Presidenti i Ballkanit, Arsim Kabashi, në një intervistë në emisionin A PLAY në ATV, e konfirmoi ofertën e Ballkanit për Drilon Hazrollajn, e cila ishte rreth 300 mijë euro.
Ai tha se oferta e tyre ka qenë më e madhe se sa e klubeve jashtë Kosovës.
“Ne kemi bërë ofertë shumë të madhe. Më shumë kemi bërë ofertë ne këtu në Kosovë se sa kanë ba klubet tjera jashtë Kosovës për lojtarët tanë”, tha Kabashi, duke aprovuar shifrën e përmendur nga gazetari se ka qenë rreth 300 mijë euro.
Ai tha se shitja e një lojtari me vlerë prej 1.5 milionë euro, është një lajm i mirë për Supërligën e Kosovës, sepse edhe klubet e tjera do ta kenë më lehtë të shesin lojtarë me shifra të tilla.
“Edhe Drilon Hazrollaj është super lojtar, ëhstë një djalë që është zhvillu shumë shpejtë, është tu shku shumë mirë . Ishalla e ka shëndetin dhe normal mendoj se mediat dhe këta menaxherat, po dyshoj se mos kanë me i prishë pak lojtarët, se me thanë kemi shku 1.5 milion dhe nuk e shiti klubi, ishalla shitet 1.5 milion se është e mira për klubin, se ne jemi miq me shumicën e klubeve. Është mirë për Superligën e Kosovës sepse kur shitet një lojtar 1.5 milion, edhe ne e kemi më lehtë më shitë lojtarë 1 milionë ose më pak”, tha Kabashi.
Ai tha se shpreson që do të vije momenti që prej Kosovës me dalë lojtar 1.5 milion apo 2 milionë. /atvlive.tv
Intervistën e tij të plotë në A PLAY e gjeni në videon më poshtë:
Qytetarët e katër komunave të Kosovës, Prishtinës, Prizrenit, Lipjanit dhe Istogut kanë mundësi të bëjnë përzgjedhjen e mjekut të tyre familjar. E kjo u është mundësuar përmes katër shërbimeve të reja të Ministrisë së Shëndetësisë, të cilat u lansuan në Platformën eKosova.
Zëvendësdrejtori i QKMF-së në Prizren, Fadil Bajraktari, në një prononcim për ATV-në tregoi se për dallim nga katër komunat e tjera, ky pilot projekt në Prizren do të implementohet në 52 objekte të kujdesit primar shëndetësorë.
“Ky është një pilot projekt që Ministria e Shëndetësisë do ta zhvillojë në katër komuna të Kosovës. Në mesin e komunave që do ta zhvillojmë këtë projekt jemi edhe ne si Prizren, jemi përzgjedhur nga Ministria, është Prishtina me dy objekte dhe është Istogu dhe Lipjani. Për dallim të Komunës së Prishtinë e cila do t’i ketë vetëm dy objekte, ne do ta implementojmë këtë pilot projekt në 52 objekte që i kemi, do të thotë i kemi në gjithë territorin e kujdesit primar të Prizrenit”, tha Bajraktari.
Ai tha se implementimi i këtij pilot projekti do të jetë një lehtësim për qytetarët, por edhe për mjekun që do t’i ketë pacientët e përhershëm gjatë punës së tij.
“Unë mendoj se implementimi i mjekësisë familjare është lehtësim sepse nëse ti do ta zgjedhësh mjekun, edhe slogani i jonë që është gjatë kësaj kampanje është “Mjeku i im, shëndeti i im”, kështu që ne do të lehtësohemi. Nëse do ta kesh mjekun tënd të përzgjedhur. Kjo do të bëhet për të gjithë qytetarët të cilët duhet ta hapin një adrese përmes platformës në eKosova, e në atë adresë mundët që një individ, një anëtar i familjes t’i regjistrojë të gjithë familjen te mjeku, të cilën dëshiron ta përzgjedhë, sepse nëse ti mund ta përzgjedhësh mjekun, je i kënaqur me shërbimet që ofron ai mjek, me cilësinë edhe me kujdesin që ofron, kështu që kjo është në të mirën edhe te qytetarëve, por është edhe në të mirën e mjekut që do t’i ketë pacientët e përhershëm gjatë punës së tij”, tha Bajraktari. /atvlive.tv
Profesori Medain Hashani, në emisionin A LIVE në ATV, tha se arsyeja që punëtorët nga Kosova të mos shkojnë për të punuar në vendet e Bashkimit Evropian është se atje, kosto e jetesës është shumë më e disfavorshme për ta.
“Shumë sot, në bazë të partneritetit që kanë me universitetet e jashtme, me kompani të cilat kryejnë punë sezonale, shkojnë nga tre muaj punojnë, e kanë vërejtur edhe ata që punën të cilën e kanë bërë në vendet e Bashkimit Evropian, për punë sezonale, por edhe në vendet më të largëta, kanë ardhur në konstatim se nuk ia ka vlejtur ‘barra qiranë’ për me shku me punu atje. Dhe, fokuesi i tyre është që të mos shkojnë në vendet e Bashkimit Evropian me punu për punë sezonale. I tregova edhe arsyet se pse nuk duhet me shku, sepse kostoja e jetesës që është atje është shumë ma e disfavorshme në raport me të ardhurat të cilat i ka një qytetar”, tha Hashani.
Ai përmendi edhe raste të qytetarëve që e kanë lënë vendin e punës në Kosovë për të punuar në një nga vendet e BE-së, por të njëjtit sipas tij, kanë kërkuar të kthehen sërish në vendin e punës ku kanë qenë në Kosovë.
“Tjetër çka është me rëndësi me e potencu është se shumica e ndërmarrjeve ndërtimore kanë fillu të zëvendësojnë edhe punëtorët me ata nga vendet e tjera të Azisë që nuk do me thanë që ka me u rreziku sepse kemi plotë raste që me kanë tregu mua në baze të disa hulumtimeve të cilat i kanë ba që shumë punonjës të cilët kanë punu ndoshta me 7-8 vite, 10 vite në një kompani ndërtimore, kanë shku në Gjermani me punu, apo në vendet e tjera të Bashkimit Evropian, Zvicër e këto, dhe kanë kërku me u kthy në vendin e tij të punës, mirëpo vendin e tij të punës e ka tani një person tjetre që është nga Filipinet”, tha Hashani.
Sipas tij, e mira e liberalizimit të vizave për qytetarët e Kosovës është se shumë ndërmarrje këtu kanë fillu të mendojnë më pozitivisht për punëtorët dhe kanë fillu të krijojnë kushte më të mira në mënyrë që ata të vazhdojnë punën aty ku janë. /atvlive.tv
Profesori dhe kryetari i Odës së Hotelerisë dhe Turizmit, Hysen Sogojeva, në emisionin A LIVE në ATV, duke komentuar largimin e fuqisë punëtore nga Kosova, tha se në çdo veprimtari gjendet alternativa për me funksionu.
Ai përmendi një shembull edhe si kjo mund të bëhet përmes teknologjisë.
“Isha në Greqi në Panairin e Pajisjeve Hoteliere edhe roboti 30 centimetra vinte, i ngarkuar me atë që e ke porositë, e merrje, u shkarkonte dhe e dërgoje, do me thanë në çdo veprimtari gjendet alternativa për me funksionu. Me vështirësi po, kjo merr kohe, por nuk është e pa zëvendësueshme”, tha Sogojeva.
Ai tha se në baze të një studimi që e kanë bërë, nga Kosova mund të largohen rreth 30 për qind e punëtorëve, ndërsa pjesa tjetër do të vazhdojë të qëndrojë.
“Diku rreth 30 për qind sot çka janë munden me lëvizë, ndërsa pjesa tjetër ata që e duan punën, në Kosovë ka punë”, tha Sogojeva. /atvlive.tv
Tash e sa kohë, pagat janë një çështje diskutimi për qytetarët në vend pasi sipas tyre pagat aktuale nuk janë të mjaftueshme, për të kaluar muajin.
Disa qytetarë në Ferizaj kanë treguar pagën ideale që iu nevojitet për të jetuar në Kosovë.
“Varet prej shkollimit, pra në bazë të standardit, diku rreth 500 euro mendoj”, u përgjigj një qytetar.
“Ai që nuk ka shkollim, mendoj që duhet paguar 400-500 euro, ndërsa ai që ka shkollim mendoj që deri në 1000 euro do të ishte mjaftueshme”, tha një tjetër qytetar.
Ndryshe, sipas qytetarëve pagat e ulëta e inflacioni i lartë janë disa nga arsyet, që po i shtyjnë të rinjtë të mendojnë, që të largohen nga Kosova dhe t’i drejtohen shteteve të Evropës./atvlive.tv/
Besim Aliu nga Instituti Hidrometeorologjik i Kosovës, për emisionin A LIVE në ATV, tha se temperaturat e ulëta do të mbretërojnë në Kosovë deri në fund të javës.
“Nga dita e djeshme, vendi i ynë është futur në zonën me presion të ulët atmosferik, kështu që masat ajrore të cilat kanë ardhur nga pjesa veriore e kontinentit janë masa polare të ftohta. Ato do të jenë të qëndrueshme, pavarësisht pse presioni tash vetëm se është rritur, por që masat e ftohta të ajrit do të jenë të qëndrueshme gjatë gjithë javës, duke krijuar kushte për mot kryesisht të vranët dhe me intervale me diell, por diell i ftohtë ta quaj ashtu pasi që temperaturat minimale do të ulën deri në -6 gradë Celsius, kurse maksimalet e ditës nuk parashihen të kalojnë mbi 1 apo 2 gradë Celsius, deri në fundjavë”, tha Aliu.
Ai tregoi se si pasojë e temperaturave të ulëta, rrugët në vendin tonë janë të rrezikshme, pasi që sipas tij, janë krijuar shtresa të akullta në to.
“Edhe tani kur po raportojmë, janë -2, -3 gradë Celsius në gjithë territorin e Kosovës, kështu që rrugët janë shumë të rrezikshme, janë të rrëshqitshme si në viset e ulëta po ashtu edhe në viset e larta malore, pavarësisht se patën pak reshje të borës, por janë krijuar shtresa të akullta nëpër të gjitha rrugët e Kosovës”, tha Aliu. /atvlive.tv
Sociologu Jeton Brajshori, në emisionin A LIVE në ATV, duke komentuar vendimin për uniform në shkolla, tha se drejtoritë e Arsimit nëpër komuna si dhe Ministria e Arsimit do të duhej ta bënin obligative bartjen e uniformës.
“Me aq sa kam parë unë nëpër shkolla, rregullorja e shkollës e obligon, pra në qoftë se është marrë vendim nga Këshilli Drejtues i Shkollës, të ketë uniformë, pra në shkolla është kod i veshjes. Mendoj se edhe drejtoria e Arsimit e komunave, edhe Ministria e Arsimit do të duhej që ta bënte obligative bartjen e uniformës”, tha Brajshori.
Ai tha se, në rast që prindërit më kushte jo të mira ekonomike nuk mund t’i mbulojnë shpenzimet e uniformave, do të duhej të ndërhynte shteti, në mënyrë që të gjithë nxënësit të kenë uniforma.
“Ka raste kur prindërit ankohen se uniforma është paksa e shtrenjtë, mirëpo edhe në këtë rast mblidhen fonde nga shumica e klasës, pra dikush i ka kushtet më të mira ekonomike, i jep para më shumë dhe në këtë mënyrë mbulohet, apo ndoshta edhe shteti është dashur të reagojë në raste të tilla, të identifikohen personat të cilët nuk kanë mundësi dhe t’iu paguhet nga shteti uniforma, mirëpo uniforma gjithsesi duhet të jetë nëpër shkolla”, tha Brajshori. /atvlive.tv
Intervistën e tij të plotë në A LIVE, e gjeni në videon më poshtë:
Drejtoresha e Arsimit në Komunën e Gjakovës, Eranda Kumnova-Baçi, në një prononcim për ATV-në, tha se nxënësit në shumicën e shkollave në Komunën e Gjakovës e bartin uniformën.
“Ka shkolla në Komunën Gjakovës të cilat me iniciativën KDSH-së e kanë zgjidhë këtë problem siç janë shkolla “Mustafa Bakia”, shkolla “Femi Agani”, shkollat e mesme, gjimnazi, shkolla teknike dhe shkolla ekonomike, po ashtu edhe e mjekësisë i bartë uniformat, kurse në proces të mbajtjes së mbledhjeve të KDSH-ve dhe marrjes së vendimeve janë disa shkolla të tjera”, tha Kumnova-Baçi.
Ajo tha se edhe në shkollën “Zekrija Rexha” është marrë një vendim, mirëpo ky vendim ende nuk është zbatuar.
“Me sa kam unë informacion, edhe në shkollën “Zekrija Rexha” është marrë një vendim, mirëpo për momentin nuk është zbatuar. Tani aty është çështje e brendshme e shkollës se sa janë prindërit të pajtimit që t’i bartin fëmijët e tyre uniformat dhe t’i paguajnë ato”, tha Kumnova-Baçi.
Bartja e uniformave në shkolla, sipas saj, ulë pabarazinë sociale dhe e rritë sigurinë nëpër shkolla.
“Unë si drejtoreshë e Arsimit dhe ne si DKA e konsiderojmë që bartja e uniformave në shkolla e ulë pa barazinë sociale për shkak të dukjes së njëjtë të të gjithë fëmijëve apo nxënësve në shkolla dhe po ashtu e rritë edhe çështjen e sigurisë në shkolla për shkak se në shkollat aktuale nuk mund të hyjnë fëmijët e tjerë”, u shpreh Kumnova-Baçi. /atvlive.tv
Edhe sot ka vazhduar udhëtimi pa viza nga një numër i madh i qytetarëve të Kosovës.
Ekipi i ATV-së ishte te Stacioni i Autobusëve në Prishtinë, nga ku po bëhen nisjet drejt vendeve të BE-së.
Disa qytetarë shprehen të lumtur që tani mund të udhëtojnë pa viza, por kishte edhe të atillë, që thanë se nuk e lëshojnë Kosovë për asgjë.
“Këtu këtë nipin tim, këtë kolegun e tij dhe atë kolegun e tij po i përcjell për Gjermani. E mua, me mi dhanë 10 mijë euro nuk shkoj në Gjermani. Unë i kam 300 copa dhen, 25 copa lopë, punoj këtu. I kam krejt fëmijët e shkolluar me fakultet. Krejt Gjermaninë me ma dhënë nuk shkoj. Në 87-tën unë kam qenë në Gjermani, kam ndejt deri në 97-tën, ku iu është dashtë me i ardhë këtij vendi, kam ardhë. Më s’ka vend veç Turqinë, Anglinë edhe Rusinë që s’i kam shkelë”, thotë një qytetarë për ATV-në.
Ish ministri i Punës dhe Mirëqenies Sociale, Skender Reçica, në emisionin A LIVE në ATV, tha se ka tendencë të ikjeve nga Kosova edhe të qytetarëve që paguhen mirë dhe kanë një ekonomi familjare solide.
“Unë mendoj që problemin e ikjes së fuqisë punëtore duhet analizuar bukur thellë sepse nuk janë duke ikur vetëm ata që nuk kanë kushte të punës, nuk janë duke ikur vetëm fuqia punëtore që ka një pagë të ulët dhe nuk arrin ta mbulojë shportën familjare. Ta kemi parasysh, nga Kosova ka tendencë të ikjes edhe nga njerëz që paguhen mirë, edhe të njerëzve që e kanë një ekonomi solide dhe arsyeja qëndron dhe diskutimi duhet nënvizuar, përse kjo tendencë e qytetarëve të Kosovës, ku është shoqëria e jonë, ku është Qeveria e jonë, çka është kah bën, pse nuk po arrin ta bindë qytetarin, i cili ka një mirëqenie dhe që ka qëllimin të ikë nga ky vend”, tha Reçica.
Ai tha se përkundër se bizneset janë ballafaquar me mungesë të fuqisë punëtore të kualifikuar, një numër i madh i qytetarëve të përgatitur akademikisht vazhdojnë të jenë të regjistruar si të papunë.
“Kur ta bësh një analizë, mirë që këta të rinj kanë një përgatitje akademike, kanë një përgatitje profesionale dhe janë të denjët për tregun evropian. Por në anën tjetër, ku jemi ne si Kosovë, ku është ekonomia e Kosovës, ku janë bizneset e Kosovës. Unë për këtë mund të marr edhe shembuj nga eksperienca e ime profesionale sepse unë kam drejtuar për një kohë Ministrinë e Punës dhe Mirëqenies Sociale dhe që nga atëherë e di që bizneset ballafaqohen me mungesë të fuqisë punëtore të kualifikuar në njërën anë dhe në anën tjetër ne kemi pasur qytetarë të Kosovës, të përgatitur akademikisht dhe kanë qenë të regjistruar si të papunë. Në fakt po të behet një analizë në njërën anë bizneset që tanë kohën nuk kanë fuqi punëtore dhe tjetrën anë kemi pasur një numër që besoj është edhe tani i regjistruar si të papunë diçka këtu nuk ka funksionuar dhe nuk është duke funksionuar”, vlerësoi ish-ministri Reçica.
Sipas tij, Kosova edhe para liberalizimit të vizave, ka pasur probleme me mungesën e fuqisë punëtore të kualifikuar.
“Këtyre ditëve, por edhe para se të futej në fuqi vendimi për lirinë e lëvizjes, janë bërë shumë debate, janë ngritur shumë çështje, janë ngritur shumë diskutime se do të ikin qytetarët e Kosovës, do të ketë mungesë së fuqisë punëtore, do të ketë mungesë të konsumit. Në fakt duhet të analizohet pak më thellë. Ne jemi dëshmitar që në Kosovë tashmë një kohë kemi mungesë të fuqisë punëtore. Cilës fuqi punëtore, fuqisë punëtore të kualifikuar. Ne jemi dëshmitarë që viteve të fundit në përgjithësi, ka pasur një lëvizje të theksuar të fuqisë punëtore të kualifikuar, kemi pasur rastin në fuqinë punëtore të kualifikuar në fushën e mjekësisë, pastaj në fushën e IT-së dhe në fushate tjera të cilat i ka konsumuar tregu evropian”, tha Reçica. /atvlive.tv
