ATV

Blog

  • Rizvanolli: 15 milionë euro për subvencionim në efiçencë të energjisë

    Rizvanolli: 15 milionë euro për subvencionim në efiçencë të energjisë

    Ministrja e Ekonomisë, Artane Rizvanolli, ka njoftuar se në kuadër të planit emergjent prej 75 milionë eurove të përkrahur nga Bashkimi Evropian, Ministria e Ekonomisë që nga ky vit do të fillojë zbatimin e masave të efiçencës së energjisë që kapin vlerën prej 15 milionë eurove, raporton Ekonomia Online.

    Në takimin ku u diskutua për masat e pakos emergjente 75 milionëshe nga Bashkimi Evropian për përballje me krizën energjetike evropiane dhe masat e efiçencës së energjisë për ndërtesat shumë-banesore të destinuara për banim social (në pronësi komunale), Rizvanolli tha se target-grup kanë sektorin rezidencial dhe ndërmarrjet mikro, të vogla dhe të mesme.

    “Për sektorin rezidencial, pra për familjet, do t’i subvencionojmë pajisjet ngrohëse efiçente siç kemi bërë edhe vitin e kaluar, duke përfshirë këtu klimat, kaldajat, stufat dhe pajisje të tjera shtëpiake që kanë potencial për kursim të energjisë që janë frigoriferët dhe të tjera. Kemi pasur biseda edhe me Ministrin e Mjedisit dhe Planifikimit Hapësinor dhe kam adresuar tek ai kërkesën për të ndërmarrë hapat për të standardizuar dhe harmonizuar legjislacionin sekondar i cili ka të bëjë me instalimin e sistemeve solare fotovoltaike për vetëkonsum që ka qenë edhe një ndër kërkesat e juaja në takimin e kaluar dhe ministri na ka premtuar se do t’i ndërmarrin hapat me prioritet që nga java e ardhshme, shpresoj”, u shpreh Rizvanolli në një takim me qëllim të bashkëpunimit dhe koordinimit ndërinstitucional ndërmjet të Qeverisë dhe Komunave.

    Në takimin me kryetarët e komunave, ku mori pjesë edhe kryeministri Albin Kurti e ministri i Financave, Hekuran Murati, Rizvanolli tutje tha se sivjet për herë të parë do të subvencionohen ndërmarrjet mikro, të vogla dhe të mesme për pajisje ngrohëse efiçente dhe pajisje teknologji efiçente.

    “Hartimi i këtyre masave është bërë me ndihmën e ekspertëve të fushës, të donatorëve dhe shoqërisë civile, dhe i falënderoj pafundësisht për vlerësimin e nevojave të qytetarëve dhe bizneseve. Bashkëpunimi me komunat është tejet i rëndësishëm që ju të angazhoheni që qytetarët e komunave të jenë të informuar dhe të kenë përkrahjen e duhur gjatë procesit të aplikimit për qytetarët që kanë nevojë për një ndihmë të tillë”, tha Rizvanolli.

  • ​Gërvalla: Fuqizimi i grave në ekonomi mbetet sfidë

    ​Gërvalla: Fuqizimi i grave në ekonomi mbetet sfidë

    Zëvendëskryeministrja e Kosovës, Donika Gërvalla ka thënë se ende ka sfida për fuqizimin grave në ekonomi, por që sipas saj të gjithë mekanizmat vendor duhet të fokusohen më shumë në ofrimin e mjedisit të duhur ekonomik për gratë dhe vajzat.

    Ministrja e Punëve të Jashtme dhe Diasporës, Gërvalla, në hapjen e konferencës “Fuqizimi Ekonomik i Grave në Ballkanin Perëndimor, tha se në Kosovë gratë historikisht janë ballafaquar me pengesa të mëdha jo vetëm në pjesëmarrjen në ekonomi, por edhe me diskriminim.

    Ajo theksoi se shoqëria civile dhe Qeveria e kanë pranuar rëndësinë e grave në fuqizimin ekonomik dhe kanë ndërmarrë hapa për të adresuar këto sfida.

    “Në Kosovë gratë historikisht janë ballafaquar me pengesa të mëdha jo vetëm në pjesëmarrjen në ekonomi, por duke përfshirë diskriminimin, qasjen e limituar në arsim dhe trajnim, normat kulturore që i kufizojnë në lëvizshmërinë e tyre, po ashtu edhe duke prekur edhe pronat. Sidoqoftë shoqëria civile dhe Qeveria e kanë pranuar rëndësinë e grave në fuqizimi e tyre ekonomik dhe kanë ndërmarrë hapa për të adresuar këto sfida. Si Qeveri kemi aprovuar gjatë viteve 2021-2022 bursa për gratë që kanë dashur me studiuar në profesione të ndryshme dhe shumë vajza të reja kanë shfrytëzuar këtë mundësi”, theksoi ajo.

    Gërvalla theksoi është e nevojshme të krijohet një mjedis për gratë në pjesëmarrjen e tyre në lidership dhe në ekonomi.

    “Me gjithë këto përpjekje ka sfida ende në fuqizimin ekonomik të grave në Kosovë, duke përfshirë qasjen e limituar në financa dhe kujdesin për çështjen e pagesave. Pra, duhet të krijohet një mjedis s për gratë për pjesëmarrjen e tyre në lidership dhe në ekonomi”, tha ajo.

    Gratë kërkojnë nga institucionet përkrahje më të madhe në fuqizimin e tyre në ekonomi.

  • Shtrenjtimi i rrymës, Kurti: Do t’i mbështesim qytetarët për konsum deri në 800 kWh

    Shtrenjtimi i rrymës, Kurti: Do t’i mbështesim qytetarët për konsum deri në 800 kWh

    Kryeministri i Kosovës, Albin Kurti ka thënë se do të mbështesin qytetarët pas vendimit të fundit për rritje të çmimit të energjisë.

    Ai ka thënë se do të subvencionojnë familjet për konsum të energjisë deri në 800 kWh në muaj, ndërsa grupet e cenueshme do të kenë trajtim të veçantë.

    Në takimin që po zhvillohet me përfaqësuesit e komunave, Kurti ka thënë se ka pasur rezultate të menjëhershme të masave të cilat qeveria i ka aplikuar gjatë këtij dimri.

    “Mbështetja jonë ndaj qytetarëve do të vazhdojë edhe pas vendimit të fundit të Zyrës së Rregullatorit për Energji ku ndër të tjera do të subvencionojmë familjet për konsum të energjisë deri në 800 kilovatë në muaj, kurse grupet e cenueshme siç janë familjet në asistencë sociale do të kenë trajtim të veçantë. E me rreth 9 milionë euro kemi rinovuar e bërë efiçiente 70 ndërtesa publike. Shkolla, çerdhe të fëmijëve, qendra shëndetësore e stacione të zjarrfikëseve, duke e rritur kështu komforin e duke e ulur konsumin e energjisë. Gjatë dimrit që tashmë po e lëmë pas kemi parë rezultate të menjëhershme të këtyre masave të cilat i kemi ndërmarrë si qeveri, falë mbështetjes së bashkëpunimit me Bashkimin Evropian këto masa të dëshmuara po e shumëfishojnë e ashtu edhe përfitimet për qytetarët e për bizneset e vendit tonë”, ka thënë Kurti.

  • “Çdo ditë dalë në terren”, kryetari Gjini tregon se si duket një ditë e tij e zakonshme në punë

    “Çdo ditë dalë në terren”, kryetari Gjini tregon se si duket një ditë e tij e zakonshme në punë

    Kryetari i Gjakovës, Ardian Gjini, në një bisedë për Rubrikën “Komuna” në emisionin e mëngjesit ALARM në ATV, tregoi se si është një ditë e zakonshme e kryetarit të komunës në punë, transmeton atvlive.tv.

    Në pika të shkurtëra, ai tregoi se një kohë të caktuar të ditës ia dedikon pritjes së palëve, të cilët mund të jenë qytetarë, institucione apo organizata, por edhe bizneset të cilave iu duhet ndihma e komunës për t’i arritur synimet e veta.

    “Të gjithë mendojnë që unë pres vetëm palë, kjo nuk është e vërtetë. Një kohë të caktuar të ditës i pres palët, pres qytetarë të cilët kanë kërkesa të ndryshme, një pjesë tjetër të ditës pres palë tjera që nuk janë qytetarë, munden me qenë institucione nacionale, munden me qenë donatorë të ndryshëm, munden me qenë organizata të ndryshme, të cilat kanë diçka punë në Gjakovë, ose kemi bashkëpunim. Ka biznese të cilat i takoj, kanë synimet e veta, problemet të cilat ne mundemi me iu ndihmu me i zgjidhë, por një pjesë e madhe shkon me kolegët e mi, për shkak se shumë çështjeve duhet me iu dhanë zgjidhje”, tregoi kryetari Gjini.

    Ai tregoi se gjithmonë del edhe në terren dhe i viziton vendet ku kryhen punë publike. /atvlive.tv

    Bisedën e plotë me kryetarin e Gjakovës, Ardian Gjini, mund ta dëgjoni në videon e më poshtme:

  • “Hajt se janë dhëmbë qumështi, ndërrohen”, dentisti paralajmëron prindërit që nuk kujdesen për shëndetin oral të fëmijëve

    “Hajt se janë dhëmbë qumështi, ndërrohen”, dentisti paralajmëron prindërit që nuk kujdesen për shëndetin oral të fëmijëve

    Gjendja e shëndetit oral tek fëmijët po vazhdon të jetë në gjendje jo të mirë në vendin tonë.

    Për të folur për këtë temë, në emisionin e mëngjesit ALARM në ATV, ishte i ftuar dentisti i fëmijëve, Xheladin Ujkani.

    Ai në këtë emision tha se për shëndetin jo të mirë oral të fëmijëve, fajtorët më të shpeshtë janë prindërit, por edhe vetë dentistët.

    “Në shumicën e familjeve diskutohet ku shpesh thonë “hajt se dhëmbët e qumështit ndërrohen”. Këtë e kanë dëgjuar edhe tek dentistët që punojnë me të rritur. Një dentist që nuk punon me fëmijë, kur një familje ka pacientët klientë të rregullt që janë të rritur dhe kanë fëmijë në familje, duhet me iu tregu se vizita duhet të bëhet te dentisti, e jo me iu thanë edhe dentisti i të rriturve “janë dhëmbë të qumështit, ndërrohen, nuk kemi çka të bëjmë”. Kemi çka të bëjmë se duhet të kujdesemi për ata dhëmbë”, tha Ujkani.

    Ai përmendi se mos kujdesi i shëndetit oral të fëmijëve “rekomandohet” qysh në momentin e lindjes, kur prindërve iu jepet një udhëzues ku askund nuk përmendet se duhet të bëhet vizita edhe te dentisti.

    “Në librin që u jepet foshnjave pas lindjes, menjëherë pas lindjes marrin prindërit një fletore. Nuk shkruan në asnjë vend që duhet me u ba vizita edhe te dentisti, edhe aty duam të bëjmë një hapësirë të veçantë se duhet me u ba vizita te dentisti. Ne si prindër, jemi në gjendje për pesë vite me i dërgu 100 e 200 herë fëmijët te pediatri, por asnjëherë te dentisti. Kjo nuk duhet të ndodhë”, tha Ujkani. /atvlive.tv

    Biseden e plotë me dentistin në studio mund ta dëgjoni në videon e më poshtme:

  • Si do jetë moti në vikend? Parashikimi i motit me Diellza Dakën

    Si do jetë moti në vikend? Parashikimi i motit me Diellza Dakën

    Dita e sotme në vendin tonë do të jetë kryesisht me intervale me diell, ndërsa gjatë pas ditës pritet të ketë edhe reshje të shiut.

    Temperatura minimale do të jetë në Prishtinë me -4 gradë Celsius, ndërsa ajo maksimalja do të jetë në Prizren me 6 gradë Celsius.

    Edhe dita e nesërme në Kosovë do të jetë kryesisht me kushte të njëjta atmosferike.

    Temperaturën minimale do e mbajë Gjakova me 1 gradë Celsius, ndërsa atë maksimale Prishtina me 13 gradë Celsius.

    Parashikimin e plotë të motit me Diellza Dakën në ALARM të ATV-së, mund ta gjeni në videon e më poshtme:

  • Sot e premtja “e zezë” dhe Pashkët

    Sot e premtja “e zezë” dhe Pashkët

    E Premtja e Zezë dhe Pashkët janë sipas kuptimit kristjan ngjarje me rëndësi universale për njerëzit. Të dyja së bashku mund të japin shpresë si festë e krishtërimit.

    Festat e mëdha të kishave orientohen tek jeta e Jezu Krishtit. Pa dyshim: festa më e dashur e gjermanëve janë Krishtlindjet, festa e lindjes së Krishtit. Kjo është një ngjarje e gëzueshme. Shpërndahen dhurata dhe atmosfera e shenjtë e Krishtlindjeve ngjall shumë emocione. Sado e rëndësishme që është lindja e Jezuit, pra kthimi në njeri i Zotit, edhe më të rëndësishme janë e Premtja e Zezë dhe Pashkët. E Premtja e Madhe, apo e Premtja e Zezë është dita kur kujtohen vuajtjet dhe vdekja e Krishtit, Pashkët janë festa e Ringjalljes së tij nga të vdekurit. .

    Të dyja festat kanë megjithatë një fazë përgatitore. E ashtuquajtura “java e zisë” fillon me të dielën që paraprin dhe është java më e rëndësishme në kalendarin e kishës. Për këtë shkak, në ditën e vdekjes së Jezuit, në të Premten e Zezë, në qendër të përkujtimit janë zia dhe pendimi.

    Lidhja e vdekjes dhe e ringjalljes

    Më parë, e Premtja e Zezë ishte festa më e madhe e të krishterëve evangjelistë. Ndërkohë, në të gjitha konfesionet e krishtera kanë rënë dakord që dita që shënon vdekjen e Krishtit për fajin e njerëzve është pjesë e pandarë e Pashkëve, pra ditës së Ringjalljes. Festa më e madhe e Krishtërimit përbëhet nga e Premtja e Zezë, nga e Shtuna e Zezë dhe nga e diela e Pashkëve e këto shihen ndërkohë si një e vetme.

    Intriga, shpifje, proces

    Ajo që ndodhi të Premten e parë të Zezë të historisë nisi që një mbrëmje më parë. Jezusi kishte ngrënë darkë së bashku me 12 këshilltarët e tij më të ngushtë – për herë të fundit ata dëgjuan së bashku fjalët e mjeshtrit. Pak pas kësaj pasuan tradhëtia dhe burgosja.

    Të Premten e Zezë, Krishtit iu desh të durojë dy procese – njërin të krerëve hebrej, të cilët donin ta mënjanonin Jezuin për shkaqe teologjike dhe një proces të sundimtarëve romakë. “E gjitha ishte një proces me shumë truke”, thotë profesori i teologjisë, Ulrich Lüke, “sepse hebrenjtë nuk ishin zotër shtëpie, zotër shtëpie ishin romakët”. “Ata kishin përcaktuar se vetëm ata kanë të drejtë të marrin vendime me vdekje dhe t’i zbatojnë ato. Romakëve në fakt aq u bënte, nëse aty dilte njëri dhe pohonte se ishte i biri i Zotit. Ata qenë të interesuar për qetësi në vend.”

    Për këtë shkak, shtresa e lartë fetare hebreje e kallëzoi Jezuin si kandidat për mbret, si nxitës kryengritjesh dhe si luftëtar për liri. “Guvernatori romak Pilatus pastaj i ra shkurt me Jezuin. Në bazë të të gjitha atyre që dimë për procesin, ai gjeti pak gjëra kundër Jezuit, por nën presionin e njerëzve vendosi ta dërgojë të vdesë Jezuin.” Vdekje me kryqëzim – një nga mënyrat më brutale të ekzekutimit në botën antike. Shpesh lufta me vdekjen e të akuzuarve zgjaste disa ditë.Messfeier zur Osternacht im Petersdom Papa Françesku në Meshën e së Premtes së Zezë Gjëra të çuditshme

