ATV

Blog

  • Bërnabiq: “Ballkani i Hapur” ka një të ardhme të ndritur, nuk besoj se Rama është kundër

    Bërnabiq: “Ballkani i Hapur” ka një të ardhme të ndritur, nuk besoj se Rama është kundër

    Kryeministrja e Serbisë, Ana Bërnabiq, ka folur për iniciativën “Ballkani i Hapur”, duke thënë se beson se edhe vendet e tjera do t’i bashkohen kësaj nisme.

    Bërnabiq ka komentuar edhe deklaratat e kryeministrit të Shqipërisë, Edi Rama për Ballkanin e Hapur.

    Ajo ka thënë se Rama nuk është kundër nismës dhe se e ardhmja e Ballkanit të Hapur është e ndritur dhe e sigurt.

    “Pavarësisht disa deklaratave dhe nuk besoj se kryeministri shqiptar Edi Rama është kundër nismës “Open Balkans”, mendoj se ka folur për këtë në konferencën e fundit për shtyp me presidentin serb Aleksandar Vuçiq. Ndaj besoj se e ardhmja e kësaj nisme është e ndritur dhe e sigurt.” – ka thënë Bërnabiq, e cila pritet të takohet nesër me Ramën në Tiranë, në takimin e liderëve të Ballkanit Perëndimor.

    Këtë ajo e deklaroi në një fjalim të përbashkët me kryeministrin e Maqedonisë së Veriut, Dimitar Kovaçevski, me të cilin vizitoi pikën e shitjes mobile OPEN BALKAN – mbledhjen elektronike të tarifave, në stacionin e pagesës së Preshevës, në drejtim të Maqedonisë së Veriut, raporton N1.

    Tutje, Bërnabiq ka thënë se edhe vendet si Kroacia e Greqia dëshirojnë t’i bashkohen nismës.

    Edhe kryeministri i Maqedonisë Veriore, ka thënë se ardhmja e Ballkanit të Hapur është e ndritshme.

    “E ardhmja e Ballkanit të Hapur është e ndritshme. Të gjithë do të jemi pjesë e Bashkimit Evropian një ditë, në një ceremoni si kjo sot.” – ka thënë Kovaçevski.

    Në anën tjetër, ditë më parë kryeministri i Shqipërisë, Edi Rama, e ka shpallur të mbyllur “Ballkanin e Hapur”

    Kosova nuk është pjesë e kësaj nisme.

  • Mehaj njofton blerjen e dronëve Bayraktar: Kosova duhet të jetë vendi i 33 që anëtarësohet në NATO

    Mehaj njofton blerjen e dronëve Bayraktar: Kosova duhet të jetë vendi i 33 që anëtarësohet në NATO

    Ministri i Mbrojtjes, Armend Mehaj, ka reaguar për blerjen e dronëve Bayraktar ngs Turqia. Ai ka thënë se blerja e armatimit ka qenë prioritet i tij kryesor.

    “Dronat Bayraktar janë lloji më i fundit i armatimit të cilat i kemi blerë, posedimit i të cilave kam vlerësuar së është i domosdoshëm për mbrojtjen e vendit tonë.”

    Mehaj ka shkruar se procesi i blerjes së dronëve nuk ka qenë i lehtë, mirëpo shton se ka pasur përkrahjen e Kurtit dhe Qeverisë.

    “Ky proces nuk ka qenë i lehtë, por me mbështetjen e pakursyer të Kryeministrit Kurti, të Qeverisë dhe gjithashtu mbështetje të fuqishme ndërkombëtare me të cilë do të vazhdojmë të rrugëtojmë krahë për krahë gjithmonë, kemi arritur të përmbyllim me sukses edhe këtë projekt madhështor.”

    Ministri Mehaj ka përmendur edhe UÇK-në.

    “FSK-ja me shpirtin luftarak të trashëguar nga UÇK-ja dhe me pajisjet moderne që po i sigurojmë çdo ditë, bëhet ushtri e pathyeshme dhe garantuese e paqes.”

    Ai ka thënë se Kosova “duhet të jetë” vendi i 33 që anëtarësohet në NATO.

    Postimi i plotë:

    Ushtria jonë pajiset me dronë Bayraktar!

    Që nga dita kur kam marrë mandatin si ministër në Qeverinë Kurti -II-, prioriteti im kryesor ka qenë blerja e armatimit dhe pajisja e FSK-së me armatim modern të teknologjjsë së fundit, të cilat gjithnjë janë sipas standardeve të NATO-së.

    Dronat Bayraktar janë lloji më i fundit i armatimit të cilat i kemi blerë, posedimit i të cilave kam vlerësuar së është i domosdoshëm për mbrojtjen e vendit tonë.

    Ky proces nuk ka qenë i lehtë, por me mbështetjen e pakursyer të Kryeministrit Kurti, të Qeverisë dhe gjithashtu mbështetje të fuqishme ndërkombëtare me të cilë do të vazhdojmë të rrugëtojmë krahë për krahë gjithmonë, kemi arritur të përmbyllim me sukses edhe këtë projekt madhështor.

    Megjithatë, këto nuk janë pajisjet e vetme që kemi në posedim, në jemi furnizuar e vazhdojmë të furnizohemi çdo ditë për të ngritur kapacitetet tona, projektet në vazhdim do të jenë hapa të mëdhenjë drejt zhvillimit të forcës tonë.

    FSK-ja me shpirtin luftarak të trashëguar nga UÇK-ja dhe me pajisjet moderne që po i sigurojmë çdo ditë, bëhet ushtri e pathyeshme dhe garantuese e paqes.

    Republika e Kosovës duhet të jetë vendi i 33 që anëtarësohet në NATO, detyrat tona në këtë rrugë do t’i kryejmë me përkushtim dhe së bashku do ta realizojmë edhe këtë aspiratë.

    Ju faleminderit të gjithëve për mbështetje!

  • Kurti njofton për blerjen e dronëve Bayraktar

    Kurti njofton për blerjen e dronëve Bayraktar

    Kryeministri i Kosovës, Albin Kurti, të dielën ka njoftuar se janë blere dronë Bayraktar TB-2 nga Turqia.

    Ndonëse nuk ka treguar për numrin e dronëve të blerë, Kurti ka vlerësuar se Kosova tash është edhe më e sigurt. Ai e ka përgëzuar oficerët të cilët kanë kryer trajnimin për përdorimin e dronëve.

    “Arsenalit të ushtrisë sonë i kemi shtuar edhe dronë Bayraktar TB-2 të cilët i kemi blerë si Qeveri nga Turqia! Në dy vjet qeverisje e kemi shtuar për mbi 80% numrin e ushtarëve dhe mbi 100% buxhetin për ushtrinë. Kosova tash është edhe më e sigurt përveçse gjithnjë krenare! Me Komandantin e FSK-së gjenerallejtënant Bashkim Jashari dhe Ministrin e Mbrojtjes Armend Mehaj përgëzuam oficerët që e kanë kryer trajnimin për përdorimin e dronëve”, ka shkruar Kurti.

  • Çfarë janë dronët “Bayraktar TB2”, të cilët Kosova i bleu nga Turqia

    Çfarë janë dronët “Bayraktar TB2”, të cilët Kosova i bleu nga Turqia

    Kryeministri i Kosovës, Albin Kurti ka prezantuar sot (e dielë), dronët Bayraktar që Kosova i belu nga Turqia.

    Kurti tregoi sot se dronët e famshëm “Bayraktar” i janë shtuar arsenalit të FSK-së dhe se disa oficerë të ushtrisë tashmë e kanë kryer trajnimin për përdorimin e tyre.

    “Arsenalit të ushtrisë sonë i kemi shtuar edhe dronë Bayraktar TB-2 të cilët i kemi blerë si Qeveri nga Turqia!”, shkroi Kurti në Facebook.

    Kryeministri theksoi se në dy vjet qeverisje, kanë shtuar “për mbi 80% numrin e ushtarëve dhe mbi 100% buxhetin për ushtrinë”.

    Por çka janë dorënt Bayraktar dhe cilat janë specifikat e tyre?

    Dronët “Bayraktar TB2” bëjnë pjesë tek kategoria e dronëve më të mëdhenj.

    Droni “Bayraktar TB2” është zhvilluar në Turqi nga Selcuk Bayrakar, i diplomuar në Institutin e Teknologjisë të Masaçusetsit.

    Ai krahasohet me amerikanin Elon Musk, për avionin unik ushtarak që ka zhvilluar dhe për një prani në rrjetet sociale, ku shpesh është i egër ndaj kritikëve të tij.

    Bayraktar, i cili është shef i teknologjisë në kompaninë e mbrojtjes Baykar, më 2016 është martuar me vajzën e presidentit të Turqisë, Recep Tayyip Erdogan.

    “Bayraktar TB2” mund të qëndrojë në qiell deri në 27 orë dhe kjo mundësohet nga një motor i thjeshtë me helikë dhe po ashtu mund të fluturojë deri në 150 kilometra nga baza e tij.

    Kjo fluturake, po ashtu, mund të pajisjet me katër raketa të llojit të “mikro municioneve të mençura”, që janë mjaft të sakta për të shkatërruar automjete të blinduara nga disa kilometra distancë.

    Ky dron është zhvilluar në vitin 2014 nga firma Baykar.

    “Bayraktar TB2” është 6,50 metra i gjatë, 12 metra i gjerë dhe ka peshë 420 kilogram.

    Në modus autonom ai mund të ndizet pa drejtim të ndonjë koordinatori në tokë, mund të fluturojë drejt një objektivi të programuar, të bëjë zbulime, të kthehet mbrapsht dhe të ulet në tokë krejtësisht e pavarur.

  • “Rrnofsh sa malet” ekspozita që vjen në kuadër të Festivalit RLIOF

    “Rrnofsh sa malet” ekspozita që vjen në kuadër të Festivalit RLIOF

    RLIOF është duke shpalosë programin e edicionit të sivjetmë, dhe në kuadër të këtij edicioni do të prezantohet edhe një ekspozitë që ka për qëllim ruajtjen e natyrës.

    Kjo ekspozitë do të prezantohet në Galerinë e Fakultetit të Arteve dhe njoftimin e plotë mbi këtë ekspozitë mund ta lexoni më poshtë.

    Rrnofsh sa malet!

    Ç’të mbjellësh do të korrësh. “Kultura jonë e përçmon botën.” shkruan Michel Serres duke ju drejtuar qytetërimit perëndimor në veprën e tij të mirënjohur “Kontrata Natyrore”. Në të vërtetë, për shekuj me rradhë, natyra është përdorur si një burim i pashtershëm përfitimi ose si pronë për tu zaptuar dhe për tu këmbyer pastaj sërisht për përfitime. Pasojat nga kjo, shterimi i burimeve të ujit, tokat e ndotura, specie të florës dhe faunës që po zhduken, formësojnë jetën tonë. Bimët dhe kafshët kanë mbetur pothuajse pa frymë në hapësirat urbane të Kosovës. Shumica e peizazheve të bukura të natyrës së egër, janë të ndotura nga mbetjet plastike dhe mbeturinat. Po në këto territore, ka një sërë bimësh endemike si, Solenantë Krasniqi (solenanthus krasniqii) ose çaji i malit (sideritis scardica), të cilat janë në rrezik zhdukje për shkak të veprimtarisë njerëzore dhe zjarreve, përpara se për to, të mblidhen mjaftueshëm të dhëna për database-t botërore.

    Çfarë mund të propozojnë praktikat artistike për të ndryshuar këtë prespektivë të zymtë? Imagjinata e nxitur nga pikturat e peizazhit si gjini, mund të na frymëzojë të lidhemi me gjallesat përtej njerëzores nga të cilat rrethohemi dhe të mos nënçmojmë rëndësinë e tyre. Që në lashtësi, pikturat e peizazhit kanë ndikuar fort në mënyrën se si njerëzit vëzhgojnë, lidhen, përvetësojnë dhe imagjinojnë tokën. Qasjet e ndryshme të peizazhit Kosovar, të paraqitura në “Rrnofsh sa malet”, na zbulojnë përjetime herë të grysura e herë shumëngjyrëshe, të provokuara nga këto pamje. Shumë male të Kosovës vazhdojnë të magjepsin artistë të brezave të ndryshëm. Por mbi të gjitha, këto vizione artistike nxjerrin në pah atë çfarë duhet të kultivohet në të ardhmen, një kulturë që vlerëson bashkëjetesën e botës me të gjitha të mirat e saj. Prandaj, ekspozita jonë e Festivalit RLIOF, me tematikën “Opera për Liri” – duke mbështetur betejën e mbrojtjes së mjedisit krahas zgjidhjes së shumë konflikteve njerëzore – vjen me uratën, Rrnofsh sa malet!

  • Gjykata nuk e pranon kërkesën e Prokurorisë: Lirohet avokati Besnik Berisha

    Gjykata nuk e pranon kërkesën e Prokurorisë: Lirohet avokati Besnik Berisha

    Gjykata Themelore në Ferizaj e ka refuzuar kërkesën e Prokurorisë për caktimin e masës së paraburgimit për avokatin Besnik Berisha.

    Atij i është caktuar masa që të mos i afrohet personave të caktuar, në këtë rast dëshmitarëve të këtij rasti.

    Lajmin e ka konfirmuar për Nacionalen avokati i Berishës, Naim Rudari.

    “Gjykata e ka refuzuar kërkesën e Prokurorisë. I është caktuar masa e ndalimit për t’iu afruar personave të caktuar”, ka thënë Rudari.

    Berisha ishte në mesin e disa të arrestuarve që dyshohen për ushtrim të ndikimit, pengim i procedurës penale dhe dhënia e ndihmës në kryerjen e veprave penale.

  • Serbia nuk shfaqet në fushë, Kosova siguron finalen e Ballkanikut U22

    Serbia nuk shfaqet në fushë, Kosova siguron finalen e Ballkanikut U22

    Kombëtarja U22 e Kosovës, femrat, në Beach Volley ka siguruar finalen e madh të Kampionatit Ballkanik, pasi Serbia refuzoi të shfaqej në fushë për t’u ndeshur me “Dardanet” në përballjen gjysmëfinale.

    Ndeshja ishte paraparë të luhej sot me fillim nga ora 8:30 në mëngjes, mirëpo, ekipi serb nuk doli në fushë për përballje me vashat tona, të cilat tash kualifikohen në finale.

    Në finalen e madhe, Kosova do të ndeshet me Turqinë 1, sot, e dielë, me fillim nga ora 16:50.
    SHPËRNDAJE

  • Një burrë u alivanos në rrugë, vdiq në QKUK

    Një burrë u alivanos në rrugë, vdiq në QKUK

    Një burrë u alivanos derisa ishte duke ecur dje në rrugë, ndërsa vdiq pasi u dërgua në Qendrën Klinike Universitare të Kosovës-QKUK.

    Vdekja e viktimës u konstatua nga mjeku.

    “Suharekë 15.07.2023 – 10:17. Është raportuar se viktima mashkull kosovar derisa kishte qenë duke ecur këmbë ishte alivanosur dhe nga disa kalimtarë rasti ishte dërguar në QKMF Malishevë, pastaj me ndihmë të shpejtë në QKUK i cili më pas edhe ka ndërruar jetë, vdekjen e të cilit e ka konstatuar mjeku.”, informoi Policia.

    Njësitë relevante policore po merren me rastin, derisa u njoftua prokurori, me urdhrin e të cilit trupi i pajetë i viktimës u dërgua në IML për obduksion.

  • Plani pesëpikësh i Kurtit – Ekspertët thonë se përbën shkelje kushtetuese

    Plani pesëpikësh i Kurtit – Ekspertët thonë se përbën shkelje kushtetuese

    Me fillimin e implementimit të planit pesë pikësh për normalizim të situatës, njohës të çështjeve politike dhe të drejtësisë po vlerësojnë se ka elemente të shkeljes së Kushtetutës nga e institucioneve, raporton Ekonomia Online.

    Në pikën 3 të planit, theksohet se: Policia e Kosovës dhe KFOR, apo EULEX-i do të kryejnë vlerësime të përbashkëta të sigurisë çdo 15 ditë për të garantuar ambient të sigurt për të gjithë.

    E pikërisht kjo pikë po kontestohet nga analistët, teksa thonë se është shkelur neni 18 i Kushtetutës së Kosovës.

    Analisti politik, Afrim Kasolli, thotë se sipas normave kushtetuese në Kosovë, asnjë dorëzim i sovranitetit nuk mund të bëhen duke e përjashtuar Kuvendin e Kosovës.

    “Një çështje delikate sa i përket marrëveshjes që u proklamua nga Qeveria e Kosovës për shtensionim që thuhet se është arritur ndërmjet kryenegociatorit Bislimi me përfaqësuesin Lajçak, është sidomos tek pika 2, ku thuhet se ‘Policia e Kosovës do të bashkëpunojë me KFOR-in dhe EULEX-in për të monitoruar situatën e sigurisë në veri’. Sa i përket bashkëpunimin me KFOR-in, nuk kemi nevojë shumë ta interpretojmë sepse e dimë bazën legale të KFOR-it, mirëpo sa i përket bashkëpunimit me EULEX-in kjo bartë edhe një çështje shumë delikate sepse mos të harrojmë se është një shkelje e dyfishtë e sovranitetit të vendit”, u shpreh ai, teksa dha edhe një shpjegim për këtë.

    “Sepse vazhdimi i mandatit të EULEX-it është bërë vetëm përmes letër-këmbimit ndërmjet presidentes Osmani dhe përfaqësuesve të BE-së, duke e anashkaluar Kuvendin e Kosovës. Sipas normave kushtetuese në Kosovë, asnjë dorëzim i sovranitetit nuk mund të bëhen duke e përjashtuar Kuvendin e Kosovës. Praktikisht, Kuvendi i Kosovës, këtu është përjashtuar si mekanizëm i cili do ta legjitimonte vazhdimin e mandatit të EULEX-it në Kosovë”, thotë tutje Kasolli.

    Mendim të njëjtë ndanë dhe avokati Ardian Bajraktari. Ai për Ekonomia Online, thotë se çdo bartje e sovranitetit nga ana e institucioneve tona duhet domosdoshmërish të shkohet përmes ratifikimit në Kuvend.

    “Sa i përket çështjes së përfshirjes së mekanizmave qoftë të sigurisë por jo vetëm në çështjet që kanë të bëjnë me elementet edhe të sigurisë por edhe elemente tjera të natyrës për të cilat janë institucionet kushtetuese dhe ligjore të mandatuara për të ushtruar përgjegjësitë e tyre, çdo bartje e elementeve të sovranitetit nga ana e institucioneve tona tek institucionet dhe mekanizmat ndërkombëtar, këtë rast te EULEX-it, atëherë ka elemente që duhet domosdoshmërish të shkohet përmes ratifikimit në Kuvend sipas nenit 18 të Kushtetutës, ngase njëra prej elementeve ose aspekteve që duhet domosdoshmërish të kalojë përmes ratifikimit në Kuvend, është edhe bartja qoftë të një pjese apo edhe të sovranitetit të plotë”, thotë Bajraktari, teksa citon edhe nenin e Kushtetutës që e kërkon një gjë të tillë.

    “Në fakt kemi parë një zotim nga ana e institucioneve tona, mirëpo me sa kemi parë nuk ka ndonjë veprim konkret. Prapë po them, bartja e sovranitetit, ushtrimi i sovranitetit duhet të bëhet nga institucionet tona dhe në këtë rast, ushtrimi i kompetencave ekzekutive që ka pasur në të kaluarën EULEX-i, domosdoshmërish është kaluar përmes ratifikimit në Kuvend, siç parashihet me nenin 18 të Kushtetutës”, thotë ai.

  • Rama mbledh të hënën në Tiranë liderët e rajonit, Kurti s’dihet a merr pjesë

    Rama mbledh të hënën në Tiranë liderët e rajonit, Kurti s’dihet a merr pjesë

    Të hënën më 17 korrik, kryeministri i Shqipërisë Edi Rama do të presë në Tiranë në një takim informal liderët e rajonit si dhe komisionerin e BE-së për Zgjerimin dhe Fqinjësinë e Mirë, Oliver Varhelyin, mëson Report Tv.

    Takimi vjen në kuadër të përgatitjeve të Samitit për Procesin e Berlinit që do të mbahet në Tiranë më 16 tetor.

    Mediumi mëson se në takimin kanë konfirmuar pjesëmarrjen liderët e rajonit, kryeministri i Malit të Zi Dritan Abazoviq, kryeministri i RMV Dimitar Kovaçevski, kryesuesja e Këshillit të Ministrave të Bosnjës dhe Hercegovinës, dhe ajo e Serbisë, Ana Bërnabiq.

    Të njëjtat burime thonë se ende nuk është konfirmuar nëse do të vijë në takimin informal kryeministri Albin Kurti.

    Ky takim ishte paralajmëruar nga Edi Rama në turin Ballkanik të zhvilluar pak ditë më parë, ndërsa në Samitin e NATO-n në Lituani Rama konfirmoi edhe një vizitë të Presidentit francez, Emanuel Macron. Më 6 dhjetor 2022 në Tiranë u mbajt samiti i Ballkanit Perëndimor dhe Bashkimit Evropian.

    Procesi i Berlinit

    Procesi i Berlinit u ndërmor në vitin 2014 me iniciativën e ish-kancelares gjermane, Angela Merkel, me qëllim të lidhjes dhe integrimit të vendeve të Ballkanit Perëndimor përpara se të anëtarësohen në Bashkimin Evropian.

    Procesi i Berlinit shërben si një platformë për bashkëpunimin e nivelit të lartë ndërmjet përfaqësuesve zyrtarë të nivelit të lartë të së ashtuquajturës Gjashtëshja e Ballkanit Perëndimor, e cila përbëhet nga Shqipëria, Bosnje e Hercegovina, Mali i Zi, Kosova, Maqedonia e Veriut dhe Serbia.

    Procesi përfshin edhe institucionet e BE-së, institucionet financiare ndërkombëtare dhe shoqërinë civile në rajon.

    Samiti i ardhshëm do të organizohet në kryeqytetin shqiptar, Tiranë më 16 tetor 2023.