ATV

Category: Lajme

  • Kurti në SHBA: Politikat e Kosovës, shembull i mbështetjes së qytetarëve në krizë

    Kurti në SHBA: Politikat e Kosovës, shembull i mbështetjes së qytetarëve në krizë

    Kryeministri në detyrë i Kosovës, Albin Kurti, ishte folës kryesor në diskutimin e organizuar nga Instituti Zolberg on Migration and Mobility në kuadër të universitetit The New School në SHBA, me temën: “Mbështetja e qytetarëve të thjeshtë në një krizë ekonomike globale: Çfarë mund të mësojë bota nga Kosova”.

    Kurti prezantoi qasjen e qeverisë së tij në përballjen me krizat globale, duke theksuar se Kosova ia ka dalë të ndihmojë qytetarët pa rritur taksat dhe pa shtuar borxhin publik.

    Ai foli për masat e marra kundër inflacionit, përfshirë rregullimin e çmimeve tavan për disa produkte, mbështetjen për fermerët, bizneset e vogla e të mesme, subvencionimin e energjisë, si dhe programet për punësim të të rinjve e bursa për studentët.

    “Është jetike që qeveritë të mbështesin qytetarët pa u zhytur në spiralen e rritjes së borxheve dhe pagesave me interes”, tha Kurti.

    Ai shtoi se politikat e qeverisë kanë pasur në fokus barazinë shoqërore, zhvillimin ekonomik, sundimin e ligjit dhe luftimin e korrupsionit.

  • Ministria e Mbrojtjes “mbetet” pa mobile, tenderi 138 mijë eurosh iu dha një kompanie të papërgjegjshme

    Ministria e Mbrojtjes “mbetet” pa mobile, tenderi 138 mijë eurosh iu dha një kompanie të papërgjegjshme

    Në Ministrinë e Mbrojtjes së fundmi ishte shfaqur nevoja për furnizim me mobile të reja dhe inventar.

    Andaj, ky institucion i ndau afro 138 mijë euro për tenderin përkatës.

    Ditë më vonë, fituese u zgjodh operatori ekonomik Mobelland, me ofertën më të ulët.

    Por, Ministrisë do t’i duhet edhe për një kohë të funksionojë me mobilet e vjetra.

    Tenderi për ato të rejat, përfundoi në Organin Shqyrtues të Prokurimit, pas ankesës së kompanisë Wood Corporation, e cila pretendon se operatori fitues nuk i plotësonte kriteret.

    Një ndër pretendimet kryesore të operatorit ekonomik ankues, është mungesa e specifikimeve për mobilet që do të vendosen në Ministri e FSK.

    Aktualisht, komisioni i gjykatës së tenderëve ende nuk ka marrë vendim në këtë rast. Por, nëse ankesa shpallet e pabazuar, operatori ekonomik ankues detyrohet t’i paguajë kompensim hiç më pak se 5000 euro.

  • Bastisje në qendrën korrektuese të Dubravës

    Bastisje në qendrën korrektuese të Dubravës

    Një bastisje e gjerë në Qendrën Korrektuese të Dubravës këtë të shtunë ka përfunduar me rezultat negativ,transmeton ATV.

    Gjatë kontrollit të të gjitha hapësirave, nga dhomat e të burgosurve deri te ambientet përcjellëse, Shërbimi Korrektues i Kosovës nuk gjeti asnjë send të kundërligjshëm,transmeton ATV.

    Ky aksion, kishte për qëllim parandalimin e veprimtarive të kundërligjshme dhe forcimin e sigurisë brenda këtij institucioni,transmeton ATV.

    “Gjatë operacionit janë kontrolluar të gjitha hapësirat e brendshme, përfshirë dhomat e të burgosurve, si dhe hapësirat e jashtme të institucionit, kuzhina, lavanderia, salla e sportit dhe ambientet tjera përcjellëse. Pas përfundimit të bastisjes, rezultoi se nuk u gjet asnjë send i kundërligjshëm, duke e bërë operacionin me rezultat negativ. thuhet në njoftim të SHKK-së”.

    Për ish-drejtorin e burgjeve, Emrush Thaçi, fakti që nuk u gjet asgjë e kundërligjshme është një sukses dhe një tregues i qartë i punës së mirë të stafit,transmeton ATV.

    “Mendoj qe kjo bastisje edhe pse e pamë qe ka rezultuar negative është në aspekt shume pozitiv për shkak se këto bastisje me përmasa te mëdha kur del edhe negative nënkupton se Shërbimi Korrektuesi Kosovës e bën punën e vet,tha Thaçi”.

    Por, ish-drejtori i burgjeve thekson se beteja kundër kontrabandës është e vazhdueshme, pasi tentativat për të futur sende të ndaluara, si telefona apo drogë, nuk ndalen asnjëherë,transmeton ATV.

    “Në të kaluarën ka pasur edhe raste të kapjes së oficerëve korrektues, të cilët kanë qenë në bashkëpunim, eventualisht, me persona që kanë futur kontrabandë brenda. Megjithatë, kontrabanduesit në këto raste janë familjarët ose personat që i vizitojnë të burgosurit, tentativë kanë të fusin telefona, drogë apo mjete të tjera. Njëkohësisht, mendoj se siguria në burgje është në nivel, gjithmonë duke pasur parasysh përmirësime, edhe pse gjithmonë ka vend për përmirësim,tha Thaçi”.

    Në aksion morën pjesë edhe zyrtarë korrektues nga institucione të tjera, si dhe njësiti special K9./ATV

  • Gjetja e eshtrave në bjeshkët e Strellcit, banorët hedhin dyshime mbi origjinën e tyre

    Gjetja e eshtrave në bjeshkët e Strellcit, banorët hedhin dyshime mbi origjinën e tyre

    Një varrezë e re e zbuluar në Bjeshkët e Strellcit ka sjellë një zhvillim në kërkimin e të pagjeturve, por njëkohësisht ka ngritur pikëpyetje të reja.

    Ndërsa Komisioni Qeveritar për Persona të Zhdukur ka njoftuar për gjetjen e mbetjeve mortore që dyshohet se u përkasin viktimave të luftës së fundit, banorët e zonës hedhin dyshime mbi këtë version.

    Përballë këtyre versioneve të kundërta, Kushtrim Gara nga Komisioni Qeveritar për Persona të Zhdukur shpjegon për ATV-në se për të konfirmuar përputhshmërinë e mbetjeve mortore me familjarët që kanë dorëzuar mostra referuese, kërkohet një rezultat i saktë shkencor.

    “Po flasim për një përputhshmëri prej 99.9% ose 99.95%, do të thotë se vetëm në raste të tilla mund të ketë konfirmim të përputhshmërisë” deklaroi për ATV-në Kushtrim Gara

    Megjithatë, ai sqaron se ka edhe përjashtime nga ky rregull i përputhshmërisë së lartë, të cilat kërkojnë procedura shtesë dhe një rishqyrtimi të hollësishëm nga ekspertët.

    “Mund të jenë raste specifike që pastaj duhet investim shtesë, po flas në kuptimin e mostrave shtesë referuese apo një rikthim në shqyrtimin e serishëm të mostrave” tha ai.

    Ndërkohë që ekspertët mjeko-ligjorë po punojnë për identifikimin e eshtrave të Strellcit, Kosova vazhdon t’i kërkojë Serbisë të hapë arkivat shtetërore, për të kuptuar vendndodhjen e afër 1,600 personave që ende mungojnë që nga përfundimi i luftës.

  • Shkumbin Demaliaj premton barazi sociale, demokraci dhe transparencë për Deçanin-

    Shkumbin Demaliaj premton barazi sociale, demokraci dhe transparencë për Deçanin-

    Shkumbin Demaliaj nga Iniciativa Demokracia premtoi se nëse zgjidhet kryetar i Deçanit, do të punoj për demokraci dhe transparencë në komunë.

    “Demokraci dhe transparencë, pjesëmarrje të qytetarëve, ekonomi dhe punësim”, tha ai.

    Po ashtu, ai premtoi investime në shëndetësi, infrastrukturë dhe sektore të tjera.

    Ndiqni debatin:

  • PDK në Deçan premton mbështetje për bujqësinë

    PDK në Deçan premton mbështetje për bujqësinë

    Kandidati i Partisë Demokratike të Kosovës për kryetar të Deçanit, Jetmir Prekalla, premtoi zhvillim të sektorit të bujqësisë në territorin e komunës.

    “Fermerëve të Deçanit nuk iu duhet vetëm nxitje për të zhvilluar dhe për të prodhuar por ju duhet edhe siguri e shitjes, që do të jetë njëra nga shtyllat kryesore dhe prioritet i imi si agronom”, deklaroi Prekalla.

    Ai po ashtu premtoi zhvillim në arsim dhe turizëm.

    Ndiqni debatin:

  • Kandidati i LVV-së për Deçan, premton zgjidhje të problemit të ujit

    Kandidati i LVV-së për Deçan, premton zgjidhje të problemit të ujit

    Kandidati i Lëvizjes Vetëvendosje për kryetar të Deçanit, Faton Selmanaj, premtoi zgjidhje të problemit të ujit, për qytetarët e komunës së Deçanit.

    “Zotimi im i parë është që brenda mandatit tim katër vjeqar, do ta zgjidhi një herë e përgjithmonë problemin e ujit të pijes”, tha ai.

    Ai premtoi edhe investime në infrastrukturë si dhe shëndetësi.

    Ndiqni debatin:

  • Natya Kuçi lëshon studion, arsyeja është mungesa e kryetarit aktual në debat

    Natya Kuçi lëshon studion, arsyeja është mungesa e kryetarit aktual në debat

    Kandidatja e Partisë Social Demokrate për kryetare të Deçanit, Natyra Kuçi, u tërhoq nga debati në ATV, në shenjë proteste për shkak të mungesës së kryetarit actual, Bashkim Ramosaj.

    “Unë nuk mund të vazhdojë debatin pa personin që na ka sjellur në këtë gjendje”, tha ajo.

    Ndiqni debatin:

  • LDK premton depolizitim të arsimit në Deçan

    LDK premton depolizitim të arsimit në Deçan

    Kandidati i Lidhjes Demokratike të Kosovës për kryetar të Deçanit, Jeton Mushkolaj, premtoi

    “Arsimi sot në Deçan është tmerrësisht i politizuar. Nuk ke drejtor shkolle që nuk është politik dhe më shumë është në zyrat e partisë në pushtet se në vendin e punës”, tha ai.

    Ai po ashtu premtoi edhe katër qerdhe dhe bursa për studentët.

    Ndiqni debatin:

  • Kandidatët e VV-së premtojnë përkrahje për fermerët dhe modernizim e qyteteve

    Kandidatët e VV-së premtojnë përkrahje për fermerët dhe modernizim e qyteteve

    Kandidati i LVV-së për Prishtinën, Hajrulla Çeku, përmes një video-mesazhi ka sfiduar publikisht kryetarin aktual Përparim Rama në një debat të hapur ballë për ballë, ku kërkon që platformat e tyre të krahasohen përballë qytetarëve.

    Në Gjilan, kryetari aktual Alban Hyseni ka shënuar një moment simbolik të fushatës duke vizituar një familje që për dekada kishte mbështetur LDK-në dhe tash e ka orientuar besimin te Lëvizja Vetëvendosje.

    Jeton Raka në Kaçanik vizitoi një fabrikë mobiliesh, duke premtuar përkrahje për bizneset që krijojnë vende pune dhe zhvillojnë ekonominë vendore.

    Kandidati për kryetar të Lipjanit, Ilir Qeriqi akuzoi qeverisjen aktuale për keqpërdorime në projektin e parkingut nëntokësor dhe kërkoi hetime për skandalin financiar.

    Shpejtim Bulliqi, që synon një mandat të dytë në Podujevë u zotua për mbështetje të artit dhe artistëve lokalë.

    Kandidati për Prizren, Artan Abrashi ka zhvilluar një maratonë takimesh. Ai u zotua për krijimin e një ambienti miqësor për startup-et dhe rritjen e përkrahjes për ndërmarrjet lokale.
    Qemajl Aliu, kryetar i Shtimes që kandidon për një mandat tjetër, prezantoi projekte në urbanizëm, infrastrukturë dhe planifikim hapësinor, që synojnë modernizimin e qytetit.

    Hamdi Bytyçi në Suharekë premtoi subvencionim për çdo litër qumështi, si përkrahje konkrete për fermerët dhe bujqësinë vendore.

    Arsim Ademi në Viti theksoi mbështetjen për fermat dhe zhvillimin e agrobiznesit, duke premtuar zgjerim të përkrahjes edhe në nivel komunal.