kremi kundër diellit duhet vendosur edhe gjatë dimrit.

Përkujdesja
Përkujdesja ndaj lëkurës duhet të jetë e ndryshme në verë dhe në dimër.

Në verë, duhet të tregoni kujdes ndaj nxehtësisë dhe lagështisë.

Në dimër, duhet të përdorni kremëra me aftësi të madhe hidratuese dhe me përmbajtje të lartë të acidit hyaluronik.

Dushi i nxehtë
Dushi me ujë të nxehtë e përthan ndjeshëm lëkurën dhe e zhvesh atë nga vajrat natyralë.

Uji që përdoret për lëkurën e fytyrës duhet të jetë i ngrohtë dhe kontakti me të nuk duhet të zgjasë më shumë se 20 minuta.

Menjëherë pas banjës duhet ta lyeni lëkurën me një krem ushqyes.

Sa i përket pastrimit, dermatologët rekomandojnë përdorimin e solucioneve vajore për pastrimin që nuk e përthajnë lëkurën.

Ushqimet e gabuara
Pasojat dhe përfitimet e çdo regjimi ushqimor ndihen që në fillim në lëkurë.

Dermatologët thonë se konsumi i frutave, perimeve dhe erëzave duhet të jetë më i lartë në dimër.

Mungesa e diellit
Sipas të dhënave të AgroWeb.org, gjatë dimrit, niveli i vitaminës D dhe K bie.

Në këtë mënyrë, dalin në pah rrathët e zinj të syve dhe lëkura zbehet.

Mungesa e aktivitetit fizik
Aktiviteti fizik nuk duhet të mungojë në dimër sepse mungesa e tij ndikon tek humori, pesha dhe inflamacioni në trup.

Mëlçia është një nga organet më të mëdha në organizëm.

Ajo ndihmon në eliminimin e mbetjeve të ndryshme nga organizmi dhe përpunimin e ushqyesve dhe medikamenteve.

Konsumi i tepërt i alkoolit dhe ushqimeve jo të shëndetshme mund të shkaktojë një barrë të rëndë në mëlçi dhe herë pas here, njeriu duhet të kryejë disa kura natyrale për pastrimin e saj.

Në këtë artikull të AgroWeb.org do të mësoni si të shfrytëzoni disa pije të caktuara, të cilat mund t’i pini në mbrëmje, për të pastruar mëlçinë nga toksinat.

Këto pije ju ndihmojnë edhe të digjni yndyrat dhe depozitat dhjamore.

Pijet më të mira për pastrimin e mëlçisë
Në mjekësinë popullore kineze besohet se mëlçia funksionon më mirë nga ora një deri në tre të mëngjesit, kur trupi pushon.

Çaji i kamomilit
Ky çaj përmban shumë antioksidantë dhe ka aftësi qetësuese.

Ai përmirëson cilësinë e gjumit, zbut nervat dhe largon stresin.

Antioksidantët tek kamomili luftojnë inflamacionin që i kanoset organeve dhe i pastrojnë ato nga toksinat.

Çaji i kamomilit i ëmbëlsuar me pak mjaltë duhet pirë çdo mbrëmje për dy javë me rradhë.

Ujë i ngrohtë me limon
Kjo pije mund të pihet në mëngjes por edhe në mbrëmje.

Nëse zgjidhni ta pini në mbrëmje, kjo pije do ju ndihmojë të pastroni mëlçinë dhe të eliminoni toksinat e mbetjet e ndryshme ushqimore.

Ekspertët thonë që gjysmë ore përpara gjumit duhet të pini 200 ml ujë të ngrohtë të përzier me lëngun e një limoni.

Kura duhet konsumuar për 21 ditë me radhë.

Çaj xhenxhefili me limon
Xhenxhefili me limon janë të mrekullueshëm jo vetëm për rënien nga pesha por edhe përmirësimin e shëndetit.

Ato ofrojnë shumë vitaminë C dhe antioksidantë të cilët luftojnë shumë sëmundje.

Xhenxhefili dhe limon luftojnë inflamacionin dhe eliminojnë toksinat nga mëlçia.

Çaji i xhenxhefilit dhe limonit duhet pirë tre herë në javë.

Për këtë çaj, ju nevojiten 250 ml ujë, një fetë xhenxhefili dhe lëngu i një gjysmë limoni.

Çaji i nenexhikut
Ky çaj është i shkëlqyer për stomakun dhe ndihmon tretjen.

Vajrat esencialë të nenexhikut eliminojnë toksinat në mëlçi dhe në zorrën e trashë.

Për këtë çaj ju nevojiten dy lugë gjelle me nenexhik dhe 250 ml ujë.

Këtë kurë duhet ta konsumoni shpesh jo vetëm për pastrimin e mëlçisë por edhe për qetësim./AgroWeb.org

Këto janë llojet e mjaltit që mbrojnë mushkëritë dhe zemrën dhe që mund të ndihmojë me aneminë

Ilaç i ëmbël, nektar i perëndive, flori i lëngshëm… Këto janë vetëm disa nga epitetet që e zbukurojnë madhështinë e tij – mjalti.

Disa e duan në formën e tij origjinale, disa në ëmbëlsira, disa e përdorin për zbukurim dhe kujdes, por të gjithë janë dakord se është jashtëzakonisht i shëndetshëm.

Përdorimi i rregullt i mjaltit dhe i produkteve të tjera të bletëve përmirëson shëndetin dhe vitalitetin e organizmit, si dhe rrit rezistencën e tij ndaj shumë sëmundjeve infektive dhe të tjera, gjë që është veçanërisht e rëndësishme në periudhën kur viruset fillojnë të përhapen.

Përmban shumë vitamina dhe minerale, duke përfshirë vitaminën B6, kalcium, bakër, hekur, mangan, magnez, fosfor, kalium, riboflavin, natrium, zink, transmeton Telegrafi.

Po ju prezantojmë pesë llojet më të mira të mjaltit dhe përfitimet e tyre shëndetësore.

Mjalti i akacies – është i përshtatshëm për pacientët me çrregullime të tretjes dhe ka një efekt qetësues në të gjithë trupin. Mund ta hanë edhe fëmijët deri në tre vjeç.

Mjalti i livadhit – përmban më shumë vajra esencialë dhe rekomandohet veçanërisht për pacientët me sëmundje të zemrës, si dhe mund të ndihmojë në sëmundjet e frymëmarrjes.

Mjalti i blirit – ka efekt antiseptik dhe përdoret për gripin dhe bronkitin dhe sëmundje të tjera të frymëmarrjes. Është mirë të konsumohet së bashku me çaj bimor.

Mjalti i pyllit – përmban 13 herë më shumë minerale se mjalti i luleve. Është veçanërisht i pasur me hekur, ndaj rekomandohet veçanërisht për personat anemikë.

Mjalti i luleradhiqes – Mjalti i luleradhiqes i bërë në shtëpi konsiderohet gjithashtu një ilaç natyral për kollën në rast të ftohjes, pasi qetëson një kollë të thatë dhe intensive. Është një “pastrues” i shkëlqyer i organizmit nga toksinat, e sidomos i mushkërive nga nikotina.

Mënyra më e mirë për të përdorur mjaltin:

Shpërndani mjaltin në ujë, lëng frutash, çaj ose qumësht, pasi kjo do të maksimizojë vetitë e tij kuruese.

Temperatura e lëngut nuk duhet të jetë më e lartë se 37 gradë Celsius. Përndryshe, mjalti humbet vetitë e tij antimikrobike. Në kontakt me metalin, enzimat në mjaltë dëmtohen, kështu që ai duhet të fshihet gjithmonë me një lugë druri ose plastike. Nuk është mirë që mjalti të gëlltitet menjëherë, por duhet mbajtur në gojë për dy deri në tre minuta, me “rrëshqitje” të vazhdueshme.

Mënyra më e keqe për të marrë mjaltë është ta gëlltisni dhe më pas të hidhni ujë mbi të. Mjalti, shpjegojnë ekspertët, ka një peshë specifike të lartë, ndaj bie në fund të stomakut, është higroskopik, largon ujin nga mukoza dhe e dëmton atë. Me këtë metodë të marrjes, ne marrim kalori vetëm nga sheqernat e pranishme dhe asgjë më shumë.

Bletarët thonë se të gjithë duhet të ndjekin rregullin: “asnjë ditë pa mjaltë”.

Vitet e fundit është zhvilluar një disiplinë e re shkencore – apiterapia, e cila përfshin përdorimin e produkteve të bletëve – mjaltë, polen, propolis, pelte mbretërore, helm blete dhe dyllë për qëllime parandaluese dhe terapeutike. /Telegrafi/

Disa njerëz nuk e durojnë dot të ftohtin, dhe nuk ndihen mirë sa herë temperaturat ulen. Ata kanë duar apo këmbë të ftohta dhe në shumë raste edhe dridhje të trupit.

Kur moti ndryshon shumë shpesh, trupit i duhet disa javë që të përshtatet me temperaturat. Por nëse keni më shumë ftohtë kjo tregon diçka për shëndetin tuaj

Shkaqet e të paturit ftohtë gjithmonë
Hipotiroidizmi
Simptomat më të zakonshme të hipotirodizmit janë lodhja, depresioni dhe ndjesia e të paturit ftohtë gjithë kohës.

Hipotiroidizmi ndodh kur gjëndra tiroide nuk prodhon mjaftueshëm hormone. Këto hormone janë të rëndësishme në rregullimin e metabolizmit dhe të temperaturës së trupit.

Kur trupi nuk ka mjaftueshëm hormone të tiroides, proceset e tij ngadalësohen.

Sëmundja Reinaud
Kjo sëmundje lidhet me arteriet që gjenden tek duart dhe tek këmbët. Këto enë të qarkullimit të gjakut ngushtohen shumë dhe kështu qarkullojnë më pak gjak.

Gjatë kësaj sëmundjeje, gishtërinjtë mund të marrin ngjyrë blu apo të bardhë. Kur gjaku fillon të qarkullojë normalisht personat mund të ndjejnë dhembje tek këto pjesë të trupit.

Anemia
Anemia ndodh kur një person ka më pak rruaza të kuqe që qarkullojnë në organizëm duke shpërndarë kështu oksigjen. Simptomat e kësaj sëmundjeje përfshijnë ndjesinë e të ftohtit që vjen pikërisht nga kjo mungesë e oksigjenit.

Simptoma të tjera janë këmbë dhe duar të ftota, lodhje, plogështi, vështirësi në frymëmarrje dhe rrahje të çrregullta të zemrës.

Sipas të dhënave të AgroWeb.org, disa nga llojet e anemisë që shkaktojnë edhe ndjesinë e të ftohtit janë:

Anemia nga mungesa e hekurit që është dhe më e përhapura ndër tyre. Kjo ndodh kur qelizat nuk arrijnë të përthithin mirë hekurin në gjak.

Anemia nga mungesa e vitaminave e cila vjen si rrjedhojë e një kequshqyerje. Nivele të ulta të B12 apo acidit folik mund të çojnë në shfaqjen e anemisë.

Anoreksia nervoze
Ose e njohur ndryshe si anoreksi është një çrregullim në mënyrën e të ushqyerit e cila karakterizohet nga imazhi që ka personi për trupin e tij por lidhet edhe me reagimin mendor dhe emocional ndaj shtimin në peshë.

Personat që vuajnë nga anoreksia reduktojnë jashtëzakonisht shumë sasinë e ushqimit që konsumojnë dhe nxisin të vjellat.

Anoreksia mund të shkaktojnë ndjesinë e të ftohurës si pasojë e nivelit të ulët të dhjamit në trup.

Trajtimet të kësaj sëmundjeje zakonisht kërkojnë konsultimin e mjekëve.

Sëmundje të arterieve periferike
Kjo sëmundje ndodh kur disa pllaka formohen në arteriet që qarkullojnë gjakun në organizëm. Njihet gjerësisht si artereoskleroza.

Grumbullimi i këtyre pllakatave nëpër arterie bën që enët e gjakut të ngushtohen, që do të thotë se gjaku nuk arrin të përçohet ashtu siç duhet.

Zakonisht kjo reflektohet tek ekstremet e organizmit, pra tek gjymtyrët, duke krijuar ndjesinë e të ftohurit dhe të mpirjes të duarve apo këmbëve. Shpesh kjo sëmundje kërkon një trajtim intensiv që lidhet me ushqyerjen dhe aktivitetin fizik.

Përse femrat kanë më shumë ftohtë sesa meshkujt?
Studime ku AgroWeb.org bazohet tregon se femrat preferojnë temperaturën 25 gradë Celsius, ndërsa meshkujt ndihen shumë mirë në një ambient në 22 gradë.

Kjo lidhet me faktin se femrat kanë një metabolizëm më të ngadaltë sesa meshkujt, kështu që nuk prodhojnë më pak energji sesa meshkujt.

Kur duhet të shqetësoheni?
Nëse këto simptoma zgjasin në kohë, dhe ju shfaqen komplikime duhet patjetër të lini një vizitë tek mjeku specialist.

Analizat kryesore përfshijnë analizat e gjakut, pasi kështu kuptohet nëse ka një shkak të fshehtë mjekësor.

Në rrjetet sociale, eksfolimi paraqitet shpesh si një hap i domosdoshëm në rutinën e kujdesit të lëkurës

Ndërsa ekspertët bien dakord që ka përfitime nga eksfolimi i duhur, ata gjithashtu thonë se ka mundësi që ky proces të teprohet. Por, sa shpesh është vërtet e nevojshme të eksfolojmë fytyrën? Dhe çfarë ndodh nëse nuk e bëjmë?

Çfarë është eksfolimi?

Eksfolimi është procesi i heqjes së qelizave të vdekura nga sipërfaqja e lëkurës, sipas Dr. Joshua Zeichner, profesor i asociuar i dermatologjisë dhe drejtor i kërkimeve kozmetike dhe klinike në spitalin “Mount Sinai”.

Ky proces ndodh natyrshëm dhe është pjesë e ciklit jetësor të lëkurës. Zakonisht, lëkura rigjenerohet çdo disa javë dhe qelizat e vdekura zëvendësohen nga të rejat. Megjithatë, një grumbullim i qelizave të vdekura mund ta bëjë lëkurën të duket e zbehtë, thotë Zeichner. Për këtë arsye, disa njerëz zgjedhin të përshpejtojnë këtë proces me eksfoliues.

Ekzistojnë dy lloje eksfoliuesish: Fizikë (ose mekanikë) dhe kimikë.

Eksfoliuesit fizikë, si skrabi, shpesh përmbajnë grimca të ashpra që “heqin fizikisht qelizat kur masazhohen mbi lëkurë,” shpjegon Zeichner. Ky efekt mund të arrihet gjithashtu me një objekt të ashpër si një sfungjer eksfoliues ose një peshqir.

Nga ana tjetër, eksfoliuesit kimikë përmbajnë acide që funksionojnë duke “shpërbërë lidhjet midis qelizave, duke i bërë ato të largohen,” thotë Zeichner. Eksfoliuesit kimikë shpesh përmbajnë acide alfa hidrokside si acidi glikolik ose acidi laktik.

Cilat janë përfitimet e eksfolimit?

Ekzistojnë shumë përfitime nga eksfolimi i duhur, thotë Dr. Shari Lipner, dermatologe në “Weill Cornell Medicine”. Këto përfshijnë “pamjen më të pastër të lëkurës, parandalimin e poreve të bllokuara dhe për rrjedhojë të akneve dhe përmirësimin e depërtimit të produkteve të aplikuara në lëkurë,” thotë ajo. Mund të jetë i dobishëm për ata që kanë lëkurë me tendencë akneike.

Ndërkohë që eksfolimi shpesh paraqitet si një mënyrë për të zvogëluar rrudhat dhe për t’i dhënë lëkurës një pamje rinore, ekspertët janë skeptikë për këtë pretendim.

“Nuk mendoj se eksfolimi do të zgjidhë problemin e rrudhave,” thotë Dr. Rachel Reynolds, kryetare e përkohshme e dermatologjisë në Qendrën Mjekësore “Beth Israel Deaconess”.

Sa shpesh duhet të eksfoloni?

Për ata që zgjedhin të eksfolojnë, kjo nuk duhet të jetë pjesë e rutinës së përditshme. “Askush nuk ka nevojë të eksfoliojë fytyrën çdo ditë,” thotë Zeichner. Për shumicën e njerëzve, një ose dy herë në javë është e mjaftueshme, shton ai.

Lipner sugjeron se kjo gjithashtu varet nga tipi i lëkurës. Ndërsa eksfolimi një herë në javë mund të funksionojë për ata me lëkurë të yndyrshme, për ata me lëkurë të thatë ose të ndjeshme, ajo rekomandon kufizimin e eksfolimit në një ose dy herë në muaj. Për të parë si do të reagojë lëkura ndaj një produkti, ekspertët sugjerojnë testimin në një zonë të vogël të lëkurës para se ta aplikoni në gjithë fytyrën. Dhe mos përdorni eksfoliues nëse keni akne, plagë të hapura ose djegie nga dielli, citon Anabel.

“Lëkura juaj është tashmë e dëmtuar, dhe eksfolimi mund të çojë në irritim të mëtejshëm, errësim ose zbehje të lëkurës, madje edhe në shenja”, shton Lipner. /Telegrafi/

Stresi kronik është një gjendje që prek miliona njerëz dhe ka efekte negative në shëndetin fizik dhe mendor, madje rrit rrezikun e zhvillimit të sëmundjeve të shumta, të tilla si depresioni dhe problemet e zemrës. Sidoqoftë, disa ushqime kanë veti anti-stres dhe janë një shërim i vërtetë nëse përfshihen në dietën tonë.

Hudhra

E pasur me përbërje squfuri, të cilave u detyrohet aroma e saj karakteristike, hudhra ndihmon në rritjen e niveleve të glutationit. Ky antioksidant ka veti të shkëlqyera në luftimin e stresit.

Brokoli

Perimet në përgjithësi janë një burim i rëndësishëm i magnezit, një mineral që është treguar i dobishëm në zvogëlimin e simptomave depresive. Ato gjithashtu përmbajnë sulforafan, një përbërje squfuri me veti të forta neuroprotektive dhe qetësuese.

Majdanoz

Një studim i botuar në Annals of General Psychiatry zbuloi se një dietë e pasur me antioksidantë është e shkëlqyeshme kundër stresit dhe depresionit. Ndër ushqimet që përmbajnë sasi të konsiderueshme të tij është majdanozi: ka karotenoide, flavonoide, luteinë dhe zeaksantinë.

Çaj matcha

Është mbreti i çajrave jeshilë dhe ka shumë veti të dobishme. Në veçanti, çaji matcha është i pasur me L-theaninë, një aminoacid që nxit relaksimin dhe ka një veprim të rëndësishëm anti-stres. Kërkimet e kryera mbi njerëzit kanë treguar se përfitimet më të mëdha merren në varietetet e çajit me përmbajtjen më të lartë të L-theaninës dhe pranisë së reduktuar të kafeinës.

Qiqrat

Përveçse janë të pasura me minerale me një veprim të fortë anti-stres, të tilla si magnez dhe selen, qiqrat kanë sasi të larta të L-triptofanit. Kjo substancë është e nevojshme për prodhimin e neurotransmetuesve që kanë funksionin e rregullimit të humorit. Plus, si një burim i proteinave me bazë bimore, ato janë aleatë të shkëlqyeshëm për shëndetin e trurit.

Patate e ëmbël

Një dietë e pasur me karbohidrate të plota, të tilla si patatet e ëmbla, mund të ndihmojë në uljen e niveleve të kortizolit, i njohur gjithashtu si hormoni i stresit.

Çaj kamomili

Kamomili është një nga ilaçet natyrale par ekselencë në rast ankthi dhe probleme me gjumin. Karakteristikat e tij të dobishme janë demonstruar kundër simptomave të depresionit dhe pagjumësisë, ndërsa një studim i fundit ka treguar se ekstraktet e tij mund të ulin nivelet e kortizolit.

Fara luledielli

Farat e lulediellit përmbajnë sasi të mëdha të vitaminës E, me veti të forta antioksiduese. Roli i tyre në mbrojtjen e shëndetit mendor është i njohur dhe marrja e reduktuar e kësaj lënde ushqyese shoqërohet me uljen e humorit. Përveç kësaj, këto fara janë të pasura me minerale të dobishme kundër stresit, veçanërisht magnez dhe selen.

Peshku yndyror

Peshqit e yndyrshëm si skumbri, salmoni dhe sardelet janë të pasura me vitaminë D, e cila ka një veprim të rëndësishëm në uljen e rrezikut të shfaqjes së ankthit dhe depresionit. Ata gjithashtu përmbajnë sasi të shkëlqyera të acideve yndyrore omega-3, thelbësore për shëndetin e trurit: kërkime të ndryshme kanë theksuar rolin e tyre në ndihmën e trupit për të menaxhuar stresin.

Vezët

Përveç që janë shumë ushqyese, vezët janë ndër të paktat ushqime që kanë sasi të konsiderueshme të kolinës, një substancë që mbron nga stresi. Një studim mbi derrat, rezultatet e të cilit u botuan në Brain Research, tregoi se si kolina ndihmon reagimin e trupit ndaj stresit dhe përmirëson gjendjen shpirtërore.

Dhimbjet e veshit janë të tmerrshme dhe shqetësuese.

Shumë nga dhimbje janë si shkak i depozitimeve të lëngëta në vesh, tingujt e lartë, të ftohtit, infeksionet, dylli, dëmtimet brenda veshit e të tjera.

Përveç se me medikamente dhimbjet mund të shërohen edhe me produkte që gjenden në kuzhinë.

Këto janë disa prej tyre:

Vaj ulliri
Vaji i ullirit vepron si një qetësues i shpejtë ndaj dhimbjeve të veshit. Ai shërben si lubrifikant dhe ndihmon për të luftuar infeksionet në vesh. Gjithashtu mund të ndihmojë në ndalimin e zhurmave brenda veshit. Hidhni 3-4 pika vaj ulliri të vakët në kanalin e veshit. Gjithashtu mund të ngjyeni një tampon pambuku me vaj ulliri dhe ta vendosni në vesh.

Hudhra
Vetitë analgjezike dhe antibiotike të hudhrës ndihmojnë në qetësimin e dhimbjeve të veshit të shkaktuara nga infeksionet. Nxehni 1 lugë çaji hudhër të grirë në të. Lëreni të ftohet dhe kullojeni vajin. Hidhni 2-3 pika prej tij në veshin që ju dhemb. Një tjetër opsion është të shtrydhni lëngun e disa thelpinjve hudhër dhe hidheni në veshin që ju dhemb.

Qepa
Qepa është një prej medikamenteve shtëpiake më të efektshme në dhimbjen e veshëve. Vetitë antiseptike dhe antibakteriale të saj funksionojnë mirë në trajtimin e dhimbjeve të veshëve. Prisni imët një qepë të freskët dhe mbështilleni me një napë të pastër. Mbajeni natën në veshin e infektuar për 5-10 minuta. Përsëriteni këtë proces disa herë në ditë. Gjithashtu mund të merrni një lugë lëng qepe të shtrydhur dhe ta ngrohni pak. Më pas hidhni 2-3 pika në vesh, 2 deri në 3 herë në ditë.

Për ta mbajtur sistemin tuaj imunitar të fortë rol të rëndësishëm luan higjiena, gjumi dhe sigurisht një regjim ushqimor i ekuilibruar.

Rritja e konsumit të frutave dhe perimeve por edhe zvogëlimi i sheqerit të përpunuar, janë pjesë e një regjimi ushqimor të shëndetshëm dhe të ekuilibruar.

Dhe kur është fjala për imunitetin, vitamina C dhe probiotikët mund të ndihmojnë në shërimin nga infeksionet virale.

Vitamina C mbështet funksionin e sistemit imunitar dhe thithjen e hekurit, dhe për shkak se trupi juaj nuk prodhon ose ruan vitaminën C, marrja ditore përmes ushqimeve është një përparësi kryesore.

Këto janë disa mënyra të thjeshta të cilat do t’ju ndihmojnë që të përfitoni sa më shumë vitaminë C nga ushqimet që konsumoni.

Konsumoni farat e shegës
Shegët janë të mbushura me fibra, proteina, vitaminë C, vitaminë K, folate dhe kalium.

Disa studime kanë konfirmuar se ato janë të larta në antioksidantë dhe se janë një anti-inflamator natyral.

Gjithashtu studimet bëjnë të ditur se konsumi i farave të shegës mund të ndihmojnë në uljen e presionit të gjakut, luftimin e kancerit të gjirit e të prostatës, në mbrojtjen kundër artritit, përmirësimin e kujtesës dhe në performancën stërvitore.

Shtoni manaferrat në vaktet tuaja
Manaferrat janë të pasura me vitaminë C, hekur dhe ju japin shumë energji.

Ato përmbajnë një antioksidant të quajtur zeaxanthin, i cili ju ndihmon të detoksifikoheni nga ekspozimi ndaj tymit.

Studimet kanë treguar gjithashtu se këto fruta mund të ndihmojnë në zvogëlimin e dhimbjeve që shkaktohen nga artrit, mbrojnë sytë dhe ulin rrezikun e sëmundjeve të zemrës.

Konsumoni mandarina dhe portokalle
Mandarinat dhe portokallet janë disa nga burimet më të mira të vitaminës C dhe janë të pasura me fitonutrientë të fuqishëm.

Studime të ndryshme kanë zbuluar se konsumi i tyre mund të zvogëlojë rrezikun e zhvillimit të kancerit të mëlçisë.

Plus, ato janë perfekte nëse shtohen në sallatë ose në ëmbëlsira të ndryshme.

Pini më tepër lëngje
Është e vështirë të marrësh sasinë e duhur të lëndëve ushqyese çdo ditë. Për këtë arsye ekspertët rekomandojnë që midis vakteve ose pas stërvitjes, të konsumoni lëngje të shtrydhura, të cilat janë shumë të dobishme në forcimin e imunitetit tuaj.

Konsumoni më tepër lakër Brukseli, brokoli dhe spinaq
Nuk janë vetëm agrumet dhe manaferrat ato që ju japin më tepër vitaminë C.

Lakrat e Brukselit, brokoli dhe spinaqi janë gjithashtu burime të forta të vitaminës C.

Ju mund t’i shtoni ato jo vetëm në sallatë por edhe nëpër receta të ndryshme gatimi, në mënyrë që të përfitoni sa më tepër vitaminë C.

Mukoza në zgavrën e hundës luan një rol të rëndësishëm në mbrojtjen e trupit, pasi mban sinuset të hidratuar dhe ndihmon në largimin e baktereve dhe mbeturinave të dëmshme.

Kur jemi të sëmurë, prodhohet më shumë mukozë dhe gëlbazë për të hequr qafe më shpejt mikroorganizmat patogjenë dhe qelizat e panevojshme të vdekura. Kur jemi të shëndetshëm, mukoza e prodhuar në hundë është transparente.

Por çfarë do të thotë nëse keni gjak nga hundët?

Simptoma mund t’i atribuohet shumë shkaqeve të ndryshme, disa prej të cilave kërkojnë kujdes të menjëhershëm mjekësor:

– Shkaktarët më të shpeshtë janë infeksioni dhe alergjia. Vrimat tona të ndjeshme të hundës rrjedhin gjak dhe lëndohen lehtë për shkak të teshtitjes së vazhdueshme ose kur fryjmë hundën vazhdimisht. Nëse gjaku në zgavrën e hundës është i thatë, ngjyra e mukusit mund të jetë kafe.

– Një tjetër shpjegim i mundshëm për këtë simptomë është hipertensioni. Presioni i lartë i gjakut mund të çojë në gjakderdhje nga hundët, me gjak që rrjedh shpesh përmes mukusit.

Simptoma në këtë rast është rezultat i një kombinimi të faktorëve dhe proceseve individuale. Për shembull, kur zgavra e hundës është e thatë, brenda saj mund të vërehen lëndime të vogla.

Rritja e presionit nga ana tjetër çon në gjakderdhje nga këto pika dhe ndodh ose gjakderdhje normale nga hundët ose prodhim i mukusit me njolla gjaku. Rrallëherë, mukoza e përgjakshme nga hunda mund të tregojë kancerin e sinusit, siç është kanceri i sinuseve paranazale.

Duhet të theksohet se shumë nga simptomat shoqëruese të kancerit të sinusit (p.sh. dhimbje koke, dhimbje fytyre, ënjtje e fytyrës, lot) mund t’i atribuohen sëmundjeve të tjera të padëmshme dhe kështu mund të mos diagnostikohen në kohë.

Simptomat më pak të zakonshme, por karakteristike të kancerit të sinusit janë paqëndrueshmëria e dhëmbëve.

Kamomili është një barishte që përdoret qysh nga periudha romake.

Sa i përket çajit, kamomili është vlerësuar për shkak se është e pasur me flavanoide, të cilat janë antioksidantë me përfitime të shumta shëndetësore.

Ngërçet e stomakut

Çaji i kamomilit ka efekt anti-inflamator dhe antispazmodik, që ndikon në lehtësimin e dhembjeve në barkun tuaj. E pini në mëngjes si dhe në mbrëmje për rezultatet më të mira.

Rrudhat

Radikalët e lirë mund të bëjnë që lëkura juaj të duket më e vjetëruar. Pirja e çajit të kamomilit mund të largojë këto toksine, duke ju bërë që të riktheni shkëlqimin rinor.

Diabeti

Edhe pse nuk mund të trajtojë diabetin, ky çaj mund të kontrollojë simptomat si dhe të parandalojë shfaqjen e sëmundjes. Këtë e arrin përmes rregullimit të nivelit të glukozës në trup.

Imuniteti

Çaji i kamomilit përbën një ambient armiqësor për bakteret, andaj është një mënyrë e mirë për largimin e baktereve nga organizmi. Kjo ndihmon në forcimin e sistemit imunitar, sidomos kur jeni të ftohur apo keni ethe.