Author: ATVLive

Çfarë ndodh kur Papa vdes? Një funeral papal ka qenë tradicionalisht një çështje e përpunuar, por Papa Françesku miratoi së fundmi planet për ta bërë të gjithë procedurën më pak komplekse.

Papët e mëparshëm u varrosën në tre arkivole me fole të bëra nga selvi, plumbi dhe lisi. Papa Françesku ka zgjedhur një arkivol të thjeshtë prej druri të veshur me zink. Ai ka hequr gjithashtu traditën e vendosjes së trupit të Papës në një platformë të ngritur të njohur si katafalkë në Bazilikën e Shën Pjetrit për shikim publik.

Në vend të kësaj, besimtarët do të ftohen të bëjnë nderimet e tyre ndërsa trupi i tij mbetet brenda arkivolit, me kapak të hequr. Françesku do të jetë gjithashtu Papa i parë në më shumë se një shekull që do të varroset jashtë Vatikanit.

Ai do të prehet në Bazilikën e Shën Marisë Major, një nga katër bazilikat kryesore papale në Romë.

Shtatë persona janë arrestuar të hënën në një aksion policor në Kaçanik.

Të arrestuarit dyshohet se janë të përfshirë në vrasjen e rreshterit të Policisë së Kosovës, Muhamed Lika, i cili u vra më 1 prill të këtij viti në hyrje të banesës së tij në qendër të Kaçanikut.

Të dyshuarit janë arrestuar në disa lokacione në Kaçanik, merr vesh Paparaci nga burime brenda organeve të rendit.

Njësitet speciale të Policisë së Kosovës kanë zhvilluar një aksion të madh në Kaçanik mëngjesin e të hënës.

Disa bastisje janë kryer në lokacione të ndryshme.

Zëdhënësi i Policisë së Kosovës, Baki Kelani tha se aksioni është ndërmarrë në orët e hershme të mëngjesit të sotëm pas hetimeve intensive të zhvilluara për rastin.

“Policia e Kosovës, me njësitë e saja relevante pas hetimeve intensive, sot në orët e hershme të mengjesit ka filluar një operacion policor, i cili ndërlidhet me rastin e vrasjes së Rreshterit policor Muhamed Lika në Kaçanik. Pas përfundimit të operacionit policor, do të bëhen publike informacione shtesë”, tha Kelani të hënën.

Rreshteri Muhamed Lika u vra me armë zjarri të martën e 1 prillit rreth orës 23:00 në hyrje të banesës së tij.

Drejtori i Përgjithshëm i Policisë së Kosovës, Gazmend Hoxha dhe Kryeprokurori i Prokurorisë në Ferizaj, Burim Çerkini do të mbajnë konferencë për media të hënën nga ora 11:30.

Lajmin e ka bërë të ditur Policia e Kosovës në një njoftim për media.

Konferenca lidhet me arrestimin e shtatë personave të dyshuar për përfshirje në rastin e vrasjes së rreshterit Muhamed Lika.

“Sot, më 21.04.2025, Policia e Kosovës në bashkëpunim me Prokurorinë do të mbaj një konferencë për media ku do të shpalosen detaje rreth operacionit policor që u zhvillua në orët e hershme të mëngjesit në komunën e Kaçanikut dhe i cili ndërlidhet me rastin e vrasjes së Rreshterit policor Muhamed Lika”, thuhet në njoftim.

“Në këtë konferencë do ta marrë pjesë: drejtori i përgjithshëm i PK-së kolonel Gazmend Hoxha, Kryeprokurori i Prokurorisë në Ferizaj z. Burim Çerkini”, tha Policia.

Është shuar në moshën 88-vjeçare Papa Françesku!

Vatikani ka njoftuar se Papa Françesku u nda nga jeta të hënën e Pashkëve, më 21 prill 2025, në moshën 88-vjeçare në rezidencën e tij në Casa Santa Marta.

Shkëlqesia e Tij, Kardinali Farrell, njoftoi me dhimbje vdekjen e Papa Françeskut, me këto fjalë: “Të dashur vëllezër dhe motra, me dhimbje të thellë më duhet të njoftoj vdekjen e Atit tonë të Shenjtë Françesku.

“Në orën 7:35 të mëngjesit të sotëm (me orën lokale), peshkopi i Romës, Françesku, u kthye në shtëpinë e Atit. E gjithë jeta e tij iu kushtua shërbimit të Zotit dhe Kishës së Tij”, njofton Vatikani.

“Ai na mësoi të jetojmë vlerat e Ungjillit me besnikëri, guxim dhe dashuri universale, veçanërisht në favor të më të varfërve dhe më të margjinalizuarve. Me mirënjohje të pamasë për shembullin e tij si dishepull i vërtetë i Zotit Jezus, ne e përgëzojmë shpirtin e Papa Françeskut në dashurinë e pafundme të mëshirshme të Zotit Një dhe Triuni”, shtoi Farrell.

Presidenti i Shteteve të Bashkuara të Amerikës, Donald Trump ka thënë se “është mirë të shohësh se bota e di se ne jemi seriozë” për adresimin e çekuilibrave tregtarë me vendet e tjera, duke pretenduar se liderët botërorë dhe drejtuesit e biznesit kanë kërkuar lehtësim nga tarifat që kur ato u njoftuan në fillim të këtij muaji, transmeton AA.

Në një postim në platformën e tij “Truth Social”, Trump tha se deklarata e tij e 2 prillit për “Ditën e Çlirimit” – e cila prezantoi tarifa reciproke për vendet që ai akuzon për praktika të padrejta tregtare – ka nxitur kontakte nga qeveritë e huaja dhe udhëheqësit e korporatave

“Ata duhet të korrigjojnë gabimet e dekadave të abuzimit, por nuk do të jetë e lehtë për ta,” shkroi ai. “Ne duhet të rindërtojmë Pasurinë e Vendit tonë të Madh dhe të krijojmë RECIPROCITET të vërtetë.”

Gjatë javëve të fundit, Trump ka njoftuar një sërë politikash tarifore, duke lëshuar deklarata të ndryshueshme që kanë ngritur shqetësime për paqëndrueshmërinë ekonomike globale.

Ministri në detyrë i Punëve të Brendshme, Xhelal Sveçla, ka reaguar lidhur me aksionin policor të zhvilluar në orët e hershme të së hënës në Kaçanik. Ky aksion lidhet me vrasjen e rreshterit të Policisë së Kosovës, Muhamed Lika, raporton kp.

Sveçla ka shkruar në Facebook se drejtësia për rreshterin Lika që u vra më 1 prill, është domosdoshmëri.

“Muhamed Lika, familja e tij, Policia e Kosovës, populli dhe shteti kërkojnë dhe meritojnë drejtësi”, ka shkruar Sveçla në Facebook, duke lënë të kuptohet se aksioni i sotëm në Kaçanik është një hap drejt zbardhjes së këtij rasti të rëndë më 1 prill.

Policia e Kosovës në bashkëpunim me Prokurorinë do të mbaj një konferencë për media në orën 11:30 në Drejtorinë Rajonale e Policisë së Kosovës në Ferizaj, ku do të shpalosen detaje rreth operacionit policor që u zhvillua në orët e hershme të mëngjesit në komunën e Kaçanikut dhe i cili ndërlidhet me rastin e vrasjes së Rreshterit policor Muhamed Lika. Në këtë konferencë do ta marrë pjesë: drejtori i përgjithshëm i PK-së kolonel Gazmend HOXHA, Kryeprokurori i Prokurorisë në Ferizaj Burim Çerkini.

Mëngjesin e së hënës, Njësia Speciale e Policisë së Kosovës ka nisur një operacion policor që ka të bëjë me vrasjen e rreshterit, Muhamed Lika.

Lajmin për KosovaPress e ka konfirmuar Luljeta Mehmeti zëdhënëse e Policisë së Kosovës.

Mehmeti theksoi se aksioni policor po zhvillohet pas hetimeve intensive nga njësitet relevante

“Policia e Kosovës, me njësitë e saja relevante pas hetimeve intensive, sot në orët e hershme të mengjesit ka filluar një operacion policor, i cili ndërlidhet me rastin e vrasjes së Rreshterit policor Muhamed Lika në Kaçanik”, ka thënë ajo për KosovaPress.

Sipas saj, pas përfundimit të operacionit policor, do të bëhen publike informacione shtesë.

Më 1 prill, Muhamed Lika ishte gjetur i plagosur rëndë në hyrje të ndërtesës së tij, në rrugën ‘Idriz Seferi’, në Kaçanik rreth orës 23:00. Ai u transportua në Qendrën e Mjekësisë në Kaçanik, por nuk arriti t’u mbijetojë plagëve, raporton KosovaPress.

Për vrasjen e mbrëmshme të rreshterit Muhamed Lika në Kaçanik, dy persona janë të dyshuar në këtë rast. Kështu ka thënë Kryeprokurori i Prokurorisë Themelore në Ferizaj, Burim Çerkini. Ai pati theksuar se dyshohet se nga vendi i ngjarjes kanë ikur në këmbë të dyshuarit. /kp

Një 18-vjeçar është në mesin e të arrestuarve për vrasjen e policit Muhamed Lika.

Mediat raportojnë jozyrtarisht se i dyshuari është R.B, 18-vjeçar.

Ai raportohet se në momentin kur dyshohet se e kreu vrasjen, ishte 17-vjeçar.