Author: ATVLive

Kryetari i LDK-së, Lumir Abdixhiku tha se njohin të drejtën e partisë së parë që të propozoj kandidatin për Kryetar të Kuvendit, por se Parlamenti është kompromis.

Duke folur para seancës konstituive, Abdixhiku tha se nga LDK-ja do të votohet njësoj.

“Kam dëgjuar se ka nga partitë e tjera që do të votonin kandidat të tjerë, e ndoshta kanë gjetur pajtueshmëri”, tha Abdixhiku.

Ai theksoi se LDK-ja do të vazhdojë të votojë njëjtë sikurse herët e kaluara.

“Pasi nuk ndajmë bindjen e njëjtë me partinë e parë, për gjërat e tjera është në duart e partisë së parë”, shtoi ai.

Dy vajza adoleshente gjermane që planifikonin të eksploronin SHBA-në si turiste përfunduan në burg dhe u deportuan pasi Doganat dhe Mbrojtja Kufitare e SHBA-së deklaruan udhëtimin e tyre të planifikuar në mënyrë të pasaktë të dyshimtë.

Charlotte Pohl (19) dhe Maria Lepere (18) mbërritën në Honolulu, Havai, më 18 mars, me plane për të udhëtuar nëpër ishuj për pesë javë dhe më pas për të vazhduar në Kaliforni dhe Kosta Rika pas mbarimit të shkollës së mesme.

Megjithatë, vajzat kanë bërë gabim që nuk kanë prenotuar akomodimin për të gjithë qëndrimin e tyre në Havai, gjë që ka mjaftuar që Patrulla Kufitare e SHBA-së të ngrejë alarmin pavarësisht se të dyja kanë pasur autorizim udhëtimi përmes sistemit elektronik ESTA, , raporton The New York Post.

Ata dyshuan se ne nuk rezervuam strehim për të gjitha pesë javët

“Ata e panë të dyshimtë që ne nuk kishim rezervuar strehim për të gjitha pesë javët në Havai,” tha Pohl për portalin gjerman Ostsee Zeitung.

Ajo që supozohej të ishte një udhëtim argëtues dhe i gjatë u kthye shpejt në një makth. Adoleshentët i thanë Ostsee Zeitung se u morën në pyetje për orë të tëra në aeroportin e Honolulu-s, pas së cilës u skanuan të gjithë trupat e tyre dhe iu nënshtruan një kontrolli të zhveshur.

Më pas atyre iu dhanë uniformat jeshile të burgut dhe u vendosën në një qeli paraburgimi me persona që ndodheshin prej kohësh aty, e mes tyre, sipas pretendimeve të tyre, kishte edhe persona të akuzuar për krime të rënda.

Pasagjeret e reja femra thanë se flinin në dyshekë të hollë dhe të mykur dhe u paralajmëruan nga rojet që të mos hanin ushqim të skaduar. Të nesërmen në mëngjes, atyre iu tha se do të deportoheshin dhe do të ktheheshin në aeroportin e Honolulu, ku kërkuan të dërgoheshin në Japoni.

ESTA nuk garanton automatikisht hyrjen në vend

Ministria e Jashtme gjermane konfirmoi për Ostsee Zeitung se ishte e përfshirë në rastin e Charlotte Pohl dhe Marie Lepere dhe se u dha atyre ndihmë konsullore pas përvojës së tyre traumatike.

Departamenti theksoi gjithashtu se ajo që ndodhi me këto vajza duhet të shërbejë si një kujtesë për udhëtarët se ESTA, e cila lejon qytetarët e vendeve të caktuara të hyjnë në Shtetet e Bashkuara pa vizë për qëndrime të shkurtra, nuk garanton automatikisht hyrjen në vend.

Vendimi për të lejuar hyrjen në SHBA merret gjithmonë nga agjentët e doganave dhe Mbrojtjes së Kufirit të SHBA-së sipas gjykimit të tyre. Muajt e fundit ka pasur një rënie të ndjeshme të numrit të turistëve evropianë që udhëtojnë në SHBA, pavarësisht përpjekjeve të sekretarit të Shtetit Marco Rubio për të qetësuar vizitorët e huaj të shqetësuar.

Ky nuk është rasti i parë i tillë

“Unë do të thosha se nëse nuk do të vini në Shtetet e Bashkuara për të marrë pjesë në një protestë të Hamasit ose për të na thënë se Hamasi ka të drejtë ose për të shkaktuar konflikte në kampuse, për të nxitur trazira në rrugë dhe për të shkatërruar universitetet tona, atëherë nuk keni asgjë për t’u shqetësuar,” tha Rubio në fillim të këtij muaji.

Udhëtarët gjermanë nuk janë të vetmit të huaj që janë ndaluar dhe deportuar gjatë përpjekjeve për të hyrë në SHBA muajt e fundit. Në mars, ish-aktorja kanadeze Jasmine Mooney u ndalua në kufirin jugor nga Emigracioni dhe Zbatimi i Doganave të SHBA-së teksa po përpiqej të merrte një vizë pune, pasi ajo e mëparshme iu anulua në nëntor.

Mooney (35) pretendon se ajo u kap më 3 mars në pikën kufitare San Ysidro midis Meksikës dhe San Diegos dhe u mbajt në kushte çnjerëzore për 12 ditë përpara se të lirohej, transmeton KosovaPress.

Papa Françesku vdiq sot në moshën 88-vjeçare, një muaj pasi doli nga spitali ku ishte trajtuar për pesë javë për një infeksion që ishte zhvilluar në pneumoni.

Pas vdekjes së Papës Françesku, sot në Vatikan ka filluar një sedisvakancë – një regjim i veçantë që shënon një periudhë pa Papë.

Për vdekjen e Papës po vijnë reagime të shumta. Presidenti amerikan ka postuar një homazhe të shkurtër në rrjetin e tij social Truth Social.

Megjithëse Donald Trump nuk është takuar me Papën gjatë mandatit të tij aktual, ata u takuan gjatë mandatit të tij të parë më 2017.

“U prehsh në paqe Papa Françesku! Zoti e bekoftë atë dhe të gjithë ata që e donin!” ka shkruar Trump.

Policia dhe Prokuroria Themelore në Ferizaj, pas një aksioni të madh policor për arrestimin e shtatë personave të dyshuar për vrasjen e policit Muhamed Lika, kanë dhënë detaje në konferencë për media, raporton KosovaPress.

Drejtori i përgjithshëm i Policisë së Kosovës, Gazmend Hoxha, deklaroi se disa nga të dyshuarit dyshohet kanë të kaluar kriminale dhe kanë qenë të arrestuar më parë për raste të ndryshme, përfshirë edhe ato me prirje ekstremiste. Megjithatë, sipas tij, ende është herët për të folur me siguri për ndonjë lidhje të drejtpërdrejtë me terrorizmin, pasi hetimet janë në vazhdim dhe do të shtrihen edhe më tej.

“Ne kemi arritur të sigurojmë prova dëshmi, të cilat i lidhin këtë grup kriminal me vrasjen e rreshterit tonë, mbetet të shihet backgroundi i tyre, disa nga ta kanë pasur të kaluar kriminale kanë qenë të arrestuar rreth rasteve të më hershëm me prirje ekstremiste, por për çështjen e terrorizmit duhet ta shohim pastaj sepse hetimet do të vazhdojnë tutje për të vërtetuar këtë punë, janë persona të dyshimtë të rrezikshëm të cilët, ne dyshojmë që e kanë kryer këtë vrasje dhe kanë planifikuar dhe bashkëekzekutua”, theksoi ai.

Ndërsa i pyetur se a ka qenë në detyrë rreth këtyre ngjarjeve, Hoxha tha se rreshteri ka qenë në detyrë në “mbështetje të hetimeve të policisë me qëllim të ndriçimit të rasteve të më hershme”, dhe se kanë qenë të arrestuar në lidhje me pamfletin dhe djegien e gjykatës në Kaçanik.

“Rreshteri jonë ka qenë në detyrë zyrtare kur kanë ndodhur këto raste dhe ka punuar në mbështetje të hetimeve të policisë me qëllim të ndriçimit të rasteve të më hershme. Këta janë persona të dyshimtë që kanë qenë disa prej tyre kanë qenë të arrestuar te rastet e më hershme në lidhje me pamfletin dhe djegien e gjykatës në Kaçanik”, tha ai.

