ATV

Author: ATVLive

  • ​I riu i vrarë në Vushtrri ishte futbollit i FC Mitrovica, reagon klubi

    ​I riu i vrarë në Vushtrri ishte futbollit i FC Mitrovica, reagon klubi

    19-vjeçari që mbeti i vrarë mbrëmë si pasojë e plagëve të marra nga arma e zjarrit në Vushtrri, ishte pjesë e klubit të futbollit FC Mitrovica, shkruan KosovaPress.

    Kjo tashmë është konfirmuar nga vet klubi që ka lëshuar një telegram ngushëllimi në faqen zyrtare.

    “Në orët e vona të së dielës morëm lajmin e hidhur për ndarjen nga jeta të ish – futbollistit të klubit tonë Ardit Zymberi. Kjo ngjarje e kobshme solli një lajm të papranueshëm dhe shumë të dhimbshëm pasi nga jeta u nda një i ri 19 vjeçar sikur Arditi. Në emër të gjithë Kryesisë, futbollistëve dhe stafit të trajnerëve i shprehim ngushëllimet më të sinqerta familjes Zymberi dhe gjithë shoqërisë së Arditit. Rastet e tilla duhet të punojmë fortë të mos përsëriten, pasi që dhimbja është e madhe”, thuhet në reagimin e FC Mitrovica.

  • Mësimi i agjërimit dhe vlerave Islame në Xhaminë e Re, në Shtime

    Mësimi i agjërimit dhe vlerave Islame në Xhaminë e Re, në Shtime

    Në Xhamin E Re në Shtime, Adem Jakupi një myezin i përkushtuar e ka bërë si mision të tij t’u mësojë fëmijëve për fenë islame. Me buzëqeshje të ngrohta dhe njohuri të shumta të fëmijëve, xhamisë i shtohet edhe më shumë bukuri.

    Kombinimi i mësimeve tradicionale në pikat kryesore të ligjërimeve, e bënë mësim-besimin tejet të vlefshëm.

    Fëmijët në xhami këshillohen edhe për profesione, për të cilat janë të lirë te zgjedhin.

    Dashuria e madhe e fëmijëve për fenë ka bërë që shumë nga ta edhe të agjërojnë.

    Në fund të ditës mësimet e marra nga feja duket se i shtyjnë te rinjtë të ruajnë vlerat e tyre dhe të kenë sa më shumë njohuri.

    Për më shumë klikoni kronikën e përgatitur nga ATV:

  • “Lojtarët e Kosovës pjekën më vonë, për shkak të kushteve dhe mosgrumbullimi i talentëve në një qendër” – godet Labinot Mehmeti me deklaratën e tij te Ekipi A

    “Lojtarët e Kosovës pjekën më vonë, për shkak të kushteve dhe mosgrumbullimi i talentëve në një qendër” – godet Labinot Mehmeti me deklaratën e tij te Ekipi A

    Labinot Mehmeti i ftuar në emisionin sportivë “ Ekipi A ” në ATV, ka folur rreth pjekurisë së futbollistëve.

    Ai thotë se sipas statistikave shkencore janë tre lloje të lojtarëve, ata që pjeken herët por janë shumë të rrallë dhe në këtë pjesë kan ndikuar yjet botërorë.

    Ndërsa lojtarët e Kosovës pjeken më vonë për shkak të kushteve, punës që bëhet në gjenerata dhe mosgrumbullimi i talentëve në një qendër. “Duhet të kemi durim se pjekuria e tyre vjen pas moshës 24 vjeqare”.

    Ai tutje thotë që po ti largojmë yjet botërorë, shumica e futbollistëve pjeken nga mosha 24 – 27 vjeqare edhe në Evropë.

    Po ashtu kemi edhe futbollistë të cilët arritjen kulminante brenda kapaciteteve që i kanë e arrijnë rreth të 30 – ve.

    Për më shumë, shikoni videon më poshtë:

  • “Ron Raqi dhe Dren Zeqiri të monitorohen sepse mund të na largohen në Kombëtare të tjera” – Shpëtim Babaj dhe Kastriot Rexha te Ekipi A

    “Ron Raqi dhe Dren Zeqiri të monitorohen sepse mund të na largohen në Kombëtare të tjera” – Shpëtim Babaj dhe Kastriot Rexha te Ekipi A

    Të ftuar në emisionin sportiv “ Ekipi A ” në ATV, trajnerët e futbollit Kastriot Rexha dhe Shpëtim Babaj vlerësojnë talentët e Superligës tonë dhe potencialin e tyre për të qenë në të ardhmen pjesë e Kombëtares A.

    Shpëtim Babaj shprehet se Ron Raqi i FC Prishtinës, i ka lënë shumë përshtypje. Sipas tij ai ka një potencial të jashtëzakonshëm për nga shpejtësia, fiziku dhe mënyra se si luan me këmbë të majtë. Një futbollist si ai është shumë e vështirë të gjendet në Ballkan dhe duhet ta kenë në konsideratë sepse për të mund të hynë në garë edhe Kombëtaret e tjera dhe ka frikë se do të largohet.

    Po ashtu edhe Kastriot Rexha u shpreh se nga Federata dhe Selektori duhet të shikohen këta futbollistë të rinjë dhe të talentuar që të mos i humbim. Ai përmend emrin e Dren Zeqiri i cili luan te skuadra e Ramiz Sadikut, duke thënë se është shumë premtues dhe në vitet e ardhshme do të jetë shumë cilësor për Kombëtaren tonë.

    Për më shumë, shikoni videon më poshtë:

  • Një grua ka humbur jetën nga zjarri në Shtërpcë

    Një grua ka humbur jetën nga zjarri në Shtërpcë

    Në një zjarr që kishte shpërthyer herët në mëngjesin e sotëm në shtëpinë e familjes Millenkoviq në Shtërpcë, ka vdekur M. T. (75), e cila jetonte aty si qiramarrëse.

    Sipas komandantit të stacionit policor të Shtërpcës, Dragan Stevanoviq, zjarri është vërejtur nga një patrullë policore duke kaluar aty pari, transmeton Paparaci.

    “Gjatë aktiviteteve të rregullta, një patrullë policore ka vërejtur tym që dilte nga një shtëpi në lagjen Krstiçine të Shtërpcës rreth orës 06:15. Në vend kanë vërejtur se një dhomë ishte përfshirë nga zjarri, në të cilën u gjet trupi i pajetë i një femre. Zjarrfikësit mbërritën në vendin e ngjarjes dhe e lokalizuan zjarrin, si dhe ekipi shëndetësor e cila ka konstatuar vdekjen e gruas, ka thënë Stevanoviq.

    Viktima M. T., jetonte vetëm në shtëpi.

    Aktualisht janë duke u zhvilluar hetime në vendngjarje nga Njësia Rajonale e Hetimeve dhe Mjekësisë Ligjore nga Ferizaj, si dhe ekspertët e zjarrfikësve të cilët do të përcaktojnë shkaqet e zjarrit.

    Trupi i pajetë i gruas së ndjerë do të dërgohet për obduksion.

  • Grenell u reagon mediave serbe për “lajm të rremë” që raportuan se i ka fshirë të gjitha postimet për Vuçiqin

    Grenell u reagon mediave serbe për “lajm të rremë” që raportuan se i ka fshirë të gjitha postimet për Vuçiqin

    Portale dhe faqe në rrjete sociale raportuan se Richard Grenell, Emisari Presidencial për Misione të Posaçme, ka fshirë të gjitha postimet me/për Presidentin e Serbisë, Aleksandar Vuçiq – duke i dhënë interpretime të një shkëputje të marrëdhënieve mes të dyve.

    Grenell u ka reaguar në “X” duke i quajtur “lajme të rreme” dhe se muri i tij në “X” i fshin vetvetiu postimet e vjetra disamuajshe.

    “Ky është një lajm i rremë. Muri im fshin të gjitha përmbajtjet pas disa muajve. A keni shikuar që nuk ka arkiv? Duhet ta përmirësoni lajmin tuaj të rremë”, ka shkruar Grenell.

  • Gjenerali Wesley Clark për tërheqjen e mundshme të SHBA-së nga NATO: Asgjë nuk do ta bënte Rusinë më të lumtur

    Gjenerali Wesley Clark për tërheqjen e mundshme të SHBA-së nga NATO: Asgjë nuk do ta bënte Rusinë më të lumtur

    Ish Komandanti Suprem i NATO-s, Wesley Clark, vlerësoi një raport që administrata e presidentit Donald Trump po konsideron ndryshimin drastik të strukturës së saj të komandës ushtarake, duke argumentuar se vendimi i mundshëm do të pengonte bashkëpunimin ushtarak midis SHBA-së dhe Evropës dhe do të “kënaqte” Rusinë.

    “Asgjë nuk do ta bënte Rusinë më të lumtur”, tha Clark.

    Bëhet e ditur se kjo deklaratë vjen pasi Pentagoni po shqyrton një plan që do të rezultonte që SHBA të heqë dorë nga pozicioni i saj si komandant suprem aleat i NATO-s në Evropë, shkruan the Hill, përcjell Telegrafi.

    “Komandat luftarake të SHBA-së janë maja e shtizës luftarake amerikane. Prandaj, ne jemi shumë të shqetësuar për raportet që pretendojnë se Departamenti i Mbrojtjes po shqyrton ndryshime të njëanshme në çështjet kryesore strategjike, duke përfshirë reduktime të konsiderueshme të forcave amerikane të stacionuara jashtë vendit, mungesë të koordinimit me Shtëpinë e Bardhë dhe Kongresin”, tha politikani Mike Rogers.

    Një ditë më vonë, ish-udhëheqësi republikan i Senatit Mitch McConnell argumentoi nëse administrata do të vepronte sipas propozimit, kjo do të dobësonte në mënyrë drastike aleancën ushtarake të NATO-s, në të cilën SHBA ka mbajtur pozicionin e saj drejtues për gati 75 vjet.

    “Dobësimi i udhëheqjes amerikane nuk do të forcojë interesat e NATO-s apo të SHBA-së. Nëse jemi seriozë për të inkurajuar aleatë më të aftë evropianë, tërheqja nga pozicioni ynë si udhëheqës i aleancës transatlantike do të ishte një mënyrë e çuditshme për ta treguar atë”, tha McConnell në një deklaratë.

    Ndryshe, Trump ka kritikuar më parë lojtarët kryesorë ushtarakë të Evropës për mos shpenzimin e parave të mjaftueshme për mbrojtjen dhe mosdhënien e një shume të përshtatshme në NATO, një pakt i krijuar në vitin 1949.

    Presidenti bëri thirrje për tërheqjen e SHBA-së nga aleanca gjatë mandatit të tij të parë në detyrë

  • Fenomen i pazakontë në brigjet e Floridas, pse uji i detit kthehet në ngjyrë të kuqe?!

    Fenomen i pazakontë në brigjet e Floridas, pse uji i detit kthehet në ngjyrë të kuqe?!

    Një studim i ri ka hedhur dritë mbi shkakun e baticave të kuqe që për vite kanë prekur bregdetin e Floridës, duke shkaktuar dëme mjedisore dhe kosto të mëdha për autoritetet lokale.

    Për herë të parë, shkencëtarët kanë identifikuar me dhjetëra viruse të lidhur me këto fenomene dhe kanë zbuluar se ato shkaktohen nga rritja masive e algave. Ngjyra e kuqe e ujit vjen si rezultat i kombinimit të rrymave të detit, lëndëve ushqyese dhe temperaturave të larta, të cilat stimulojnë shumimin e algave.

    Baticat e kuqe janë një shqetësim i madh për Floridën, pasi shkaktojnë probleme shëndetësore tek peshqit, shpendët dhe njerëzit. Për pasojë, shumë plazhe janë detyruar të mbyllen në vitet e fundit.

