ATV

Blog

  • ​Temperaturat deri në 42 gradë në këto qytete të Shqipërisë

    ​Temperaturat deri në 42 gradë në këto qytete të Shqipërisë

    Ri-aktivizimi i valëve të të nxehtit afrikan do të kushtëzojë në Shqipëri sërish mot të kthjellët dhe shumë të nxehtë.

    Problematike situata nga temperaturat ekstremisht të larta do të jenë në zonën midis Elbasanit deri poshtë në Berat ku termometri do të ngjitet serish në 42 gradë C.

    Orët e vona të mbrëmjes do të sjellin vranësira të lehta e kalimtare vetëm në zonat Verilindore dhe Juglindore.

    Temperaturat e ajrit do të rriten sërish në mëngjes dhe në mesditë duke luhatur vlerat ditore nga 21°C deri në 41°C.

    Era do te fryjë e lehtë në tokë dhe në det duke arritur shpejtësinë 28 km/h nga drejtimi Perëndimore, kjo do të bëjë që në brigjet detare të krijohet dallgëzim i ulët./ TCh/

  • ​Edhe SHBA zhuritet nga i nxehti, 51 gradë Celsius në Death Valley

    ​Edhe SHBA zhuritet nga i nxehti, 51 gradë Celsius në Death Valley

    Në SHBA, nga Florida në Kaliforni përmes Teksasit, pjesa më e madhe e vendit është ende nën kontrollin e një vale të nxehti, e cilësuar si “dërrmuese” nga shërbimet meteorologjike, të cilat parashikojnë rekorde të reja të temperaturës.

    Në Death Valley, Kaliforni, termometri u ngjit në 51C mbrëmë, ndërsa sot priten 54C.

    Krahas temperaturave të larta, Kalifornia Jugore po digjet nga disa zjarre ende të ndezura, të cilat tashmë kanë shkatërruar më shumë se 1 214 hektarë dhe kanë çuar në evakuimin e popullsisë.

    Disa zona në Arizona, por edhe në Kaliforni, Utah dhe Nevada janë në një nivel paralajmërimi “magenta”, një “nivel i rrallë dhe/ose afatgjatë i nxehtësisë ekstreme” që përfaqëson nivelin maksimal të paralajmërimit kombëtar të shërbimit të motit.

    Rënia e temperaturave nuk duket ende në horizont.

    Pjesë të tjera të SHBA janë në rrezik të motit të keq.

    “Stuhitë, shirat e dendur dhe përmbytjet janë të mundshme në shumë vende, veçanërisht në New England, e cila tashmë është ngopur me shirat e fundit”, raporton Shërbimi Kombëtar i Motit.

    ”Përmbytjet e shpejta vranë tre persona dje në një qark në veri të Filadelfias, Pensilvani, dhe katër persona të tjerë raportohen ende të zhdukur”, thanë zjarrfikësit lokalë.

    Në Kanada, më shumë se 10 milionë hektarë tokë janë djegur tashmë në tym këtë vit.

    ”Sipas një raporti, 906 zjarre ishin ende aktive ditën e djeshme, duke përfshirë 570 jashtë kontrollit”, sipas të dhënave nga Qendra Kanadeze e Zjarrit. /ANSA/

  • Dy të arrestuar për tentim vrasje

    Dy të arrestuar për tentim vrasje

    Zyrtarët policor nga stacionit policor Jugu në Prishtinë, kanë arrestuar dy persona të dyshuar për rastin “Vrasje në tentativë”.

    Sipas Policisë, ngjarja ka ndodhur dje rreth orës 10:30, në lagjen “Përroi i njelmët” në Prishtinë , me ç’ rast, viktimat kishin pësuar lëndime trupore nga një mjet i mprehtë që dyshohet të jetë përdorur nga të dyshuarit e përfshirë në rast.

    “Ndërkohë që kanë vazhduar veprimet hetimore të policisë, janë identifikuar dhe arrestuar të dyshuarit; V. S, mashkull, 27 vjeç, shtetas i Republikës së Kosovës, si dhe A. Z, mashkull, 22 vjeç, shtetas i Republikës së Kosovës, ndaj të të cilëve policia ka iniciuar një hetim në drejtim të veprës penale “Vrasje në tentativë” dhe me aktvendim mbi ndalimin e personit të dyshuar, të nxjerrë nga ana e prokurorit të shtetit, të njëjtit janë dërguar në mbajtje prej 48 orësh”, thuhet në njoftim.

