Ish-deputeti i PDK-së, Hisen Berisha, në emisionin CONTEXT në ATV, tha se Kosova duhet të synojë integrimin në sistemin evropian të mbrojtjes, duke pasur parasysh ndryshimet në politikën e sigurisë në Evropë.
Sipas tij, reformat e nisura nga ish-presidenti Trump dhe rritja e buxhetit për industrinë e mbrojtjes në Evropë krijojnë mundësi për përfshirjen e Kosovës në këtë sistem.
“Evropa duhet të mendojë ta plotësojë boshllëkun e krijuar nëse SHBA-të reduktojnë mbështetjen ushtarake. Kosova duhet të shohë ku t’i integrojë kapacitetet e saj në këtë sistem mbrojtës. Duhet të jemi pjesë e tij në nivel evropian, pasi NATO ka qenë forca kryesore që ka mbuluar Evropën për çështje të mbrojtjes dhe sigurisë”, tha Berisha.
Deklaratën e plotë të Hisen Berishës në CONTEXT, e gjeni në videon më poshtë:
Ish-deputeti i PDK-së, Hisen Berisha, në emisionin CONTEXT në ATV, tha se roli i Forcës së Sigurisë së Kosovës (FSK) është humanitar dhe i ngjashëm me ndërhyrjen e NATO-s në Kosovë.
“Ata që nuk e njohin rrugëtimin e Forcës së Sigurisë së Kosovës mund ta keqinterpretojnë këtë term, por logjika është e thjeshtë: të luftosh në një vend për të mbështetur paqen, për të mundësuar lirinë dhe për të shpëtuar nga gjenocidi apo represioni. Ndërhyrja në Kosovë a nuk ka qenë ekskluzivisht për çështje humanitare?”, tha Berisha.
Deklaratën e plotë të Hisen Berishës në CONTEXT, e gjeni në videon më poshtë:
Ish-nënkryetari i Kuvendit, Ibrahim Gashi, në emisionin CONTEXT në ATV, tha se NATO-ja e ka të qartë se Serbia ka qenë destabilizuese e Ballkanit për më shumë se një shekull.
Sipas tij, politika ekspanzioniste e Serbisë ka shkaktuar konflikte të përgjakshme, duke detyruar NATO-n të ndërhyjë në Bosnje dhe Kosovë.
“NATO-ja e ka për arsyesh që destabilizuesi i Ballkanit ka qenë Serbia me pretendimet e saj ekspanzioniste ndaj tokave jo serbe. Slogani i Milosheviqit ‘aty ku është një serb është Serbi’ e çoi në luftëra të përgjakshme gjatë viteve të ’90-ta, gjë që detyroi NATO-n të ndërhynte në Bosnje dhe më pas drejtpërdrejt në Kosovë për ta ndalur politikën hegjemoniste të Serbisë”, tha Gashi.
Ai tha se NATO ka nxjerrë mësime nga ndërhyrjet e saj të mëparshme dhe po rrit nivelin e angazhimit për sigurinë në Evropë.
“NATO-ja mori leksione nga ky impenjim i vazhdueshëm dhe tani, me ndryshimet në gjeopolitikën botërore, po rrit aktivitetet dhe angazhimin e saj për çështjet e sigurisë në kontinent”, tha Gashi.
Deklaratën e plotë të Ibrahim Gashit në CONTEXT, e gjeni në videon më poshtë:
Qe një temë e mirë – Donald J. Trump – sipas Presidentes është mik i madh i Kosovës.
Sipas Kryeministrit është njeri që mban thika mbi harta.
Eh tash, që diplomacinë e kemi llom, kjo dihet. Që fuqinë lobuese në Shtetet e Bashkuara e kemi humbë, kjo u konstatua disa herë, që
marrëdhëniet Kosovë – SHBA kanë degraduar dhe janë në nivelin më të ulët të kohëve të fundit – po ashtu e thënë nga disa burime!
Por, meqë Trumpin e paskemi mik të madh – hajde të merremi me një temë, me të vetmin dokument lidhur me Kosovën të nënshkruar nga Donald J. Trump, dora vetë!
Ai dokument u nënshkrua me Washington – sipas ish Kryeministrit është marrëveshja e Washingtonit.
Sipas Kryeministrit aktual është tryezë suedeze!
Tash, temë e mirë kish qenë nëse në këtë tavolinë suedeze, merren thikat për filetim, e kah fundi, pas dezertit shtrohen hartat e bëhen copë copë…
Aq temë e mirë, sa që i kam humbë 20 minuta tu tentu me ia shpjegu AI-së, qysh duken thikat mbi harta në zyrën ovale dhe ja çka shkarraviti në fund.
Vazhdojmë – në dokumentin e Washingtonit thuhet:
Të dyja palët do të zbatojnë marrëveshjet për hekurudhë dhe autostradë që lidhin këto vende – në Kosovë nuk u marrë kush me këtë sport!
Për këtë punë Amerika jep pare – prape nuk jemi marrë me këtë sport!
Të dyja palët do të angazhohen për pikë kalim të përbashkët në Merdare – pikë kalimet, më shumë ka qenë temë e problemeve dhe tensioneve sesa promovuese të lëvizjes së lirë
Të dyja palët do ti bashkëngjiten Mini Shengenit Ballkanik – i ka vdekë nana kësaj pune.
Të dyja palët do të angazhohen për menaxhim të Ujmanit – harroje numrin tim nuk u marrë kush me këtë llaf.
Të dyja palët do të ndalojnë pajisjet 5G nga furnizuesit jo kredibilë , 5G ka veç ne fb të ministrave, kurse pikërisht nga Kina janë blerë shumë kamera dhe pajisje tjera për monitorim edhe të objekteve qeveritare etj etj.
Pjesë e marrëveshjes ka qenë diversifikimi i burimeve energjetike – këtu e kemi një marrëveshje të nënshkruar për bateri, por nuk kemi bateri edhe kush nuk e din as kur do ti kemi, e ndërkohë nuk do të kemi rrymë të prodhuar që ta ruajmë në bateri.
Me fjalë tjera, pak e hiç nga ajo që është nënshkruar ëhstë kah zbatohet edhe për ëtë punë ka edhe mungesë vullneti edhe mungesë llogaridhënieje.
Edhe a dini çka? Ky dokumenti i Washingtonit është një dokument. Nëj tjetër është lista e zotimeve që e kanë nënshkruar Presidentja, Kryekuvendari dhe Kryeministri. Një tjetër është që e ka nënshkruar Ministrja e Jashtme. Një tjetër është i vendosur në Bruksel që na futë nën masa ndëshkuese etj etj.
Vizita e Sekretarit të NATO-s është saktë e kallëzoi çka NATO pret nga Kosova – që është saktë ajo që Kosova nuk e ka bërë tash e sa vjet – zbatimi i marrëveshjeve dhe obligimeve ndërkombëtare.
Kuptohet, në Kosovë nuk kemi pse merremi me këtë temë – duhet të numërohen votat nga Wiesbadeni e Wuppertali dhe të rinumërohen votat nëpër do katunde të Vushtrrisë.
Sado e dëmshme të jetë hajnia brenda llojit në LDK, sado e rëndësishme të jetë që PZAP-ja dhe organet tjera përkatëse ta konstatojnë këtë hajni e më pas hajnat e votës të dënohen, zvarritjet në proces kanë me kushtu me zvarritje në projekte dhe tema që na e përcaktojnë të ardhmen.
Jemi në gjysmë të marsit, që i bie që Kuvendi sivjet s’ka me punu më shumë se 5 muaj në total, meqë ka pushim të verës dhe hallakamë të fushatës së zgjedhjeve lokale.
Nëse nuk ka Kuvend, s ka jetë as përafërsisht normale politike, kurse duke mos pasë Qeveri të re, s’ka potencial të shtyhet asnjë projekt i rëndësishëm.
Pra, ajo që dihet është se tremujorin e parë e kemi të humbur, tremujorin e tretë e kemi pushim edhe tremujorin e fundit kemi zgjedhje.
Për shkak të mosdifqave në KQZ dhe hajnave të votave – rrezikojmë ta humbim edhe tre mujorin e dytë dhe të na shkojë krejt viti kot!
Kryeministri i Shqipërisë, Edi Rama solli sot në vëmendje përfitimet që do të ketë Shqipëria nga aplikimi i inteligjencës artificiale në procesin e negociatave me Bashkimin Evropian.
Kryeministri ishte i pranishëm në aktivitetin e javës Franko-Shqiptare për Inteligjencën Artificiale, Green AI, ku theksoi se Shqipëria ka ecur shumë para në procesin e integrimit evropian dhe synon të bëhet anëtare brenda kësaj dekade.
“Kemi një plan shumë ambicioz me Komisionin Evropian për përmbylljen e negociatave brenda vitit 2027, është një dritare e jashtëzakonshme mundësie për të cilën duhet të bëjmë gjithçka mundemi për të mos e humbur. Duke përdorur intelegjencën artificiale po e bëjmë këtë punë me një shpejtësi krejt tjetër sepseVetëm për të transpozuar korpusin ligjor të BE-së, sikur edhe mekanikisht, në korpusin kombëtar legjislativ do të kërkonte një ushtri përkthyesish, hartuesish dhe ligjshkruesish dhe shumë njerëz të tjerë ”, tha kryeministri.
Kryeministri kujtoi se për Kroacinë, që në fakt pati një rekord mbresëlënës për të qenë anëtare në BE u deshën 7 vjet.
“Ne duam ta bëjmë më shpejt. Po krijojmë modelin që jo vetë transpozon në kohë reale por na jep pajtueshmërinë me legjislacionin tonë. Po ashtu është e aftë që t’u japë atyre njerëzve që duhet të përgatisin gjithçka për qeverinë dhe parlamentin aftësinë të shohin ngjashmëritë apo mospërputhjet mes asaj çfarë kemi këtu dhe asaj që vjen nga BE”, tha Rama.
Kryeministri theksoi se ky është modeli që po zbatohet në Ministrinë e Drejtësisë ku po gërmohet në pirgjet masive të ligjeve për të identifikuar të gjitha mbivendosjet.
“Nuk është fortë e rrallë që diçka që ti meriton ta marrësh nga një ligj nuk e merr dot se një ligj tjetër thotë jo. Kjo është një punë e jashtëzakonshme që po bëhet përmes inteligjencës artificiale”, tha Rama.
“Prania e trupave të NATO-s në Kosovë nuk është vetëm një garanci për sigurinë tonë por është edhe një barrierë kundër çdo lloj përpjekje për cenimin e paqes dhe stabilitetit për të cilin të gjithë së bashku kemi punuar e sakrifikuar shumë gjatë”, tha presidentja e vendit, Vjosa Osmani të martën në konferencë për media me shefin e NATO-s, Mark Rutte.
Pas takimit me sekretarin e përgjithshëm të NATO-s, Osmani tha se Beogradi po tenton të destabilizojë Kosovën dhe gjithë rajonin.
Ajo shtoi se është me rëndësi që të shtohet prania dhe pajisjet për mbrojtjen e kufirit.
“Para më shumë se 25 vitesh, shumica prej nesh që na takuat sot kemi qenë të rinj ose fëmijë të cilët dolëm t’i presim ushtarët e NATO-s. Përgjatë këtyre 25 viteve së bashku me juve e kemi shndërruar Kosovën në një vend me demokraci. NATO është themeluar mbi vlerat, prandaj edhe synimi për anëtarësim është një domosdoshmëri. Është me rëndësi që ky rajon të mos ketë vakume të sigurisë”, tha ajo.
Sekretari i Përgjithshëm i NATO-s, Mark Rutte, ka deklaruar se Kosova e Serbia duhet të bëjnë “kompromise të duhura” në dialogun e lehtësuar nga Bashkimi Evropian, raporton EO.
Sipas tij, “të dyja palët duhet të fokusohen në dobitë afatgjate”.
“NATO-ja do të vazhdojë të mbështesë plotësisht normalizimin e marrëdhënieve midis Beogradit dhe Prishtinës, udhëhequr nga BE-ja. Është e vetmja mënyrë për të zgjidhur çështjet e pazgjidhura dhe për të ofruar të ardhme stabile dhe që të mbrohen të gjitha komunitetet. Për ta shtyrë përpara këtë dialog, të dyja palët duhet të shfaqin fleksibilitet, të bëjnë kompromise të duhura dhe të fokusohen në dobitë afatgjate. E kuptoj plotësisht që kjo kërkon vendime të vështira, por duhet të shohim pamje më të gjerë. Normalizimi sjell stabilitet më të madh, më shumë mundësi investimi dhe më pas siguri më afatgjatë për të gjithë rajonin në dobi të të gjithëve. Ky është mesazhi që do të vazhdoj ta përsëris”, tha ai në konferencën e përbashkët me presidenten Osmani.
Rutte është zotuar po ashtu se përkushtimi i NATO-s për stabilitet e paqe në Kosovë dhe rajon mbetet i qëndrueshëm.
“Prania ime është demonstrim i qartë i përkushtimit të NATO për siguri afatgjate në Kosovë. Këtu dhe në rajon NATO ka mbështetur sigurinë për Ballkanin perëndimor për më shumë se 30 vite. Ekipet e KFOR-it vazhdojnë të mbështesin institucionet e sigurisë. Vlen të përmendet se siguria në rajon ndërlidhet edhe me dialogun, andaj të dyja shtetet duhet të fokusohen dhe të bëjnë kompromise të duhura”.
“Trupat tanë punojnë pa pushim për të siguruar ambient me rend dhe siguri në përputhje me mandatin e KFOR-it. Një rajon më i sigurt nënkupton më shumë siguri për të gjithë zonën e NATO-s”, ka thënë ai.
“Jemi të gatshëm t’i përgjigjemi çfarëdo zhvillimi të sigurisë. Dhe në këtë kuptim shpresojmë të shohim bashkëpunim edhe më të thellë në mes të institucioneve të Kosovës dhe KFOR-it. NATO-ja do të vazhdojë të luajë rolin e vet në mandatin e vet për sigurinë e të gjithëve. Këtë e bëjmë në bashkërendim të afërt me Policinë e Kosovës, EULEX-in dhe rolet tona përkatëse”, u shpreh ai.
Marash Kumbulla ka dhënë një intervistë për “Cronache di Spogliatoio” ku preku disa tema. Njëra ka të bëjë me Kristjan Asllanin të cilin Kumbulla e cilëson si një futbollist me cilësi të mëdha.
Ai ka thënë se mesfushori i Interit është një lojtarë me cilësi të rralla, përcjellë KP.
“Kam parë shumë pak si ai. Ai i ekzekuton rivëniet nga këndi me të dyja këmbët dhe nuk e vëreni ndryshimin. Ai është një lojtar me cilësi të jashtëzakonshme në pasime të shkurtra por edhe në ato të gjata pasi luan me të djathtën dhe të majtën në të njëjtën mënyrë. Ai vetëm duhet të rritet më tej dhe të gjejë besim, të jetë i qëndrueshëm. Është e qartë se në Inter, mes kaq shumë kampionëve, është e vështirë”, ka thënë Kumbulla.
Polonia, anëtare e NATO-s së shpejti do t’ua dërgojë qytetarëve të saj një doracak se si duhet t’i mbijetojnë krizave të ardhshme, dhe ka paralajmëruar se meshkujt duhet t’i nënshtrohen stërvitjeve ushtarake me rritjen e tensioneve me Rusinë.
Ky vend që kufizohet me Ukrainën dhe Rusinë, do të dërgojë pamflete nëpër shtëpi gjatë këtij viti, transmeton Telegrafi.
E një doracak do t’i informojë ata se si duhet të “ballafaqohen me situata të ndryshme helmuese dhe të rrezikshme”, ka njoftuar zëvendës-drejtori i Mbrojtjes Civile pranë ministrisë së Punëve të Brendshme, Robert Klonowski.
Civilëve do t’u jepen këshilla gjatë luftës se si të përballen me ‘një ndërprerje të energjisë elektrike që zgjat disa ditë ose disa orë’, tha ai, duke shtuar se informacioni do të shërbente gjithashtu për reagimin ndaj fatkeqësive natyrore.
Broshura do të botohet në polonisht dhe në gjuhën ukrainase për rreth 900,000 refugjatë ukrainas në vend.
“Ne po planifikojmë gjithashtu një version të veçantë, ose të paktën një pjesë të këtij udhëzuesi, drejtuar fëmijëve”, shtoi Klonowski.
Polonia është një nga aleatët më të vendosur të Kievit në Bashkimin Evropian, dhe pret një qendër logjistike përmes së cilës vendet anëtare të NATO-s dhe BE-së kanë dërguar ndihmë ushtarake dhe humanitare në Ukrainë.
Ajo e ka vështruar me kujdes Rusinë dhe po rrit mbrojtjen e saj, ndërsa pushtimi i Vladimir Putinit po vazhdon.
Polonia ka bërë hapa drejt një lufte gjatë javës së kaluar, me kryeministrin e vendit Donald Tusk duke zbuluar se qeveria e tij po punon për një sistem për të trajnuar ushtarakisht të gjithë njerëzit në rast të një lufte.
Tusk i tha dhomës së ulët të parlamentit – se trajnimi ushtarak do të krijonte një forcë rezervë që është ‘adekuate për kërcënimet e mundshme’.
Zyrtarët synojnë të kenë një plan për skemën, e cila do të jetë e hapur edhe për gratë vullnetare, të finalizuar deri në fund të vitit.
Po atë ditë, ai zbuloi se ishte duke pasur diskutime serioze me Francën për të rënë nën mbrojtjen e ombrellës së tyre bërthamore në parlamentin e tij.
Gjatë njoftimit të tij, Tusk theksoi se qarku i Evropës Lindore nuk mund të mbështetet vetëm në armët konvencionale, duke vënë në dukje se Ukraina kishte dorëzuar municionin e saj bërthamor për të vazhduar të sulmohej nga Rusia.
“Ne duhet të jemi të vetëdijshëm se Polonia duhet të arrijë për aftësitë më moderne që lidhen gjithashtu me armët bërthamore dhe armët moderne jokonvencionale … kjo është një garë për siguri, jo për luftë”, tha ai.
Polonia, anëtare e NATO-s, ekziston në një pozicion gjeografik unik dhe të pasigurt në Evropë, që e ka detyruar atë të marrë seriozisht sigurinë e saj.
Një enklavë ruse, Kaliningrad, kufizohet me Poloninë në veri, ndërsa Ukraina shtrihet në lindje të vendit.
Vendet e tjera të BE-së të alarmuara nga ambiciet ekspansioniste të Rusisë, kanë rritur gatishmërinë e publikut për krizat e ardhshme.