    Me siguri që vetëm pak prej atyre që e përjetuan kryqëzimin e Jezuit e nuhatën se aty po vdiste dikush me rëndësi të veçantë. “Përkufizimet teologjike se Jezui si qënie ishte Zot i vërtetë dhe njëkohësisht njeri i vërtetë janë përkufizime që u zhvilluan vetëm më vonë nga teologjia dhe filozofia,” thotë teologu Lüke. Megjithatë, në informacionet e Testamentit të Ri të Biblës raportohet se në kohën e vdekjes së Jezuit dielli u errësua, toka u drodh dhe ndodhën gjëra të tjera të pashpjegueshme. Jezui përjetoi pasojën e fundit të të qenit njeri, deri në vdekjen brutale.Osterpaket – Osterhase vs. Weihnachtsmann

    Fundi vetëm një tranzicion

    Ajo që ne e quajmë sot Pashkë, u kthye për ithtarët e Jezuit megjithatë në ditë të surprizës. Në mëngjesin e ditës së tretë pas kryqëzimit, varri ku vendosën Jezuin e vdekur qe bosh. Dëshmitarë u ndeshën me të ringjallurin. “Madje edhe dëshmitarë të tillë që nuk kishin menduar fare se ai do të ringjallej,” thotë Ulrich Lüke. Kështu, Maria e Magdalas, e cila ishte e para që e gjeti varrin bosh mendoi e shokuar se kufomën e patën vjedhur. “Ajo madje është kaq e verbuar nga lotët, sa nuk e njeh Jezuin kur ndeshet me të. U desh që ai t’i fliste asaj, që asaj t’i hapen sytë. Dëshmitarët e Pashkëve nuk erdhën në asnjë mënyrë me brohoritje në varreza, sepse e dinin që tani Jezui ndodhet aty si hero mbi të gjithë”. Vetëm përballja fizike me atë, që qe ringjallur nga të vdekurit, i bindi të krishterët e parë se ai vërtet jeton.

    Perspektiva deri sot

    Për të krishterët, e Premtja e Zezë dhe ngjarjet e Pashkëve janë të lidhura me idenë e shpresës. “Ato hapin një perspektivë të re. Që kjo jetë që ne njohim si të fundme dhe materiale, nuk është e fundit. Ajo zgjeron pra horizontin, i bën njerëzit të aftë që buzë varrit të mos shohin thellësinë e tij prej 1.80, por të shohin një horizont jete. “Kjo do të thotë: Pashkët hapin për të Krishterët një dimension, që e tejkalon jetën dhe vdekjen në tokë.

  • Katy Perry po akuzohet nga fansat për bullëzim

    Katy Perry po akuzohet nga fansat për bullëzim

    Katy Perry, e cila është pjesë e jurisë së spektaklit “American Idol”, po kritikohet nga shikuesit, sa i përket disa komenteve që ajo i ka bërë për konkurrentët pjesëmarrës në këtë edicion.

    Konkretisht, Katy bëri një shaka për dhëmbët e njërës prej konkurrenteve dhe me një nënë të re në moshë.

    Disa komentues bëjnë thirrje që ajo të kërkoj falje publikisht pasi edhe një tjetër konkurrente kishte qarë për shkak të komenteve të vrazhda që këngëtarja pati për të.

    Deri tashti, Katy Perry nuk i është përgjigjur publikisht kritikave.

    Katy ka vite që vazhdon të flas për rëndësinë e shëndetit të saj mendor dhe në vitin 2017 pushoi nga muzika dhe jeta publike pas ndarjes me Orlando Bloom.

    Rikthimi i saj në skenën muzikore ishte në vitin 2019 me këngën ‘’Never Really Over’’./atvlive.tv/

    Për më shumë ndiqni videon e mëposhtme:

  • Reagimet pasi Supremja liroi të akuzuarin për vrasjen e Donjeta Pajazitajt

    Reagimet pasi Supremja liroi të akuzuarin për vrasjen e Donjeta Pajazitajt

    Naser Pajazitaj, i dënuar me burgim të përjetshëm për vrasjen e Donjeta Pajazitajt, është liruar nga akuza për vrasje me vendim të Gjykatës Supreme.

    “Kolegji penal i Gjykatës Supreme, në seancën e mbajtur me datë 06 prill 2023, e ka liruar N.P., nga akuza për vrasje. Pas përpilimit të aktgjykimit brenda afatit ligjor, i njëjti do të bëhet publik”, tha zëdhënësja në Gjykatën Supreme, Antigona Uka-Lutfiu.

    Me vendimin nuk po pajtohen familjarët e Donjetës, të cilët edhe hedhin akuza drejt Supremes.

    Pas vendimit për lirimin, reagoi edhe ministrja e Drejtësisë, Albulena Haxhiu.

    “Sepse për mua është e papranueshme që një person i cili dënohet me burgim të përjetshëm, aq lehtësisht të lirohet nga akuza. Ja pse reformat që kemi nisur si Ministri e Drejtësisë janë jashtëzakonisht të rëndësishme”, tha Haxhiu.

    Në fakt, Naser Pajazitaj si i dyshuari i vetëm, krejt në fillim të gjykimit, ishte liruar nga akuza nga Gjykata e Pejës për shkak të mungesës së provave.

    Por, Gjykata e Apelit e kishte kthyer rastin në rigjykim. Pas këtij procesi, Pajazitaj u dënua prapë me burgim të përjetshëm, por rasti u kthye sërish në rigjykim.

    Pastaj nga gjykata e Pejës rasti kaloi në atë të Ferizajt, e cila po ashtu në maj të vitit 2021, e shpalli fajtor dhe e dënoi sërish me burgim të përjetshëm.
    Rasti, për herë të katërt u kthye në rigjykim, por vendimi ishte i njëjtë, në qershor të 2022-tës, Pajazitaj u dënua me burg të përjetshëm sërish.

    Donjeta Pajazitaj ishte gjetur e vrarë me dy plumba, në Strellc të Deçanit, në nëntor të 2015-s, pas disa javësh që ishte shpallur e zhdukur. /atvlive.tv/

  • Sakrifica për fëmijët e saj iu shpërblye në fund, kjo është historia e dhimbshme e Pranvera Shalës

    Sakrifica për fëmijët e saj iu shpërblye në fund, kjo është historia e dhimbshme e Pranvera Shalës

    Pranvera Shala nga Peja është një nënë vetë ushqyese dhe e cila jeton në kushte tejet të rënda. Dje televizioni ATV dje raportoi për kushtet e rënda të saj, e cila me dy fëmijët e saj jeton në një shtëpi, që as për së afërmi nuk i plotësonte kushtet për jetesë. Këto pamje të rënda nuk kaluan pa u vënë re nga humanisti Halil Kastrati.

    Sot, Pranvera ishte e ftuar në STUDIO A me Adelina Hasanin në ATV, ku edhe u publikuar numri i xhirollogarisë për të gjithë ata që duan ta ndihmojnë atë.

    Në një lidhje direkte u inkuadrua humanisti Halil Kastrati, i cili i dha Pranverës lajmin më të gëzueshëm për të, ku tha se “Jetimat e Ballkanit” kanë marrë përsipër që asaj t’ia sigurojnë një banesë. Pranevra me të dëgjuar këto fjalë nuk mund t’i mbante lotët.

    Në STUDIO A, Pranvera ka rrëfyer historinë e saj të dhimbshme, e cila e solli në këto kushte të rënda. Ajo tregon se ishte ndarë para pesë vitesh nga burri i saj, për arsye të dhunës së vazhdueshme nga ai.

    “Arsyet e ndarjes, nuk muj e durova, çdo ditë dhunë, deri edhe fëmijët i dhunojshin, edhe babi i vet edhe gjyshi. Ata ishin duke luajtur nëpër oborr dhe këtyre iu prishke qetësia brenda, me çka kishin në dorë i gjujshin fëmijët”, rrëfen mes lotësh ajo.

    Pranvera tregon se momenti kur ajo vendosi përfundimisht të largohet nga ajo shtëpi, ishte një ditë kur djali i saj ishte duke luajtur në oborr, dhe gjyshi i vet e gjuajti djalin dhe ia bëri krejt zi këmbën.

    “Aty i kam marrë dhe kam shku në Polici. Kur kam shku në polici, ofendimi më i madh u kanë që më kanë thënë “sen s’ka, largohu”. I kam marrë fëmijët, kam dalë në Pejë, kam hy në një shtëpi që krejt çka kishte në oborr, dilke kanalizimi. Pastaj e kam gjetë një banesë, në bazë të socialit e pagujsha atë banesë”, rrëfen ajo. /atvlive.tv

    Rrëfimin e plotë të saj mund ta dëgjoni në videon e më poshtme: