ATV

Category: LIFESTYLE

  • Stomaku kundër trurit: Si të bindni veten për një dietë më të shëndetshme?

    Stomaku kundër trurit: Si të bindni veten për një dietë më të shëndetshme?

    Si të filloni një dietë të shëndetshme sot, pa pritje dhe pa stres

    Shumë prej nesh mendojnë se dita ideale për të filluar një dietë është “nesër” ose “java e ardhshme”. E vërteta është se koha më e mirë për të filluar është sot dhe tani. Nuk ka moment të gabuar – duhet vetëm pak planifikim dhe motivim.

    Megjithatë, vendimet që lidhen me ushqimin shpesh duken më të vështira se negociatat mes policisë dhe grabitësve të bankave. Për të ndihmuar veten, mjafton të kaloni nga “stomaku” te “truri” dhe të përdorni disa strategji të thjeshta.

    1. Pastroni ambientin nga tundimet

    Hapi i parë është të hiqni të gjitha ushqimet që mund të ju tërheqin drejt tundimit. Zbrazni sirtarët me çokollata të harruara, heqni ëmbëlsirat nga çantat dhe largoni çdo pako biskotash që nuk i përshtatet dietës suaj. Kur nuk keni pranë këto tundime, është më e lehtë të qëndroni të fokusuar.

    2. Planifikoni paraprakisht

    Zgjidhni një ditë të javës si “dita e planifikimit të menysë”. Bëni blerjet kur nuk jeni të uritur dhe vetëm sipas listës së përgatitur. Sa më pak të blini impulsivisht, aq më pak mundësi keni të tundoheni nga ushqime jo të shëndetshme.

    3. Riprogramoni zakonet e ngrënies

    Sheqeri ka efekt të ngjashëm me një varësi – trupi kërkon gjithmonë më shumë. Është e lehtë të krijoni zakone të këqija si torta pasdite apo ëmbëlsira pas darkës. Për këtë arsye, është e rëndësishme të eliminohet gradualisht sheqeri dhe të riprogramohet trupi për zgjedhje më të shëndetshme. Disa mund ta bëjnë menjëherë, të tjerët gradualisht – por rezultati duhet të jetë i njëjtë: largimi i sheqerit.

    4. Krijoni zakone të reja

    Disa javë këmbëngulje janë të mjaftueshme për të krijuar një rutinë të shëndetshme. Hani mëngjes, drekë dhe darkë në të njëjtën kohë çdo ditë, dhe planifikoni ushqime të shëndetshme për momentet kur ndjeni uri të fortë. Kjo eliminon “daljet spontane” dhe ju ndihmon të qëndroni në rrugën e duhur.

    5. Mbani ekuilibrin

    Ndërsa eliminoni ushqimet jo të shëndetshme, mos harroni të shtoni ato që ofrojnë vlera ushqyese të nevojshme. Një dietë e larmishme, që përfshin të gjitha grupet e ushqimit, siguron energji, vitamina dhe minerale për funksionimin normal të trupit. Ushqehuni në sasi të arsyeshme dhe shmangni kalorite e zbrazëta, duke e bërë dietën të kënaqshme dhe të qëndrueshme.

  • A është efektiv mikrodozimi i Accutane?

    A është efektiv mikrodozimi i Accutane?

    Aknet e rënda, të dhimbshme dhe që lënë plagë në lëkurë, ndikojnë ndjeshëm në vetëbesimin e adoleshentëve dhe të rriturve. Kur trajtimet e zakonshme nuk japin rezultate, dermatologët shpesh përshkruajnë izotretinoin, i njohur me emrin tregtar Accutane.

    Sipas Dr. John Barbieri, profesor i asociuar i dermatologjisë në Harvard Medical School, izotretinoina funksionon duke tkurrur gjëndrat e yndyrës dhe parandaluar bllokimin e poreve, duke sjellë lëkurë më të pastër për shumicën e përdoruesve. Megjithatë, ilaçi mund të shkaktojë efekte anësore shqetësuese, si thatësi të lëkurës, buzëve dhe syve, dhimbje koke, dhimbje muskujsh, ndryshime të humorit, depresion dhe rritje të kolesterolit. Në disa raste, aknet mund të rikthehen pas përfundimit të trajtimit.

    Çfarë është mikrodozimi?

    Për ata që shqetësohen për efektet anësore ose kanë pasur rikthim të akneve, dermatologët mund të rekomandojnë mikrodoza të izotretinoinës, shpjegon Dr. Sara Perkins nga Yale School of Medicine. Nuk ka një përkufizim standard, por mikrodozat zakonisht janë më të ulëta se doza standarde dhe mund të jenë të përshtatura sipas peshës, ashpërsisë së akneve dhe tolerancës së pacientit.

    Për shembull, një dozë standarde mund të jetë 30–60 mg në ditë për një person 60 kg, ndërsa mikrodoza mund të jetë 10–30 mg në ditë, ose edhe vetëm tri herë në javë.

    Trajtimi standard zakonisht zgjat 4–6 muaj, ndërsa mikrodozimi mund të zgjasë 8 muaj deri një vit ose më shumë.

    Mikrodozimi zvogëlon efektet anësore dhe mund të parandalojë rikthimin e akneve pas përfundimit të trajtimit. Ai është gjithashtu i përshtatshëm për persona me akne të lehta ose të moderuara që nuk janë përmirësuar me trajtime të tjera.

    Paralajmërime të rëndësishme

    Izotretinoina nuk duhet përdorur nga gratë shtatzëna ose ato që mund të mbeten shtatzëna, pasi mund të shkaktojë defekte serioze të lindjes ose vdekje të fetusit.

    Ilaçi mund të rrisë kolesterolin, trigliceridet dhe nivelet e enzimave të mëlçisë, ndaj dermatologët rekomandojnë analiza periodike gjaku, të cilat gjatë mikrodozimit mund të zgjasin një vit ose më shumë.

    Mikrodozimi po bëhet një opsion gjithnjë e më i përdorur për të trajtuar aknet e rënda me më pak efekte anësore, duke ofruar shpresë për pacientët që kërkojnë një lëkurë të pastër dhe të shëndetshme pa rrezikun e komplikimeve serioze.

  • Etiketat e kalorive në menu nuk ndikojnë shumë në përmbajtjen ushqimore

    Etiketat e kalorive në menu nuk ndikojnë shumë në përmbajtjen ushqimore

    Kur Anglia nisi në vitin 2022 një rregull që detyron restorantet, kafenetë dhe fast food-et e mëdha të shënojnë numrin e kalorive për çdo ushqim në menu, pritej që kjo të nxiste ofrimin e ushqimeve më të shëndetshme dhe të ndihmonte konsumatorët të zgjedhnin më mirë. Por një studim i ri tregon se kjo praktikë ka pasur efekt minimal.

    Sipas një hulumtimi të publikuar në BMJ Public Health, përmbajtja mesatare e kalorive në menutë e lokaleve ra vetëm rreth 2% pas zbatimit të politikës, një ndryshim që studiuesit e përshkruajnë si “të kufizuar dhe modest për shëndetin publik”. Një studim tjetër vitin e kaluar tregoi se konsumatorët pothuajse nuk ndryshuan zakonet e tyre, duke konsumuar të njëjtat kalori si më parë.

    Hulumtimi përfshiu mbi 31 mijë artikuj nga 78 zinxhirë restorantesh, duke krahasuar menutë para dhe pas futjes së rregullit. Rezultatet treguan se kaloritë mbetën pothuajse të pandryshuara për shumicën e ushqimeve. Përjashtim bënë disa kategori, si pijet e gazuara, pijet joalkoolike dhe hamburgerët, të cilat shënuan një ulje më të dukshme të kalorive. Megjithatë, kjo ulje nuk erdhi nga riformulimi i recetave, por kryesisht nga heqja e produkteve me shumë kalori dhe shtimi i opsioneve pak më të lehta.

    Studiuesit theksojnë se shënimi i kalorive në menu vetëm e ndryshon prezantimin e ushqimit, por nuk i detyron bizneset të bëjnë ndryshime reale në përbërjen e tij.

    Qeveria britanike vlerëson se nëse popullsia do të ulte mesatarisht vetëm 50 kalori në ditë, kjo mund të nxirrte nga obeziteti rreth 2 milionë të rritur dhe 340 mijë fëmijë.

  • Çizme të dëmtuara dhe rroba rezervë për shkollë: Realiteti i tronditshëm i fëmijëve në Fushë Kosovë

    Çizme të dëmtuara dhe rroba rezervë për shkollë: Realiteti i tronditshëm i fëmijëve në Fushë Kosovë

    Fëmijët e lagjes Meshari në Fushë Kosovë përballen me kushte të vështira për të shkuar në shkollë

    Në lagjen Meshari të Fushë Kosovës, fëmijët e komuniteteve minoritare përballen çdo ditë me sfida për të arritur në shkollë. Rrugët e mbushura me lloq dhe baltë i detyrojnë ata të vijnë me rroba rezervë dhe të gjejnë mënyra për të kaluar sipër baltës, vetëm për të vazhduar mësimin.

    Ky realitet tregon gjendjen e rënduar të infrastrukturës lokale dhe nevojën urgjente për ndërhyrje që fëmijët të kenë kushte të denja për të ndjekur shkollën pa pengesa fizike.

    https://www.facebook.com/share/v/17WfeVBjQt/

     

  • Një e katërta e shoferëve nuk dinë si ta përdorin treguesin në rrethrrotullim

    Një e katërta e shoferëve nuk dinë si ta përdorin treguesin në rrethrrotullim

    Një e katërta e shoferëve nuk dinë si ta përdorin treguesin në rrethrrotullime, sipas një ankete të Klubit Gjerman të Automobilave (ACE) në Evropë.

    ACE-ja vëzhgoi 30 rrethrrotullime në të gjithë vendin, për një orë secili, gjatë një periudhe tre-ditore. Gjatë analizës u vëzhguan afro 20 mijë automjete dhe u zbulua se vetëm 26.6% e shoferëve hyjnë dhe dalin saktë nga rrethrrotullimet. Shumica e tyre gabojnë në përdorimin e treguesve.

    Përdorimi i duhur i treguesit në rrethrrotullime është i thjeshtë:

    Kur hyni në rrethrrotullim: mos e ndizni treguesin, për të mos ngatërruar shoferët e tjerë.

    Kur dilni nga rrethrrotullimi: ndizni treguesin sa më shpejt të jetë e mundur.

    Ky sinjal i tregon shoferëve të tjerë se ku keni ndërmend të dilni, duke rritur sigurinë dhe duke lehtësuar rrjedhën e trafikut.

    Në Gjermani, kushdo që përdor treguesin gabimisht ose nuk e përdor fare rrezikon një gjobë prej 10 eurosh, edhe nëse nuk shkakton aksident.

  • Arthur Hayes: Rënia e Bitcoin-it jashtë loje pasi cikli katërvjeçar ka marrë fund

    Arthur Hayes: Rënia e Bitcoin-it jashtë loje pasi cikli katërvjeçar ka marrë fund

    Bitcoin, me çmim aktual mbi 121 mijë dollarë, nuk pritet të hyjë në një treg rënës (bear market) në muajt e ardhshëm, sipas Arthur Hayes, bashkëthemelues dhe drejtor i investimeve në kompaninë Maelstrom. Ai thekson se kushtet monetare mbështetëse do të vazhdojnë, duke e bërë ciklin tradicional katërvjeçar të “halving”-ut pothuajse të parëndësishëm për ecurinë e çmimit.

    Në esenë e tij të publikuar të enjten, me titull “Rroftë Mbreti!”, Hayes argumenton se rëniet e mëparshme të Bitcoin-it në vitet 2014, 2018 dhe 2022 nuk kanë qenë rezultat i halving-ut, por pasojë e shtrëngimit monetar global. Gjatë këtyre periudhave, çmimi i Bitcoin-it kishte rënë me 70% deri në 80% nga kulmi i tregut rritës, shkruan CoinDesk.

    Edhe CoinDesk kishte shprehur një pikëpamje të ngjashme në vitin 2023, duke theksuar se cikli i katërvjeçarëve të Bitcoin-it ndikohet më shumë nga politikat monetare dhe likuiditeti në tregjet fiat, sesa nga vetë procesi i përgjysmimit të shpërblimeve të minierave.

    “Ndërsa afrohet përvjetori i katërt i këtij cikli, shumë tregtarë po përpiqen të ndjekin modelin historik për të parashikuar fundin e tregut rritës,” shkruan Hayes. Sipas tij, cikli tradicional ka përfunduar dhe rritja e madhe e likuiditetit të parasë fiat që po ndodh do të vazhdojë ta mbajë tregun në fazë bull (rritëse).

  • Kujdes Raport shqetësues: TikTok-u u rekomandon porno’grafi fëmijëve

    Kujdes Raport shqetësues: TikTok-u u rekomandon porno’grafi fëmijëve

    Një raport i ri nga organizata për të drejtat e njeriut “Global Witness” ka zbuluar se algoritmi i TikTok-ut u rekomandon përmbajtje pornografike dhe shumë të seksualizuar fëmijëve, edhe kur janë aktivizuar cilësimet e sigurisë.

    Sipas raportit të publikuar nga BBC, studiuesit krijuan llogari të rreme që imitonin përdorues 13-vjeçarë, duke vendosur data lindjeje të rreme dhe duke aktivizuar “modalitetin e kufizuar” funksion që, sipas TikTok-ut, duhet të bllokojë përmbajtje për të rritur ose me përmbajtje sugjestive.

    Megjithatë, edhe pa bërë kërkime, në seksionin “mund t’ju pëlqejë” u shfaqën terma të kërkimit seksualizues, që çonin në video të grave që simulonin akte seksuale, shfaqnin të brendshmet në publik, apo ekspozonin pjesë intime të trupit. Në disa raste, përmbajtja përfshinte pamje të hapura pornografike me seks penetrues, të fshehura mes videove të pafajshme për të shmangur sistemet e moderimit.

    “Global Witness”, që njihet për hetimet e saj mbi ndikimin e teknologjisë në demokraci, të drejtat e njeriut dhe mjedisin, tha se e zbuloi rastësisht këtë problem gjatë një studimi tjetër në prill.

    Pasi u informua për gjetjet, TikTok deklaroi se kishte ndërmarrë masa të menjëhershme për të hequr përmbajtjen e papërshtatshme dhe për të përmirësuar sistemin e sugjerimeve të kërkimit.

    Megjithatë, kur studiuesit e përsëritën eksperimentin në fund të korrikut dhe gusht të këtij viti, rezultati ishte i njëjtë aplikacioni vazhdonte të rekomandonte përmbajtje të natyrës seksuale për llogaritë e fëmijëve.

    TikTok këmbëngul se nëntë nga dhjetë videot që shkelin udhëzimet hiqen para se të shikohen, por raporti i ri ngre pyetje serioze për sigurinë e të miturve në platformë dhe efektivitetin e sistemeve të saj të kontrollit.

  • Dolly Parton mohon thashethemet për shëndetin e saj

    Dolly Parton mohon thashethemet për shëndetin e saj

    Ylli i muzikës country, Dolly Parton, ka qetësuar fansat me një video të publikuar në rrjetet sociale, ku shkruan: “Nuk kam vdekur ende”, pas shqetësimeve që lindën nga deklaratat e motrës së saj, Freida, për gjendjen e saj shëndetësore.

    Muajin e kaluar, Dolly kishte shtyrë një sërë koncertesh në Las Vegas, duke përmendur “sfida shëndetësore”, dhe i kishte shtyrë ato për shtatorin e vitit 2026.

    “E di që shumë mendojnë se jam më e sëmurë nga ç’jam në të vërtetë. A dukem e sëmurë?” – tha ajo me humor. “Po punoj fort! Dua t’ju falënderoj për lutjet dhe kujdesin. Kam disa probleme të vogla që i kam lënë pas dore, sidomos pas sëmundjes dhe humbjes së burrit tim, Carl, por tani po i trajtoj.”

    Këngëtarja 78-vjeçare shtoi se po ndjek trajtime mjekësore në spitalin Vanderbilt, por theksoi se nuk bëhet fjalë për diçka serioze.
    “Duhej të anulonja disa angazhime për të qenë pranë mjekëve, por dua t’ju siguroj se nuk po vdes,” tha ajo duke buzëqeshur.

    Dolly reagoi edhe ndaj një fotografie të rreme të krijuar me inteligjencë artificiale, ku aktorja Reba McEntire shfaqej pranë “shtratit të saj të vdekjes”:
    “Oh Zot, na kishin bërë të dukeshim sikur ishim gati për t’u varrosur! Po të isha me të vërtetë duke vdekur, Reba do të më kishte vizituar shumë më herët,” u shpreh ajo me të qeshur.

    Në përfundim të videos, Parton mbeti besnike ndaj shpirtit të saj optimist:
    “Zoti nuk ka përfunduar ende me mua, dhe as unë nuk kam mbaruar me punën time. Ju dua që kujdeseni dhe vazhdoni të luteni për mua.”

  • Ndërrimi i orës po afron: Këshilla për t’u përshtatur me ditët më të shkurtra dhe mungesën e dritës

    Ndërrimi i orës po afron: Këshilla për t’u përshtatur me ditët më të shkurtra dhe mungesën e dritës

    Kur qielli fillon të errësohet që në orën 16:00 – 17:00 pasdite, humori juaj mund të perëndojë bashkë me diellin.

    Sytë fillojnë e ju rëndojnë, dhe gjithçka që mund të dëshironi të bëni është të mbështilleni me batanijen tuaj të preferuar dhe të flini gjumë.

    Por, nuk jeni vetëm! Kjo është një periudhë e vështirë për shumë njerëz.

    Zgjatja e orëve të errësirës dhe ndryshimi i orës, mund të shkaktojë një sërë efektesh në shëndet, si për shembull sulmet në zemër.

    Kjo është diçka çorientuese, dhe njerëzit do të vazhdojnë të përballen me këto ndryshime të pakëndshme dy herë në vit.

    Fatmirësisht, studimet kanë treguar se ritmi cirkadian i njeriut, një cikël 24-orësh që rregullohet nga ora e brendshme e trupit tuaj, përshtatet më lehtë me tranzicionin e vjeshtës sesa me atë të pranverës.

    Përfitoni nga orët me diell

    Këshilla më e mirë për ata që përgjumen shpesh është që të ekspozohen sa më shumë në diell.

    Përfitoni nga orët me diell të ditës, dhe veçanërisht në orët e para të pasdites.

    Ekspozimi në atë kohë vonon ndjesinë e gjumit, që do të thotë se ju ndihmon të qëndroni zgjuar deri vonë.

    Nëse mundeni, planifikoni një shëtitje 30-minutëshe jashtë para perëndimit të diellit. Edhe qëndrimi ulur pranë dritares mund të ndihmojë.

    Përmbajuni orareve të rregullta të rutinës së zakonshme

    Ndërsa errësohet më shpejt, ju mund ta gjeni veten të uritur më herët.

    Është e rëndësishme të luftoni dëshirën për të ngrënë vaktin e fundit të ditës shumë herët.

    Kjo mund t’ju bëjë të përgjumeni më shpejt se sa do të dëshironit, ose t’ju bëjë të hani më vonë, gjë që mund të pengojë edhe cilësinë e gjumit.

    Studimet kanë treguar se ritmi juaj cirkadian ndikon në aftësinë e trupit për të përpunuar në mënyrë efikase ushqimin.

    Kini kujdes që të mos konsumoni kafeinë vonë gjatë ditës, sepse edhe kjo mund të ndikojë në ciklin tuaj të gjumit.

    Mos i ndërroni as rutinat e tjera. Për shembull, mbani të njëjtin orar për regjimin e kujdesit të lëkurës edhe nëse jeni të përgjumur një orë më parë, për shkak të ndryshimit të orës.

    Nëse këto këshilla dështojnë, përqafoni letargjinë

    Duam apo jo, dimri po vjen. Nëse gjithçka në planin tuaj dështon, rehatohuni: Merrni një batanije, ndizni një qiri, shtrihuni në divan për të parë një film ose luani një lojë tavoline me të dashurit tuaj.

    Jepini vetes mundësinë për tu relaksuar ashtu siç keni nevojë ju.

  • Funksioni Sekret i Kondicionerit që E Bën Ajrin Më të Thatë dhe Kursen Energji

    Funksioni Sekret i Kondicionerit që E Bën Ajrin Më të Thatë dhe Kursen Energji

    Shumë prej nesh e përdorin kondicionerin vetëm për të freskuar ambientin gjatë verës ose për të ngrohur dhomën gjatë dimrit. Por, a e dini që pajisjet moderne të kondicionimit të ajrit kanë një funksion të fshehtë që shpesh nuk përdoret, por që mund t’ju kursejë energji dhe të luftojë lagështinë në mënyrë efikase?

    Ky funksion quhet “Dry Mode” ose modaliteti i tharjes. Kur aktivizohet, kondicioneri nuk përqendrohet kryesisht te ftohja apo ngrohja e ambientit, por te kontrolli i lagështisë. Ai thith lagështinë e tepërt nga ajri pa e ftohur shumë dhomën, duke krijuar një ambient më të freskët dhe më të këndshëm.

    Përveç përmirësimit të rehatisë, ky funksion ka edhe një avantazh të madh ekonomik: kursim energjie. Sepse kondicioneri nuk duhet të punojë në maksimum për të ftohur dhomën; ai vepron më lehtë dhe konsumon më pak energji elektrike.

    Për të përdorur këtë funksion, zakonisht duhet të kërkoni butonin “Dry” në panelin e kondicionerit ose në aplikacionin inteligjent të pajisjes. Ky funksion është ideal për ditët e lagështa pranverore ose verore dhe ndihmon në parandalimin e zhvillimit të mykut dhe lagështisë në muret e shtëpisë.

    Pra, herën tjetër kur të ndizni kondicionerin, mos harroni ta provoni modalitetin Dry është mënyra e fshehtë për një ajër më të thatë, një ambient më komod dhe një faturë më të ulët energjie.