Profesori universitar dhe njohësi i çështjeve të sigurisë, Fatmir Çollakaj, në emisionin A LIVE në ATV, duke komentuar zhvillimet e fundit në veri të vendit, po ashtu edhe deklaratat të ndryshme për mundësi agresioni nga ana e Serbisë, vlerësoi se nuk do të ketë luftë në këtë pjesë të vendit.
Ai thotë se një situatë e ngjashme si ajo e 24 shtatorit nuk përjashtohet, për shkak se sipas Çollakajt, kjo do t’i konvenonte edhe presidentit Vuçiq për shkak të revoltës së qytetarëve kundër tij.
“Unë në krejt paraqitjet e mia deri më sot, them me përgjegjësi profesionale se luftë nuk do të ketë në atë pjesë të vendit e as në Kosovë, e as në Ballkan. Përpjekje eventuale për ndonjë sulm të ngjashëm si të 24 shtatorit, nuk përjashtohet ajo mundësi, çka mund të mos ndodh por nuk përjashtohet mundësia që të ndodh, sepse Serbisë i konvenon dhe i nevojitet sidomos në këtë fazë ku Vuçiqi po sfidohet seriozisht në Beograd me protesta të dhunshme që për mua një tregues i një mllefi dhe një revolte të madhe të akumuluar me diskursin e vet politik neo-diktatorial”, tha Çollakaj. /atvlive.tv
Intervistën e plotë të tij në A LIVE e gjeni në videon më poshtë:
Profesori universitar dhe njohësi i çështjeve të sigurisë, Fatmir Çollakaj, në emisionin A LIVE në ATV, duke komentuar situatën e sigurisë në veri të vendit, thotë se Policisë së Kosovës, me aksionet e saj është duke e kryer punën më një përformancë shumë cilësore në atë pjesë të vendit.
“Aksionet e Policisë duhet të përcjellin mesazh tek ne se duhet me qenë rehat e jo mos me na lënë rehat, ndonëse ata tjerët nuk na lënë rehat, kurse Policia e Kosovës e kryen punën deri më tani me një përformancë shumë cilësore dhe ia kanë zili policitë e vendeve të tjera të regjionit”, tha Çollakaj. /atvlive.tv
Intervistën e plotë të tij në A LIVE e gjeni në videon më poshtë:
Ish-ministër i Ekonomisë dhe i Financave, Haki Shatri, në emisionin A LIVE në ATV, tha se në Kosovë, korrupsioni është duke lulëzuar.
“78 milionë janë bërë Prokurime me prokurim një burimor që i bjen mundësi e pastër e keq përdorimit të mjeteve, sepse një menaxhues i mjeteve në këtë rast një organizate buxhetore i mundësohet me e përzgjedhë punë kryerësin, me u marrë vesh me te në tavolinë edhe me ia dhanë një punë me para publike. Kjo është në kundërshtim me ligjin e Prokurimit Publik”, tha Shatri.
Ai thotë se asnjë operator nuk mund të marrë një punë publike, pa dhënë ryshfet.
“Jo pse po du me e kritiku se jam opozitë, por në qoftë se gjeni njerëz të besueshëm nga operatorët ekonomik, bisedoni me ta dhe nëse kanë besim që nuk i paraqitni kush janë ata, kanë me ju tregu se asnjë punë publike s’kanë me mujt me e marrë pa dhënë ryshfet. Këtë po e them me përgjegjësi shumë të plotë”, tha Shatri. /atvlive.tv
Avokatja Emira Gavazi Gashi, në emisionin A LIVE në ATV, arsyen se përse Prizreni prin me numrin më të madh të shkurorëzimeve me 209 raste, e ndërlidhi me dallimet që bëhen qytetar-katundar.
Ajo tha se ky mentalitet është jashtëzakonisht vrasës për një femër.
“Prizreni është i rrethuar më shumë fshatra dhe lidhshmëria në anën e sociologut janë shumë të mëdha. Pastaj një botë kuptim i mentaliteti që ‘ti qytetar, ti katundar’ është jashtëzakonisht vrasëse për një femër. Ne nuk mund të quhemi këtu që të gjithë jemi qytetarë. Vet vij nga fshati Zhur dhe jam krenare dhe gjithmonë e them se unë jam fshatare, jam rritë aty. I mbaj me vlera ato çfarë mi ka dhënë fshati im. Nuk toleroj të diskriminohem në aspekt të saj”, tha avokatja Emira Gavazi Gashi.
Mentalitetin e dallimeve rural-urban që mund të ndikojë në numrin e lartë të shkurorëzimeve e mbështeti edhe sociologu Jeton Brajshori. /atvlive.tv
Aktivistja nga qyteti i Skenderajt, Arbnora Idrizi ka arritur të futet në Librin e Rekodeve ‘Guinness’ për të katërtën herë.
Ajo ka vendosur një rekord të ri në librin e rekordeve Guinness, përmes punimit të Flamurit Kombëtar prej 120 mijë letrave origami të cilën e punoi më 28 nëntor për nder të Ditës së Flamurit, shkruan Sinjali.
Në një lidhje të drejtpërdrejtë në emisionin A LIVE në ATV, aktivistja Arbnora Idrizi tha se për të ka qenë një emocion i jashtëzakonshmë, duke pasur parasysh se bëhet fjalë për flamurin kombëtar që tani ka hyrë në rekordet e ‘Guinness’ si projekti më i madh në botë.
“Me thanë të drejtën, mbrëmë isha në një emision në një televizion në Shqipëri, dhe në ato momente me erdhi e-maili që nga Guinness -i që tashmë “je përzgjedhur fituese e Guinness-it”. Ka qenë një emocion i pa përshkruar në atë çast sa që nuk e kam pritur që do të vijë një lajm aq i mirë. Kështu që është një ndjenjë e jashtëzakonshme se një punë e madhe, punë gjigande ku ndoshta bëhet përgatitje me vite, po shpërblehet dhe po certifikohet nga zyrtarët Guinness, sidomos flamuri kombëtar ku ne të gjithë jemi rritur me dashurinë ndaj këtij flamuri dhe kam dashur që ky projekt të jetë më i madhi në botë dhe të jetë më i veçantë. Jam shumë e lumtur për këtë arritje”, tha Idrizi.
Ajo tregoi se për dallim nga projektet e mëparshme, për realizimin e këtij projekti ka pasur mbështetje nga institucionet.
“Kam pasur një mbështetje nga Ministria e Kulturës në Prishtinë, ku kisha dashtë me i falënderua shumë se kësaj radhe më kanë mbështetë pak më mirë edhe pse, për me e realizu një projekt të jashtëzakonshëm, patjetër që është një kosto mjaft e lartë dhe mezi e arrin me e finalizua projektin, mirëpo ka qenë një mbështetje pak më e mirë. Kam pasur mbështetje edhe nga disa sponsorë, nga komuna kam siguruar vetëm hapësirën publike ku kam bërë kërkesë për arsye se në Kosovë ka qenë e pamundur të gjendet një hapësirë e tillë, 1300 metra katrorë”, tha Idrizi.
Për realizimin e projektit të flamurit kombëtar, ajo tregon se janë realizuar 1.2 milionë palosje të letrës.
Arti ‘Origami’ nuk e praktikojnë shumë në Kosovë dhe jam e vetmja që e kam praktiku dhe e kam zhvillu deri te rekordet botërore. Është një teknikë mjaft e veshtarë për tu realizuar. Në fillim duket shumë e thjeshtë, mirëpo ato palosje, teknikat e punës janë mjaft delikate. Përmes letrës, ti mundesh me realizua diçka të bukur dhe të jashtëzakonshme, siç kam realizu edhe unë projektin e jashtëzakonshëm, flamurin kombëtar me 1 milion e 200 mijë palosje letër, 1300 metra katrorë, ku me thënë të drejtën ka qenë e jashtëzakonshme. Pa dyshim ka qenë shumë e vështirë sepse së pari, në aplikimin e rekordit botëror, ti duhet me e paraqit projektin tuaj, ku, çfarë po synon dhe a pranohet te zyrtarët pjesa e letrës dhe projekti. Pastaj, përgatitja e letrës, ngjyrosja e letrës ku është bërë në fabrikën ‘EuroPrint” në Prishtinë,, ku kisha dashtë me i falënderua për arsye se ka qenë shumë e vështirë të sigurohet një letër e tillë. Me qenes e në rekordin botëror, ti duhet me e pasë një letër origami, rezistente, e butë dhe që palohet lehtë. Kështu që një muaj është dashur përgatitje për letrën për flamur, ku më kanë ndihmuar edhe nxënësit e Medresesë “Alaudin” në Prishtinë 50 mijë pjesë, ndërsa 70 mijë copa i kam punuar vetë me disa familjarë të mi”, tregoi Idrizi. /atvlive.tv
Gazetari i ATV-së, Arton Hamiti, gjatë ditës së sotme ka realizuar një kronikë që në fokus ka kërkesën e banorëve serbë për të nisur procedurat për shkarkimin e kryetarit të Mitrovicës së Veriut.
Në një lidhje të drejtpërdrejt në emisionin A LIVE në ATV, ai tregoi kronologjinë e veprimeve të banorëve serbë për inicimin e procedurave për shkarkimin e kryetarëve të komunave në veri të Kosovës.
“Banorët serbë nuk kanë iniciuar procedura për shkarkimin e vetëm kryetarit të Mitrovicës së Veriut, por nga ajo çfarë kemi marrë vesh, kjo iniciativë ka filluar edhe në tri komunat e tjera të veriut. Paraprakisht ne zhvilluam një bisedë me kryetarin e Kuvendit Komunal në Mitrovicën e Veriut, i cili e konfirmoi se dje një grup prej re personash, qytetarë serbë kanë deponuar një kërkesë për të iniciuar procedurën për shkarkimin e kryetarit, kërkesë kjo e cila është duke u shqyrtuar nga Kuvendi Komunal i Mitrovicës së Veriut. Kryetari i Kuvendit Komunal tha se aktualisht kjo kërkesë është duke u shqyrtuar dhe më pas, brenda afatit kohor që parashihet, do të dërgohet në Ministrinë e Administrimit dhe Pushteti Lokal. Mirëpo, sipas kryetarit të Kuvendit Komunal, ka disa parregullsi në procedurat se si është dorëzuar kjo kërkesë, ky grup i serbëve prej tre personave nuk e ka njoftuar paraprakisht kryesuesin e Kuvendit Komunal se do të iniciojë një procedurë, mirëpo vetëm e ka bërë kërkesën për inicim të procedurës”, tregoi gazetari Hamiti.
Ai shpjegoi se aktivizimi i serbëve për të gjetur një rrugë për t’u mbajtur zgjedhje në veri, ka filluar qysh para tre ditësh dhe vjen tre muaj pas pasi udhëzimi administrativ i Ministrisë së Administrimit dhe Pushtetit Lokal është hartuar.
Ky udhëzim është hartuar specifikisht për të nisur procedurat që zgjedhjet në katër komunat veriore të mbahen.
Ndërkohë, ky grup i serbëve, para tri ditëve ka tentuar që kërkesën e njëjtë ta deponojë këtu në Komunën e Mitrovicës së Veriut dhe në Komunat e tjera veriore, mirë siç kanë pretenduar ata iniciativa ishte refuzuar nga autoritetet lokale, andaj ata e kanë ndjekur një rrugë tjetër dhe këto kërkesa i kanë dorëzuar në Komisionin Qendror të Zgjedhjeve. Por, pas një dite nga dorëzimi i kërkesave, KQZ-ja iu ka kthyer atyre përgjigje dhe iu ka thënë se adresa e duhur janë Kuvendet Komunale të komunave përkatëse.
Gazetari Hamiti, në këtë lidhje direkte zbulon edhe bisedën që kishte me kryetarin e Zubin Potokut, Izmir Zeqiri.
“Ne kemi biseduar edhe me kryetarin e Zubin Potokut, Izmir Zeqiri dhe ai e sheh këtë si një lojë mbase politike, siç ka deklaruar, pasi që nëse me të vërtetë ka vullnet për tu mbajtur zgjedhjet dhe qytetarët serbë të këtyre komunave dëshirojnë të mbajnë zgjedhje, nuk do të bënin gabime procedurale, por siç ka pretenduar ai, do të ishin pak më serioz. Ai ka thënë se prapa këtyre grupeve të serbëve të cilët kanë dorëzuar këto kërkesa qëndron Lista Serbe, ndërkohë ai e ka thënë që rruga më e mirë do të ishte një marrëveshje politike mes akterëve kryesor e mbase edhe një dorëheqje vullnetare pas marrëveshjes politike të kryetarëve, pasi kjo procedurë e shkarkimit përmes udhëzimit administrativ mund të marrë kohë”, tregon gazetari Hamiti.
Kujtojmë që me 23 prill janë mbajtur zgjedhjet lokale në katër komunat veriore dhe ato prodhuan katër kryetarë shqiptarë, mirëpo kjo nuk ishte mirëpritur aspak nga banorët serbë në këto komuna ku pasi kryetarët shqiptarë kishin tentuar të futen në objektet e komunave, ata ishin ngritur në një revoltë, kishin protestuar, ku pra të gjithë i anë parasysh imazhet e fundit të majit, ku ka pasur edhe pjesëtarë të KFOR-it të lënduar. /atvlive.tv
Sociologu Jeton Brajshori, në një prononcim për ATV-në, duke komentuar rezultatin e dobët të nxënësve të Kosovës në “PISA”, tha se një trend i tillë i rënies së rezultateve shihet të jetë prezentë edhe në gjithë Evropën.
Ai përmend se rrjtet sociale, ndër ta TikTok-u dhe Intelegjenca Artificiale ChatGPT, janë ndër shkaktarët kryesor të rënies së interesimit të nxënësve për të mësuar.
“Është e vërtetë që rezultatet kanë qenë shumë të dobëta, pra ato rezultate të cilat i kemi parë dje, mirëpo realisht në qoftë se i shohim në të gjitha vendet e Evropës, ka në përgjithësi në gjithë Evropën rënie të rezultateve, për arsye se shumica, edhe tek ne por edhe më gjerë, fëmijët sot nuk është që merren shumë me lexime, mirëpo më shumë kalojnë kohë në tiktok, pra merren me rrjete sociale dhe tanimë e kemi edhe ChatGPT-në, e cila është një formë e mirë e ndihmesës së nxënësve për të arritur diçka, të ketë pista të reja të hulumtimit, mirëpo edhe të keq përdoret dhe të përdoret vetëm për gjëra të tilla, atëherë e shohim në praktikë se rezultatet janë të dobëta”, tha Brajshori.
Sipas tij, për të shënuar progres në këtë drejtim, duhet të zhvillohet më shumë mendimi kritik, duke filluar nga familja e pastaj të vazhdojë edhe nëpër shkolla.
“Çka nënkuptojmë me analfabetizëm 80 për qind funksional, analfabetizëm funksional është kur personi di shkrim lexim mirë, por nuk di të mendojë. Nuk e kemi të zhvilluar mendimin kritik, gjë të cilën duhet ta fillojmë që nga familja, në shkollë dhe të vazhdojmë tutje t’i zgjerojmë njohuritë tona vetë”, tha Brajshori. /atvlive.tv
Mbrëmë në Shtetet e Bashkuara të Amerikës, shqiptarët kanë festuar “Ditën e Pavarësisë së Shqipërisë”. Mërgimtari nga Ulqini, Naser Nika, prej vitesh merret me organizimin e festave kombëtare në Amerikë.
Në një lidhje të drejtpërdrejtë në emisionin A LIVE në ATV, ai tha ky takim për “Ditën e Flamurit” në Amerikë, ishte një organizim i përgatitur në mënyrë të jashtëzakonshme.
Ai tha se ndodh në raste shumë të rralla që të ketë aq shumë pjesëmarrës, sa kishte dje më atë organizim.
“Organizimin e kishim dje dhe ishte një mënyrë jashtëzakonisht e bukur. Ishte e organizuar në një mënyrë aq të bukur, jo që isha unë pjesë e Këshillit Organizativ, por ishte një numër i madh i popullit, ku këtu në Amerikë mund të them, janë raste të rralla, por nuk ka pasur diku në një vend që është ngritë flamuri me aq sasi të popullit, sa ishin dje”, tha Nika.
Në organizimin e djeshëm për nderë të ‘Ditës së Pavarësisë së Shqipërisë”, një rrugë në Nju Jork mori emrin “Ismail Qemali”.
Bisedën e tij të plotë në emisionin A LIVE në ATV, e gjeni ën videon më poshtë:
Ministrat e Jashtëm të vendeve anëtare të NATO-s do të takohen nga sot deri me 29 nëntor në Bruksel dhe në qendër të bisedimeve do të jetë agresioni rus në Ukrainë dhe situata në Ballkanin Perëndimor.
Gazetarja e ATV-së, Flaka Vitaku, në një lidhje të drejtpërdrejtë në emisionin A LIVE nga selia e NATO-s në Bruksel, tha se në këto takime të ministrave të Jashtëm të vendeve anëtare të NATO-s do të diskutohet edhe situata në Ballkanin Perëndimor.
Këtë e përmendi edhe shefi i NATO-s, Jens Stoltenberg në fjalimin e tij, ku tha se është duke u shqyrtuar mundësia nëse duhet të shtohen më shumë trupa të NATO-s në Koosvë si dhe nëse këta trupa duhet të jenë për një kohë permanente në Kosovë.
“Ai tha që edhe pas vizitës të cilët pati në Ballkanin Perëndimor, në Kosovë, Serbi dhe vendet e tjera, ai u takua me liderët e vendeve duke potencuar se diskutimet dhe dialogu mes Kosovës dhe Serbisë duhet të vazhdojë e gjithë kjo e fasilituar nga Bashkimi Evropian. Mirëpo, përmendi që NATO ka ndërmarrë pra shtimin e njëmijë trupave më shumë, prezenca e NATO-s është rritur në Kosovë në kuadër të misionit paqeruajtës të NATO-s, siç është KFOR-i dhe janë duke shqyrtuar ende mundësinë nëse duhet të shtohen më shumë trupa apo nëse këta trupa duhet të jenë për një kohë permanente në Kosovë. E gjithë kjo do të diskutohet edhe gjatë këtyre takimeve të cilat do t’i mbajnë ministrat e Punëve të Jashtme, pra të vendeve anëtare të NATO-s”, tregon Vitaku.
Ajo tregon se Stoltenberg, në fjalimin e tij tha se Ballkani Perëndimor është një rajon shumë i rëndësishëm për NATO-n dhe se kjo e fundit do të sigurohet që ta ruajë sigurinë edhe paqen në këtë pjesë të Evropës.
“Sipas Stoltenberg, e gjithë kjo mund të zgjidhet përmes dialogut dhe kërkon nga të dy vendet, nga Prishtina dhe nga Beogradi që të ruhen nga çfarëdolloj aksioni dhe veprimi, i cili mund të dërgojë tek tensionimi i situatës dhe ka bërë thirrje që të dy vendet, edhe gjatë takimeve të cilat i kanë mbajtur, ditëve të kaluara të cilat edhe ne jemi të informuar, nga liderët që situata të mos tensionohet, sepse është shumë e rëndësishme edhe për NATO-n edhe misionin të cilën e ka pra pjesën në Kosovë. Sidomos, ai përmendi edhe Bosnjë-Hercegovinën si një pjesë tjetër e brishtë e Ballkanit Perëndimor”, tregoi gazetarja e ATV-së.
Ekipi i ATV-së është duke qëndruar në Selinë e NATO-s në Bruksel, ku për shikuesit do të ofrojë informacionet e fundit që do të dalin nga takimet e ministrave të jashtë të vendeve anëtare të NATO-s për gjatë dy ditëve të ardhshme.
Me të mbërritur në atë lokacion, policia i ka gjetur grabitësit në vendin e ngjarjes, të cilët ishin të maskuar dhe të armatosur. Në vendin e ngjarjes mbërritën edhe përforcime të tjera policore por megjithatë, ata arritën të ikin nga vendi i ngjarjes përkundër përpjekjes së Policisë për t’i kapur, për çka Policia njoftoi se të dyshuarit janë ende në arrati.
Gazetari Arian Hajdaraj, gjatë ditës së sotme në një lidhje të drejtpërdrejt në emisionin “A LIVE”, ka shpjeguar detaje të padëgjuara deri më tash, lidhur me këtë rast.
Hajdaraj tregoi se si kishte filluar e gjithë ngjarja, nga hyrja e njëri prej të dyshuarve në lokal, neutralizimi i pronarit të argjendarisë, plaçkitja e stolive të arit, përgatitja e terrenit që të dyshuarit të largohen, pengesat që ata ia vendosën Policisë për të mundësuar arratisjen dhe jo vetëm./atvlive.tv/
Në videon e mëposhtme ndiqni raportimin e gazetarit direkt nga Suhareka:
