Author: ATVLive

Sigurimi fizik i Qendrës Klinike Universitare të Kosovës, ka pezulluar grevën e paralajmëruar për sot pasi të njëjtit kanë arritur një marrëveshje me ShSKUK-në që pagat të dalin me rritje, raporton Ekonomia Online.

Kryetari i Sindikatës së Pavarur të Sektorit Privat të Kosovës, Jusuf Azemi, ka thënë për Ekonomia Online se pagat me rritje do të dalin nga tetori, në të kundërtën do ta mbajnë grevën.

“Ka qene një greve e përgjithshme që është paraparë falë bisedimeve që i ka bërë kryetari i shoqatës me drejtorin e SHSKUK-së (Elvir Azizi), fal asaj që me datën 17 të këtij muaji do të jetë hapja dhe definimi i saktë i cilës kompani do të jetë. Ne edhe me komunën e Prishtinës kemi dhënë afat që të presim për rritje, dhe këtu ne bëjmë thirrje që të presim për rritje për 13 ditë. Paga e tetorit do të jetë pagë me rritje. Është pezulluar greva, nëse kjo nuk funksionon do t’i aktivizojmë”.

“Ndihemi mirë që së paku kanë filluar institucionet të shohin se pa sindikatë nuk bënë. Kanë premtuar dhe do ta realizojnë gjithçka që thotë Ligji i Punës, marrëveshja kolektive dhe gjitha ligjet tjera. Dua ta jap edhe një sinjal të mirë për të gjithë punëtoret që kanë bërë ankesa për Covid-19, se Gjykata e Apelit kërkesën tonë e ka aprovuar si të arsyeshme, gjithë këta punëtore do të kenë një procedurë, do ta gëzojnë të drejtën e pagës shtesë ne momentin e pandemisë që kjo Qeveri nuk e ka pagur. Ne Gjakovë veç kanë filluar që t’i marrin pagat. Par pagën jemi marr vesh me Ministrisë e Shëndetësisë, paga ka qenë 405 euro, ajo pagë është. Për ne është me rëndësi fillimi i implementimit të pagës”, ka thënë Azemi.

Hajriz Qeriqi, punëtor i sigurimit fizik në QKUK ka thënë se po i kërkojnë vetëm të drejtat e tyre. Punën që e bën në këtë institucion shëndetësor e konsideron të rrezikshëm për shkak sulmeve të shpeshta.

“Unë që 25 vite, prej 99-ës kam hyrë në QKUK, kemi qenë me shtet duke punuar, na kanë privatizuar neve. Jam luftëtar i UÇK-së e invalid i luftës. Na kanë privatizuar neve edhe unë rrafsh për 26 vite kam mbetur me këtë pagë. Një herë e kemi pasur 150 euro, 6 muaj kemi qenë pa pagesë. Edhe tash e pasi na kanë privatizuar edhe ne kemi qenë gjithë të shkelur jemi duke lypur të drejtat tona. Jemi takuar nuk kemi ka të shkojmë. Paga është me kujdestari, ata që kujdestarojnë ditën 270-290 euro i marrin, ne që kujdestarojmë natën i marrim 300. Kërkesa jonë është që të bëhet se paku 450 deri 500 euro. Me së shumti ne kemi problem tek dera si sigurim. Mua me kanë rrahur, nuk e di as kush më kanë rrahur 5 veta, as rrezikshmëri nuk na paguajnë, 2 euro kujdestaria na paguhet”, ka thënë ai.

Në margjinat e Forumit të Bledit, Ministrja e Punëve të Jashtme dhe e Diasporës së Kosovës, Donika Gërvalla, zhvilloi një takim me Ministren e Punëve të Jashtme dhe Evropiane të Sllovenisë, Tanja Fajon, të cilën e falënderoi për ftesën dhe organizimin e shkëlqyer të Forumit të Bledit, duke theksuar se ky forum po luan një rol të madh në avancimin e dialogut dhe bashkëpunimit ndërkombëtar.

Në qendër të diskutimeve ishte roli i Sllovenisë gjatë kryesimit të Këshillit të Sigurimit gjatë muajit shtator, i cili përkon me debatin e Asamblesë së Përgjithshme të shtatorit, kur liderët botërorë do të mblidhen në Nju Jork.

Ministrja Gërvalla dhe homologia e saj sllovene diskutuan gjithashtu për marrëveshjet ndërshtetërore, njohjen reciproke të patentave të shoferëve, zgjerimin e lidhjeve tregtare dhe ekonomike, si dhe mbështetjen e Sllovenisë në rrugën e integrimit euroatlantik të Kosovës.

Punëtorët e organeve paralele të Serbisë në Mitrovicën e Veriut sot përsëri janë mbledhur para ndërtesës së komunës, me kërkesën që “të kthehen në punë”.

Pas mbylljes së institucioneve paralele serbe në veri të Kosovës të premten, punëtorët e këtyre institucioneve kanë tentuar të hënën të hyjnë në ndërtesë me pretekst se “kanë ardhur në vendet e tyre të punës”, por janë ndaluar në hyrje, transmeton Paparaci.

Ata edhe sot janë mbledhur para objektit komunal në Mitrovicën e Veriut, ku ishte vendosur Sigurimi Pensional i Serbisë, dhe thonë se “nuk do të largohen”.

Ata kanë pretenduar se “vendet e punës janë burim jete për ta dhe familjet e tyre dhe se situata aktuale ua vështirëson edhe më shumë mbijetesën dhe qëndrimin në Kosovë”.

Një autobus shkolle përplasi këmbësorët jashtë një shkolle të mesme në Kinën lindore të martën, duke vrarë të paktën 11 persona, përfshirë pesë studentë, njoftuan mediat shtetërore.

Ngjarja ka ndodhur në qytetin Tai’an në provincën Shandong.

Gjashtë prindër janë në mesin e të vdekurve, ndërsa 13 të tjerë u plagosën. (AA)

Tanimë ka hyrë në fuqi Marrëveshja e Tregtisë Dixhitale midis Ukrainës dhe Mbretërisë së Bashkuar. Ukraina u bë vendi i dytë pas Singaporit që nënshkroi një marrëveshje të tillë me Mbretërinë e Bashkuar.

Kjo është bërë e ditur nga Ministria e Ekonomisë e Ukrainës , raporton korrespondenti i Ukrinform.

“Zbatimi i kësaj marrëveshjeje do të thellojë përfshirjen e Ukrainës në zinxhirët e furnizimit global, do të promovojë zhvillimin e bizneseve të vogla dhe të mesme, do të ruajë aksesin e lirë për kompanitë ukrainase të IT në tregjet dixhitale në Mbretërinë e Bashkuar dhe do të ofrojë mbështetje për ekonominë tonë gjatë luftës dhe pas- rindërtimi i luftës”, vuri në dukje zëvendëskryeministrja e Ukrainës, ministrja e Ekonomisë, Yuliia Svyrydenko.

Sipas ministrisë, dokumenti i mësipërm do të ulë kostot administrative dhe do të forcojë sigurinë kibernetike dhe mbrojtjen e të dhënave.

Përgatiti: Fatlum Jashari

Mëngjesin e së hënës, grupe “punonjësish” të strukturave paralele-ilegale serbe në Mitrovicë të Veriut, u mblodhën para dy objekteve të mbyllura nga institucionet e Kosovës javën e kaluar.

Teksa thanë se u paraqitën për të punuar e jo protestuar, pas rreth një orë qëndrimit para zyrave, ata u larguan.

Policia konfirmoi se situata u sqarua dhe se gjithçka shkoi qetë.

“Kanë ardhur punëtorët të cilët kanë punuar në strukturat paralele për t’u paraqitur në punë. Në mesin e tyre ka pas edhe qytetarë të cilët janë bashkëngjite, kanë qenë diku 70-80 persona. Protesta ka qenë, në fakt kanë tentuar të hynë brenda për të punuar, ne i kemi treguar që kjo ndërtesë është duke u hetuar nga prokurori në Mitrovicë dhe si i tillë është i blinduar dhe as ne si polici nuk mund të hymë brenda”, tha zëvëndesdrejtori i Policisë për rajonin e veriut, Veton Elshani.

Elshani njoftoi se në objektet e mbyllura po vijojnë punët hetimore.

“Rasti lidhet me falsifikim të dokumentacioneve të punës së strukturës paralele, çështje të tjera, ndërsa dihet se kjo ndërtesë është pronë e Komunës së Mitrovicës, e cila iu është dhënë në shfrytëzim Ministrisë së Infrastrukturës e që për qëllime në fund ka hapjen e qendrës për trajnim të patentë shoferëve”, tha Elshani.

Mbylljen e këtyre zyrave paralele, opinionisti Branislav Krstic e sheh në dy pikë vështrime krejt të ndryshme – politik dhe atë të komunitetit serb.

Krahas vlerësimit se, siç u shpreh, kryeministri Albin Kurti po lëvizë nga ‘status quo’-ja tek e cila sheh edhe përfitime, ai beson se të gjitha veprimet dhe reagimet janë pjesë e një loje politike.

“Ata protestues kanë qenë veç aktorë të një skenografie të organizuar nga Beogradi zyrtar. Çka na shpjegon kjo? Më duket që shefi jonë ka implementuar nenet e aneksit të Ohrit, Planit Franko-Gjerman, marrëveshjes së Brukselit. Ndërkombëtarët insistojnë se ishte njëanshëm, por edhe ajo ishte skenografi”, tha Branislav Krstic, opinionist.

Nga siç u shpreh “lëkura e komunitetit serb”, ai tha se konsiderohet se ka shkelje të së drejtave të tyre.

“Por, ne ende jemi në pozitën në të cilën kryeministria insiston, një shtet – një polici, një shtet – një pushtet, por në fund as shtet as pushtet, sepse jemi në një moment kur më duket se implementimi i shtetit nuk shkon me zor”, tha Krstic.

Pasditen e së premtes, institucionet e Kosovës mbyllën pesë zyra paralele ilegale serbe në Mitrovicë të Veriut, Zveçan, Leposaviq dhe Zubin Potok.

BE-ja dhe SHBA-ja reaguan ndaj aksionit, duke e vlerësuar si hap të njëanshëm dhe të pakoordinuar.