    Jean Lim, studiuese në Kolegjin e Shkencave Detare në Universitetin e Floridës Jugore, e cilësoi këtë zbulim si një përparim të madh, që mund të ndihmojë shkencëtarët të parashikojnë kur do të ndodhin këto fenomene.

    “Ne e dimë se viruset luajnë një rol kyç në dinamikën e lulëzimit të algave të dëmshme, por nuk kishim informacion mbi viruset e lidhura me Karenia brevis,” tha ajo për The Independent. “Tani që kemi identifikuar disa viruse në baticat e kuqe, mund të studiojmë ndikimin e tyre në këto fenomene.”

    Florida përjeton baticat e kuqe pothuajse çdo vit, kryesisht në fund të verës dhe në fillim të vjeshtës. Sipas Komisionit të Peshkimit dhe Kafshëve të Egra në Florida, këto fenomene zgjasin nga tre deri në pesë muaj dhe mund të shtrihen në qindra kilometra katrorë.

    Studimi, i publikuar në revistën mSphere, përdori teknikën e metagjenomikës virale për të analizuar ADN-në e mostrave të mbledhura nga baticat e kaluara. Shkencëtarët shpresojnë që ky zbulim të ndihmojë në parashikimin dhe kontrollin e këtij fenomeni në të ardhmen.

  • Idrizi shkon për ngushëllime te familja Zymeri pas vrasjes së 19-vjeçarit në Vushtrri

    Idrizi shkon për ngushëllime te familja Zymeri pas vrasjes së 19-vjeçarit në Vushtrri

    Kryetari i Komunës së Vushtrrisë, Ferit Idrizi, ka shkuar për ngushëllime te familja Zymeri nga fshati Shtitaricë i Vushtrrisë, e cila ka hapur të pamen për 19-vjeçarin Ardit Zymeri, i cili u vra mbrëmë nga i dyshuari Bleon Dibrani.

    Familja mbrapa kamerave kanë deklaruar se lamtumira e fundit do t’i jepet sot në varrezat e fshatit Dubofc, në orën 16:30.

    Nga familja nuk kanë qenë të gatshëm të prononcohen, pasi siç thanë janë në pritje të informatave zyrtare nga organet kompetente, raporton EO.

  • Osmani shkon në odën e Haradinajve për Epopenë e Dukagjinit, aty ishte edhe Rifat Jashari

    Osmani shkon në odën e Haradinajve për Epopenë e Dukagjinit, aty ishte edhe Rifat Jashari

    Presidentja e Kosovës, Vjosa Osmani, ka qëndruar në odën e Haradinajve në Gllogjan, me rastin e Epopesë së Dukagjinit.

    Osmani ka shkruar në rrjete sociale se në themelet e Kosovës qëndron sakrifica e heronjve të UÇK-së dhe familjes Haradinaj.

    Postimi:

    Epopeja e Dukagjinit, flakadan i lirisë!

    Në këtë përvjetor të lavdishëm, ishim në Gllogjan që të kujtojmë dhe nderojmë Epopenë e Dukagjinit, një nga momentet më të ndritura të luftës sonë për liri. Në themelet e Kosovës së pavarur qëndron sakrifica e heronjve të UÇK-së, e familjes Haradinaj dhe e të gjithë atyre që u ngritën kundër padrejtësisë, e për lirinë dhe shtetin tonë.

    Me nderimin më të madh përkulemi para dëshmorëve Himë Haradinaj, Gazmend Mehmetaj dhe Agron Mehmetaj, që dhanë jetën në këtë datë, për të mos vdekur kurrë. Ata u bënë simbol i rezistencës, guximit dhe besimit në lirinë e Kosovës.

    Në Kosovën e pavarur dhe sovrane, amaneti i heronjve na obligon ta ndërtojmë një shtet të fortë, dinjitoz, të përparuar e me aleanca të fuqishme. Liria është trashëgimia e tyre, e përgjegjësia jonë!

    Lavdi dëshmorëve të kombit!

    Nderim i përhershëm UÇK-së!