Category: Lajme

Deputetja e Lëvizjes Vetëvendosje, Albulena Haxhiu, pas ndërprerjes së seancës konstituive të Kuvendit të Kosovës, akuzoi opozitën për obstruksion politik, duke thënë se qëllimi i saj nuk është Lista Serbe, por pengimi i Lëvizjes Vetëvendosje dhe liderit të saj, Albin Kurti, raporton ATV.

Ajo tha se grupi parlamentar i Vetëvendosjes ishte i gatshëm të kryente betimin dhe të vazhdonte me zgjedhjen e kryetarit të Kuvendit, por opozita refuzoi miratimin e raportit të Komisionit për verifikimin e mandateve.

“Opozita nuk e votoi raportin e Komisionit për verifikimin e kuorumit dhe mandateve, ndonëse gjithçka ishte në përputhje me Kushtetutën dhe legjislacionin në fuqi. Asnjë fjalë nuk u tha kundër Listës Serbe, por këta e kanë hall Vetëvendosjen dhe Albin Kurtin”, tha Haxhiu.

Sipas saj, gjithë materiali i prezantuar në komision ka qenë në përputhje me certifikimin zyrtar të zgjedhjeve, por opozita synon të vonojë procesin e konstituimit të Kuvendit.

“Ne si kabinet i kemi kryer të gjitha obligimet ligjore dhe kushtetuese, por këta nuk ishin të interesuar ta konstituojnë Kuvendin. Tani, siç tha kryesuesi Dehari, do të njoftohet Presidentja dhe presim hapat e mëtejmë”, shtoi Haxhiu. /atvlive.tv

Deklaratën e plotë të Albulena Haxhiut pas ndërprerjes së seancës konstituive, e gjeni në videon më poshtë:

Ish-Avokati i Popullit, Hilmi Jashari, në STUDIO E HAPUR në ATV, sqaroi dispozitat kushtetuese që përcaktojnë se kur fillon dhe kur mund të përfundojë mandati i deputetëve të Kuvendit të Kosovës.

Ai tha se Kushtetuta e përcakton qartë se mandati nis me certifikimin e rezultateve të zgjedhjeve, por ka paqartësi rreth momenteve kur ai bëhet i pavlefshëm.

“Zyrtarisht, dispozita kushtetuese që flet për këtë situatë është neni 70, paragrafi 2, ku thuhet që mandati i deputetëve të Kuvendit të Kosovës fillon ditën e certifikimit të rezultateve të zgjedhjes”, tha Jashari.

Ai tha se, sipas Kushtetutës, një nga rastet kur mandati humbet është kur deputeti nuk e

“Dispozita tjetër thekson që mandati bëhet i pavlefshëm nëse deputeti nuk bën betimin. Kjo ka sjellë interpretime të ndryshme nga subjektet politike dhe individët, prandaj ka nevojë të qartësohet nga Gjykata Kushtetuese”, u shpreh Jashari.

Deklaratën e plotë të Hilmi Jasharit në STUDIO E HAPUR, e gjeni në videon më poshtë:

Deputeti i Lëvizjes Vetëvendosje, Faton Peci, pas ndërprerjes së seancës konstituive të Kuvendit të Kosovës, deklaroi se koalicioni qeverisës tashmë e ka vendosur emrin për kryetar të Kuvendit, por ai do të bëhet publik vetëm pas verifikimit të mandateve.

Peci theksoi se pavarësisht dorëheqjeve nga postet ministrore, ministrat vazhdojnë detyrën për të mos krijuar boshllëk institucional.

“Në rast se do të verifikoheshin mandatet, ne e kemi pasë emrin për kryeparlamentar. Kurdo që vjen koha, e shpalosim edhe emrin e kryeparlamentarit. Të gjithë ministrat kanë ofruar dorëheqje, mirëpo unë kthehem në zyrën ku e kam të ministrit, sepse largimi nga zyrat do të krijonte mundësi për një hendek të madh institucional dhe mund të interpretohej deri në vepër penale, madje edhe tradhti kombëtare”, tha Peci.

Ai shtoi se shpallja e emrit për kryetar Kuvendi është në diskrecionin e koalicionit dhe do të bëhet vetëm kur të krijohen kushtet ligjore dhe kushtetuese.

“Emri i ri do të shpaloset në momentin kur të kemi të verifikuar mandatet dhe kur të krijohet hapësira kushtetuese dhe ligjore që të konstituojmë Kuvendin. Është çështje e diskrecionit të koalicionit të Vetëvendosjes, Guxo dhe Alternativa se kush është emri”, u shpreh Peci.

Deklaratën e plotë të Faton Pecit nga seanca e Kuvendit të Kosovës, e gjeni në videon më poshtë:

Kryetari i Aleancës për Ardhmërinë e Kosovës, Ramush Haradinaj dhe kryetari i Nismës Socialdemokrate, Fatmir Limaj, nuk janë parë të përshëndetën e as të bisedojnë me njëri-tjetrin në sallën e Kuvendit të Kosovës.

Haradinaj arriti përpara Limajt në kuvend dhe qëndronte në telefon, derisa ky i fundit pas nënshkrimit si deputet i Kuvendit të Kosovës, kaloi pranë Haradinajt, por që nuk u përshëndetën fare.

Haradinaj dhe Limaj hynë në koalicion për të garuar në zgjedhjet parlamentare të 9 shkurtit.

Ndërkaq, po raportohet për një marrëveshje të mundshme në mes të kryetarit të Lëvizjes Vetëvendosje, Albin Kurti dhe kryetarit të Nismës Social Demokrate, Fatmir Limaj për votimit e qeverisë së re. /KP/

Zëvendëspresidenti i SHBA-së, JD Vance, tha se ka mundësi të arrihet një marrëveshje tregtare me Mbretërinë e Bashkuar, duke shtuar se negociatat me qeverinë e Keir Starmer janë duke ecur mirë.

Pas shpalljes së tarifave të presidentit Trump më 2 prill, tregjet globale u tronditën, por tashmë janë duke u bërë përjashtime dhe tregjet kanë filluar të tregojnë shenja rikuperimi, shkruan BBC.

Vance tha se një marrëveshje SHBA-Mbretëri e Bashkuar është më e mundur për shkak të marrëdhënieve reciproke, duke përmendur se përkundër eksportit të lartë të Gjermanisë drejt SHBA-së, ky vend ka qenë më i vështirë për t’u hapur për eksportet amerikane.

Ai theksoi se administrata Trump është e angazhuar për një strategji afatgjatë për të ulur deficitin tregtar.

Vance gjithashtu shprehu një qëndrim pozitiv për Evropën dhe theksoi rëndësinë e forcimit të vetëmbrojtjes evropiane. Ai vuri në dukje se nuk është në interesin e asnjërës palë që Evropa të mbetet një vasal i sigurisë i SHBA-së.

Në lidhje me luftën në Ukrainë, Vance përsëriti qëndrimin e administratës se për të përfunduar luftën, duhet të kuptohen kufijtë strategjikë të të dyja palëve, duke theksuar se kjo nuk do të thotë mbështetje për pushtimin rus, por përpjekje për të kuptuar interesat e secilës palë.

Një aksident ndodhi mëngjesin e sotëm në Prishtinë.

Faqja “Vrojtuesit e lagjes” bëri të ditur se një kamion e ka goditur një muri, në rrugën “Azem Babiqi”, në lagjen Taslixhe.