ATV

Blog

  • Vdes një fëmijë 2-vjeçar në QKUK

    Vdes një fëmijë 2-vjeçar në QKUK

    Një fëmijë i moshës dy vjeçare ka vdekur në Qendrën Klinike Universitare të Kosovës (QKUK).

    I njëjti ishte duke u trajtuar aty.

    Policia, përmes raportit 24 orësh ka njoftuar se me vendim të prokurorit trupi i pajetë i viktimës u është liruar familjarëve.

    “Fsh. Balaj, Ferizaj 11.07.2024-17:00. Është raportuar se në QKUK viktima mashkull kosovar, i moshës dy vjeçare, i cili ishte duke u trajtuar, ka ndërruar jetë. Me vendim të prokurorit trupi i pa jetë i viktimës u është liruar familjarëve”, thuhet në raport.

  • Syla: Mbi 470 mijë pacientë për gjashtë muaj në Emergjencë, sfidë mbingarkimi i klinikës

    Syla: Mbi 470 mijë pacientë për gjashtë muaj në Emergjencë, sfidë mbingarkimi i klinikës

    Drejtori i Klinikës Emergjente në Qendrën Klinike Universitare të Kosovës, Naser Syla, në një intervistë për Ekonomia Online ka thënë se në gjashtëmujorin e parë të këtij viti kanë trajtuar mbi 470 mijë pacientë, prej tyre 13 mijë si shkak i aksidenteve të shkaktuara në komunikacion.

    Ai ka thënë se sipas statistikave brenda 24 orëve në Qendrën Emergjente në QKUK trajtohen rreth 300 pacientë.

    Syla ka thënë se një numër i madh i pacientëve që pranojnë për trajtim janë nga rastet e aksidenteve të komunikacionit.

    “Qendra emergjente është e ngarkuar nga pacientë me një numër të lartë të tyre që prezantojnë gjatë 24 orëve. Ne zakonisht i kemi raportet e punës që i dorëzojmë Drejtorisë së QKUK-së dhe ShSKUK-së çdo tre muaj, tani i kemi përpiluar dhe dorëzuar tre mujorin e dytë apo gjashtë mujorin e punës kështu që shifrat janë ende të larta të pacientëve që kanë kërkuar trajtim në Qendrën Emergjentë, do të thotë janë të njëjta me vitin e kaluar. Kemi mbi 476 mijë e 690 pacientë që kanë kërkuar trajtim në Qendrën Emergjente gjatë këtij gjashtë mujori. Përkundër asaj që veç tre javë janë bërë që jemi në renovim të Qendrës Emergjente, prapë se prapë numri i pacienteve nuk ka zbritje mirëpo është ai trendi i lartë siç ka qenë vitin e kaluar”.

    “Statistikat e 24 orëve në Qendrën Emergjente deri para dy muajve të fundit, deri në kohën e gjysmës së majit edhe sot ka qenë diku 272 pacient kanë qenë mesatarja në 24 orë. Në këta dy muajt e fundit është rritur ajo mesatare dhe mbërrin diku 311 deri 313 pacient brenda 24 orëve. Në 24 orët e fundit kemi pasur 292 pacientë që kanë kërkuar ndihmë. Në 24 orët të fundit prej këtij numri të përgjithshëm të pacienteve 18 prej tyre kanë qenë prej aksidenteve të komunikacionit. Kurse nëse e marrim shifrën e gjashtë mujorshit diku, duke e përfshirë traumën, jo vetëm prej aksidenteve të komunikacionit por çdo traumë, çdo lëndime mbërrin diku 13 mijë e 337 pacientë”, ka thënë ai.

    Syla ka thënë se me problemin më të madh që përballet kjo qendër është se një numër i madh i pacientëve që shkojnë për tu trajtuar nuk janë për trajtim të nivelit tretë apo nivelit tercial.

    Sipas tij, në mungesë të Spitalit të Prishtinës, Qendra Emergjente dhe QKUK-ja janë duke e luajtur rolin e Spitalit të qytetit.

    “Një prej problemeve më të mëdha që ne përballemi këtu është kjo se një numër i madh i pacienteve që prezantojnë Qendrën Emergjente, nuk janë për trajtim të nivelit tretë apo nivelit tercial. Mundet që të marrin trajtimin adekuat edhe në ambulantet e Mjekësisë Familjare, mirëpo në qytetin e Prishtinës ekziston një problem për shkak të mungesës së spitalit të qyteti edhe domosdo Qendra Emergjente edhe QKUK-ja në përgjithësi janë duke e luajtur rolin e Spitalit të Qytetit. Por prapë së prapë mund të themi se një numër i madhi pacienteve nuk kanë nevojë që të trajtohen në QKUK gjegjësisht në Qendrën Emergjente”, ka thënë ai.

    Në mungesë të Spitalit të Prishtinës, kryeqytetasit detyrohen të kërkojnë shërbime në Qendrën Emergjente, andaj Syla e sheh të domosdoshme ndërtimin e Spitalit të Prishtinës. Sfidë tjetër është fakti që detyrohen t’i mbajnë pacientët me orë të tëra për shkak të mbingarkimit të klinikave përkatëse. Shembull e merr atë të Mjekimit Intensiv Qendror që pacientët e referuar për këtë klinikë nuk mund t’i dërgojnë për shkak të mungesës së shtretërve të lira.

    “Numrin e përgjithshëm të pacienteve normalisht që dominojnë pacientet nga Prishtina. Kur flasim si me arsye si pa arsye shumica prej tyre, me qenë se spitalet rajonale të Kosovës që janë shtatë, kanë mungesë të një profili të caktuar, për shembull të trajtimit të pacienteve atje siç është Neurokirurgjia, Kirurgjia Torakale mandej Kirurgjia, Kirurgjia Vaskulare. Atëherë domosdo ata janë detyruar që t’i dërgojnë pacientet ë tillë në QKUK ku janë kuadri dhe ju jepte tretmani pacienteve të tillë”.

    “Është një numër i madh, për shkak ngarkimit të Qendrës Emergjente, ngarkohet edhe mjekimi intensiv qendror, ku dihet që në QKUK Mjekimi Intensiv Qendror i ka 20 shtretër, e shumica e pacientëve të tillë që sillen nga spitalet rajonale vijnë në gjendje të rëndë që duhet asistenca e respiratorëve të kyçen në aparat edhe njëjtën kohë kemi ngarkesë edhe të Qendrës Emergjente edhe mjekimit intensiv qendror. Për shembull kemi raste që duhet që pacienti të mbetet në Qendrën Emergjente 12 orë ose 24 orë për shkak të mungesës së vendeve të Mjekimit Intensiv Qendror. A e dim saktësisht që spitalet e tjera rajonale mjekimet intensive i kanë shumë mirë, por për fat të keq janë shumë pak të shfrytëzuar”, ka thënë ai.

  • Arratisjet e fundit, Shërbimi Korrektues i Kosovës mban konferencë për media

    Arratisjet e fundit, Shërbimi Korrektues i Kosovës mban konferencë për media

    Shërbimi Korrektues i Kosovës do të mbajë sot konferencë për media.

    Konferenca mbahet në ora 11:00 në Drejtorinë Qendrore të SHKK-së, ku do të flitet për arratisjet e fundit e të burgosurve nga institucionet e tipit të hapur.

    Në konferencë do të marrin pjesë zëvendësministri i Drejtësisë, Blerim Sallahu, dhe Drejtori i Përgjithshëm i SHKK-së, Ismail Dibrani, të cilët do të japin informacione të detajuara mbi këtë çështje.

  • Vala e të nxehtit, nga sot do të ketë kufizim të orarit të punës për këto tri kategori

    Vala e të nxehtit, nga sot do të ketë kufizim të orarit të punës për këto tri kategori

    Nga sot e deri më 20 korrik me vendim të Ministrisë së Shëndetësisë do të lirohen nga puna gratë shtatzëna, qytetarët me sëmundje kronike do të punojnë me orar të shkurtuar deri në 4 orë në ditë, si dhe do të ndalohet puna në sektorin e ndërtimtarisë në ambiente të hapura gjatë orarit 11:00 – 17:00.

    Ky vendim i MSH-së është marrë në bazë të rekomandimeve të Institutit Kombëtar të Shëndetësisë Publike të Kosovës, për shkak të rritjes së konsiderueshme të temperaturave në ditët në vijim.
    Ministria e Shëndetësisë ka njoftuar se varësisht prej temperaturave që mbizotërojnë gjatë muajit korrik dhe gusht 2024, ndërmerren masa të tjera.
  • Mali i Zi sot shënon Ditën e Shtetësisë

    Mali i Zi sot shënon Ditën e Shtetësisë

    Dita e Shtetësisë shënohet për të kujtuar 13 korrikun e vitit 1878, kur Mali i Zi në Kongresin e Berlinit u pranua si shtet i pavarur, si dhe 13 korrikun e vitit 1941, kur filloi kryengritja kundër fashizmit.

    Në referendumin e mbajtur më 21 maj 2006, 55,5 për qind të qytetarëve janë shprehur për pavarësinë e Malit të Zi.

    Pavarësia e Malit të Zi është shpallur më 3 qershor, ndërsa më 28 qershor 2006 u bë anëtari i 192-të i OKB-së.

    Mali i Zi më 11 maj 2007 është anëtarësuar në Këshillin e Evropës, ndërsa më 5 qershor 2017 në NATO. /KosovaPress/

  • Shërbimi Korrektues i Kosovës ka hapur tender për furnizim me 3 mijë pula për Burgun e Dubravës, për to kujdesen të burgosurit

    Shërbimi Korrektues i Kosovës ka hapur tender për furnizim me 3 mijë pula për Burgun e Dubravës, për to kujdesen të burgosurit

    Fillimisht përkujdeset që shpezët të kenë ushqim. Në këto ditë të nxehta, rëndësi të madhe i kushton edhe sasisë së ujit. Në fund, Nazmi Ejupi, i cili vuan dënimin në Qendrën Korrektuese në Dubravë, kujdeset që vezët t’i sistemojë në një vend të freskët. Këtë punë, ai e bën tash e 8 muaj.  

    “Pulat kanë nevojë për përkujdesje, prej mëngjesit ne kujdesemi për ujin, për ushqimin dhe për pastërtinë e tyre”, tha Ejupi.

    Shërbimi Korrektues i Kosovës hapi tender për t’i blerë edhe 3000 pula të tjera.

    “Ky aktivitet me ndihmon jashtëzakonisht shumë,sepse këtu i kaloj 8 orë. Po kemi mundësi me u përkujdes edhe për më shumë pula, sepse i kam edhe ca kolegë që përkujdesen për to”, deklaroi tutje Ejupi.

    Me blerjen e pulave të reja, synohet kursimi i buxhetit dhe risocializimi i të burgosurve.

    “Këtu fuqia punëtore është e lirë, punojnë të dënuarit dhe këto aktivitete ndikojnë shumë nërisocializimin e tyre. Ata kalojnë këtu shumë kohë, nga mëngjesi deri në mbrëmje”, u përgjigj Besim Januzaj, agronom në burgun e Dubravës.

    Ata të cilët vuajnë dënimin në burgun e Dubravës, e kalojnë kohën duke kryer edhe punë të tjera.

    “E kemi edhe fermën e lopëve, e kemi pemëtarinë dhe vlen të theksohet se e kemi edhe thertoren që nga lopët e prera kemi pasur mbi gjysmë milioni qarkullim”,  shtoi tutje Januzaj.

    Megjithatë, sipas Këshillit për Mbrojtjen e të Drejtave dhe Lirive të Njeriut, burgjet në Kosovë kanë hapësira edhe për shumë aktivitete të tjera.

    “Ka aktivitete të shumta, por burgjet në Kosovë kanë shumë hapësira që nuk po shfrytëzohen. Duhet të këtë më shumë aktivitete”, tha Valentina Demolli nga KNDLNj.

    Aktualisht, në institucione korrektuese në Kosovë, llogaritet se janë duke u mbajtur mbi 1600 persona./atvlive.tv

    Për më shumë klikoni në linkun e mëposhtëm:

    https://youtu.be/nIj5T0Vp2pI?si=efy7oNV0tNiMwVrP

  • Pas mbylljes së komunave paralele serbe dyshohet se shërbimet administrative po ofrohen në disa lokale të gastronomisë

    Pas mbylljes së komunave paralele serbe dyshohet se shërbimet administrative po ofrohen në disa lokale të gastronomisë

    Gjashtë muaj pasi u mbyllën, katër objektet e komunave paralele serbe në Vranisht të Dragashit, Gorazhdec të Pejës, Osojan të Istogut dhe Videjë të Klinës janë jashtë funksionit.

    Por ka dyshime që shërbimet që ofroheshin në to, tashmë po vazhdojnë në forma të tjera.

    ATV-ja merr vesh jozyrtarisht se, persona me detyrë të caktuar, shërbimet komunale me sistem të Beogradit, po i ofrojnë nëpër disa lokale të gastronomisë. Ata dyshohet se i mbledhin dokumentet e qytetarëve tëkomunitetit serb, dhe më pas i dërgojnë për procesim matanë kufirit në Serbi dhe anasjelltas.

    Ndërsa, në një dokument të institucioneve të sigurisë që e kemi parë, thuhet se strukturat ilegale të Serbisë janë duke e zhvendosur administratën, pas mbylljes së komunave paralele. Për këtë, institucionet e Serbisë e kanë blerë një objekt nëRashkë, për të ofruar shërbime administrative për komunat me shumicë serbe në Kosovë, sidomos atyre në veri. Po ashtu, njësoj po ndodh edhe në Kurshumli.

    Në dy aksione të ndara, më 26 janar dhe 2 shkurt, me vendim të prokurorisë, policia mbylli komunat paralele në qarkun e Dragashit dhe në atë të Dukagjinit.

    Organet e rendit sekuestruan dokumente e pajisje elektronike, ndërsa brenda kishte edhe materiale të fushatës zgjedhore të Listës Serbe.

    Zëdhënësi i Prokurorisë Themelore në Pejë, Shkodran Nikçi, konfirmon se dëshmitë mbeten ende të sekuestruara, por që ende nuk është arritur të intervistohen të gjithë shtatë të dyshuarit për këtë rast.

    Në një përgjigje me shkrim, qeveria thotë se brenda këtyre gjashtë muajve është rritur interesimi i qytetarëve për t’i zëvendësuar dokumentet dhe shërbimet e strukturave ilegale, me ato të Republikës së Kosovës, përfshirë pasaportat e letërnjoftimet, por edhe konvertimin e patentë-shoferëve.

    Aksionet e fillimvitit i kishin përcjellë nga afër dy ministra të qeverisë, Xhelal Sveçla i Punëve të Brendshme dhe Elbert Krasniqi i Administrimit të Pushtetit Lokal. Në paraqitjet e tyre kishin thënë se në Kosovë nuk ka vend për institucionet ilegale të Serbisë.

    Për mbylljen e këtyre katër komunave paralele, kishin reaguar Bashkimi Evropian dhe Shtetet e Bashkuara të Amerikës, duke thënë se kjo nxit tensione të reja, si dhe ndikon negativisht në komunitetin serb.

    Pas kësaj kohe, qeveria dhe organet e rendit nuk kanë ndërmarrë aksione të tjera, për mbylljen e institucioneve paralele serbe brenda Kosovës./atvlive.tv

    Për më shumë klikoni në linkun e mëposhtëm:

    https://www.youtube.com/watch?v=OKLREAmODLY

  • Bazuar në të dhënat preliminare, vetëm 9 komuna të Kosovës patën rritje të numrit të popullsisë

    Bazuar në të dhënat preliminare, vetëm 9 komuna të Kosovës patën rritje të numrit të popullsisë

    Prishtina vazhdon të jetë komuna me popullsinë më tëmadhe në Kosovë me 227 mijë e 154 banorë, apo 28.257 banorë më shumë sesa më 2011.

    Por rritjen më të madhe që atëherë e pati komuna fqinje e kryeqytetit, Fushë Kosova.

    Nga 34.827 banorë sa kishte më 2011, tash Fushë-Kosova numëron plot 64.078 banorë.

    29.251 qytetarë iu shtuan Fushë-Kosovës në 13 vjetët e fundit, duke e bërë kështu komunën merritjen më të madhe të popullsisë. Njëherësh Fushë-Kosova ka edhe dendësinë më të madhe me 762 banorë në 1 km2.

    Në fakt, janë vetëm 9 komuna që patën rritje të popullsisë dhe gjysma e tyre, komuna me shumicë serbe, që në 2011-tën kishte refuzuar të regjistrohej.

    Në pjesën tjetër prej 29 komunave, vërehet rënie e madhe e popullsisë.

    Prizreni edhe pse e dyta për nga popullsia, ka rënie të numrit të banorëve prej mbi 30 mijë.

    Ferizajt duke iu shtuar 735 banorë, e bënë vendin e tretë me më së shumti banorë në Kosovë.

    Ulje të numrit të banorëve pati edhe në 4 qendrat e mëdha të vendit.

    Gjakova doli me mbi 15 mijë qytetarë më pak se në 2011. Hiç më mirë nuk doli as Peja që pati rënie mbi 13 mijë qytetarë.

    Numri i popullsisë u tkurr edhe në Gjilan e në Mitrovicë, me nga mbi 7 mijë qytetarë.

    Ikje e madhe vërehet edhe në komunat më të vogla.Podujeva pati rënie mbi 17 mijë qytetarë, Skenderaj e Drenasi mbi 10 mijë, ndërkaq Vushtrria mbi 8 mijë banorë.

    Në komunat me shumicë serbe kryesisht pati rritje, derisa prin Graçanica me afro 10 mijë banorë më shumë se më 2011.

    Kështu në nivel vendi, krahasuar me regjistrimin e para 13 vjetëve, Kosova shënoi rënie të popullsisë prej 153 mijë banorësh, sipas statistikave preliminare./atvlive.tv

    Për më shumë klikoni linkun e mëposhtëm:

    https://www.youtube.com/watch?v=oyKjdljFVHU

  • Muhamet Alidemaj shpallet fajtor për krime lufte, dënohet me 15 vjet burgim

    Muhamet Alidemaj shpallet fajtor për krime lufte, dënohet me 15 vjet burgim

    Në fshatin Izbicë të Skenderajt, më 28 mars të 1999-s, u ekzekutuan me armë automatike 130 persona, prej të cilëve 114 viktima u identifikuan gjatë hetimit nga Prokuroria Speciale, kurse 12 civilë mbijetuan.

    Gjykata e shkallës së parë e ka vërtetuar se pjesë e forcave paramilitare serbe që e kishin kryer këtëmasakër, ishte edhe Muhamet Alidemaj, të cilit i shqiptoi dënim me burgim prej 15 vjetësh.

    Vendimin, Gjykata tha se përveç provave materiale, e mori bazuar edhe në dëshmitë e dëshmitarëve okularë,sikurse Xhemile Osmani 

    Mbrojtja e Alidemajt, i cili u dënua edhe për dëbim tëcivilëve, djegie të shtëpive e cenim të integritet trupor, tha se do ta apelojë vendimin. Gjatë gjykimit avokatët pretenduan se ai gjatë periudhës së luftës nuk ishte në Kosovë, por në Serbi.

    Por ndryshe mendojnë banorët e Izbicës, që ishin pjesë e këtij gjykimi.

    Muhamet Alidemaj është në paraburgim nga 31 mars 2021-s, kur u arrestua në fshatin e lindjes, në Kërninë, ndërsa aktakuza u ngrit një vit pas.

    Sipas të dhënave të Policisë dhe Prokurorisë Speciale, për 22 vjet ai asnjëherë nuk ishte kthyer në Kosovë.

    Ai ishte raportuar nga familjarët pas luftës si person i zhdukur, për çka gjatë procesit gjyqësor u prezantuan dokumentacione, dhe dëshmoi motra e tij, e cila sipas Prokurorisë, pati deklarata kundërthënëse. 

    Përveç saj, u dëgjuan edhe 20 dëshmitarë. Ndërkohë,masakra e Izbicës ishte pjesë edhe e aktakuzës në Tribunalin e Hagës, ndaj ish-udhëheqësve serbë si Millan Millutinoviq, Sreten Llukiq dhe të tjerëve./atvlive.tv

    Për më shumë klikoni në linkun e mëposhtëm:

    https://youtu.be/HL2HjlHSw8A?si=-IJlO2wLXYFunSIG

  • Kundërshtohet Projektligji për KPM-në, komuniteti i gazetarëve shpreson të shpallet antikushtetues

    Kundërshtohet Projektligji për KPM-në, komuniteti i gazetarëve shpreson të shpallet antikushtetues

    Licencimi dhe monitorimi i mediave online, gjoba deri në 40 mijë euro e kalimi nga funksionimi si organizata joqeveritare në kompani janë disa nga ndryshimet e miratuara në Projektligjin për Komisionin e Pavarur të Mediave.

    Ky projektligj u miratua në lexim të dytë të enjten, nëKuvend, me votat e 59  deputetëve. Miratimi nëKuvend sërish ngjalli kritika, derisa konsiderohet se ndryshimet janë të papranueshme për komunitetin e medias dhe gazetarëve në vend.  

    “KPM-ja nuk është institucion i pavarur politikisht,për t’ia vënë nën përgjegjësi monitorimin dhe kontrollimin e video-kontentit të mediave online, neni, sa i përket dënimeve, janë dënime joproporcionale që në rastin më të keq mund tëçojnë në mbylljen e mediave më të vogla”, tha Xhemajl Rexha, kryetar i AGK-së.

    Përveç përfshirjes së mediave online që prodhojnë video nën monitorimin e KPM-së, projektligji parasheh edhe rritjen e numrit të anëtarëve të KPM-së nga shtatë në 11 dhe zgjatjen e mandatit të tyre.

    “Të gjitha garancionet që garantojnë pavarësinë e këtij institucioni janë shkatërruar, mandati ështëbërë i tillë që do të mund të rrijnë aty deri në njëdekadë dhe pastaj shkarkimi është aq i lehtë, nëse disa deputetë konsiderojnë që nuk kanë më besimnë komision do të mund t’i shkarkojnë. Ajo që ështëe dhimbshme dhe e papranueshme është se garancioni që të ketë gra në këtë komision nuk është më aty dhe do të shohim një komision tëmbushur me burra”, deklaroi Flutura Kusari, juriste për media. 

    Pas miratimit të projektligjit, ka reaguar edhe misioni i OSBE-së në Kosovë, derisa Shefi i Zyrës së Bashkimit Evropian, Tomas Szunyog, shprehu keqardhje që Kuvendi nuk u rreshtua përkrah standardeve të BE-së. 

    Lidhur me projektligjin për KPM-në reagoi edhe ekzekutivi. Qeveria tha se projektligji sjell barazi dhe konkurrencë të shëndoshë në treg, andaj përcjell direktivën për Shërbimet e Mediave Audiovizuele të Bashkimit Evropian, hartuar nga ekspertët e Bashkimit Evropian. 

    Ndërkaq, për të hyrë në fuqi, Projektligji për KPM-në tani duhet të nënshkruhet nga presidentja, Vjosa Osmani.

    Nëse Presidentja brenda tetë ditësh pas marrjes së ligjit, nuk merr asnjë vendim për shpalljen ose kthimin e tij, ligji konsiderohet i shpallur, pa nënshkrimin e sajdhe publikohet në Gazetën Zyrtare.

    Megjithatë nga partitë opozitare PDK dhe LDK është paralajmëruar se do ta dërgojnë këtë projektligj në Gjykatën Kushtetuese. /atvlive.tv

    Për më shumë klikoni në linkun e mëposhtëm:

    https://youtu.be/PCcvVhhnDzI?si=HDaZts2CUXjUY3aZ