Blog

John Healey ka dhënë dorëheqjen si sekretar i mbrojtjes në një letër drejtuar kryeministrit britanik, Keir Starmer.

Ai përshkruan fushat për të cilat është krenar, duke përfshirë udhëheqjen në mbështetjen për Ukrainën gjatë luftës së saj me Rusinë dhe vendosjen e Britanisë si një zë kryesor në NATO, shkruan BBC.

Megjithatë, ai ankohet për financimin për Planin e Investimeve në Mbrojtje të shumëpritur.

Ai thotë se zgjidhja financiare e DIP – “e cila më është dhënë për herë të parë e plotë të hënën pasdite të kësaj jave” – ​​është “shumë e pamjaftueshme për atë që kërkohet për mbrojtjen dhe vendin në këtë kohë të rrezikshme”.

Letra e Healey drejtuar Starmer:

Kjo epokë e re për mbrojtjen kërkonte investime të mëtejshme përmes Planit të Investimeve në Mbrojtje. Puna e shkëlqyer dhe e gjerë ndërqeveritare që përfundoi në janar – e mbikëqyrur nga ju, unë dhe Kancelari – konfirmoi shkallën e sfidës dhe kërkesat në rritje për mbrojtje. Që atëherë, ju nuk keni qenë në gjendje, dhe Thesari nuk ka qenë i gatshëm, të angazhojë burimet që kombi ka nevojë për të mbrojtur vendin në këtë kohë kërcënimesh në rritje. Siç jua kam përshkruar, ka mënyra të besueshme për t’u përballur me sfidat e financimit afatmesëm, duke punuar në nivel shumëkombësh dhe siç po bëjnë vendet e tjera evropiane, për të na lejuar të mbrojmë aftësinë tonë për të përmbushur misionet e Qeverisë sonë Laburiste. Ju e dini se çfarë i duhet mbrojtjes. Ju e argumentuat këtë me forcë në fjalimin tuaj në Konferencën e Sigurisë në Mynih në shkurt. Pa një DIP (Plan Investimesh në Mbrojtje) që i përshtatet momentit në këtë mënyrë, po detyrohem të marr vendime që do të ulnin gatishmërinë e Forcave tona dhe do të rrisnin rrezikun për personelin në operacione, dhe mund ta bënin vendin më pak të sigurt.

Partia e Albin Kurtit, Lëvizja Vetëvendosje, arriti t’i ‘rrëmbejë’ veç 14 për qind të votave në Skenderaj, për dallim nga komunat e tjera, ku kryesisht ka dalë e para.

Sipas rezultateve preliminare, VV ka marrë 2 mijë e 242 vota në këtë komunë.

Renditja e kandidatëve nis nga kreu, Albin Kurti, pas tij Glauk Konjufca, Hysni Mehani, Albulena Haxhiu, Hekuran Murati, Donika Gërvalla, Xhelal Sveçla, Avni Dehari, Ejup Maqedonci dhe Hajrulla Çeku – si 10-shja e parë.

Mehani, i cili ndonëse mori mbështetje nga partia pas rastit me Lushtakun, duket se është larg ulëses në Kuuvend.

Në nivel vendi, ai është i renditur i 81-ti, me 7 mijë e 449 vota, të pamjaftueshme për t’u bërë deputet bazuar në rezultatin zgjedhor.

Ndërsa Fatos Geci – emri i kësaj liste, që u kritikua shumë kohën e fundit, duket se ia pa sherrin deklaratave të tij skandaloze ndaj ish-presidentit Hashim Thaçi.

Në total, Geci ka marrë 7,834 Vota, duke u renditur aktualisht i 76-ti, ndësa në komunën e vet s’i ka marrë as 200 vota – e edhe më pak në fshatin e tij, Llaushë, ku veç 35 banorë e votuan.

Kreu i Grupit Parlamentar të PS-së, Taulant Balla gjatë fjalës së tij në Kuvend komentoj lajmet se kreut të PD-së Sali Berisha i është hequr non-grata. Balla iu drejtua se janë bërë si telefon i prishur. Sa i përket non-gratës, ai tha se do ta komentojë kur SHBA të të ketë njoftim zyrtar.

“Po na thuhet këtu se protesta e ka rritur suksesin e parë dhe eshte hequr non grata. Zotrote ndryshove edhe sloganin se ta kan dhënë të drejtën ty protestuesit t’iu ndryshosh sloganin. Madje thua se protestuesit sonte nuk do të bërtasin “Berisha në Burg” po “Berisha në Uashinton”.

Jeni bërë si telefon i prish. Ndoshta audio e telefonit të ndonje kolegu apo kolegeje nuk ka qenë mirë. Dëgjo, e vlerësoj unë ca them. 7 031 C me të cilën është shpall Berisha non grata, në vlerësimin tim është pak e vështirë të hiqet megjithatë do ta komentoj sapo nga Shteter e Bashkuara të ketë njoftim zyrtar. Nuk komentoj biseda telefonike se nuk është inistitucionale” tha ai ndër të tjera.

Partia Demokratike e Kosovës, bazuar në të dhënat preliminare të votave të numëruara e të publikuara në platformën online të Komisionit Qendror të Zgjedhjeve, ka siguruar 24 ulëse në Kuvendin e Kosovës me 21.42% të votave.

Pavarësisht se disa kandidatë për deputetë kanë arritur të marrin vota për ulëse në Kuvend, kuota gjinore mund t’i lë ata jashtë.

Deri në numërimin e mbi 87 për qind të votave të kandidatëve për deputetë, në PDK pesë gra kanë arritur të sigurojë votë për ulëse në organin legjislativ.

Megjithatë, siç parashihet me kuotën gjinore sipas Ligjit për Zgjedhjet e Përgjithshëm (30% është minimumi i përfaqësimit të njërës apo tjetrës gjini), në këtë përbërje duhet të jenë minimumi 8 gra.

Nga numërimi i deritashëm i votave, Kosovare Murseli, Eliza Hoxha dhe Ariana Musliu-Shoshi mund të zënë vendin e Adriatik Berishës, Xhavit Halitit, respektivisht Rrustem Mustafës, të cilët janë në pozitat 22, 23 dhe 24.

Duhet pasur parasysh se shifrat aktuale të votave të numëruara nuk janë finale, dhe renditja e kandidatëve për deputetë mund të ndryshojë.

Një investigim i përbashkët nga disa media nordike dhe baltike ka zbuluar se Rusia po zgjeron infrastrukturën ushtarake pranë kufijve të saj për të akomoduar dhjetëra mijëra trupa shtesë.

Mediat kanë analizuar imazhet satelitore të objekteve ushtarake ruse pranë kufijve evropianë dhe kanë gjetur aktivitet të gjerë ndërtimi në disa vende.

Imazhet zbulojnë kazerma të shumta të reja të afta për të strehuar mijëra trupa, si dhe depo municionesh dhe vende për ruajtjen e pajisjeve.

Kazerma dhe grupe të reja pajisjesh ushtarake janë identifikuar në Pechenga, rreth 10 km nga kufiri norvegjez në Lapland. Zhvillime të ngjashme janë duke u zhvilluar në Petrozavodsk pranë kufirit finlandez. Pajisjet po grumbullohen gjithashtu në Sapernoye pranë Finlandës, Luga në Oblastin Pskov dhe Baltiysk në Oblastin Kaliningrad të Rusisë.

Një kompleks i ri infrastrukturor ushtarak është në ndërtim e sipër në Kirillovskoye, rreth 70 km nga kufiri finlandez, ndërsa një bazë ekzistuese në Kandalaksha në Detin e Bardhë po zgjerohet.

Si pjesë e hetimit, gazetarët intervistuan gjithashtu zyrtarë të sigurisë dhe ekspertë ushtarakë.

Sipas gjenerallejtënant Pasi Välimäki, komandant i Ushtrisë finlandeze, infrastruktura e zgjeruar e Rusisë përfundimisht mund të akomodojë rreth 80,000 trupa pranë kufirit të Finlandës, krahasuar me afërsisht 20,000 që ishin më parë.

Vetëm baza në Pechenga pritet të jetë e aftë të strehojë deri në 17,000 trupa pas zgjerimit, nga kapaciteti i saj aktual prej 7,000. Në përgjithësi, objektet e reja dhe të zgjeruara mund t’i lejojnë Rusisë të stacionojë deri në 115,000 personel përgjatë kufijve të saj me Evropën Veriore dhe rajonin e Balltikut.

Thomas Nilsson, kreu i Shërbimit të Inteligjencës dhe Sigurisë Ushtarake të Suedisë, tha se zhvillimet përfaqësojnë një kërcënim që duhet të merret seriozisht, duke shtuar se agjencia e tij nuk beson se grumbullimi ushtarak është thjesht për shëmbëlltyrë, por përkundrazi synon përgatitjen e kapaciteteve për një konfrontim në shkallë të gjerë me NATO-n në të ardhmen.

Besohet se forcat ruse po planifikojnë të stacionohen në këto objekte pasi të përfundojë faza aktive e luftës kundër Ukrainës.

Gjenerali major Brian Nissen, komandant i forcave të NATO-s në shtetet baltike dhe Poloni, tha se për sa kohë që Rusia mbetet e bllokuar në Ukrainë, kërcënimi i menjëhershëm ushtarak është i ulët, por paralajmëroi se situata mund të ndryshojë me shpejtësi nëse ka një pauzë në luftime.

Shefi i Mbrojtjes së Norvegjisë, Eirik Kristoffersen, tha se nëse Rusia po i ndërton forcat e saj në nivelet që ka njoftuar – siç duket se tregojnë imazhet satelitore – kërcënimi ushtarak për Norvegjinë do të rritet.

Ekipi kombëtar i futbollit të Republikës Çeke përjetoi kaos në fillim të qëndrimit të tyre në Meksikë, ku po përgatiten për Kupën e Botës. Seanca e parë stërvitore në Guadalajara u shënua nga një aksident i çuditshëm trafiku, i cili u pasua nga një surprizë në fushë. Autobusi me lojtarët ngeci në hyrje të kompleksit sportiv, gjë që shkaktoi një kolaps trafiku.

Pas një konference për shtyp të drejtuar nga trajneri Miroslav Koubek, skuadra çeke u nis për seancën e parë stërvitore. Megjithatë, me të mbërritur në Sports Arena, e cila ndodhet përgjatë Autostradës Nogales, shoferi i autobusit hyri në hyrjen e gabuar, duke bërë që automjeti të ngecë.

Pavarësisht disa përpjekjeve për të manovruar, autobusi nuk mundi të lëvizte. Lojtarëve nuk u mbeti zgjidhje tjetër veçse të dilnin dhe të ecnin nëpër parking drejt fushës ku duhej të stërviteshin përpara ndeshjes kundër Koresë së Jugut.

Autobusi i ndaluar krijoi shpejt një bllokim trafiku, duke bllokuar dy nga tre korsitë në rrugën hyrëse. Garda Kombëtare, e cila po siguronte sigurinë për ekipin çek, gjithashtu erdhi në ndihmë, duke mbyllur korsinë e mbetur për t’i dhënë shoferit më shumë hapësirë për të manovruar. Por as kjo nuk ndihmoi. Për shkak të terrenit të pabarabartë dhe zhavorrit, autobusi mbeti i palëvizshëm.

¡REPÚBLICA CHECA COLAPSÓ EL TRÁFICO DE ZAPOPAN! 😰

El camión se quedó atascado en la entrada del complejo del entrenamiento y bloquearon la vialidad por casi una hora ❌

Los jugadores tuvieron que caminar un buen tramo para poder entrenar 😳 pic.twitter.com/PQXVaJt02v

— ESPN.com.mx (@ESPNmx) June 11, 2026

Dush i ftohtë gjatë stërvitjes

Kur lojtarët më në fund mbërritën në fushë dhe u mblodhën rreth stafit të trajnerëve për të marrë udhëzime, pasoi një tjetër tronditje. U vunë në punë spërkatësit automatikë, duke i lagur jo vetëm lojtarët, por edhe gazetarët e shumtë të mbledhur atje.

Ndryshe, Republika Çeke do të luajë ndeshjen e parë në Grupin A kundër Koresë së Jugut. Do të jetë ndeshja e dytë e Kupës së Botës dhe është planifikuar për nesër (e premte) në orën 4 të mëngjesit sipas kohës tonë lokale.

Të dielën e 7 qershorit një rast dhunimi është raportuar në Polici në komunën e Skenderajt.

Nga Prokuroria Themelore në Mitrovicë ka se viktima është e mitur dhe se ndaj të dyshuarit është caktuar masa e ndalimit prej 48 orësh.

“Po, vajza është e mitur. Personi i dyshuar është ndaluar për 48 orë. Rasti është duke u hetuar”, tha zëdhënësi i kësaj prokurorie Valon Preteni, ndërsa ka shtuar se hetimet po vazhdojnë.

Policia përmes raportit 24 orësh bëri të ditur se i dyshuari është arrestuar të mërkurën e 10 qershorit.

“Skenderaj / 07.06.2026 – 03:00. Më 10.06.2026 është arrestuar i dyshuari mashkull kosovar për shkak se i njëjti dyshohet se ka kryer veprën e lartcekur ndaj viktimën femër kosovare. I dyshuari pas inicimit të rastit me vendim të prokurorit është dërguar në mbajtje”, thuhet në raportin e policisë.