ATV

Tag: A LIVE

  • Edhe pse problem me vizat, Kosova kthehet me medalje nga Spanja

    Edhe pse problem me vizat, Kosova kthehet me medalje nga Spanja

    Sportistët tanë po shkëlqejnë me sukseset e tyre në arenën ndërkombëtare, ku po fitojnë tituj edhe në vendet që nuk e kanë njohur Kosovën.

    Bëhet fjalë për Kampionatin Botëror të bodybuildingut dhe fitnessit, që u mbajt në Santa Sussana të Spanjës, ku shkëlqyen disa bodybuilderë nga Kosova.

    Rilind Musën, i cili korri suksese të jashtëzakonshme në këtë garë, duke dalë i pesti me radhë, në emisionin A LIVE në ATV, tregoi se pjesëmarrja e Kosovës në këtë kampionat, fillimisht u përcoll me sigurimin e vizave, andaj sportistëve iu është dashur të përdorin rrugë alternative për të shkuar deri në vendin ku po zhvillohej kompeticioni.

    “Çdo herë kur e kemi parasysh se kemi me u nisë në një shtet që nuk na njeh si shtet, edhe një shtet që e kemi te kufizuar lëvizjen nëpër shtetet e tjera të Evropës, problemin më të madh e kemi fillimisht me vizat, për me u pajisë me viza, pastaj për me depërtua në shtetet tjera. Por edhe pse pajisemi me viza çdo herë, duhet me e pasë parasysh se në Spanjë, na duhet çdo herë për me i gjetë ato rrugët dytësore për me depërtua deri atje. Çdo herë jemi me dy ose me tri fluturime për me vazhdu deri në Spanjë. Minimum që na ka ndodh, kemi pasë 18 deri në 20 orë udhëtim për me arritë deri në destinacionin atje ku mbahet gara. Është mjaftë e vështirë sepse jemi me dieta, ushqime të kufizume dhe është jashtëzakonisht e vështirë”, tha Rilindi. /atvlive.tv

    Më shumë detaje i gjeni në bisedën e tij në A LIVE, në videon më poshtë:

  • Marrëveshja me Italinë, Shqipëria do të “mbushet” me refugjatë afrikan

    Marrëveshja me Italinë, Shqipëria do të “mbushet” me refugjatë afrikan

    Kryeministri shqiptar, Edi Rama dhe kryeministrja italiane, Giorgia Meloni, kanë nënshkruar marrëveshjen për emigrantët, e cila parasheh që Shqipëria të presë emigrantët e Italisë.

    Gazetari Everest Dedaj, në një lidhje të drejtpërdrejt në emisionin A LIVE në ATV, tregoi detaje të marrëvehjes mes Shqipërisë dhe Italisë për emigrantët.

    Ai sqaroi se bëhet fjalë kryesisht për emigrantë nga Afrika, ndërsa numri i tyre që do të qëndrojë në Shqipëri, nuk do to të jetë më i madh se tre mijë.

    “Ajo çfarë duhet theksuar është se informacioni është i cunguar. Mbrëmë në orët e vona kemi arritur që të marrim disa pjesë të marrëveshjes, disa pjesë të cilat flasin kryesisht për anën teknike, për mënyrën se si duhet prodecuar me këto çështje. Ajo çfarë thuhet të paktën është se do të jenë kryesisht emigrantë nga zona të Afrikës, pra nga ajo pjesë e fluksit të emigrantëve që do të vinë në shtetin italian. Kampi i cili parashikohet të kryhet në Shqipëri, në zonën e Lezhës, do të mbajë jo më shumë, edhe këto duhet theksuar sepse ka pasur raportime një ditë më parë që thuhej 35-36 mijë emigrantë në vit, e në fakt marrëveshja parashikon që të ketë jo më shumë se sa tre mijë emigrantë në një moment. Numri i emigrantëve do të jetë tre mijë në një moment, do të thotë jo më shumë se tre mijë në një kohë. Pra, mund të vijnë tre mijë emigrantë, vinë e qëndrojnë tre muaj dhe më pas zëvendësohen, por në asnjë moment nuk do ta kalojë tre mijë emigrantë numrin total”, tha Dedaj. /atvlive.tv

    Më shumë detaje i gjeni në bisedën e tij në A LIVE, në videon më poshtë:

  • Ujkani: Mosvotimi i marrëveshjeve ndërkombëtare nga opozita po bëhet për inate politike

    Ujkani: Mosvotimi i marrëveshjeve ndërkombëtare nga opozita po bëhet për inate politike

    Deputetja e Lëvizjes Vetëvendosje, Fjolla Ujkani, në emisionin A LIVE në ATV, tha se opozita nuk po i voton marrëveshjet ndërkombëtare për inate politike.

    Ajo thotë se këto nuk janë marrëveshje që i shërbejnë Lëvizjes Vetëvendosje apo kryeministrit Kurti, por sipas saj, janë marrëveshje vitale për zhvillimin ekonomik të vendit.

    “Problemi kryesor është tek inatet politike, domethënë dhe poenat se kujt i shkojnë pozitivisht pra se sa ngritet Qeveria Kurti në këtë proces, por ja që duhet ta kemi parasysh që këto marrëveshje ndërkombëtare nuk janë marrëveshje ndërkombëtare që i shërbejnë Lëvizjes Vetëvendosje apo personalisht Kryeministrit Kurtit, po janë marrëveshje ndërkombëtare që janë tepër të rëndësishme dhe vitale për zhvillimin e ekonomisë së Republikës së Kosovës, të cilat duhet të ratifikohen dhe të përfundohet procesi i tyre sa më parë, sepse janë marrëveshje të cilat janë diskutuar me muaj të tërë dhe ka një periudhë të gjatë kohore të cilat ne kemi negociuar, ministritë e linjës kanë negociuar lidhur me këto marrëveshje ndërkombëtare që të arrihet një dakordim që ato fonde t’i barten Republikës së Kosovës dhe të shpërndahen në sektorët të cilat do të kontribuonin në rritjen e kapaciteteve të zhvillimit të ekonomisë së Kosovës”, tha Ujkani.

    Ajo thotë se për votimin e këtyre marrëveshjeve nuk po gjejnë dakordim nga PDK dhe AAK, mirëpo së fundmi, vazhdon ajo, këto dy parti politike kanë shprehur interesim për bashkëpunim me Qeverinë.

    “Nuk po arrijmë që ta gjejmë një dakordim, sepse nga opozita, specifikisht nga Partia Demokratike e Kosovës dhe nga AAK-ja deri më tani kemi vendime të brendshme partiake, të cilat ka dakordim të plotë që ata të mos marrin pjesë në asnjë votim, por ja që tash më së fundi kemi parë që ka një lëshim nga të dyja palët që janë të interesuar për bashkëpunim që këto marrëveshje ndërkombëtare të ratifikohen, pra të kalohen nga Kuvendi i Republikës së Kosovës, por ja që paraprakisht për votimin e këtyre marrëveshjeve ndërkombëtare ka edhe kushte nga opozita që nismat e tyre legjislative dhe rezolutat e tyre, të cilat po dalin që të jenë në anën e disa sektorëve të cilët po kërkojnë që të ketë rritje të pagave dhe përmirësim të kushteve në punën e tyre, apo domethënë është një lloj pazari në mes pozitës dhe opozitës, fatkeqësisht të cilat po ka sabotime nga të dyja palët”, tha Ujkani.

    Ajo përmend se opozita po i cilëson si nisma joserioze nga ana e Qeverisë, që këto marrëveshje të gjejnë zbatueshmëri.

    “Kuptohet sepse nga rrafshi ynë po shihen këto që janë nisma joserioze dhe janë çështje të cilat po ngritën nga opozita për poena politikë, të cilët e dinë ata jashtëzakonisht mirë që kjo kërkon kohë që këto të gjejnë zbatueshmëri, sepse nuk mund të bëhet të miratohet një rezolutë në Kuvendin e Republikës së Kosovës dhe ato të gjejnë zbatueshmëri, sepse e dimë se si këto procedohen së pari dhe kërkojnë që të hyjë në linja buxhetore dhe tashmë e kemi buxhetin për vitin 2024 që do të miratohet dhe kjo është një mundësi e mirë që të ulemi me anë të amendamenteve të procedohen dhe të rishikohet buxheti prapë dhe në mes të dy leximeve të gjejmë një kompromis dhe këto projektligje dhe këto nisma të mos mbesin në gjysmë, po t’u shërbejmë të gjithë qytetarëve të cilët janë target i yni nga Qeveria”, shpjegoi Ujkani. /atvlive.tv

  • Çfarë ka pranuar Kurti dje në Bruksel? – Flet gazetari Fatlum Jashari

    Çfarë ka pranuar Kurti dje në Bruksel? – Flet gazetari Fatlum Jashari

    Gazetari i ATV-së, Fatlum Jashari, në emisionin A LIVE, ka dhënë më shumë detaje takimet e djeshme të kryeministrit të Kosovës Albin Kurti dhe presidentit të Serbisë, Aleksandar Vuçiq me liderët e BE-së.

    Ai thotë se, plani i propozuar nga SHBA dhe BE, i cili është pranuar nga kryeministri Kurti, ende vazhdon të mbetet misteriaoz dhe krejt ajo që dihet për të, është se bëhet fjalë për një ‘model modern evropian’.

    “Kryeministri Kurti e ka pranu këtë draft që është paraqitur, që kryeministri e quan draft për menaxhimin e komunitetit serb që është pika e 7 e lidhur me nenin 10, pastaj që rrjedhin obligimet nga marrëveshja për Asociacionin e Komunave me Shumicë Serbe. Mund të ketë ndoshta ndonjë model të kombinuar, mund të ketë ndoshta ndonjë emër tjetër që i përshtatet për të përmbushur obligimet nga marrëveshja e ratifikuar e vitit 2013. Mbetet të shihet se si do të ecën. Kryeministri Kurti e ka pranuar si bazë të mirë dhe thuhet se do të ketë diskutime ende për këtë model të asociacionit që BE-ja thotë se është model modern evropian, për të vënë në pah se nuk do të ketë modele ballkanike që përfshihen në këtë propozim”, tha gazetari Jashari.

    Ai përmend dy modele si opsione të mundshme, bëhet fjalë për modelin e komunitetit suedez në Finlandë dhe atë të komunave me shumicë Gjermane në Belgjikë.

    “Përmbajtja e planit mbetet ende misterioze, ndonëse janë përmendur disa modele të mundshme si opsione në diskutim, është përmendur modeli i komunitetit suedez në Finlandë që, siç e ka shpjeguar edhe profesori Arsim Bajrami, është më shumë një model kulturor, një lloj autonomie kulturore/edukative, ku komuniteti suedez në Finlandë gëzon të drejtat e arsimimit në gjuhën e tyre, të punës në institucione, të marrjes së vendimeve dhe gjithçka në institucione ne gjuhën suedeze krahas gjuhës Finlandeze dhe modeli i komunave me shumicë Gjermane ne Belgjikë që janë të vendosura në mes të Gjermanisë, Holandës, Luksemburgut, e që për dallim prej Kosovës, përbëjnë një territor më kompakt, pra janë më të ngjitura afër njëra-tjetrës”, shpjegoi Jashari.

    Më shumë detaje i gjeni në videon më poshtë:

  • Hoxha: Nuk ka konfirmim zyrtar që Kurti ka pranuar plan të ri

    Hoxha: Nuk ka konfirmim zyrtar që Kurti ka pranuar plan të ri

    Kryeredaktori i ATV-së, Leart Hoxha, në emisionin A LIVE, tha se nuk ka ndonjë konfirmim zyrtar që kryeministri Kurti ka pranuar ndonjë plan të ri, pasi që ky i fundit, sipas Hoxhës, është duke insistuar te plani i zbatimit të marrëveshjes së Ohrit.

    “Për shkak se afatet e Ohrit janë shkelë edhe s’janë respektu, edhe ai aneks mirë ka qenë atë ditë, kemi shku krejt në Ohër, kemi qenë dyqind gazetarë, s’ka dalë asgjë prej asaj pune, për shkak se u shkel aneksi, kanë qenë afate prej 150 ditëve për Konferencë të Donatorëve, ka kalu në gusht, e tjerë e tjerë, situata që e kemi është që duhet të vendosen afatet e reja, edhe nëse edhe sot vendosen afate edhe shkelen, atëherë mund të flasim për pasoja. Por, a u pranu plani i ri në momentin që ka takime, pritet që një plan ndoshta të mos jetë dokument, ndoshta të mos kemi diçka çfarë kemi pasë në Ohër, po këta lider, duhet të merren vesh për do data edhe për do veprime, përndryshe s’kish pasë fort kuptim çka është të ndodhë sot”, tha Hoxha. /atvlive.tv

  • Rasti i 16-vjeçarit në Pejë, sociologu Brajshori u bënë thirrje prindërve t’i edukojnë fëmijët e tyre që të mos i bullizojnë të tjerët

    Rasti i 16-vjeçarit në Pejë, sociologu Brajshori u bënë thirrje prindërve t’i edukojnë fëmijët e tyre që të mos i bullizojnë të tjerët

    Për muaj me radhë, po bënte plan se si t’i vriste nxënësit e klasës së tij në një shkollë në Pejë. Por plani i B.M, 16 vjeçar u parandalua të shtunën nga Policia e Kosovës që e hetoi dhe e prangosi. Me rastin tani po merret prokuroria speciale.

    Ky incident ka nxitur një debat më të gjerë për çështjen kritike të bullizmit dhe pasojat e tij tek të rinjtë tanë.

    Në një intervistë të drejtpërdrejtë në emisionin A LIVE në ATV, sociologu Jeton Brajshori ndau pikëpamjet e tij për këtë ngjarje shqetësuese.

    “Realisht ky është një lajm shumë i tmerrshëm, pra të cilin e kemi marrë këto ditëve të fundit, ndërsa fatmirësisht akti nuk është kryer. Pra, ky është një plus i madh, sepse ka arritur që të ketë preventivë sa i përket këtij rasti. Ajo çfarë mund të them në start është që ne realisht kemi dështu si prindër, kemi dështu si familje, kemi dështuar si shkollë, kemi dështuar komplet si shoqëri. Nuk e them këtë në rastin e personit i cili ka dashur ta bëjë aktin, por për personat të cilët e kanë pruar një vendim të tillë që ta bëjë ky. Pra, personat të cilët kanë bullizuar në vazhdimësi, kanë shkaktuar dëme ndoshta të pariparueshme te ky i ri, për arsye se nuk është lehtë për një person, i cili me siguri se ndoshta është edhe tip introvert, për arsye se tipat introvertë janë ata të cilët atakohen më shumë nga bullizuesit. Pra, thjesht ka qenë një diçka që ka qenë e paimagjinueshme për ne deri më sot. Ne kemi pa mes shutit në Shtetet e Bashkuara të Amerikës, e kemi pasur rastin në Serbi që ka ndodhë, mirëpo edhe atë qysh atëherë është shtruar pyetja se a mund të ndodhë tek ne. Fatmirësisht, pra po them, është parandaluar diçka, mirëpo si shoqëri kemi dështuar totalisht”, tha Brajshori.

    Ai përmendi edhe rolin që mund të kenë video lojërat tek të rinjtë, për të ndërmarrë akte të tilla.

    “Zakonisht personat të cilët kanë probleme familjare, shohin dhunë në familje, kanë probleme të ndryshme socio ekonomike janë të prirur që të bëhen bullizues apo e kundërta. Siç duket, ne ende jemi në fazën fillestare të hetimeve dhe nuk e dimë saktë se si ka rrjedhur gjërat më herët, pra si ka si e ka pasur statusin në familje personi, a i ka prind të divorcuam, po prapëseprapë kjo nuk e ç’bënë atë që personat nuk duhet të bullizojnë. Me siguri se personi ka qenë i bullizuar, qoftë në mënyrë verbale, qoftë në mënyrë fizike apo përmes rrjeteve sociale dhe në këtë mënyrë kur e marrim parasysh edhe siguria tek ne, çalon shumë dhe ka shumë armë pa leje, atëherë ka pasur edhe të le që të sigurojë armë me pra dhe të bëjë plane që ta kryejë aktin. Po ashtu, edhe ndikim në këtë të mendosh, pra një mënyrë të tillë për të bërë një vrasje masive ndikojnë edhe video-lojëra të shumta, si PUBG, Counter Strike dhe gjëra të cilat pra i luajnë vazhdimisht të tinxherët tanë”, vlerësoi Brajshori.

    Ai tha se prindërit duhet të kenë më shumë komunikim me fëmijët e tyre, në mënyrë që ata të jenë më të edukur kur dalin nga shtëpia.

    “Secili prind duhtet të flasë me fëmijët e tyre qysh në fëmijërinë e hershme, pra të mësohet që secili person ka të drejtë në familjen e vet, për brenda familjes të bëjë disa probleme të vogla, mirëpo në rrugë, në shkollë, atëhere ndryshojnë rregullat, duhet të jemi të edukur, duhet të jemi të rrespektuar dhe në këtë mënyrë, të mos shkaktojmë lëndime qoftë fizike, qoftë psiqike te personat e tjerë, për arsye se askush nga ne nuk dëshiron që të na ndodhë një gjë e tillë. Pra, prindërit duhet në konsultim me mësimdhënësit dhe psikologin e shkollës të krijojnë atë trekëndëshin e dijes dhe të parandalimit dhe të flitet vazhdimisht për dukuritë negative, sepse këta persona më vonë pra merren me sjellje delikuente, ndërsa duhet të cekim edhe atë që prindërit duhet t’i dëgjojnë shumë fëmijët e tyre, të diskutoj të tyre të bëjnë gjëra të tilla pa dëshirën e tyre dhe në këtë mënyrë besoj që në një të ardhme të afërt duhet të bëhen edhe hulumtime empirike, atëherë do të dalim me rezultate më të sakta”, tha Brajshori. /atvlive.tv

  • Çollakaj: Serbia do të vazhdojë përpjekjen për ta destabilizuar Kosovën

    Çollakaj: Serbia do të vazhdojë përpjekjen për ta destabilizuar Kosovën

    Profesori universitar dhe njohësi i çështjeve të sigurisë, Fatmir Çollakaj, në emisionin A LIVE në ATV, tha se tendencat e Serbisë për ta destabilizuar Kosovën do të vazhdojnë edhe në të ardhmen.

    Mirëpo, sipas tij, tani Kosova është në avantazh edhe në kuptimin politik ndërkombëtar, por edhe në atë operativ.

    “Tendencat për të destabilizuar Kosovën dhe për t’u hakmarrë nga ana e Serbisë, do të vazhdojnë. Serbia nuk pushon me kaq. Ka me u përpjekë në forma dhe mënyra të ndryshme për me sfidu seriozisht prapë sigurinë në Kosovë, mirëpo tani ne jemi në avantazh në kuptimin edhe politik ndërkombëtar por edhe në kuptimin operativ, sepse Policia e Kosovës u tregu shumë me aftë dhe të gjitha institucionet tjera të Republikës së Kosovës kanë kry punën e tyre dhe ato që nuk shihen kanë kry punën e tyre maksimalisht mirë dhe ky ishte rezultati që Serbia në këtë rast përmes këtyre njerëzve të këtij grupi terrorist u poshtërua dhe u përkule, iu dhanë një theçafje, shkoni nga keni ardhë, sepse kjo tokë mbrohet nga njerëzit të cilët jetojnë aty”, tha Collakaj. /atvlive.tv

  • Dugolli: Vuçiqi nuk u distancua, ai përkrahu dhe u solidarizua me grupin terrorist

    Dugolli: Vuçiqi nuk u distancua, ai përkrahu dhe u solidarizua me grupin terrorist

    Deputeti i Lëvizjes Vetëvendosje, Enver Dugolli, në emisionin A LIVE në ATV, tha se presidenti serb, Aleksandar Vuçiq, edhe pse mundohej të distancohet dhe fajin t’ua hedh serbëve të Kosovës, ai prapë nuk u distancua, por përkundrazi përkrahu dhe u solidarizua me aksionin e grupit terrorist.

    “Vuçiqi ndonëse në një far forme u distancu, mundohej të distancohej nga veprimi i djeshëm, por ai nuk u distancu, por përkundrazi e përkrahu aksionin e u solidarizu, por deshi prapë të instrumentalizojë qytetarët serbë të Mitrovicës dhe të veriut të Kosovës, deshi t’i instrumentalizojë, pra fajin t’ua hedh atyre. Nuk kishte të bënte asgjë me qytetarë, ata ishin njerëz të stërvitur, të uniformuar me pajisje dhe armatim ushtarak, pra një demamtim i plotë i asaj që mundohej që Vuçiqi të paraqiste, e diçka që ka ndodh dhe ua ka prishë planet edhe Vuçiqit edhe Serbisë është se fatbardhësisht, qytetarët serbë, të cilat dua t’i falënderoj, dua t’ua njoh këto merita, nuk iu bashkëngjitën aksionit, gjë që ata kanë llogaritë, edhe ky grupi terrorist edhe Serbisë, kanë llogaritur që qytetarët serbë do t’i mbështesin këto veprime të këtij grupi terrorist gjë që nuk ndodhi”, tha Dugolli.

    Ai tha se ky ishte një skenar i Serbisë dhe Vuçiqit, i cili përfundimisht dështoi.

    “Pa dyshim se një skenar i Serbisë, i Vuçiqit dështoi përfundimisht, pra ishte një skenar të cilin e ka përgatitur, e ka planifiku dhe ekzekutu Serbia Zyrtare sepse është e pamundur që një
    formacion i tillë me kaq arsenal të madh të armatimit dhe pajisjeve të ketë pasur mundësi të zhvillohet në Kosovë pa mbështetjen dhe direktivat nga Serbia Zyrtare”, vlerësoi Dugolli. /atvlive.tv

  • “Janë dy të bardhat vdekjeprurëse”, nutricistja tregon se çfarë duhet shmangur në ushqimet tona të përditshme

    “Janë dy të bardhat vdekjeprurëse”, nutricistja tregon se çfarë duhet shmangur në ushqimet tona të përditshme

    Nutricistja dhe dietologia Flora Hajrizi, në emisionin A LIVE në ATV, tregoi se cilat ushqime duhet shmangur në dietat e përditshme.

    Ajo tha se kripa dhe sheqeri janë dy përbërësit që përdorën shumë tek ne, por edhe në përgjithësi në Ballkan, e që sipas saj, janë të rrezikshme për shëndetin tonë.

    “(Kripa dhe sheqeri) Janë dy do bardha vdekjeprurëse që patjetër i përdorim jo vetëm ne shqiptarët, mirëpo kryesisht në të gjithë Gadishullin Ballkanik është kështu e njohur si mënyrë e konservimit të ushqimeve, po edhe gjithashtu përdorimin në çajra të ndryshëm, në ëmbëlsira të ndryshme që i kemi tradicionale. Të gjitha ushqimet tona i kanë pak një përbërje më të lartë të kripës së sheqerit sesa zakonisht që na e rekomandojnë”, thotë Hajrizi.

    Ajo tha se ushqimet tona tradicionale kanë shumë më pak problematika shëndetësore, por bëri thirrje që ato të konsumohen në mënyrë të moderuar.

    “Patjetër që nuk mundemi me i anashkalu edhe ushqimet që janë tradicionale tona, kështu që të paktën me pasë kujdes edhe me i konsumu me moderim. Ne si shqiptarë, dua të them të drejtën, që nëse do të konsumonim ushqime tradicionale tona, do të kishim problematika më të vogla shëndetësore se sa nga produktet që janë mirë të procesuara edhe shumë te rafinuara që shkaktojnë problematika edhe më të mëdha se sa që munden me shkaktu produktet tradicionale tonat. Nuk mendoj se është një dietë shumë e pashëndetshme, mirëpo gjithmonë e kemi ne si fjalë të përditshme me moderim. Duhet me pasë kujdes te sasia e përdorimit të produkteve, duke filluar nga flija, pikja, ose produktet e tjera që janë gjellra të ndryshme që janë tradicionalet tona, që kanë sasi ndoshta edhe të lartë të kripës, po anën tjetër edhe bulmeti që është një prej ë produkteve ose sasive të ndarë produkteve që përdoren me shumicë në tryezën tonë”, tha Hajrizi. /atvlive.tv

  • Numri i turistëve që vizituan Kosovën shënon rritje

    Numri i turistëve që vizituan Kosovën shënon rritje

    Përgatiti: Jeta Selmanaj

    Këtë vit numri i turisteve që si destinacion zgjodhën Kosovën për të vizituar, ka shënuar rritje.

    Vetëm në korrik të këtij viti numri i vizitorëve vendorë dhe të huaj ishte 71 mijë e 341, prej tyre 34,73 për qind, ishin vendorë dhe 65,27 për qind ishin të jashtëm.

    Krahasuar me muajin korrik të vitit 2022 sa ishin 53 mijë e 820 vizitorë kishte rritje të numrit të përgjithshëm të vizitorëve për 32,6 për qind.

    Në njoftimin e Agjencisë së Statistikave të Kosovës për turizmin, thuhet se numri i net-qëndrimeve ishte 177 mijë e 383, prej tyre 42,64 për qind nga vendorët dhe 57,36 për qind nga të huajt.

    Numrin më të madh të vizitorëve të brendshëm e ka rajoni i Pejës me 7 582 vizitorë dhe 38 145 net-qëndrime.

    Sa u përket vizitorëve të huaj, krahasuar me periudhën paraprake (Korrik 2022) ka rritje të vizitoreve për 21,24%. Në total, 45 566 vizitorë të huaj, nga të cilët numri më i madh është nga:

    Shqipëria, Gjermania, Zvicra, Turqia etj, thuhet në raportin për Statistikat e Hotelerisë për muajin korrik 2023 të publikuar nga Agjencia e Statistikave të Kosovës.

    Pavarësisht problemeve me infrastrukturë e e shumë problemeve të tjera që përcjellin turizmin në vend, Kosova ka potencial për turizëm, sidomos atë natyror.

    Duke filluar nga Bjeshkët e Rugovës që ndodhen në qytetin e Pejës, atraksion tjetër turistik është edhe ujëvara e Drinit të Bardhë në Radac, dy pika turistike jo shumë larg njëra tjetrës.
    Tutje, Kalaja e Prizrenit është një vend tjetër i bukur e që ia vlenë të vizitohet nga turistë vendor e të huaj.

    Koosva poashtu ka pasuri nëntokësorë, e disa nga to mund të përjetohen duke vizituar shpellën e Gadimës në Lipjan e vetmja shpellë e Mermetit në Kosovë.

    Pak kilometra nga Prishtina gjendet Ulpiana, aty ku edhe filloi historia e hershme e një qyteti të hershëm Ilir, e që u mbulua nga pluhuri i harresës për dekada, por tani Ulpiana është një atraksion arkeologjik e turistik që në vete gërsheton aq shumë në pak metra katrorë.

    Në vitet e fundit, në qytetin e bukur të Gjakovës po promovohet për vizita Shpella e Kusarit.

    Jo fort larg Gjakovës, në fshatin Rudë të Malishevës, gjendet Ujëvarat e Mirushës, ndryshe e njohur edhe si Park Regjional i Natyrës, një ndër destinacionet më të bukura që ka Kosova.

    Vende të tjera që ia vlen të vizitohen në Kosovë, ndër të tjera, janë edhe Kalaja e Artanës, Liqenati në Bjeshkë të Rugovës, e bjeshkët e Prevallës.

    Më shumë detaje rreth kësaj çështje i gjeni në emisionin “A LIVE”, të cilin e gjeni në videon më poshtë: