ATV

Blog

  • ​Corriere Della Sera: Lukova dhe Ksamili, dy destinacionet me detin e kristaltë në Shqipëri

    ​Corriere Della Sera: Lukova dhe Ksamili, dy destinacionet me detin e kristaltë në Shqipëri

    Në Shqipëri nuk mungojnë plazhet e bukura dhe shpesh italianët zgjedhin t’i kalojnë pushimet këtu – edhe për të kursyer para. Vendi mesdhetar ofron akomodime me kosto të ulët. Lukova dhe Ksamili, dy pikat turistike në Rivierën Shqiptare, ndërthurin vlerat e bukurisë – të konsideruara si “Maldivet e Evropës”- me atë të komoditetit të jashtëzakonshëm, shkruan Elmar Burchia në të përditshmen italiane “Corriere Della Sera” botuar në rubrikën “Dove Viaggi”, transmeton ATSh.

    Të gjithë në Shqipëri. Edhe këtë verë? Vitin e kaluar, vendi i Gadishullit Ballkanik regjistroi shifra rekord në sektorin e turizmit: sipas zyrës vendase të statistikave, në Shqipëri kanë hyrë 9,5 milionë shtetas të huaj, një rritje prej 33,2% krahasuar me të njëjtën periudhë të vitit 2022.

    Shqipëria ka vetëm 2,8 milionë banorë. Piku i sezonit turistik, padyshim, u arrit në gusht ku u regjistruan 2 milionë pushues. Dhe shumë prej tyre ishin italianë, 10% e totalit.

    Ka shumë arsye pse njerëzit zgjedhin të vizitojnë Shqipërinë vitet e fundit: kurioziteti për të vizituar një vend më pak të njohur; afërsia me Italinë dhe fakti që është një destinacion mjaft i lirë në krahasim me çmimet- shumë të larta në destinacionet e mbipopulluara me njerëz.

    Shqipëria ofron plazhe të bukura dhe të pastra; pamje që të lëne pa frymë; peizazhe pothuajse të pacënuara; një det të mrekullueshëm; kuzhinë të shijshme; jetën e gjallë të natës dhe mikpritje vërtetë të ngrohtë.

    Vija bregdetare shqiptare shtrihet në 363 kilometra. Pothuajse të gjitha plazhet janë magjepsëse. Por cilat janë më të bukurat?

    Sipas ekspertëve të udhëtimeve, dy plazhet më të vlerësuara janë Lukova dhe Ksamili, dy vendpushime në Rivierën Shqiptare të konsideruara si “Maldivet e Evropës”.

  • ​Vjedhje e rëndë në Gjilan

    ​Vjedhje e rëndë në Gjilan

    Policia e Kosovës ka njoftuar për një rast të vjedhjes së rëndë në Gjilan.

    Në raportin 24-orësh thuhet se disa persona të panjohur kanë depërtuar në shtëpinë e viktimës (mashkull kosovar) ku kanë vjedhur një shumë të konsiderueshme të parave.

    Për rastin është njoftuar prokurori i cili ka udhëzuar fillimin e hetimeve.

    “Ankuesi mashkull kosovar ka raportuar se të dyshuar të pa njohur, kanë depërtuar në shtëpinë e tij ku sipas tij kane vjedhur një shumë të konsiderueshme të parave. Lidhur me rastin eshte njoftuar prokurori kujdestar I cili ka udhezuar fillimin e hetimeve”, njofton policia.

  • Rama sot do të takohet me presidentin Macron në Francë

    Rama sot do të takohet me presidentin Macron në Francë

    Kryeministri i Shqipërisë, Edi Rama do të zhvillojë këtë të premte një takim “tetë a tetë” me Presidentin e Francës, Emmanuel Macron.

    Në ditën e dytë të vizitës zyrtare në Francë, Rama do të pritet sot në orën 12:30 në një ceremoni zyrtare, e më pas në orën 13:00, do të mbërrijë në Pallatin Elysee, ku do të mirëpritet nga Macron me të cilin do të mbajë edhe një deklaratë për shtyp.

    Më pas, në praninë e kryeministrit Rama dhe presidentit Macron do të nënshkruhen disa marrëveshje ndërqeveritare dhe memorandume mirëkuptimi mes vendeve.

    Kurse në orën 14:45, Rama dhe Macron do të zhvillojnë një takim kokë më kokë mes tyre.

  • Shpërthim në Prishtinë, dyshohet për granatë dore – gjashtë vetura të dëmtuara

    Shpërthim në Prishtinë, dyshohet për granatë dore – gjashtë vetura të dëmtuara

    Një shpërthim ka ndodhur sot në rrugën “Zekirja Cana” në Prishtinë. Si pasojë e shpërthimit, gjashtë vetura janë dëmtuar, derisa nuk raportohet për ndonjë person të lënduar.

    Lajmin e ka konfirmuar zëdhënësi i Policisë për Rajonin e Prishtinës, Agron Borovci.

    “Rreth orës 07:00 është pranuar informata për një shpërthim në rrugën “Zekirja Cana” në Prishtinë. Policia menjëherë ka dalë në vendin e ngjarjes dhe nga informacionet e para bëhet e ditur se si pasojë e shpërthimit nga fragmentet e mjetit shpërthyes gjashtë vetura janë dëmtuar përderisa nuk raportohet për pasoja në njerëz.

    Përgjatë kryerjes së ekzaminimit të vendngjarjes rruga është bllokuar për lëvizje ndërkaq njësia për menaxhimin e mjeteve shpërthyese ka bërë pastrimin e terrenit. Rezultatet e para sugjerojnë që mjeti shpërthyes të ketë qenë granatë dore, ndërkohë që policia po vijon me ndërmarrjen e veprimeve të tjera për ndriçimin e rrethanave që karakterizojnë ngjarjen”, ka thënë Borovci.

  • Kontrabandë me mish në Leposaviq, shoferi ik nga vendi i ngjarjes

    Kontrabandë me mish në Leposaviq, shoferi ik nga vendi i ngjarjes

    Një rast i kontrabandimit me mallra, produkte tw mishit, ka ndodhur tw enjten në komunën e Leposaviqit, njofton policia.

    Sipas policisë një kamion me targa të Serbisë, i ngarkuar me rreth 4 ton mish pule, ka devijuar rrugën dhe ka hyrë rënë në një përrua. Policia bën të ditur se i dyshuari ka ikur nga vendi i ngjarjes.

    “Leposaviç 11.04.2024-19:40. Raportohet se një kamion me targa te shtetit serb me drejtues NN ka devijuar rrugën dhe ka hyrë në një prrua. Në kamion kishte të ngarkuara rreth 4 tonë mish të bardhë, kurse personi i dyshimtë është larguar në drejtim të pa njohur. Lidhur me rastin është njoftuar prokurori dhe rasti cilësohet si me lart. Njesitet policore relevante ne bashkëpunim me Doganën e Kosovës, janë duke u marrur me rastin”, thuhet në raportin e policisë.

  • Dita Ndërkombëtare e Fluturimit të Njeriut në Hapësirë

    Dita Ndërkombëtare e Fluturimit të Njeriut në Hapësirë

    Në vitin 2011, Asambleja e Përgjithshme e OKB-së duke njohur 50-vjetorin e fluturimit të parë njerëzor në hapësirë, shpalli 12 prillin si Ditën Ndërkombëtare të Fluturimit të Njeriut në Hapësirë​​.

    Rezoluta e datës 7 prill 2011, e quajti atë “një ditë për të festuar çdo vit, në nivel ndërkombëtar, fillimin e epokës së hapësirës për njerëzimin, duke riafirmuar kontributin e rëndësishëm të shkencës dhe teknologjisë hapësinore në arritjen e zhvillimit të qëndrueshëm, rritjen e mirëqenies së shteteve dhe popujve, si dhe sigurimin për të ruajtur hapësirën e jashtme për qëllime paqësore”.

    Data 12 prill u vendos në nder të 12 prill të vitit 1961, kur Yuri Gagarin, shtetas sovjetik, kreu fluturimin e parë njerëzor në hapësirë, një ngjarje historike që hapi rrugën për eksplorimin e hapësirës për të mirën e mbarë njerëzimit.

  • Shtiu me armë zjarri, arrestohet një person në Vushtrri

    Shtiu me armë zjarri, arrestohet një person në Vushtrri

    Të enjten pas mesnate në Vushtrri është arrestuar një person, pasi i njëjti kishte shtënë disa herë me armë zjarri.

    Siç njoftohet në raportin 24 orësh të Policisë së Kosovës, të njëjtit gjatë kontrollit i është sekuestruar një pistoletë dhe një karikator.

    Derisa, në vendin e ngjarjes janë gjetur tetë gëzhoja.

    “Është arrestuar i dyshuari mashkull kosovar pasi që kishte shtënë disa herë në ajër me armë zjarri. Gjatë kontrollit në veturën e të dyshuarit është gjetur dhe sekuestruar; një pistoletë dhe një karikator, ndërsa në vend të ngjarjes janë gjetur tetë gëzhoja. I dyshuari me vendim të prokurorit lirohet, rasti shkon në procedurë të rregullt”.

  • MPJD-ja hap edicionin e parë të shkollës për diplomaci të diasporës

    MPJD-ja hap edicionin e parë të shkollës për diplomaci të diasporës

    Akademia Diplomatike e Ministrisë së Punëve të Jashtme dhe Diasporës, sot hap edicionin e parë të shkollës për diplomaci të diasporës.

    Hapja do të bëhet në Prizren, në objektin e Parkut të Inovacionit dhe Trajnimeve.

    Ky event fillon nga ora 17:00.

  • Në FSK organizohet “Java Ndërkombëtare e Kadetëve”

    Në FSK organizohet “Java Ndërkombëtare e Kadetëve”

    Sot mbahet aktiviteti ‘Java Ndërkombëtare e Kadetëve” në objektin e Akademisë së Mbrojtjes në Kazermën “Adem Jashari” në Prishtinë.

    Përveç kadetëve të Forcës së Sigurisë së Kosovës pjesë e këtij aktiviteti gjatë kësaj jave do jenë edhe kadetë nga Kanada, Maqedonia e Veriut, Shqipëria, Shtetet e Bashkuara të Amerikës dhe Turqia.

    “Përveç kadetëve të Forcës së Sigurisë së Kosovës pjesë e këtij aktiviteti gjatë kësaj jave do jenë edhe kadetë nga: Kanada, Maqedonia e Veriut, Shqipëria, Shtetet e Bashkuara të Amerikës dhe Turqia, me ç ‘rast do të shkëmbejnë eksperiencat dhe përvojat ushtarake të shteteve të tyre”, thuhet në njoftimin e Forcës së Sigurisë së Kosovës.

  • Mëngjesi është vakti më i rëndësishëm

    Mëngjesi është vakti më i rëndësishëm

    Mëngjesi është vakti kryesor për të filluar dietën tuaj në një mënyrë të shëndetshme.

    Problemi qëndron se ne shpesh bëjmë gabime duke e kthyer këtë vakt në një formë të paekuilibruar, sepse mund të përfshijmë shumë sheqer, yndyrë dhe shumë kalori. Ja se si mund t’i rregullojmë këto gabime:

    1.Merrni ushqime të pasura në proteina

    Nuk duhet ta filloni ditën tuaj me shumë sheqer. Më mirë do të ishte të konsumonit ushqime me shumë fibra dhe proteina, sepse ato mund t’ju ndihmojnë në uljen e sheqerit në gjak, si dhe largimin e rrezikut të prekjes nga sëmundje të ndryshme kardiovaskulare. Ju nuk duhet ta ngarkoni trupin tuaj me shumë lëng. Një gotë me lëng nuk është e njëjtë si një copë e frutave. Një portokall përmban vetëm 62 kalori dhe 3 gram fibra, ndërsa një filxhan mesatar me lëng ka 112 kalori dhe 0 fibra. Të gjithë ju që keni menduar se lëngu është shumë i mirë për mëngjes jeni duke i dhënë trupit tuaj një sasi të konsiderueshme sheqeri.

    2.Qumësht pa sheqer

    Sheqeri në qumësht mund të rrisë balancën e baktereve në zorrë, të cilat mund të shkaktojnë intolerancë të glukozës dhe deri në shfaqjen e rrezikut për sëmundje të ndryshme metabolike. Ju mund të ndiheni të kënaqur kur qumështit tuaj i fusni pak sheqer. Kombinimi i qumështit që konsumoni në mëngjes me pak vanilje, me pak kanellë, mund të rrisin shijen dhe përmbajnë zero kalori dhe sheqer.

    3. Mos e konsumoni mëngjesin sapo të zgjoheni

    Duhet të dini gjithashtu se konsumimi i mëngjesit tuaj nuk duhet të kryhet menjëherë sapo të jeni ngritur. Do të bënit shumë mirë që të qëndroni dy orë pa ngrënë dhe pastaj të hani mëngjes. Kështu trupi juaj do të marr vlerat e duhura ushqimore, por edhe ju nuk do të shtoni në peshë.

    4.Jo vetëm fruta në mëngjes

    Pothuajse të gjithë mendojnë se po të hanë vetëm fruta në mëngjes ata kanë konsumuar një mëngjes të shëndetshëm. E vërteta nuk qëndron kështu, sepse frutat nuk do t’ju furnizojnë juve me energji të mjaftueshme për një kohë të gjatë. Gjithashtu në këtë mënyrë ju dëmtoni edhe stomakun tuaj. Prandaj e mira është që të konsumoni gjithmonë mëngjesin në mënyrën e duhur, me ushqimet e duhura dhe në kohën e duhur.