ATV

Category: Lajme

  • Kandidatët e PSD-së me fokus në turizëm, qytete të përballueshme dhe përfshirje qytetare

    Kandidatët e PSD-së me fokus në turizëm, qytete të përballueshme dhe përfshirje qytetare

    Në Kamenicë, kandidati për kryetar komune nga Partia Social Demokrate, Qëndron Kastrati, ka prezantuar një projekt të madh për zhvillimin e turizmit lokal. Ai synon që përmes këtij projekti, Kamenica të kthehet në një destinacion tërheqës për më shumë se 100 mijë vizitorë në vit.

    Në Deçan, kandidatja e PSD-së, Natyra Kuçi, u është drejtuar qytetarëve dhe veçanërisht mërgatës, duke i ftuar që të shfrytëzojnë të drejtën e votës.

    Në kryeqytet, kandidatja për kryetare të Prishtinës, Besa Shahini, po vazhdon fushatën me një qasje të drejtpërdrejtë që prek jetën e përditshme të qytetarëve duke ilustruar ndikimin e krizës ekonomike në buxhetin e familjeve.

  • Kandidatët e PDK-së zotohen për infrastrukturë dhe fuqizim të ekonomisë lokale

    Kandidatët e PDK-së zotohen për infrastrukturë dhe fuqizim të ekonomisë lokale

    Në agjendën e kandidatit të Partisë Demokratike të Kosovës për krytar të Prishtinës, Uran Ismaili për të shtunën, është dëgjimi i halleve të banorëve të lagjes Matiqan.

    Ismaili premtoi 400 ashensorë të rinjë në ndërtesat e kryeqytetit, për t’ua lehtësuar jetën, sidomos të moshuarve.

    Ai gjatë ditës edhe shpërndau gazetën e tij javore.

    Arian Tahiri i cili kandidon për krytar të Mitrovicës premtoi lagje më të mira në qytet dhe infrastrukturë më të mirë në fshatra.

    Ndërkohë Shaqir Totaj i PDK-së që synon edhe një mandat në krye të Prizrenit, gjatë ditës zhvilloi takime në disa biznese.

    Ai u zotua se do t’i mbështsë bizneset që operojnë në komunën e Prizrenit.

    Fuqizim të ekonomisë lokale premtoi edhe Agim Aliu, që sërisj garon për Ferizajn.

    Kandidatja e PDK-së për Pejën,Arta Vokshi Nallbani, shkroi se ndër prioritetet e saj nëse zgjidhet kryetare, do të jetë siguria publike.

    Ndërsa Ervin Shabani që garon për Gjakovën, gjatë mbrëmies takon grupe rë qytetarëve në tri lokacione.

    Kandidati i PDK-së për Drenasin, Petrit Hajdari, takoi të rinjtë e komunës.

    Kurse Ferit Idrizi që mëton edhe një herë Vushtrrinë, zhvilloi takime në bizeset lokale.

  • NISMA me premtime për inovacion në ditën e 15-të të fushatës

    NISMA me premtime për inovacion në ditën e 15-të të fushatës

    Kandidatja e NISMË-s Socialdemokrate për kryetare të Prizrenit, Albulena Balaj Halimaj, premtoi të shtunën, inovacion për Prizrenin.

    Bazuar në programin e saj, komuna do të financojë idetë inovative që kanë studentët.

    Ndërkohë, Xhevahire Izmaku që synon të dalë e para në garën për Vushtrrinë, postoj një video me hapat praktikë për ta votuar atë.

    Këso postimi bëri edhe Shefki Salihu, që kandidon për kryetar të Obiliqit.

    Ekrem Hyseni që synon të bëhet edhe një herë kryetar i Malishevës, gjatë ditës përuroi  lapidarin e dëshmorit të kombit, Ilaz Javori, në 27-vjetorin e rënies së tij heroike.

    Ai publikoi edhe pamjet e fushatës që bëri në Lladroc.

  • Fushata zgjedhore e AAK-së, kandidatët zotohen për zhvillim ekonomik dhe shëndetësi për qytetarët

    Fushata zgjedhore e AAK-së, kandidatët zotohen për zhvillim ekonomik dhe shëndetësi për qytetarët

    Kandidati për kryetar të Komunës së Vitisë nga radhët e Aleancës për Ardhmërinë e Kosovës,, Labinot Bislimi, i shoqëruar nga Ramush Haradinaj, premtoi transformimin e qytetit përmes funksionalizimit të liqeneve për ujë të pijshëm, reformave në arsim, investimeve në infrastrukturë dhe menaxhimit të mbeturinave përmes riciklimit.

    Në Prishtinë, kandidati Bekë Berisha u zotua për ndërtimin e pesë fabrikave, krijimin e një zone industriale në Kodrën e Trimave, modernizimin e tregjeve dhe rivitalizimin e Pallatit të Rinisë.

    Në ditën e 15-të të fushatës, kryetari aktual, Bashkim Ramosaj, kandidat për një mandat të ri në Deçan, ka pranuar titullin “Mirënjohja e Tropojës” nga Kryetari i Bashkisë së Tropojës, Rexhë Byberi. Ramosaj këtë çmim një nder të veçantë dhe një përgjegjësi për të forcuar më tej lidhjet vëllazërore ndërmjet dy komunave.

    Ali Krasniqi, kandidat për kryetar të Obiliqit, theksoi nevojën për përmirësim të cilësisë së ujit dhe shërbime më të mira shëndetësore, duke thënë se shëndeti duhet të jetë e drejtë dhe jo luks.

    Smajl Latifi në Rahovec, që kërkon një mandat të ri, po zhvillon takime të drejtpërdrejta me qytetarët, duke premtuar vazhdim të projekteve për bujqësinë dhe përmirësimin e jetës në komunitet.

    Në Pejë, kandidati Ali Berisha premtoi investime në ujësjellës, kanalizim dhe ofrim të barabartë të shërbimeve për të gjitha familjet, me qytetarin në qendër të qeverisjes lokale.

  • Borussia Dortmund mban hapin me Bayernin,mposhtë Mainzin në udhëtim

    Borussia Dortmund shënoi fitoren e rradhës në Bundesligë kundër Mainzit me rezultat 2:0,duke mbajtur hapin me Bayernin në renditjen tabelare.

    Pjesa e parë u karakterizua me dominim të mysafirëve të cilët shënuan përmes Daniel Svensson në 1:0 në minutën e 27-të ,teksa Karim Adeyemi dyfishoi epërsinë në 2;0 pesë minuta para fundit të 45 minutave të parë.

    Në pjesën e dytë u zhvillua një lojë me raste të ndryshme nga të dyja ekipet,teksa Mainzi mbeti me një lojtar më pak në fushë pasi portieri Robin Zentner u ndëshkua me të kuq,dhe kështu ndeshja përfundoi me fitoren e Dortmund-it.

    Borussia Dortmund gjendet në pozitën e dytë në tabelë me 13 pikë,dy më pak se Bayern Munich në pozitën e parë, kurse Mainz ka vetëm 4 pikë të grumbulluara.

  • Zbulohen dy lokacione ku grumbulloheshin mallra të kontrabanduara, kapen mbi 300 kg duhan

    Zbulohen dy lokacione ku grumbulloheshin mallra të kontrabanduara, kapen mbi 300 kg duhan

    Dy lokacione që shërbenin si pika grumbullimi të mallrave të kontrabanduara janë identifikuar në Ferizaj.

    Task Forca në kuadër të Drejtorisë Rajonale Kufitare Lindje, e përbërë nga Policia dhe Dogana, ka zhvilluar hetime për disa javë lidhur me këtë rast.

    Në lokacionin e parë janë zbuluar 100 kilogramë duhan i papërpunuar dhe 109 kilogramë duhan i përpunuar, ndërsa në lokacionin e dytë janë gjetur edhe 100 kilogramë duhan i papërpunuar.

    Malli i sekuestruar është dorëzuar në Doganën e Kosovës për procedurat e mëtejme ligjore.

    “Sipas vlerësimeve të para, të bazuara në çmimet e tregut, vlera e përgjithshme e mallrave të sekuestruara arrin shumën prej rreth 4,500 euro, ndërsa shmangiet nga detyrimet doganore dhe akciza llogariten të jenë rreth 15,000 euro.”, thuhet në njoftimin e Doganës.

  • Sulmet izraelite vrasin mbi 70 palestinezë në Rripin e Gazës

    Sulmet izraelite vrasin mbi 70 palestinezë në Rripin e Gazës

    Numri i viktimave nga sulmet izraelite në qytetin e Gazës dhe rrethinat e tij ka arritur në 77, ndërsa 265 persona të tjerë janë plagosur, ka njoftuar Ministria e Shëndetësisë e enklavës palestineze.

    Sipas të dhënave, që nga 7 tetori 2023, në operacionet ushtarake në enklavën palestineze janë vrarë 65,926 persona dhe mbi 167 mijë të tjerë janë plagosur.

    Më 16 shtator, kryeministri izraelit Benjamin Netanyahu njoftoi fillimin e një ofensive në qytetin e Gazës, me qëllim mposhtjen përfundimtare të lëvizjes palestineze Hamas.

    Para kësaj, ushtria izraelite kishte paralajmëruar vazhdimisht popullsinë lokale për nevojën e largimit nga zonat e luftimeve, duke përfshirë edhe shpërndarjen e fletëpalosjeve në qytet.

  • Siria lëshon fletarrestim për ish-presidentin Bashar al-Assad

    Siria lëshon fletarrestim për ish-presidentin Bashar al-Assad

    Një gjykatë siriane ka lëshuar një urdhër arresti në mungesë për ish-presidentin Bashar al-Assad për akuzat që lidhen me incidentet e vitit 2011 në Daraa.

    Gjykatësi hetues i Damaskut, Tawfiq al-Ali, i tha agjencisë së lajmeve Sana se urdhër-arresti përfshinte akuza për vrasje me paramendim, torturë që çoi në vdekje dhe privim nga liria.

    Vendimi i gjykatës hap derën për lëshimin e një urdhër-arresti përmes Interpolit dhe menaxhimin ndërkombëtar të çështjes.

    Vendimi erdhi pas një padie të ngritur nga familjarët e viktimave të Darës në lidhje me incidentet që ndodhën më 23 nëntor 2011.

  • “I doli para dhe e qëlloi”- Çfarë dihet nga vrasja e biznesmenit italian në Tepelenë

    “I doli para dhe e qëlloi”- Çfarë dihet nga vrasja e biznesmenit italian në Tepelenë

    Një shtetas italian është gjetur i vrarë mëngjesin e së shtunës në fshatin Salari të Tepelenës. Viktima është Edoardo Sarchi, 44 vjeç, me origjinë nga Varese, administrator i fabrikës së tullave “Tegola Edilcentro” në zonën e Laprakës në Tiranë, ku banonte prej 20 vitesh.

    Ngjarja e rëndë ka ndodhur në vendin e quajtur Dilan, mes Nivicës dhe Salarisë, pak pas mesnatës. Sipas burimeve, Sarchi kishte shkuar për gjah së bashku me tre persona të tjerë, përfshirë ortakun e tij, Eqrem Braçe, dhe djalin e këtij të fundit, Gazment Braçe. Ata kanë udhëtuar drejt vendngjarjes me dy automjete, një Land Rover dhe një Volkswagen, të cilat u gjetën nga policia në vendin e ngjarjes.

    Sipas deklarimeve të Eqrem Braçes, një person i panjohur iu ka dalë përpara automjetit dhe ka qëlluar në drejtim të tyre. Braçe ka tentuar të japë ndihmën e parë viktimës dhe më pas ka njoftuar policinë. Autori dyshohet se është larguar në errësirë dhe nuk është identifikuar ende.

    Gazment Braçe, djali i ortakut, është shpallur në kërkim, pasi ndodhej në vendngjarje, por u largua para mbërritjes së policisë. Përveç tyre, një person tjetër është shoqëruar nga policia, identiteti i të cilit ende nuk dihet.

    Në terren janë angazhuar forcat e Policisë së Fierit dhe Vlorës, të cilat po kryejnë kontrolle të zgjeruara në zonë dhe në disa mjedise të dyshuara, me qëllim lokalizimin dhe ndalimin e autorit.

    Deri më tani nuk dihet se me çfarë arme është qëlluar, dhe do të jetë ekspertiza që do të përcaktojë nëse ka qëne qëlluar me armë gjahu apo lloj tjetër. Prej qershorit 2023, 44-vjeçari administronte fabrikën e tullave dhe tjegullave në zonën e Laprakës në Tiranë, ‘Tegola Edilcentro’. Para emërimit të tij, banorë të zonës kanë protestuar disa herë për ndotjen që shkaktonte fabrika e tullave. /euronewsalbania/

  • Zvicra mbulohet nga bora

    Zvicra mbulohet nga bora

    Vështirësi të mëdha janë shënuar sot në trafikun rrugor si pasojë e motit të lig. Në Bettmeralp të kantonit Wallis dhe në maloren First në Grindelwald të kantonit Bern, qytetarët u zgjuan me një peizazh të mbuluar nga bora.

    Sipas “Meteo Schweiz”, kufiri i borës luhatet mes 1800 dhe 2100 metrave, ndërsa në Alpet perëndimore dhe jugore ka rënë deri në 50 centimetra borë.

    Për shkak të reshjeve, kalimi i rrugës së Gotthardit është mbyllur në të dy drejtimet, ashtu si edhe rrugët Tiefenbach–Gletsch dhe Wassen–Meiringen, të cilat mbeten të pakalueshme.

    Ndërkohë që në male ka reshje bore, në zonat e ulëta të Zvicrës ka rënë shi. Parashikimet tregojnë se e diela do të jetë kryesisht e thatë, me temperatura që pritet të arrijnë deri në 18 gradë në disa zona.