ATV

Tag: A LIVE

  • Suhareka merr vendim që për 7 Mars s’lejohet asnjë dhuratë tjetër, përveç lules dhe librit – Drejtori i arsimit tregon arsyen për këtë vendim

    Suhareka merr vendim që për 7 Mars s’lejohet asnjë dhuratë tjetër, përveç lules dhe librit – Drejtori i arsimit tregon arsyen për këtë vendim

    Me rastin e ditës së mësuesit që shënohet me 7 mars, ka qenë traditë që mësuesve tu jepen dhurata nga ana e nxënësve, si shenjë falënderimi për punën e tyre. Por për këtë vit, Drejtoria e Arsimit e Suharekës ka marrë vendim që përveç lules dhe librit, mësuesit nuk kanë të drejtë të pranojnë dhurata të tjera të shtrenjta.

    “Ndalohet pranimi i çfarëdo lloj dhurate tjetër pos lules e librit për mësimdhënësit për festën e 7 dhe 8 marsit nga ana e nxënësve”, thuhet në vendimin e kësaj drejtorie.

    Derisa, lidhur me këtë vendim, në një lidhje të drejtpërdrejtë ka folur drejtori i arsimit në komunën e Suharekës, Remzi Bajselmani. Ai në emisionin “A LIVE”, tha se ky vendim është bërë me arsyen e vetme që të ketë barazi mes nxënësve.

    Për më shumë ndiqni videon e mëposhtme:

     

     

  • “Nuk ka pjesë të Marigonës që nuk është e thyer” – Gazetarja që ndoqi rastin në Gjykatë tregon për mizorinë që përjetoi 18-vjeçarja

    “Nuk ka pjesë të Marigonës që nuk është e thyer” – Gazetarja që ndoqi rastin në Gjykatë tregon për mizorinë që përjetoi 18-vjeçarja

    Të premten, Gjykata e Apelit ka kthyer në rigjykim rastin e vrasjes së Marigona Osmanit, derisa reagimet ndaj këtij vendimi kanë qenë të menjëhershme.

    Ndërkohë, për të diskutuar lidhur me këtë çështje, e ftuar në emisionin “A LIVE”, ishte gazetarja e ATV-së, Krenare Mulliqi e cila përcolli gjithë procesin gjyqësor.

    Duke iu referuar aktakuzës së ngritur nga Gjykata Themelore në Ferizaj në lidhje me këtë rast, Mulliqi tha se Marigona Osmani ishte abuzuar e maltretuar në forma të ndryshme, duke mos mbetur asnjë pjesë e trupit të saj, pa u dëmtuar.

    “Në bazë të aktakuzës të ngritur nga Gjykata thuhet se nuk ka pjesë të Marigonës që nuk është thyer apo dëmtuar. Ka pasur thyerje të nofullës, duarve, brinjëve, dëmtime në kokë, andaj edhe konsiderohet si një nga rastet më mizore të vrasjeve në Kosovë, pasi që ajo ka vdekur nga dhimbjet e shkaktuara nga dhuna e përdoruar sepse është maltretuar për më shumë se 72 orë. Madje në aktakuzë thuhet se janë gjetur shishet të ujit në tavolinë, të cilat Krivaça i ka përdorur, duke ia hedhur ujin Marigonës që ajo të këndellet dhe ti ndjej dhimbjet më shumë”, tha Mulliqi.

    Ndryshe, në gusht të vitit të shkuar, Krivaça ishte dënuar me burgim të përjetshëm për vrasjen e Osmanit, ndërsa Sejdiu me 15 vjet për ndihmë në vrasjen e rëndë.

    Marigona Osmani ishte 18-vjeçare kur u vra më 22 gusht të vitit 2021 në banesën e të akuzuarit kryesor, Dardan Krivaqa, në qytetin e Ferizajt.

    Sipas aktakuzës, një ditë më herët Krivaqa dyshohet se aty, pa pëlqimin e Marigona Osmani, e kishte detyruar atë të kryente marrëdhënie seksuale dhe e kishte abuzuar e maltretuar në forma të ndryshme.

    Një ditë më pas, ata akuzohen se e kishin privuar atë nga jeta, në përpjekje për ta fshehur veprën penale të dhunimit./atvlive.tv/

    Për më shumë ndiqni videon e mëposhtme:

  • Hashani: Çështja e dinarit mund t’i kushtojë Kosovës me sanksione të reja

    Hashani: Çështja e dinarit mund t’i kushtojë Kosovës me sanksione të reja

    Profesori i ekonomisë, Medain Hashani, në emisionin A LIVE në ATV, tha se çështja e dinarit mund t’i sjellë Kosovës pasoja me sanksione të reja nga bashkësia ndërkombëtare.

    “Kur e merr një vendim të një anshëm, është një vendim i pamatur mirë, është një vendim i cili nuk është analizuar ashtu siç duhet dhe mbi bazën e kësaj, unë e konsideroj se një çështje e cila dihet, sepse valuta e vetme në Kosovë e cila përdoret është euro, është e përcaktuar me Ligj, monitorohet vazhdimisht nga Fondi Monetar Ndërkombëtar, përdorimi i valutës që e matë edhe pjesën e politikës monetare, monitorohet vazhdimisht edhe nga ana e Bankës Evropiane Qendrore dhe ky veprim që është ndërmarrë me një rregullore të tillë, tregon që mund të ketë edhe pasojat e veta në aspektin e sanksioneve të reja që mundet me i pasë Kosova si rezultat i këtij vendimi të njëanshëm”, tha Hashani.

    Sipas tij, është nonsense që sot është duke u diskutuar në BE për çështjen e dinarit. /atvlive.tv

    Intervistën e tij të plotë në A LIVE, e gjeni në videon më poshtë:

  • Hashani: Nuk është dashur fare të nxirret rregullorja e BQK-së për dinarin

    Hashani: Nuk është dashur fare të nxirret rregullorja e BQK-së për dinarin

    Profesori i ekonomisë, Median Hashani, në emisionin A LIVE në ATV, tha se nuk ka pasur fare nevojë që të nxirret rregullorja ana e BQK-së për çështjen e dinarit, për shkak se sipas tij, ekziston Ligji në të cilin trajtohet se si valutë e vetme në Kosovë është euro.

    Ai tha se ky problem është më shumë politik.

    “Rregullorja e cila është nxjerrë nga ana e BQK-së, nuk ka pasur nevojë fare me u nxjerrë, për arsye se ka ekzistuar ligji që në kuadër të Ligjit, është e trajtuar që si valutë e vetme në Kosovë është euro. Ky problem, më shumë është problem politik për arsye se në fillim, Qeveria doli në konferencë për media për çështjen e dinarit dhe nuk ka qenë kompetencë e Qeverisë me dalë në konferencë e me e trajtu çështjen e dinarit. Pas reagimit nga ana e bashkësisë ndërkombëtare, ambasadorët e QUINT-it në Kosovë, të cilët reaguan në mënyrë mjaft të vrazhdë, erdhën në atë përfundim se ne nuk jemi ata të cilët e kemi bërë këtë rregullore, këtë rregullore e ka bërë BQK-ja dhe një problem i cili nuk do të duhej të ndodhte fare në Kosovë, ndodhi si rezultat i vendimeve të cilat vendime është duke i marrë kjo Qeveri, unë gjithmonë i konsideroj si vendime ad-hoc, për arsye se janë probleme të cilat janë iniciua edhe si rasti i targave, po ashtu edhe çështja e dinarit është dashur që të ndërmerren hapa më të lehtë në këtë drejtim duke pasur parasysh se është kontribuuar aq shumë te procesi i integrimit të komunitetit serb në Kosovë dhe me veprime arbitrare e me vendime të cilat janë marrë arbitrare, normal se krijohen pakënaqësi në nivel ndërkombëtarë sikurse kanë qenë edhe vendimet e tjera që policët e integruar e lanë punën në pjesën veriore”, tha Hashani.

    Ai thotë se të gjitha veprimet të cilat janë bërë të një anshme, kanë shkaktuar trazira në nivel të përgjithshëm të situatës politike në Kosovë. /atvlive.tv

    Intervistën e tij të plotë e gjeni në videon më poshtë:

  • Suedi: Një person kishte rënë në lumë, kosovarët ia shpëtojnë jetën të riut

    Suedi: Një person kishte rënë në lumë, kosovarët ia shpëtojnë jetën të riut

    Dy kosovarë që jetojnë në Suedi janë vlerësuar me një gjest human që e kanë bërë, duke i shpëtuar jetën një të riu, i cili kishte rënë në ujë.

    Aziz Berisha dhe Gjelal Mulaj të cilët punojnë si roje të sigurisë, duke u kthyer në shtëpi nga puna, kishin vërejtur një person të dehur, që kishte rënë në një lumë dhe pas disa përpjekjeve kishin arritur që ta nxjerrin atë nga uji.

    Në një lidhje direkte për emisionin “A LIVE “në ATV, ka folur Gjelal Mulaj, i cili shpjegoi se si kishte ndodhur e gjithë kjo ngjarje.

    “Pasi kemi përfunduar orarin e punës, kemi vërejtur një kalimtar rasti që ka qenë i dehur dhe i ri në moshë diku rreth 23-vejçar, dhe kam parë që ai është duke shkuar në drejtim të lumit. Pasi ndaluam makinën, duke vrapu në drejtim të tij, e pash se ai ra në lumë dhe për disa minuta nuk e kam pa se ku përfundoi se vendosa me hy në lumë edhe unë që me nxjerr prej aty, ndërkohë që Azizit I thash që me e lajmërua Policinë dhe Ambulancën. Si përfundim arrita me shpëtua atë djalin edhe Policia ka mbërrit shumë shpejt në vendngjarje”, shpjegoi ai.

    Ndërsa, Azizi tha se ndjehet shumë i lumtur që kishin arritur ta shpëtonin të riun.

    “Është ndjenjë e veçantë sepse është në pyetje jeta e dikujt dhe ndjehemi shumë krenarë që të dy jemi shqiptarë të Kosovës dhe që kemi arritur me veprua aq shpejt sa me ia shpëtu jetën atij”, tha Azizi./atvlive.tv/

    Për më shumë ndiqni videon e mëposhtme:

  • Për një muaj, mbi 50 nxënës largohen nga shkollat e Ferizajt për shkak të migrimit

    Për një muaj, mbi 50 nxënës largohen nga shkollat e Ferizajt për shkak të migrimit

    Lëshimi i vizave të punës nga shtete të ndryshme por së fundi me liberalizim të vizave, edhe mundësia më e madhe për kontakte më të shumta, ka bërë që brenda muajit shumë nxënës të Ferizajt të kërkojnë fletë kalime, për ndërprerje të mësimit. 

    Lidhur me këtë dukuri, në një intervistë për emisionin “A LIVE”, ka folur drejtori i Arsimit në këtë komunë, Afrim Llabjani.

    Llabjani thotë se është shqetësues fakti që brenda vetëm një muaji, janë paraqitur 54 fletë kalime për ndërprerje të mësimit, derisa shtoi se janë 4 nxënës që kanë bërë kërkesë për vijimin e procesit mësimor, pas kthimit nga perëndimi në vendlindje.

    “Pasi Ministria e Arsimit ka kërkuar që të përcillet gjendja e nxënësve, të cilët janë të sistemuar nëpër institucione tona edukativo-arsimore, lidhur me lëvizjen e tyre për shkak të liberalizmit të vizave, ka rezultuar që në Komunën e Ferizajt nga të gjitha shkollat nga data 1 janar e deri më 31 janar, janë gjithsej 54 nxënës që kanë kërkuar fletë kalim për ndërprerje të mësimit dhe për këtë gjë, konsiderojmë se është një numër i madh dhe shqetësues”, tha ai./atvlive.tv/

    Për më shumë ndiqni videon e mëposhtme:

  • Paraqitet “zhuga” në Kosovë, 13 raste në shkollat e Gjakovës

    Paraqitet “zhuga” në Kosovë, 13 raste në shkollat e Gjakovës

    Para 5 ditëve, në disa shkolla të Komunës së Gjakovës ekipet mjekësore të Kujdesit parësor, në këtë komunë kanë evidentuar 13 nxënës të prekur me sëmundjen e zgjebës, apo siç njihet në gjuhën popullore ‘zhuga’’.

    Lidhur me këtë, në një intervistë për emisionin “A LIVE”, ka folur drejtoresha e Shëndetësisë në Gjakovë, Adelina Shehu-Kola.

    Ajo tha se nxënësit e prekur nga kjo sëmundje ngjitëse, janë kryesisht të moshës nga 6 deri në 13 vjeç, derisa shtoi se janë marrë të gjitha masat e nevojshme për trajtim.

    “Drejtoria e Arsimit kanë vërejtur disa mungesa të nxënësve si shkak disa shqetësimeve dhe kanë kërkuar që të dërgohen disa ekipe mjekësore në ato shkolla. Janë dërguar 4 ekipe, ku është bërë evidentimiti disa nxënësve me zgjebë, janë kryesisht në disa shkolla në zonat rurale dhe situate është nën kontrollë, Pra, prej datës -09 e deri më sot nuk kemi identifikuar ndonjë rasti të ri, janë vetëm këto 13 raste , janë marrë të gjitha masat, janë dezinfektuar klasat dhe fëmijët e prekur me zgjebë janë të izoluar sipas udhëzimeve të IKShPK-së”, tha ajo./atvlive.tv/

    Për më shumë ndiqni videon e mëposhtme:

  • Qytetarët e Shtimes raportojnë për probleme me ndriçimin publik, flet drejtori i Urbanizmit

    Qytetarët e Shtimes raportojnë për probleme me ndriçimin publik, flet drejtori i Urbanizmit

    Qytetarët e Shtimes janë ankuar për mungesë të ndriçimit publik në disa nga rrugët e Shtimes, madje në ato vende ku ndriçimi është i rregulluar, ka prishje të llambave të cilat nuk janë riparuar.

    Lidhur me këtë, në një intervistë për emisionin “A LIVE”, u deklarua drejtori për planifikim urban, mjedis dhe kadastër, Grejtalb Emini, i cili tha se janë duke punuar në rregullimin e kësaj problematike.

    “Është e vërtetë që ka probleme të tilla në disa pjesë të qytetit, më konkret në afërsi të shtatores “Adem Jashari” dhe shkak për këtë, janë kabllot lidhëse në mes dy rrugëve, mirëpo kompania e kontraktuar për rregullimin e ndriçimit publik është duke punuar në këtë drejtim dhe besoj që shumë shpejt do të funksionalizohet ndriçimi në atë pjesë, tha ai.

    Tutje, ai tha se që nga marrja e mandatit, intervenime në ndriçimin publik janë kryer në më shumë se 12 fshatra të komunës së Shtimes./ATVLIVE.TV/

    Për më shumë ndiqni videon e mëposhtme:

  • Psikologu Havolli: Jetesa me dy gra nuk është aspak e shëndetshme, rritë stresin dhe ankthin

    Psikologu Havolli: Jetesa me dy gra nuk është aspak e shëndetshme, rritë stresin dhe ankthin

    Psikologun Ilir Havolli, në emisionin A LIVE në ATV, tha se në perspektivën e psikologjisë, bashkëjetesa me dy gra nuk është aspak e shëndetshme.

    Ai tha se kjo bashkëjetesë shkakton stres dhe ankth tek njëri nga këta persona.

    “Faktikisht jetesa me dy gra brenda një shtëpie tradicionalisht ka qenë e kushtëzuar për arsye të ndryshme, qofshin sëmundje të ndryshme, qofshin aspekte të ndryshme , por që në aspektin psikologjik ka ndikim shumë negativ tek njëra nga ata dy persona, sepse ndikon në rritjen e stresit dhe ankthit tek këta persona, pastaj ndikon në uljen e vetëbesimit dhe vetëvlerësimit te këta persona dhe pastaj në luhatjen e identitetit personal të individëve. Prandaj, si diçka e tillë nuk është aspak e shëndetshme që brenda një familje të jetojnë dy apo më tepër qifte”, tha psikologu Havolli. /atvlive.tv

    Për më shumë, shikoni videon e më poshtme:

  • Avokatja Bytyqi: Po të ndëshkohej tradhtia bashkëshortore, nuk do të kishte burgje në Kosovë që t’i zinte njerëzit

    Avokatja Bytyqi: Po të ndëshkohej tradhtia bashkëshortore, nuk do të kishte burgje në Kosovë që t’i zinte njerëzit

    Avokatja Fehmje Bytyqi ishte e ftuar në emisionin A LIVE në ATV, për të diskutuar lidhur me ndryshimet e Kodit Penal në Shqipëri, që në media u ndërlidh me tradhtinë bashkëshortore.

    Madje ajo tha me shaka se, në rast se do të ndëshkohej tradhtia bashkëshortore, s’do të kishte burgje në Kosovë e as në Shqipëri që do t’i zinte njerëzit.

    “A duhet të ndëshkohet? Po të ndëshkohej shkelja e besnikërisë martesore, siç e definon ligji mbi familjen s’do të kishte burgje as në Kosovë e as në Shqipëri që do t’i zinte njerëzit. Mirëpo, shumë e qartë, ligji mbi familjen e shpjegon se kur mundet me u lidh martesa edhe njëra ndër shkaqet që nuk e lë dy herë të hezitojë gjykatën për me e zgjedhë, është edhe shkelja e besnikërisë martesore”, tha avokatja Bytyqi. /atvlive.tv

    Për më shumë, shikoni videon e më poshtme: