Category: SHËNDETËSI

Kur temperatura e ajrit është e ulët, është normale që duart tona të jenë të ftohta. Megjithatë, nëse duart tona janë vazhdimisht të akullta dhe nuk i ngrohim dot në asnjë mënyrë, problem mund të jetë qarkullimi i dobët i gjakut, por edhe shumë sëmundje të tjera të rënda.

Ndryshimi i ngjyrës së lëkurës së duarve dhe mpirja janë një sinjal i detyrueshëm për një kontroll te një mjek.

Mund të ketë shumë arsye. Mjekët rekomandojnë që, para së gjithash, të hiqni dorë nga shprehitë e këqija, siç është pirja e duhanit.

Filloni të merreni me sport dhe dëgjoni rekomandimet e mjekut.

Monitoroni rregullisht presionin e gjakut dhe nivelet e kolesterinës, këshillojnë ekspertët, dhe këto janë problemet më të zakonshme shëndetësore të treguara nga duart e ftohta:

Anemia

Nëse ndiheni të dobët, të lodhur, keni dhimbje koke dhe duart tuaja janë kronike të ftohta, mund të keni mungesë hekuri në gjak.

Gjëndër tiroide

Hipotiroidizmi, ose funksioni i ngadalësuar i tiroides, çon në një ngadalësim të metabolizmit, i cili rezulton në ekstremitete të ftohta ose një ndjenjë të ftohtësisë.

Diabeti

Fërkimi në pëllëmbët dhe shputat e këmbëve dhe i ftohti mund të jenë shenjat e para të diabetit. Diabeti lë pasoja në qarkullimin e gjakut, si dhe në sistemin nervor dhe për këtë arsye shoqërohet me këto dukuri.

Stresi

Kur jemi nën stres, rritet adrenalina që prodhohet në gjëndrat mbiveshkore, ngushton enët e gjakut, kështu qarkullimi është më i dobët, dhe krahët dhe këmbët janë më të ftohta.

Lupusi

Një tjetër sëmundje autoimune mund të jetë shkaku i duarve të ftohta, dhe ai është lupusi eritematoz sistemik, i cili shkakton inflamacion të kyçeve, tendinëve dhe indeve dhe organeve të tjera.

Portokalli është një nga frutat më të rekomanduara, sidomos gjatë sezonit të gripit. Me ngjyrën e tij të gjallë dhe shijen e ëmbël ose të thartë në varësi të llojit, ai gjendet pothuajse gjatë gjithë vitit, përveç portokallit të kuq që ka sezon të shkurtër.

Ky frut njihet si burimi më i mirë i vitaminës C, një antioksidant i fuqishëm që mbron qelizat nga dëmtimet. Konsumimi i një portokalli mesatar siguron sasitë e nevojshme ditore të vitaminës C për të rriturit.

Portokalli përmban gjithashtu flavanone, fitokimikate që mbështesin shëndetin e zemrës dhe parandalojnë kancerin, dhe kanë veprim anti-inflamator, antiviral dhe antibakterial. Ai është gjithashtu burim i fibrave, vitaminës B, vitaminës A, kalciumit dhe kaliumit, duke e bërë një frut të shkëlqyer për shëndetin e përgjithshëm.

Ushqimi është një proces jetik, por edhe një kënaqësi e përditshme për çdo njeri. Përveç shijes, ai furnizon organizmin me vitamina dhe minerale thelbësore për funksionimin normal të trupit. Megjithëse ushqyerja e shëndetshme është e rëndësishme për të gjithë, ekspertët theksojnë se disa ushqime janë veçanërisht të dobishme për shëndetin e meshkujve.

Sipas të dhënave, 9 nga 10 burra në botë nuk konsumojnë sasinë e rekomanduar të perimeve gjatë ditës. Më poshtë janë gjashtë ushqime që këshillohet të përfshihen rregullisht në dietën e përditshme të meshkujve:

Spinaqi
Një regjim i shëndetshëm ushqimor duhet të përfshijë të paktën pesë porcione perimesh në ditë. Perimet jeshile si spinaqi, lakrat dhe sallatat janë veçanërisht të rekomanduara. Spinaqi përmban përbërës që ndihmojnë në përmirësimin e qarkullimit të gjakut dhe në mirëfunksionimin e sistemit kardiovaskular.

