Author: ATVLive

Gjykata e Apelit ka vendosur të lirojë nga vuajtja e dënimit ish-kryetarin e Bashkisë së Kukësit, Safet Gjici, i cili ishte dënuar për veprën penale të shpërdorimit të detyrës pas publikimit të një videoje me përmbajtje seksuale të realizuar në ambientet e zyrës së tij.

Vendimi i lirimit është marrë për shkak të gjendjes së rënduar shëndetësore të Gjicit, sipas dokumentacionit të paraqitur në gjykatë. Burime pranë gjyqësorit bëjnë të ditur se ai kishte edhe rreth 8 muaj të mbetur për të vuajtur nga dënimi i dhënë më herët.

Gjici ishte dënuar pas skandalit që tronditi opinionin publik, kur në qershor të vitit 2023 u publikua një video komprometuese. Ai dha dorëheqje menjëherë pas publikimit të materialit dhe më pas u hetua dhe u dënua nga drejtësia për shpërdorim të funksionit publik.

Qytetarët e Novi Sadit kanë protestuar gjatë gjithë ditës së djeshme para selisë së Partisë Progresive Serbe (SNS) në Bulevarin e Oslobodjenjes, duke bërë zhurmë me fishkëllima dhe duke brohoritur parulla si “pumpaj” dhe “kush nuk kërcen, ai është Qaci”.

Protesta nisi si reagim ndaj dhunës së mëparshme ndaj studentëve, përfshirë rastin kur një studente e Akademisë së Arteve ishte rrahur dhe i ishte thyer nofulla, ngjarje që ndodhi para më shumë se tre muajsh në të njëjtën lokacion.

Nga ana tjetër të rrugës ishin mbledhur aktivistë të SNS-it, ndërsa midis dy palëve qëndronin njësi të shumta të Njësisë Speciale të Xhandarmërisë.

Situata u tensionua më tej kur disa nga aktivistët e SNS nisën të gjuajnë drejt protestuesve me shishe plastike dhe vezë, duke goditur edhe pjesëtarë të policisë.

Si pasojë, policia ndërhyri dhe përdori shkopinj gome kundër disa aktivistëve të SNS, të cilët sipas raportimeve nga agjencia Beta, kishin qenë veçanërisht agresivë.

Policia, e pajisur me veshje të plota për kontroll të turmës, i shtyu më të dhunshmit nga aktivistët e SNS brenda ambienteve të selisë së partisë. Ndërkohë, u raportua se disa protestues u plagosën kur u goditën në kokë me shishe të mbushura me ujë.

Në vendngjarje u panë edhe zyrtarë të njohur lokalë si Dina Vuciniq, kryetarja e Kuvendit të Qytetit të Novi Sadit, dhe Mihailo Vuceviq, djali i liderit të SNS-it dhe aktualisht kryetar i Kuvendit Kombëtar, Milosh Vuceviq.

Për shkak të protestës, policia bllokoi qarkullimin në një drejtim në kryqëzimin e rrugës Kralja Petra dhe Bulevarit të Oslobodjenjes. Po ashtu, në terren ndodhej edhe një automjet i ndihmës së shpejtë.

Ky protestë është vazhdimësi e pakënaqësisë së qytetarëve ndaj dhunës politike dhe pasivitetit të institucioneve në zbardhjen e rasteve të dhunës ndaj protestuesve dhe studentëve.

Agjencia Kosovare e Privatizimit (AKP) njofton se ka tërhequr nga tenderi i shitjes dy njësi të KB Flora Tokë Bujqësore Pakashticë e Poshtme.

Sipas njoftimit, të dy këto asete ishin paraparë për t’u shitur përmes shitjes së aseteve përmes likuidimit, e cila do të mbahet më datë 28 maj të këtij viti, ndërsa tërheqja nga shitja është bërë me vendim të bordit të drejtorëve të AKP-së bazuar në kërkesën e Komunës së Podujevës.

“Lista e aseteve që janë në shitje përmes shitjes së aseteve përfshinë asete të ndërmarrjeve shoqërore nga regjione të ndryshme të Kosovës dhe mund të gjendet në ueb faqen e AKP-së: www.pak-ks.org. Dorëzimi i ofertave do të mbahet me datë 28 maj në sallën e Hotelit Grand në Prishtinë, kur edhe do të mbahet ceremonia e hapjes së ofertave”, thuhet në njoftim.

Pas dështimit 18 herë të Vetëvendosjes që ta zgjedhë Albulena Haxhiun kryetare të Kuvendit , Vetëvendosja ka propozuar që vazhdimi i seancave konstitutive të bëhej një herë në javë e jo çdo të dytë ditë, siç parashihet me Rregullore të Kuvendit.

Nënkryetarja e Lidhjes Demokratike të Kosovës, Hykmete Bajrami, tha se për Vetëvendosjen nuk përbën problem se vendi ka mbetur pa institucione – por “orari i seancave”.

“Në situatën në të cilën gjendemi seanca konstituive nuk do të duhej të ndërprehej më të gjatë se 10 minuta deri në konstituim”, tha Bajrami.

Postimi i plotë:

LVV e ka reduktu paaftësinë për konstituimin e Kuvendit në një problem teknik: “mbledhja e deputetëve çdo 48 orë”

Fakti që Rregullorja e Kuvnedit përcakton se “Ndërprerjet gjatë seancës konstituive nuk mund të jenë mentë gjata se 48 orë” është aty në funksion të përshpejtimit të konstituimit të Kuvendit.

Për LVV-në, ky është problem, dmth. problem që deputetëve po ju duhet të vijnë në Kuvend çdo 48 orë. Pra, për ata nuk është problem fakti që vendi është pa Kuvend funksional, pa Qeveri legjitime, pa institucione që u përgjigjen sfidave të qytetarëve, me projekte të bllokuara dhe qindra miliona euro donacione të humbura, problemi për LVV-në është orari i seancave.

Në situatën në të cilën gjendemi seanca konstituive nuk do të duhej të ndërprehej më të gjatë se 10 minuta deri në konstituim.

LVV, si partia e parë nuk ka obligim ndaj parive të tjera, por ka një obligim madhor: t’u japë qytetarëve institucionet ose të deklarohet që nuk janë të aftë as për bashkpunim dhe as për qeverisje dhe t’i hapin rrugë alternativave tjera.

Ata kanë ikur nga përgjegjësia gjatë gjithë mandatit të kaluar dhe sot po vazhdojnë të bllokojnë çdo mundësi për stabilitet në vend. Kjo është papërgjegjësi, jo politikë.

Reparti i Urologjisë në Spitalin e Përgjithshëm të Pejës, sot ka pranuar donacion një laser për intervenimin e thyerjes së gurëve në veshka. Kjo aparatura e para e këtij lloji në këtë spital erdhi si dhurata nga Konsullata Austriake.

Drejtori i Spitalit të Përgjithshëm të Pejës, Fahri Hasani tha se përmes kësaj aparture tashmë pacientët e Pejës, do të kenë ndërhyrje urologjike më të lehtë dhe pa dhimbje.

“I nevojitet spitalit për metoda urologjike jo invazive për thyrjen e gurëve në veshka në rrugët urinare. Ndihmesa do të jetë shumë e madhe për arsye se deri më sot metoda ka qenë kryesisht invazive i ndihmon pacientët ta kalojnë në mënyrë shumë më të lehtë dhe pa dhimbje”, tha ai.

Ish-drejtori i po këtij spitali, Fazli Shala i cili ka qenë edhe iniciues i këtij donacioni, tha se meqenëse patologjia e gurëve në veshka është rritur si sëmundje te pacientët, nevoja për një aparturë të tillë ka qenë e madhe.

Ai shtoi se ky laser është inovativ për ndërhyrje kirurgjikale urologjike.

“Qëllimi i donacionit ka qenë të zëvendësojmë aparaturën e vjetër për thyerjen e gurëve qe ka qenë më metodë pneumatike, mjaftë e dhimbshme, kjo është metodë laserike, inovative për procedurë kirurgjikale. Ne e kemi patologjinë në rritje, numrin e pacientëve e kemi shumë të shtuar numri vazhdimisht është në rritje për shkak të mënyrës së të ushqyerit tani e tutje të gjithë pacientët që kanë marr shërbime në institucione tjera kanë shansin ta marrin këtë shërbim në institucionin tonë”, theksoi ai.

Profesori austriak, Alfred Holld tha se për të ka qenë shumë e rëndësishme të sjell diçka që ndihmon pacientët e Pejës.

“Ishte shumë i rëndësishëm për mua personalisht që të sillja diçka në Pejë për pacientët, që do të ndihmojë menjëherë. Prandaj jam shumë i lumtur dhe krenar që arrita ta sjell këtë pajisje në këtë shtëpi (institucion). Dhe shpresoj për një bashkëpunim shumë të gjatë dhe të suksesshëm me të gjithë ekipin e spitalit”, theksoi ai.

Përfaqësuesi i Konsullatës Austriake për rajonin e Pejës, Avdyl Qetaj do ta mbështesin këtë soptal edhe në të ardhen.

“Është një aparat shumë i nevojshëm për Spitalin e Pejës. Unë mendoj se është vetëm fillimi dhe inkurajoj menaxhmentin e spitalit që të detektojnë se ku kanë pika në të cilat ne mund t’u ndihmojmë”, tha ai.

Menaxhmenti i Spitalit të Përgjithshëm të Pejës ka ndarë mirënjohje për profesorin austriak, Alferd Holld dhe përfaqësuesin e Konsullatës Austriake për rajonin e Pejës, Avdyl Qetaj./kp

Kreu i PD-së Sali Berisha, pas daljes së tij nga ambientet e Prokurorisë së Posaçme, iu drejtua mediave të Shqipërisë dhe foli lidhur me procesin zgjedhor e qëndrimin e tij politik.

I pyetur nëse do të drejtojë seancën e parë të Kuvendit, Berisha ritheksoi se qëllimi i tij kryesor është vazhdimi i “betejës për rikthimin e votës së lirë”.

“Unë do vazhdoj betejën gjerë në rikthimin e të drejtës së votës së lirë. Kjo ka qenë një vjedhje monstruoze, më e rënda në 32 vite të zgjedhjeve pluraliste në Shqipëri. Ne nuk intimidohemi, nuk impresionohemi. Përpjekjet për të përligjur këtë vjedhje vetëm sa tregojnë bashkëfajësi”, tha ai, raporton Euronews.al, transmeton Klankosova.tv.

Berisha shtoi se vjedhja e votave këtë herë “ka ndodhur publikisht, me vendime qeverie, pa u fshehur fare”, duke lënë të kuptohet se do të vijojë të sfidojë legjitimitetin e procesit zgjedhor dhe mazhorancës aktuale.

Drejtori i Shërbimeve Publike, Bekim Brestovci, pas takimit me përfaqësuesit e Sindikatës së Ndërmarrjes “Pastrimi”, ka njoftuar se është arritur marrëveshje për nënshkrimin e një kontrate në vlerë prej 1.5 milionë euro për punë shtesë, raporton EO.

Ai theksoi se nëse krijohen kushtet, “Pastrimi” do të marrë përsipër 1/3 e regjionit të Prishtinës, duke e shtuar kapacitetin operativ krahas dy operatorëve ekzistues.

Brestovci shtoi se Komuna është e gatshme të thërrasë një seancë të jashtëzakonshme për të diskutuar subvencionimin e pagave për punëtorët.

“Jemi dakorduar që nga sot, me një person të autorizuar nga ndërmarrja ‘Pastrimi’, ta nënshkruajmë kontratën prej 1.5 milionë euro për punën shtesë. Ne u dakorduam që, nëse krijohen kushtet nga ndërmarrja ‘Pastrimi’ dhe ata kanë mundësi të dalin e të operojnë për të kryer shërbimin, ta kenë 1/3 e regjionit të Prishtinës, sepse aktualisht kemi vetëm dy operatorë ekonomikë. Nga ana jonë nuk ka asnjë hezitim. Ne shprehëm gatishmërinë që të thërrasim një seancë të jashtëzakonshme për ta sjellë sërish vendimin për subvencionimin e pagave për punëtorët. Natyrisht, duhet të punojmë bashkërisht”, ka thënë Brestovci.

Ani pse sindikata e pavarur e ndërmarrjes publike “Pastimi”, ka mbajtur një takim me kryetarin e Prishtinës, Përparim Rama, punëtorët e kësaj ndërmarrje po protestojnë para objektit të komunës, duke kërkuar që komuna t’ua kthej borxhin prej 2.7 milionë eurosh ndërmarrjes dhe të fillojnë punën.

Në takim, Florim Cakiqi, kryetar i sindikatës se pavarur, tha se punëtorët janë duke u dëmtuar, pasi janë duke mbetur pa paga dhe pa punë.

Ai kërkoi nga Rama që të mendojë vetëm për punëtorët e të lë politiken anash.

Cakiqi: Punëtorët nuk duhen të dëmtohen

Video:

“Duhet me i shkarku nëse nuk punojnë, por punëtorët nuk duhen të dëmtohen, me u lenë pa punë, pa paga është vështirë, iu kisha lut mendoni vetëm për punëtorë”, tha Cakiqi.

Ndërsa, kryetari i Komunës së Prishtinës, Përparim Rama u shpreh se faji është te menaxhmenti i ndërmarrjes e jo i punëtorëve.

Rama tha se është e papranueshme të përdoret një institucion për përfitime politike dhe duke lënë kryeqytetin me mbeturina

“Faji nuk është tek ju, as ne nuk i fajësojmë punëtorët, faji është te menaxhmenti dhe nuk duhet me udhëheq njerëzit të cilët nuk i din procesin…Punëtorët që nuk e kanë asnjë faj hynë në mes të tyre, keq i bjen punëtorëve, keq kryeqytetit… Me u përdor një institucion për përfitime politike të tyre, më lënë me bërllog të gjithë kryeqytetin, kjo është e papranueshme dhe sot dhe asnjëherë nuk do ta lejojmë”, u shpreh Rama.

Teksa zhvillohej ky takim, punëtorët po protestonin para objektit.

Adnan Sinani, vozitës tash e 24 vite në ndërmarrjen “Pastrimi”, tha se asnjëherë kryetari i Prishtinës nuk i ka mbrojtur punëtorët por vetëm ka akuzuar kryeshefin e kësaj ndërmarrjeje.

Sinani shtoi se ka ende punëtorë që nuk e kanë marrë pagën e tyre të fundit.

“Këto janë pallavra të këtyre udhëheqësve këtu. Asnjëherë nuk ka thënë kryetari i komunës për të mirën e punëtorëve vetëm për drejtorin që e udhëheq keq. Punëtorët duhet me punu si e kanë mbajtur ketë qytet gjallë.. i kemi marrë pagat por pak me vonesë, disa punëtorë nuk i kanë marrë ende”, tha Sinani.

Ndërsa, Ilaz Rexhepi paralajmëroi se nëse nuk ka ndonjë ndryshim në protestë, do të marrin masa më të mëdha. E sipas tij, nuk i intereson edhe nëse dërgohet në burg sepse kërkon paratë për të mbajtur familjen e tij.

Rexhepi tha se Rama ka paguar kompani private në mënyrë tinxare e partiake.

“Ai ka kompani të veten personale. Edhe Bekim Brestovci me Kryetari Rama ka ngrenë para se unë politik nuk di, prej kompanive private edhe ua ka premtuar që do të falimentojë kompania Pastrimi. Me e pru në këtë gjendje kryeqytetin dhe 900 familje me i lënë për interesa të veta personale nuk e shoh të arsyeshme. Herën tjetër do të marrim masa çka nuk ka me e mendu as vet.. edhe në burg me shkuar pesë parë nuk i jap se unë jam duke e mbrojtur familjen time. Në mënyrë tinxare ka marrë kompanitë e veta që janë partiak politikë”, shtoi Rexhepi.

Punëtorët janë duke pritur para komunës teksa po zhvillohet takimi i dytë mes kryetarit dhe sindikatës të re të ndërmarrjes publike “Pastrimi”. /KP

Deputeti i Vetëvendosjes, Dimal Basha, tha se si parti nuk bëjnë koalicion me PDK-në, pasi kjo parti, sipas tij, nuk është reformuar, raporton EO.

Ai tha se është e rëndësishme që sa më shpejt të dalë vendimi i Gjykatës Kushtetuese, në lidhje me kërkesën e AAK-së për votimin e fshehtë në Kuvend.

“VV-ja ka treguar që është konstruktive në të gjitha hapat që kanë pasur për qëllim zhbllokimin. Është i pakuptueshëm gjithë ky bllokim, që është duke ardhur nga opozita.

Me PDK-në nuk bëjmë koalicion, pasi nuk është reformuar. Me LDK-në mundemi”, tha Basha.

Një ngjarje e rëndë është raportuar nga një qytetar ditën e sotme. Në lagjen Matiqan të Prishtinës, një foshnje e porsalindur është gjetur e braktisur në rrethana çnjerëzore.

Siç raporton sinjalit me 19 maj 2025, rreth orës 10:30, në rrugën “Butofci”, pranë deponisë së mbeturinave, një qytetar ka vërejtur një qese të zezë brenda së cilës dyshohej se ndodhej një foshnje e vdekur.

Sipas burimeve nga Prokuroria, në momentin që qytetari është afruar, ka zbuluar se në të vërtetë brenda qeses ndodhej një foshnje e porsalindur, pa shenja jete, e braktisur në mënyrë të tmerrshme.

Menjëherë është kërkuar ndihma mjekësore dhe njësia emergjente është thirrur për të dalë në vendin e ngjarjes, ndërkohë që autoritetet përkatëse janë parë në vendin e ngjarjes, duke nisur veprimet hetimore për të zbardhur rrethanat e rastit.

Shkaku se pse është sjellë foshnja në atë lokacion dhe identiteti i personit që e ka braktisur mbeten ende të paqarta.