Category: LIFESTYLE

Jeni kthyer prej pak kohësh nga pushimet dhe po pyesni veten se si ta ruani për një kohë të gjatë atë ngjyrë të bukur që keni marrë gjatë pushimeve?

Në fakt të ruani ngjyrën pas pushimeve është punë që bëhet, por për ta bërë duhet të ndiqni disa rregulla të thjeshta dhe praktike.

Pikat thelbësore që duhet të keni parasysh, nëse doni të mbani gjatë ngjyrën janë ushqimi, hidratimi dhe zgjedhja e produkteve të duhur për bukurinë e trupit.

Dieta e duhur

Le të fillojmë menjëherë me ushqyerjen e duhur. Që ngjyra e trupit të zgjasë edhe pas pushimeve duhet të konsumoni produktet e duhura. Në fakt, ka disa substanca që u lejojnë të ruani më gjatë nxirjen.

Disa shembuj? Vitamina A dhe E, beta karoten, zink dhe seleni janë të gjitha substanca që nuk mund të mungojnë në tryezën tuaj. Mos i kurseni vetes edhe frutat dhe perimet me ngjyrë të verdhë, ose të kuqe, të cilat përmbajnë antioksidantë.

Dhe së fundmi, gjithmonë mos harroni të pini shumë ujë. Është thelbësor për hidratimin e trupit dhe lëkurës.

Hidratimi

Hidratimi i mirë është gjithmonë baza për një lëkurë të shëndetshme dhe elastike, qoftë ajo e nxirë apo jo. Por në rastin tuaj, hidratimi do të jetë një nga elementet kyçe për arritjen e misionit tuaj për të ruajtur nxirjen edhe pak javë pas kthimit në punë.

Nxirja tenton të zbehet dhe shpesh përfundon duke u rrjepur, por si t’ia bëni për të kufizuar dëmin? Për të ruajtur nxirjen vetëm lagështoni dhe ushqeni lëkurën duke aplikuar një krem të mirë hidratues pas çdo ditë në plazh dhe madje edhe pas përfundimit të pushimeve tuaja.

Pra evitoni banjat e gjata relaksuese dhe ndoshta plot shkumë dhe flluska, por preferoni dushe të freskët me vaj pastrues. Arsyeja është e thjeshtë në këtë mënyrë ju do të shmangni rrjepjen dhe si pasojë humbjen e ngjyrës aq të preferuar për ju.

Zgjidhni produktet e duhura

Dhe së fundmi, nuk na mbetet t’ju themi gjë tjetër, veçse të zgjidhni produktet e duhura dhe të lini mënjanë, të paktën në këtë periudhë, ato produkte që rrezikojnë të heqin nxirjen. Shmangni produktet agresive dhe preferoni ato delikate.

Realizoni maska efikase për fytyrën, hidratuese dhe ushqyese që aplikohen një herë në javë për ta mbajtur lëkurën elastike dhe të bukur. Nëse vini re ndryshime në lëkurë, mos hezitoni t’i nënshtroheni një skrub-i delikat në mënyrë që ta pastroni deri në fund, duke hequr qelizat e vdekura dhe duke e bërë lëkurën të ndritshme dhe me ngjyrë të artë.

Nëse po pyesni veten pse shtëpia juaj ka gjithmonë një lloj ere, kjo mund të jetë për shkak se keni ndjekur disa zakone të përditshme pa e kuptuar se sa të dëmshme mund të jenë ato në aspektin e krijimit të aromave të pakëndshme.

Prandaj, kushtojini vëmendje këtyre zakoneve dhe lexoni këshillat se çfarë të bëni për të zvogëluar aromat e pakëndshme që përhapen në shtëpinë tuaj.

Lënia e enëve në lavaman për një kohë shumë të gjatë

Mund të jetë joshëse ta shtysh larjen e enëve vetëm për një mbrëmje tjetër, veçanërisht nëse jeton vetëm dhe nuk ke askënd që të të shqetësojë me punët e shtëpisë.

Megjithatë, mund të jeni duke ftuar aroma të padëshiruara në shtëpinë tuaj, thjesht sepse keni pritur shumë gjatë për të pastruar ato enë dhe pjata.

“Mbetjet e ushqimit në enët e lagura bëhen një vend për shumimin e baktereve, duke lëshuar aroma të pakëndshme që mund ta përmbytin kuzhinën tuaj më shpejt nga sa mund të prisni”, shpjegon Robin Murphy, drejtoreshë e Maid Brigade.

Gatim pa ventilim

Pavarësisht nëse gatuani ushqim në shtëpi tri herë në ditë apo thjesht e ndizni sobën disa herë në javë, e dini fuqinë që ka ushqimi në përhapjen e aromave në një dhomë.

Prandaj, sigurimi i ventilimit të duhur në shtëpinë tuaj është thelbësor për të parandaluar që aromat e ushqimit të vazhdojnë të qëndrojnë. Në fund të fundit, aromat e gatimit janë mjaft të forta dhe do të përhapen në të gjithë hapësirën tuaj.

“Pa ventilim të duhur, aromat e gatimit ngjiten në mure, dollapë dhe orendi”, thotë ekspertja.

Mos lejoni që peshqirët e lagur të thahen

Ata që kanë nuhatur peshqirët e lagur e dinë sa të pakëndshëm mund të jenë. Murphy shpjegon se peshqirët e lagur jo vetëm që mbajnë erë të keqe, por mund të tërheqin edhe myk dhe baktere.

Para se t’i varni përsëri në banjo, sigurohuni që janë plotësisht të thata. Ky hap i vogël do ta përmirësojë ndjeshëm mjedisin tuaj.

Nuk keni qarkullimin e duhur të ajrit

Pronari i Memphis Maids, Steve Evans, thotë se kur një shtëpi nuk ka qarkullim të mjaftueshëm të ajrit, ajo do të fillojë të reflektojë aroma nga mjedisi përreth, duke përfshirë djersën, ushqimin dhe aroma të tjera.

Për fat të mirë, zgjidhja këtu është mjaft e thjeshtë. Evans sugjeron hapjen e dritareve në secilën dhomë për 30 minuta për të ndihmuar në shpërndarjen e aromave. Pak ajër i pastër mund të bëjë vërtet mrekulli për përmirësimin e gjendjes së shtëpisë suaj.

Të gjithë e kemi problem të vendosim syze dhe më larg kësaj zgjedhjeje na mban fakti që mendojmë se nuk do të na shkojnë me fytyrën.

Një sondazh zbuloi se mbajtja e syzeve ju bën të dukeni 75% më tërheqës ndaj seksit të kundërt.

A dëshironi të blini një palë syze të reja, por shqetësoheni se zgjedhja e një forme të gabuar mund t’ju bëjë të dukeni keq?

Ndoshta keni lexuar udhëzimet e gabuara se si të gjeni formën e duhur të syve që i përshtaten fytyrës suaj.

Mos u shqetësoni sepse në këtë artikull do të gjeni udhëzimet e duhura për syzet që ju shkojnë më shumë me pamjen tuaj.

Në thelb ekzistojnë gjashtë forma të fytyrës: e zgjatur, ovale, zemër, katrore, e rrumbullakët dhe diamant.

Me vetëm një vështrim me detaje në pasqyrë, ju mund të përcaktoni formën e fytyrës suaj.

Forma e zgjatur
Përdorni skelete të mëdhaja dhe të gjera me vija të qarta.

Zemër
Syzet që theksojnë vijën e nofullës, si Aviatorët.

Katrore
Skelete të ngushta ovale ose drejtkëndëshe me buzë të rrumbullakosura.

Ovale
Përdorni skelete që janë më të trasha në pjesën e sipërme sesa në pjesën e poshtme.

E rrumbullakët
Syze katrore ose drejtkëndëshe me cepa të mprehtë.

Diamant
Përdorni skelete me buzë të rrumbullakosura që nuk janë më të gjera se faqet tuaja.

Teknologjia është tashmë pjesë e pandarë e procesit të rritjes së fëmijëve Por përballë këtij realiteti një raport i fundit i Bankës Botërore sugjeron se sfida e prindërve nuk është më sesi të largojnë fëmijët nga ekranet pasi një gjë e tillë është thuajse e pamundur por balancimi i kohës së kaluar përpara tyre

“Me të drejtë thuhet se nuk mund të ndalojmë prekjen apo ekspozimin ndaj teknologjisë Por ne duhet t’i edukojmë fëmijët për mënyrën sesi duhet të qëndrojnë përpara saj Dhe kjo ka të bëjë me prindërit dhe është pjesa më e vështirë” tha sociologia Arjana Muçaj

Prindërit shpesh i përdorin ekranet si zgjidhje praktike për të menaxhuar sjelljet e vështira të fëmijëve apo thjesht për të gjetur momente lehtësimi për veten Raporti i cilëson këto si zgjedhje të dobëta prindërore ndërsa sociologët rekomandojnë qasje të tjera

“Duhet të bëhet një kontroll i rreptë nga ana e prindit që do të thotë të menaxhosh kohën e qëndrimit të qëndrosh me fëmijët për aq orë sa ata kanë nevojë Mirë është që edhe prindi të luajë bashkë me ta”

Çfarë ndodh nëse një fëmijë ekspozohet gjatë dhe në mënyrë të pakontrolluar përballë ekranit

“Bëhet një fëmijë i izoluar një fëmijë i tërhequr Një fëmijë që nuk ka dëshirë të luajë në natyrë Të gjitha këto janë elementë që e bëjnë fëmijën më pak social”

Ekspertët rekomandojnë që ekspozimi ndaj teknologjisë të mos zgjasë më shumë se 20 minuta për të vegjlit deri në moshën 5 vjeç Ndërkohë qëllimi nuk është më eliminimi i ekranit por nxitja e modeleve të shëndetshme të përdorimit që mbrojnë rritjen e fëmijëve ndërsa i përgatisin ata për një botë gjithnjë e më digjitale

Shumica prej nesh besojmë se peshqirët mund të zgjasin përgjithmonë, për sa kohë që nuk janë të grisur, por ekspertët paralajmërojnë se kjo nuk është tamam e vërtetë – veçanërisht për arsye higjiene dhe shëndetësore.

Shkencëtarët dhe ekspertët thonë se peshqirët nuk kanë një etiketë me një datë të saktë skadimi si ushqimet, por me kalimin e kohës ata humbasin aftësinë për të thithur, bëhen me erë të pakëndshme, të ashpër në prekje dhe një mjedis ideal për shumimin e baktereve që janë të vështira për t’u hequr me larje të zakonshme.

Sa kohë duhet ta përdorni në të vërtetë një peshqir? Rekomandimi i përgjithshëm është që peshqirët e banjës të zëvendësohen afërsisht çdo dy deri në tre vjet, megjithëse materialet me cilësi më të lartë, si pambuku egjiptian ose turk, mund të zgjasin deri në pesë vjet me kujdesin e duhur.

Nëse peshqiri juaj nuk e thith më ujin aq mirë sa dikur, zbehet ose lë një erë të pakëndshme edhe pas larjes, këto janë shenja të qarta se është koha për ta hedhur.

Peshqirët më të vegjël, siç janë peshqirët e duarve që përdoren më shumë dhe lahen më shpesh, zakonisht duhet të zëvendësohen pas një ose dy vitesh sepse e humbasin funksionalitetin e tyre më shpejt.

Ekspertët theksojnë se tharja dhe ventilimi i duhur i banjës është thelbësor – peshqirët që qëndrojnë të lagur për një kohë të gjatë bëhen një mjedis i përshtatshëm për shumimin e baktereve dhe kërpudhave, të cilat gjithashtu mund të çojnë në acarim të lëkurës. Prandaj, nuk është e rëndësishme vetëm sa shpesh lani, por edhe ku dhe si i lini të thahen.

Sigurisht, e gjithë kjo nuk do të thotë që çdo peshqir i ngurtësuar ose i zbehur shkon menjëherë në plehra – copat e vjetra mund të përdoren si lecka pastrimi ose për fshirje pas punëve të shtëpisë, gjë që është një zgjidhje ekologjike dhe praktike përpara se të hidhen përfundimisht.

Shkurt – peshqirët mund të mos kenë një datë të saktë skadimi, por ata patjetër që kanë një “kohë përdorimi”, dhe zëvendësimi në kohë do të thotë higjienë më e mirë, freski dhe një përvojë më të këndshme pas dushit.

Një studim i publikuar në Nature Human Behaviour tregon se rreth 33% e rasteve të demencës në botë lidhen me sëmundje që nuk prekin drejtpërdrejt trurin, si sëmundjet e mishrave të dhëmbëve, diabeti i tipit 2, humbja e dëgjimit dhe shikimit, si dhe sëmundjet kronike të mëlçisë

Studiuesit nga Universiteti Sun Yat-sen analizuan të dhëna nga mbi 200 studime, duke identifikuar 16 sëmundje periferike që rrisin rrezikun për zhvillimin e demencës

Sipas studimit, këto sëmundje lidhen me rreth 18.8 milionë raste të demencës në nivel global, duke theksuar rëndësinë e parandalimit dhe trajtimit të hershëm të sëmundjeve kronike për uljen e rrezikut të demencës.

Shën Valentini është momenti ideal për të eksperimentuar me stilin dhe për të sjellë në veshje më shumë ngjyra, detaje romantike dhe aksesorë që flasin për dashurinë. Këtë sezon, kombinimet që po dominojnë portalet e modës dhe rrjetet sociale përfshijnë një miks perfekt mes elegancës, finesës dhe guximit.

Ngjyrat klasike si e kuqja, rozë pastel dhe bordo mbeten zgjedhjet kryesore, por këtë vit ato vijnë të kombinuara edhe me nuanca neutrale për një pamje më moderne. Dantella është rikthyer fuqishëm – qoftë në fustane, bluza apo detaje delikate – duke i dhënë veshjes një ndjesi romantike dhe femërore.

Aksesorët me motive zemrash janë detaji që nuk duhet të mungojë: vathë, çanta të vogla, varëse apo edhe rripa, të cilët e plotësojnë look-un pa e tepruar. Qoftë për një darkë romantike, një dalje me shoqërinë apo thjesht për të festuar dashurinë për veten, këto kombinime janë ideale për ta bërë Shën Valentinin edhe më të veçantë.

Moda këtë vit na fton të guxojmë, të luajmë me teksturat dhe të shprehim ndjenjat tona përmes stilit – sepse dashuria shihet edhe në detaje.

Tretja është mënyra se si trupi e kthen ushqimin në karburant. Mesatarisht, ky proces zgjat nga 24 deri në 72 orë, por koha që i nevojitet organizmit për të tretur ushqimin varet nga ajo që konsumoni, sasia e ushqimit, tretja individuale, metabolizmi dhe aktiviteti fizik.

Sigurisht që, në varësi të ushqimit që konsumojmë, ndikohet edhe kohëzgjatja e procesit të tretjes.

Nëse konsumoni produkte mishi, sistemit tuaj tretës do t’i nevojiten nga një deri në tri ditë për ta tretur plotësisht atë. Kjo lidhet me faktin se mishi përmban proteina të përbëra nga aminoacide, të cilat kërkojnë më shumë kohë për t’u shpërbërë.

Kur flasim për produktet e bulmetit, si qumështi, kosi, djathi apo gjiza, trupi arrin t’i tresë ato në rreth 30 minuta deri në dy orë. Enzimat në stomak i ndajnë yndyrnat dhe proteinat e këtyre produkteve në molekula më të vogla, ndërsa procesi i tretjes vazhdon më pas edhe në zorrë.

Perimet dhe frutat, nga ana tjetër, kërkojnë më pak se një ditë për t’u tretur. Për perimet me përmbajtje të lartë niseshteje, si misri dhe patatet, sistemit tretës i duhet pak më shumë kohë sesa për perimet me përqindje të lartë uji. Ndërkohë, perimet e gatuara treten edhe më shpejt, pasi gatimi ndikon në përshpejtimin e shpërbërjes së fibrave dhe e ndihmon sistemin tretës t’i përpunojë ato më lehtë.

Zakonisht, mjekët sugjerojnë që të rinjtë të konsumojnë sa më shumë fruta dhe perime të freskëta, ndërsa të moshuarit preferohet t’i konsumojnë ato të gatuara në avull apo në furrë, për të lehtësuar tretjen.

Një grup tjetër i madh ushqimesh janë karbohidratet, të cilat përfshijnë drithërat, biskotat, bukën, makaronat, orizin dhe shumë produkte të tjera. Ky grup ushqimor tretet nga trupi në 15 minuta deri në tri orë, në varësi të llojit të drithërave që përmbajnë. Produktet me drithëra të plota, të njohura si produkte integrale, kanë më shumë fibra dhe për këtë arsye kërkojnë më shumë kohë për t’u tretur.

Francesco Carones, okulist dhe drejtor mjekësor si edhe CEO i Carones Vision në Milano, në Adnkronos zbulon se teknologjia ka një ndikim të rëndësishëm tek sytë:

“Aktiviteti i zgjatur nga afër është në gjendje të favorizojë zhvillimin dhe përkeqësimin e miopisë. Dhe e njëjta gjë ndodh në rast të mungesës së aktiviteteve në natyrë: kjo është arsyeja pse rekomandimi për shumë të rinj është që të alternojnë aktivitete nga afër dhe të tjera nga larg, sa më shumë që të jetë e mundur në natyrë”, shpjegon ai.

Higjena e syve

Lentet e menduara për dritën blu nuk funksionojnë. Ne duhet të miratojmë rregulla për higjenën e mirë dhe të saktë të syve.

Lubrifikimi i syve edhe nëse nuk ndiejmë nevojën. Lotët artificiale duhet të aplikohen në mëngjes dhe në mbrëmje.

Nëse përdorni kompjuterin më shumë se 4 orë në ditë, është më mirë të përdorni lentet blu anti-rrezatuese, por edhe shumë pushime, duke parë herë pas here jashtë.

Le të kujtojmë që të rrahim qepallat më shpesh, gjë që pothuajse kurrë nuk e bëjmë para një PC. Vetëm kështu mund t’i lubrifikojmë si duhet sytë.

Kontrollet e syve

Mos harroni të bëni më shumë kontrolle: ato kërkohen për moshat 3, 6, 12 dhe 18 vjeç. Pastaj çdo 4-5 vjet. Dhe pas moshës 45 vjeç, çdo 2 vjet.

Zbuloni cilët qen janë më të përshtatshëm për persona alergjikë, familje me fëmijë dhe ata që duan pastërti pa kompromis

Dëshironi një mik katërputrosh që ta mbani në shtëpi apo banesë, por nuk doni të gjeni qime në çdo hap. Ndoshta jeni edhe alergjik ndaj qenve, prandaj ju nevojiten qen që nuk i bien qimet dhe nuk kanë erë, sepse kjo është e vetmja mënyrë për të pasur një kafshë shtëpiake. Këto raca janë zgjedhje shumë e mirë nëse shfaqni simptoma alergjie, nëse keni fëmijë dhe në përgjithësi nuk i pëlqeni qimet e qenve mbi mobilie.

Qentë me rrezik të ulët për alergji po bëhen gjithnjë e më të popullarizuar, sepse alergjia ndaj qenve është një problem gjithnjë e më i shpeshtë. Megjithatë, ajo që duhet ditur është se asnjë qen nuk është 100% pa rrezik alergjik, sepse alergjia nuk shkaktohet nga qimet e qenit, por nga një proteinë që gjendet në sekrecionet e tij, pështymë, zbokth, urinë… Meqë qentë e lëpijnë veten, proteina Can f 1 kalon edhe në qime.

Disa raca prodhojnë më pak nga kjo proteinë, nuk i hedhin qimet dhe, si rrjedhojë, e përhapin atë më pak në ambient. Ja cilat janë këto raca qensh, transmeton Telegrafi.

Terieri tibetian – qen që nuk i bien qimet

Terierët tibetianë janë dëshmi se një qen që nuk i hedhin qimet nuk duhet të jetë domosdoshmërisht pa qime. Këta janë qen që nuk i bien qimet, por kjo nuk do të thotë se nuk kanë nevojë për krehje.

Ata kanë qime të gjata dhe të dendura, të cilat ngatërrohen lehtë nëse neglizhohet krehja dhe prerja. Arrijnë deri në 40 centimetra lartësi dhe pesha normale në moshë të rritur është rreth 18 kilogramë.

Konsiderohen si qen shumë të bindur, me karakter të mirë dhe janë të shkëlqyer për familje me fëmijë të vegjël. Shkurt, janë qen idealë familjarë. Gjithashtu, janë edhe qen shumë të mirë roje, ndonëse kjo nuk do të mendohej në pamje të parë.

Edhe pse bëhet fjalë për një terier, pothuajse nuk ndan tiparet tipike të kësaj race. Nuk do të vrapojë i tërbuar pas brejtësve, por më tepër do të përkëdhelet me të huajt, sepse e adhuron vëmendjen.

Pudla – e vogël dhe standarde

Ekzistojnë disa madhësi të pudlës: pudla e vogël (lodër), pudla xhuxhe, pudla e mesme dhe pudla e madhe. Pudlat lodër rriten deri në 28 cm, pudlat xhuxhe deri në 35 cm, të mesmet deri në 45 cm, ndërsa të mëdhatë arrijnë deri në 60 cm.

Pudla është një nga racat më të njohura të qenve, të cilën e dallojnë lehtë edhe ata që nuk dinë shumë për qentë. Ka qime karakteristike kaçurrela, të cilat, besoni apo jo, nuk bien.

Për çdo pudël, krehja e rregullt është jashtëzakonisht e rëndësishme, sepse qimet e saj nuk bien vetvetiu kur arrijnë një gjatësi të caktuar. Pudla duhet krehur çdo ditë dhe çuar për prerje çdo tre javë. Është e vërtetë që kërkon kujdes të vazhdueshëm për qimet, por nëse respektohen rregullat e mirëmbajtjes, nuk do të keni asnjë problem.
Nga natyra nuk i bien qimet, bën pjesë në qentë me rrezik të ulët për alergji dhe mund të mbahet në apartament edhe nga persona me alergji të theksuar. Problemi kryesor te pudlat është se qimet u ngatërrohen nëse nuk mirëmbahen.

Gjithashtu, kanë prirje gjenetike për probleme me sistemin tretës, ndaj duhet treguar kujdes i veçantë. Mund të kenë vështirësi me kapsllëkun, prandaj nuk rekomandohet ushqimi me kocka, por me ushqim të thatë cilësor, perime dhe mish pule të zier. Në këto kushte, konsiderohen qen mjaft të shëndetshëm, që mund të jetojnë deri në 15 vjet, madje edhe më gjatë.

Terieri i bardhë skocez

Qentë që nuk i bien qimet dhe nuk kanë erë nuk do të thotë se nuk kanë qime. Terieri i bardhë skocez është racë që e dëshmon këtë. Është një qen me rrezik të ulët për alergji, që i përshtatet më së miri familjeve aktive me fëmijë të moshës shkollore.

Ka instinkt të zhvilluar gjuetie, i pëlqen loja dhe vrapimi, ndaj rekomandohet për persona me stil jetese aktiv. Nuk këshillohet për ata që kërkojnë vetëm një qen për përkëdhelje.

Terieri i bardhë skocez ka qime dhe nënqime. Nënqimet janë të buta dhe të shkurtra, ndërsa qimet mbi to janë më të gjata dhe kërkojnë krehje të rregullt për të mos u ngatërruar.
Arrin deri në 30 centimetra lartësi dhe pesha maksimale e shëndetshme është rreth 10 kilogramë për meshkujt; femrat janë më të vogla, deri në 28 centimetra dhe rreth 7 kilogramë peshë.

Si çdo terier, është kokëfortë dhe kërkon durim në edukim. Megjithatë, shumë varet edhe nga karakteri individual i qenit. Është kafshë shtëpiake shumë e mirë për adhuruesit e qenve të vegjël: jo shumë e zhurmshme, aktive, e gëzueshme dhe dashamirëse.

Qentë që nuk i bien qimet dhe nuk kanë erë – Dachshund

Dachshund janë racë shumë e njohur, me trup të gjatë, veshë të varur dhe këmbë të shkurtra. Janë të popullarizuar për pamjen e tyre karakteristike, por një fakt më pak i njohur është se janë qen që nuk i bien qimet dhe nuk kanë erë, prandaj janë shumë të përshtatshëm për jetesë në apartament.

Ekzistojnë dachshund me qime të shkurtra, të ashpra dhe të gjata. Ata me qime të gjata nuk rekomandohen shumë për persona alergjikë; nëse dëshironi këtë racë, zgjedhja më e mirë janë ata me qime të shkurtra ose të ashpra.

Cilindo variant të zgjidhni, nuk do të pendoheni. Janë qen me natyrë të mirë, që duan përkëdheljen, shëtitjet dhe gërmimin. Dikur janë përdorur për gjueti mbi dhe nën tokë.

Janë shumë të lidhur me pronarët, madje shpesh janë edhe qen të mirë roje, ndonëse kjo nuk pritet nga madhësia e tyre. Nuk janë shumë të besueshëm ndaj të huajve dhe, për fat të keq, nuk shkojnë gjithmonë mirë me fëmijë shumë të vegjël, ndaj nuk janë zgjedhja më e mirë për familje.

Bichoni kaçurrel – kaçurrel, por nuk i bien qimet

Bichoni kaçurrel është një qen jashtëzakonisht i përshtatshëm, që mund të adaptohet pothuajse në çdo mjedis. Është ideal për jetesë në apartament, përshtatet me stilin e jetesës së pronarit dhe nuk është shumë kërkues në këtë drejtim. Megjithatë, ka nevojë për aktivitet të rregullt dhe krehje.

Këta janë qen që nuk i bien qimet dhe janë shumë të përshtatshëm për apartament; vetëm herë pas here mund të shihni ndonjë qime të tyre në mobilie. Duhet krehur rregullisht, që kaçurrelat e bukura të mos ngatërrohen dhe të mbeten të buta e me shkëlqim. Pas çdo shëtitjeje, duhet t’u lahen putrat, gjë që vlen për çdo qen. Rekomandohet larje e plotë dy herë në muaj dhe prerje një herë në muaj.

Bichonët kanë sy të ndjeshëm, ndaj duhet pastruar rregullisht për të shmangur infeksionet. Po ashtu, rekomandohet prerja e qimeve rreth syve, sepse ato priren të rriten drejt syrit.

Këta qen nuk i bien qimet, por kjo nuk do të thotë se nuk kërkojnë shumë kujdes. Janë kërkues për nga mirëmbajtja, por në këmbim ofrojnë dashuri të pakushtëzuar.