ATV

Author: G.O.

  • Si ta mbrojmë baterinë e telefonit nga të ftohtit

    Si ta mbrojmë baterinë e telefonit nga të ftohtit

    Pajisjet e vogla elektronike janë të ndjeshme ndaj temperaturës. Në veçanti, bateria mund të dëmtohet në të ftohtë.

    Për këtë arsye, duhet të mbroni telefonin në dimër nga të ftohtit, lagështia dhe luhatjet e forta të temperaturës.

    Bateritë me jone të litiumit funksionojnë më mirë në temperaturën e dhomës. Nëse temperatura është shumë e ulët, performanca e baterisë dobësohet.

    Tonet e litiumit lëvizin nga poli negativ në atë pozitiv përmes një lëngu ose kristali më elektrolite. Në temperatura të ulëta, ky lëng ose këo kristale kanë më pak mundësi përçuese dhe jonet lëvizin dukshëm më ngadalë .

    Rritja e rezistencës brenda baterisë shkurton jetëgjatësinë e baterisë. Në rast emergjence, furnizimi me energji elektrike ndalet plotësisht. Celulari fiket. Nëse kjo nuk ndodh shumë shpesh, telefoni juaj do të rigjenerohet në vapë. Nëse i ftohti shkakton një të ashtuquajtur shkarkim të thellë , bateria juaj do të pësojë dëme të pariparueshme. Në rast urgjence, është më mirë të fikni celularin.

    Ngarkimi gjithashtu funksionon dukshëm më ngadalë në temperatura shumë të ulëta . Në temperatura nën zero është edhe e dëmshme !

    I ftohti prek edhe ekranet LCD. Në të ka kristale të lëngëta që mund të ngrijnë edhe në temperatura nën zero. Ekrani reagon gjithnjë e më ngadalë ndaj shkrimit tuaj.
    Për të parandaluar dëmtimin e celularit në të ftohtë, duhet ta mbani të ngrohtë . Kjo funksionon më së miri me nxehtësinë e trupit tuaj.

    Pra, mos e vendosni celularin në çantën e dorës ose në xhepin e jashtëm – më i ngrohti është në xhepin e brendshëm të xhaketës.
    Duhet të jetë sa më afër trupit tuaj.

    Një gjë në veçanti ju ndihmon që të mos keni nevojë ta hiqni celularin nga xhepi i brendshëm i ngrohtë: një kufje e mirë ose kufje Bluetooth .
    Sa i përket baterisë, mënyra më e mirë është të aktivizoni modalitetin e kursimit të energjisë.
    Gjithashtu mbyllni aplikacionet që nuk jeni duke i përdorur dhe çaktivizoni si WiFi , Bluetooth dhe GPS .

    Telefonat nuk janë vetëm të ndjeshëm ndaj të ftohtit, por gjithashtu nuk e pëlqejnë lagështinë. Kjo është arsyeja pse ju duhet t’i mbroni mirë nga bora dhe shiu.

    Asnjëherë mos e lini telefonin tuaj në makinë në të ftohtë për një kohë të gjatë.

    Temperaturat e ulëta mund të shkaktojnë dëme të pariparueshme në bateri./atvlive.tv/

     

  • Gjelal Selimi flet për rrugëtimin dhe sfidat e pjesëtarit të Policisë së Kosovës

    Gjelal Selimi flet për rrugëtimin dhe sfidat e pjesëtarit të Policisë së Kosovës

    Veshja e uniformës së policisë së shtetit për Gjelal Selimin nuk është thjesht vetëm një copë tekstili, ai në këtë uniform mban me vete përgjegjësinë dhe dashurinë që ka për vendin e tij.

    Policia e një shteti krijon qetësinë e vepron për drejtësinë andaj edhe këto faktorë ishin nxitës që Gjelali ta donte edhe më shumë këtë rrugëtim.

    Por asnjëherë, vështirësitë dhe sfidat nuk kanë arritur t’ia shuajnë dëshirën e tij të madhe për t’i shërbyer vendit.

    Si polic trafiku nuk është e vetmja fushë të cilën e ka mbuluar Gjelal Selimi, sepse nga tereni ata janë zgjidhje për shumë probleme por shpesh edhe vet të ekspozuar para rreziqeve./atvlive.tv/

    Për më shumë ndiqni videon e mëposhtme:

     

  • Koreja e Jugut e miraton ligjin që e ndalon tregtinë e mishit të qenit

    Koreja e Jugut e miraton ligjin që e ndalon tregtinë e mishit të qenit

    Koreja e Jugut e ka kaluar një ligj të ri, i cili synon që deri në vitin 2027 ta ndalojë plotësisht prerjen dhe shitjen e qenve për mishin e tyre.

    Ky ligj ka për qëllim t’i japë fund traditës shekullore të ngrënies së mishit të qenit.

    Sipas ligjit të ri, ndalohet rritja apo therja e qenve për ngrënie, njëlloj siç nuk lejohet as shpërndarja apo shitja e mishit të tyre.

    Kushdo që shpallet fajtor për një vepër të tillë, mund të përfundojë në burg.

    Sondazhet e fundit kanë treguar se më shumë njerëz tani dëshirojnë që ai të ndalohet dhe shumica e jugkoreanëve nuk hanë më mish qeni.

    Megjithatë, sondazhet gjithashtu tregojnë se një në çdo tre jugkoreanë akoma e kundërshtojnë ndalimin e mishit të qenit, edhe pse nuk e hanë atë.

    Të martën, Parlamenti jugkorean e kaloi ligjin me 208 vota për dhe asnjë kundër.

    Qeveria e presidentit Yoon Suk Yeol e mbështet ndalimin e mishit të qenit, prandaj kalimi i ligjit ishte formalitet.

    “Ky ligj synon të ndihmojë në mbrojtjen e vlerave të të drejtave të kafshëve, të cilat nënkuptojnë respekt për jetën dhe një bashkëjetesë harmonike mes njerëzve dhe kafshëve”, thuhet në legjislacion.

    Ky ligj i ka zemëruar dhe nevrikosur shumë bujqit.

    “Kjo është një shkelje e qartë nga shteti, sepse ata po na e cenojnë lirinë e zgjedhjes së profesionit. Ne nuk mund të rrimë duarkryq”, tha Son Won Hak, bujk dhe lider i Shoqatës së Bujqve në Korenë e Jugut.

    Ai njoftoi se bujqit do të dërgojnë një peticion në Gjykatën Kushtetuese dhe do të protestojnë. Ata do të takohen të mërkurën për të biseduar për hapat e ardhshëm, shtoi ai./REL/

  • “Sulmet e mundshme nga Serbia”, Haziri: Kamuflim i krerëve për t’i mbuluar dështimet e brendshme

    “Sulmet e mundshme nga Serbia”, Haziri: Kamuflim i krerëve për t’i mbuluar dështimet e brendshme

    Nënkryetari i Lidhjes Demokratike të Kosovës (LDK), Lutfi Haziri, ka thënë për Ekonomia Online se deklaratat e krerëve të shtetit për sulm të ri nga Serbia është farsë për t’i mbuluar dështimet e brendshme që i ka Kosova, ndonëse e quan vend destabilizues në Ballkan.

    Në këtë intervistë, Haziri ka deklaruar se zanafilla në rastin e Banjskës e ka bojkotin e zyrtarëve serbe dhe protestat e dhunshme.

    I dyti i LDK-së, Lutfi Haziri, ka vlerësuar se deklaratat e Osmanit dhe të Kurtit janë pjesë e një përpjekjeje për manipulim dhe për të shpërndarë vëmendjen e publikut nga problemet e tjera, me të cilat po përballet vendi.

    “Përderisa nuk kemi marrëdhënie të normalizuara me Serbinë si i vetmi problem i hapur që Kosova e ka dhe problemi më i madh në Ballkanin perëndimor gjithmonë është një kërcënim destabilizues si burim që vjen prej Serbisë. Rasti i fshatit Banjska në Leposaviq që ka sponsor si Serbia që jo vetëm që mbështesin akte të tilla por edhe strehojnë, por Kosova gjithmonë ka bërë dallimin më e përpjek për paqe”, ka thënë Haziri.

    “Kur harxhohen mjetet tjera, kryengritjet kanë qenë legjitime por edhe të flasësh pas 24 viteve pas fitores së luftës së madhe çlirimtare edhe të rezistencës paqësore që e kemi pas përmes NATO-s këtë rast, për luftë është më shumë më kamuflua probleme të brendshme, është mbi fatkeqësitë që ka Mitrovica si komunë amë me krejt regjionin e vet deri në kufi me Serbinë, kjo më së shumti frikëson njerëzit në mërgim, investitorët e edhe bizneset sepse kur përmend çdo ditë luftë sikur ajo që thuhet se ‘çka i lutesh zotit mundet edhe me ta dhanë’”, u shpreh tutje Haziri.

    Haziri ka thënë se sulmi terrorist në Banjskë, zanafillën e ka nga bojkoti i zyrtarëve serb dhe nga protestat e dhunshme në fillim vitin e kaluar. Ai thotë se fillimisht, bashkësia ndërkombëtare i legjitimoi këto protesta por që më vonë rezultuan në dhunë.

    “Rebelimi, kryengritja duke krijuar rrethana të reja, kontrolle mbi territorin, kanë kopjuar diçka nga e kaluara e shqiptarëve të Kosovës, sepse nëse e kujtojmë ata kanë filluar me rezistenca paqësore protesta bllokim rrugësh, rezistencë që bashkësia ndërkombëtare filloi me i ‘legjitimua’, për shkak të kërkesave politike, bojkoti, ne nuk jemi larguar me 3 shtator kur kemi bërë protestë në atë kohë, e këta nuk mundën me e mbajte më shumë se 6 muaj, sepse rezistencë nga janari deri në gusht degjeneroi në dhunë, sulmuan KFOR-in, njësinë hungareze e tjerat e filluan me u radaikalizu dhe në shtator ndodhi ataku terrorist të cilët u zënë në kurth sepse u parandalua u eliminuan, sepse ata që shpëtuan janë në ndjekje disa në burg, disa në varr, e disa në ndjekje”, theksoi Haziri.

    “Ata që janë në ndjekje, Serbia po i strehon ende, ata vonohen por shpëtim nuk kanë sepse drejtësia mund të vonohet por nuk shpëton, ‘kërthiza’ e krejt është bojkoti, koncepti i rezistencës paqësore ë cilën u munduan ta eliminojnë për të fituar simpati ndërkombëtare më shumë e edhe shpresat e popullit e kjo eskaloi apo u demoralizua ai sulm edhe ai sulm u parandalua, u eliminua si kërcenim”, u shpreh Haziri.

  • Nga sot rinis punën Gjykata Speciale, pritet vendimi për Pjetër Shalën

    Nga sot rinis punën Gjykata Speciale, pritet vendimi për Pjetër Shalën

    Pas tri jave pushimi, në Dhomat e Specializuara në Hagë sot palët do të kthehen në sallat e gjykimit, për të rinisur punën e tyre.

    Sipas kalendarit të kësaj Gjykate, nga e marta e deri të premten, para trupit gjykues do të paraqitet Pjetër Shala, derisa javën tjetër gjykimi do të vazhdojë edhe për ish-krerët e UÇK-së Hashim Thaci, Kadri Veselin, Jakup Krasniqin e Rexhep Selimin.

    Këtë muaj, trupi gjykues do të mund të vendos rreth çështjes së Pjetër Shalës, i cili akuzohet për krimet lufte.

    Dhomat e Specializuara, kanë nisur pushimin dimëror më 18 dhjetor, derisa pas vdekjes së njërit nga avokatët e Kadri Veselit, mbrojtja kishte kërkuar kohë disa javë, për të zëvendësuar avokatin.

  • Teleferiku në parkun e Gërmisë ende jashtë funksionit, Zogaj: Jemi duke analizuar një projekt

    Teleferiku në parkun e Gërmisë ende jashtë funksionit, Zogaj: Jemi duke analizuar një projekt

    Është parku më i frekuentuar nga qytetarët. Gërmia, shtrihet në verilindje të Prishtinës me sipërfaqe prej 62 km2. 

    Por, një pjesë e këtij parku nuk mund të vizitohet për shkak të mungesës së një teleferiku, ndonëse janë të gjitha pajisjet për funksionalizimin e tij, teleferiku në parkun e Gërmisë tash e disa vjet është jashtë funksionit.

    Ideja për vendosjen e teleferikëve në një pjesë të Gërmisë ishte marrë qysh në vitin 1987. Këtë iniciativë e mori një grup i sportistëve që kishte për qëllim krijimin e një qendre të skijimit.

    Derisa pushteti aktual i Prishtinës nuk ka ndonjë plan konkret, nënkryetari i Komunës, Alban Zogaj, thotë janë duke e analizuar gjendjen. 

    “Na duhet një plan i detajuar për ski liftin e Parkut të Gërmisë, ndonëse ka zëra që e kundërshtojnë funksionalizimin e tij pasi sipas tyre e dëmton natyrën atje gjë që kanë të drejtë  dhe jemi duke e analizuar që të realizojmë për këtë vit një projekt për realizimin e këtij ski lifti.”, tha Zogaj. 

    Teleferiku në Gërmi ishte ndërtuar krahas ndërtimit të pishinës së Gërmisë, me vetëkontribut të punëtorëve të asaj kohe, të cilët i jepnin 2 për qind nga paga mujore. Derisa projekti nuk u realizua kurrë baza ka mbetur./atvlive.tv/

    Për më shumë ndiqni videon e mëposhtme:

    https://www.youtube.com/live/RO19hgFozrw?si=Y1tcAsjDcRhy9Sd6

  • Viti 2023, me shumë punë për Gjykatën Kushtetuese

    Viti 2023, me shumë punë për Gjykatën Kushtetuese

    Për fare pak projektligje, pati pajtim mes deputetëve të pushtetit e opozitës, këtë vit. Ndërkaq, ato të cilat merrnin votat kryesisht të deputetëve të pushtetit kundërshtoheshin nga opozita edhe në forma të tjera jashtë Kuvendit.

    Gjatë 2023-s, sirtarët e Gjykatës Kushtetuese u mbushën me disa projektligje, që u sollën për shqyrtim të kushtetutshmërisë së tyre nga opozitarët.

    Ligji për byronë shtetërore për verifikimin dhe konfiskimin e pasurisë së pajustifikueshme, ishte i pari që u dorëzua në Kushtetuese në fillim të vitit.

    Më pas në Kushtetuese përfundoi edhe Ligji për Pagën Minimale, derisa Ligji për pagat në sektorin publik u dërgua nga Avokati i Popullit, derisa për këtë Gjykata mori vendim më 26 dhjetor.

    Të jetë në kundërshtim me Kushtetutën u konsiderua nga ana e komunave edhe projektligji për faljen e 100 eurove nga tatimi në pronë për qytetarët. Ky projektligj ishte i vetmi ndaj të cilit Kushtetuesja u radhit në anën e Qeverisë, duke detyruar komunat të krijojnë lehtësime financiare për qytetarët, por duke e përcaktuar shumën vetë.

    Ndërkohë, brenda vitit, kolegji i Kushtetueses mori vendim edhe për Ligjin për Këshillin Prokurorial, atë për zyrtarë publikë, si dhe ligjin për masat e përkohshme për produktet themelore, që ishin në sirtarë që nga 2022-ta.

     Në gjysmën e dytë të vitit, në Gjykatë Kushtetuese u dërgua edhe Ligji për Këshillin e Pavarur Mbikëqyrës për Shërbimin Civil, ai për Investime të Qëndrueshme, derisa viti u përmbyll me dërgimin e Ligjit për Fondin Sovran. 

    Aktualisht janë 6 projektligje në procedurë të shqyrtimit në Kushtetuese, përfshirë Kodin e Procedurës Penale./atvlive.tv/

    Për më shumë ndiqni video e mëposhtme:

    https://www.youtube.com/live/RO19hgFozrw?si=_PlqfGzslBCs_kNv 

     

  • As pas dy vjetësh, Ministria e Mbrojtjes s’nënshkruan kontratë për çizmet e FSK-së

    As pas dy vjetësh, Ministria e Mbrojtjes s’nënshkruan kontratë për çizmet e FSK-së

    Duke e cilësuar tenderin në dosje si “ekstrem emergjent” Ministria e Mbrojtjes pak para vitit të ri ka blerë çizme për pjesëtarët e Forcës së Sigurisë. Në mënyrë urgjente, kjo ministri e ka furnizuar FSK-në me 330 palë çizme, sasi kjo që kap vlerën e 50 mijë eurove.

    Por tenderin me procedurë të negociuar, Ministria e Mbrojtjes ia ka dhënë një operatori ekonomik që në tenderin me procedurë të hapur i cili është duke u shqyrtuar në OSHP e kishte shpallur si të papërgjegjshëm.

    Faktin se Ministria e Mbrojtjes e ka thirrur për negocim një operator ekonomik që paraprakisht ishte shpallur si i papërgjegjshëm, avokati Qëndrim Arifi e sheh me doza dyshimi.

    Sipas tij, kjo procedurë nuk është aspak transparente dhe duhet të përdoret sa më rrallë.

    Ministria e Mbrojtës qysh në qershor të vitit 2022 e kishte hapur tenderin për “Furnizim me Çizme Ushtarake”. Por, as pas 1 viti e gjysmë, kjo ministri nuk ka arritur të nënshkruajë kontratë.

    Tenderi 2 milionë eurosh që parashihte blerjen e 8500 palë çizme verore dhe 8500 palë çizme dimërore është për shqyrtim në Organin Shqyrtues të prokurimit./atvlive.tv/

    Për më shumë ndiqni videon e mëposhtme:

    https://www.youtube.com/live/RO19hgFozrw?si=0P3qa1uhX3ZUx-dr

     

  • Flet familjari i dy mërgimtarëve që ndërruan jetë në aksidentin në Hungari

    Flet familjari i dy mërgimtarëve që ndërruan jetë në aksidentin në Hungari

    Përgatiti: Krenare Mulliqi

    Befasinë që planifikonin t’ua bënin familjeve nuk e realizuan. Dy mërgimtarë njëri 28 e tjetri 29-vjeçar të cilit vinin nga Gjermania, vdiqën si pasojë e një aksidenti në afërsi të Budapestit.

    Dy familjet që hapen dyert për ngushëllime kanë pak detaje rreth aksidentit.

    Derisa Policia e Hungarisë është ende duke i hetuar shkaqet, konfirmoi se dy kosovarët kishin vdekur në vend të ngjarjes.

    “Dy persona kanë vdekur pasi u ndeshën me një kamion në autostradën M1 afër Mos-honsentmik-losh. Vetura lëvizte me shpejtësi të madhe dhe u ndesh në pjesën e pasme të kamionit. Ngasësi i kamionit doli jashtë dhe nxori njërin prej udhëtarëve i cili tashmë kishte vdekur ndërkaq udhëtari i dytë mbeti brenda veturës kur ajo u dogj”, ka deklaruar Nemeth Ramona nga Policia e Hungarisë.

    Familjeve në ndihmë u ka dalë është Ministria e Punëve të Jashtme dhe Diasporës e cila njoftoi që përmes misioneve diplomatike në Hungari dhe Gjermani janë duke i kryer procedurat për kthimin e trupave të dy kosovarëve në vendlindje. 

    Derisa presin trupat gjendja e familjarëve është e rëndë.

    Kushtrim Hoxha dhe Jetmir Rexhepi ishin familjarë në mes vete ndërkaq në Kosovë vinin për vizitë.

    Më shumë detaje i gjeni në Edicionin Qendror të lajmeve në videon e më poshtme:

  • Qendra Kombëtare për Menaxhim Kufitar akuzon palën serbe në kontrollin kufitar për pritjet e gjata të qytetarëve në kufi

    Qendra Kombëtare për Menaxhim Kufitar akuzon palën serbe në kontrollin kufitar për pritjet e gjata të qytetarëve në kufi

    Qendra Kombëtare për Menaxhim Kufitar ka akuzuar palën serbe në kontrollin kufitar për pritjet e gjata të qytetarëve kosovarë në Merdar.

    Në këtë pikë kufitare qytetarët e Kosovës po presin me orë të tëra për të dalë nga Kosova.

    E gjithë kjo sipas Qendrës Kombëtare për Menaxhim Kufitar, pasi pala serbe është duke punuar vetëm me dy zyrtarë policorë.

    “Ju njoftojmë se pritjet në dalje për në Serbi ne PKK Merdar janë deri në 7 orë dhe kolona 4 kilometra e gjatë. Kjo për neglizhencën e palës serbe në kontrollin kufitar. Pala serbe është duke punuar vetëm me dy zyrtarë policorë, njëri po merret me një korsi të autobusëve ndërsa tjetri me katër korsi të veturave”.- shkruan në njoftimin zyrtar.