ATV

Blog

  • Prishtina e Ferizaj në hall me mbeturinat

    Prishtina e Ferizaj në hall me mbeturinat

    Hedhja e mbeturinave vend e pa vend është kthyer në një zakon në Prishtinë.

    Një gjende e tillë tash e sa ditë është në rrugën “Sylejman Vokshi”, fare pranë sheshit “Zahir Pajaziti”.

    Mbeturina nëpër tokë shihen edhe në rrugët e tjera në qendër të kryeqytetit.

    “Është zakonisht shqetësuese pamja me këto mbeturina. Ka nevojë kjo popullatë me u vetëdijesu. Sidomos gjatë ardhjes së mërgimtarëve niveli i mbeturinave rritet se mërgata blejnë sene shumë e ato dikun hidhen”, thotë një qytetar.

    Ndërkohë, nga Kompania Regjionale e Mbeturinave në Prishtinë, përmes një përgjigje me shkrim i kanë thënë ATV-së, se në muajt e verës ka më shumë telashe në mbarëvajtjen e situatës me mbeturina.

    “Meqenëse jemi në muajin korrik dhe afër muajit gusht në Prishtinë kemi rritje apo dyfishim të mbeturinave. Kjo për shkak edhe të numrit të madh të mërgimtarëve. Sa i përket përgjegjësisë qytetare në hedhje të mbeturinave më shumë kemi shqetësime tek hedhja e mbeturinave inerte dhe të vëllimshme të cilat shkaktojnë prishje në kamionët tanë gjithashtu e zënë vendin për hudhjen e mbeturinave ushqimore apo ditore. Ne vazhdimisht jemi në kapacitete të plota të punës në operimin e përditshëm. Ne operojmë 24 ore për 7 ditë të javës”, tha Petrit Reçica, kryeshef ekzekutiv në KRM “Pastrimi”, Sh.A-Prishtinë.

    Hiç më e mirë gjendja nuk është as në Ferizaj.

    Në segmentin rrugor “12 qershori”, kjo pjesë e cila është ndër më të frekuentuara vazhdon të jetë e mbushur me mbeturina nëpër tokë.

    Edhe në këtë qytetet, qytetarët kanë shprehur shqetësimet e tyre.

    “Papastërtia po është shumë e keqe. Po kanë faj qytetarët që nuk po i gjuajnë në kontenjera. Kena qytetar të pakulturun”, tha një qytetar.

    “Mbeturina ka nëpër qytet është kultura në nivel të ulët. Duhet mos me u gjujt cigare dhe letra në tokë”, tha një qytetar.

    Se me ardhjen e mërgimtarëve dhe sezonit veror, vështirësohet menaxhimi i mbeturinave, e thonë edhe nga Kompania Regjionale e Mbeturinave “Pastërtia” në këtë komunë.

    “Me ardhjen e verës dhe mërgimtarëve është rrit edhe niveli i mbeturinave. Ne si kompani i kemi marrë masat që me i dal ball kësaj situate”, tha Naim Nuhiu, shef ekzekutiv në KRM “Pastërtia”, Sh.A-Ferizaj.

    Sipas kompanive të pastrimit, problem tjetër vazhdon të jetë mungesa e kontejnerëve, për të cilat komunat kanë premtuar se së shpejti do të rrisin numrin e tyre. /atvlive.tv

    Edicionin Qendror të lajmeve në ATV e gjeni në videon më poshtë:

  • Shëtitorja e përkohshme e Fushë Kosovës, rruga “Dardania” shndërrohet në shesh për qytetarët

    Shëtitorja e përkohshme e Fushë Kosovës, rruga “Dardania” shndërrohet në shesh për qytetarët

    Që nga dje segmenti rrugor këtu në rrugën “Dardania”, në Fushë Kosovë është kthyer në një shëtitore për lëvizjen e lirë të këmbësorëve, ndërkohë për automjete është i ndaluar nga ora 20:00 deri në mesnatë.

    Zëdhënësi i Komunës së Fushë Kosovës, Ali Topalli tha se kjo po bëhet me qëllim që të kenë mundësi më të madhe qytetarët që të kalojnë kohën jashtë në hapësirat publike.

    “Disa vite radhazi kjo rrugë i plotëson kushtet që qytetarët ta shfrytëzojnë atë në orët e vona të mbrëmjes për ecje”, tha zëdhënësi në Komunën e Fushë Kosovës, Ali Topalli.

    Teksa shenja e vendosur ndalon lëvizjen e automjeteve përfshirë edhe taksitë, Topalli tha se të drejtë qarkullimi kanë autoambulancat në rastet urgjente.
    “Taksitë tani do të jenë në rrugët periferike, anësore ku do të punojnë në atë pjesë, ndërkohë kjo rrugë lejohet vetëm për autoambulancat në raste emergjente”, tha Topalli.

    Ky vendim po mirëpritet nga qytetarët.

    “Është shumë e qëlluar, mendoj se ksi ka vetëm në Fushë Kosovë. I përshtatet si të rejave e të rinjëve e po ashtu edhe të vjetërve”, tha një qytetar.
    Por një qytetar thotë se ka raste kur ky vendim shkelet.

    “S’respektohet edhe pse është shëtitore, hyjnë knena e andej kush se kqyr shenjën”, tha një tjetër qytetar.

    Ndryshe, nga Komuna e Fushë Kosovës bëjnë të ditur se policia do të jetë prezentë për mbarëvajtjen e sigurisë në atë pjesë. /atvlive.tv

    Edicionin Qendror të lajmeve në ATV e gjeni në videon më poshtë:

  • Turistët e huaj e vendasit po i përballojnë temperaturat e larta

    Turistët e huaj e vendasit po i përballojnë temperaturat e larta

    Nga 35 deri në 37 gradë celsius janë temperaturat maksimale këto ditë në Kosovë.

    Pavarësisht temperaturave të larta, moti i nxehtë nuk po i ndalon turistët e huaj ta vizitojnë Kosovën. Një të tillë e takuam në pishinën e Gërmisë, në të dielën më të nxehtë të këtij viti.

    “Është hera e parë që po e vizitoj Kosovën, por edhe Ballkanin, është një vend shumë i mirë, moti këto ditë është shumë i nxehtë, por ne jemi nga Kotor, Kotor është një vend më i nxehtë se Kosova, e që nuk e kemi problem, gjithashtu vendet atraktive që ka Kosova, po bëjnë që të harrojmë të nxehtin që po mbizotëron këto ditë”, tha Burak Atilkan, turist.

    Për dallim nga ata që kalojnë gjithë ditën në pishinë, një qytetar tregon se aty shkon vetëm paradite.

    “Po e përballojmë të nxehtit që po mbizotëron këto ditë, pasi që si të kryhet shkolla e notit i iku vapës së madhe dhe kthehem në shtëpi”, tha një qytetar.

    Në anën tjetër ka turistë edhe në qytet, të cilëve më shumë u bën përshtypje qyteti sesa i nxehti.

    “Këtu moti është pak nxehtë, por që po e përballojmë dhe se nuk e kemi problem, pasi që po bëjmë kujdes më të shtuar për shëndetin tonë kur ka temperatura më të larta, e që moti nuk po na ndalon të vizitojmë vendet e bukura që ka shteti i Kosovës”, tha Lena Dushk, turiste.

    Gjatë 24 orëve të fundit, në Klinikën e Pediatrisë 140 fëmijë kanë kërkuar ndihmë mjekësore si shkak i temperaturave të larta. Për kujdes të shtuar nga rrezet drekte të diellit kanë bërë thirrje edhe nga Instituti Hidrometeorologjik. /atvlive.tv

    Edicionin Qendror të lajmeve në ATV e gjeni në videon më poshtë:

  • 5 aksidente tren – veturë brenda gjashtë muajsh, shkaku kryesor është mungesa e sinjaleve ndriçuese

    5 aksidente tren – veturë brenda gjashtë muajsh, shkaku kryesor është mungesa e sinjaleve ndriçuese

    Brenda gjashtë muajve të këtij viti, në Kosovë kanë ndodhur 5 aksidente mes një treni dhe një veture. Në 2 raste, përveç dëmeve materiale, aksidentet përfunduan me fatalitet.

    Mungesa e sinjaleve ndriçuese është shkaktari kryesor për aksidente, numri i të cilëve vlerësohet se po rritet.

    “Moskoordinimi me sinjalet ndriçuese, ose mungesa totale e sinjaleve ndriçuese në rrugë, ku është dashur t’i kemi semaforët, te rruga ku kalon treni dhe t’i kemi sinjalizimin vertikal, te transporti mbi goma larg, por gjithsesi të jenë me barriera, aty ku ka frekuentim të automjeteve sidomos në zonën e qytetit, gjithsesi të ketë barriera”, tha eksperti i komunikacionit, Bekim Ahmeti.

    Qytetarët, të cilët duhet të kalojnë përmes hekurudhës ndihen të rrezikuar.

    “Kjo rrugë për mendimin tim është e rrezikshme, për shkak që nuk ka të vendosura barriera, edhe pse numri i trenave për të kaluar në këtë pjesë, është i ulët, por që janë shumë të shpejtë dhe të rrezikshëm. Në këtë pjesë numri i veturave që kalojnë është i lartë dhe nuk kemi mundësi të shohim kur kalon treni, pasi që nuk ka sinjalizues dhe ndihemi të rrezikuar gjithmonë”, tha një qytetar.
    “Këtu është rrezik për shkak që nuk ka barriera. Këtu shpeshherë kanë ndodhur edhe aksidente, ku treni e ka goditë veturën”, tha një tjetër qytetar.

    Sipas të dhënave të Policisë, gjatë vitit 2022 në Kosovë, janë raportuar 8 aksidente mes një treni dhe një veture, ndërkaq gjatë vitit 2021, 13 aksidente. /atvlive.tv

    Edicionin Qendror të lajmeve në ATV e gjeni në videon më poshtë:

  • 110 milionë euro investime kapitale, sipas ministrit Murati

    110 milionë euro investime kapitale, sipas ministrit Murati

    Disa ditë më parë, Ministri i Financave dhe Transfereve, Hekuran Murati ka publikuar deklarimin e 3 mujorit të dytë të vitit 2023 për Investime Kapitale. Sipas tij, ky tremujor ka shënuar nivelin prej 110 milionë euro, më i larti i regjistruar në vitet e fundit.

    Deklarimet e Muratit, po konsiderohen të pavërteta nga deputet të Lidhjes Demokratike të Kosovës.

    “Ministri i Financave, tentoj që tre mujorin e dytë të këtij viti ta paraqes si të suksesshëm. Por kishte harruar që ti shihte dhe ti krahasonte edhe tre mujorin e parë të këtij viti, duke përfshirë pra gjashtë mujorin e parë të këtij viti dhe ti krahasoj me vitet e kaluara. Nëse e shihini si të tillë, gjashtë mujori i parë i këtij viti në investimet kapitale sipas vetë raportit të ministrit të financave është diku rreth 150 milion euro. Por nëse e krahasoni po marr shembull me vitin 2017 investimet kapitale në gjashtëmujorin e parë të viti 2017 ishin 160 milion euro, pra ishin më të larta se sivjet, ndërsa në vitin 2018 ishin 182 milion euro”, tha deputeti i LDK-së, Besian Mustafa.

    Përveç deputetëve të LDK-së, edhe nga Aleanca nga Ardhmëria e Kosovës thonë se Qeveria po mashtron me shifra dhe rritje ekonomike.

    “Kjo është Qeveri e mashtrimeve dhe po mashtrojnë edhe me shifra edhe me rritje ekonomike edhe me norma ekonomike. Sepse kur analistët e caktuar dhe kur ekspertët e kësaj lamije po e thonë po del krejt e kundërta, ata po mundohen me shifra sikurse në çdo dikaster edhe në këtë dikaster po merren me mashtrime dhe po mashtrojnë opinionin e gjerë, sepse nuk ka investime të huaja, sepse në një vend me krizë të tillë politike nuk vjen askush të investoj dhe kjo është e ngjitur nga Albin Kurti dhe LVV-ja”, tha deputetja e AAK-së, Time Kadrijaj.

    Kadrijaj për më tepër thotë se si shkak i situatës së krijuar në veri, Qeveria po minimizon dëmet e shkaktuara në investime kapitale.

    “Nuk i kam parë këto shifra ende e do t’i studioj, nuk qëndron kjo e vrertët, sepse shqetësim për ne por edhe në takimet që i kemi pasur edhe me ambasadorët e vendeve të QUINT-it por edhe takime jashtë vendit kemi thënë që është shqetësues që niveli i investimeve të huaja në Kosovë ka rënë dukshëm sepse as ush nuk dëshiron në një vend ku shihet potencialisht që do të ketë krizë ose që do të ketë luftë. Kjo qeveri me këtë krizën që e ka krijuar po mundohet në këtë formë ti minimizojë dëmet që i ka shkaktuar vendit”, tha Kadrijaj.

    Mos efikasiteti në realizimin e investimeve kapitale, ka qenë një nga problemet e mëdha të Qeverisë Kurti II. Në tre mujorin e parë, rreth gjysma e ministrive,
    kishin zero përqind investime kapitale të realizuara, kurse pjesë tjetër ishte po ashtu në përqindje shumë të vogël.

    Efikasitet të ulët në realizimin e investimeve kapitale ka edhe në disa komuna të Kosovës. /atvlive.tv

    Edicionin Qendror të lajmeve në ATV e gjeni në videon më poshtë:

  • Takim kryenegociatorësh këtë javë në Bruksel

    Takim kryenegociatorësh këtë javë në Bruksel

    Pas takimit me emisarin e Bashkimit Evropian për dialogun Miroslav Lajçak ku edhe u dakorduan për pikat drejt depërshkalëzimit të situatës në veri, zëvendës kryeministrit Besnik Bislimi, pritet që gjatë javës të takohet me krye negociatorin serb në dialog Petar Petkovic.

    Bislimi e Petkovic pritet të dakrdohen për hapat e mëtejmë lidhur me depërshkallëzimin e situatës në veri pas marrëveshjes së fundit me BE-në.

    Megjithatë në këtë takim sipas njohësve të politikës, Kosova është në avantazh karshi Serbisë pasi që është ka marrëveshje me BE-në për ulje të tensioneve në veri, dhe kësisoj përgjegjësia mbetet tek pala serbe.

    “Kosova e gjuan topin si me thanë tek pala serbe dhe pritet që edhe pala serbe t’i thotë po këtij veprimi dhe në njëfarë forme të kemi një deeskalim të plot në veriun e Kosovës. Sigurisht që takimi i radhës mes Bislimit e Petkovicit do të jetë edhe një parapërgatitje për takimin e radhës mes Kryeministrit Kurti dhe Presidentit Vuçiq dhe kësisoj të jetë finalizim i plot i marrëveshjes”, tha analisti politik, Arbnor Sadiku.

    Mirëpo, kë të tillë që me skepticizëm e shohim takimin e javës së ardhshme.

    “Edhe nga takimi që pritet të mbahet mes zotit Bislimi dhe Petkovic e po ashtu nëse i hapet mundësia edhe një takimi të lartë në mes të presidentit Vuçiq e kryeministrit Kurti jam skeptik që mund të ketë lëvizje përpara për arsye se Serbia ashtu siç ka qenë e barikaduar rreth formimit të asociacionit të komunave me shumicë serbe do të vazhdoj ne avazin e vjetër duke u barikaduar po prapë në kërkesën e saj”, tha politologu, Fidan Ukaj.

    Me dakodrimin e fundit, pritet që në komunat veriore të ketë zgjedhje të reja që sipas Qeverisë do mbahen nga pas verës, kurse Policia tashmë e zvogëluar numrin e trupave në dhe përreth ndërtesave të komunave në veri të vendit.

    Tensionet në veri nisën në javën e fundit të majit kur kryetarët e zgjedhur shqiptar, pasi bënë betimin, tentuan të hynin në objektet e komunave për ta vazhduar detyrën.

    Nisma e tyre u kundërshtua nga banorët lokalë serbët që menjëherë u mblodhën para objekteve të komunave në Zveçan e Leposaviq, teksa pati përleshje mes tyre dhe policisë së Kosovë.

    Pas kësaj, kontrollin atje e mori KFOR-i, por që serbët sulmuan edhe ata, të hënë e 29 majit, ku me tjerash mbi 30 pjesëtarë të KFOR-it u lënduan.
    Që nga atëherë serbët vazhdimisht kanë dal pran objekteve të komunave në Zveçan e Leposaviq, ku në këtë të fundit kryetari Lulzim Hetemi nuk ka dal nga objekti i komunës, ndonëse janë bërë plot 52 ditë. /atvlive.tv

    Edicionin Qendror të lajmeve në ATV e gjeni në videon më poshtë:

  • Kosova pajiset me dronë “Bayraktar”

    Kosova pajiset me dronë “Bayraktar”

    Është zyrtare. Kosova është pajisur me dronë Bayraktar TB-2 të prodhimit turk.

    Edhe pse mediat në Kosovë më herët kishin paralajmëruar blerjen e pesë dronëve të këtillë, kryeministri Albin Kurti, e konfirmoi blerjen, por jo numrin e dhe koston totale.

    “Me Komandantin e FSK-së gjenerallejtnant Bashkim Jashari dhe Ministrin e Mbrojtjes Armend Mehaj përgëzuam oficerët që e kanë kryer trajnimin për përdorimin e dronëve”, ka shkruar Kurti.

    Ministri i Mbrotjes, Armend Mehaj në një postim në rrjete sociale ka përmendur se blerja e dronëve, është rezultat i vlerësimeve që janë bërë karshi mbrotjes së vendit.

    “Dronat Bayraktar janë lloji më i fundit i armatimit të cilat i kemi blerë, posedimit i të cilave kam vlerësuar së është i domosdoshëm për mbrojtjen e vendit tonë”, ka shkruar Mehaj.

    Duke marrë shembull efektin e dronëve në Ukrainë, eksperti i sigurisë, Avni Islami thekson nevojën që ka vendi për posedimin e kësaj tekonologjie ushtarake.

    “Forca e Sigursë së Kosovës në vazhdimëse pajiset me armatim modern. Dronë Bayraktar janë teknologjia e fundit ku vetëm kemi parë në Ukrainë se sa të suksesshme janë”, tha Islami.

    Teksa shprehet optimist që Forca e Sigurisë është në rrugë të mbarë drejt anëtarësimit në NATO, eksperti Islami tregon se me integrimin e pajisjeve të reja në, FSK prodhon edhe eksert të ri në përdorimin e tyre.

    “Kur ushtritë duan të pajisen me tekonologji të re, fillimisht ata mbajn trajnimi për përdorimin e atyre tekonologjive, rrjedhimisht Kosova tani ka njerëz që janë të specializuar në përdorimin e dronëve”, tha Islami.

    Droni Bayraktar TB-2, mundë të qëndroj në qiell për rreth 27 orë dhe të fluturojë 150 kilometra larg bazës prej nga komandohet llojit të “mikro municioneve të mençura”.

    Mirëpo, muaj më parë, kur blerja e dronëve nga Turqia ishte temë në Kosovë, presidenti serb Aleksandër Vuçiç, kishtë thënë se nëse Turqia e shet armë Kosovës, kjo do ndikojë në raportet mes dy vendeve.

    Kosova i bashkohet më shumë se 20 shteteve që kanë dronët Bayraktar në arsenalin e ushtrive të tyre. versione të ndryshme të këtij dronit janë përdorur në luftën e Ukrainës, ku ka marrë famë botërore dhe në luftën civile në Libi, luftën në Siri dhe në konfliktin ndërmjet Azerbajxhanit dhe Armenisë, në rajonin Nagorno – Karabah. /atvlive.tv

    Edicionin Qendror të lajmeve në ATV e gjeni në videon më poshtë:

  • Reuters shkruan për blerjen e dronëve Bayraktar nga Kosova

    Reuters shkruan për blerjen e dronëve Bayraktar nga Kosova

    Agjencia e lajmeve Reuters ka shkruar për blerjen e dronëve Bayraktar nga Kosova.

    Në një artikull, Reuters ka shkruar se “Kosova ka blerë një grumbull dronësh Bayraktar të prodhimit turk”, derisa ka cituar kryeministrin e Kosovës, Albin Kurti, i cili lajmin e dha përmes një postimi në Facebook.

    Reuters shkruan se dronët u blenë në kohën që sipas kësaj agjencia, Kosova po përballet me trazira në veri.

    Agjencia citon postimin e Kurtit, duke shkruar se “shpenzimet e fundit të sigurisë po e bëjnë vendin më të sigurt”.

    “Ai nuk dha numrin apo koston e dronëve, të parët e Kosovës, as nuk tha se për çfarë do të përdoren. Dronët Bayraktar kanë fituar popullaritet global pasi u përdorën nga ushtria e Ukrainës kundër forcave ruse”, thuhet në këtë artikull.

    Reuters shkruan se “Republika 15-vjeçare po ndërton një ushtri që synon përfundimisht të ketë 5,000 ushtarë të rregullt dhe 3,000 rezervistë. Aleanca ushtarake e NATO-s ka gjithashtu më shumë se 4,500 paqeruajtës në vendin me 1.8 milionë banorë. Në muajt e kaluar, Kosova është përballur me dhunën e saj më të keqe etnike në veri, ku jetojnë rreth 50,000 serbë etnikë, të cilët mbështeten nga Beogradi”.

  • Futbollistet e Kosovës vazhdojnë serinë e fitoreve

    Futbollistet e Kosovës vazhdojnë serinë e fitoreve

    Përfaqësuesja e Kosovës në futboll e ka shënuar fitoren e shtatë rresht. Futbollistet e Kosovës të dielën fituan 2:0 në miqësore ndaj Lihtenshtajnit. Ndeshja është luajtur paradite në Kampin Nacional të FFK-së në Hajvali.

    Kjo është seria më e suksesshme e Kosovës deri më tani. Por të gjitha shtatë fitoret janë në ndeshje miqësore. Në shkurt kishte fituar ndaj Estonisë, Hong-Kongut dhe Bullgarisë. Më pas në prill futbollistet e Kosovës fituan ndaj Letonisë dhe sërish ndaj Bullgarisë. Këtë javë, të përzgjedhurat e Anneli Andersen shënuan dy fitore ndaj Lihtenshtajnit.

    Tri ditë më parë Kosova fitoi 4:0 ndaj Lihtenshtajnit. Për ndeshjen e së dielës përzgjedhësja Andersen aktivizoi në përbërjen bazë lojtaret krejt tjera për dallim nga ndeshja e parë me Lihtenshtajnin. Kështu ajo ka aktivizuar të gjitha futbollistet që i kishte në grumbullim.

    “Edhe në ndeshjen e sotme Kosova e dominoi lojën që nga fillimi, por vapa e madhe ndikoi në paraqitjen e të dyja ekipeve”, ka njoftuar FFK-ja.

    Pjesa e parë përfundoi pa gola, ndërsa në pjesën e dytë, Kosova shënoi dy gola. Në minutën e 75-të Donjeta Halilaj shënoi me goditje nga zona për 1:0. Pesë minuta më vonë Rrezona Ramadani shënoi për 2:0.

    Ndeshjet me Lihtenshtajnin shërbejnë për ta përgatitur ekipin për edicionin e parë të Ligës së Kombeve. Kosova është në Ligën C, që i bie të jetë niveli i tretë. Në grup i ka Bullgarinë dhe Maqedonisë. Më 26 shtator luan në udhëtim ndaj Bullgarisë, ndërsa më 27 tetor prapa në udhëtim, përballet me MAqedonisë e Veriut. “Dardanet” e presin Maqedoninë e Veriut më 31 tetor, ndërsa më 1 dhjetor e presin Bullgarinë.

    Lihtenshtajni është përfaqësuese goxha e re. Me miqësore ka nisur në vitin 2021, ndërsa nuk ka ende ndeshje garuese. Vjet i ka humbur tri miqësore. Ndeshjet me Kosovën ishin të parat për këtë vit.

  • Evropa po përvëlohet nga vapa

    Evropa po përvëlohet nga vapa

    Temperaturat po u afrohen niveleve rekord në Itali, Spanjë dhe Greqi dhe vende të tjera. Metereologët parashikojnë temperatura të larta dhe për javët në vazhdim.

    Dhjetra qytete në të gjithë Evropën Jugore janë përfshirë nga valët e të nxehtit. Autoritetet paralajmërojnë për temperatura ekstreme që do të vazhdojnë edhe gjatë ditëve në vijim.

    Në Itali shpallën alarmin “të kuq” për shkak të nxehtësisë të paktën 16 qytete, ndër to edhe Roma, Firence dhe Bolonja.

    Të paktën 16 qytete në Itali shpallën alarmin “të kuq” për shkak të nxehtësisë Të paktën 16 qytete në Itali shpallën alarmin “të kuq” për shkak të nxehtësisë

    Në ishujt e Siçilisë dhe të Sardenjës pritet që temperaturat të shkojnë deri në 48 gradë Celsius. Sipas Agjencisë Evropiane të Hapësirës, satelitët e së cilës monitorojnë temperaturat e tokës dhe detit, këto do ta ishin temperaturat më të larta të regjistruar ndonjëherë në Evropë.

    Edhe në Greqi Akropoli u mbyll pjesërisht për disa orë, sepse Shërbimi Kombëtar Metereoligjik i Greqisë paralajmëroi se pjesë të vendit mund të përballen me temperatura deri në 44 gradë Celsius.

    Akropoli u mbyll pjesërisht për disa orë për të mbrojtur turistëtAkropoli u mbyll pjesërisht për disa orë për të mbrojtur turistët

    Sipas Shërbimit Kombëtar Metereoligjik të Greqisë valët e të nxehtit do të vazhdojnë edhe javën e ardhshme.

    Edhe Shërbimi Kombëtar Meteorologjik i Spanjës njoftoi se në lindje të Gadishullit Iberikdhe në ishujt Baleare temperaturat do të shkojnë mes 40 dhe 42 gradë Celsius.

    Sipas shkencëtarëve denduria dhe niveli i valëve të të nxehtit janë rritur në mënyrë të qëndrueshme për shkak të efekteve të ndryshimeve klimatike./DW