  • Lajçak paralajmëron takimin Bislimi-Petkoviq

    Lajçak paralajmëron takimin Bislimi-Petkoviq

    Emisari Special i Bashkimit Evropian në dialogun Kosovë-Serbi Miroslav Lajçak, e ka paralajmëruar takimin në mes të kryenegociatorëve të dyja vendeve, Besnik Bislimit dhe Petar Petkoviqit, që pritet të mbahet javën e ardhshme.

    Lajçak tha se është duke e përgatitur mbajtjen e këtij takimi.

    Ai u shpreh i lumtur se janë bërë hapa konkrete drejt shtensionimit të situatës në veri.

    Ai tha se janë shkëmbyer mendime dhe u përgatit për takimin e ardhshëm në Bruksel.

  • Presidenca paralajmëron analizimin e Ligjit për pagën minimale

    Presidenca paralajmëron analizimin e Ligjit për pagën minimale

    Një ditë më parë përfaqësues të veteranëve të UÇK-së kërkuan nga presidentja Osmani që të mos e dekretojë Ligjin për Pagën Minimale, i cili nuk u garanton atyre pension në lartësinë e pagës së re.

    E, në Presidencë thanë se ligji do të analizohet sapo Kuvendi t’ua dërgojë. Ndërkaq, juristët tregojnë rrethanën kur ligji mund t’i kthehet Kuvendit.

    Në Presidencë ende nuk ka shkuar Ligji për Pagën Minimale, i cili nuk ua garanton veteranëve të UÇK-së pensionin në lartësinë e pagës së re.

    Veteranët kërkojnë që presidentja Vjosa Osmani të mos e dekretojë ligjin dhe t’ia kthejë Kuvendit.

    Në institucionin më të lartë të shtetit thanë se ligji do të trajtohet ngjashëm sikur të tjerat që u shkojnë nga Kuvendi.

    “Ligji është ende në Kuvendin e Kosovës dhe nuk ka ardhë në Presidencë. Kur të vjen, do të analizohet sikurse edhe ligjet e tjera”, ka thënë këshilltari i presidentes, Bekim Kupina.

    Njohësi i çështjeve ligjore, Anton Nrecaj, numëron arsyet të cilat mund të ndikojnë tek presidentja që t’ia kthejë Ligjin Kuvendit.

    Nrecaj rikujton se edhe nëse ligji dekretohet nga deputetët, atij mund t’i kontestohet kushtetutshmëria në Gjykatën Kushtetuese.

    Një numër i madh ligjesh janë rrëzuar në Kushtetuese deri tash, ndërkaq kanë qenë të pakta rastet kur ato i janë kthyer Kuvendit nga presidenti i shtetit. Por presidenti ka të drejtën e kthimit të një ligji në Kuvend vetëm një herë, dhe në rast se përmbajtja e njëjtë i vjen për dekretim, ai nuk mund të refuzohet më.

  • Nuk ka pritje të gjata në pikëkalimet kufitare

    Nuk ka pritje të gjata në pikëkalimet kufitare

    Për shkak të situatës në veri, Qeveria ditë më parë u kishte bërë thirrje bashkatdhetarëve që ta shmangin rrugën nëpër Serbi për të ardhur në Kosovë. Ndonëse në masë më të vogël, bashkatdhetarët edhe këtë vit po e shfrytëzojnë rrugën nëpër Serbi.

    Megjithatë, shfrytëzimi më i pakët i kësaj rruge, ka bërë që në pikëkalimin kufitar në Merdar të mos ketë pritje të gjata.

    Bashkatdhetari Safet Mehmetaj, kaloi përmes pikëkalimit kufitar ndërmjet Kosovës dhe Serbisë në Merdar. Ai arriti në Kosovë pas shumë orë në rrugë nga Gjermania.

    Megjithatë, rruga e mërgimtarëve për të ardhur në Kosovë nuk është e lehtë. Endrit Bullatovci, që ka ardhur nga Gjermania, flet për vështirësitë e kësaj rruge të gjatë.

    “Jo të gjithë i shfrytëzojnë makinat për të ardhur në Kosovë. Të tjerë zgjedhin të vinë me autobus”, ka thënë Bullatovci.

    Sipas Qendrës Kombëtare për Menaxhim Kufitar, pritjet për të hyrë dhe për dalë nga Kosova, si në Merdar, ashtu edhe në pikëkalimet tjera kufitare nuk janë më të gjata se 5 minuta.

    Pas tensioneve në veri të vendit, Qeveria u ka bërë thirrje bashkatdhetarëve që t’i shmangin pikëkalimet kufitare me Serbinë, për të shmangur çfarëdo incidenti, dhe t’i shfrytëzojnë rrugët tjera alternative për udhëtim.

  • Evropa “pushtohet” nga vapa përvëluese, ekspertët ngrejnë alarmin: Temperaurt do të shkojn në 50°C

    Evropa “pushtohet” nga vapa përvëluese, ekspertët ngrejnë alarmin: Temperaurt do të shkojn në 50°C

    Prej disa ditësh e gjithë Europa është përfshirë nga një masë e të nxehtit afrikan, por sipas ekspertëve vala përvëluese pritet të vijojë edhe përgjatë javës së ardhshme edhe në të tjera shtete të botës.

    Eksperët paralajmërojnë rritje temperaturash të cilat në disa shtete pritet të arrijnë në 50 gradë celcius.

    Lajmin e kanë bërë të ditur mediate huaja, sipas të cilave Evropa Jugore dhe Afrika Veriore do të “pushtohen” nga moti i nxehtë.

    Temperaturat në këto vende do të arrijnë kulmin rreth 45 gradë celsius, por pjesë të Afrikës veriore mund të arrijnë edhe 50 gradë Celsius.

    Pjesët jugore të SHBA-së dhe Meksika veriore do të vuajnë gjithashtu temperatura shumë mbi mesataren për pjesën më të madhe të javës së ardhshme. Temperaturat atje do të jenë rreth 40 gradë Celsius dhe nuk do të zbresin nën 30C.

    Në Kanada parashikohen stuhi të forta, të cilat sjellin tornado, breshër dhe shi të dendur.

    India, nën-kontinenti dhe pjesët perëndimore të Mianmarit do të përfshihen nga reshje të dendura shiu, deri në 50 cm në pesë ditë.

    Kina jugore do të ndjejë efektet e stuhisë tropikale Talim, e cila ka të ngjarë të zbresë në tokë pranë provincës Hainan të hënën vonë ose herët të martën.

    Më shumë përmbytje të lumenjve ka të ngjarë të ketë në Korenë e Jugut. Shira të dendur priten gjithashtu në Japoninë e afërt.

  • Batatina: Për më shumë se dy vite kam potencuar se futbolli kosovar ka ngritje të madhe

    Batatina: Për më shumë se dy vite kam potencuar se futbolli kosovar ka ngritje të madhe

    Trajneri i futbollit, Tahir Batatina thekson se futbollit kosovar ka vite që ka avancuar në nivele shumë të larta.

    “Ka më shumë se dy vite që kam potencuar se futbolli i Kosovës ka ndryshuar rrënjësisht, ka avancuar në nivel shumë të lartë. Nuk mund të themi se kemi arritur në nivelin e Anglisë apo Gjermanisë, mirëpo jemi në nivel pothuajse të njëjtë me shtetet përreth”, tha Batatina në Ekipi A.

    Për më shumë mund të ndiqni emisionin e plotë:

  • Morina: Nuk mundemi me e ndërru çdo gjashtë muaj ekipin

    Morina: Nuk mundemi me e ndërru çdo gjashtë muaj ekipin

    Trajneri i futbollit, Arbnor Morina thekson se te Ballkani për më shumë se tre vite skuadra është paraqitur me pothuajse lojtarët e njëjtë.

    “Hapi i parë për me e bë ekipin e mirë është që bazamenti i ekipit të jetë me kontrata afatgjate. Mandej në ndërkohë klubi duhet të zgjedh diçka çka i nevojitet, pastaj gjatë rrugës hynë edhe dikush tjetër për ta rritur konkurencën”, tha Morina në Ekipi A.

    Për më shumë mund të ndiqni emisionin e plotë:

  • Dragusha: Ballkani e fitoi ndeshjen për shkak të guximit të trajnerit

    Dragusha: Ballkani e fitoi ndeshjen për shkak të guximit të trajnerit

    Analisti i futbollit, Muhamet Dragusha thekson se Ballkani e mposhti Ludogorets për shkak të guximit të shfaqur në rreshtimin e lojtarëve të Ilir Dajës.

    “Lojën Ballkani e fitoi me guximin e trajnerit. Pasi guximi i trajnerit iu kundërvy kundërshtarit me monedhën e njëjtë. Me të njëjtin rreshtim si të Ludogorets luajti edhe Ballkani”, tha Dragusha në Ekipi A.

    Për më shumë mund të ndiqni emisionin e plotë: