Para komunës së Prishtinës, të hënën kanë protestuar punëtorët e ndërmarrjes “Pastrimi”, duke shprehur pakënqësinë me mospagesat nga ana e komunës së Prishtinës ndaj Ndërmarrjes “Pastrimi”, raporton EO.
“Paguaje borxhin o borxhli i keq”, “Mos bëj politikë me dështimin tënd”, “Na lë të punojmë” kanë qenë disa nga pankartat që punëtorët kanë mbajtur në duar.
Ministri në detyrë, Faton Peci, ka deklaruar se si grup parlamentar kanë treguar gatishmëri për të dalë nga kjo bllokadë, duke ofruar zgjidhje, raporton EO.
“Tash unë nuk jam Astradamusi, mund të ketë risi. Ne jemi pushteti kujdestar, në detyrë, që do të thotë se ajo çfarë mund të presim për ndryshim, i takon kryesisht partive LDK, PDK, AAK dhe NISMA. Të gjithë deputetët tanë që po marrin pjesë, po votojnë në funksion të zhbllokimit të situatës dhe themelimit të institucioneve të vendit. Në dorë të partive që nuk kanë votuar deri tash është vendimi për të marrë pjesë apo jo. Deri sot, ato kanë treguar një qëndrim të ngurtë dhe mungesë vullneti për t’i dhënë Kosovës institucionet. Ne, si grup parlamentar, kemi ofruar zgjidhje.”
Autoriteti i Konkurrencës i Kosovës (AKK) ka nisur një hetim për monitorimin e tregut vendor, pas shqetësimeve të qytetarëve dhe raportimeve në media për rritje të çmimeve për produktet e shportës bazike, bukës, kafesë dhe produkeve tjera, raporton KosovaPress.
Autoriteti tani po zhvillon një analizë të thelluar për mbi njëzet produkte ushqimore në tregun e Kosovës, për të identifikuar arsyet reale të rritjeve të çmimeve.
Ushtruesi i detyrës së shefit të Departamentit të Analizës dhe Metodologjisë në AKK, Adrian Mustafa thekson në një intervistë për KosovaPress se një vëmendje të veçantë po i kushtohet sektorit të bukës dhe gastronomisë, ku çmimi i kafesë ka shënuar rritje të konsiderueshme.
Mustafa sqaron se, nëse gjatë analizës identifikohen shkelje të Ligjit për Mbrojtjen e Konkurrencës, Autoriteti do të ndërmarrë masa ligjore në përputhje me kompetencat e tij.
“Për shkak të shqetësimeve të ngritura nga qytetarët e Republikës së Kosovës dhe raportimeve të shumta në media, Autoriteti ka intensifikuar aktivitetet e tij për monitorimin e tregjeve ku ka shqetësime. Aktualisht është duke u zhvilluar një analizë e thelluar e mbi 20 produkteve ushqimore. Do të thotë produkteve bazë ushqimore për të analizuar edhe arsyejet e ngritjes së çmimit të tyre. Gjithashtu në kuadër të shqetësimeve që i kemi pranuar, ka filluar edhe monitorimi i tregut të bukës, d.m.th, autoriteti është në proces të mbledhjes së informatave për të vlerësuar nëse rritjet e çmimit të produkteve, do të thotë, në këtë rast të bukës në këtë sektor janë të arsyetuara apo në kundërshtim me ligjin për mbrojtjen e konkurrencës. Në kuadër të kësaj, përpos bukës kemi filluar me monitorimin e tregut. Është një monitorim edhe në produktin e kafes, edhe tek kafja e kemi pas një shqetësim, në sektorin e gastronomisë, me theks të veçantënë rritjen e çmimit të kafesë, është në vëzhgim prej autoritetit. Inspektorët e autoritetit çdo ditë tani më janë në terren dhe po zhvillojnë në qytete të ndryshme intervista dhe po mbledhin të dhëna prej ndërmarrjeve për arsyejet e ngritjes së këtyre çmimeve”, thotë Mustafa.
Mustafa nënvizoi se institucioni që ai përfaqëson nuk ka mandat për të ulur apo përcaktuar çmime, por sipas tij është përgjegjës për të ndërhyrë kur këto çmime vendosen në mënyrë të paligjshme apo të bashkërenduar.
“Pas përfundimit të analizës dhe grumbullimit të këtyre informatave si në sektorin e gastronomisë, atë të bukës, por edhe në sektorët tjerë që nuk do të jenë të përjashtuar, nëse identifikohen shkelje të ligjit për mbrojtjen e konkurrencës, atëherë Autoriteti do të ndërmerr veprimet e nevojshme ligjore në përputhje me kompetencat që kemi. Autoriteti nuk ka mandat t’i përcaktojë çmimet ose t’i ulë çmimet e ndërmarrjeve, por e ndërhymë kur çmimet përcaktohen nëmënyrë të bashkërenduar, ose artificiale nga ndërmarrjet konkurrentë në kundërshtim me nenin pesë të ligjit për mbrojtjen e konkurrencës. Do të thotë në këtë rast janë dy nene të ligjit tonë që neve na involvojnë me reaguar kur kemi dyshime për fiksim ose ndonjë shkelje të ligjit për mbrojtjentë konkurrencës. Është neni pestë i ligjit për mbrojtjen e konkurrencës që janë marrëveshjet e ndaluara. Marrëveshjee ndaluar është një nga format kur ndërmarrjet shkelin ligjin për mbrojtjen konkurrencës duke u dakrodu me konkurrentet për me i fiksu çmimet, mi nda tregjet ose forma të ndryshme të marrëveshjeve të ndaluara”, shprehet Mustafa.
Në kuadër të kësaj, ai përmend edhe nenin nëntë, që ndalon keqpërdorimin e pozitës dominuese, veçanërisht kur një kompani me mbi dyzet për qind të tregut shet me çmime nën kosto për të dëmtuar ose larguar konkurrentët.
“Është neni nëntë, keqpërdorimi i pozitës dominuese, kur një kompani me pozitë dominuese mbi dyzet për qind e keqpërdor atë pozitë dominuese për me i dëmtua konkurrentët tjerë. Njëra prej formave të keqpërdorimit të pozitës dominuese është edhe kur një kompani shet me çmim nën kosto për t’i dëmtuar ose larguar konkurrentët e tyre prej tregu”, shton Mustafa.
Në fund, ai sigurun qytetarët se Autoriteti mbetet i përkushtuar në mbrojtjen e konkurrencës, konsumatorit dhe funksionimit të drejtë të tregut.
“Si institucion i ndërmarrim veprimet e nevojshme ligjore në përputhje me kompetencat që i kemi…Autoriteti mbetet i përkushtuar për me mbrojt konkurrencën, konsumatorin dhe funksionimin e drejtë të tregut”, përfundon Mustafa.
Rritja prej 16.1 për qind e çmimit të energjisë elektrike në Kosovë ka shkaktuar një valë të re të inflacionit, duke ndikuar në ngritje të çmimeve për produktet bazike të vendit.
KosovaPress ditë më parë raportoi se shtrenjtimii rrymës ka ndikuar në ngritjen e çmimeve për disa produkte esenciale, përfshirë produktet e bukës dhe kafesë deri në pesëdhjetë përqind./KP
Bashkimi Evropian dhe Britania e Madhe kanë arritur një marrëveshje, në të cilën përfshihet një pakt 12-vjeçar për qasjen e anijeve të peshkimit të vendeve të BE-së në ujërat britanike, gjë që pritet të shkaktojë reagime.
Redaktori i BBC-së për tema politike, Chris Mason, thotë se Qeveria e Britanisë do të argumentojë se i ka përmirësuar të drejtat e tregtisë për prodhimet ushqimore e bujqësore që shiten nga Mbretëria e Bashkuar në territorin e BE-së.
Sidoqoftë, në qendër të marrëveshjes do të jetë pakti i sigurisë dhe mbrojtjes, theksoi ai.
Të dyja palët do ta vënë në pah dëshirën e përbashkët për thellimin e bashkëpunimit, sipas Mason-it.
Elemente të tjera kyçe të marrëveshjes do të jenë subjekt i negociatave të mëtejme, si ideja për një skemë mobiliteti për të rinjtë.
Arritjen e marrëveshjes së re për të drejtat e peshkimit e konfirmuan edhe dy diplomatë të BE-së. Sipas tyre, pakti do të jetë në fuqi deri në vitin 2038.
Kushtet aktuale të marrëveshjes pritej të skadonin vitin e ardhshëm. Brukseli ka qenë duke kërkuar një zgjidhje për qasje për shumë vjet./Nacionale
Sëmundja e rëndë e ish- presidentit Biden bënë bashkë republikanë e demokratë, shumë mesazhe mbështetëse dhe urime për shërim të shpejtë
Ish-Presidenti Joe Biden u diagnostikua me kancer të prostatës javën e kaluar, tha zyra e tij në një deklaratë të dielën.
Lajmi erdhi pasi u zbulua se gjatë një “ekzaminimi klinik rutinë”, ai vuante nga kjo sëmundje e rëndë.
Ai u diagnostikua me kancer të prostatës me një rezultat Gleason prej 9 (Grupi i Gradës 5) dhe metastazë në kocka”, tha zyra e tij të dielën.
Ndërsa Biden dhe familja e tij po shqyrtojnë opsionet e trajtimit, ish-Presidenti Barack Obama, Presidenti Donald Trump dhe udhëheqës të tjerë politikë kanë filluar të kontaktojnë për të shprehur mbështetjen e tyre për ish-presidentin e Shteteve të Bashkuara.
Obama postoi një mesazh të përzemërt në X dje, të dielën (18/5), duke thënë: “Michelle dhe unë po mendojmë për të gjithë familjen Biden. Askush nuk ka bërë më shumë për të gjetur trajtime inovative për kancerin në të gjitha format e tij sesa Joe, dhe jam i bindur se ai do t’i përballet kësaj sfide me vendosmërinë dhe hirin e tij karakteristik . Ne lutemi për një shërim të shpejtë dhe të plotë.”
Trump postoi në Truth Social, duke shkruar: “Unë dhe Melania jemi të trishtuar të dëgjojmë për diagnozën e fundit mjekësore të Joe Biden. I shprehim mbështetjen tonë dhe më të mirat Jill dhe familjes, dhe i urojmë Joe-t një shërim të shpejtë dhe të suksesshëm.”
Ish-zëvendëspresidentja e SHBA-së, Kamala Harris, postoi gjithashtu në X të dielën, duke thënë se ajo dhe bashkëshorti i saj luten për Joe Biden dhe familjens e tij.
” Joe është një luftëtar – dhe e di që ai do të përballet me këtë sfidë me të njëjtën forcë, qëndrueshmëri dhe optimizëm që gjithmonë kanë përcaktuar jetën dhe udhëheqjen e tij”, shkroi ajo.
Burri i saj, Doug Emhoff, ish-zëvendëskomandanti nën udhëheqjen e Bidenin, postoi veçmas mesazhin e tij.
Ish-Sekretarja e Shtetit Hillary Clinton gjithashtu dërgoi mbështetjen e saj: “Po mendoj për familjen Biden ndërsa përballen me kancerin, një sëmundje nga e cila ata kanë bërë kaq shumë për të shpëtuar familje të tjera. Ju uroj shërim të shpejtë dhe të plotë.”
Ish-Presidenti Bill Clinton shtoi gjithashtu një shënim në llogarinë e tij personale, duke thënë: “ Miku im Joe Biden ka qenë gjithmonë një luftëtar. Unë dhe Hillary e mbështesim atë, Jill dhe të gjithë familjen.”
Sekretari i Shtetit Marco Rubio shkroi në X: “Unë dhe Janet po lutemi për familjen Biden në këtë kohë të vështirë.”
“Zemrat tona janë me Presidentin Biden dhe të gjithë familjen e tij në këtë kohë”, shkroi Guvernatori i Kalifornisë, Gavin Neësom.
“Presidenti Biden e di që kur rrëzohesh, ngrihesh përsëri dhe lufton”, shkroi Guvernatori i Illinois-it J.B. Pritzker.
Anëtarët e Kongresit nga të dyja partitë përdorën gjithashtu mediat sociale për të ndarë mbështetjen e tyre për familjen Biden.
Midis senatorëve demokratë që shprehën mbështetjen e tyre ishin Peter Ëelch i Vermontit, Ruben Gallego i Neë Mexico-s, Tim Kaine i Virxhinias dhe John Fetterman i Pensilvanisë.
Midis senatorëve republikanë ishin Tom Tillis i Karolinës së Veriut, Susan Collins e Maine dhe Roger Marshall i Kansasit.
Përfaqësuesja demokrate Ro Canna e Kalifornisë shkroi: “Ai dhe Jill kanë qenë gjithmonë luftëtarë dhe jam e bindur se do ta përballojnë këtë sfidë me forcë.”
“Ndërsa përballeni me këtë sfidë shëndetësore, lutjet e mia janë me ju, për guxim të vazhdueshëm në këtë kohë të vështirë dhe një shërim të plotë”, shkroi përfaqësuesja demokrate Joyce Beatty nga Ohio në X.
Përfaqësuesit republikanë Anna Paulina Luna nga Florida dhe Mike Laëler nga Nju Jorku shprehën gjithashtu mesazhet e tyre për një shërim të shpejtë.
Udhëheqësi i pakicës në Dhomën e Përfaqësuesve, Hakeem Jeffries, lëshoi një deklaratë të dielën në mbrëmje, duke thënë: “Gjatë viteve, familja Biden është përballur me vështirësi të paimagjinueshme me mirësjellje dhe këmbëngulje të palëkundur. Ne qëndrojmë me Presidentin Biden ndërsa ai përballet me këtë moment me të njëjtën guxim dhe qëndrueshmëri që ka treguar gjatë gjithë jetës së tij.”
Ka shumë shembuj të një qasjeje të tillë të Kishës Ortodokse Serbe dhe përfaqësuesve të saj ndaj kriminelëve të dënuar të luftës nga e kaluara e afërt dhe ajo më e largët.
“Kisha e sheh historinë përmes një prizmi etnofiletiste [nacionalist], në të cilën pala serbe paraqitet si viktimë e përhershme”, thotë historiani Vladimir Velkoviq.
Në këtë kontekst, shton ai, mund të interpretohet edhe revizionizmi i luftërave të viteve ’90, por edhe i Luftës së Dytë Botërore.
“Meqenëse luftërat e viteve ‘90 interpretohen si ‘konflikt i pashmangshëm’ ndërmjet grupeve të ndryshme etnike, atëherë edhe në histori i kthehen lëvizjeve, figurave dhe konflikteve që i paraprinë atyre luftërave. Në të dyja rastet shmanget roli dhe përgjegjësia e figurave kishtare”, thekson Velkoviq.
Kisha Ortodokse Serbe nuk ka kthyer përgjigje në pyetjet e Radios Evropa e Lirë lidhur me qëndrimin e saj ndaj kriminelëve të luftës nga Lufta e Dytë Botërore dhe luftërat në hapësirat e ish-Jugosllavisë gjatë viteve ‘90.
Qasja e Kishës ndaj bashkëpunëtorëve të pushtuesve
Deklarata e mitropolitit të Malit të Zi, Joanikije, i cili e përshkroi komandantin çetnik Pavlle Gjurishiq si “një hero të madh me karakter të pathyeshëm”, është vetëm një nga shumë që kanë shkaktuar reagime të ashpra në publik.
Forcat e Gjurishiqit ishin përgjegjëse për masakra ndaj civilëve myslimanë në veri të Malit të Zi, Sanxhak dhe Bosnjën lindore gjatë Luftës së Dytë Botërore. Ai u dekorua nga Hitleri me Kryqin e Hekurt për “virtyte ushtarake”.
“Kjo është ajo që quhet ‘anti-antifashizëm’, për të cilin ka shkruar sociologu Todor Kuliq – ku fashizmi nuk përbën problem për shkak të ideologjisë, por vetëm kur viktimat janë serbët”, thotë Branimir Gjuroviq nga Iniciativa e të Rinjve për të Drejtat e Njeriut.
Historiani Velkoviq përmend edhe raste të peshkopëve që janë shpallur shenjtorë, ndonëse kanë bashkëpunuar me pushtuesit gjatë Luftës së Dytë Botërore. Njëri prej tyre është Irinej Qiriq, që u shpall shenjtor në vitin 2022 me bekimin e patriarkut Porfirije.
Kisha pretendon se ai shpëtoi 3.000 gra shtatzëna, fëmijë dhe nëna me foshnje nga kampi hungarez i internimit në Sharvar, duke i strehuar në 55 famulli të Vojvodinës. Por, sipas Velkoviqit, kjo fsheh faktin se Qiriq ishte bashkëpunëtor i regjimit hungarez të Miklos Horthyt, i cili e emëroi në vitin 1943 si anëtar të Dhomës së Sipërme të Parlamentit Hungarez – pozitë që e mbajti edhe pas luftës.
Velkoviq thekson se në Mal të Zi ka edhe shembuj më të rëndë. Një prej tyre është Millorad Vukojiçiq, anëtar i lëvizjes çetnike, i cili u dënua dhe u ekzekutua për krime lufte në Mal të Zi. Ai u shpall shenjtor në vitin 2005.
Po atë vit, shenjtor u shpall edhe prifti Sllobodan Shilak, i ekzekutuar më 1943 për krime të rënda ndaj popullatës në Plevle. Familjet e viktimave protestuan, por Kisha e mohoi se ata ishin kriminelë lufte.
“Lavdërimi i krimeve nga Lufta e Dytë Botërore dhe ato nga vitet ’90 është pjesë e një ideologjie që nuk është ndërprerë kurrë”, thotë Gjuroviq.
Roli i Kishës në luftërat e viteve ’90
Historiani Velkoviq thekson se Kisha luajti një rol të rëndësishëm në përgatitjen ideologjike të luftërave që nga fundi i viteve ’80. Gjatë konflikteve, kisha u përfshi në propagandë nacionaliste dhe përfaqësuesit e saj mbështetën publikisht qëllimet ushtarake të regjimit të Sllobodan Milosheviqit.
Një nga shembujt më të komentuar është videoja ku një prift bekon formacionin paramilitar “Shkorpionët” para se të ekzekutonin gjashtë civilë nga Srebrenica në Tërnovo, në korrik 1995.
“Disa peshkopë u identifikuan plotësisht me anën serbe, duke e justifikuar atë, pa marrë parasysh çfarë ka bërë. Ka një video ku peshkopi Vasilije Kaçavenda shkon në Srebrenicë në korrik 1995”, kujton Velkoviq.
Kaçavenda kishte lidhje të ngushta me Radovan Karaxhiqin dhe Ratko Mlladiqin – të dënuar për gjenocid dhe krime lufte në Hagë. Në një video nga gjyqi i Mlladiqit, shihet komandanti Millenko Zhivanoviq duke e informuar Kaçavendën për “operacionin e Srebrenicës”, ndërsa ky i fundit buzëqesh kur dëgjon se minarja e xhamisë është “rrafshuar”.
Kaçavenda e përshëndeti “gjeneralin trim dhe obiliqët serbë”, duke shtuar: “Po afrohet dita kur shteti serb do të rindërtohet pas betejës së Kosovës.”
Pozita e tij në Kishë nuk u vu kurrë në pikëpyetje. Ai dha dorëheqje në vitin 2013 për arsye shëndetësore, pikërisht kur ndaj tij dolën akuza për pedofili.
Akuza të ngjashme rëndonin edhe mbi peshkopin tjetër, Filaretin, i cili në vitet ’90 pozonte me armë automatike dhe me një kafkë, për të cilën pretendonte se ishte e një fëmije serb të vrarë nga ushtarët kroatë. Ai u largua në vitin 2015, por kisha nuk dha kurrë arsye për shkarkimin e tij.
Dekoratat për kriminelët e dënuar
Para se të largohej, Filareti dekoroi me “Engjëllin e Bardhë të Rendit të Parë” Vojisllav Sheshelin, i dënuar nga Gjykata e Hagës me 10 vjet burg për nxitje të përndjekjeve dhe dëbimit të kroatëve nga Hrtkovci në vitin 1992.
“Zoti ju dha forcën të pastroni njollën nga populli serb. Ne ju ndoqëm dhe ju përgëzojmë për luftën tuaj të guximshme dhe heroike”, i tha Filareti gjatë dorëzimit të dekoratës në vitin 2015.
Sheshel, ideolog i projektit të “Serbisë së Madhe” dhe organizator i njësive paramilitare, mori edhe një dekoratë tjetër nga mitropoliti i Malit të Zi, Amfilohije.
“Po jetojmë në kohë padrejtësish të mëdha që bien mbi popullin serb. Ju, zoti Sheshel, jeni një nga mbrojtësit e së drejtës hyjnore”, i tha Amfilohije në dorëzimin e dekoratës.
Amfilohije, i cili vdiq në vitin 2020, njihej për mbështetjen e hapur ndaj forcave serbe në Kroaci dhe Bosnje gjatë luftërave. Në janar të vitit 1992, ai hapi portat e manastirit të Cetinjës për komandantin famëkeq Zheljko Razhnatoviq – Arkanin dhe njësinë e tij të armatosur.
Sheshel mori dekoratën e tretë më 2022 nga peshkopi Irinej, përfaqësues i Dioqezës së Novogracanicës dhe Amerikës Qendrore dhe Perëndimore.
Po atë vit, u dekorua edhe gjenerali Vladimir Lazareviq, i dënuar në Hagë për krime kundër njerëzimit ndaj shqiptarëve të Kosovës. Ai mori dekoratë për “kultivimin e dashurisë për njerëzit dhe vlerave ortodokse”, nga peshkopi Pahomije – i akuzuar për pedofili, i cili në vitin 2024 u gradua në mitropolit.
Kisha në linjë me pushtetin
“Sot vijojnë praktikat e mohimit dhe revizionizmit, të cilat udhëhiqen nga institucionet shtetërore, por kanë rrënjët në rolin që pati kisha në luftërat e viteve ’90”, thotë Gjuroviq.
Si pushteti, ashtu edhe kisha e mohojnë gjenocidin ndaj më shumë se 8.000 boshnjakëve në Srebrenicë dhe krimet e tjera të forcave serbe.
Para se të nisej për në Asamblenë e Përgjithshme të Kombeve të Bashkuara në vitin 2024, presidenti i Serbisë mori “bekimin” e patriarkut Porfirije për të kundërshtuar Rezolutën për Srebrenicën.
Edhe pas luftës në Kosovë, kisha mbështet politikën shtetërore të mosnjohjes së pavarësisë së Kosovës. Ish-patriarku Irinej pati thënë se “trashëgimia serbe duhet mbrojtur me të mirë apo me forcë”. Ndërsa patriarku aktual Porfirije deklaroi më 2024 se “Kisha Ortodokse Serbe nuk mund të jetë pjesë e negociatave apo marrëveshjeve politike për Kosovën”.
Pozita e kishës është pjesë e Marrëveshjes për Normalizimin e Marrëdhënieve ndërmjet Kosovës dhe Serbisë, të ndërmjetësuar nga Bashkimi Evropian më 2023.
Në të njëjtin vit, kisha u përball me akuza se në objektet e saj në Kosovë ruheshin armë të kontrabanduara – akuza që i mohoi.
Pas sulmit të armatosur ndaj Policisë së Kosovës në shtator 2023, një grup serbësh të armatosur, i udhëhequr nga Millan Radoiçiq, u strehua në Manastirin e Banjskës.
Dioqeza e Rashkë–Prizrenit atëherë lëshoi një deklaratë duke shprehur shqetësim për “hyrjen e një grupi të armatosur dhe të maskuar me automjet të blinduar që theu portën e mbyllur të manastirit”.
Kisha refuzoi ofertën e institucioneve të Kosovës për të financuar riparimin e dëmeve në manastir. /REL/
Një pakt i ri për sigurinë dhe mbrojtjen mes Mbretërisë së Bashkuar dhe Bashkimit Evropian mund të shpallet sot, në kuadër të samitit që po zhvillohet në Londër.
Partia Laburiste, që aktualisht është në pushtet, e ka përshkruar si një marrëveshje “ambicioze” për të “forcuar bashkëpunimin përballë kërcënimeve të përbashkëta”.
Megjithatë, disa parti politike në Mbretërinë e Bashkuar janë skeptike dhe argumentojnë se aleanca ekzistuese e NATO-s është e mjaftueshme, pa nevojën për një tjetër pakt paralel.
Por diskutimi nuk ndalet vetëm te një marrëveshje simbolike.
Një nga temat kryesore është inciativa e re e Komisionit Evropian, e quajtur Security Action for Europe (SAFE), e cila synon të ofrojë kredi për shtetet anëtare për të investuar në mbrojtje përmes prokurimeve të përbashkëta.
Mbretëria e Bashkuar ka shprehur interesin që kompanitë britanike të mbrojtjes të kenë të drejtë të konkurrojnë për kontrata në kuadër të kësaj skeme.
Por, sipas bbc, qëndrimet brenda BE-së janë të ndara – disa vende anëtare janë të gatshme të lejojnë përfshirjen e MB-së, ndërsa të tjerat hezitojnë të hapin skemën për vendet jo-anëtare.
Bisedimet mbi këtë çështje do të jenë kyçe në takimet e ditës së sotme, ndërsa pritet të shihet nëse do të arrihet një kompromis që do t’i hapte rrugë bashkëpunimit të ri në fushën e mbrojtjes midis Britanisë dhe BE-së.
26 vjet më parë në Burgun e Dubravës filloi masakra e forcave serbe ndaj shqiptarëve, që zgjati deri 24 maj 1999.
Brenda burgut janë vrarë 160 të burgosur shqiptarë dhe janë plagosur më shumë se 300 të tjerë.
Kjo konsiderohet një nga masakrat më të mëdha në Kosovë kundër shqiptarëve nga regjimi i Sllobodan Millosheviqit.
Për këtë masakër ende nuk është dënuar askush.
Janë bërë një muaj prej se kandidatët që fituan një ulëse në Kuvendin e Kosovës, bënë betimin si deputetë të legjislaturës së nëntë.
Por, Parlamenti ende nuk është konstituuar, pasi që puna ka ngecur te zgjedhja e kryetarit.
Sot, me fillim nga ora 10:30 do të bëhet përpjekja e 18-të për zhbllokimin e situatës.
Propozimi i Lëvizjes Vetëvendosje për kryetare, Albulena Haxhiu, nuk po e merr “aminin” nga ana e deputetëve të betuar të partive që në legjislaturën e kaluar ishin në opozitë, PDK-së, LDK-së e AAK-së.
Kjo pasi që nga ana e tyre, Haxhiu po konsiderohet si figurë jo e duhur e përçarëse.
Derisa as VV-ja duket që se ka ndërmend ta ndryshojë emrin.
Pas dështimeve radhazi kryesuesi Avni Dehari kishte propozuar votim të fshehtë, por sërish pa sukses.
Në funksion të përpjekjeve për zhbllokimin të “ngërçit politik”, presidentja e Kosovës Vjosa Osmani, të enjten e kaluar i thirri partitë në takim, por nuk pati ndonjë rezultat konkret.
Ajo ka paralajmëruar që mund të ketë takime edhe ndaras me partitë.
Mbetet të shihet se si do të shkojë seanca e thirrur për sot, se a do të ketë ndonjë lëvizje pozitive?, apo do të vazhdojë avazi i njëjtë duke mbajtur seanca çdo 48 orë.
Sot mbi vendin tonë do të mbajë mot me diell dhe vranësira të shpërndara.
Sipas Institutit Hidrometeorologjik të Kosovës, vranësirat parashihen që vende-vende të sjellin riga shi dhe shkarkime rrufesh.
“Temperaturat minimale do të lëvizin ndërmjet 3-5 gradë Celsius, ndërsa maksimalet e ditës parashihen të lëvizin ndërmjet 16-20 gradë Celsius”, thuhet në njoftim.