ATV

Blog

  • Komandanti i KFOR-it para zgjedhjeve në veri: Do të reagojmë nëse prishet qetësia

    Komandanti i KFOR-it para zgjedhjeve në veri: Do të reagojmë nëse prishet qetësia

    “KFOR-i do të vazhdojë të kryejë misionin e tij dhe është plotësisht i përgatitur, në përputhje me mandatin e tij të OKB-së, të veprojë, nëse kërcënohet stabiliteti, siguria dhe liria e lëvizjes, për të mirën e të gjithë qytetarëve që jetojnë në Kosovë, për të mirën e sigurisë në mbarë Kosovën, si dhe në dobi të stabilitetit rajonal”, ka thënë komandanti i KFOR-it, gjenerali Angelo Michele Ristuccia vetëm tri ditë para mbajtjes së zgjedhjeve lokale në veri të Kosovës. Ai këtë mesazh e dërgoi nga Brukseli.

    Gjenerali Ristuccia, u takua në selinë e NATO-s me Sekretarin e Përgjithshëm të kësaj Aleance Mircea Geoana, si dhe me të gjithë ambasadorët e anëtarëve të NATO-s dhe partnerët e vendeve të tjera që kanë trupa në KFOR.

    “Ata theksuan mbështetjen e tyre të fuqishme për misionin në këtë udhëkryq të rëndësishëm për të ardhmen e Kosovës dhe stabilitetin e rajonit”, ka thënë Ristuccia në një video që misioni i udhëhequr nga ai ua ka ofruar mediave.

    Nga Brukseli, Ristuccia edhe një herë përshëndeti Marrëveshjen për Normalizimin e Marrëdhënieve ndërmjet Kosovës dhe Serbisë.

    “Tani është thelbësore që të dyja palët të fillojnë të zbatojnë angazhimet e tyre plotësisht dhe sa më shpejt të jetë e mundur dhe të shmangin zhbërjen e arritjeve të rëndësishme që tashmë janë bërë”, ka thënë ai.

    Ai po ashtu ka theksuar se ai si komandant i KFOR-it do të vazhdojë të luajë rolin e tij në mbështetjen e përpjekjeve që synojnë krijimin e sigurisë së përhershme për gjeneratat e ardhshme.

    “Këtë do ta bëj në koordinim të plotë me të gjithë aktorët relevantë, përfshirë BE-në, OKB-në, OSBE-në dhe përfaqësuesit e institucioneve të Kosovës dhe organeve të saja të sigurisë”, ka thënë Ristuicca.

    Takimi që Ristuicca ka mbajtur në Bruksel me udhëheqësit më të lartë të NATO-s është zhvilluar tri ditë para mbajtjes së planifikuar të zgjedhjeve lokale në veri të Kosovës.

    Serbët kanë bërë të ditur se nuk do të marrin pjesë në këto zgjedhje, ndërsa autoritetet kosovare konfirmojnë se zgjedhjet do të mbahen.

    Në margjinat diplomatike, çështja e zgjedhjeve konsiderohet të jetë një çështje e nxehtë politike dhe e sigurisë.

  • Mickey De Hara padit skenaristin Guy Ritchie, shkas filmi “The Gentlemen”

    Mickey De Hara padit skenaristin Guy Ritchie, shkas filmi “The Gentlemen”

    Filmi ‘’The Gentlemen’’ po del të jetë shkas i një padie që po përballet Guy Ritchie me skenaristin Mickey De Hara.

    Ky i fundit pretendon se regjisori kishte kopjuar skena nga skenari që ai i kishte dorëzuar atij dikur.

    Në padi thuhet se De Hara pretendon se Guy Ritchie e kishte angazhuar atë të shkruante vazhdimin e filmit RockNRolla, duke i thënë të bazohej në përvojat e tij nga jeta personale.

    Sipas aktorit, pasi i kishte dëguar skenarin Ritchie-t, ai i kishte thënë se projekti është anuluar.

    Por, në filmin The Gentlemen aktori thotë se mund të vërehet përdorimi i skenarit të tij dhe kopjimi i personazheve. Aktori Mickey De Hara kërkon 250,000 dollarë për plagjiaturë./atvlive.tv./

    Për më shumë ndiqni videon e mëposhtme:

    https://youtu.be/2HAXNIM98gg?t=6076

  • Kylie Jenner shpalosë detaje për jetën e saj private

    Kylie Jenner shpalosë detaje për jetën e saj private

    Në një intervistë së fundmi, Kylie Jenner shpalosi më tepër detaje për jetën e saj private për të cilën flitet mjaft shumë.

    Ajo tha se nuk ka ndonjë plan për të zgjeruar familjen e saj, duke thënë se gjërat që ndodhin spontanisht mund të kenë një arsye të veçantë.

    Kylie rrëfeu se ndjehet me fat që përjetoi shtatzëninë dhe të qenurit nënë.

    Tutje theksoi se njerëzit kanë krijuar përshtypje për të që ka shumë operacione plastike në fytyrë duke lënë të nënkuptohet që është një grua e pa sigurt.

    ‘’Përkundrazi jam shumë e sigurt në veten time. E vetmja gjë që nuk ndihesha mirë ishin buzët e mia dhe po, kam bërë ndërhyrje dhe jam shumë e lumtur’’, u shpreh ajo.

    Më tej rrëfeu momentet kur sheh se si dy fëmijët e saj ngjasojnë me të duke thënë se kjo gjë bën që ajo të jetë mirënjohëse për atë se si është.

    ‘’Asnjëherë nuk kam qenë më e lumtur se tani. Sa më shumë që rritem, jam shumë më mirënjohëse për jetën, familjen, shoqërinë dhe mundësitë që kam’’- përfundoi Jenner./atvlive.tv./

    Për më shumë ndiqni videon e mëposhtme:

    https://youtu.be/2HAXNIM98gg?t=5986

  • Jamie Foxx në gjendje të rëndë shëndetësore

    Jamie Foxx në gjendje të rëndë shëndetësore

    Jamie Foxx është shtruar në spital në Gjeorgji, pasi vajza e tij kishte kuptuar se ai ishte në një gjendje të rëndë shëndetësore.

    Duke mos zbuluar detaje, vajza tha se babai i saj kishte pasur një problem me shëndetin dhe theksoi se meqë kanë vepruar shpejtë dhe falë kujdesit të madh ndaj tij, po bën që aktori të jetë sa më afër shërimit.

    Gjatë kohës kur ishte në gjendje të keqe shëndetësore, Jamie ishte duke xhiruar filmin “Back in Action”, së bashku me aktoren Cameron Diaz.

    Sipas një burimi për CNN, gjendja e tij nuk ishte përkeqësuar në set, ashtu siç ishte raportuar në disa gazeta online.

    Përndryshe xhirimet e filmit “Back in Action” kanë përfunduar këtë javë dhe pritet të transmetohet në Netflix vitin e ardhshëm./atvlive.tv/

    Për më shumë ndiqni videon e mëposhtme:

    https://youtu.be/2HAXNIM98gg?t=5922

  • Hetemi kërkon votën e qytetarëve për ndryshim në Leposaviq: Ofrojmë rend dhe ligj

    Hetemi kërkon votën e qytetarëve për ndryshim në Leposaviq: Ofrojmë rend dhe ligj

    Kandidati për kryetar të Komunës së Leposaviqit nga Lëvizja Vetëvendosje, Lulzim Hetemi, ka folur lidhur me kandidimin e tij dhe arsyen pse qytetarët duhet ta votojnë në zgjedhjet e jashtëzakonshme të 23 prillit që do të mbahen në veri. Me të në krye, ai tha se do të lindë dielli për të gjithë banorët e kësaj komune.

    Në një intervistë për KosovaPress, Hetemi ka përmendur problemet e shumta me të cilat ballafaqohen qytetarët e Komunës së Leposaviqit, me theks fshatrat shqiptare Bistricë, Cerajë dhe Koshtovë, ndërsa potencoi nevojën e rindërtimit të shtëpive atje.

    ‘Ne ofrojmë rend dhe ligj, qeveria na ka përkrahur… Neve na duhet siguria, institucionet dhe komunën ta funksionalizojmë për qytetarët, pa marrë parasysh shqiptarë, serbë etj… Problemet janë të shumta… shtëpitë nuk janë rindërtuar atje, nuk janë meremetuar, njerëzit nuk kanë mundësi për të investuar… Janë edhe disa probleme tjera ku qeveria na ka premtuar se do të na ndihmojë dhe do të ecim përpara’, ka thënë Hetemi.

    Ai ka deklaruar se gjendja e sigurisë në atë komunë, sidomos në tre fshatrat shqiptare, nuk ka qenë më e mirë asnjëherë dhe se incidente ndëretnike nuk ka pasur kurrë.

    Hetemi tha se ka kushte për mbajtjen e zgjedhjeve të dielën dhe se nuk beson se do të ketë incidente në veri ditët në vijim.

    “Siguria nuk ka qenë më në nivel asnjëherë. Unë kam shkuar në Leposaviq, Leshak, janë disa incidente, por ato ndodhin çdo vend, janë disa incidente mes tyre… Incidente ndëretnike nuk ka pasur kurrë… Duke analizuar situatën muajt e fundit, nuk besoj se do të ketë incidente. ka me shku gjithcka në rregull… Ka (kushte për mbajtjen e zgjedhjeve), edhe MPB-ja na ka ofruar siguri dhe ma merr mendja se kjo do të funksionojë dhe do të ketë rregull deri sa të kalojnë zgjedhjet”, tha ai.

    Kandidati i Lëvizjes Vetëvendosje për kryetar të Komunës së Leposaviqit apelon qyetetarët, shqiptarë dhe serbë, që më 23 prill të ushtrojnë të drejtën e tyre për të votuar.

    “Dilni votoni të dielën qytetarë shqiptarë të fshatrave Bistricë, Cerajë dhe Koshtovë. Por, ftoj edhe qytetarët serbë të dalin në komunën e tyre, në të cilën do të lindë dielli pas sa viteve, në mënyrë që ta kemi një komunë demokratike, pa dhunë dhe incidente”, apeloi ai.

    Zgjedhjet e jashtëzakonshme në katër komunat veriore do të mbahen këtë të diel. Në Komunë e Leposaviqit janë 13 mijë e 318 qytetarë me të drejtë vote.

  • Rusia kërkon të rikthehet në garat e UEFA-s

    Rusia kërkon të rikthehet në garat e UEFA-s

    Rusia shpreson që sa më shpejtë të hiqet ndalesa e vendosur dhe ajo të rikthehet në garat që organizohen nga UEFA.

    Sekretari i përgjithshëm i Federatës Ruse të Futbollit, Maxim Mitrofanov, ka thënë se kërkesa për t’u bashkuar me Konfederatën Aziatike nuk është marrë në konsideratë, sepse ajo ishte duke negociuar një rikthim në UEFA.

    “Ne jemi duke negociuar me UEFA-n për të hequr ndalesën dhe për t’u rikthyer. Negociatat janë të vështira, janë biseda të gjata që kanë vazhduar për disa kohë,” tha ai për agjencitë e lajmeve RIA dhe Tass. “UEFA nuk dëshiron të na humbë dhe ne nuk duam të largohemi nga UEFA”, theksoi ai.

    Rusia u përjashtua nga të gjitha garat e UEFA-s pas nisjes së invazionit të Ukrainë.

  • Gjyqi i Speciales në Hagë: Edhe sot dëshmon anëtari i LDK-së

    Gjyqi i Speciales në Hagë: Edhe sot dëshmon anëtari i LDK-së

    Sot në Dhomat e Specializuara të Kosovës në Hagë vazhdon gjyqi në rastin “Thaçi dhe të tjerët. Sot do të jetë seanca e fundit për këtë javë.

    Edhe sot dëshmon dëshmitari i dytë i Prokurorisë në rastin ndaj Hashim Thaçit, Kadri Veselit, Jakup Krasniqit e Rexhep Selimit.

    Edhe të mërkurën, seanca thuajse tërë kohën ishte e mbyllur për publikun dhe me përmbajtje të redaktuar.

    Në pak minuta sa ishte e hapur, avokati i Kadri Veselit, Ben Emmerson, ka propozuar dy prova të reja.

    Ai propozoi një video e cila i është treguar dëshmitarit gjatë seancës private, si dhe dy paragrafë të lexuar nga letra e komandantit Crossland, lidhur me situatat nga Rahovec. Dëshminë e tij, ky dëshmitar do ta vazhdojë edhe të enjten.

    Në rastin ndaj Hashim Thaçit, Kadri Veselit, Jakup Krasniqit dhe Rexhep Selimit, në javën e kaluar filloi procesi i paraqitjes së provave nga ana e Zyrës së Prokurorisë Speciale, respektivisht me dëgjimin e dëshmitarëve.

    Ndryshe aktakuza e parë kundër katër të akuzuarve u konfirmua më 26 tetor 2020 dhe u bë publike më 5 nëntor 2020. Më 22 korrik 2021, Gjykatësi i Procedurës Paraprake, përmes dy vendimeve, miratoi pjesërisht mocionet e Mbrojtjes dhe urdhëroi ZPS-në që të korrigjojë dhe ndryshojë aktakuzën, mes tjerash, duke përjashtuar përgjegjësinë e ndërmarrjes së përbashkët kriminale III për krime me synim konkret (tri apele kundër këtij vendimi, të dorëzuara nga Thaçi, Selimi dhe Krasniqi, u hodhën poshtë nga Gjykata e Apelit më 22 gusht 2022).

    ZPS-ja e dorëzoi aktakuzën e ndryshuar më 3 shtator 2021. Më 23 dhjetor 2022, Gjykatësi i Procedurës Paraprake miratoi kërkesën e ZPS-së për ndryshim të aktakuzës me qëllim që të përfshijë një numër akuzash të reja, konkretisht qendra ndalimi të tjera në komunën e Suharekës, incidente të reja të përndjekjes dhe vrasjes së paligjshme në Gjilan, si dhe incidente të reja të pjesëmarrjes personale të të akuzuarit në krimet për të cilat akuzohet.

    Pas hedhjes poshtë të apeleve të Thaçit dhe Veselit kundër këtij vendimi prej Panelit të Gjykatës së Apelit më 22 mars 2022, ZPS-ja dorëzoi versionin e redaktuar publik të aktakuzës së ndryshuar më 29 prill 2022. Më 22 korrik 2022, Gjykatësi i Procedurës Paraprake miratoi, pjesërisht, kërkesën e Mbrojtjes së Thaçit që pretendon mangësi në aktakuzën e fundit dhe gjithashtu urdhëroi ZPS-në që, deri më 30 shtator 2022, të parashtrojë aktakuzën e ndryshuar më tej, me informacion shtesë lidhur me akuzat aktuale. Informacioni shtesë ka të bëjë me emrat e autorëve të drejtpërdrejt të krimeve, viktimave dhe vendodhjeve përkatëse në paragrafet konkrete në aktakuzën aktuale.

    Më 29 shtator 2022, Gjykatësi i Procedurës Paraprake miratoi kërkesën e ZPS-së për tërheqjen nga aktakuza të pretendimeve për krime në komunën e Ferizajt dhe urdhëroi ZPS-në që të pasqyrojë këtë tërheqje të akuzave në aktakuzën e ndryshuar më tej, e cila u dorëzua më 30 shtator 2022. Një version më pak i redaktuar i aktakuzës u dorëzua më 27 shkurt 2023. Aktualisht, kjo është aktakuza në fuqi për këtë çështje.

    “Sipas aktakuzës, krimet e paraqitura në të u kryen më së paku prej marsit 1998 deri në shtator 1999 në disa vendndodhje në Kosovë, si edhe në Kukës dhe Cahan, në Shqipërinë Veriore. Pretendohet se këto krime u kryen nga anëtarë të UÇK-së kundër qindra civilëve dhe personave që nuk merrnin pjesë në luftime. Në aktakuzë pretendohet se Thaçi, Veseli, Selimi dhe Krasniqi kanë përgjegjësi penale individuale për krime që u kryen në kontekstin e një konflikti të armatosur jo ndërkombëtar në Kosovë dhe ishin pjesë e një sulmi gjerësisht të përhapur dhe sistematik kundër personave që dyshoheshin se ishin kundër UÇK-së”, njoftojnë Dhomat e Specializuara të Kosovës.

  • Parashikimi i motit me Erza Hotin

    Parashikimi i motit me Erza Hotin

    Sot në vendin tonë, moti do të jetë kryesisht i kthjellët dhe me diell. Temperatura minimale do të jetë në Prishtinë me 4 gradë Celsius, ndërsa ajo maksimale në Prizren me 16 gradë Celsius.

    Edhe dita e nesërme do të jetë me mot të kthjellët.

    Temperatura minimale do të jetë në Mitrovicë me 5 gradë Celsius, ndërsa ajo maksimale në Prizren me 18 gradë Celsius.

    Parashikimin e plotë të motit me Erza Hotin në ALARM të ATV-së, mund ta gjeni në videon e më poshtme:

  • Itali: Vritet me thikë një 38-vjeçare shqiptare

    Itali: Vritet me thikë një 38-vjeçare shqiptare

    Një ngjarje tragjike ka ndodhur në Pavia të Italisë.

    Një 38-vjeçare shqiptare është gjetur e vdekur në shtëpinë e saj në Itali pasditen e së mërkurës rreth orës 17:00.

    Sipas mediave italiane, viktima është identifikuar si Anila Ruçi, ndërsa ka mbetur i plagosur personi që jetonte me të, Osman Bilyhu, 38 vjeç, i cili mori plagë në qafë, krah dhe stomak.

    Shqiptarja u vra me thikë në fyt në shtëpinë ku jetonte në Scaldasole në provincën e Pavias.

    Personin që jetonte me të, shqiptarja e kishte prezantuar si vëllanë e saj.

    Alarmin për vrasjen e ngriti estetistja me të cilën Anila Ruci kishte lënë takim dhe kur kjo e fundit nuk kishte shkuar, ajo kishte njoftuar policinë.

    Dëshmia e të mbijetuarit që po trajtohet në spital do të mund të zbulojë më shumë detaje për ngjarjen e rëndë.

    Hetuesit po hetojnë ende marrëdhënien mes shqiptares dhe personit që aktualisht ndodhet në poliklinikën San Matteo në Pavia.

    Viktima punonte si kujdestare për të moshuarit dhe kishte rreth një vit që jetonte në Scaldasole./Top Channel

  • ​Avokati serb: Në Serbi po arrestohen kundërshtarët e Srpskas, një ish-polic në mesin e tyre

    ​Avokati serb: Në Serbi po arrestohen kundërshtarët e Srpskas, një ish-polic në mesin e tyre

    Avokati nga Beogradi, Ivan Niniq thotë se ata serbë që nuk mbështesin Listën Serbe vazhdojnë të persekutohen nga regjimi i Alekasandar Vuçiqit, shërbimet e sigurisë dhe Milan Radoiçiqi.

    Niniq tregon rastin e ish-zyrtarit të Policisë së Kosovës, Dragan Nikokoliq që është arrestuar nga shërbimi i sigurisë SBPOK.

    “Regjimi në Beograd dhe shërbimet e sigurisë vazhdojnë të persekutojnë serbët që nuk mbështesin të ashtuquajturën Lista Serbe, Radoiçiqin dhe Vuçiqin”, tregon Niniq.

    “Dragan Nikoliq (1975) nga Leposaviqi, baba i tre fëmijëve, deri vonë polic në Policinë e Kosovës, u arrestua nga SBPOK të hënën (10 prill) në vendkalimin Jarinje”, thekson ai.

    “Dragani akuzohet nga Shërbimi Kundër Terrorizmit dhe VJT Beograd se ka kryer veprën penale: shoqërimi për veprimtari anti-kushtetuese (neni 319, paragrafi 2) dhe thirrja për shkelje të rendit kushtetues (neni 309, paragrafët 1 dhe 3)”, shton Niniq.