ATV

Tag: ALARM

  • Parashikimi i motit për shtatë ditët e ardhshme

    Parashikimi i motit për shtatë ditët e ardhshme

    Besim Aliu nga Instituti Hidrometeorologjik i Kosovës, për emisionin e mëngjesit ALARM në ATV, tha se temperaturat e ulëta do të vazhdojnë të mbretërojnë në vendin tonë edhe gjatë kësaj jave.

    Ai tha se nga e marta, reshjet e borës do të kalojnë në reshje shiu në vise të ulëta, ndërsa në vise të larta, sërish do të bie borë.

    “Gjatë ditës së sotme do të kemi rreze dielli, pak vranësira, por që nesër, ditën e marte pas dite, do të kemi sërish kushte të tjera atmosferike, me që këto masa polare kanë ardhur që para 3 apo 4 ditëve në vendin tonë, ato paksa do të jenë pak më pak të qëndrueshme. Reshjet e borës që ishin do të kalojnë në reshje shiu në vise të ulëta, kurse në viset të larta, prapë do të kemi reshje bore për shkak të temperaturave më të ulëta”, tha Aliu.

    Ai tregoi se vikendin që lamë pas, kishte reshje bore në pothuajse gjithë territorin e Kosovës, me përjashtim të qytetit të Pejës.

    Sasia e borës më e madhe u regjistrua në qytetin e Ferizajt me mbi 25 centimetra trashësi.

    “Kishim reshje në pothuajse në gjithë territorin e Kosovës, përjashtuar qytetin e Pejës, ku atje nuk kemi pasur reshje të borës, vetëm reshje të shiut. Sasi të reshjeve të regjistruara në qytetin e Ferizajt, ishin 22 centimetra, do të thotë trashësia e borës ka qenë 22 centimetra, në viset e larta kemi mbi 25 centimetra, do të thotë reshje të borës, atje kemi pasur edhe më herët reshje të borës. Temperaturat më të ulëta ishin -7 gradë Celsius, kurse gjatë ditës do të kalojmë edhe në vlerat pozitive diku 3 apo 4 gradë Celsius në rrafshin e Kosovës dhe diku 5 gradë Celsius në rrafshin e Dukagjinit”, tregoi Aliu. /atvlive.tv

    Parashikimin e plotë të motit për shtatë ditët e javës e gjeni në videon më poshtë:

  • Parashikimi i motit për ditën e sotme

    Parashikimi i motit për ditën e sotme

    Sot në vendin tonë parashihet të mbajë mot kryesisht me vranësira dhe kthjellime të herëpashershme.

    Temperaturën minimale për ditën e sotme do ta mbajë Gjakova me 4 gradë Celsius, ndërsa atë maksimale Prizreni me 13 gradë Celsius.

    Edhe dita e nesërme do të jetë me kushte të njëjta atmosferike. Temperaturën minimale për ditën e nesërme do ta mbajnë qyteti i Pejës me 4 gradë Celsius, ndërsa atë maksimale përsëri Prizreni me 11 gradë Celsius.

    Ndërkohë, në Shqipëri do të ketë mot të vranët dhe me kthjellime. Temperaturën minimale do e ketë Korça me 6 gradë Celsius, ndërsa ajo maksimale do të jetë në Vlorë me 21 gradë Celsius. /atvlive.tv/

    Parashikimin e plotë të motit, për rajon dhe Evropë mund ta gjeni në videon e mëposhtme:

  • Tempertura të ulëta me reshje bore, parashikimi i motit për 7 ditët e ardhshme

    Tempertura të ulëta me reshje bore, parashikimi i motit për 7 ditët e ardhshme

    Besim Aliu nga Instituti Hidrometeorologjik i Kosovës, për emisionin e mëngjesit ALARM në ATV, tha se temperaturat e ulëta do të vazhdojnë të mbretërojnë në vendin tonë edhe gjatë kësaj jave.

    Ai tregoi se dita më e nxehtë e javës do të jetë sot, ndërsa gjatë ditë në vazhdim, temperaturat do të lëvizin deri në -4.5 gradë Celsius.

    Ky është parashikimi i plotë i motit nga IHMK për javë që sapo kemi hyrë:

    Vikendi ishte i ftohtë, por këto masa ajrore të ardhura nga pjesa veriore e kontinentit do të jenë të qëndrueshme edhe gjatë kësaj jave. Temperaturat minimale në viset e larta do të regjistrohen në -3 gradë Celsius, kurse në viset e ulëta deri në -2 gradë Celsius.

    Sot qytetin më të ftohtë e kishim qytetin e Mitrovicës me -2 gradë Celsius, kur qyteti i Prizrenit ishte me 0 gradë Celsius.

    Qytetet tjera kanë pasur temperaturë minimale me -1 gradë Celsius.

    Temperatura 500 metra mbi nivel tokës, do të thotë e matur në Ferizaj, ishte -4.5 gradë Celsius, që nënkupton se në shtresa të ulëta kemi pasur edhe ngrica të dobëta dhe brymë.

    Dihet se bryma është një fenomen apo dukuri që na ndikon negativisht në fushën e perimo-kulturës.

    Nga dita e nesërme, pas ditë do të kemi zhvillim të vranësirave të cilat në orët e pas ditës do të sjellin reshje shiu, reshjet do të vazhdojnë edhe në ditën e mërkurë dhe do të jenë të intensitetit mesatar deri të lartë, kështu që temperaturat pastaj do të ulën. Sot ditë e hënë, do të jenë temperaturat më të larta, diku 15 gradë Celsius. Minimalja gjatë kësaj jave do të lëvizin nga -2 gradë Celsius deri në 4 gradë Celsius, kurse maksimalja nga 5 gradë Celsius deri në 15 gradë Celsius.

    Kjo vlerë 15 gradë Celsius do të jetë sot, kurse ditët tjera do të jenë temperaturat më të ulëta për shkak të reshjeve, kurse në vise të larta, përderisa në viset e ulëta kemi reshje shiu, në vise të larta me lartësi mbi detare mbi 1000 metra, do të kemi reshje bore. Do të thotë atje vetëm se kemi deri tani reshje orte, por sasitë e tyre do të rriten.

    Do të fryjë erë kryesisht nga veri perëndimi dhe jug perëndimi apo edhe veri lindja do të kemi intervale, shpejtësia e së cilës do të jetë nga 1-9 apo 10 metra për sekondë, pra do të jetë erë mesatare e lehtë dhe lokalisht e fortë.

    Më shumë informata për parashikimin e motit i gjeni në videon më poshtë:

  • “Ninullë” nderohet me tre çmime në festivalin e filmit “Zuger Filmtage”

    “Ninullë” nderohet me tre çmime në festivalin e filmit “Zuger Filmtage”

    Filmi “Ninullë” i regjisorit të ri shqiptar nga Zvicra, Adrian Asllani, ka rrëmbyer tri çmime në festivalin e filmit në Zvicër, “Zuger Filmtage”.

    Regjisori i filmit, në një lidhje të drejtpërdrejt në emisionin ALARM në ATV, tregoi se filmi “Ninullë” është edhe projekti i tij serioz të cilin e ka bërë me vet financim.

    Ai tha se për të ka qenë shumë me rëndësi edhe pjesëmarrja në festivalet “PriFest” dhe “Atlanta Film Festival”, ndërsa nuk ka pritur që të ketë kaq shumë jehonë edhe në festivalin “Zuger Filmtage”.

    “Unë jam gëzuar shumë kur i kam marrë çmimet, se për mua ky projekt ka qenë një projekt shumë i veçantë sepse ka qenë projekti i parë në Kosovë që e kam realizu. Është filmi i parë me të cilin kam marrë çmime, dhe thuajse është filmi i parë i imi seioz, sepse përpara kam bërë më shumë filma të shkurtër, por me mjete më të thjeshta, me mundësitë që i kemi pasë, thuajse pa para e pa buxhet. Ky ka qenë projekti i parë që me seriozitet kam punuar dhe jam përkushtuar shumë dhe për mua pjesëmarrja nëpër festivale, edhe në “PriFest” që isha në Kosovë, edhe në “Atlanta Film Festival” në SHBA, tash edhe në “Zuger Filmtage”, nuk e kam pritur që ka me pasë ky film këtë jehonë”, tha Asllani.

    Ai thotë se filmi është bërë me një buxhet modest, si vet financim, por për të ka qenë më me rëndësi që të paguhen njerëzit të cilët kanë kontribuuar në këtë film.

    “E kam vet financuar filmin, me do para. Në fakt nuk e kam pasë buxhetin shumë të lartë, por me ato mjete që kam pasë mundësi… për mua ka qenë me rëndësi që t’i paguaj njerëzit. Për mua, filmi, arti është shumë shtrenjtë për me e krijua, për shkak të teknikës. Shpeshherë, për shkak të teknikës për shkak të pasionit të madh, mundohet njeriu me i ulë çmimet edhe me e ba një kompromis, sidomos kur është i vetë financuem, por për mua ka qenë me rëndësi që t’i paguaj njerëzit dhe me ato mjete që i kam me i pagu mirë edhe me i trajtu mirë”, u shpreh regjisori Asllani. /atvlive.tv

    Bisedën e tij të plotë në ALARM e gjeni në videon më poshtë:

  • Prizreni, “qyteti muze” i Kosovës, përmes fotografive

    Prizreni, “qyteti muze” i Kosovës, përmes fotografive

    Përgatiti: Zeqir Hasani

    “Qytet muze”, ”Muzeu nën qiellin e hapur” apo edhe të “Dubrovniku i Ballkanit” janë vetëm disa nga epitetet që i ka qytetit antik Prizreni i cili cilësohet si njëri ndër qytetet më të bukura të Kosovës.

    Prizreni ka një pozitë të favorshme gjeografike, me siperfaqe prej 640 metra katror, gërshetimit harmonik të këtyre kulturave gjatë historisë dhe një numri të lakmueshëm të monumenteve të të gjitha kohërave.

    Në rubrikën ‘’Dikur dhe sot’’ këtë javë Salajdin Krasniqi, koleksionues I fotografive të vjetra, por edhe njohës i mirë i qytetit të Prizrenit, na tregon më shumë rreth objekteve të vjetra, dhe ndryshimin ndër vite.

    Prizreni njihet si një nga qytetet, me më së shumti monumente të kultit, një nga ato është edhe xhamia e Sinan Pashës.

    Prizreni, njihet edhe për ura të shumta, që ndër shekuj kanë bashkuar qytetin.

    Nga kalaja e Prizrenit, në pëllëmbë të dorës shihet çdo pjesë e qytetit, ndërtimi i të së cilës u bë për një arsye.

    Të vizitosh Prizrenin, dhe të mos ndalësh te një nga objektet më të rëndësishmë të popullit shqiptar është e pa imagjinueshme, e tillë është edhe monumenti i Lidhjes së Prizrenit që ishte rrënuar në luftën e fundit.

    Treva e Prizrenit është e banuar prej kohësh, si e tillë ruan edhe dëshmi të monumenteve arkeologjike nga koha e neolitit, eneolitit, bronzit, hekurit apo antikitetit, kjo dëshmohet edhe nga artefaktet e shumta të zbuluara, ku dëshmojnë se Prizreni është njëri ndër qytetet më të vjetra të Evropës Juglindore dhe më gjerë.

    Për më shumë, shikoni storjen e plotë në videon e më poshtme:

  • Disenjatorja Yllka Haxhiu zë vendin e parë në Bullgari

    Disenjatorja Yllka Haxhiu zë vendin e parë në Bullgari

    Disenjatorja Yllka Haxhiu nga Gjakova e ftuar në emisionin e mëngjesit “ALARM”, foli për garën që u mbajt në Bullgari nga ku edhe u kthye në Kosovë duke e zënë vendin e parë.

    Ajo tregoi se pjesëmarrësit e kësaj gare duhej të krijonin veshje, për të cilat do të inspiroheshin nga vizita e tyre një-javore, në Bullgari.

    “Ka qenë një javë dite, pjesa e parë ishte udhëtimi apo vizitë në qytete të ndryshme, me eksplorua muze e ambiente të ndryshme, pastaj për të skicuar 4 veshje, në bazë të inspirimit të këtyre vendeve që ne kemi vizituar. Pastaj është dashtë me dorëzua këto tek juria për vlerësim dhe pas tre muajsh, fituesit e kësaj gare duhet t’i dorëzojnë ato veshje. Sfidë e vetme ka qenë se koha ka qenë shumë e shkurtë dhe konkurrenca shumë e madhe, por pavarësisht kësaj unë dhashë maksimumin tim dhe zakonisht këtë profesion e bëj me shumë dashni dhe mendoj se punët rrjedhin më lehtë kështu”, tha ajo./atvlive.tv/

    Për më shumë ndiqni videon e mëposhtme:

  • Berberi nga Gjakova vizualizon portrete të personazheve historike

    Berberi nga Gjakova vizualizon portrete të personazheve historike

    Është Fisar Ballata, djali i cili pos që e ka pasion prerjen e flokëve, ai tash e 4 vjet po e shpreh edhe artin me vizualizimin e figurave të ndryshme në flokë.

    Kësaj here, Ismail Qemali, Isa Boletini dhe harta e Shqipërisë janë synimi i tij. Por përgjatë këtij procesi të gjatë, Fisari tregon se sa kanë kërkesa klientët për të vizatuar në flokë dhe si reagojnë të tjerët karshi këtij arti.

    Duke qenë i vetmi në Kosovë, Fisari tregon për përvojën e tij, konkurrencën, por edhe shumë detaje rreth mjeteve të punës./atvlive.tv/

    Për më shumë ndiqni videon e mëposhtme:

     

  • 30 vjet në mërgim, shqiptari pjesë e filmave dhe serialeve të famshme botërore

    30 vjet në mërgim, shqiptari pjesë e filmave dhe serialeve të famshme botërore

    Aktori i njohur shqiptar që jeton në Gjermani, Florim Alija, në një lidhje të drejt për drejt në emisionin ALARM në ATV, ndau me shikuesit përvojën e tij më regjisorë dhe aktorë të mëdhenj të Hollivudit.

    Ai së fundmi ka luajtur në filmin shumë të njohur “John Wick 4” përkrah aktorit të njohur kanadez, Keanu Reeves.

    “Ndërkohë kam marrë pjesë në shumë filma që do të transmetohen edhe ne Hollivud, dhe njëri prej tyre është “John Wick 4” përkrah aktorin Keanu Reeves. Në këtë film e kam marrë shikueshmërinë më të madhe në botë. Ndërkohë, ai në film më mbytë, por kjo është një arritje shumë e madhe. Ai krejt i mbyt, po për pak kam qenë tu shpëtu”, tha Alijaj.

    Ai thotë se kur i është bërë ftesa për të luajur në këtë film, fillimisht ka menduar se dikush po tallet me të, por që më vonë e kuptoi se ishte e vërtetë.

    “Nuk e kam besuar se do të jem pjesë e këtij filmi. Kam qenë në Friburg në pishinë kam qenë, më kanë thirrë në telefon, me kanë pyet. Mendova që dikush po bën hajgare me mua, por tani doli të ishte e vërtetë. Unë jetoj 350 kilometra ngat Berlinit, më është dashur të shkoj në Berlin, aty është xhiru filmi i KANUE Reeves ‘John Wick 4’”, tregon Alijaj.

    Bashkëpunimin me regjisorë dhe aktorë të njohur të Hollivudit, Alijaj e cilëson si një nga përvojat më të mira për avancimin e tij profesional në industrinë e filmit.

    “Është shumë kënaqësi e madhe të punosh me ta, të mësosh prej tyre, për mua ëhstë një kënaqësi shumë e madhe. Çdo rol që ma kanë dhënë, e kam luajtur qysh duhet dhe më kanë mësuar çka të bëj, qysh të bëj, të dukem sa më mirë, nuk me kanë thënë ‘këtë e ke dhe luajë qysh dush’, por më kanë mësu qysh të luaj”, rrëfen Alijaj.

    Ai është i njehur në publikun gjerman për rolin e tij në një nga serialet më të shikuara atje, ku interpreton tash e katër vite.

    “Karrierën e kam filluar që disa vite, kam filluar këtu me disa seriale gjermane që janë shumë të famshëm dhe të shikuar këtu në Gjermani. Kam marrë pjesë në serialin që është shumë i shkueshëm që në shqip do të thotë “Kohë e mirë, kohë e keqe”, këtu kam luajtur katër vite”, tregon Alijaj. /atvlive.tv

    Bisedën e tij të plotë në emisionin ALARM e gjeni në videon më poshtë:

    Emisionin e plotë e gjeni në videon më poshtë:

  • Kosova stoliset me medaljen e bronztë në Kampionatin Botëror

    Kosova stoliset me medaljen e bronztë në Kampionatin Botëror

    Përgatiti: Zeqir Hasani

    Shtetet e mëdha botërore si Anglia, Zvicra dhe Franca, u treguan të pafuqishme ndaj garueseve të Kosovës, në kampionatin botëror të karatesë.

    Katërshja e garueseve kosovare, në përbërje me Fortesa Orana, Vlora Qerimi, Hatixhe Gërvalla dhe Albulena Gërvalla, me trajnerin Alban Beqiri arritën të sigurojnë medaljen e bronzët.

    Për Kosovën dhe federatën e karatesë, kjo është medalja e parë në histori, në nivel të ekipeve.

    E përgatitjet për këtë kampionat ishin intensive.

    Duke marrë parasysh se pjesa dërrmuese e garueseve kosovarë në këtë kampionat botërorë, janë me prejardhje nga Gjilani, medalistet në takim i priti edhe kryetari i komunës së Gjilanit, Alban Hyseni.

    E nga ky takim selektori i përfaqsuesës së Kosovës në Karate, Alban Beqiri mori mbështetje nga i pari i Gjilanit, për një turnir ndërkombëtar në këtë qytet, që pritet të jetësohet në qershor të vitit të ardhshëm.

    Të rinjët kosovar ndër vite kanë dëshmuar se janë të zot në sportet individuale, por mbështetja institucionale ndaj këtyere sportistëve lë shumë për të dëshiruar, derisa garues të shumtë detyrohen të kryejnë edhe punë dytësore që të sigurojnë mjetet për të vazhduar ëndrrën e tyre.

    Storjen e plotë e gjeni në videon më poshtë:

  • Festivali Ndërkombëtar i Fotografisë këtë edicion do të mbahet në Medvegjë

    Festivali Ndërkombëtar i Fotografisë këtë edicion do të mbahet në Medvegjë

    Më 18 nëntor do të nisë edicioni i 13-të i Festivalit Ndërkombëtar i Fotografisë “PreFoto”, ku këtë vit do të zhvillohet në qytetin e Medvegjës.

    Edon Agushi, një ndër organizatorët e këtij festivali, në emisionin ALARM në ATV, tha se këtë edicion do të ketë pjesëmarrës nga shtete të ndryshme të botës, ku nuk do të mungojnë edhe ata serbë për ta parë ekspozitën e këtij festivali.

    “Ne dimë se ndoshta në Medvegjë nuk ka aq shumë shqiptar sa që ka në qytetin e Preshevës dhe qytetin e Bujanocit, por pse të mos ia sjellim edhe atyre një ekspozitë ndërkombëtare të fotografisë. Ekspozita ka karakter garues dhe është ekspozitë ndërkombëtare e fotografisë. Qëllimi i kësaj ideje, realizimi i këtij festivali të fotografisë ka qenë duke marrë shkas për fotografinë, por për të bërë aktivitete kulturore në Luginë të Preshevës. Atë ditë nuk janë vetëm shqiptarët që vijnë për ta ndjekur ekspozitën e fotografisë, por do të kemi edhe mysafirë nga shtete të ndryshme të botës që janë pjesëmarrës, do të kemi jurinë që janë ndërkombëtarë, por kemi edhe nga komuniteti serb që do të jenë prezentë për ta parë ekspozitën. Ekspozita tani ka arritur një nivel tjetër artistik”, tha Agushi.

    Ai tregoi se 11 edicionet e para të “PreFoto” janë zhvilluar në qytetin e Preshevës, ndërsa i 12-ti në Bujanoc. /atvlive.tv

    Intervistën e tij të plotë në ALARM e gjeni në videon më poshtë: