Category: Lajme

Kryetari i Aleancës për Ardhmërinë e Kosovës, Ramush Haradinaj, tha se konstituimi i Kuvendit u bllokua nga vetë kryeministri në detyrë, Albin Kurti, duke thënë se ligji nuk lejon mbajtjen e postit të kryeministrit apo të ministrit “dhe të betohesh si deputet”.

Ai theksoi se nuk mund të ulesh në dy karrige njëkohësisht.

“Konstituimin e Kuvendit sot e ka bllokuar vetë Albin Kurti. Ligji e Kushtetuta e këtij shteti nuk lejojnë që të mbash edhe postin e Kryeministrit apo të Ministrit dhe të betohesh si deputet. Nuk mund të ulesh në dy karrige njëkohësisht. Ne nuk mund ta shkelim Kushtetutën dhe të veprojmë ndryshe, prandaj nuk e votuam raportin. Albin Kurti me ministrat e tij, nëse duan ta konstituojnë Kuvendin, le të tërhiqen ose nga postet ministrore, ose nga mandati i deputetit, e të mos i fajësojnë të tjerët për gabimet e veta”, shkroi kreu i AAK-së.

Seanca konstituive e Kuvendit të Kosovës është ndërprerë pas votimit të opozitës kundër raportit për verifikimin e mandateve të deputetëve si dhe abstenimit të Listës Serbe.

Arsyetimi i PDK-së, LDK-së dhe AAK-së, ishte se kryeministri në detyrë, Albin Kurti, dhe ministrat e tij nuk kanë dhënë dorëheqje nga funksionet ekzekutive para se të bëjnë betimin si deputetë, ndonëse një dokument i publikuar sot, tregon dorëheqjen e Kurtit dhe kabinetit të tij qeveritar.

Kryetari i PDK-së, Memli Krasniqi, tha se “nuk do të lejohet që legjislatura e re të nisë me shkelje të Kushtetutës”, duke akuzuar Vetëvendosjen për tentim të uzurpimit institucional.

“Zoti Kurti le të japë dorëheqje, është shumë e thjeshtë. Një letër mjafton që të lë funksionin e kryeministrit dhe të betohet si deputet, ashtu siç e kërkon ligji,” deklaroi Krasniqi.

Ndërsa, kryetari i Lidhjes Demokratike të Kosovës, Lumir Abdixhiku, pas ndërprerjes së seancës konstituive të Kuvendit të Kosovës, kritikoi ashpër partinë fituese, duke e akuzuar për veprim politik jokushtetues që po pengon formimin e institucioneve.

Ai tha se deputetët e Vetëvendosjes që ende ushtrojnë funksione në ekzekutiv nuk mund të jenë njëkohësisht edhe deputetë, duke e cilësuar këtë si shkelje të qartë kushtetuese.

“Në demokracinë parlamentare, ku partia fituese nuk respekton rregullin bazë kushtetues, që thotë se një i zgjedhur s’mund të jetë edhe kryeministër apo ministër, edhe deputet i Kuvendit të Kosovës… është shndërrim jokushtetues i cili bëhet si pjesë e një loje politike për të zvarritur sa më shumë formimin e institucioneve”, tha Abdixhiku.

Po ashtu, edhe kryetari i Aleancës për Ardhmërinë e Kosovës, Ramush Haradinaj, përmes një postimi në facebook, tha se konstituimi i Kuvendit u bllokua nga vetë kryeministri në detyrë, Albin Kurti, duke thënë se ligji nuk lejon mbajtjen e postit të kryeministrit apo të ministrit “dhe të betohesh si deputet”.

“Konstituimin e Kuvendit sot e ka bllokuar vetë Albin Kurti. Ligji e Kushtetuta e këtij shteti nuk lejojnë që të mbash edhe postin e Kryeministrit apo të Ministrit dhe të betohesh si deputet. Nuk mund të ulesh në dy karrige njëkohësisht. Ne nuk mund ta shkelim Kushtetutën dhe të veprojmë ndryshe, prandaj nuk e votuam raportin. Albin Kurti me ministrat e tij, nëse duan ta konstituojnë Kuvendin, le të tërhiqen ose nga postet ministrore, ose nga mandati i deputetit, e të mos i fajësojnë të tjerët për gabimet e veta”, ka shkraur kryetari i AAK-së, Ramush Haradinaj.

Por, dokumente zyrtare të siguruara nga televizioni ATV hedhin dritë mbi një praktikë të mëhershme institucionale, e cila zbatohej para miratimit të Ligjit për Qeverinë në vitin 2022. Në vitin 2014, ish-kryeministri Hashim Thaçi kishte ndjekur një qasje të ndryshme nga ajo që po kërkohet sot.

Më 17 korrik 2014, Thaçi bëri betimin si deputet i Kuvendit të Kosovës, duke kaluar formalisht në funksionin legjislativ. Megjithatë, në atë kohë, ai vazhdoi të ushtrojë funksionin e tij si kryeministër deri në zgjedhjen e qeverisë së re.

Katër muaj pas betimit si deputet, konkretisht më 19 nëntor 2014, Thaçi nënshkroi një vendim zyrtar në cilësinë e Kryeministrit të Kosovës. Vendimi Nr. 01/205 flet për miratimin e ekstrakteve të procesverbaleve nga mbledhjet e qeverisë (nr. 196–201), duke konfirmuar se ai ka vazhduar ushtrimin e funksioneve qeveritare ndonëse kishte kaluar në mandatin legjislativ.

Në vitin 2022, Kuvendi i Kosovës miratoi Ligjin Nr. 08/L-117 për Qeverinë, i cili rregullon në mënyrë më të qartë funksionimin e ekzekutivit dhe raportet e tij me Kuvendin. Ky ligj parashikon që, nëse një anëtar i Qeverisë zgjidhet deputet, ai duhet të japë dorëheqje nga posti qeveritar para ditës së certifikimit të rezultateve të zgjedhjeve (Neni 26, paragrafi 1).

Duke u bazuar në këtë dispozitë ligjore, partitë opozitare votuan kundër verifikimit të mandateve të deputetëve, me arsyetimin se kryeministri Kurti dhe kabineti i tij nuk kishin dhënë dorëheqje.

Megjithatë, Qeveria e Kosovës sot ka lëshuar një dokument zyrtar, në të cilin paraqitet dorëheqja e Kurtit dhe anëtarëve të kabinetit qeveritar, e cila rezulton të jetë e pranuar nga KQZ-ja me datë 27 mars 2025, pra para certifikimit të rezultateve, ashtu siç kërkohet me ligj.

Kujtojmë se Kuvendi, ditën e sotme ka ndërprerë seancën dhe ka paralajmëruar se do ta njoftojë Presidenten për situatën e krijuar.

Këshilltari për media në Presidencë, Bekim Kupina, i tha ATV-së se deri më tani nuk është pranuar asnjë letër zyrtare nga Kuvendi.

Në përputhje me nenin 26 të Ligjit për Qeverinë, dorëheqja e Kryeministrit dhe ministrave të tij para certifikimit të rezultateve është e vlefshme nga aspekti ligjor. Tani mbetet në dorën e institucioneve që ta zbatojnë këtë dispozitë në përputhje me afatet kushtetuese. /atvlive.tv

Edhe pse kryesuesi i seancës konstituive, Avni Dehari, paralajmëroi se Kuvendi do t’i drejtohet me letër Presidentes së Kosovës pas ndërprerjes së seancës, nga Presidenca konfirmohet se një njoftim i tillë nuk ka mbërritur ende.

Këshilltari për media në Presidencë, Bekim Kupina, i tha ATV-së se deri në këtë moment, Presidenca nuk ka pranuar asnjë letër zyrtare nga Kuvendi i Kosovës lidhur me situatën e krijuar.

“Deri më tani nuk ka arritur asnjë letër nga Kuvendi. Para përgjigjes duhet të vijë pyetja”, deklaroi Bekim Kupina, këshilltari për Media e presidentes së Kosovës, Vjosa Osmani.

Më herët gjatë seancës, Avni Dehari tha se për shkak të mosmiratimit të raportit të komisionit për verifikimin e mandateve, Kuvendi do ta njoftojë Presidenten për hapat e mëtejmë institucionalë. /atvlive.tv

Xhelal Sveçla ka njoftuar se është arrestuar personi që i sulmoi pjesëtarët e KFOR-it në Zveçan, disa prej të cilëve mbetën me pasoja të përjetshme.

“Asnjë kriminel e terrorist nuk do ta ndjejë lirinë për aq kohë sa ka cenuar rendin tonë kushtetues, punën e institucioneve tona, detyrën e zyrtarëve tanë e personelit ndërkombëtar”, ka shkruar Sveçla.

“Mbi ta do të veprohet pa asnjë kompromis siç presim që edhe drejtësia të veprojë në linjë të tillë. Republika jonë nuk ka qenë dhe nuk do të jetë kurrë zonë e rehatisë për kriminelë e terroristë”.

Në votimin e raportit të komisionit për verifikimin e mandatave, u pa faza e parë e marrëveshjes së VV-së me Fatmir Limajn.

Kjo pasi Limaj me dy deputetët e tij, e votuan këtë raport.

Kurse, opozita votoi kundër.

Në votim nuk morën pjesë Veton Berisha e Duda Balje.

Lexoni edhe:

Ndërpritet seanca konstituive e Kuvendit

Kryetari i Lidhjes Demokratike të Kosovës, Lumir Abdixhiku, pas ndërprerjes së seancës konstituive të Kuvendit të Kosovës, kritikoi ashpër partinë fituese, duke e akuzuar për veprim politik jokushtetues që po pengon formimin e institucioneve, raporton ATV.

Ai tha se deputetët e Vetëvendosjes që ende ushtrojnë funksione në ekzekutiv nuk mund të jenë njëkohësisht edhe deputetë, duke e cilësuar këtë si shkelje të qartë kushtetuese.

“Në demokracinë parlamentare, ku partia fituese nuk respekton rregullin bazë kushtetues, që thotë se një i zgjedhur s’mund të jetë edhe kryeministër apo ministër, edhe deputet i Kuvendit të Kosovës… është shndërrim jokushtetues i cili bëhet si pjesë e një loje politike për të zvarritur sa më shumë formimin e institucioneve”, tha Abdixhiku.

Ai tha se zgjidhja është e thjeshtë dhe e qartë: dorëheqje nga ekzekutivi dhe betim si deputetë.

“Të japin dorëheqje prej pozitave që i kanë, të ulen në ulëset e Kuvendit si deputetë të Republikës së Kosovës, të bëjnë betimin, dhe kështu nis formalisht konstituimi i Kuvendit”, u shpreh Abdixhiku. /atvlive.tv

Deputetja e zgjedhur e Lidhjes Demokratike të Kosovës, Hykmete Bajrami tha se letra e Albin Kurtit nuk është dorëheqje.

Kryetari i Lëvizjes Vetëvendosje dhe kryeministri në detyrë, Albin Kurti, përmes një letre drejtuar kryetarit në detyrë të Kuvendit, njoftoi për dorëheqjen e tij dhe të kabinetit qeveritar.

“E pamë letër dorëheqjen e deputetit Albin Kurti, kryeministrit në detyrë, e cila në fakt sipas nesh nuk është dorëheqje për shkak se i referohet një dorëheqjeje të dhënë me datën 27 mars të cilën ai thotë ‘deklaratë që e kam bërë në komisionin qëndro të zgjedhjeve’. Ne pyetëm përfaqësuesin tonë në KQZ dhe e kemi ditur edhe më herët që kryeministri dhe ministrat me 27 mars dhe para datës 27 mars nuk kanë dorëzuar asnjëherë dorëheqje dhe ky njoftim për të dhënë betimin i referohet një deklarate të dhënë në KQZ. Ajo çfarë kërkon rregullorja e Kuvendit, ligji dhe çfarë e kërkon Kushtetuta e Republikës së Kosovës është që ministrat të japin dorëheqje dhe mandej të vijnë të bëjnë betimin si deputet, kështu që derisa ka dorëheqje efektive që nënkupton që këta mund të kthehen në zyrat e tyre dhe të marrin vendime, ne do të votojmë kundër në këtë komision”, tha Bajrami.

Seanca e Kuvendit u ndërpre të martën pasi raporti i komisionit të përkohshëm për verifikimin e kuorumit dhe të mandateve të deputetëve të zgjedhur nuk kaloi.

Ishin 52 deputetë për, 46 kundër dhe 11 deputetë që abstenuan.

Partia Demokratike e Kosovës, Lidhja Demokratike e Kosovës dhe Aleanca për Ardhmërinë e Kosovës kanë votuar kundër raportit të komisionit të përkohshëm.

Ndërkaq, pro këtij raporti kanë votuar deputetët e Lëvizjes Vetëvendosje dhe te Nismës./kp

Kryetari i Partisë Demokratike të Kosovës, Memli Krasniqi, pas ndërprerjes së seancës konstituive të Kuvendit të Kosovës, akuzoi Lëvizjen Vetëvendosje për shkelje të ligjit dhe Kushtetutës, duke thënë se nuk do të lejohet që legjislatura e re të fillojë me parregullsi kushtetuese, raporton ATV.

Ai tha se Ligji për Qeverinë, i miratuar nga Vetëvendosje pa votat e opozitës, e ndalon që kryeministri dhe ministrat të betohen si deputetë pa dhënë më parë dorëheqje.

“Është e paprecedentë, sepse këta vetë e kanë miratu Ligjin për Qeverinë pa votat tona dhe në atë ligj e kanë shkruar që s’mundet kryeministri dhe ministrat me u betu si deputetë. Logjika e këtyre me shkelë Kushtetutën me çdo kusht është logjikë që s’duhet me kalu në Kuvendin e Kosovës”, tha Krasniqi.

Krasniqi kërkoi që Albin Kurti dhe ministrat të japin dorëheqje për të mundësuar betimin si deputetë, siç kanë vepruar edhe kryetarët e komunave pas zgjedhjeve.

“Zoti Kurti le të japë dorëheqje. Është shumë e thjeshtë. Kam me shkru një letër me thanë jap dorëheqje prej pozitës së kryeministrit, bashkë me ministrat, dhe pastaj mundet me ardhë me u betu si deputet. Kushtetuta e Kosovës e ka të qartë këtë”, u shpreh Krasniqi. /atvlive.tv

Deklaratën e plotë të Memli Krasniqit pas ndërprerjes së seancës në Kuvendin e Kosovës, e gjeni në videon më poshtë:

Deputeti i Lëvizjes Vetëvendosje, Artan Abrashi, pas ndërprerjes së seancës konstituive të Kuvendit të Kosovës, reagoi ashpër ndaj opozitës, duke thënë se përmes qëndrimeve të pabazuara ka penguar verifikimin e mandateve dhe ka futur vendin në një situatë të pasigurtë institucionale, raporton ATV.

Abrashi, në cilësinë e kryesuesit të Komisionit për verifikimin e mandateve, tha se ndonëse komisioni kishte karakter formal, veprimi i opozitës e ka shndërruar procesin në një krizë të panevojshme.

“Ishim dëshmitarë të një situate të paprecedentë. Ky komision, për kah funksioni, ka natyrë formale dhe ceremoniale, por si rezultat i qëndrimeve absurde të opozitës, është krijuar një situatë e mjegullt që mund të kategorizohet si krizë”, tha Abrashi.

Ai shtoi se pavarësisht njoftimit për dorëheqjen e kryeministrit dhe ministrave, opozita refuzoi të pranojë realitetin dhe bllokoi procesin me arsyetime të paqena.

“I njoftuam për dorëheqjen si akt formal. Kryeministri në emër të të gjithë ministrave ka njoftuar Kuvendin, por kjo nuk ishte e mjaftueshme për ta bindur opozitën. Një fjalë e urtë greke thotë se para fakteve edhe zotërat heshtin, por opozita e Kosovës nuk po bindet as para fakteve të pakundërshtueshme”, u shpreh Abrashi. /atvlive.tv

Deklaratën e plotë të Artan Abrashit nga Kuvendi i Kosovës, e gjeni në videon më poshtë: