ATV

Tag: A LIVE

  • U paraqit si bamirës e ua vodhi paratë nga llogaria bankare, familja kosovare që po trajtonte vajzën në Turqi mashtrohet nga një person nga i cili edhe po kërcënohen

    U paraqit si bamirës e ua vodhi paratë nga llogaria bankare, familja kosovare që po trajtonte vajzën në Turqi mashtrohet nga një person nga i cili edhe po kërcënohen

    Qytetarët e Kosovës janë të rrezikuar nga vjedhja e të dhënëve personale por edhe nga vjedhja e mjeteve monetare nga llogaritë e tyre. Mos informimi dhe mosnjohja sa duhet e sistemit bankar ka bërë që shumë qytetarë t’i humbin të ardhurat e tyre, e një rast i tillë ka ndodhur edhe me një familje kosovare, të cilët kishin nevojë për ndihmë financiare, për shërimin e vajzës së tyre jashtë shtetit.

    Në një lidhje të drejtpërdrejt për emisionin “A LIVE”, tezja e vajzës në nevojë ka folur lidhur me këtë rast, duke treguar se kishin rënë pre e mashtrimit nga një person.

    Ajo tha se derisa po mblidheshin të hollat nga bamirës vullnet-mirë, një ditë ata kishin rënë pre e mashtrimit nga një person, i prezantuar si bamirës, nën pretendimin se ai i ka mbledhur 10 mijë euro para, që do të ndihmonin për trajtimin e vajzës.

    Tutje, ajo thotë se i dyshuari, një djalë nga Mali i Zi i kishte mashtruar ata duke iu kërkuar atyre numrat e xhirollogarisë bankare, me ç’rast e njëjta llogari bankare keqpërdoret, duke i tërhequr parat.

    Për të ndjekur të gjithë rrëfimin se si kishte ndodhur mashtrimi, klinkoni në linkun e mëposhtëm:

  • Nga 1 janari të gjitha shërbimet në Spitalin e Pejës do të bëhen me termine

    Nga 1 janari të gjitha shërbimet në Spitalin e Pejës do të bëhen me termine

    Spitali i Përgjithshëm në Pejë nga 1 janari 2024 do të fillojë me një shërbim të ri lehtësues dhe i domosdoshëm për pacientët.

    Në një lidhje direkte në emisionin “A LIVE”, drejtori mjekësor, Besnik Ibraj tha se vizitat specialistike, bërja e analizave, marrja e shërbimeve radiologjike apo ekzaminimet tjera në këtë spital, do të bëhen vetëm me termine.

    Ibraj tha se qëllimi i këtij vendimi është që pacientë të mos presin në radhë.

    “Në mbledhjen e fundit me bordin drejtues të Spitalit në Pejë, kemi marrë vendim që të gjitha shërbimet shëndetësore të cilat kryhen në Spitalin e Pejës, të bëhen me termine për shërbimin e caktuar qoftë ai diagnostik apo edhe për ekzaminim mjekësor. E gjitha kjo është bërë me qëllim pacientët të kenë qasje më të lehtë dhe koha e pritjes të shkurtohet, për të gjitha ata që kryejnë shërbime në ambulantat specialistike, sepse vlen të theksohet se këtu përjashtohet shërbimi i urgjencës, sepse pacientët me urgjencë do të jenë gjithmonë prioritet”, tha ai./atvlive.tv/

    Për më shumë ndiqni videon e mëposhtme:

  • Mjeku: Niveli i manganit ka rënë dukshëm në liqenin e Badocit, shpresojmë se nga java e ardhshme do të mund ta përdorim ujin për pije

    Mjeku: Niveli i manganit ka rënë dukshëm në liqenin e Badocit, shpresojmë se nga java e ardhshme do të mund ta përdorim ujin për pije

    Drejtoresha e KRU “Prishtina”, Arjeta Mjeku, në një lidhje të drejtpërdrejt në emisionin A LIVE, tha se vlerat e manganit në liqenin e Badocit janë duke rënë dukshëm dhe shpreson se që nga java e ardhshme, uji do të jetë i gatshëm për pije dhe gatim.

    “Cilësia e ujit ka filluar të përmirësohet, jo ndoshta 100 për qind, mirëpo këto vlera variojnë, sepse ndoshta ndonjëherë në mbrëmje, nëse marrin mostra, del që niveli i manganit ka rënë dukshëm, mirëpo në mëngjes prapë rritet, kështu që ne po presim pasi që ka rënie të vlerave të nivelit të manganit në liqen, po presim dhe po shpresojmë që nga java e ardhshme qytetarët që furnizohen nga sistemi i furnizimit me ujë nga impianti i trajtimit të ujit në Badoc, do të mund të pinë ujë për pije dhe ta të përgatisin ushqim”, tha Mjeku.

    Ajo shtoi për këtë janë në kontakte vë vazhdueshme me IKSHPK-në, ndërsa deri në njoftimin e radhës, do të vazhdojnë të shpërndajnë ujë të pijshëm përmes autobotëve për qytetarët që janë me kushte të rënda ekonomike.

    Mjeku, gjithashtu njoftoi se së bashku me IKSHPK-në janë duke monitoruar cilësinë e ujit në liqenin e Badocit, ku edhe po bëjnë shpëlarjen e rezervuarëve që i kanë të vendosura në zonat urbane dhe rurale.

    “Kompania Rajonale e Ujësjellësit “Prishtina”, bashkë me Institutin e Shëndetit Publik të Kosovës, në vazhdimësi janë duke monitoruar cilësinë e ujit pijshëm, jo vetëm në ujin e trajtuar, por edhe në ujin e patrajtuar, pra direkt në Liqenin e Badocit dhe njëkohësisht po merr mostra edhe në linjat magjistrale dhe sekondare. Në mënyrë që cilësia e ujit të përmirësohet, ne kemi rekomandim nga Instituti i Shëndetit Publik të Kosovës që të merremi me shpëlarjen apo dezinfektimin e rezervuarëve që i kemi të vendosur në zonat urbane dhe rurale, po ashtu edhe me shpëlarjen e tubacioneve apo linjave magjistrale dhe sekondare”, tha Mjeku. /atvlive.tv

    Më shumë detaje i gjeni në videon më poshtë:

  • A dijnë kosovarët të hyjnë në rreth, eksperti i komunikacionit jep përgjigje epike

    A dijnë kosovarët të hyjnë në rreth, eksperti i komunikacionit jep përgjigje epike

    Njohësi i komunikacionit Beki Ahmeti, i ftuar në emisionin “A LIVE” në ATV, ka folur rreth rrezikut që shkaktohet në komunikacion gjatë dimrit si dhe kujdesin që duhet patur por jo vetëm.

    Ai gjatë bisedës në studio tregoi se shumë nga pjesëmarrësit në trafik nuk i kuptojnë disa nga rregullat e komunikacionit, duke përmendur këtu edhe vozitjen në një rrethrrotullim.

    “Rrethrrotullimi kur nuk ka shenjë si ajo e trekëndëshi me maje poshtë, vlen rregulla e dorës së djathtë, ndërsa kur është ajo personat që janë në rrethrrotullim kanë përparësi kalimi, në raport me mua që hy në rreth, derisa kur dojnë të dy me dalë, vlen rregulla e anës së djathtë ani pse ish dashtë mu më liru dhe jo unë atë”, tha ai.

    Për të kuptuar më shumë ndiqni videon e mëposhtme:

  • Dita Ndërkombëtare e Diabetit, studentët e Kolegjit AAB ofrojnë matjen e glikemisë falas

    Dita Ndërkombëtare e Diabetit, studentët e Kolegjit AAB ofrojnë matjen e glikemisë falas

    Në Ditën Ndërkombëtare të Diabetit, studentët e kolegjit AAB, nën kujdesin e asistentëve dhe profesorëve kanë kryer matjen e glikemisë për studentët, stafin dhe jo vetëm.

    Lidhur me këtë aktivitet ka folur edhe profesoresha e infermierisë, Teuta Bujupi, e cila tha se ky shërbim do të vazhdojë edhe gjatë ditës së nesërme.

    “Sot kemi dashur që studentet të kenë kontakt me pacientin thënë ndryshe kalimtarë të rastit apo edhe studentë duke i matur glikeminë në mënyrë vullnetare. Kemi dashur që ata ta kenë një pasqyrë se si punohet në komunitet, se si të bëjnë një këshillim rreth kësaj sëmundje, si për shembull ndryshim të jetesës sepse është një prej faktorëve kyç në sëmundjen e diabetit. Ka interesim dhe ky aktivet pritet të vazhdojë gjatë tërë ditës”, tha ajo në emisionin “A LIVE”.

    Ndryshe, nesër do të ofrohet matja e glikemisë falas për të gjithë qytetarët e Prishtinës në sheshin “Zahir Pajaziti”, duke filluar nga ora 10:00 – 13:00./atvlive.tvl/

    Për më shumë ndiqni videon e mëposhtme:

     

     

     

     

  • Rritet interesimi për pasaporta në Kosovë, Krasniqi: Pas 1 janarit, mund të theksohet më shumë mungesa e fuqisë punëtore

    Rritet interesimi për pasaporta në Kosovë, Krasniqi: Pas 1 janarit, mund të theksohet më shumë mungesa e fuqisë punëtore

    Për gjashtë muaj mbi 51 mijë qytetarë të Kosovës, kanë bërë aplikime për herë të parë për pasaporta. Ky interesim i madh për pasaporta vjen pasi që nga 1 janari me pasaportë të Kosovës, pritet që qytetarët të lëvizin pa viza.

    Lidhur me këtë temë, në një lidhje direkte në emisionin “A LIVE”, foli Lirim Krasniqi nga “Germin”, i cili tha se interesimi i madh i qytetarëve për tu pajisur me pasaporta, nënkupton përgatitjen e tyre për të lëvizur lirshëm pas datës 1 janar 2024.

    “Besoj është e natyrshme sepse një numër i madh i qytetarëve të Kosovës nuk ka pasur mundësi që të lëvizin nëpër vende të zonës shengen dhe rrjedhimisht edhe s’kanë pasur nevojë për pasaporta. Mendoj se shpjegohet në këtë mënyrë, pra shumë njerëz janë duke e përgatitur që të lëvizin lirshëm pas datës 1 janar 2024”, tha ai.

    Tutje, ai përmendi se pas 1 janarit mund të theksohet më shumë mungesa e fuqisë punëtore në vend.

    “Edhe pa liberalizimin e vizave po vërehet mungesa e fuqisë punëtore, sepse ata që kanë pasur aftësi dhe shkathtësi veç sa janë pajisur me viza punë por mendoj se kjo do të theksohet më shumë edhe pas liberalizimit, të cilën bizneset në Kosovë do të duhet ta adresojnë duke gjetur format të tjera për të kompensuar mungesën e fuqisë punëtore, marrim shembull shtetet e rajonit që kanë gjetur alternativa të atilla si rritja e pagave, ardhja e punëtorëve të huaj etj.”, deklaroi Krasniqi./atvlive.tv/

    Për më shumë ndiqni videon e mëposhtme:

  • Eksperti i sigurisë thotë se mbrojta e afërt për liderët opozitarë ndërlidhet me çështjen e veriut

    Eksperti i sigurisë thotë se mbrojta e afërt për liderët opozitarë ndërlidhet me çështjen e veriut

    Kryetari i PDK-së, Memli Krasniqi dhe ai i LDK-së, Lumir Abdixhiku së fundmi janë marrë në mbrojtje nga Policia e Kosovës, pas informacioneve për kërcënime të mundshme nga grupe terroriste serbe.

    Eksperti i sigurisë, Drizan Shala, në një intervistë në emisionin A LIVE në ATV, e potencoi se mbrojtja e tyre ka të bëjë me çështjen e veriut, mirëpo sipas tij, duhet ende të presim vlerësimet e Policisë se për çfarë bëhet fjalë.

    “Se si ka ardhë dhe cilat janë shkaqet dhe motivet që kanë shtyrë, tani më sipas vetë liderit të opozitës, Krasniqi, e potencoj që ndërlidhet me çështje të pjesës veriore, por ne do duhej të mos t’iu japim ndonjë paragjykim apo ndonjë përfundim të asaj, por do duhej të presim vlerësimet të cilat i bënë Policia e Kosovës, të rrezikshmërisë për person përkatës të cilët janë nën mbrojtjen e shtetit të Kosovës”, tha Shala.

    Ai përmendi se në përjashtim të liderit të LDK-së dhe PDK-së, lideri i AAK-së këtë të drejtë e ka gëzuar më herët, për shkak është jashtëzakonisht i rrezikuar në bazë të vlerësimeve që i bën
    njësia përkatëse në kuadër të Policisë së Kosovës.

    “Sipas asaj që tani më Policia e Kosovës në bazë të rrugëve operative ka identifikuar dhe ka analizuar informacionet ku në bazë të analizimit të atyre informacioneve është konstatuar dhe është vlerësuar nga njësia përkatëse në kuadër të Policisë së Kosovës që dy liderët opozitarë të LDK-së dhe të PDK-së, do të duhej t’u shtohet masa e sigurisë nga ana e shtetit. Pra, njësia e mbrojtjes së afërt t’i asistojë, t’i shoqërojë gjatë aktiviteteve të tyre të përditshme. Sa i përket liderit të tretë opozitar të Haradinajt, ai veç se e ka të gëzuar kontekstin e ofrimit të mbrojtjes së sigurisë me qenë se është jashtëzakonisht i rrezikuar në bazë të vlerësimeve që i bën njësia përkatëse në kuadër të Policisë së Kosovës”, tha Shala. /atvlive.tv

    Intervistën e plotë të tij në A LIVE e gjeni në videon më poshtë:

  • Azemi: Siguria në vendin e punës në Kosovë është shumë e rëndë, asnjë hap për ta ulur numrin e vdekjeve të punëtorëve

    Azemi: Siguria në vendin e punës në Kosovë është shumë e rëndë, asnjë hap për ta ulur numrin e vdekjeve të punëtorëve

    Kryetari i Sindikatës së Sektorit Privat të Kosovës, Jusuf Azemi, në një lidhje të drejtpërdrejt në emisionin A LIVE në ATV, tha se gjendja e punëtorëve në sektorin privat në Kosovë sa i përket sigurisë është shumë e rëndë.

    Sipas tij, më e keqja është se nuk është ndërmarrë asnjë hap për ta reduktuar numrin e vdekjeve të punëtorëve në vendin e punës.

    “Vetë fakti që shifrat na tregojnë se në Kosovë kemi katërfish, numri më i madh i vdekjeve në punë se sa në rajon, bën me dije se realisht gjendja e punëtorëve të sektorit privat të Kosovës, është një gjendje shumë e rëndë, një gjendje e cila jo që po përmirësohet, por përkundrazi po përkeqësohet. Vetë fakti që në vitet e fundit kemi shifra shumë të mëdha të vdekjeve në vendin e tyre të punës, por më e rënda është ajo se ne nuk kemi ndërmarrë asnjë mekanizëm adekuat që së paku ta ulim këtë numër të rasteve të vdekjes, sepse jemi të vetëdijshëm që gjithkund në botë vdesin punëtorët, por në një numër më të vogël”, tha Azemi. /atvlive.tv

    Intervistën e plotë të tij në A LIVE e gjeni në videon më poshtë:

  • Megjani: Punëtorët ende nuk janë të vetëdijesuar për të drejtat e tyre që burojnë nga ligjet në fuqi

    Megjani: Punëtorët ende nuk janë të vetëdijesuar për të drejtat e tyre që burojnë nga ligjet në fuqi

    Njohësi i marrëdhënieve të punës, Ardian Megjani, në emisionin A LIVE në ATV, tha se Kosova inkorporon vlerat evropiane për të drejtat e punëtorëve, mirëpo sipas tij, ende nuk janë vetëdijesuar punëtorët për të drejtat e tyre që burojnë nga ligjet në fuqi.

    “Në aspektin e ligjeve, ne inkorporojmë vlerat evropian për të drejtat e punëtorëve, duke filluar nga krijimi i marrëdhënieve të punës, pushimet në punë, pushimet mjekësore, vjetore, ditore, javore, siguria dhe shëndeti në punë që është një nga elementet kryesore. Fakti, se a kanë njohuri punëtoret mbi këto të drejtat, mendoj që lë mjaft për të dëshiruar, por jo vetëm në aspektin e sigurisë dhe shëndetit në punë apo në marrëdhënie pune, mirë po besoj që në përgjithësi nuk jemi si shoqëri aq e vetëdijesuar sa i përket të drejtave tona që burojnë me ligjet në fuqi”, tha Megjani. /atvlive.tv

    Intervistën e plotë të tij në A LIVE e gjeni në videon më poshtë:

  • Numër alarmant i vdekjeve të punëtorëve në vendin e punës gjatë 2023-tës

    Numër alarmant i vdekjeve të punëtorëve në vendin e punës gjatë 2023-tës

    Përgatiti: Jeta Selmanaj

    Një ngjarje e rëndë ka ndodhur të hënën pasdite në një kompani ndërtimi në Gjilan.

    Një punëtor humbi jetën tragjikisht, pasi pësoi lëndime të rënda trupore derisa ishte duke punuar.

    Viktima J.K., vetëm njëzet vjet, vdiq pasi u dërgua në spital.

    Sipas informacioneve të para, viktima pësoi plagë derisa ishte duke punuar, dyshohet që ka rënë në një makineri betoni dhe fatkeqësisht nuk arriti të mbijetojë.

    Për rastin edhe policia ka nisur hetimet në koordinim me prokurorin e shtetit.

    Fatkeqësisht ky nuk është rasti i vetëm që një punëtor vdes në vendin e punës në Kosovë.

    Nga Sindikata e Punëtorëve Privat ka njoftuar që vetëm gjatë këtij viti janë regjistruar 18 vdekje në vendin e punës dhe pjesa më e madhe e këtyre rasteve ka ndodhur në sektorin e ndërtimtarisë.

    2023 është veçanërisht alarmant me numrin më të lartë të vdekjeve të punëtorëve për shtatë muaj sipas kësaj sindikate. Përveç kësaj sipas sindikatës shteti nuk po ndërmerr masa të mjaftueshme për të adresuar këtë problem.

    Ai ka theksuar se vdekjet në vendin e punës ndodhin kudo në botë, por numri i tyre në Kosovë është jashtëzakonisht i lartë.

    Një nga aspektet më shqetësuese të kësaj situate është që familjarët e viktimave nuk marrin asnjë mbështetje financiare nga shteti.

    Sipas sindikatës së punëtoreve të sektorit privat kanë theksuar se kjo mungesë e mbështetjes financiare është një arsye shtesë pse të rinë po ikin nga vendi, ndërsa vitin e kaluar ishin regjistruar tetëmbëdhjetë vdekje në vendin e punës, kryesisht në sektorin e ndërtimtarisë.