Ministri i Mbrojtjes, Ejup Maqedonci, në emisionin CONTEXT në ATV, tha se Kosova do të ketë një rol edhe më të rëndësishëm në Defender Europe 2025, duke qenë jo vetëm vend pritës, por edhe qendër e komandës ushtarake amerikane për Ballkanin Perëndimor.
Ai tha se në këtë edicion të ushtrimit të madh ushtarak, Kosova do të luajë një rol të zgjeruar, duke përfshirë pjesëmarrjen me njësi ushtarake dhe pritjen e një komande të lartë ushtarake amerikane.
“Edhe më shumë dhe edhe më e involvuar se në Defender Europe 23, Kosova në Defender Europe 25 do të jetë jo vetëm vend pritës dhe pjesëmarrëse me njësi ushtarake, por edhe vendi ku do të vendoset një komandë e lartë ushtarake amerikane, nga e cila do të udhëhiqen të gjitha trajnimet në Ballkanin Perëndimor”, tha Maqedonci.
Sipas tij, kjo është hera e parë që një komandë e tillë ushtarake do të vendoset në Kosovë, duke e bërë vendin një qendër strategjike për operacionet e Defender Europe 2025.
“Për herë të parë, Kosova do të jetë jo vetëm vend pritës, siç ka qenë në Defender Europe 21 dhe 23, por edhe selia e një komande të lartë ushtarake, e cila do të udhëheqë operacionet nga bazat tona ushtarake”, u shpreh Maqedonci.
Deklaratën e plotë të Ejup Maqedoncit në CONTEXT, e gjeni në videon më poshtë:
Sigurisë së Kosovës (FSK) ishte pjesë e ‘Defender Europe 23’ gjatë gjithë kohës dhe se i vetmi aktivitet i pezulluar ishte dita e vizitorëve të shquar.
Sipas tij, Kosova ishte vend pritës i ushtrimit ushtarak dhe një nga shtetet me numrin më të madh të ushtarëve pjesëmarrës, ndërsa të gjitha aktivitetet e planifikuara u zhvilluan me sukses.
“Forca e Sigurisë së Kosovës ka qenë pjesëmarrëse gjatë gjithë kohës në Defender Europe 23. Vendi ynë ishte vend pritës dhe asnjë aktivitet nuk u pengua, përveç ditës së vizitorëve të shquar, që ishte dita e fundit e ushtrimit dhe ishte paraparë për personalitetet shtetërore dhe mediat. Ushtrimi u zhvillua siç ishte planifikuar dhe përfundoi me sukses”, tha Maqedonci.
Ai tha se përmes këtij ushtrimi është arritur synimi kryesor, validimi i regjimentit të parë të këmbësorisë së FSK-së.
“Ne kemi qenë një ndër vendet pjesëmarrëse me numrin më të madh të ushtarëve dhe rezultati kryesor që synuam u arrit, pasi përmes Defender Europe 23 u bë validimi i regjimentit të parë të këmbësorisë”, u shpreh Maqedonci.
Deklaratën e plotë të Ejup Maqedoncit në CONTEXT, e gjeni në videon më poshtë:
Ministri i Mbrojtjes, Ejup Maqedonci, në emisionin CONTEXT në ATV, sqaroi se të gjitha blerjet ushtarake për Forcën e Sigurisë së Kosovës (FSK) bëhen përmes procedurave zyrtare dhe negociatave shtet më shtet, duke mohuar çdo përfshirje të bizneseve private në këtë proces.
Sipas tij, Ministria e Mbrojtjes nuk negocion me kompani private për blerjet ushtarake të FSK-së, pasi të gjitha procedurat zhvillohen përmes komisioneve zyrtare dhe në bashkëpunim me shtetet partnere.
“Të gjitha blerjet ushtarake zhvillohen në mënyrë zyrtare, përmes komisioneve. Si ministër, unë aprovoj listën e blerjeve dhe raportet përkatëse, të cilat përmbajnë propozime nga prodhues të ndryshëm me të cilët bashkëpunojmë. Përzgjedhja e prodhuesve bëhet përmes sistemit shtet më shtet, ku komunikojmë direkt me ministritë e Mbrojtjes të vendeve partnere”, tha Maqedonci.
Ai thotë se procedurat e blerjeve janë të rregulluara nga shtetet partnere, të cilat propozojnë prodhuesit e tyre pas ndjekjes së procedurave të tyre të brendshme.
“Ne nuk zhvillojmë negociata me biznese të brendshme. Ministritë e Mbrojtjes të shteteve me të cilat bashkëpunojmë zhvillojnë procedurat e tyre dhe na propozojnë prodhuesit e tyre për të negociuar me komisionet tona”, u shpreh Maqedonci.
Deklaratën e plotë të Ejup Maqedoncit në CONTEXT, e gjeni në videon më poshtë:
Ministri i Mbrojtjes, Ejup Maqedonci, në emisionin CONTEXT në ATV, tha se Kosova ka bërë investime të mëdha në sisteme të armatimit dhe është në pritje të sistemit Javelin, një nga armët më efektive kundër mjeteve të blinduara.
Ai tha se gjatë këtij mandati janë shpenzuar 319 milionë euro për blerjen e sistemeve të armatimit, ndërsa bashkëpunimi kryesor është realizuar me Shtetet e Bashkuara të Amerikës.
“Ne kemi trefishuar numrin e pushkëve individuale dhe kemi shtuar shumë sisteme të reja, përfshirë dronët luftarakë Bayraktar dhe sisteme të ndryshme antitank. Përveç Javelin, kemi dhe sisteme të tjera të avancuara në Forcën e Sigurisë së Kosovës. Ndërsa, jemi në pritje të sistemit Javelin, një nga armët më efikase kundër mjeteve të blinduara, për të cilin po bëjmë përpjekje që ta sigurojmë brenda këtij viti”, tha Maqedonci.
Ai tha se pagesat për këto sisteme po realizohen dhe blerjet janë bërë sipas konceptit “shtet më shtet”, përmes Departamentit të Mbrojtjes së SHBA-së.
“Ne kemi diskutuar me partnerët tanë nga SHBA dhe vazhdojmë të punojmë për të siguruar sistemin Javelin në kohën e duhur. Prokurimi dhe të gjitha fazat e tjera janë zhvilluar nga Departamenti i Mbrojtjes së Shteteve të Bashkuara të Amerikës”, u shpreh Maqedonci.
Deklaratën e plotë të Ejup Maqedoncit në CONTEXT, e gjeni në videon më poshtë:
Ministri i Mbrojtjes, Ejup Maqedonci, në emisionin CONTEXT në ATV, tha se mandati ushtarak i Forcës së Sigurisë së Kosovës (FSK) është njohur nga vendet kryesore të NATO-s, pavarësisht qëndrimit zyrtar të Aleancës Veri-Atlantike.
Ai tha se FSK-ja ka marrë mandat të plotë ushtarak që nga dhjetori i vitit 2018, por NATO si organizatë ende nuk e ka njohur këtë ndryshim.
“Forca e Sigurisë së Kosovës dihet që ka marrë mandat të plotë ushtarak në dhjetor të vitit 2018 dhe prej atëherë funksionojmë me një mandat të shtuar në aspektin e kapaciteteve ushtarake. Fatkeqësisht, ky mandat ende nuk është njohur nga NATO si organizatë, por jemi me fat që ai njihet nga vendet kryesore të NATO-s, duke përfshirë Shtetet e Bashkuara të Amerikës, Gjermaninë, Mbretërinë e Bashkuar, Italinë, Turqinë dhe shumë vende të tjera”, tha Maqedonci.
Ai shtoi se Kosova është duke zhvilluar kapacitetet e saj ushtarake në përputhje me mandatin e miratuar nga Kuvendi i Kosovës.
Deklaratën e plotë të Ejup Maqedoncit në CONTEXT, e gjeni në videon më poshtë:
Ministri i Mbrojtjes, Ejup Maqedonci, në emisionin CONTEXT në ATV, tha se Forca e Sigurisë së Kosovës (FSK) po hyn në fazën e fundit të tranzicionit, si pjesë e planit dhjetëvjeçar të transformimit të saj.
Sipas tij, dy fazat e para të këtij tranzicioni tashmë janë përmbyllur, duke përfshirë ndërtimin e strukturave organizative dhe krijimin e regjimenteve të këmbësorisë.
“Ne kemi përfunduar dy faza të tranzicionit: fazën e parë, që përfshinte gatishmërinë doktrinore, edukimin dhe organizimin e brendshëm, dhe fazën e dytë, ku synuam ndërtimin e kapaciteteve të këmbësorisë. Këtë vit, do të përmbyllim këtë fazë duke validuar regjimentin e tretë të këmbësorisë, që është thelbësor për operacionet luftarake të FSK-së”, tha Maqedonci.
Ai tha se faza e tretë e tranzicionit do të zgjasë deri në vitin 2028 dhe do të përqendrohet në ndërtimin e kapaciteteve të mbrojtjes dhe mbështetjes ajrore.
“Në këtë fazë synojmë të ndërtojmë kapacitetet në mbështetjen ajrore, mbrojtjen ajrore dhe zhvillimin e kapaciteteve të veçanta që do të mbështesin forcat ekzistuese. Kjo fazë do të përmbyllë të gjithë planin dhjetëvjeçar të tranzicionit të FSK-së”, u shpreh Maqedonci.
Deklaratën e plotë të Ejup Maqedoncit në CONTEXT, e gjeni në videon më poshtë:
Ministri i Mbrojtjes, Ejup Maqedonci, në emisionin CONTEXT në ATV, tha se marrëveshja ushtarake mes Kosovës, Shqipërisë dhe Kroacisë mund të zgjerohet, pasi Bullgaria ka shprehur interes për t’iu bashkuar në një të ardhme të afërt.
Sipas tij, kjo iniciativë fillimisht u diskutua në Zagreb vitin e kaluar, ku u hodh ideja e një marrëveshjeje trilaterale, por pa përjashtuar mundësinë që vende të tjera të rajonit t’i bashkohen më vonë.
“Iniciativa për këtë marrëveshje u ngrit gjatë vizitës sime në Zagreb verën e kaluar, kur diskutova me ministrin Nanoshiq. Ne e konsideruam mundësinë e një bashkëpunimi trilateral duke përfshirë edhe Shqipërinë, por gjithmonë duke lënë të hapur derën për vendet e tjera të rajonit që ndajnë vlera të përbashkëta Euroatlantike”, tha Maqedonci.
Ai tha se kjo marrëveshje nuk synon të kërcënojë askënd, por të rrisë bashkëpunimin mes vendeve të rajonit që kanë interesa të përbashkëta në fushën e mbrojtjes dhe sigurisë.
“Nuk është synim i kësaj marrëveshjeje që të kërcënojë askënd, por të forcojë bashkëpunimin rajonal mes vendeve që ndajnë të njëjtat vlera dhe interesa strategjike. Kjo është një nismë për stabilitet dhe siguri në Ballkanin Perëndimor”, u shpreh Maqedonci.
Ministri konfirmoi se janë në kontakt me vende të tjera të NATO-s dhe se Bullgaria është një ndër shtetet që mund të bëhet pjesë e kësaj marrëveshjeje shumë shpejt.
“Ministrja Nushiq ka theksuar para nënshkrimit të marrëveshjes në Shqipëri se edhe Bullgaria mund të bëhet pjesë e kësaj iniciative në një të ardhme të afërt. Por ne mbetemi të hapur edhe për vende të tjera që duan të jenë pjesë e këtij bashkëpunimi”, tha Maqedonci.
Deklaratën e plotë të Ejup Maqedoncit në CONTEXT, e gjeni në videon më poshtë:
Qe një temë e mirë – në Serbi, në fundjavë u zhvilluan protestat më të mëdha në Ballkan këtë shekull.
Policia e Serbisë pohoi se në rrugë kanë qenë 100 mijë veta, pjesëmarrësit pohojnë që kanë qenë gjysmë milioni, që gjë tregon se qysh i matë policia numrat e demonstruesve dallon shumë prej mediave dhe ekspertëve.
Mirëpo, nga protestat në Serbi interesante janë dy tema: e para, a ka përdorë policia e këtij shteti a po se më mirë me thanë, regjimi i Aleksandar Vuçiqit armë ndaj protestuesve?
Tash, kur po themi armë, atje që 4 ditë temë kryesore është përdorimi i asaj që quhet top zanor, ose top sonik.
Topi zanor është pajisje që montohet në automjete policore ose objekte tjera dhe mund të transmetojë zëra ose audio incizime, ose audio efekte të ndryshme dhe kështu të shkaktojë iritim, ose panik, presion në veshë, marramendje, ose ndonjë formë tjetër të presionit në masë të njerëzve.
Konkretisht modeli 450 XL i kompanisë Genasys e ka mundësinë që shumë zëshëm, në më shume se një kilometër e gjysmë të transmetojë audio filea që imitojnë krismat e armëve të ndryshme, alarme, ndihmën e shpejtë, ose vetura që afrohen me shpejtësi, ose trena, ose sirena irrituese, ose diçka tjetër, çka do që i ka shkaktuar këto skena në Beograd.
Shikoni se si mijëra njerëz nga paniku ikin nga rruga, e në fakt nuk ka asgjë që i kërcënon. Pikërisht ky topi zanor besohet që është mjeti i përdorur, kurse efekti i kërkuar ka qenë paniku masiv.
Ekspertët ushtarakë në Serbi po e konsiderojnë armë taktike meqë përdoret për menaxhim të turmave, njëjtë si gazi lotsjellës, ose topi i ujit, ose mjetet tjera policore me qëllim të ngjashëm.
Për më tepër këta ekspertë pohojnë se në Serbi është i ndaluar me ligj përdorimi i këtyre armëve.
Për me e kompliku punën edhe më tej u përkujdes Ivica Dacic, ministri i brendshëm i Serbisë, po ku e gjetet more këtë fotot para 10 vjetëve, gjeje një më të re…
Eh bën kjo! Dacici fillimisht deklaroi se Serbia nuk ka aso topi zanor hiç, nuk e posedon asnjë organ i këtij shteti. Më pas doli opozita dhe prezantoi dokumente të prokurimit ku shihet se Serbia ka blerë 16 topa zanor të modeleve të ndryshme.
Mandej i mori disa media të afërta me regjimin dhe ua prezantoi një model tjetër të topit zanor, jo 450shin. Për 450sh tha që e kemi, qe ku është, ama nuk e kemi përdorë kurrë dhe iu ka harxhu bateria, edhe sot s po bën!
Dmth, këtë s munnesh me e trillu, kjo duhet me ndodhë për me e besu – tentimin e Dacicit për arsyetim, jo arsyetimin që përnjemend u harxhu bateria.
Pra, ajo që dimë është që atje shteti ka rrejtë për armë zanore, që përdorimi i tyre është ilegal, që protestuesit kanë pasë episode paniku kur pohojnë që kanë dëgjuar efekte të ndryshme dhe kanë ikur nga rruga, mirëpo, nuk ka fakte që janë përdorë pikërisht këto modele të për të cialt folëm, apo paniku është shkaktuar nga diçka tjetër.
Tema e dytë – a duhet në Kosovë të merremi me protestat në Serbi? Paj, nëse merremi me budallë të reality showave e me budallë tjerë, e me gjithçka përvec drejtësisë, shëndetësisë e arsimit, hajde të merremi pak edhe me protestat në Serbi, a po nnin mirë a?
Qysh e kemi sqaru në një video më herët, këto protesta janë kulminacion i pakënaqësisë me një tragjedi ku u vranë 15 veta pasi u rrëzu streha e stacionit të trenit në Novi Sad. Detajet e projektit zbuluan se fjala është për korrupsion dhjetëa milionësh dhe projekt që nuk ëhstë nisë, nuk është realizuar dhe nuk është mbikëqyrë si duhet dhe për pasojë të korrupsionit, kaanë vdekë 15 njerëz.
A dridhet regjimi i Vuçiqit nga protestat? Dridhet edhe fort bile. Që 6 muaj krejt Serbia është në bllokadë dhe kjo bllokadë nuk dihet se kur përfundon, Kryeministri ka dhënë dorëheqje, ministrat tjera janë nën presion, Kuvendi nuk ka paralajëmrim kur e voton Kryeministrin e ri, kurse për Kosovë, Republika Srpska, litium e krim të organizuar nuk flet më kush!
Kush përfiton politikisht nga kjo situatë? Askush! Kjo është një lëvizje studentore që deri më tani po duket origjinale, e nisur dhe e komenduar nga studentë, pa përzierjen e partive opozitare dhe shoqërisë civile, ka aty teori që prapa studnetëve qëndrojnë shërbimet ruse, ka do teori tjera, por këto janë teori.
A është Kosova temë? Në protesta nuk është! Por kërkesa themelroe e protestuesve është shteti ligjor e kushtetues – e Kosova është në Kushtetutë të Serbisë!
Qysh e ka opozita qasjen ndaj Kosovës – eh këtu stiuata është harmonikë – fort spektër i gjerë që ga liberalët që pohojnë në publik që Kosova është e pavarur dhe duhet të njihet nga Serbia, e deri tek ekstremista e budallë të djathtë që pohojnë se Kosovën duhet me e rimarrë me armë.
Cila palë qysh i ka gjasat – të dyjat i kanë tokë! Aq gjatë është Vuçiqi në puishtet, aq shumë ka pushtet, aq shumë është i korruptuar dhe i lidhur me struktura legale e ilegale, sa që në Serbi nuk ka opozitë! Aq janë të përcarë në 100 parti dhe fraksione, sa që shansa s kanë të bëjnë diçka serioze.
Për më tepër zgjedhje te fundit kanë qenë të vjedhura dhe i kanë lënë në pozitë edhe më të keqe dhe në raporte edhe më të keqe ndërmjet vete, plus i kanë dhënë hapësirë ekstremit të djathtë pro-rus dhe anti-logjik!
Dikush ka pas shkru që u cu n këmbë Serbia, po n gjumë është opozita!
Me fjalë tjera, kurrfarë parashikimi solid nuk ka çka ndodhë me raportet Kosovë – Serbi nëse regjimi i Vuçiqit bjen!
Dyert për të pame i hapi edhe këtë të enjte familja Thaçi nga Buroja.
Mijëra qytetare nga të gjithë Kosova hynë e dolën për kreshendosh.
Në pritje të tyre krah nënës Hyrë nuk ishte edhe ish-presidenti Hashim Thaçi, I cili më gjasë pritet të vij në fshat vetëm pasi të ketë përfunduar e pamja.
Së paku kështu shpreson familja.
E pamja pritet të vazhdojë edhe të premten.
E në mungesë të ish-presidentit nuk munguan bashkëluftëtarët e tij.
E as bashkëvendësit e tashmë të ndjerit, Haxhi Thaçi.
Ish-presidentit Thaçi nuk iu lejua të merrte pjesë në varrimin e babait nga Gjykata Speciale. Megjithatë, tre ditë para se ai të vdiste ai u lejua ta vizitonte në QKUK ku po trajtohej.
Por Gjykata nuk u deklarua nëse Thaçit do t’i mundësohet ardhja sërish.
Vendin ku serbët ia vranë vëllain nuk e ka larg shtëpisë.
E rreth kësaj zone nuk kalon pothuajse asnjëherë Milaim Shala, ngase thotë se dhimbja i shtohet edhe më shumë, kur në mendje i kthehen të shtënat kumbuese të 20 marsit të vitit 1999.
“E kemi dëgjua krismat, kanë qene për disa momente pa ndërpre..”, tha Shala.
Vëllain e shtatë të tjerë, serbët i vranë në zonën e njohur si ‘Pishat”, në Skenderaj.
Milaimi që në atë kohë i ishte 18 vjeçar, e pa momentin kur serbët me dhunë e morën vëllain e tij, Musliun.
“E pyet babi pse po ma merrni djalin, njëri serb I thotë se ju ma keni vra vëllain mua rrethina e juaj edhe unë ku me ja vra juve..”, tha Shala.
Ne vendin e njëjtë u vra edhe Ramiz Geci.
Ashtu siç thotë se nuk e harron dhimbjen për babanë me të cilin nuk pati mundësi të krijojë asnjë kujtim, njëjtë Haliti thotë se nuk harron që në çdo përvjetor t’i vendos lule tek pllaka që mbanë emrin e të atit.
“Unë kam lindur tre muaj pasi më ka vrarë babin..”, tha Halit Geci, djali i Ramiz Gecit.
Po në mars të atij viti, serbët vranë edhe 21 civil të tjerë në rrethinë të Skenderajt, në mesin e të cilëve pati edhe të mitur.
