Category: SHËNDETËSI

Një studim i ri ka tronditur rrjetet sociale: përdorimi i shpeshtë i TikTok mund të ndryshojë fizikisht trurin e njeriut. Skanimet e trurit kanë treguar se përdoruesit e varur nga TikTok kanë zona të fryra në pjesët që lidhen me shpërblimin dhe emocionet, të ngjashme me ato të të varurve nga kokaina.

Ekspertët paralajmërojnë se përdoruesit e këtij aplikacioni nuk arrijnë të përqendrohen më shumë se 8 sekonda, pasi truri mësohet të kërkojë vazhdimisht stimuj të rinj.

Studentët që shikojnë rregullisht video në TikTok kanë dalë 43% më keq në testet e vëmendjes, dhe shumë prej tyre thonë se nuk mund të lexojnë libra apo të shikojnë filma pa ndier ankth.

Sipas shkencëtarëve, videot e shpejta dhe të pandërprera e kthejnë aplikacionin në një “makinë dopaminash” që pushton sistemin e shpërblimit të trurit, duke e bërë jetën e zakonshme të duket e mërzitshme dhe bosh.

Në rrethin e ekspertëve dhe mjekëve popullorë, uthulla e mollës vlerësohet për shumë përfitime që ajo i ofron organizmit.

Ajo ndihmon në përmirësimin e nivelit të sheqerit në gjak, për problemet me tretjen dhe rrezikun e sëmundjeve të zemrës.

Vështirësia qëndron në sasinë ditore të uthullës së mollës që ofron përfitimet e lartpërmendura.

Uthulla për sheqerin në gjak

Uthulla e mollës rekomandohet për uljen natyrale të sheqerit në gjak.

Nëse e merrni përpara një vakti të pasur me karbohidrate, uthulla ngadalëson ritmin përpunues të stomakut dhe parandalon ngritjen e nivelit të sheqerit në gjak.

Për të marrë këtë përfitim, rekomandohet që të merrni katër lugë çaji uthull molle përpara vakteve.

Uthulla duhet përzier me pak ujë përpara se të pihet.

Ajo ul sheqerin në gjak vetëm nëse konsumohet përpara vakteve të pasura me karbohidrate.

Për rënien në peshë

Një studim rekomandon se një ose dy lugë gjelle me uthull molle çdo ditë për tre muaj me radhë, ndihmon njerëzit të humbasin 1.2 ose 1.7 kilogramë nga pesha e tyre.

Në harkun kohor të tre muajve, konsumi i dy lugëve gjelle me uthull molle i ndihmon njerëzit të humbasin në peshë dy herë më shumë.

Atë mund ta përzieni në një gotë me ujë dhe ta pini përpara vakteve ose ta hidhni në sallatë.

Megjithatë nuk duhet t’i varni shpresat vetëm te uthulla e mollës për rënien në peshë.

Ushqehuni shëndetshëm me fruta, perime, barishte drithëra të plota, proteinë e të tjerë.

Mos neglizhoni aktivitetin fizik çdo ditë.

Uthulla për tretjen

Rekomandohet të pini një ose dy lugë gjelle me uthull molle tretur në një gotë ujë, përpara vakteve.

Një sasi e tillë, ndihmon për të përmirësuar tretjen.

Uthulla për organizmin

Ka studime, të cilat që sugjerojnë se uthulla e mollës duhet konsumuar nga pak çdo ditë për mbrojtje nga sëmundjet e zemrës dhe infeksionet.

Si të shmangni efektet anësore të uthullës

Uthulla duhet përzier gjithmonë me ujë për të neutralizuar aciditetin.

Ky i fundit dëmton enamelin e dhëmbëve, ndaj atë mund ta pini me një pipëz.

Konsumi i dozave të larta të uthullës është i rrezikshëm dhe mund të nxisë osteoporozën ose ulë nivelin e kaliumit në gjak.

Nëse pas pirjes së uthullës, keni të përziera, urth, gromësira e të tjerë, atëherë ndaloni së konsumuari uthullën./AgroWeb

Një injeksion për të parandaluar HIV-in do t’u ofrohet pacientëve në shërbimin shëndetësor shtetëror në Angli dhe Uells për herë të parë.

Injeksioni me veprim të gjatë, që jepet çdo dy muaj, është një alternativë ndaj marrjes së pilulave të përditshme për t’u mbrojtur nga virusi.

Ekspertët shpresojnë që injeksionet e kabotegravirit (CAB-LA) do të ndihmojnë në përmbushjen e ambicies për t’u dhënë fund rasteve të reja të HIV-it deri në vitin 2030 në Mbretërinë e Bashkuar.

Terapia parandaluese e HIV-it, e njohur si PrEP (profilaksia para ekspozimit), merret nga personat HIV-negativë për të zvogëluar rrezikun e infektimit me HIV.

Pilulat kanë qenë në dispozicion prej vitesh dhe janë ende jashtëzakonisht efektive në ndalimin e infeksioneve HIV, por nuk janë gjithmonë të lehta për t’u marrë nga disa persona.

Kur ju keni diabet, zgjedhja e pijeve të duhura nuk është gjithmonë e thjeshtë.

Studimet e fundit kanë treguar se efekti i pijeve te diabetikë të ndryshëm, ndryshon. A duhet që diabetikët të pinë kafe?

A janë të dëmshme pijet e gazuara me zero kalori? Përgjigjet e këtyre pyetjeve dhe shumë të tjerave në lidhje me pijet që duhet të konsumojnë diabetikët, i gjeni më poshtë.

Pini më shumë ujë

Një studim i kohëve të fundit, i publikuar në revistën Diabets Care, tregon se njerëzit që pinë pak ujë kanë më shumë gjasa që sheqeri në gjak t’ju rritet me 30%. Kjo për shkak të hormonit vasopressin, i cili ndihmon trupin të rregullojë hidratimin. Nivelet e këtij hormoni rriten kur trupi është i dehidratuar, gjë që bën që mëlçia të prodhojë më shumë sheqer në gjak. Është e rekomandueshme të pini 8 gota ujë në ditë për gratë dhe pak më shumë për meshkujt.
Pini më shumë qumësht

Qumështi nuk është një produkt vetëm për fëmijë, por është dhe një pije e mirë për diabetikët. Ai ju siguron kalcium, magnez, kalium dhe vitaminë D, të cilat i nevojiten trupit për funksionet themelore.

Gjithashtu, studimet kanë treguar se qumështi nxit dhe humbjen në peshë dhe uljen e presionit të gjakut. Ekspertët rekomandojnë të konsumoni produkte bulmeti në dy ose në tre vakte, dhe në mëngjes gjithmonë një gotë qumësht.

Pini më shumë çaj

Çaji nuk ka kalori dhe është i mbushur me antioksidantë. Më të rekomandueshëm për shëndetin janë çaji jeshil ose i zi. Një studim nga kinezët tregoi se çaji i zi dhe i gjelbër kanë nivele të larta të polisaharideve, të cilat ngadalësojnë thithjen e sheqerit në gjak. Duhet të pini 4-5 filxhanë çaj në ditë, pasi do ju ndihmojë të ulni zhvillimin e diabetit me 16%. Çaji gjithashtu zvogëlon rrezikun e sëmundjeve të zemrës.

Pini me kujdes kafe

Disa studime sugjerojnë se prija e kafesë ul zhvillimin e diabetit të tipit 2. Por një studim tjetër tregon se njerëzit që tashmë kanë diabet, kafeja mund ta rrisë sheqerin në gjak dhe vështirëson përpunimin e saj. Ekspertët sugjerojnë të pini 1-2 kafe në ditë, në disa orë distancë në mes.

Pini me kujdes pijet e gazuara për diabetikët

Zakonisht pijet e gazuara për diabetikët janë me zero kalori. Shkencëtarët kanë provuar se pavarësisht se nuk kanë kalori, ata nxisin rritjen e sheqerit në gjak. Njerëzit që pinë pije të gazuara janë të rrezikuar me 67% nga prekja e diabetit, sesa ata që nuk e pinë. Një gotë me pijë të gazuar me zero sheqer është e rekomandueshme për diabetikët, por jo e nevojshme.

Migrena është një çrregullim i zakonshëm neurologjik që shkakton dhimbje të forta dhe simptoma shoqëruese si të përziera dhe ndjeshmëri ndaj dritës.

Edhe pse më shpesh trajtohet me ilaçe, ekzistojnë edhe mënyra natyrale që mund të ndihmojnë në lehtësimin e simptomave në fazat e hershme të sulmit.

Edhe pse migrena trajtohet më shpesh me ilaçe, gjithnjë e më shumë njerëz po kërkojnë alternativa natyrale për të lehtësuar simptomat, veçanërisht në fazat e hershme të një sulmi. Një nga metodat që ka rezultuar e dobishme është pirja e një tretësire të thjeshtë me gjysmë luge kripë të tretur në një gotë me ujë.

Ky kombinim mund ta ndihmojë trupin të rivendosë ekuilibrin e elektroliteve më shpejt, gjë që është veçanërisht e rëndësishme sepse natriumi, një përbërës kyç i kripës, luan një rol të rëndësishëm në punën e sistemit nervor dhe qarkullimit të gjakut.

Kur ekuilibri i elektroliteve prishet, mund të shfaqen simptoma që kujtojnë migrenën: marramendje, të përziera, dhimbje koke. Në raste të tilla, pirja e një sasie të vogël uji me kripë mund të sjellë lehtësim të shpejtë.

Megjithatë, është e rëndësishme të theksohet se kjo metodë nuk zëvendëson terapinë mjekësore dhe rekomandohet kujdes, veçanërisht për njerëzit me tension të lartë të gjakut, sëmundje të veshkave ose probleme të tjera kronike shëndetësore. Para se të përdorni ndonjë zgjidhje alternative, konsultohuni me mjekun tuaj.

Një mjek ka paralajmëruar se njollat e bardha në thonjtë tuaj mund të jenë shenjë e një mungese të zinkut – një mungesë që shumë njerëz nuk e dinë që e kanë.

Dr. Sami i njohur në TikTok me llogarinë si @ask.doctor.s, shpesh ndan video edukative për shëndetin. Në një postim të fundit, ai foli për simptomat që lidhen me mungesën e zinkut.

Në përshkrimin e videos shkruante:

“Shumë njerëz nuk e kuptojnë që kanë mungesë zinku — derisa fillojnë të duken shenjat në thonj, lëkurë apo imunitet”.

Ai shpjegoi se njollat e bardha në thonj, dhe hollimi i flokëve më shumë se zakonisht mund të vijë si pasojë e mungesës së zinkut.

Zinku është shumë i rëndësishëm, sepse ndihmon në prodhimin e keratinës dhe kolagjenit — proteina që mbështesin shëndetin e flokëve, lëkurës dhe thonjve. Por jo vetëm kaq — zinku ndikon edhe në mbi 300 enzima të tjera që ndihmojnë në shërimin e plagëve, ekuilibrin hormonal dhe sistemin imunitar.

Mungesa e zinkut mund të ndodhë për disa arsye, si:

Dieta e varfër në mish ose prodhime deti;

Probleme me tretjen dhe përthithjen e lëndëve ushqyese (si sëmundja celiake apo IBS);

Marrje e tepruar e sheqerit apo alkoolit;

Stres kronik – që është shumë i përhapur sot.

Mungesa e gjumit mund të jetë e rrezikshme, edhe vetëm pas një dite pa gjumë.

Nëse qëndron shumë gjatë pa fjetur, mund të përjetosh probleme serioze si halucinacione dhe dëmtime të trurit.

Sa gjatë mund të qëndrosh pa fjetur?

Rekordi më i gjatë pa gjumë i njohur është 453 orë e 40 minuta. Nuk dihet saktësisht sa gjatë mund të qëndrojë njeriu pa fjetur, por efektet e mungesës së gjumit shfaqen shumë shpejt.

Në vitin 1997, Guinness World Records ndaloi regjistrimin e këtij rekordi për shkak të rreziqeve serioze shëndetësore.

Pas vetëm 3-4 netësh pa gjumë, mund të fillosh të shohësh gjëra që nuk ekzistojnë (halucinacione). Mungesa e gjumit për periudha të gjata mund të shkaktojë:

Probleme me të menduarit dhe përqendrimin;

Nervozizëm;

Iluzione (besime të gabuara për realitetin);

Paranojë (frikë e paarsyeshme);

Psikozë.

Edhe pse shumë e rrallë, mungesa ekstreme e gjumit mund të shkaktojë edhe vdekje.

Çfarë ndodh pas 24 orësh pa gumë?

Të mos flesh për 24 orë nuk është e pazakontë. Ndonjëherë ndodh për shkak të punës, studimeve apo kujdesit për dikë. Ndërsa është e vështirë të qëndrosh zgjuar gjithë natën dhe të përballosh ditën tjetër, shëndeti i përgjithshëm nuk dëmtohet rëndë.

Por mungesa e gjumit do të ndikojë në këto mënyra:

Do ndihesh i lodhur dhe nervoz;

Përqendrimi dhe vendimmarrja do jenë të dobëta;

Kujtesa, dëgjimi dhe shikimi mund të përkeqësohen;

Rritet rreziku për gabime dhe aksidente.

Simptomat largohen kur fle përsëri.

Çfarë ndodh pas 36 orësh pa gjumë?

Të qëndrosh zgjuar për 36 orë ka efekte më të forta. Hormonet që rregullojnë oreksin, temperaturën, stresin dhe metabolizmin trupi nuk funksionojnë normalisht.

Pas 36 orësh pa gjumë mund të ndjesh:

Lodhje të madhe;

Çrregullime hormonale;

Humbje motivimi;

Vendime të këqija që mund të jenë të rrezikshme;

Vështirësi për t’u përqendruar;

Probleme me të folurin (zgjedhja e fjalëve dhe intonacioni).

Çfarë ndodh pas 48 orësh pa gjumë?

Pas dy netësh pa gjumë, është shumë e vështirë të përqendrohesh dhe të kryesh detyra që kërkojnë shumë vëmendje. Gjithashtu mund të ndihesh i trishtuar, i stresuar dhe nervoz.

Mund të kesh “mikrogjum” — periudha të shkurtra gjumi (disa sekonda) pa e kuptuar, që shkaktojnë konfuzion pas tyre.

Mungesa e gjumit dobëson sistemin imunitar, duke rritur rrezikun për sëmundje. Aktiviteti i qelizave që luftojnë infeksionet ulet.

Çfarë ndodh pas 72 orësh pa gjumë?

Pas 3 ditësh pa gjumë, dëshira për të fjetur bëhet shumë e fortë dhe shumë njerëz nuk mund të qëndrojnë më zgjuar.

Të menduarit bëhet shumë i vështirë; vështirësohet të bësh më shumë detyra njëkohësisht, të mbash mend detaje dhe të qëndrosh i përqendruar. Edhe gjërat më të thjeshta bëhen sfiduese.

Edhe emocionet ndryshojnë: njerëzit bëhen më të irrituar, të trishtuar, me ankth ose paranojë. Mungesa e gjumit bën që të jetë më e vështirë të kuptosh emocionet e të tjerëve.

Pas disa ditësh pa gjumë mund të përjetosh halucinacione (të shohësh gjëra që nuk janë reale) ose iluzione (të keqkuptosh gjëra reale, si të mendosh se një shenjë është një person).

 

Dalja e thinjave nuk do të thotë që ne po plakemi. Ato fillojnë të dalin kur folikulat e rrënjëve nuk prodhojnë më melaninë, pigmentin që u jep ngjyrë flokëve.

Kjo gjë ndodh zakonisht në të 30-at, por nuk do të thotë që një 20-vjeçare mund të mos ketë thinja. Përveç melaninës ka faktorë të tjerë që nxitin daljen e thinjave.

Një problem shëndetësor

Tiroidet – mund të ndikojnë në shfaqjen e thinjave. Edhe sëmundje të tjera që kanë të bëjnë me rënien e imunitetit, ndikojnë tek flokët.

Mungesë vitaminash

Mungesa e vitaminave, kryesisht e B12. Këtu theksojmë dietat drastike, si.psh ata që vendosin të ndjekin një dietë vegjetariane apo vegane. Ata duhet përdorin si suplement B12, sepse rrezikon aneminë.

Stresi- nëse shikoni thinja në të 20-at nuk është normale. Vetëm nëse edhe prindërit janë thinjur pothuaj në këtë moshë, një nga arsyet mund të jetë stresi dhe stili i jetës.

Duhanpirja- nëse je duhanpirës i rregullt me shumë mundësi thinjat i ke parë që në 20-at. Ndoshta nuk shikoni thinja në skalp, por ja që shenjat në këtë rast shfaqen në folikula.

Nëse preferoni ta nisni ditën me një pije të freskët në vend të ushqimit, ndoshta shpesh ndodheni përballë dilemës: lëng portokalli apo qumësht?
Të dyja kanë vlerat e tyre ushqyese, por edhe anët që duhen pasur kujdes. Më poshtë gjeni këshillat që rekomandon AgroWeb.org.

Lëngu i portokallit

Avantazhet
Një gotë me lëng portokalli të freskët përmban rreth 110 kalori dhe siguron dozën e plotë ditore të vitaminës C.
Kjo vitaminë është një antioksidant i fuqishëm që ndihmon në mbrojtjen e lëkurës nga dielli, ndotja dhe plakja e parakohshme.

Çfarë duhet të keni kujdes
Nëse e teproni me konsumimin e lëngut të portokallit, aciditeti i lartë mund të dëmtojë enamelin e dhëmbëve.
Ekspertët theksojnë se konsumimi i përditshëm për disa ditë rresht mund të ulë fortësinë e dhëmbëve deri në 84%.
Pijet energjike dhe ato të gazuara kanë efekt edhe më të dëmshëm për shkak të përmbajtjes më të lartë të acidit.

Qumështi

Avantazhet
Një gotë qumësht siguron 20% të nevojës ditore për proteina dhe rreth gjysmën e sasisë së kalciumit që i duhet trupit çdo ditë.
Studimet tregojnë se personat që pinë qumësht në mëngjes kanë më pak oreks në vaktet pasuese, falë efektit ngopës të proteinave dhe ndikimit të kalciumit në rregullimin e hormoneve që kontrollojnë peshën trupore.

Çfarë duhet të keni kujdes
Yndyrnat e ngopura që gjenden tek qumështi i plotë mund të rrisin rrezikun për probleme kardiovaskulare dhe mbipeshë.
Përveç kësaj, qumështi jo-organik shpesh vjen nga kafshë të trajtuara me antibiotikë dhe hormone, çka ul cilësinë ushqyese dhe ndikon negativisht në mjedis.

Cila është zgjedhja më e mirë?

Nëse duhet të zgjidhni vetëm një, qumështi organik është alternativa më e shëndetshme për mëngjes.
Ai është miqësor me dhëmbët, falë përmbajtjes së kalciumit, dhe ofron antioksidantë të ngjashëm me ata të lëngut të portokallit.

Qumështi organik përmban:

75% më shumë beta-karoten

50% më shumë vitaminë E, që ndihmon në parandalimin e tumoreve dhe sëmundjeve të zemrës

70% më shumë acide yndyrore omega-3, që janë thelbësore për shëndetin e zemrës dhe trurit

Kjo nuk do të thotë se duhet të hiqni dorë plotësisht nga lëngu i portokallit — thjesht mos e pini në mëngjes me stomak bosh.
Zgjidhja më e mirë është ta konsumoni portokallin si frut, për të përfituar edhe nga fibrat natyrale që mungojnë në lëng.

Këshillë: Pas konsumimit të lëngut të portokallit, shpëlani gojën me ujë për të mbrojtur dhëmbët nga aciditeti.

Pirja e vezëve të pagatuara është një praktikë që po fiton gjithnjë e më shumë popullaritet falë përfitimeve të shumta ushqyese që ofron. Megjithatë, sfida kryesore qëndron në gjetjen e vezëve organike, të prodhuara nga pula të rritura në kushte natyrale dhe të ushqyera në fusha, pa hormone apo antibiotikë.

Pse veza e pagatuar është e veçantë

Gjatë gatimit, vezët humbasin një pjesë të mirë të ushqyesve që ndodhen në përbërjen e tyre natyrale. Ndërsa kur konsumohen të pagatuara, ato ruajnë plotësisht proteinën, yndyrnat e mira, vitaminat dhe mineralet që ndihmojnë trupin të funksionojë në mënyrë optimale.

Veza është një burim i pasur energjie dhe tretet lehtë falë enzimave natyrale që gjenden në të bardhën e saj. Sipas të dhënave të AgroWeb.org, pirja e vezëve ndihmon në forcimin e sistemit imunitar, gjë thelbësore për mbrojtjen nga shumë sëmundje.

Vlerat ushqyese

Vezët organike përmbajnë:

Proteina të cilësisë së lartë

Yndyrna të mira për trupin

Vitamina si A, D, E, niacin, riboflavin dhe biotinë

Minerale si hekur, zink, kalium, magnez, fosfor, jod, bakër, mangan dhe sulfur

Të verdhat e vezës janë ndër burimet më të pasura natyrale të vitaminës D, e cila, sipas disa ekspertëve, është po aq e rëndësishme — madje edhe më shumë — se vitamina C.

Përfitimet kryesore nga pirja e vezëve të pagatuara

Përmirësojnë funksionet e trurit

Balancojnë hormonet

Përshpejtojnë metabolizmin

Ndihmojnë në djegien e yndyrnave

Forcojnë muskujt

Rigjallërojnë organizmin

Përmirësojnë qarkullimin e gjakut

Ndihmojnë funksionet e mushkërive

Forcojnë flokët dhe thonjtë

Zbusin njollat dhe parregullsitë e lëkurës

Sa vezë duhet konsumuar?

Për të përfituar efektet pozitive, mund të filloni me një vezë në ditë për një javë, e më pas ta rrisni sasinë në dy ose tre vezë organike në ditë.
Shumë njerëz i përziejnë me qumësht për një shije më të butë dhe përthithje më të mirë të lëndëve ushqyese.

Brenda pak ditësh, sistemi imunitar reagon pozitivisht: ndiheni më energjikë, më të përqendruar dhe më në formë.