Ndërsa, Kryeprokurori i Prokurorisë Themelore në Ferizaj, Burim Çerkini, ka thënë se janë arrestuar shtatë persona dhe vrasja e rreshterit Muhamed Lika nga hetimet e para dyshohet se ndërlidhen me punën e tij si zyrtar policor.

Më vonë, Prokuoria në Ferizaj ka kërkuar nga Gjykata Themelore në Ferizaj, caktimin e masës së paraburgimit ndaj një personi të mitur, për shkak të dyshimit të veprës penale Vrasja e rëndë sipas Kodit Penal të Republikës së Kosovës.

Sipas Prokurorisë, “ekziston dyshimi i bazuar se më 01.04.2025, reth ores 23:00, në Kaçanik, në rrugën “Idriz Seferi”, përkatësisht në katin e II-të të hyrjes së ndërtesës, i mituri ne bashkëkryerje me madhorët me iniciale: H.B., R.M., V. ç., E.L., Sh.K., dhe D.G., me dashje dhe përgatitje paraprake ka privuar nga jeta tani të ndjerin zyrtarin policor, M.L., në atë mënyrë që viktima pas përfundimit të orarit të punës, rrugës për në banesen e tij, ku i njëjti ishte përcjellur në vazhdimesi nga madhorët deri te hymja e banesës se tij ku, pasi që hynë në objektin e banesës ku ka jetuar duke u ngjitur shkallëve, i mituri i shkon nga mbrapa dhe pasi që viktima hynë në objektin banesor pas tij hyn edhe i mituri, ku me të takuar të ndjerin ka shtënë në drejtim të tij me armë zjarri”.

“Viktima M.L., dërgohet në Qendrën e Mjekësisë Familjare në Kaçanik dhe nga ekipet mjekësore është konstatuar vdekja e tij, e cila ka ardhur si pasojë e plagëve të marra nga predhat e armës së zjarrit, andaj, me këto veprime në bashkëkryerje do të kryenin veprën penale “Vrasje e rëndë” nga neni 173 paragrafi 1 nënparagrafi 1.9 lidhur me nenin 31 të KPRK-së”, thuhet në njoftim.

Ministri në detyrë i Punëve të Brendshme, Xhelal Sveçla, ka reaguar lidhur me aksionin policor të zhvilluar në orët e hershme të së hënës në Kaçanik. Ky aksion lidhet me vrasjen e rreshterit të Policisë së Kosovës, Muhamed Lika, raporton KosovaPress.

Sveçla ka shkruar në Facebook se drejtësia për rreshterin Lika që u vra më 1 prill, është domosdoshmëri.

“Muhamed Lika, familja e tij, Policia e Kosovës, populli dhe shteti kërkojnë dhe meritojnë drejtësi”, ka shkruar Sveçla në Facebook, duke lënë të kuptohet se aksioni i sotëm në Kaçanik është një hap drejt zbardhjes së këtij rasti të rëndë më 1 prill.

Mëngjesin e së hënës, Njësia Speciale e Policisë së Kosovës zhvilloi një operacion policor në Kaçanik që ka të bëjë me vrasjen e rreshterit, Muhamed Lika, raporton KosovaPress.

Më 1 prill, Muhamed Lika ishte gjetur i plagosur rëndë në hyrje të ndërtesës së tij, në rrugën ‘Idriz Seferi’, në Kaçanik rreth orës 23:00. Ai u transportua në Qendrën e Mjekësisë në Kaçanik, por nuk arriti t’u mbijetojë plagëve, raporton KosovaPress.

Funerali i Papa Françeskut do të ndryshojë nga ceremonitë e mëparshme funerale papate, të cilat tradicionalisht kanë qenë luksoze dhe rreptësisht formale.

Ceremonia do të fillojë me të ashtuquajturin “riti i konfirmimit të vdekjes”, i cili do të udhëhiqet nga kardinali Kevin Farrell, zyrtari më i lartë i Vatikanit. Pas kësaj, trupi i Papës do të vendoset në një arkivol.

Gjatë jetës së tij, Papa Françesku miratoi planet për të thjeshtuar funeralin e tij. Ai hodhi poshtë zakonin e ekspozimit të trupave në një platformë të ngritur dhe zgjodhi një arkivol të thjeshtë prej druri. Në vend të lamtumirës klasike ndaj trupit, besimtarët do të mund të bëjnë nderimet e tyre ndërsa trupi i tij është në një arkivol me kapak të hapur.

Varrimi mund të bëhet shumë shpejt

Burime nga Vatikani thonë se varrimi i Papa Françeskut duhet të bëhet brenda nëntë ditëve të ardhshme, por sipas Sky News, ai mund të bëhet edhe më herët.

Papa Françesku do të varroset në Bazilikën e Shën Marisë Major në Romë, duke shënuar herën e parë në më shumë se një shekull që një papë varroset jashtë Vatikanit. Ai e zbuloi këtë në një intervistë në vitin 2023.

Sipas traditës, papët janë varrosur në kriptet poshtë bazilikës së Shën Pjetrit në Vatikan, ku pushojnë gati njëqind nga paraardhësit e tij, por Papa Françesku ka vendosur ndryshe, transmeton KP.

Këshilli i Ambasadorëve Shqiptarë, përmes një reagimi në uebfaqen zyrtare, ka shprehur pikëllim të thellë për ndarjen nga jeta të Papa Françeskut, duke e cilësuar atë si një udhëheqës shpirtëror me ndikim të jashtëzakonshëm në promovimin e paqes, mbështetjen e më të varfërve dhe forcimin e dialogut ndërfetar.

Reagimi i plotë i Këshillit të Ambasadorëve Shqiptarë:

Me dhimbje të thellë morëm lajmin për ndarjen nga jeta të Shenjtërisë së Tij, Papa Françesku, një udhëheqës shpirtëror që la gjurmë të pashlyeshme në ndërgjegjen e njerëzimit.

Papa Françesku ishte promovues i palodhur i paqes përmes çarmatimit dhe mbështetës i palëkundur i më të varfërve në shoqëri. Me vizionin dhe thirrjet e tij të vazhdueshme për paqe dhe për një ekonomi më sociale, ai i dha një dimension shumë të rëndësishëm rolit të Kishës në botën moderne.

Modernizimi i Kishës, përkushtimi ndaj dialogut ndërfetar dhe vizita e tij historike në Shqipëri, vendin e bashkëjetesës shembullore ndërfetare, janë dëshmi e një udhëheqjeje të ndritur dhe të përulur.

Në emër të Këshillit të Ambasadorëve Shqiptarë, shprehim ngushëllimet më të sinqerta për besimtarët katolikë në Shqipëri, në trojet shqiptare dhe në mbarë botën. Kujtimi dhe mesazhi i Papa Françeskut do të jetojnë gjatë në zemrat e njerëzve të mrekulluar nga fjala dhe vepra e tij.

Qoftë i përjetshëm kujtimi i Tij.

Klaus Schwab, themeluesi i Forumit Ekonomik Botëror (WEF), i njohur gjithashtu si Samiti i Davos, dha dorëheqjen nga kryesimi dhe pozicioni i tij në bordin e WEF, tha forumi të hënën.

“Pas njoftimit tim të fundit, dhe pasi kam hyrë në vitin tim të 88-të, kam vendosur të largohem nga pozita e kryetarit dhe si anëtar i Bordit të Administrimit, me efekt të menjëhershëm”, tha Schwab në një deklaratë, përcjell AA, transmeton KP.

Bordi caktoi njëzëri zëvendëskryetarin Peter Brabeck-Letmathe si kryetar ad përkohshëm. Ai gjithashtu krijoi një komitet kërkimi për zgjedhjen e një kryetari të ardhshëm.

“Bordi njohu arritjet e jashtëzakonshme të kryetarit në pension dhe themeluesit të Forumit Ekonomik Botëror, Klaus Schwab. Ai krijoi platformën udhëheqëse globale për dialog dhe përparim dhe Bordi shprehu mirënjohjen e tij për 55 vjet udhëheqje të pamëshirshme në krye të Forumit”, thuhet në deklaratë.

“Në një kohë kur bota po kalon një transformim të shpejtë, nevoja për dialog gjithëpërfshirës për të lundruar në kompleksitetin dhe për t’i dhënë formë të ardhmes nuk ka qenë kurrë më kritike. Bordi i Administratorëve të Forumit Ekonomik Botëror nënvizon rëndësinë e të qëndruarit të palëkundur në misionin dhe vlerat e tij si një lehtësues i progresit. Duke u mbështetur në rolin e tij të besuar, Forumi do të vazhdojë të sjellë së bashku liderët e rajonit dhe të gjithë sektorëve të tjerë. bashkëpunim”, shtoi ai.

Në maj 2024, Schwab njoftoi se po tërhiqej nga roli i tij ekzekutiv.

Schwab themeloi Forumin Ekonomik Botëror në 1971 dhe forumi ka mbajtur takimet e tij vjetore në Davos, Zvicër dhe në vende të tjera herë pas here që atëherë.

Peter Brabeck-Letmathe, udhëheqësi i ri i përkohshëm i organizatës joqeveritare, është një biznesmen austriak. Në Nestle, Brabeck-Letmathe shërben si kryetar emeritus. Para kësaj, nga viti 1997 deri në vitin 2008, ai ishte kryetar dhe CEO i kompanisë.

Brabeck-Letmathe ka udhëhequr Grupin e Formula 1 si kryetar, i cili organizon garat e Formula 1, përveç qëndrimit të tij të gjatë në Nestle.

Papa Françesku ka ndërruar jetë në Vatikan në moshën 88-vjeçare, dhe tani pritet të mbahet konklava – takimi i fshehtë i kardinalëve për të zgjedhur Papën e ri.

Ky proces është i mbështjellë me traditë të gjatë, por është modernizuar kohët e fundit me një udhëzues online që përshkruan secilin nga 252 kardinalët votues, përfshirë qëndrimet e tyre ndaj çështjeve si:

Diakonët femra,

Bekimi i çifteve të të njëjtit seks,

Celibati (beqaria) i detyrueshëm për meshtarët.

Nga 252 kardinalë gjithsej, 137 janë nën moshën 80 vjeç, që do të thotë se kanë të drejtë të votojnë në konklavë. Shumicën prej tyre i ka emëruar vetë Papa Françesku, duke preferuar figura nga “periferitë” e botës, jo nga qendrat tradicionale si Roma apo Los Anxhelosi.

Emrat kryesorë që përmenden si kandidatë për Papën e ri (papabili):

Kardinali Pietro Parolin (Itali) – diplomat i lartë në Vatikan, me përvojë në marrëveshje me Kubën dhe Kinën. Njihet për qetësinë dhe stabilitetin e tij.

Kardinali Luis Antonio Tagle (Filipine) – karizmatik, modern dhe shumë i dashur nga njerëzit. Nëse zgjidhet, do të ishte Papa i parë aziatik dhe i pari që flet rrjedhshëm anglisht pas shumë shekujsh.

Kardinali Peter Turkson (Gana) – i dashur dhe i urtë, me qëndrime progresive për çështje sociale dhe mjedisin, por ka hasur në kundërshti nga disa kolegë për pikëpamjet e tij liberale.

Kardinali Péter Erdő (Hungari) – intelektual dhe kandidat konsensusi. Me përvojë në një vend me histori të vështirë politike, shihet si i balancuar.

Kardinali Mykola Bychok (Ukrainë) – kandidat i ri, vetëm 45 vjeç. I njohur për fjalimet e fuqishme kundër agresionit rus dhe përkujdesjen ndaj refugjatëve në Australi. Zgjedhja e tij do të ishte një surprizë, por simbolikisht shumë e fortë. /Klix

Presidentja e Kosovës, Vjosa Osmani, ka përkujtuar sot përvjetorin e masakrave të kryera më 21 prill 1999 në Grashticë, Nakaradë, Dragaqinë dhe Sopijë, duke theksuar se këto krime të kryera nga forcat e regjimit serb janë plagë të hapura që kërkojnë drejtësi.

Në këtë ditë të zezë, dhjetëra civilë shqiptarë u vranë me gjakftohtësi, përfshirë 60 burra në Grashticë, 16 anëtarë të familjes Mirena në Nakaradë, 11 civilë në Dragaqinë dhe 8 persona nga familjet Ilazi e Sopa në Sopijë.

Presidentja Osmani theksoi se këto masakra nuk janë vetëm kujtime tragjike, por thirrje për drejtësi dhe kujtim të përjetshëm për martirët.