Author: G.O.

Kryeministri i Kosovës, Albin Kurti, mbrëmë ka zhvilluar një bisedë telefonike me Këshilltarin e Lartë të Departamentit amerikan të Shtetit, Derek Chollet.

Në njoftimin e Zyrës së Kryeministrit bëhet e ditur se ata biseduan për për procesin e dialogut ndërmjet Kosovës dhe Serbisë, marrëveshjen dhe për takimin e së hënës në Bruksel.

Bëhet e ditur se ata folën edhe për situatën në katër komunat në veri të Kosovës pas zgjedhjeve të 23 prillit.

“Bisedën e filluan me vizitën e suksesshme në Kosovë të Administratores së USAID, Samantha Poëer, e cila bashkë me Kryeministrin Kurti dhe ministren Rizvanolli shpallën ankandin e parë për parkun me energji solare me kapacitet prej 100 MË. Në lidhje me këtë, këshilltari Chollet tha se ajo ishte ndarë me përshtypjet më të mira dhe e falënderoi kryeministrin për pritjen. Kryeministri u shpreh i nderuar dhe mirënjohës për vizitën e administratores Poëer dhe për mbështetjen e vazhdueshme të USAID-it dhe Shteteve të Bashkuara të Amerikës për Kosovën”.

“Ata biseduan edhe për procesin e dialogut ndërmjet Kosovës dhe Serbisë, me theks te zbatimi i plotë dhe i pakushtëzuar i Marrëveshjes Bazike, dhe për takimin e së hënës në Bruksel në nivel të kryenegociatorëve. Folën edhe për situatën në katër komunat në veri të Kosovës pas zgjedhjeve të 23 prillit dhe për finalizimin e procesit zgjedhor me rastin e mbajtjes së seancave konstitutive dhe betimit të kryetarëve të zgjedhur”, thuhet tutje në njoftim.

Prokurori i Shtetit ju njofton se gjatë 24 orëve të fundit nga prokuroritë themelore janë ngritur dyzetetetë (48) aktakuza kundër pesëdhjetetetë (58) personave, për kryerjen e veprave të ndryshme penale.

Po ashtu, me urdhër të Prokurorit të Shtetit janë ndaluar njëzetetre (23) persona, janë paraqitur dhjetë (10) kërkesa për caktimin e masës së paraburgimit ndaj tetëmbëdhjetë (18) personave, një (1) kërkesë për masën e arrestit shtëpiak ndaj një (1) personi dhe dy (2) kërkesa për sekuestrim të përkohshëm të sendeve.

Prokuroria Speciale e Republikës së Kosovës, gjatë 24 orëve të fundit ka ndaluar një (1) person, si dhe në dy raste të ndryshme të bastisjeve ka sekuestruar sende të cilat do të jenë të rëndësishme për procedurë të mëtutjeshme hetimore.

Prokuroria Themelore në Prishtinë, gjatë 24 orëve të fundit, me urdhër të prokurorit ka ndaluar pesë (5) persona, ka paraqitur katër (4) kërkesa për caktimin e masës së paraburgimit ndaj pesë (5) personave, një (1) kërkesë për masën e arrestit shtëpiak ndaj një (1) personi, si dhe ka ngritur tridhjetë (30) aktakuza kundër tridhjetegjashtë (36) personave për vepra të ndryshme penale.

Prokuroria Themelore në Prizren, gjatë 24 orëve të fundit, me urdhër të prokurorit ka ndaluar për 48 orë tre (3) persona të dyshuar, në dy raste të ndara, si dhe pranë gjykatës kompetente ka parashtruar dy (2) kërkesa për caktim të paraburgimit për dy (2) persona të dyshuar. Ndërsa, nga kjo prokurori janë ngritur shtatë (7) aktakuza kundër nëntë (9) personave, për vepra të ndryshme penale.

Prokuroria Themelore në Pejë, ka ndaluar tre (3) persona të dyshuar, ka bërë një (1) kërkesë për caktimin e masës se paraburgimit ndaj një (1) personi dhe ka ngritur katër (4) aktakuza, kundër pesë (5) personave.

Prokuroria Themelore në Gjilan, me urdhër të prokurorit, ka ndaluar një (1) person, në kohëzgjatje prej 48 orëve dhe ka ngritur një (1) aktakuzë kundër një (1) personi.

Prokuroria Themelore në Gjakovë, gjatë 24 orëve të fundit, me urdhër të prokurorit kujdestar, ka ndaluar një (1) person në kohëzgjatje prej 48 orësh.

Prokuroria Themelore në Mitrovicë, gjatë 24 orëve të fundit, ka paraqitur dy (2) kërkesa për caktimin e paraburgimit për gjashtë (6) persona, të dyshuar për vepra penale të ndryshme.

Prokuroria Themelore në Ferizaj, gjatë 24 orëve të fundit, ka ndaluar nëntë (9) persona në katër raste të ndara, ka parashtruar një (1) kërkesë për caktimin e masës së paraburgimit kundër katër (4) personave dhe ka ngritur gjashtë (6) aktakuza kundër shtatë (7) personave për vepra të ndryshme penale.

Në hapje të seancës gjyqësore në rastin kundër ish-krerëve të Ushtrisë Çlirimtare të Kosovës, mbrojtja e Hashim Thaçit, Gregory Kehoe, shprehu kundërshtimin për seancat të cilat po mbahen të mbyllura dhe kërkoi që procedurat të jenë të hapura për publikun.

Kehoe tha se duan që procedurat të mbahen hapura dhe të merret vesh e vërteta, derisa theksoi edhe shqetësime praktike në ndjekjen e metodave të përdorura nga Zyra e Prokurorit të Specializuar(ZPS).

“Siç e keni vënë re i kemi kundërshtuar të gjitha masat e përdorura nga ZPS për seanca të mbyllura, hapura e masa mbrojtëse. Por, dua të tërheqë vëmendjen se jo vetëm se kundërshtojmë sepse duam që procedurat të mbahen hapura të merret vesh e vërteta, por kemi edhe shqetësime praktike në ndjekjen e metodave të përdorura nga ZPS. Ata kanë mundësi të futen e të dalin sipas dëshirës apo fakteve individuale. Për ne mbrojtësit është shumë e vështirë që t’i bëjmë pyetjet tona kur të na vije radha duke kaluar sa tek njëra sa tek tjera. Kjo është një çështje shumë praktike. Unë ngrihem në emër të ekipit sepse edhe ne do të kemi dëshmitarë, kemi edhe dy dëshmitarë me masa të mëdha. Është një shqetësim praktik”, tha ai.

Kehoe po ashtu u shpreh se si pasojë e seancave të mbyllura që po mbahen për publikun kanë vështirësi edhe në parashtrim të pyetjeve.

“Është një shqetësim shumë real nga ana jonë si mbrojtje që publiku të kuptoj se për çfarë pyesim ne duke pas parasysh gjithë këto vështirësi, prandaj edhe kërkojmë të jemi në procedurë të hapura. Procedura është shumë e vështirë nga ana jonë sesa nga ana e prokurorisë është shqetësim praktik… janë edhe dy dëshmitarë në këtë bllok që kanë masa mbrojtëse të mëdha për të parë nëse janë absolutisht këto masa mbrojtëse apo bazohen në njëfarë shqetësimi që mund të ketë Prokuroria që kemi parë deri tani. ”, theksoi ai.

Ndërsa, prokurorja Deborah Mayer tha masat mbrojtëse për dëshmitarët janë marr me kërkesë të ZPS-së dhe sipas saj për shkak të frikësimit të dëshmitarëve.

“Ka disa shqetësime siç e dini dhe e them masat mbrojtëse janë marr në bazë të kërkesave tona të marra nga trupi gjykues ku I kemi vënë në dukje arsyet dhe u kemi marr mendimet. Shqetësimet kryesore nuk vijnë nga ne por nga frika, frikësimi i dëshmitarëve të cilat nuk e kontrollojmë dot ne si Prokurori, pra po të kishim mundësi t’i parandalonim do t’i bënim. Përveç një dëshmitari të gjithë dëshmitarët kanë dëshmuar disa pjesë publikisht. Ka pasur edhe raste kur ZPS ka kërkuar të kalojmë në seancë publike dhe mbrojtja ka thënë se nuk është e përgatitur ta bëjë këtë“, theksoi ajo.

Më pas mbrojtja e Thaçit reagoi duke thënë se ata e kanë kundërshtuar mbajtjen e seanca të mbyllura.

“Është vetëm nga ana juaj ne e kemi kundërshtuar, ne kemi kundërshtuar, kemi vite që të kundërshtojmë. E di cila është ideja bazë pra ne nuk pajtohemi me atë qëndrim, dhe duam t’i zhvillojmë në seancë të hapur”, tha ai.

E kryegjykatësi, Charles L. Smith u shpreh se nuk po fajësojnë askënd por duan metoda praktike për tu mbajtur seancat e hapura.

“Ne nuk po fajësojmë asnjërin prej juve ne duam që ju vetë të dilni me metoda praktika, nuk ka nevojë për komente nëse se bëni dot do ta bëjmë ne si trup gjykues, por ne po ua kërkojmë ju sepse mendojmë se do të jetë një zgjidhje më e mirë“, tha ai.

Në anën tjetër, mbrojtësi i viktimave gjatë kësaj seance tha se është e gabuar që të krijohet përshtypja që ZPS i ka përdorur seancat private për arsye se nuk janë mirë të bazuara.

“Do të ishte shumë e gabuar që njeriu të krijoj përshtypje që ZPS i ka përdorur seancat private për arsye se nuk janë të mirë bazuara. Siç e dinë të gjithë ka një klimë reale frikësimi nga ana e viktimave për të cilat janë masa mbrojtëse”, tha ai.

Pas kësaj, po vazhdon intervistimi i dëshmitarit të pestë të Prokurorisë, nën masa mbrojtëse.

Në rastin ndaj Hashim Thaçit, Kadri Veselit, Jakup Krasniqit e Rexhep Selimit, deri tani kanë përfunduar dëshmitë e katër dëshmitarëve të prokurorisë.

Dëshmia e tyre nuk është bërë e ditur për publikun dhe të njëjtit kanë dëshmuar nën masa mbrojtëse.

Ish-krerët e UÇK-së, për të cilët prokuroria pretendon se kanë kryer krime lufte, po gjykohen pas një procedure paraprake që ka zgjatur më shumë se dy vjet.

Gjatë krejt kësaj kohe, ish-presidenti Thaçi, ish-kryeparlamentarët Krasniqi dhe Veseli, si dhe ish-deputeti Selimi, po qëndrojnë në paraburgim në Hagë, ndërsa në paraqitjet e tyre para gjykatës ata janë deklaruar të pafajshëm.

Në raportin policor bëhet e ditur një rast në Mitrovicë të Jugut ku nënë e bijë janë përleshur fizikisht.

Rasti ka ndodhur të mërkurën në ora 16:24.

“Ankuesja femër shtetase e Shqipërisë ka raportuar se pas një mosmarrëveshje me nënën e saj, të dyshuarën femër shtetase e Shqipërisë janë përleshur fizikisht”, thuhet në raport.

Të dy palëve iu është ofruar tretman mjekësor. Në lidhje me rastin është konsultuar prokurori i shtetit i cili ka rekomanduar që rasti të procedohet në procedurë të rregullt.

Nga shtizat parahistorike te mumiet egjiptiane, nga skulpturat e lashta greke te armatura mesjetare, nga radioja e parë te avionët e përdorur në luftë; të gjitha mund t’i gjejmë në muze.

Sot, ka më shumë vizitorë në muze në të gjithë botën se kurrë më parë.

Gjatë ditëve të javës, muzetë janë shpesh vende të qeta ku mund të shkoni për të studiuar stilin e jetesës së paraardhësve tanë dhe për të menduar se çfarë i motivoi ata të sillen dhe të zhvillohen ashtu siç kanë qenë.

Këshilli Ndërkombëtar i Muzeve krijoi Ditën Ndërkombëtare të Muzeve më datën 18 Maj në vitin 1977.

Çdo vit në mbarë botën, për shënimin e kësaj dite organizohen aktivitete të ndryshme me qëllim të vetëdijesimit rreth rëndësisë së muzeve në zhvillimet shoqërore.

Organizata zgjedh një temë të ndryshme çdo vit, ku disa nga temat përfshijnë globalizimin, popujt indigjenë, tejkalimin e boshllëqeve kulturore dhe kujdesin për mjedisin.

Të gjitha muzetë në botë ftohen të marrin pjesë në këtë ditë për të promovuar rolin e muzeve në mbarë botën, e cila është bërë vazhdimisht më e popullarizuar që nga krijimi i saj, ku marrin pjesë 20,000 muze në mbi 90 vende.

Janë 10 shtylla të historisë dhe kulturës, si pika turistike që duhen vizituar gjatë jetës tuaj.

Luvri është një nga muzetë më të famshëm në botë. Shtëpia e disa prej veprave më ikonike të artit në histori, duke përfshirë Mona Lizën dhe Venus de Milo, Luvri është një gjë që duhet parë për çdo artdashës.

I vendosur në zemër të Parisit, Luvri është gjithashtu një nga muzetë më të mëdhenj në botë, me mbi 35,000 vepra arti të ekspozuara.

Muzeu Metropolitan i Artit është një nga muzetë më gjithëpërfshirës që ekzistojnë, me mbi dy milionë vepra arti që përfshijnë 5000 vjet të historisë njerëzore.

E vendosur në anën e sipërme lindore të qytetit të Nju Jorkut, Met është shtëpia e antikiteteve egjiptiane, pikturave impresioniste dhe gjithçka në mes.

Muzeu Britanik është një nga atraksionet turistike më të njohura të Londrës dhe është e lehtë të kuptohet pse.

Me mbi tetë milionë objekte nga e gjithë bota, Muzeu Britanik ka diçka për të gjithë.

Nga mumiet e lashta egjiptiane te armatura mesjetare te fotografitë e ditëve moderne, ka diçka në Muzeun Britanik që të gjithë mund ta shijojnë.

Muzetë e Vatikanit janë të vendosur në një nga vendet më të vogla në ekzistencë: Qytetin e Vatikanit.

Me mbi pesë milionë vizitorë çdo vit, Muzetë e Vatikanit janë ndër destinacionet turistike më të njohura në tokë, si Shtëpia e kryeveprave si Kapela Sistine e Mikelanxhelos dhe afresket e Darkës së Fundit të Leonardo da Vinçit.

Galeria Uffizi është një nga atraksionet turistike më të njohura të Italisë.

E vendosur në qendrën historike të Firences, Galeria Uffizi është shtëpia e disa prej veprave më ikonike të artit të Rilindjes italiane, duke përfshirë Lindjen e Venusit të Botticelli-t dhe Shpalljen e Leonardo da Vinçit.

Me mbi shtatë milionë vizitorë çdo vit, Galeria Uffizi është një gjë që duhet parë për këdo që është i interesuar për artin italian.

Galeria Kombëtare është një nga atraksionet kryesore turistike të Londrës dhe shtëpia e disa prej pikturave më ikonike të Britanisë.

Me mbi dy milionë vizitorë çdo vit, e vendosur në sheshin Trafalgar, Galeria Kombëtare është gjithashtu në distancë në këmbë nga disa monumente të tjera të Londrës, duke e bërë atë një shtesë të shkëlqyeshme për çdo itinerar turistik.

I vendosur në një ndërtesë madhështore të shekullit të 17-të, Rijksmuseum është shtëpia e rreth 8,000 objekteve, duke përfshirë pikturat e mjeshtrave holandezë Rembrandt dhe Vermeer.

Me mbi 2 milionë vizitorë çdo vit, Rijksmuseum është një nga atraksionet kryesore turistike të Amsterdamit dhe një gjë që duhet parë për këdo që është i interesuar në artin holandez.

Një nga atraksionet turistike më të njohura të Spanjës, Muzeu Prado është shtëpia e rreth 8,000 pikturave, skulpturave, tapicerive dhe veprave të tjera të artit.

Me mbi 3 milionë vizitorë çdo vit, Muzeu Prado është i domosdoshëm për këdo që është i interesuar në artin spanjoll.
Shtëpia e mbi 700,000 artefakteve dhe veprave arti kineze, Muzeu i Pallatit Kombëtar është një nga atraksionet kryesore turistike të Tajvanit, me mbi 4 milionë vizitorë çdo vit.

Një nga atraksionet kryesore turistike të Rusisë, Muzeu Hermitage është shtëpia e mbi 3 milionë veprave të artit të shpërndara në gjashtë ndërtesa.

Me mbi 6 milionë vizitorë çdo vit, Muzeu Hermitage është i domosdoshëm për këdo që është i interesuar në artin dhe historinë ruse.

Në botë ka edhe muze të tjerë të panumërt të mrekullueshëm, unikë dhe magjepsës në të gjithë botën që padyshim ia vlejnë kohën tuaj.