Blog

Klan Kosova ka njoftuar se Agjencia për Regjistrimin e Bizneseve të Kosovës (ARBK) ka anuluar vendimin e një dite më parë, i cili anulonte vendimin për pezullimin e certifikatës së biznesit për këtë televizion.

Sipas Klan Kosovës, në këtë vendim, theksohet se ushtruesja e detyrës së drejtoreshës Pranvera Prestreshi është zënë nën rrethana të konfliktit të interesit, meqë ka familjar një avokat që, sipas ARBK-së punon për Klan Kosova, por që televizioni ka thënë se ky fakt nuk qëndron.

Prestreshi është raportuar se është shkarkuar nga pozita e u.d. drejtoreshës, kurse në vend të saj është emëruar znj. Lebibe Haliti, që është motra e deputetit të Lëvizjes Vetëvendosje, Enver Haliti.

Vendimi ka edhe këshillën juridike, në të cilën thuhet se “pala e pakënaqur mund të ushtrojë ankesë në Komisionin për Shqytimin e Ankesave për Regjistrimin e Bizneseve në kuadër të Ministrisë së Industrisë, Ndërmarrësisë dhe Tregtisë, brenda afatit prej 30 ditësh nga dita e pranimit të Vendimit”.

Klan Kosova ka shprehur habinë me këtë vendim të ri të ARBK-së, brenda më pak se 24 orë prej vendimit të parë dhe do të ndërmarrë të gjithë hapat ligjorë që ta kthejë ligjshmërinë në këtë çështje.

“Klan Kosova vazhdon të besojë se veprimet e ditëve të fundit, si dhe ky i sotmi, janë tendencë e qartë për të pamundësuar veprimin e medias së pavarur dhe shprehjes së fjalës së lirë. Klan Kosova, si dhe deri më tash, edhe për këtë hap do t’i njoftojë të gjitha organizatat dhe institucionet e medias dhe gazetarëve në vend dhe në botë, përfaqësitë diplomatike dhe misionet ndërkombëtare të akredituara në Kosovë”, thuhte tnë njoftim.

Presidentja Vjosa Osmani i ka shprehur ngushëllime familjes Nimani dhe gjithë komunitetit akademik e kulturor për ndarjen nga jeta të dorëshkruesit të Deklaratës së Pavarësisë së Kosovës, profesorit e artistit, Shyqri Nimani.

Sipas Osmanit, ai ishte një intelektual i jashtëzakonshëm, pasioni dhe përkushtimi i të cilit frymëzoi studentë të panumërt.

“Fjalët e skalitura nga ai në pergamenë, janë testament për brezat që do të vijnë dhe kujtim i përhershëm për të”, ka thënë Osmani.

“Për një kontribut të tillë, sikurse edhe atë në fushën e arteve, z.Nimani më 17 shkurt të këtij viti është dekoruar me Medaljen Presidenciale të Meritave”, ka shtuar ajo.

Tutje, ajo ka thënë se veprimtaria e tij do të mbetet dëshmi e përkushtimit, pasionit dhe besimit të palëkundur në fuqinë transformuese të artit e të kulturës.

Presidenti zviceran Alain Berset, 51-vjeçar, tha sot se do të dalë në pension në fund të vitit dhe do të largohet nga qeveria shumëpartiake pas 11 vitesh. Berset, si president dhe ministër i shëndetësisë ka raporte të mira me komunitetin shqiptare në Zvicër si dhe bashkëpunim të mirë me Prishtinën dhe Tiranën. “Shqiptarët në Zvicër janë shembull suksesi dhe integrimi”, ka thëne presidenti zviceran Berset në bisedën e fundit për gazetën zvicerane në shqip le Canton27.ch.

Vitin e kaluar në samitin botëror në Davos, ai takoi kryeministrin Albin Kurtin, të cilit i tha se “Zvicra mbështet fuqishëm anëtarësimin e Kosovës në KE dhe integrimet evropiane”. Të njëtin vit, ai kishte vizitur edhe Shqipërinë.

Alain Berset: Jo dorëheqje, por njoftim se do të largohem nga qeveria në fund të vitit

Presidenti i konfederatës z.Berset, gjatë një konference shtypi në Bernë njoftoi se nuk do të kandidojë më në zgjehdjet e përgjithshme që do të mbahen në tetor.

“Nëse do të qëndronit më shumë se 12 vjet, kjo do të ishte shumë e gjatë, atëherë do ta konsideronit veten të pazëvendësueshëm”, tha Berset, i cili aktualisht është anëtari më jetëgjatë i kabinetit.

Presidenti zviceran njoftoi largimin e tij nga qeveria të mërkurën. Në krye të Departamentit Federal të Brendshëm që nga viti 2012, ish-ministri socialist do të largohet në fund të vitit, pas tre legjislaturave.

Kryetari i Partisë Demokratike të Kosovës, Memli Krasniqi, përmes një postimi në rrjetin social Facebook, ka treguar se dje ka pranuar nga presidentja Vjosa Osmani një letër me të cilën e ka ftuar në takim, pas një propozimi nga kryetari i AAK-së.

Krasniqi ka thënë se për shkak të indiferencës së Osmanit në raport me zhvillimet e fundit dhe për shkak të neglizhimit të obligimit të saj kushtetues për të garantuar unitetin qytetar, për të ruajtur marrëdhëniet me partnerët strategjikë ndërkombëtarë dhe për të vepruar si institucion mbi palët, ka refuzuar ftesën e saj.

“Dje kam pranuar nga Presidentja Osmani një letër me të cilën më ka ftuar në takim, pas një propozimi nga Kryetari i AAK-së. Ndërkohë, gjatë këtyre ditëve të vështira për Kosovën, me indinjatë kam vërejtur se Presidentja ka qëndruar e heshtur dhe ka neglizhuar obligimin e saj kushtetues për të garantuar unitetin qytetar, për të ruajtur marrëdhëniet me partnerët strategjikë ndërkombëtarë dhe për të vepruar si institucion mbi palët. Prandaj, duke u nisur nga këto, por edhe arsye të tjera që i kam shtjelluar në letrën e përgjigjes sime, e kam parë të udhës që ta refuzoj pjesëmarrjen në këtë takim”, ka shkruar Krasniqi.

Deputeti i Aleancës për Ardhmërinë e Kosovës, Pal Lekaj në interpelancën ku është ftuar për raportimin ministri i Financave, Hekuran Murati tha se qeveria Kurti ka dështuar në menaxhimin e shtetit.

Sipas deputetit Lekaj ka ministri që kanë zero investime kapitale.

“Kjo qeveri ka dështuar në menaxhimin e shtetit pasi në të gjitha kategoritë buxhetore ku shpenzimet buxhetore kanë qenë ndër më të dobëtat në histori të vendit dhe kjo po vazhdon. Ministri me siguri i përmendi shifrat, por ministër para 1 jave e kam një statistikë ende ka ministri që zero ka investime kapitale”, tha ai.

Deputeti i AAK-së, Pal Lekaj tha se ndarjet buxhetore kanë qenë gabim dhe jo adekuate.

“Buxheti i shtetit nga qeveria Kurti në vazhdimësi po përgatitet nga pushteti i shumicës ku me injorancë e tendenca janë përjashtuar kërkesat e drejta të shoqërisë civile, sindikatave e deputetëve e institucioneve lokale. Realiteti tregon se ndarja buxhetore dhe shpenzueshmëria e parasë publike ka qenë gabim dhe jo adekuate ku buxhet nuk ka qenë buxheti që ka vlerësuar drejt mjekët, policët, mësimdhënësit, pensionistët dhe të gjithë profesionistët dhe nëpunësit që janë zyrtarë publik të shtetit. Nuk ka qenë buxheti që ka ndihmuar sektorin privat në rritjen e pagës minimale në shumën e nevojshme, nuk ka qenë buxheti që ka paraparë krijimin e sigurimeve shëndetësore”, tha ai.

Ministri i Financave, Punës dhe Transfereve, Hekuran Murati, në interpelancën e thirrur nga AAK, deklaroi se bazuar në të dhënat e Agjencisë së Statistikave të Kosovës ka rënie të theksuar të inflacionit.

Ai, seancën e sotme, në të cilën është kërkuar rishikimi i buxhetit dhe rritja e pagave në sektorin publik, e konsideroi si të panevojshme.

Ambasadori i SHBA-së, Jeffrey Hovenier, tha se pret që kryeministri Albin Kurti ta pranojë sot në Bruksel planin tre-pikësh të BE-së për deeskalim të situatës në veri, pasi sipas tij, kjo është mënyra e duhur për të ndalur tensionet.

“Është vështirë të them se çfarë presim, shpresa jonë është që të gjejmë një rrugë për përparim. BE-ja ka qenë e qartë dhe SHBA-ja e ka mbështetur pikëpamjen për planin tre-pikësh për të arritur deeaskalimmin në veri, të shkojmë në zgjedhje të parakohshme me pjesëmarrje të serbëve dhe të vazhdojmë me implementimin e plotë nga të dy palët të marrëveshjeve që janë arritur. Shpresa jonë është që kështu të dalim nga kjo situatë”, tha Hovenier në një intervistë për RTV21, pas takimit me presidenten Vjosa Osmani, me të cilën tha se biseduan për një numër problemesh, duke përfshirë situatën e tanishme në veri të Kosovës.

Hovenier tha se ekziston një zgjidhje afatshkurtër për deeskalim të situatës, që është plani tre-pikësh i BE-së.

Ambasadori tha se të gjithë aleatët perëndimorë e kanë përkrahur planin tre-pikësh dhe se nga Kurti presin që ta pranojë këtë dhe të veprojë në mënyrë të duhur.

“Ai është kryeministër nga zgjedhje demokratike të vendit, dhe ai ka përgjegjësi në atë drejtim. SHBA-ja, BE-ja, Mbretëria e Bashkuar dhe aleatët tanë në NATO dhe shumë të tjerë i kanë shprehur Kurtit pritjet tona se si ai do e menaxhojë situatën në veri. Siç e përmenda, ne të gjithë po e mbështetim planin tre-pikësh të BE-së dhe shpresa jonë është që ai ta pranojë këtë dhe të veprojë në mënyrë të duhur”, deklaroi Hovenier.

Kurti dhe presidenti serb Aleksandër Vuçiq pritet të takohen pasditen e sotme në Bruksel.

Deputeti i Lidhjes Demokratike të Kosovës, Armend Zemaj në seancën e sotme të Kuvendit u shpreh se menaxhimi i parasë publike nga qeveria Kurti ka qenë i dëmshëm.

Zemaj tha se qeveria Kurti ka dëshmuar paaftësi të thellë dhe propagandë të thellë.

“Menaxhimi i parasë publike i të hyrave dhe shpenzimeve buxhetore ka qenë i dëmshëm dhe po mbetet akoma si i tillë nuk është vlerësim opozitar por vlerësim i shumë të tjerëve që na monitorojnë qoftë FMN apo Banka Botërore. Duhet ta themi zëshëm se edhe në këtë temë pothuajse sikurse në të gjitha temat tjera kjo qeveri ka dëshmuar paaftësi të thellë, por ka dëshmuar propagandë të thellë dhe të fuqishme. Në vitin të tretë të qeverisjes Kurti që po flasim dy vite e kaluara apo përmbi 820 ditë qeverisje investimi më kapital i kësaj qeverisje mbetet ura një, dy, tri jo ura e Rakovinës që lidh Gjakovën, Klinës dhe Prishtinën por ura katër-metërshe e Saradranit në Istog kjo është mburrja juaj më e madhe”, tha ai.

Deputeti Zemaj u shpreh se kjo qeveri buxhetin e shteti e ka shndërruar në buxhet për lëmoshë.

“Buxhetin e shtetit me keqardhje e them se e keni shndërruar në buxhet për lëmoshë. Ndonëse ende nuk e dini se lëmosha nuk është zgjidhje, sepse zgjidhje mbeten investimet kapitale dhe ato afatgjate. Ne si LDK nuk ka rast dhe krizë që nuk kemi ofruar ide për zgjidhje adekuate dhe do të vazhdojmë pavarësisht sjelljes suaj të ofrojmë një të tillë edhe pse ju nuk dëgjoni”, theksoi ai.

Kryeministri i Kosovës, Albin Kurti ka zhvilluar një takim me Papa Françeskun këtë të enjte, në Vatikan.

Në këtë takim kryeministri u shpreh falënderues dhe shumë i lumtur për mikpritjen kaq dashamirëse.

Ai tha se Republika e Kosovës është e përcaktuar për paqe, dialog dhe bashkëpunim.

“Me Papa Françeskun, biseduan për rininë dhe ardhmërinë, për figurën, veprën dhe trashëgiminë e Nënës Terezë, për Letnicën e Vitisë ku asaj i erdhi thirrja për devocion, dhe për bashkëjetesën multi-fetare në Kosovë. Kryeministri më tej e njoftoi Atin e Shenjtë edhe për suksesin demokratik dhe ekonomik të vendit, dhe për arritjet e qeverisjes së deritanishme, duke theksuar faktin që jemi qeveria e parë që po ndanë shtesa për nënat lehona dhe fëmijët deri në moshën 16 vjeç, si politikë mbështetëse për ta”, njoftoi zyra e kryeministrisë.

Për besimin e tij, kryeministri Kurti tha se politika është shërbim, teksa e ftoi Shenjtërinë e tij, Papa Françeskun që ta vizitojë Kosovën, pas rikuperimit të shpejt dhe të mirë nga operacioni kirurgjik që kishte së fundmi. Ata u pajtuan se duhet që përherë të jemi pranë e me popullin i cili ka nevojë për dashuri dhe drejtësi.

Kjo ishte vizita e parë zyrtare e kryeministrit Kurti në Vatikan dhe takimi i parë i tij me Atin e Shenjtë, Papa Françeskun.

Gjenevë, 22 qershor -Në qendrën ndërkombëtare ne Gjeneve, në Palexpo, me Dhomën Ndërkombëtare të Tregtisë (ICC), CCIG dhe Federatën e saj Botërore të Dhomave (WFC) janë duke u zhvilluar punimet e Kongresit të 13-të Botëror të biznesit, fondacioneve dhe Dhomave të Tregtisë nga mbarë bota. I organizuar çdo dy vjet në një kontinent tjetër, kjo është hera e parë që Kongresi Botëror po mban punimet në Gjenevë, njofton gazeta zvicerane në shqip Le Canton27.ch

Vincent Subilia, Drejtor i Përgjithshëm i Dhomës së Tregtisë, Industrisë dhe Shërbimeve të Gjenevës dhe Anëtar i Këshillit të Madh të Gjenevës, në një intervistë për ATV dhe gazetën zvicerane në shqip Le Canton27.ch përveç samitit botëror, ai flet edhe për aktiviteteve të Dhomës së Tregtisë, Industrisë dhe Shërbimeve të Gjenevës si dhe për bashkëpunimin e CCIG me Tiranën dhe komunitetin shqiptare në Gjenevë si dhe imazhin e tyre në Zvicër në fushën e biznesit dhe tregtisë.

CCIG në Gjenevë, ka më shumë se 2500 kompani anëtare, mes tyre edhe shumë shqiptarë, kryesisht nga Kosova dhe Shqipëria.

Drejtori i Përgjithshëm i ICC Vincent Subilia fillimisht për gazetën Le Canton27.ch rreth kongresit ne fjalë shpjegon se ”në këtë samit ndërkombëtar për tre dite rresht do te jete bota ne një miniature ne Gjeneve sepse këtu po marrin pjese mbi 1500 personalitete nga mbare planeti. Në kongresin botëror në Gjenevë Kosova e privilegjuar, kemi ftuar një ministrinë mesin e personaliteteve amerikane, te OKB-së, Interpol-it etj.. Pra, në këtë konference botërore është ftuar edhe Ministrja e Ekonomisë, Artane Rizvanolli e cila do te flas te premten e ardhshme para qindra mysafire te ftuar përfaqësues te vendeve botërore dhe organizatave ndërkombëtare. 12,000 dhomat anëtare të rrjetit ose sektori publik. Një mundësi e shkëlqyer për kompanitë që të zhvillojnë famën e tyre dhe të krijojnë marrëdhënie biznesi. Do të theksojmë veçanërisht rëndësinë e kompanive që luajnë një rol jetik në rigjallërimin e multilateralizmit për një të ardhme të begatë. ”

“Më shumë se 140 folës dhe rreth 40 sesione, seminare ose konferenca do të trajtojnë tendencat dhe sfidat globale aktuale dhe të ardhshme që përcaktojnë aktivitetet e dhomave të tregtisë dhe kompanive. Një pjesë e sesioneve do të mbahen në gjuhën frënge por edhe në gjuhë angleze…” ka shtuar z.Subilia.

I përqendruar në temën “multilateralizmi në shërbim të paqes dhe prosperitetit”, sipas drejtorit gjeneral te ICC-së ne Gjenevë” ky Kongres synon të nxjerrë në pah rolin e biznesit si një nga hallkat e multilateralizmit, në mënyrë që të parashikojmë së bashku një të ardhme më të qëndrueshme dhe më të begatë për të gjithë. Ai do të nxjerrë në pah gjithashtu rolin jetik të Dhomave të Tregtisë, të cilat punojnë për t’i shërbyer ekonomisë dhe bizneseve.”

Në temën e multilateralizmit, është planifikuar të vizitohet Organizata Botërore e Tregtisë (OBT), Komiteti Ndërkombëtar i Kryqit të Kuq (KNKK). Sa i përket Gjenevës, inovacioni, Këshilli Evropian për Kërkime Bërthamore (CERN) dhe Campus Biotech janë në agjendë. Dhe kur bëhet fjalë për qëndrueshmërinë, zhytja në kantierin detar GeniLac, një nga më inovativët për sa i përket qëndrueshmërisë.

“CCIG ka raporte të mira me Tiranën. Komuniteti shqiptarë në Gjenevë dhe Zvicër është një pasuri e madhe ekonomike që duhet vlerësuar…” ka thënë ne vazhdim z. Vincent Subilia, Drejtor i Përgjithshëm i Dhomës së Tregtisë.

Sipas drejtorit te CCIG z.Subilia ” me mbështetjen e Ambasadës së Republikës së Shqipërisë në Bernë dhe në bashkëpunim të ngushtë dhe me angazhimin e plotë të Dhomës së Tregtisë Shqipëri-Zvicër me qendër në Gjenevë, një delegacion nga Dhoma e Tregtisë, Industrisë dhe Shërbimeve të Gjenevës (CCIG) kemi vizituar Tiranën ku kishte zhvilluar një aktivitet të dendur me përfaqësues të tregtisë dhe kompanive të rajonit. Një bashkëpunim të tillë e kemi tash edhe me qeverinë re te Kosovës, ku kemi ftuar ministren e ekonomisë znj.Artane Rizvanolli.”

Ministri i Financave, Punës dhe Transfereve, Hekuran Murati, në interpelancën e thirrur nga AAK për të raportuar, deklaroi se bazuar në të dhënat e Agjencisë së Statistikave të Kosovës ka rënie të theksuar të inflacionit.

Ai, seancën e sotme, në të cilën po kërkohet rishikim i buxhetit dhe rritja e pagave në sektorin publik e konsideroi si të panevojshme.

Murati tha se niveli i inflacionit për muajin maj është 5.5%, derisa në korrikun e vitit të kaluar niveli i inflacionit ka qenë 14%.

“Sipas ASK, për muajin maj niveli i inflacionit është 5.5% kemi rënie të theksuar në raport kur në vitin e kaluar në muajin korrik kishte arritur niveli prej 14%. Çmimi i naftës sillet përafërsisht 1,25 cent, plus-minus varësisht se ku e blen çmimi i gruri ka rënë në 20-25 cent që është përgjysmim i nivelit që kishim para një viti kur filloi lufta në Ukraninë çmimi i vajit po ashtu litri mund të merret po ashtu me 1.20 cent. Gjitha këto komentet për të cilat thuhej se po ndikojnë në rritjen e çmimit të bukës dhe produkteve të tjera tashmë i kemi në nivelin e parainflacionit. Por, çmimet tjera nuk kanë rënë dhe kjo na tregon nuk kemi të bëjmë me inflacion të importuar, por kemi të bëjmë kryekëput me lakmin e tregtarëve për të rritur marzhat e fitimit dhe për këtë e kemi sjell ligjin por që po pret në Gjykatën Kushtetuese”, theksoi ai.

Ministri i Financave, Punës dhe Transfereve e nisi fjalimin e tij duke demantuar disa të dhëna të shpalosura nga iniciuesi i kësaj interpelance, AAK.

“Në vitin 2019 para pandemisë total pagesat që kanë 2.1 miliardë euro. Në vitin 2022 total pagesa kanë qenë 2.6 miliardë euro pra janë 500 milionë euro më tepër dhe është e pavërtetë të thuhet se ka pas 500 milionë euro më pak. Nuk di kah po i merrni këto shifra e ku po bazoheni. Nëse thu nënekzekutimi tek kapitalet ajo ka ndodh çdo vit dhe ajo kryesisht tek projektet që janë me klauzolë të investimeve, të cilat janë mjete nga kredit. Mirëpo, tërësia e kontributit publik duhet të shihet sa ka shpenzim buxheti si tërësi”, theksoi ai.

Sa i përket ligjit të Pagave, ministri e Financave, Hekuran Murati tha se vitin e ardhshëm koeficienti do të bëhet 110 dhe se po i qëndrojnë prapa premtimit të tyre.

“Rritja e tërësishme e buxhetit për pagat e sektorit publik është 16% dhe tanimë nivelin e pagave në sektorin publik mesatare e kemi bruto 720 euro apo rreth 100 euro më tepër sesa ligjit të ri të pagave dhe koeficientit 105 euro. Për më tepër gjithnjë duke qëndruar përbrenda kornizës ligjore ne kemi thënë që për vitin e ardhshëm projektbuxheti i ri do të jetë 110 dhe kësaj i qëndrojmë prapa. E konsideroj të panevojshme dhe të painformuar madje një seancë të tillë që kërkon që tash të ndryshohet diçka për të cilën ne kemi shkuar në maksimum sa i përket vitit aktual. Rritja ekonomike këtë vit parashihet të jetë rreth 5% në tre mujorin e parë shifra ka dal 3.91% kemi trend pozitiv dhe trend gradual përderia bie shkalla e inflacionit normal që kemi rritje normale të ekonomisë”, theksoi ai.

Tutje, ministri Murati tha se në Kosovë çmimi për energjinë elektrike është më i ulëti në rajon dhe se kanë subvencionuar 200 mijë familje.