7 mijë e 500 euro është raportuar se është paga me të cilën artisti Gani Jakupi paguhet nga Qeveria, për pozitën e këshilltarit në Ministrinë e Jashtme dhe të Diasporës.
Jakupi i cili me vite jeton në Spanjë, është angazhuar nga ambasadori i Kosovës në Bruksel, Agron Bajrami, si këshilltar i jashtëm për çështje kulturore dhe mediatike.
Ndërkaq, shefja e Jakupit e Bajramit thotë se pagesa është modeste.
“Me këtë shumë modeste që nuk është pagë mujore, është shumë modeste për gjithë lobimin që bën. Ai nuk është këshilltar i imi, ai ka një kontratë. Më vjen keq që Gani Jakupi përballet me një fushat të tillë”, tha ministrja e MPJD-së, Donika Gërvalla.
Derisa raportoi në Komisionin për Punë të Jashtme, kryediplomatia kosovare pati debat të ashpër për 7 mijë e 500 eurot e Jakupit me deputeten e PDK-së, Ariana Musliu – Shoshi.
Artisti, Gani Jakupi ka lidhur kontratë me MPJD-në në qershor të këtij viti, edhe shpenzimet për angazhimin e tij paguhen nga buxheti i Kosovës, ka sqaruar gjatë ditës Ministria e Punëve të Jashtme dhe Diasporës. MPJ-ja, madje, kontaktet e tij i quajti pasuri!
MPJ-ja sqaroi se kontrata është lidhur duke i respektuar të gjitha procedurat e parapara me ligj dhe se përzgjedhja e konsulentit është bërë duke u bazuar në nevojat specifike të projektit konkret.
Prokuroria Speciale e Kosovës është e bindur që Zlatan Arsiq, i cili gjatë 20 vjetëve të kaluara shërbeu në Policinë e Kosovës, ka kryer krime lufte në Kamenicë gjatë periudhës së luftës.
Sipas organit të akuzës, Arsiq, në bashkëpunim me pjesëtarë të policisë serbe dhe grupeve paramilitare, keqtrajtoi e kanosi me jetë Besim Muhaxherin.
Por, sipas Prokurorisë, gjatë provave që do të prezantohen në këtë gjykim, do të dëshmohet që ish-pjesëtari i Policisë mori pjesë edhe në dëbimin e torturimin e civilëve të tjerë shqiptarë në Kamenicë, gjatë marsit të vitit 1999.
Ndërsa, Arsiq duke u thirrur në kohën kur shërbente si Polic, mohon akuzat.
“Qe 20 vjet kam qenë polic i Kosovës në Kamenicë, e njoh Besimin dhe ai më njeh mua. Ajo me të cilën po ngarkohem nuk e kam bërë unë dhe nuk kam pasur problem me asnjë shqiptar”, tha Arsiq.
Megjithatë, mbrojtja nuk kontestoi se ngjarja ka ndodhur. Sipas mbrojtjes, megjithatë, nuk ka prova materiale që e inkriminojnë Arsiqin. Rrjedhimisht mbrojtja kërkoi që t’i zëvendësohet masa e paraburgimit me atë të arrestit shtëpiak, ose të dorëzanisë.
“Jemi të gatshëm t’i deponojmë 30 mijë euro. Mbrojtja konsideron që Prokuroria nuk ka arritur të sigurojë asnjë provë materiale”, tha Vasilije Arsiq, avokat i Zlatan Arsiqit.
Gjykata ka refuzuar propozimin e mbrojtjes, i cili u kundërshtua edhe nga Prokuroria.
Zlatan Arsiq është arrestuar në mars të këtij viti dhe po mbahet në Burgun e sigurisë së lartë.
operatorëve ekonomikë që ofrojnë vetura me qira në Kosovë.
Tre ditë pas nënshkrimit të udhëzimit administrativ nga Ministrja e Industrisë, Rozeta Hajdari, objekti i Ministrisë u rrethua nga dhjetëra vetura të qiradhënësve.
Pronarët me protestë, kundërshtuan dy pika të udhëzimit.
“Ne do të vazhdojmë të qëndrojmë këtu, sepse është bërë një udhëzim i papranueshëm për ne, ne kundërshtojmë që qiradhënësi t’i ketë më shumë se 10 vetura dhe kilometrazhi i tyre të jetë 200 mijë kilometra”, tha Fehmi Morina, pronar.
“Ne e kemi këtë biznes, punë jetësore, kemi investuar në të, nuk kemi tjetër, andaj nuk janë të logjikshme këto kushte aspak”, shtoi Morina.
Teksa Policia kishte bërë përgatitjet duke shtuar numrin e policëve, Ministrja Hajdari u largua nga objekti gjysmë ore para protestës.
Megjithatë, u kthye disa orë më pas dhe takoi protestuesit. Ajo u kishte premtuar se udhëzimi administrativ do të rishikohet.
“Në u takuam me të dhe ia adresuam kërkesat tona, ka mbetur të rishikohet udhëzimi administrativ”, tha Albion Shala, pronar.
Për më shumë se tri orë sa zgjati protesta, rruga kryesore “Arbënor e Astrit Dehari” mbeti e paqarkullueshme.
Nëse kërkesa e qiradhënësve të veturave për ndryshimin e udhëzimit nuk merret parasysh, ata kanë paralajmëruar se do të ketë bllokim të qarkullimit në tërë kryeqytetin gjatë protestave të radhës.
Përkundër afatit të përmendur nga zëvendëskryeministri Besnik Bislimi, kontrata ndërmjet KEDS-it dhe Elektroseverit, e cila do t’i hapte rrugë faturimit të energjisë eklektike në katër komunat me shumicë serbe në veri, nuk u nënshkrua këtë javë.
Këtë e konfirmoi për ATV-në Zyra e Rregullatorit për Energji, derisa KEDS-i, Elektroseveri dhe Qeveria e Kosovës vazhduan me heshtje.
“Ju informojmë se Marrëveshja/Kontrata ndërmjet KEDS-it dhe Elektroseverit është në proces e sipër”, thuhet në përgjigjen e Zyrës Rregullatorit për Energji.
Pasi tha se nuk ka lajm për të dhënë lidhur me këtë çështje, zëdhënësi për Politikë të Jashtme i BE-së, Peter Stano, theksoi se u takon palëve të merren vesh për dëmin buxhetor, si pasojë e mosfaturimit që nga licencimi i Elektroseverit.
“Si lehtësues të procesit, ne përpiqemi t’i ndihmojmë palët e përfshira të gjejnë zgjidhje, por nuk flasim në emër të tyre. Lidhur me përgjigje praktike në pyetje praktike e konkrete, për ndikimin në buxhetin e Kosovës, kush çfarë paguan, kjo është diçka që duhet të trajtohet nga akterët kryesorë dhe partnerët kontraktualë. Ne jemi aty për t’iu ndihmuar t’i gjejnë zgjidhjet më të mira”, tha Stano.
Të enjten, ATV-ja raportoi se puna për finalizimin e kontratës po vijon, pas disa propozim-ndryshimeve të paraqitura në përmbajtje nga Përfaqësuesi i Posaçëm për Dialogun, Miroslav Lajcak, më 16 Nëntor, në Bruksel.
Që nga licencimi në Kosovë të kompanisë bijë të ndërmarrjes shtetërore energjetike të Serbisë, si pasojë e mos-faturimit në Mitrovicë të Veriut, Zveçan, Leposaviq dhe Zubin-Potok dëmi buxhetor është rreth 60 milionë euro.
Kontrata ndërmjet KEDS-it dhe Elektroseverit për nën-kontraktim të energjisë, sipas Udhërrëfyesit për Energjinë, do të duhej të ishte nënshkruar më së largu 10 ditë nga data e licencimit të kompanisë me seli në Mitrovicë të Veriut.
Në shkurt të këtij viti, kryeministri Albin Kurti njoftoi se kostoja e përgjithshme buxhetore nga mos-pagesa e energjisë elektrike në katër komunat në veri, që nga viti 1999, pa llogaritur koston e këtij viti, është rreth 320 milionë euro.
Përkushtim në përmirësim të marrëdhënieve me Serbinë përmes dialogut, ka kërkuar ministrja e Jashtme e Belgjikës, Hadja Lahbib, gjatë qëndrimit të saj në Prishtinë.
Lahbib e pritur nga ministrja Donika Gërvalla, po ashtu, ka folur edhe për sfidat e sigurisë në rajon dhe sjelljes agresive të Serbisë ndaj Kosovës.
“Tensionet janë ende të larta. Nga përvoja e dimë se vetëm me dialog mund të shkojmë tutje. Përgjigja që po e kërkojmë është deaskalimi dhe një përkushtim i ri për procesin e normalizimit. Kjo është e vetmja mënyrë për një paqe afatgjatë dhe që do t’iu japë dy palëve një të ardhme të integrimit në BE”, tha Lahbib.
Ndërkaq, kryediplomatja kosovare kërkoi nga Bashkimi Evropian që të jetë më e zëshme ndaj proceseve që po e rrezikojnë sigurinë dhe paqen në rajon.
“Biseduam gjatë rreth sfidave të sigurisë, atyre gjeopolitike dhe të rajonit tonë. Jo vetëm Kosova që përballet me sfidat e shumta për shkak të sjelljes agresive të fqinjit të saj, por edhe Evropa në përgjithësi dhe bota perëndimore përballet me luftëra dhe kërcënime, që vetëm të bashkuar mund t’i përballojmë”, tha ministrja e MPJD-së, Donika Gërvalla.
Ministrja belge gjatë qëndrimit në Kosovë është takuar edhe me liderët e shtetit, presidenten Vjosa Osmani dhe kryeministrin Albin Kurti. /atvlive.tv
Rektori i Kolegjit AAB, Lulzim Tafa, njëherësh një ndër poetët kosovar më të njohur në botë, është dekoruar nga shteti francez me titullin “Oficer i urdhrit kombëtar të letrave dhe arteve”. Kjo dekoratë është më e larta në fushën e artit dhe letërsisë nga Franca, ndërsa është edhe dekoratat më e lartë të cilën e ka marrë deri tani ndonjë shkrimtar nga Kosova.
Ceremonia e dekorimit u zhvillua në Ambasadën e Francës në Prishtinë, ku ambasadori Olivier Guérot, në emër të presidentit të Francës, Emanuel Macron, i dorëzoi poetit dhe profesorit, Lulzim Tafa, titullin “Oficer i urdhrit kombëtar të letrave dhe arteve”.
Ambasadori Guérot, në fjalën e tij, përgëzoi rrugëtimin e jashtëzakonshëm të Tafës, duke thënë: “Kombinimi i identitetit profesional të Lulzim Tafës, si poet dhe profesor, është një përzierje e jashtëzakonshme që ndërthur racionalitetin me një ndjeshmëri të thellë. Arritjet e tij akademike në fushën e së drejtës penale, krahas kontributeve të tij në kulturë, ilustron më së miri përkushtimin dhe talentin e tij të shumanshëm”.
”I nderuar zoti Tafa, si shumë nga bashkëqytetarët tuaj, lufta ju goditi fort, duke ju shkatërruar shtëpinë, duke shkatërruar bibliotekën tuaj me librat dhe fotografitë e saj, si dhe të gjitha 300 poezitë e shkruara me dorë. Me durimin, këmbënguljen dhe besimin në njerëzim, ju keni gjetur forcën përsëri dhe keni vazhduar punën, duke botuar vepra të shumta shkencore dhe letrare”, tha ambasadori Guérot.
Ai përmendi se janë të shumta Çmimet Ndërkombëtar për Letërsi, të cilat i ka marrë poeti Tafa, si dhe puna e këtij të fundit që është përkthyer në shumë gjuhë, si në frëngjisht, anglisht, gjermanisht, italisht, serbisht, kroatisht, gjuhën malazeze, boshnjakisht, rumanisht, arabisht, greqisht, turqisht, suedisht, etj.
Duke reflektuar për nderimin që i është bërë, poeti dhe profesori Lulzim Tafa shprehu mirënjohjen e tij, ku theksoi se është thellësisht i nderuar që e merr këtë dekoratë prestigjioze, duke shprehur respektin e tij më të lartë për kombin francez, presidentin Macron dhe Ambasadën e Republikës së Francës në Kosovë.
“Kjo njohje ka një rëndësi të madhe për artin dhe letërsinë franceze, një sferë që unë e admiroj thellësisht, veçanërisht poezinë, ku qartësia dhe pastërtia e shprehjes janë shenja dalluese të shkrimtarëve francezë. Vetëm një shpirt i madh, si ai i kombit francez, di të respektojë dhe nderojë kombet e vogla, të nderojë letërsinë e kombeve të vogla si dhe poetët e tyre. Mua më pëlqen letërsia franceze, veçanërisht poezia. Letërsia, si çdo gjë tjetër, po zhvillohet çdo ditë. Por kam besim se letërsia franceze do të rezistojë në çdo kohë, siç shkruajnë me qartësi dhe pastërti shkrimtarët francezë. Kjo e bën unike edhe letërsinë franceze”, tha poeti Tafa.
Ai tha se edhe si rektori Kolegjit AAB, është mirënjohës për bashkëpunimin e madh me Ambasadën e Francës në Kosovë.
Poeti Tafa shtoi se nderime të tilla si ky nder i madh që e mori sot nuk e bëjnë atë një shkrimtar më të madh apo më të rëndësishëm, por e bëjnë më të sigurt në punën e tij krijuese.
“Besimi për një poet ka një rëndësi të madhe, veçanërisht kur kjo vjen nga Franca, djepi i kulturës së kontinentit tonë. Unë besoj në fuqinë e poezisë. Gjatë gjithë jetës sime si krijues, kam marrë shumë nderime dhe dekorata, ku nderimet e mia më të fundit janë nga Ukraina. Aty jam nderuar nga Akademia dhe Patriarku i Shenjtë, si dhe nga organizatat e shkrimtarëve. Më nderuan sepse u përpoqa ta ndaloja atë luftë edhe para se të fillonte, me poezi. A mund ta imagjinoni se sa larg mund të shkojë imagjinata e poetit? Një poet nuk ka kurrë problem me imagjinatën. Një poet ka problem me realitetin. Dhe ky realitet nuk është ai që e donim”, u shpreh poeti Tafa.
Ai tha se ky nder që iu bë nga Faranca, i jep edhe më shumë motivim që ta vazhdojë punën e tij krijuese.
“Si poet, do të përpiqem që vargjet e mia t’i shërbejnë lexuesit për kënaqësi shpirtërore, ndërsa si jurist, profesor dhe drejtues, do të punoj që vendin tonë ta bëjmë më të jetueshëm, sepse e kemi detyrim ndaj brezave që vijnë. Ne duhet të kujdesemi për të krijuar më të mirën e humbur, jo vetëm për njerëzit, por edhe për kafshët, eko-sistemin dhe të gjitha krijesat e planetit tonë”, tha poeti Tafa.
Në ceremoninë e ndarjes së titullit “Oficer i urdhrit kombëtar të letrave dhe arteve” për poetin dhe profesorin Lulzim Tafa që u zhvillua në Ambasadën e Francës në Prishtinë, morën pjesë edhe shumë personalitete të njohura, ndër ta edhe kryetari i Prishtinës, Përparim Rama.
Kujtojmë se gjatë ditës së sotme, PEN Qendra e Kosovës e ka uruar Lulzim Tafën për marrjen e këtij çmimi prestigjioz dhe e ka falënderuar Francën për përzgjedhjen e anëtarit të PEN Qendrës për dhënien e kësaj dekorate.
PEN Qendra e falënderoi Lulzim Tafën për kontributin që ka dhënë në këtë Asociacion dhe i dëshiron edhe shumë çmime e dekorata të tjera në fushën e artit në të cilën ai shquhet-poezi. /atvlive.tv
Prokuroria Themelore në Prizren ka ngritur aktakuzë kundër të pandehurve: B.K., E.Sh., B.S., – person përgjegjës i personit juridik si dhe personit juridik- operatorit ekonomik, për shkak të dyshimit të bazuar mirë se kanë kryer veprat penale “Keqpërdorimi i pozitës apo autoritetit zyrtar” dhe “Keqpërdorimi dhe mashtrimi në prokurim publik”.
Sipas aktakuzës, të pandehurit B.K., dhe E.Sh., prej datës 18.05.2022 deri në muajin prill 2023, në Suharekë, në bashkëkryerje, duke vepruar në cilësi të personave zyrtarë, dhe atë B.K., në cilësinë e menaxherit të kontratës dhe E.Sh., në cilësinë e mbikëqyrësit të drejtpërdrejtë të menaxherit të kontratës, duke shfrytëzuar detyrën dhe autoritetin e tyre zyrtar, nuk i përmbushin detyrat zyrtare të tyre me qëllim që të përfitojnë çfarëdo dobie për vete dhe për persona tjerë, të njëjtit me dashje shkelin Ligjin për Prokurimin Publik dhe Rregulloren për Prokurim Publik.
“Në atë mënyrë që me vendimin e datës 18.05.2022 të lëshuar nga kryetari i Komunës së Suharekës caktohen në menaxhimin e kontratës “ndërtimi i rrugëve: “Rexhepi Velia – me segment”, “Molika”, “Shaljanët – segment”, “Kovaçi”, “Tafa”, “Jetush Shala” dhe “Haxhi Shania”.. në fshatin Mushtisht”, ku nga provat e siguruara rezulton që të hollat në vlerë prej 72,214.74 Euro, janë paguar për operatorin ekonomik, mirëpo rrugët nuk janë shtruar siç parashihej në kontratë, përderisa në vitin 2022 përpilojnë dokumentacione fiktive dhe të rrejshme, ku i pandehuri B.K., në bashkëkryerje me të pandehurin E.Sh., më datë 12.12.2022 përpilojnë dhe nënshkruajnë raportin e pranimit teknik duke konstatuar se kinse janë realizuar punimet sipas kontratës përderisa gjendja në teren ka qenë e pa realizuar deri në kohën kur prokuroria së bashku me hetuesit kanë filluar ndërmarrjen e veprimeve hetimore në këtë çështje penale, me ç’ rast të njëjtit të gjendur para një situate të tillë, në muajin prill të vitit 2023, në bashkëpunim me personin juridik – Operatorin Ekonomik me qëllim që t’i shmangen përgjegjësisë penale dalin në teren dhe shtrojnë rrugët e ridestinuara, të cilat rrugë nga ekspertiza e fushës së ndërtimtarisë rezultojnë me dëme material, ku trashësia mesatare e asfaltit në segmentin “Manastiri”, “Hasan Basha” dhe “Guri i gjatë” rezulton të jetë 6.5 cm, ndërsa me kontratë është 8.0 cm, pra trashësia mesatare është më e vogël për 1.5 cm, trashësia mesatare e asfaltit në rrugën “Bajram Kurti” është 7.53cm, ndërsa me kontratë është 8.0 cm, pra trashësia mesatare është më e vogël për 0.47 cm, trashësia mesatare e mbushjes me tampon në rrugën “Sadri Shasha” është 5.7 cm, ndërsa me kontratë është paraparë të jetë 10 cm, pra trashësia mesatare është më e vogël për 4.3 cm, me këto veprime i mundësojnë nga njëra anë operatorit ekonomik përfitim pasuror të kundërligjshëm dhe nga ana tjetër i shkaktojnë dëm material Komunës së Suharekës në vlerë prej 8,651.97 euro, pa llogaritur shkallën e dëmit në stabilitetin dhe jetëgjatësinë e rrugëve të punuara. Me këto veprime në bashkëkryerje kanë kryer veprën penale “Keqpërdorimi i pozitës apo autoritetit zyrtar”, thuhet në një komunikatë të Prokurorisë Themelore në Prizren.
Ndërsa, i pandehuri B.S., si personi përgjegjës i personit juridik dhe personi juridik i operatori ekonomik, prej datës 17.05.2022 deri në muajin prill të vitit 2023, në Suharekë, duke vepruar në cilësi të pronarit dhe përfaqësuesit të autorizuar të personit juridik-operatorit ekonomik, me dashje shkel procedurat dhe rregullat e prokurimit publik dhe nuk zbaton detyrimet që dalin nga kontrata e prokurimit publik, me qëllim të përfitimit për vete duke i shkaktuar dëm buxhetor Komunës së Suharekës, në atë mënyrë që i njëjti më datë 17.05.2022 nënshkruan kontratën e lartëcekur, në bashkëveprim me persona zyrtarë të Komunës së Suharekës, përkatësisht me menaxherin e kontratës B.K., në vitin 2022 përpilojnë procesverbale, situacione fiktive, si dhe raporte fiktive për kryerjen e punëve, përmes kompanisë së tij, përderisa gjendja në teren ka qenë e pa realizuar.
Sipas komunikatës, me këto veprime kanë kryer veprën penale “Keqpërdorimi dhe mashtrimi në prokurim publik”.
Prokurori i çështjes me rastin e ngritjes së aktakuzës, i ka propozuar gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur për veprat penale për të cilat akuzohen të shpallen fajtorë dhe të dënohen sipas ligjit, thuhet në njoftim.
Po ashtu, Prokurori i Shtetit konform dispozitave ligjore ka kërkuar nga gjykata që të pandehurve B.K. dhe E.Sh., përveç dënimit kryesor t’i shqiptohet dënimi plotësues – Ndalimi i ushtrimit të funksioneve në administratën publike ose në shërbimin publik.
Si dhe B.S., dhe personi juridik- operatorit ekonomik, përveç dënimit kryesor t’i shqiptohet dënimi plotësues – Ndalimi i ushtrimit të profesionit, veprimtarisë ose detyrës.
Me rastin e hapjes së Zyrës në Kosovë të Unionit të Bizneseve Shqiptaro-Gjermane, kryeministri i Kosovës, Albin Kurti, mori pjesë në ngjarjen ceremoniale të kësaj hapjeje.
Nën mesin e liderëve të bizneseve Shqiptaro-Gjermane, kryeministri Kurti përgëzoi Unionin e Bizneseve të cilët, siç tha ai kanë hedhur një hap shumë të rëndësishëm në përmbushjen e premtimit për të shërbyer si urë e fuqishme ndërlidhëse midis Kosovës dhe Gjermanisë, dy shteteve të cilat gëzojnë marrëdhënie të shëndosha politike, ekonomike, kulturore, diplomatike e tregtare.
“Unë e përgëzoj Unionin që ofron një platformë të këtillë bashkëpunimi, sepse janë ura jonë ekonomike dhe tregtare me Bashkimin Evropian, në veçanti me Gjermaninë, dhe jam i interesuar që të shohim se a ka mënyra të reja, të tjera, se si ta bëjmë këtë lloj bashkëpunimi edhe në fusha të cilat nuk i kemi bërë deri më tani, përveç se ta shtojmë intensitetin aty ku tashmë bashkëpunimi po ndodhë”, citohet në komunikatë Kurti.
Tutje, ai shtoi se bizneset tona po bëhen gjithnjë e më shumë konkurruese në tregun global dhe për një arritje të tillë bashkatdhetarët kanë një rol të pazëvendësueshëm përmes krijimit të mundësive për ndërmarrjet tona lokale në skenën ndërkombëtare. Rrjedhimisht kjo po dëshmon se si ne po bëhemi vend i orientuar kah eksportet, duke u përfshirë në tregun ndërkombëtar me produkte ushqimore dhe joushqimore.
Sipas kryeministrit, me mërgatën ndajmë edhe vlera të përbashkëta, siç është së fundmi edhe sistemi dual që tashmë e kemi me 12 profile, në 21 shkolla, në 14 komuna anembanë Kosovës, me ç’rast përveç forcimit të ekonomisë, mundësive të reja për punësim dhe zhvillimit të aftësive, ndërtojmë themelin për të mësuar gjatë gjithë jetës.
Qeveria e Republikës së Kosovës mbështet ekonominë e vendit duke i përkrahur bizneset përmes subvencionimit të kredive investive, me Ligjin për Investime të Qëndrueshme në bazë të së cilit edhe po themelohet Agjencia për Investime dhe Eksport, me synim të promovimit të mjedisit e të bërit biznes në Kosovë dhe me Kosovën.
“Projektet preliminare të investimeve për përmirësimit të mjedisit të të bërit biznes deri në vitin 2030 do të jenë mbi 10 miliardë euro. Mbi 50 projekte infrastrukturore përafërsisht rreth 5 miliardë euro ku bëjnë pjesë transporti me 2.5 miliardë, energjia me 1.5 miliardë dhe mjedisi me 1 miliard, dhe projekte kapitale të cilat vetëm në vitet 2023-2024 janë mbi 6 mijë me përafërsisht 1.7 miliardë, dhe e fundit por jo për nga rëndësia siç thuhet mbi 1.2 GË shtesë të kapaciteteve energji të ripërtëritshme”, vazhdoi ai.
Duke falenderuar ndërmarrësit për kontributin e tyre, kryeministri Kurti ritheksoi se fokusi i Qeverisë mbetet në ndërtimin e një ekonomie të qëndrueshme dhe zhvillimit shoqëror, ku progresi është i pakthyeshëm.
Ajsbergu më i madh në botë ka filluar të lëvizë pasi është “ankoruar” në fund të oqeanit për më shumë se 30 vjet.
Santa A23a u shkëput nga bregu i Antarktikut në vitin 1986, por pothuajse menjëherë u rrëzua në Detin Weddell dhe u bë një lloj ishulli akulli.
Me një sipërfaqe prej gati 4000 kilometrash katrorë, është dyfishi i madhësisë së Londrës dhe trashësia e saj është rreth 400 m. Për krahasim, Shard i Londrës, rrokaqiejt më i lartë në Evropë, është 310 metra i lartë.
Në vitet 1980, ajo ishte shtëpia e një stacioni kërkimor sovjetik, por pas ndarjes, Moska hoqi pajisjet nga baza Druzhnaya 1, nga frika se mund të mbetej pa të. Por ajsbergu nuk u largua shumë nga bregu dhe pjesa e poshtme e tij u “ankorua” fort në tokën me baltë të detit Weddell, shkruan BBC.
“Ajo ishte ‘ankoruar’ që nga viti 1986, por përfundimisht u tkurr mjaftueshëm për të filluar të lëvizë përsëri.”
Pse, pas pothuajse 40 vjetësh, A23a është përsëri në lëvizje? “Unë fola me disa kolegë për këtë. Pyesja veten nëse mund të ishte ndikuar nga ndryshimi i temperaturave të ujit. Konsensusi ishte se ishte koha për diçka të tillë,” tha Andrew Fleming nga British Antarctic Survey.
“Ishte ‘ankoruar’ që nga viti 1986, por përfundimisht u tkurr mjaftueshëm dhe filloi të lëvizë përsëri. Ne vumë re lëvizjen e parë në 2020,” shtoi ai.
Santa A23a tani kalon majën veriore të Gadishullit Antarktik. Ashtu si shumica e ajsbergëve nga sektori Weddell, A23a pothuajse me siguri do të lundrojë drejt Oqeanit Atlantik të Jugut dhe do të përfundojë në të ashtuquajturën “shtegu i ajsbergut”.
Të gjithë ajsbergët, pavarësisht sa të mëdhenj janë, përballen me të njëjtin fat – shkrirjen. Por nëse A23a ngec në Gjeorgjinë e Jugut, mund të shkaktojë probleme për miliona foka, pinguinë dhe zogj të tjerë deti që shumohen në ishull.
Një sasi e madhe A23a mund të prishë rrugët normale të kërkimit të ushqimit të kafshëve, duke i penguar ato të ushqejnë siç duhet të vegjlit e tyre. Por shkrirja e ajsbergëve nuk ka vetëm aspekte negative.
Ndërsa shkëmbinjtë shkrihen, ata lëshojnë pluhurin mineral që grumbulluan kur ishin pjesë e akullnajës. Ky pluhur është një burim i lëndëve ushqyese për organizmat që formojnë bazën e zinxhirëve ushqimorë të oqeanit.
“Këta ajsbergë mundësojnë jetën në shumë mënyra, ata janë burimi i shumë aktiviteteve biologjike”, tha Catherine Walker nga Instituti Oqeanografik Woods Hole.
Shkencëtarët brazilianë njoftuan zbulimin e një specie të re dinozauri, një kafshë e shpejtë që jetonte në shkretëtirë gjatë periudhës së hershme të Kretakut dhe u identifikua nga gjurmët e saj.
Lloji i ri, i quajtur Farlowichnus rapidus, ishte një kafshë e vogël mishngrënëse rreth 60-90 centimetra e gjatë, sipas shkencëtarëve. Zbulimi u publikua në revistën shkencore “Cretaceous Research”.
“Sipas distancës së madhe midis gjurmëve të gjetura, mund të konkludohet se ishte një dinozaur shumë i shpejtë që vrapoi mbi dunat e lashta”, thuhet në deklaratë.
Periudha e Kretakut të Hershëm zgjati nga 145 deri në 100 milionë vjet para Krishtit.
“Gjurmët e fosilizuara të dinozaurëve”, siç i quajnë shkencëtarët, u gjetën për herë të parë në vitet 1980 nga prifti dhe paleontologu italian Giuseppe Leonardi në qytetin Araraquari në shtetin e Sao Paulos.
Në vitin 1984, Leonardi dhuroi një nga mostrat e gjurmëve të gjetura në të ashtuquajturin Formacioni Botucatu, një grup shkëmbinjsh të formuar nga një shkretëtirë e lashtë dune, Muzeut Brazilian të Shkencave të Tokës.
Gjurmët e këmbëve janë të ndryshme nga të gjitha gjurmët e tjera të njohura të dinozaurëve, tha paleontologu Rafael Costa.