Bajamet
Bajamet janë të pasura me magnez, një mineral i rëndësishëm që ndihmon në funksionimin e muskujve dhe nervave, si dhe në shëndetin e zemrës dhe enëve të gjakut. Ato lidhen gjithashtu me mbështetjen e nivelit të testosteronit tek meshkujt dhe ndihmojnë në ruajtjen e masës muskulore.

Kosi
Meshkujt, njësoj si gratë, janë të rrezikuar nga sëmundje të kockave si osteoporoza. Konsumimi i kosit apo produkteve të tjera të bulmetit ndihmon në forcimin e kockave falë përmbajtjes së kalciumit. Rreth 80 gramë në ditë konsiderohen të mjaftueshme për përfitime shëndetësore.

Domatet
Domatet janë të pasura me likopen, një antioksidant i fuqishëm që sipas mjekëve lidhet me uljen e rrezikut të problemeve të prostatës. Përfshirja e tyre në dietë është e rekomanduar për mbrojtjen e organizmit nga dëmtimet qelizore.

Patatet
Karbohidratet që përmbajnë patatet janë të rëndësishme për energjinë, sidomos me kalimin e moshës. Heqja e tyre plotësisht nga dieta nuk është zgjidhje e shëndetshme. Patatet e ziera ose të pjekura në furrë janë alternativa të mira, pasi janë të pasura me kalium (madje më shumë se bananet) dhe vitaminë C.

Shalqiri
Ashtu si domatet, edhe shalqiri përmban likopen, i cili ndihmon në mbrojtjen e prostatës. Përveç kësaj, përmbajtja e lartë e ujit ndihmon në hidratimin e trupit dhe largimin e toksinave, duke e bërë atë një zgjedhje të freskët dhe të shëndetshme.

Një dietë e balancuar dhe e pasur me këto ushqime mund të kontribuojë ndjeshëm në ruajtjen e shëndetit dhe energjisë së meshkujve në çdo moshë.

Rrushi i thatë është një ushqim i shëndetshëm për njerëzit e të gjitha moshave, pasi është një burim i pasur vitaminash, mineraleve dhe elektroliteve. Ai ofron shumë përfitime shëndetësore që ndikojnë pozitivisht në organizëm.

Ky frut i thatë përmban kalium, magnez, kalcium dhe vitaminë K, duke ndihmuar në parandalimin e dëmtimit të dhëmbëve, përmirësimin e tretjes, si dhe në luftën kundër diabetit dhe kancerit. Rrushi i thatë ka gjithashtu ndikim të rëndësishëm për shëndetin e zemrës, duke ulur rrezikun e infarktit, goditjes në tru dhe hipertensionit. Ekspertët shpjegojnë se kjo ndodh për shkak të niveleve të larta të kaliumit që gjenden në rrushin e thatë.

Përveç kësaj, ai përmban hekur, që ndihmon në parandalimin e anemisë dhe përshpejton mpiksjen e gjakut pas dëmtimeve. Hulumtimet tregojnë se rrushi i thatë ka edhe antioksidantë të fuqishëm, të cilët luftojnë radikalet e lira dhe zvogëlojnë rrezikun e dëmtimit të qelizave, një faktor kyç që mund të çojë në zhvillimin e kancerit.

Konsumi i rregullt i rrushit të thatë mund të jetë një ndihmë natyrale për mirëqenien e trupit dhe parandalimin e sëmundjeve të ndryshme, duke e bërë atë një pjesë të rëndësishme të dietës ditore.

Më shumë se 30 për qind e popullsisë botërore përballet me probleme të ndryshme të shikimit, përfshirë miopinë dhe lodhjen e syve. Stili modern i jetesës, koha e gjatë para ekraneve dhe mungesa e pushimit vizual janë ndër faktorët kryesorë që ndikojnë negativisht në shëndetin e syve.

Ekspertët theksojnë se, përveç sëmundjeve serioze si glaukoma dhe katarakti, të cilat kërkojnë trajtim mjekësor, shumë shqetësime të përditshme të syve mund të lehtësohen përmes ushtrimeve të thjeshta relaksuese dhe praktikave të frymëzuara nga joga.

Në vend të mbështetjes së vazhdueshme vetëm te syzet apo lentet, të cilat korrigjojnë por nuk e përmirësojnë funksionin e syve, ushtrimet për sy mund të ndihmojnë në rritjen e fleksibilitetit dhe qarkullimit të gjakut në këtë zonë.

Ushtrime të thjeshta për relaksimin e syve

Kapsitja e syve
Uluni rehat dhe kapsitni sytë shpejt rreth 10–15 herë. Më pas mbyllni sytë dhe relaksohuni për 20–30 sekonda, duke u përqendruar në frymëmarrje. Ushtrimi mund të përsëritet 5–6 herë gjatë ditës.

Vëzhgimi rrotullues
Mbani kokën drejt dhe fokusoni shikimin në gishtin e madh të dorës. Lëvizeni gishtin duke formuar një rreth të plotë dhe ndiqeni me sy. Përsëriteni ushtrimin pesë herë në drejtim të akrepave të orës dhe pesë herë në drejtim të kundërt, fillimisht me dorën e djathtë, pastaj me të majtën.

Shikimi anash
Uluni drejt dhe fokusoni shikimin në një pikë përpara jush. Pa lëvizur kokën, zhvendosni shikimin majtas, pastaj kthehuni në qendër dhe zhvendoseni djathtas. Ushtrimin përsëriteni 10–20 herë dhe në fund mbyllni sytë për disa çaste pushimi.

Shikimi në afërsi dhe largësi
Qëndroni pranë një dritareje me pamje të hapur. Fokusoni shikimin për disa sekonda në një pikë të afërt, më pas zhvendoseni shikimin në një objekt të largët. Gjatë këtij ushtrimi merrni frymë thellë dhe relaksohuni. Përsëriteni 10–20 herë.

Rrepa e bardhë konsiderohet një nga ushqimet natyrale me vlera të larta ushqyese, e cila sipas njohurive popullore dhe studimeve mbi përbërjen e saj, mund të kontribuojë në përmirësimin e funksioneve të trurit dhe mirëqenies së përgjithshme të organizmit.

Kjo perime është e pasur me vitaminë C, kalium, vitamina të kompleksit B (B1, B2 dhe B6), si dhe minerale të rëndësishme si hekuri, magnezi dhe fosfori. Këta përbërës luajnë rol në mbështetjen e sistemit nervor, metabolizmit dhe energjisë trupore.

Sipas burimeve natyrore të mjekësisë alternative, konsumimi i rrepës së bardhë mund të ndihmojë në përmirësimin e kujtesës, përqendrimit, si dhe në nxitjen e metabolizmit. Gjithashtu, ajo kontribuon në reduktimin e lodhjes dhe në përmirësimin e florës së shëndetshme të zorrëve.

Recetë natyrale me rrepë të bardhë

Përbërësit:

• 125 g rrepë e bardhë

• 4 limonë

• 3 lugë mjaltë

• 2 lugë kanellë pluhur

• Një copë xhenxhefil (rreth 2 cm)

Përgatitja:
Rrepa e bardhë dhe xhenxhefili grihen në blender. Më pas shtohet lëngu i limonëve dhe përzierja vazhdon derisa të homogjenizohet. Në fund shtohen mjalti dhe kanella, duke i përzier mirë të gjithë përbërësit. Masa e përgatitur ruhet në një enë qelqi.

Përdorimi:
Rekomandohet të konsumohet nga një lugë e plotë e përzierjes dy herë në ditë, para ushqimit. Personat që ushtrojnë aktivitet fizik mund ta konsumojnë para stërvitjes. Praktikimi për disa javë mund të ndihmojë në ndjesinë e energjisë dhe përmirësimin e përgjithshëm të organizmit.

Nënat që ushqejnë me gji kanë më pak gjasa të vuajnë nga depresioni ose ankthi më vonë në jetë, sipas një studimi të ri.

Hulumtimi sugjeron se ushqyerja me gji mund të ulë rrezikun e problemeve të shëndetit mendor te nënat deri në 10 vite pas shtatzënisë. Studime të mëparshme kishin treguar se ushqyerja me gji ul rrezikun e depresionit dhe ankthit pas lindjes, por deri tani nuk ishte e qartë nëse ky efekt zgjaste edhe në afat të gjatë.

Studimi i ri, i botuar në revistën BMJ Open, ndoqi zakonet e ushqyerjes me gji dhe shëndetin e 168 nënave që lindnin për herë të dytë në Irlandë. Gratë u përfshinë që në fillim të shtatzënisë dhe u kontrolluan bashkë me fëmijët e tyre pas tre dhe gjashtë muajsh, si dhe pas dy, pesë dhe 10 vitesh nga lindja. Në kontrollin e fundit, mosha mesatare e nënave ishte 42 vjeçe.

Në çdo kontroll, nënat plotësuan pyetësorë të detajuar për shëndetin, përfshirë nëse ishin diagnostikuar ose trajtuar për depresion apo ankth. Ato dhanë gjithashtu informacion për faktorë të tjerë ndikues, si dieta dhe aktiviteti fizik.

Rreth 73% e pjesëmarrëseve raportuan se kishin ushqyer me gji të paktën një herë. Mesatarisht, ushqyerja ekskluzive me gji zgjati 5.5 javë, ndërsa ushqyerja me gji në total rreth 30.5 javë. Mbi një e treta e grave (37.5%) kishin ushqyer me gji për një periudhë totale prej të paktën 12 muajsh gjatë jetës së tyre.

Pas 10 vitesh, 13% e grave raportuan se vuanin nga depresioni ose ankthi, ndërsa 21% kishin përjetuar këto probleme në ndonjë moment gjatë periudhës së studimit. Analiza tregoi se gratë me depresion ose ankth kishin më pak gjasa të kishin ushqyer me gji dhe për periudha më të shkurtra.

Çdo javë ushqyerjeje ekskluzive me gji lidhej me një ulje prej 2% të gjasës për depresion dhe ankth, edhe pasi u morën parasysh faktorë të tjerë si konsumi i alkoolit.

Studiuesit theksojnë se studimi është vëzhgues dhe nuk provon shkak-pasojë, por nënvizojnë se ushqyerja me gji mund të ketë një efekt mbrojtës afatgjatë në shëndetin mendor të nënave, duke forcuar argumentet për promovimin e saj nga politikat publike. / TalkerNews

Një pije e thjeshtë me banane dhe kanellë, konsumuar një orë para gjumit, mund të përmirësojë ndjeshëm cilësinë e gjumit dhe mirëqenien e trupit. Përveç shijes së shkëlqyer, kjo pije ofron përfitime të shumta për shëndetin.

Gjumi i mirë është i domosdoshëm për funksionimin e duhur të trupit dhe për mirëqenien fizike dhe mendore. Mungesa e gjumit mund të shkaktojë hipertension, depresion, lodhje dhe mungesë energjie.

Bananet janë të pasura me kalium dhe magnez, minerale që ndihmojnë në relaksimin e muskujve dhe venave dhe përmirësojnë cilësinë e gjumit. Kanella ka shije dhe aromë të këndshme, ndihmon në relaksimin e trupit dhe përmirëson tretjen.

Receta e thjeshtë për gjumë të qetë:

Përbërësit:

• 1 banane

• Pak kanellë

• 1 tenxhere e vogël me ujë

Udhëzimet:

1. Hiqni skajet e bananes dhe vendoseni në tenxhere me ujë.

2. Ziejeni për 10 minuta.

3. Kullojeni dhe derdhni ujin në një gotë të madhe.

4. Shtoni pak kanellë dhe përziejeni.

Konsumojeni këtë pije të shijshme një orë para se të shkoni në shtrat dhe shijoni një gjumë më të qetë dhe relaksues.

/Telegrafi/

Një studim i Karolinska Institute në Stokholm tregon se vajzat dhe gratë preken nga autizmi në të njëjtën masë si meshkujt, duke rrëzuar idenë se çrregullimi është kryesisht mashkullor.

Sipas kërkimit të publikuar në British Medical Journal, dallimi kryesor qëndron te diagnostikimi i mëvonshëm te vajzat, shpesh gjatë adoleshencës, ndërsa djemtë diagnostikohen zakonisht që në fëmijëri.

Të dhënat e deritanishme sugjeronin se për çdo vajzë me autizëm, ka katër djem të prekur. Megjithatë, kur shihen diagnozat sipas moshës, statistikat ndryshojnë. Studiuesit analizuan regjistrat suedezë për 2.7 milion individë të lindur nga 1985 deri në 2022, duke i ndjekur deri në moshën 37 vjeç.

Gjatë kësaj periudhe, autizmi u konfirmua në 78.522 persona, me moshën mesatare 14.3 vjeç. Numri i diagnozave u rrit me moshën, duke arritur 645 raste në çdo 100.000 meshkuj të moshës 10–14 vjeç dhe 603 raste në vajza të moshës 15–19 vjeç.

Studiuesit do të vazhdojnë kërkimet për të kuptuar pse vajzat diagnostikohen më vonë në krahasim me djemtë.