Avokatja Fehmije Bytyqi ishte e ftuar në emisionin A LIVE në ATV, për të diskutuar lidhur me ndryshimet e Kodit Penal në Shqipëri, që në media u ndërlidh me tradhtinë bashkëshortore.
Po në këtë emision, gazetari nga Shqipëria e sqaroi se ndryshimet në Kodin Penal kanë të bëjnë me bigaminë dhe assesi me tradhtinë bashkëshortore.
Edhe avokatja Fehmije Bytyqi e sqaroi se bigamia nuk lejohet as në Kosovë me Ligjin për Familjen.
“Bigamia nuk lejohet edhe ligji mbi familjen lejon që të lidhet kurora ligjërisht vetëm me një grua, e sa ndodhin në praktikë këto, tani unë nuk di. Këtu nuk jemi në shtetet arabe, ne jemi në Evropë dhe nuk lejohet as gruaja e dytë, as e treta as e katërta”, tha Bytyqi. /atvlive.tv
Bazuar në të dhënat e Agjencisë së Statistikave të Kosovës (ASK), numri i lindjeve në Kosovë vazhdon të ketë rënie nga viti në vit.
Sipas sociologut Jeton Brajshori, janë dy faktorë kryesor në rënien e lindjeve në Kosovë, statusi ekonomik dhe fuqizimi i gruas.
Ai në emisionin A LIVE në ATV, përmendi se tani është rritur edhe kostoja e rritjes së fëmijëve.
“Te statusi socio-ekonimik, normalisht se duhet të flitet për papunësinë, duhet të flitet për planifikimin familjar. Kemi martesat e hershme. Sot e kemi edhe koston më të lartë të fëmijëve për t’i rritur. Po ashtu, sot edhe fëmijët të cilët lindin janë më të shëndetshëm dhe nuk janë si më herët të cilët kemi pasur mortalitet shumë të madh edhe gjatë lindjes, por edhe pas lindjes. Në këtë mënyrë është dashur që familjet të bëjnë planifikime tjera, të bëjnë fëmijë më shumë për shkak të mortalitetit që ka qenë në lindje. Mirëpo, sot fatmirësisht, me zbulimin e vaksinave të shumta, nuk kemi probleme të tilla, por është rritur kostoja e rritjes së fëmijëve. Kur flasim te papunësia, atëherë në qoftë se je i papunë, si mund të planifikosh familje”, tha Brajshori. /atvlive.tv
Rrezikshmëria që vjen nga konsumi i cigareve elektronike është i lartë, shumë afër me rrezikun e njëjtë që e përmban cigarja normale. Edhe pse shumë prej konsumueseve kanë menduar dhe janë ndjerë më të sigurt për përdorimin e këtyre cigareve elektronike qofshin me avull, qofshin me lëng, ato po rezultojnë shumë të përafërta.
Viteve të fundit konsumimi i cigareve elektronike është rritur në vend, e kjo dukuri ka filluar të jetë shqetësuese edhe më shumë për faktin se po përdoret nga të miturit nëpër shkolla.
Gazetarja e ATV-së ka përgatitur një material, ky qytetarë të shumtë kanë apeluar se përdorimi i tyre duhet të ndalet totalisht.
Madje, një i ri duke u prononcuar për ATV-në tregoi se si në shkolla, shumë nxënës e konsumojnë cigareN elektronike, pavarësisht këshillimeve që ajo të mos përdoret nga të rinjtë.
“Unë për vete nuk e pi dhe as nuk rri me shoqni ku konsumohet cigarja, por ka në shkollë shumë nxënës që e pinë edhe gjatë pushimit të shkurtë sidomos, ani pse psikologu thotë që nuk bën me pi, ata prapë nuk dëgjojnë”, tha një i ri për ATV-në.
Avokati Arbër Jashari, në emisionin A LIVE në ATV, tha se e sheh të pakuptimtë shkuarjen për të kërkuar besë dhe një gjë të tillë me e proklamu si diçka pozitive.
“Unë e shoh si të pakuptimtë më së pari me shku me kërku besë, pastaj e shoh si të pakuptimtë edhe me proklamu si diçka pozitive, si diçka fisnike për arsye se në kohën tonë është e pa implementueshme”, tha Jashari.
Këto deklarata ai i bëri lidhur me rastin e para tri dite, ku axha i Lulzim Fejzullahut u kishte dhënë një mauj besë familjeve të dorasve të vrasjes së nipit të tij.
Avokati thotë se në kohën kur nuk ka funksionu shteti, janë dashtë mekanizma të tjerë për të vendosur rregull, mirëpo sipas tij, në kohën moderne, janë të pakuptimtë dhe të palogjikshme të përdoren terma kanunor.
“Por, tash në kohën moderne mendoj se është krejtësisht e pakuptimtë dhe e palogjikshme që të përdoren edhe këto terma kanunor. Unë dua të bëj një dallim. E mirëpres çdo inciativë që çdokush e ndërmerr për pajtimin edhe uljen e gjakrave të dy familjeve, por jo në kuptimin që ti me i jep besë që për një muaj ditë s’ke me dalë me e vra, që në njëfarë forme, po e paragjykon që pas një muaje ti e ke ndërmend me dalë me e ba një të keqe, duke qenë se tash kemi shtet, kemi ligje dhe ne ia kemi besu, kur është kriju shteti si një mekanizëm shumë i sofistikuar dhe ne ia kemi besu disa të drejta dhe liri tona, dhe ia kemi besu që ai me vepru në emër tonin për me i realizu edhe ato të drejta dhe eventualisht nëse na bëhet ndonjë dëm i caktuar që shteti e ka për obligim që ai të veprojë dhe ai të ndërmarrë masat adekuate”, tha Jashari. /atvlive.tv
Ish inspektori i AKI-së, Burim Ramadani, në emisionin A LIVE në ATV, tha se në Kosovë ka trend të dhunës në nivel alarmues dhe si e tillë, secili mekanizëm duhet t’i marrë në përgjegjësi detyrat e veta.
“Trendi i dhunës dhe krimit është jashtëzakonisht alarmues. Në Kosovë ka trend të dhunës në nivel alarmues dhe si e tillë secili mekanizëm i ka detyrat e veta. Cili do të duhej të jetë reagimi i shtetit? Apsolutisht, menjëherë duhet të rifunksionalizojë policin e lagjes, policinë e udhëhequr nga inteligjenca, ekipet dhe prurësit të sigurisë lokale, komitetet lokale për siguri publike. Pra janë mekanizma të cilat ta themi janë një mini-shtet në secilën lagje. Ato kanë filluar të funksionojnë paraprakisht. Që tri vite janë ndalur. Duhet të vazhdohet të avancohen dhe nëse kemi, ta themi në një shkollë, Dardani, që ka dy shkolla afër, komuniteti aty mund të ndihmojë edhe shkollat , por po ashtu edhe policinë, edhe policia pastaj në anën tjetër të rikthejë ose të kthejë ndihmën”, tha Ramadani.
Ai tha se duhet të ketë edhe sa më shumë fushata vetëdijësuese, të cialt duhet t’i kenë target prindërit dhe institucionet.
“Normalisht që do të duhej fushata shumë më të mëdha vetëdijësuese, edhe për prindërit, sepse fushatat vetëdijësuese nuk i shohin fëmijët, pra nëse ka fushata në televizione, targeti i tyre duhet të jenë prindërit dhe institucionet, por jo fëmijët sepse fëmijët nuk është e thënë që të shohin fushata të të rriturve”, tha Ramadani. /atvlive.tv
Intervistën e plotë të tij në A LIVE e gjeni ën videon më poshtë:
Ish inspektori i AKI-së, Burim Ramadani, në emisionin A LIVE në ATV, tha se futja e lëndës për siguri dhe mbrojtje në shkollat e mesme të Kosovës është një prej veprimeve më të mira që po ndodhin në Kosovë.
“Sa i përket fillimit ose kohës së fillimit, normalisht më duket që është shumë optimiste, që realisht të jetë e konsoliduar nga 1 shtatori i këtij viti, por se që të fillojë një program edukues për siguri dhe mbrojtje me nxënësit e shkollave të mesme është e domosdoshme dhe si e tillë është një prej veprimeve të mira që ndodhin në Kosovë”, tha Ramadani.
Ai tregoi se koncepti i edukimit për siguri dhe mbrojtje në shkolla, është koncept që Kosova e ka marrë prej vendeve baltike, hartimi i së cilës ka filluar në vitin 2018 si pjesë e hartimit të strategjisë së sigurisë kombëtare.
“Koncepti i tillë është koncept që kryesisht e kanë vendet baltike dhe prej vendeve baltike është marrë përvoja fillimisht diku në vitin 2018 gjatë kohës së hartimit të strategjisë së sigurisë kombëtare, pra atëherë kam qenë pjesë e ekipit, kemi vizituar edhe shtetet baltike dhe kemi parë një program të edukimit për siguri dhe mbrojtje në shtetet baltike, por se për shikuesit për qytetarët e sidomos prindërit që i kanë fëmijët në shkollë të mesme, dua ta qartësoj se bindja e ime është se programe të tilla nuk duhet të shihen si rekrutime ushtarake apo manovra ushtarake, pra janë programe të cilat e ngrisin edhe vetëdijesimin e qytetarëve sidomos moshave të reja për atë se si qytetarët mund të ndihmojnë institucionet e sigurisë në rast të krizave, emergjencave apo edhe nevojave për siguri emergjente”, tha Ramadani. /atvlive.tv
Intervistën e plotë të tij në A LIVE e gjeni ën videon më poshtë:
Një rast i vjedhjes është raportuar të ketë ndodhur në fshatin Gumnasellë të Lipjanit. Rasti është iniciuar si vjedhje e rëndë, mirëpo deri më tani asnjë person nuk është ndaluar.
Gazetarja e ATV-së, Sara Shehu, nga vendngjarja mori një prononcim nga imami i xhamisë, Sadik Sadiku dhe kontribuuesin e xhamisë, Dalip Sadiku.
“Nuk është hera e parë, na ka ndodh edhe më herët i njëjti rast, mirëpo asnjëherë nuk e kemi lajmëruar policinë. Këtë herën e fundit që ka ndodh, të martën në mbrëmje ose të mërkurën në mëngjes, nuk e dimë saktë, kur e kemi parë rastin, atëherë e kemi lajmëruar policinë”, tha imami Sadik Sadiku.
Ndërsa kontribuuesi i xhamisë, Dalip Sadiku, thotë se në momentin që ka hyrë brenda xhamisë për namazin e sabahut, e ka vërejtur se kasaforta ka qenë e kthyer në anën e kundërt dhe menjëherë ka dyshuar se dikush e ka thyer atë.
“Kam ardhë në ora 06:10 ditën e djeshme për ritet fetare. Kur e kam hapur derën, menjëherë me ka rënë në sy protofoli që ka qenë në anën e kundërt e kthyer dhe menjëherë dyshova se ka hyrë dikush këtu, megjithëse dera ka qenë e mbyllur me çelës”, tha Sadiku.
Ai thotë se dyshojnë që personat që kanë thyer kasafortën kanë hyrë nga dritarja, ndërsa nuk e di sa para kanë qenë në këtë kasafortë. /atvlive.tv
Emisionin e plotë A LIVE e gjeni në videon më poshtë:
Njohësi i komunikacionit Bekim Ahmeti, u gjend në qendër të një aksidenti pak çaste para se të jepte një prononcim për ATV-në në një lidhe të drejtpërdrejtë.
Ai së bashku me gazetaren e ATV-së ishte duke kaluar rrugën në zebra, kur u godit nga një veturë, ngasësi i të cilës duket të ketë qenë i shpërqendruar në rrugë.
“pak para se të fillonte ky transmetim për emisionin A LIVE, zotëri Bekim u godit nga një veturë tek zebrat. Nuk ishte në shpejtësi të lartë, por nuk ishte duke shikuar. A ishte në telefon a jo, ne nuk mundëm ta verifikojmë. Megjithatë, zotëri Bekim tani është shëndosh e mirë, i cili do të na japë më shumë detaje për këtë gjysmë rreth rrotullim i cili është në rrugën “Agim Ramadani””, tha gazetarja e ATV-së, Sara Shehu.
Ekipi i ATV-së kishte dalë në rrugën “Agim Ramadani” në Prishtinë, për të zhvilluar marrë një prononcim nga Bekim Ahmeti, për të kuptuar më shumë rreth mbingarkesës që po shkaktohet në këtë rrugë. /atvlive.tv
Gazetari i ATV-së, Driton Sadiku, derisa po raportonte drejtpërdrejt nga vendi ku ndodhi shpërthimi në Mitrovicën e Veriut, një i ri serb ka bërë një provokim duke bërë një përshëndetje provokuese përpara kamerës me tre gishtërinjtë.
Pak sekonda më vonë, gazetari pengohet edhe nga një qytetare, e cila i del para kamerës sa ishte duke kaluar rrugën.
Këtë moment e gjeni në videon më poshtë:
Por çfarë do të thotë realisht ky simbol?
Një variant i interpretimit të këtij simboli, sipas serbëve, është triniteti i shenjtë. Por një shpjegim i tillë duket paska mitologjik, pasi ky simbol ka fituar popullaritet mes serbëve vetëm gjatë luftërave në Ballkan.
Përdorimi i parë i popullarizuar i përshëndetjes me tre-gishtat (me gishta të ndara) ishte në vitin 1988, kur serbët e përdorur për të kundërshtuar shqiptarët, kroatët dhe sllovenët. Gjesti i tre gishtave është një simbol ekskluziv serb, i cili në vitet e fundit ka marrë ngjyrime të forta nacionaliste, pasi u përdor në masë nga forcat paramilitare serbe në luftë, fillimisht kundër myslimanëve. /atvlive.tv
Mëngjesin e hershëm të 15 janarit 1999, fshati Reçak në Shtime u zgjua i rrethuar nga forcat kriminale serbe. Në vendin që asokohe pak kush ia dinte emrin u vranë mizorisht, fëmijë, të rritur e pleq e në mesin e tyre edhe një grua e moshuar i së cilës ende nuk është gjetur.
I mbijetuari i kësaj masakre, pa tmerrin që përjetuan mëngjesin e hershëm të vitit 1999. Ramë Shabani, 57-vjeçar, rrëfen për ATV-në se rreth 30 banorë të fshatit, atë ditë ishin strehuar në podrumin e Sadik Osmanit, shtëpia e të cilit edhe sot mban shenjat e plumbave që u shkrepen po atë ditë.
“Fshati Reçak u kanë i rrethuar në të gjitha pjesët dhe ka qenë i ganatum. 15 minuta para se të bëhet ora 7:00, kanë krisë krismat e para. E di orën sepse kam qenë fjetë dhe ka ardhë nëna, më ka thënë zgjohu se kështu është duke ndodhur. I kam thënë nënës a janë duke gjuajtur me armatime të mëdha apo të vogla, më tha ‘më të mëdha, hiç mos dil jashtë’. Kam dalë unë, kur kam dalë jemi taku me bacën Sadik dhe u kanë natë e Katragjeqave atë natë, kemi dalë me pa çka po bëhet, kur kemi dalë e kemi pasur numrin e vëzhguesve në telefon, baca Sadik e ka pasë një telefon ajror dhe i ka thirrë ata. Na kanë thirrë e na kanë thanë nuk po mundemi me ardh se Shtimja e Reçaku është i rrethuar. Jemi tubu e kemi hyrë në shtëpi të baçit Sadik për shkak se u kanë shtëpi me podrum dhe e ka pasë malin ngat, ku shihet vendi i masakrës dhe aty kemi ndejtë”, rrëfen Shabani.
Ai rrëfen se çfarë kishte biseduar komandanti i ushtrisë serbe në telefon me eprorin e tij, deri sa këta po mbaheshin pengje.
“Aty kanë ardhë forcat serbe, na kanë marrë, na kanë çitë jashtë, na kanë rrahë, na i kanë marrë çka kemi pasë gjëra, para letërnjoftime e krejt dhe na kanë mbajtë, nuk e di sa ka qenë ora, dhe aty e kanë thirrë në telefon, unë e kam pasë një polic ngat, e kanë thirrë i thanë “komandir, a u kry aksioni, tha po. Sa janë, i tha mbi 30 na numëroi serbisht, dhe tha lëshoni”. Kur na lëshoi, unë qysh kesh i pari, mbeta i mbrami. Na thanë vendosni duart për mbrapa dhe shkoni kodrës për pjetë te UÇK-ja, i vendosëm duart dhe kur kemi shku deri në gjysmë të rrugës, kam shiku a po na vinë mbrapa, nuk na kanë ardhë mbrapa, iu kam thënë shkepnu, bile mos të na vrajnë me një plumb. Kemi shkepë, baca Sadik me ka pritë se e ka pasë djalin, unë e kam pasë nënën, çikën, gruan e mixhës, më tha ku mbet Burimi, i thash e kthyen brenda e shtinën se i ka pasë 14-15 vjet, edhe tha po e mbytkan, kemi shku. Jemi ulë te vendi ku është vendi i masakrës, aty ka dalë një serb dhe ka thënë çka po pritni ju dhe ka fillu të gjuajë menjëherë. Unë kam fillu me ikë të poshtë dhe 7-8 vetë janë vra të poshtë. Unë në trup asnjë, por në tesha kam pasë plumba në krejt teshat dhe e kam pasë kryet në dy vende të çarë prej stupcit”, rrëfen Shabani.
Ai ende i ka të freskëta çdo dejat të tmerrshëm që kishte parë atë ditë.
“Dhe aty, qysh shihen pa kokë, pa zemër, pa pjesë të trupit, unë aty e kam vëllain të vrarë dhe 12 kushërinj, ka prej çdo familje nga 2-3, sikur Fatmir është me dy vëllezër, Jashari po ashtu është me dy vëllezër, baçi Shyqë është me gjithë djalë, baçi Rizah është me dy djemtë, baçi Bajram me çikë, baçi Haki me dy vëllezërit, gruan e ka të zhdukur”, rrëfen Shabani. /atvlive.tv
Rrëfimin e plotë për ATV-në nga i mbijetuari i masakrës së Reçakut, Ramë Shabani, e gjeni ën videon më poshtë:
