Blog

Policia shqiptare e ka realizuar operacionin “Inventari”. Tre punëtorë kanë vjedhur 40 mijë kilogramë kafe në subjektin ku e shitën. Në pranga janë vënë dy magazinierë dhe shpërndarësi.

Nga kjo veprimtari kriminale e kryer përgjatë 3 vjetëve, 3 shtetasit dyshohet se kanë përfituar 800 000 euro.

Si rezultat i operacionit:
-u vunë në pranga shtetasit A. K., 35 vjeç dhe V. K., 29 vjeçe, magazinierë në këtë subjekt;
-nisi procedimi në gjendje të lirë për shtetasin L. B., 29 vjeç, shpërndarës.

Nga hetimet dyshohet se këta shtetas, në bashkëpunim me njëri-tjetrin, duke shpërdoruar detyrat, gjatë një periudhe trevjeçare, kanë vjedhur 40 000 kilogramë kafe, nga shitja e së cilës kanë përfituar 800 000 euro.

Katër shtetase të Kosovës dyshohet se kanë sulmuar fizikisht një tjetër, dhe sipas policisë, i kanë marrë me forcë para.

Policia bën të ditur se me vendim të prokurorit pas intervistimit të dyshuarat janë dërguar në mbajtje

“Janë arrestuar katër të dyshuara femra kosovare pasi që të njëjtat kishin sulmuar fizikisht viktimën femër kosovare, si dhe i kishin marr me forcë para. Me vendim të prokurorit pas intervistimit të dyshuarat janë dërguar në mbajtje”, thuhet në njoftimin e PK-së.

Bajram Gashi, me prejardhje nga Kosova dhe me vendbanim në Rijekë të Kroacisë, është raportuar i zhdukur në zonën e Mali Loshinjit duke alarmuar autoritetet lokale atje.

Klankosova.tv ka dërguar pyetje tek autoritetet lokale në Kroaci të cilët kanë konfirmuar se veprimet për gjetjen e Gashit janë në vazhdim.

“Dëshirojmë t’ju informojmë se më 20 prill, policia në Mali Losinj mori një raport nga një shtetas kroat në lidhje me zhdukjen e të afërmit të tij, një shtetasi 62-vjeçar të Kosovës, i cili kishte qenë për vizitë tek ata më 14 prill. Si rrjedhojë, dje, zhdukja e shtetasit 62-vjeçar të Kosovës u njoftua në sistemin NENO të Ministrisë së Brendshme të Republikës së Kroacisë, dhe po merren masa dhe veprime për të gjetur personin e lartpërmendur”, thuhet në përgjigjje zyrtare.

KlanKosova.tv, ka kontaktuar edhe me Ministrinë e Punëve të Jashtme, por nuk ka marrë përgjigjje deri në publikimin e këtij artikulli

Një ish-punonjëse e Beast Industries, kompanisë së prodhimit të YouTuber-it MrBeast, e paditi kompaninë për, siç pretendon ajo, pushim të padrejtë nga puna, ngacmim seksual dhe diskriminim gjinor.

Padia u ngrit në gjykatën federale në Karolinën e Veriut nga Lorrayne Mavromatis. Në të, ajo akuzon MrBeastYouTube, LLC dhe GameChanger 24/7, LLC për shkelje të ligjit federal që u ofron punonjësve leje të papaguar, por të mbrojtur, për arsye familjare dhe mjekësore, përfshirë lindjen e fëmijës.

Mavromatis paraqiti gjithashtu një ankesë në Komisionin e SHBA-së për Mundësi të Barabarta në Punësim (EEOC) duke pretenduar gjininë, shtatzëninë dhe diskriminimin. Ajo pretendon se ka punuar pa ndërprerje pas lindjes së foshnjës dhe madje edhe në sallën e lindjes.

“Ende po rrjedhja gjak dhe thjesht duhej të isha e pranishme”, tha Mavromatis në një intervistë me The Associated Press. Më pak se tre javë pasi u kthye në punë, thotë ajo, u pushua nga puna.

Në një deklaratë të dërguar me email, një zëdhënës i Beast Industries e quajti padinë një përpjekje për të tërhequr vëmendjen, të bazuar në keqinterpretime të qëllimshme dhe pretendime kategorikisht të rreme. Sipas zëdhënësit, pozicioni i mbajtur nga Mavromatis u ndërpre kur shefi i ri riorganizoi ekipin.

Kompania publikoi një korrespondencë të datës 31 mars 2025 në aplikacionin Slack, në të cilën kolegia i tha asaj se nuk duhej as të kontrollonte mesazhet, pasi Mavromatis anuloi takimin me një mesazh se ajo në fakt ishte duke lindur në spital. Në përgjigje të akuzave se MrBeast nuk arriti të paraqiste të drejtat e saj sipas Aktit të Lejes Familjare dhe Mjekësore (FMLA), kompania publikoi një pamje të ekranit të nënshkrimit të saj duke konfirmuar se ajo kishte marrë një manual punonjësish që përfshinte rregullat e FMLA-së.

“Ne nuk do të pajtohemi me avokatë oportunistë që përpiqen të sajojnë fitime në kurrizin tonë”, thuhet në njoftim.

Padia ndaj Mavromatis sjell akuza shqetësuese në lidhje me kulturën që fshihet pas krijuesit më të njohur të YouTube, ndërsa udhëheqësit e rinj të kompanisë kërkojnë të zgjerojnë me shpejtësi perandorinë mediatike që Jimmy Donaldson ndërtoi nën pseudonimin MrBeast.

Padia përshkruan një mjedis pune toksik dhe mizogjen, nga i cili Beast Industries është përpjekur të heqë qafe së fundmi, ndërsa perandoria mediatike e MrBeast po lanson projekte ambicioze në televizion dhe shërbime financiare. Reality show i tij “Beast Games” në Amazon Prime ka tashmë dy sezone, dhe kompania kohët e fundit bleu aplikacionin bankar Step dedikuar adoleshentëve.

Mavromatis, e cila tani është 34 vjeç, u punësua në gusht 2022 si drejtuese e profilit të MrBeast në Instagram dhe u ngrit në detyrë dy herë brenda një viti. Midis qershorit 2023 dhe janarit 2024, ajo mbikëqyri punën e divizionit vertikal të përmbajtjes, të cilin e përshkroi si një pozicion ekzekutiv, por Paez i Beast Industries e quajti atë një pozicion të nivelit të mesëm të menaxhimit.

Disa muaj pasi mori punën, ajo kërkoi këshilla nga James Warren, kushëriri i MrBeast dhe atëherë drejtor ekzekutiv, pasi vuri re se MrBeast nuk po e shikonte në sy. Sipas padisë, MrBeast u përgjigj: “Jimi ndihet shumë në siklet kur është pranë grave të bukura. Le të themi vetëm se kur je ti pranë dhe ai shkon në banjo, ai në fakt nuk e përdor atë”.

Kompania ia atribuoi shkuarjet e MrBeast në banjo sëmundjes së tij të Crohn-it. Padia pretendon se pasi Mavromatis raportoi ngacmim seksual dhe një mjedis pune armiqësor te burimet njerëzore, të cilat menaxhoheshin nga nëna e MrBeast, ajo u ricaktua dhe u ul në detyrë. Kompania i hodhi poshtë këto pretendime si të rreme.

Policia e Kosovës ka parandaluar një rast të kontrabandimit të mallrave me vlerë dhjetëra mijëra euro në zonën kufitare me Maqedonia e Veriut. Rasti ka ndodhur në zonën malore ndërmjet fshatit Radush dhe rrugës që lidh fshatin Goranc me Hanin e Elezit.

Sipas njoftimit, njësitë e Policisë Kufitare, në kuadër të planit operativ “Mburoja e hekurt”, kanë identifikuar një automjet që lëvizte në një rrugë ilegale nga territori i Maqedonisë së Veriut drejt Kosovës.

“Drejtuesi i automjetit dhe një pasagjer kanë tentuar të ikin, por policia ka arritur ta ndalojë mjetin dhe të arrestojë njërin nga të dyshuarit, shtetas i Maqedonisë së Veriut”, thuhet në njoftim.

Gjatë kontrollit, janë gjetur dhe sekuestruar mallra të ndryshme pa dokumentacion përkatës, me vlerë që sipas vlerësimeve fillestare kalon dhjetëra mijëra euro.

Me urdhër të prokurorit kompetent, i dyshuari është ndaluar për 48 orë, ndërsa automjeti dhe mallrat janë konfiskuar si dëshmi në procedurë penale.

Shefja e deputetëve të LDK-së, Jehona Lushaku ka përsëritur qëndrimin e subjektit të saj se përgjegjësia për zgjidhjen e çështjes së presidentit i takon partisë më të madhe.

Para nisjes së seancës së Kuvendit të Kosovës, ajo ka thënë se Presidenca e Qeveria nuk duhet t’i takojë një partie të vetme.

“Po të kishim 66 vota në Kuvendin e Kosovës kjo çështje do të zgjidhej. Nuk mund të kërkohet nga partitë që nuk i kanë numrat të propozojnë emra për president. Është vërtetë fatkeqësi që një njeri me kaq shumë fuqi dhe legjitimitet nuk mund të prodhojë zgjidhje dhe pret nga partitë opozitare që t’ia përkrahin një kandidat partiak për president. Vet Kurti e ka thënë që nuk do të kemi një kandidat me librezë partiake dhe vet ai e propozon Konjufcën, që është me librezë partie”, ka thënë Lushaku.

Ajo ka thënë Kurti me qëllim po prodhon kriza për të qeverisur i vetëm dhe i pambikëqyrur.

“Është tepër fatkeqësi që qytetarët i besojnë dikujt me një masë kaq të madhe dhe në anën tjetër nuk kemi as qeverisje të mirë e as zgjidhje të problemeve kruciale, por në zëvendësim të saj VV po na jep një krizë të re politike, ku qytetarët do të lihen të vetëm e kryeministri do të qeveris i vetëm, i pambikëqyrur, tipike për një sistem autoritar, ku një kryeministër dëshiron të prodhojë më shumë kriza i pambikëqyrur, por edhe tendenca për kapjen e institucioneve”, ka deklaruar ajo.

Deputeti i Guxo-s, Fatos Geci ka tentuar të flasë gjatë seancës së sotme të Kuvendit të Kosovës me nënkryetaren e Parlamentit, Vlora Çitakun.

Megjithatë, ai nuk pranoi asnjë fjalë nga Çitaku, të cilën ai vetë gjatë ditës së martë e kishte ofenduar rëndë.

Fatos Geci nga Guxo ka fyer rëndë nënkryetaren e Kuvendit duke përdorur gjuhë seksiste ndaj saj.

“I ke bë 100 vjet, ke mbetë pa martu. Gru e keqe”, i ka thënë deputeti Geci, Çitakut.

Komisioni për Ekonomi me shtatë vota për dhe një abstenim ka miratuar projektligjin për ratifikimin e Marrëveshjes për tregti të lirë ndërmjet Republikës së Kosovës dhe shteteve të EFTA-s.

Ministrja e Industrisë, Ndërmarrësisë, Tregtisë dhe Inovacionit, Mimoza Kusari Lila ka prezantuar në komisionin këtë projektligj, duke thënë se marrëveshja e tregtisë së lirë përbën një instrument të rëndësishëm të politikës tregtare të Kosovës dhe kontribuon në themelimin e integrimit ekonomik në tregjet evropiane me fuqi të lartë blerëse.

Marrëveshja e tregtisë së lirë përbën një instrument të rëndësishëm të politikës tregtare të Kosovës dhe kontribuon në themelimin e integrimit ekonomik në tregjet evropiane me fuqi të lartë blerëse, si dhe standarde të avancuara rregullative. Kjo marrëveshje përfshin fusha të ndryshme për të cilat palët janë pajtuar në themelimin e bashkëpunimit me liberalizimin progresiv të tregtisë së mallrave përmes eliminimit të tarifave doganore për shumicën e produkteve industriale, përmirësimin e qasjes në treg për produkte bujqësore të caktuara, të drejtat e pronësisë intelektuale, vendosjen e rregullave të qarta për origjinën e mallrave, si dhe rritjen e sigurisë juridike për operatorët ekonomikë. Një komponentë me rëndësi të veçantë është përfshirja e tregtisë në shërbime, ku në këtë marrëveshje parashihen edhe shërbimet profesionale, shërbimet financiare, shërbimet e transportit, të teknologjisë së informacionit dhe shërbimet turistike, raporton EO.