ATV

Author: ATVLive

  • ​KQZ merr vendim për mbylljen e tri qendrave të votimit në përfaqësi diplomatike, miraton edhe sloganin

    ​KQZ merr vendim për mbylljen e tri qendrave të votimit në përfaqësi diplomatike, miraton edhe sloganin

    Komisioni Qendror i Zgjedhjeve ka marrë vendim që të mbyllen qendrat e votimit në përfaqësitë diplomatike në tre vende, në Kanbera në Australi, Ankara të Turqi dhe Iowa në ShBA me 32 votues. Kjo për shkak numrit të vogël të votueseve.

    Anëtari i KQZ-së, Arianit Elshani ka thënë se gjithë këta votues të regjistruar do të mund të votojnë përmes postës në kutitë postare që janë të hapur nga KQZ në këto shtete.

    “Po ashtu Këshilli i Operacioneve Zgjedhore ka shqyrtuar edhe një rekomandim të ardhur nga sekretariati i cili është diskutuar po ashtu edhe me Ministrinë e Punëve të Jashtme për mbylljen e tre qendrave të votimit, ku po ashtu janë njoftuar edhe votuesit e këtyre përfaqësive diplomatike e qendrave të votimit jashtë vendit që do të mbyllen. Pra, bëhet fjalë për Kanbera në Australi, e cila ka pas 18 votues të regjistruar, bëhet fjalë për Ankaranë në Turqi me 25 votues të regjistruar për votim fizik dhe Iowa në ShBA me 32 votues të regjistruar për votim fizik…Votuesit të cilët kanë qenë të regjistruar për votim fizik në këto tre përfaqësi diplomatike do të udhëzohen që të votojnë me postë brenda kutisë në kuti postare në vendin përkatës”, tha Elshani.

    Po ashtu, është miratuar dizajni dhe sloganin për fushatën e informimit publik.

    “Kemi rekomandim për dizajn dhe sloganin që do të përdorët për këto zgjedhje…Slogani është ky “Zgjedhjet për Kuvendin e Republikës së Kosovës, vota jote për Kosovën 2025, ky është slogani”, tha Elshani.

    Në mbledhjen që ka mbajtur KQZ të martën, po ashtu ka akredituar vëzhguesit e dhjetëra përfaqësive të huaja diplomatike të akredituara në Kosovë dhe të organizatave ndërkombëtare. Në mesin e të akredituarëve ishin edhe organizata jo-qeveritare vendore dhe vëzhgues nga Institucioni i Avokatit të Popullit.

    Në përgjithësi, KQZ akeditoi grupin e radhës prej 1 mijë e 680 vëzhguesve për vëzhgimin e zgjedhjeve për Kuvendin e Kosovës, të cilat do të mbahen më 9 shkurt 2025, prej të cilëve 13 vëzhgues nga trupa të menaxhimit të zgjedhjeve nga shtete të ndryshme, 81 vëzhgues të përfaqësive të vendeve të huaja të akredituara në Kosovë, 1 mijë e 126 vëzhgues nga OJQ-të vendore, 393 vëzhgues nga organizata të ndryshme ndërkombëtare dhe 67 vëzhgues nga Institucioni i Avokatit të Popullit.

    Nga numri i përgjithshëm i të akredituarëve, KQZ akreditoi rreth 400 vëzhgues të organizatave të ndryshme ndërkombëtare, të cilat janë të specializuar në fushën e zgjedhjeve, në mesin e të cilave: Misioni Vëzhgues i Zgjedhjeve nga Bashkimi Evropian, Asambleja Paramentare e Këshillit të Evropës, Asociacioni i Zyrtarëve Zgjedhorë Botërorë (A-WEB), IFES, International IDEA, National Demokratic Institute (NDI), International Republican Institute (IRI), Zyra e BE-së në Kosovë, etj.

    Po ashtu, KQZ ka akreditoi më shumë se 80 vëzhgues të ambasadave të ndryshme në Kosovë, 24 prej të cilëve nga ambasada e SHBA-ve dhe 30 të tjerë nga ajo e Britanisë së Madhe. Edhe ambasadat e shteteve tjera si ajo e Francës, Italisë, Holandës, Japonisë, Finlandës, Suedisë dhe Turqisë, u akredituan nga KQZ.

    Sipas njoftimit të KQZ-së, zgjedhjet e 9 shkurtit do të vëzhgohen edhe nga institucione zgjedhore nga shtete të ndryshme, si Shqipëria, Kroacia, Mali i Zi, Maqedonia e Veriut e Bullgaria./kp

  • Nëna rreh mjeken pas vdekjes së djalit në QSUT

    Nëna rreh mjeken pas vdekjes së djalit në QSUT

    Nëna e 12-vjeçarit i cili humbi jetën në 8 janar në Spitalin Pediatrik në QSUT ka rrahur mjeken e këtij spitali me pretendimin se ajo ka neglizhuar mjekimin e djalit të saj. Policia ka nisur hetimin mbi rastin, pas kallëzimit të mjekes së spitalit pediatrik.

    “Specialistët për Hetimin e Krimeve të Komisariatit të Policisë Nr. 4 referuan materialet në Prokurori, për shtetasen R. S., 44 vjeçe, për veprën penale “Goditje për shkak të detyrës”, pasi ka kallëzuar shtetasja J. B., mjeke në Spitalin Pediatrik, se 44-vjeçarja ka ushtruar dhunë fizike ndaj saj, në ambientet e këtij spitali, me pretendimin se ajo ka neglizhuar mjekimin e djalit 12-vjeçar të shtetases R. S., i cili ka humbur jetën më datë 08.01.2025, në këtë spital”.

    Kujtojmë se në 8 janar humbi jetën në QSUT, 12-vjeçari nga Maliqi. Në reagimin e saj QSUT deklaroi se i mituri u diagnostikua me miokardit akut, një sëmundje e rrallë dhe e rrezikshme, e cila shoqërohet me shkallë të lartë të vdekshmërisë. (A2 Televizion)

  • KQZ akrediton vëzhgues të dhjetëra organizatave ndërkombëtare, ambasadave dhe OJQ-ve

    KQZ akrediton vëzhgues të dhjetëra organizatave ndërkombëtare, ambasadave dhe OJQ-ve

    Zgjedhjet parlamentare të 9 shkurtit duket se kanë zgjuar interesimin e madh të përfaqësive të huaja diplomatike të akredituara në Kosovë, vëzhguesve ndërkombëtar të cilët përfaqësojnë institucione zgjedhore nga shtete të ndryshme dhe organizatave ndërkombëtare, raporton Ekonomia Online.

    Vetëm gjatë mbledhjes së martë, KQZ ka akredituar vëzhguesit e dhjetëra përfaqësive të huaja diplomatike të akredituara në Kosovë dhe të organizatave ndërkmbëtare.

    Në mesin e të akredituarave ishin edhe organizata jo-qeveritare vendore dhe vëzhgues nga Instiuticioni i Avokatit të Popullit.

    Në përgjithësi, KQZ akeditoi grupin e radhës prej 1,680 vëzhguesve për vëzhgimin e Zgjedhjeve për Kuvendin e Kosovës, të cilat do të mbahen më 9 shkurt 2025, prej të cilëve 13 vëzhgues nga trupa të menaxhimit të zgjedhjeve nga shtete të ndryshme; 81 vëzhgues të përfaqësive të vendeve të huaja të akredituara në Kosovë; 1,126 vëzhgues nga OJQ-të vendore; 393 vëzhgues nga organizata të ndryshme ndërkombëtare dhe 67 vëzhgues nga Institucioni i Avokatit të Popullit.

    Nga numri i përgjithshëm i të akredituarëve, KQZ akreditoi rreth 400 vëzhgues të organizatave të ndryshme ndërkombëtare të cilat janë të specializuara në fushën e zgjedhjeve, në mesin e të cilave: Misioni Vëzhgues i Zgjedhjeve nga Bashkimi Evropian, Asambleja Paramentare e Këshillit të Evropës, Asociacioni i Zyrtarëve Zgjedhorë Botërorë (A-WEB), IFES, International IDEA, National Demokratic Institute (NDI), International Republican Institute (IRI), Zyra e BE-së në Kosovë, etj.

    Po ashtu, KQZ ka akreditoi më shumë se 80 vëzhgues të ambasadave të ndryshme në Kosovë, 24 prej të cilëve nga ambasada e SHBA-ve dhe 30 të tjerë nga ajo e Britanisë së Madhe.

    Edhe ambasadat e shteteve tjera si ajo e Francës, Italisë, Holandës, Japonisë, Finlandës, Suedisë dhe Turqisë u akredituan nga KQZ. Sipas njoftimit të KQZ-së, zgjedhjet e 9 shkurtit do të vëzhgohen edhe nga institucione zgjedhore nga shtete të ndryshme, si Shqipëria, Kroacia, Mali i Zi, Maqedonia e Veriut e Bullgaria.

  • Trump rikthen në ushtri trupat që refuzuan të merrnin vaksinat kundër COVID-19

    Trump rikthen në ushtri trupat që refuzuan të merrnin vaksinat kundër COVID-19

    Donald Trump nënshkroi një sërë urdhrash ekzekutivë, e një nga ta rivendos mijëra trupa që u dëbuan nga ushtria për refuzimin e vaksinave COVID-19 gjatë pandemisë.

    Trump nënshkroi urdhrat ekzekutivë ndërsa po fluturonte nga Miami në Uashington.

    Një nga urdhrat ekzekutivë titullohej eliminimi i “radikalizmit gjinor në ushtri” dhe ka për qëllim për të rishikuar shërbimin e trupave transgjinore në ushtri, deri në ndalimin e tyre, shkruan The Guardian.

    Por, urdhri tjetër për ushtrinë ka për synim kthimin e trupave të shkarkuar për refuzimin e vaksinave COVID-19.

    Raportohet se mijëra pjesëtarë të shërbimit u hoqën nga ushtria pasi Pentagoni e bëri të detyrueshme vaksinën në 2021.

    Ndryshe, këto masa janë pjesë e një përpjekjeje më të gjerë të administratës Trump për të rivendosur disa nga politikat dhe vendimet e tij të mëparshme, duke përfshirë qëndrimin kundër politikave të administratës Biden që mbështesin diversitetin dhe përfshirjen në ushtri.

  • Varrosen tre anëtarët e familjes Gashi nga Peja, që humbën jetën të dielën në një aksident trafiku në rrugën Mitrovicë – Prishtinë

    Varrosen tre anëtarët e familjes Gashi nga Peja, që humbën jetën të dielën në një aksident trafiku në rrugën Mitrovicë – Prishtinë

    U është dhënë lamtumira e fundit tre anëtarëve të familjes, Zarif, Agim dhe Gyltene Gashi, të cilët mbetën të vdekur si pasojë e aksidentit që ndodhi në Skenderaj.

    Aksidenti ndodh të dielën në mbrëmje në fshatin Çubrel, ndërsa ishte e përfshirë edhe një veturë e Policisë së Kosovës. Në ceremoninë e varrimit ishte edhe kryetari i Pejës Gazmend Muhaxheri, si edhe shumë qytetarë.

  • Hamza propozon që TVSH-ja të paguhet vetëm pasi mallrat të shiten, e jo në kufi

    Hamza propozon që TVSH-ja të paguhet vetëm pasi mallrat të shiten, e jo në kufi

    Kandidati për kryeministër nga PDK-ja, Bedri Hamza, në emisionin CONTEXT në ATV, theksoi nevojën për reforma strukturore në ekonomi, sidomos në politikat fiskale dhe lehtësimin e qasjes në financa, për ta ndihmuar sektorin privat.

    Ai nënvizoi se rregullat fiskale duhet të adaptohen sipas kohës, dhe se politikat e dikurshme mund të rishikohen për të forcuar likuiditetin e bizneseve.

    “Dhe kemi nevojë për reforma strukturore në ekonomi, edhe në pjesën e politika fiskale, edhe në lehtësimin e qasjes në financa. Diçka çfarë është vendosur para disa vjetëve, nuk do të thotë që duhet me vazhdu në infinit,” tha Hamza.

    Sipas tij, pagesa e TVSH-së pas shitjes së mallrave do t’i ndihmojë ndërmarrjet vendore të shmangin pagesat e hershme dhe të ruajnë likuiditetin.

    “Kjo nënkupton që importuesit, ndërmarrësit, me pagu tatimin në vlerën e shtuar pasi që mallrat shiten, jo në kufi me rastin e importimit, sepse kështu i bie që ata në fakt e paguajnë tatimin në avanc,” u shpreh Hamza.

    Intervistën e plotë me Bedri Hamzën në CONTEXT e gjeni në videon më poshtë:

  • Hamza: Termocentrali me gaz mund të ndërtohet brenda 4 viteve

    Hamza: Termocentrali me gaz mund të ndërtohet brenda 4 viteve

    Kandidati për kryeministër nga radhët e Partisë Demokratike të Kosovës (PDK), Bedri Hamza, në emisionin “Context” në ATV, ka folur edhe për programin e tij për ndërtimin e një termocentrali me gaz.

    Sipas Hamzës, ky termocentral mund të ndërtohet për 4 vjet nëse fillon me kohë.

    “ Sektori i energjisë është shyllë e zhvillimit ekonomike. Ne e dimë që kemi një diskrepancë bukur të madhe mes kapaciteteve prodhuese dhe konsumit. Kapacitetet prodhuese kryesisht i kemi mbi bazën e thëngjillit dhe janë të stërvjetëruara. E dimë që “Kosova A” është e viteve të ’60 dhe “Kosova B”, e viteve të ’80 dhe kapacitetet janë të pamjaftueshme dhe jemi vonuar si Kosovë, të gjitha qeveritë pa dallim. Jemi vonuar në ndërtimin e kapaciteteve të reja gjeneruese dhe për këtë drejtim dhe për këtë qëllim unë jam shumë i përkushtuar që t’i rrisim kapacitetet prodhuese. Dhe të gjitha resurset e mundeshme me i pas si alternativë edhe gazin, edhe energjinë e ripërtritshme, hidro kemi kapacitete të limituara. Por realisht viteve të fundit ka pasur mungesë edhe për shkak tash mes Rusisë dhe Ukrainës, furnizimit me gaz në Evropë, disa vende shumë të zhvilluara evropiane kanë filluar që t’i riaktivizojnë edhe termocentralet e tyre. Prandaj ne do t’i kemi në konsideratë të gjitha potencialet e mundshme, gjithmonë duke i respektuar edhe rregullat. Por çka është e sigurt, ne kemi nevojë për kapacitete të reja gjeneruese dhe sigurisht se një prej tyre është edhe ndërtimi i kapaciteteve mbi bazën e gazit që ka qenë edhe një projekt dhe unë do të jem shumë insistues që ai projekt të kryhet dhe të fillojë me kohë. Kur jemi te ndërtimi i kapaciteteve të reja në këtë drejtim, duhet ta dimë se përveç aspektit financiar si kosto edhe koha e ndërtimit me ekspertët që kam biseduar, është 3 më e shkurta por optimalja është 4 por mund të jetë edhe 5 vjet. Prandaj kjo duhet të startohet, duhet të fillojë, sepse mungesa e energjisë elektrike është pengesë për zhvillimin ekonomik. Ne e shohim bizneset çfarë kosto po paguajnë, ekonomitë familjare, por përtej kësaj e përkeqëson deficitin tregtar sepse ne po importojmë shumë energji elektrike dhe e cenon stabilitetin maktofiskal në fazën e fundit nëse vim te një kolaps i kapaciteteve ekzistuese energjetike për shkak të vjetërsisë, atëherë ne detyrohemi ose me u përball në periudha të gjata kohore me mungesë të energjisë elektrike ose me importu dhe kur të importojsh çmimet munden me qenë shumë të larta”, u shpreh Hamza.

    Sipas tij, në bazë të përllogaritjeve që janë bërë, për ndërtimin e këtij termocentrali do të nevojiten rreth 800 milionë euro.

    “Mendoj që me u fillu në kohë arrin në një periudhë afatmesme me u ndërtu. Sikurse që është edhe kostoja e përllogaritur, këto tash ndryshojnë por po flasim se dikund duhet ti kemi në dispozicion për me ndërtua kapacitete të reja, kur po flas kapacitete të reja, kapacitete në pronësi publike. Por jemi duke folur diku përafërsisht rretj 800 milionë euro që ki me i investue në kapacitete të reja për me fitu kapacitete të reja të një madhësie të caktuar”, u shpreh Hamza.

    Intervistën e plotë me Bedri Hamzën në CONTEXT e gjeni në videon më poshtë:

  • Hamza: Zhvillimi i qëndrueshëm ekonomik, është prioriteti i im kryesor për Kosovën

    Hamza: Zhvillimi i qëndrueshëm ekonomik, është prioriteti i im kryesor për Kosovën

    Kandidati për kryeministër nga Partia Demokratike e Kosovës (PDK), Bedri Hamza, në emisionin CONTEXT në ATV, deklaroi se zhvillimi i qëndrueshëm ekonomik është prioriteti i tij kryesor kur të vjen në pushtet.

    Ai tha se çmimet e produkteve bazike kanë pësuar rritje deri në njëqind për qind, duke rënduar gjendjen financiare të qytetarëve.

    “Zhvillimi i qëndrueshëm ekonomik është prioriteti kryesor, për shkak se ne kemi nevojë me ndërru gjendjen ekonomike në Kosovë. Viteve të fundit ne jemi përballë me një inflacion shumë të lartë. Çmimet e produkteve bazike kanë lëvizë prej katërdhjetë deri në njëqind përqind”, tha Hamza.

    Hamza tha se konsumatorët po shpenzojnë më shumë se gjysmën e pagës për artikuj të domosdoshëm, duke nënvizuar nevojën për veprime konkrete.

    Intervistën e plotë me Bedri Hamzën në CONTEXT e gjeni në videon më poshtë:

  • Hamza: Marrëveshja e Brukselit e pamjaftueshme, duhet synuar njohjen e ndërsjellë

    Hamza: Marrëveshja e Brukselit e pamjaftueshme, duhet synuar njohjen e ndërsjellë

    Kandidati për kryeministër nga PDK-ja, Bedri Hamza, në emisionin CONTEXT në ATV, deklaroi se dialogu me Serbinë duhet të përfundojë me njohje të ndërsjellë, pasi, sipas tij, Marrëveshja e Brukselit nuk mjafton për zgjidhje përfundimtare.

    Ai tha se procesi ka pësuar regres vitet e fundit, duke kujtuar se fillimisht qëllimi kryesor ka qenë pikërisht arritja e njohjes së ndërsjellë.

    “Ne kemi thënë që marrëveshja e Brukselit është e pamjaftueshme… fillimi i dialogut ka qenë me qëllimin final njohjen e ndërsjellë,” tha Hamza.

    Hamza tha se Kosova duhet të bashkëpunojë ngushtë me SHBA-në dhe vendet e BE-së, për t’i bindur se marrëveshja finale do të sjellë mbyllje të plotë të këtij procesi.

    “Unë jam insistues në atë që të shkohet në marrëveshjen finale, që nënkupton njohja e ndërsjellë edhe përfundimi i këtij procesi,” u shpreh ai.

    Intervistën e plotë me Bedri Hamzën në CONTEXT e gjeni në videon më poshtë:

  • Hamza: Edhe nëse hiqen sanksionet, Kosovës ia kanë e kanë prodhu damin ekonomik

    Hamza: Edhe nëse hiqen sanksionet, Kosovës ia kanë e kanë prodhu damin ekonomik

    Kandidati për kryeministër nga radhët e PDK-së, Bedri Hamza, në emisionin CONTEXT në ATV, deklaroi se Kosova nuk ka alternativë tjetër përveç integrimit euro-atlantik, por theksoi se sanksionet i kanë sjellë vendit një dëm të konsiderueshëm financiar.

    Ai tha se vendi duhet t’i përmirësojë standardet në infrastrukturë, sundim të ligjit dhe ekonomi, jo vetëm për Bashkimin Evropian, por për interesin e vet.

    “Kosova ka veç një rrugë, nuk ka alternativë. Rruga e Kosovës është integrimi euro-atlantik. Dhe ne do t’i plotësojmë standardet, jo për BE-në, po ne do t’i plotësojmë standardet për vete”, tha Hamza.

    Sipas Hamzës, dëmi ekonomik për Kosovën mbetet i përhershëm, edhe nëse sanksionet hiqen, pasi humbjet dhe vonesat kanë ndodhur tashmë.

    “Dhe përveç damit financiar qysh tundohet që sanksionet edhe nesër me u hjek, e kanë prodhu damin ekonomik. Jo për shkak se veç i kanë ardhë projekteve, po ti është deshtë me i shpenzu ato para, me i ekzekutu ato para dhe me i marrë tjerat. Ju tash me thanë u hoqën sanksionet që s’kena bo dam. Jo, dami financiar ka ndodh”, deklaroi Hamza.

    Intervistën e plotë me Bedri Hamzën në CONTEXT e gjeni në videon më poshtë: